ბეზოსმა მესამე სახლი „მილიარდერების ბუნკერში“ იყიდა

Amazon-ის დამაარსებელმა და პლანეტის ერთ-ერთმა უმდიდრესმა ადამიანმა, ჯეფ ბეზოსმა, 90 მილიონ დოლარად, მესამე სახლი იყოდა ექსკლუზიურ კუნძულზე ინდიან-კრიკზე, რომელიც მაიამის ახლოს მდებარეობს. გასულ წელს, მილიარდერმა ორი ვილა შეიძინა: ივნისში - 68 მილიონ დოლარად, ოქტომბერში კი - 79 მილიონად. ბეზოსის მესამე სახლი მათგან კუნძულის საპირისპირო მხარესაა. ბეზოსის მეზობლები არიან დეველოპერი ჯეფ სოფერი და ნაციონალური საფეხბურთო ლიგის ლეგენდა, ტომ ბრედი. კუნძული ინდიან-კრიკი, რომელიც სამხრეთ ფლორიდასთან, ბისკეინის ყურეში მდებარეობს, „მილიარდერების ბუნკერის“ სახელით არის ცნობილი. იქ უმდიდრესი და ცნობილი ადამიანების, ასევე, ბიზნეს-მაგნატების სახლები მდებარეობს. დიდ მიწასთან კუნძულს ერთადერთი ხიდი აკავშირებს, რომელსაც პოლიცია 24 საათის განმავლობაში იცავს. იქ მდებარე ვილების საშუალო ფასი 30 მილიონი დოლარია, სულ კი კუნძულზე 40 ადამიანი ცხოვრობს. ინდიან-კრიკს „მსოფლიოში ყველაზე ექსკლუზიურ მუნიციპალიტეტს“ უწოდებენ. კუნძულის რეზიდენტები არიან: ბიონსე, კარლ კუშნერი და მისი მეუღლე, ივანკა ტრამპი. ფეხბურთის ვარსკვლავი ბრედი და მისი ყოფილი მეუღლე, ბრაზილიელი სუპერმოდელი ჟიზელ ბუნდშენი კი რაიონში „ეკო-ვილას“ აშენებდნენ, ვიდრე გაეყრებოდნენ.

ბეზოსისთვის ეს ერთადერთი ძვირადღირებული უძრავი ქონება არ არის. 2022 წელს, მილიარდერმა 78 მილიონ დოლარად ჰავაიზე, კუნძულ მაუიზე მამული შეიძინა.მას აქვს სახლები მანჰეტენზე, ელიტურ მეხუთე ავენიუზე, 2016 წელს, 23 მილიონად ვაშინგტონში ტექსტილის ყოფილი მუზეუმი შეიძინა, მერე კი მის საპირისპიროდ მდგარი შენობა გამოისყიდა, რადგან იქიდან ღია ხედი იშლებოდა მუზეუმის ქონებაზე. მილიარდერებს ხომ კონფიდენციალურობა უყვართ...