ბატონ სალივანთან განსაკუთრებულად მნიშვნელოვანი საუბარი მქონდა და ჩვენ შევეხეთ პრაქტიკულად ყველა საკითხს, რომელიც ეხება ორ ქვეყანას შორის არსებულ ურთიერთობას, სტრატეგიულ პარტნიორობას და თანამშრომლობას, - ამის შესახებ საქართველოს პრემიერ-მინისტრმა ირაკლი ღარიბაშვილმა თელავში, რთველის საკოორდინაციო შტაბის წევრებთან შეხვედრის შემდეგ, ჟურნალისტებთან საუბრისას განაცხადა.

მთავრობს მეთაურის ასევე აღნიშნა, რომ იგი დიდი ოპტიმიზმით ელოდება საქართველოში ამერიკის ახალი ელჩის ჩამობრძანებას. პრემიერმა იმედი გამოთქვა, რომ ქალბატონ ელჩთან პირველივე დღეებიდან ძალიან კარგი ურთიერთობა ჩამყალიბდება.

"მადლობა შეკითხვისათვის. პირველ რიგში მინდა ვთქვა, რომ მე ძალიან საინტერესო შეხვედრა მქონდა აშშ-ს პრეზიდენტის მრჩეველთან ეროვნული უსაფრთხოების საკითხებში, ბატონ სალივანთან. საჯაროდ მინდა გამოვხატო მადლიერება ბატონი სალივანის მიმართ, რომელთანაც მე მქონდა ძალიან ხანგრძლივი, ღია, გულწრფელი საუბარი.

ჩვენ თითქმის ყველა საკითხზე გვქონდა საუბარი, მსჯელობა ბოლო პერიოდში, ასეთი მაღალი დონის საუბრები/შეხვედრები სამწუხაროდ აღარ გამართულა. თუმცა, ამის მიუხედავად ჩვენთან ბევრი მაღალი რანგის სტუმარი ჩამოვიდა ამერიკიდან, მაგრამ ბატონ სალივანთან განსაკუთრებულად მნიშვნელოვანი საუბარი მქონდა და ჩვენ შევეხეთ პრაქტიკულად ყველა საკითხს, რომელიც ეხება ორ ქვეყანას შორის არსებულ ურთიერთობას, სტრატეგიულ პარტნიორობას და თანამშრომლობას.

მინდა ასევე გითხრათ, რომ ჩვენ დიდი ოპტიმიზმით, მე ვიტყოდი ასე, ველოდებით ახალი ელჩის ჩამობრძანებას, ქალბატონი დანიგენის ჩამობრძანებას, რომელიც სულ მალე ჩამოვა საქართველოში.

მე დიდ იმედს ვამყარებ და მინდა გამოვთქვა ჩემი ოპტიმიზმი, რომ ქალბატონ ელჩთან ჩვენ პირველივე დღეებიდან ძალიან კარგ ურთიერთობებს ჩამოვაყალიბებთ. ჩვენ გვექნება მაქსიმალურად გახსნილი, ღია, გულწეფელი რაც მთავარია, ხაზგასმით მინდა ავღნიშნო ურთიერთობა.

ბუნებრივია ქვეყნებს შორის არებობს სტრატეგიული პარტნიორობა, ჩვენთვის ამერიკა არის ნომერ პირველი სტრატეგიული პარტნიორი. ეს არის მნიშვნელოვანი ქვეყანა. ჩვენ მადლიერი ვართ ამერიკის.

ასევე მინდა ავღნიშნო, ხანდახან შეიძლება იყოს გარკვეული აზრთა სხვადასხვაობები ქვეყნებს შორის, ეს ბუნებრივი პროცესია. ჩვენ, ჩვენი ინტერესები გვაქვს ჩვენს ქვეყანას, ამერიკას რა თქმა უნდა თავისი მიზნები და ინტერესები აქვს.

არსებობს საკითხთან დაკავშირებით გარკვეული სხვადასხვა მოსაზრებები, ეს ნორმალური პროცესია, ჩვენ ვთანხმბდებით ამაზე და ეს არ არის ანომალია და არანორმალური მოცემულობა.

მთავარია ის, რომ ეს დიალოგი იყოს ჯანსაღი, იყოს კომუნიკაცია გულწრფელი. ჩვენ დასამალი არავისთან არაფერი არ გვაქვს. არავითარი დაფარული დღის წესრიგი საქართველოს ხელისუფლებას არ გააჩნია არც ერთ საკითხთან მიმართებაში. ასე რომ მე ვფიქრობ რომ ძალიან საინტერესო თანამშრომლობა გველის ახალ ელჩთან",- განაცხადა პრემიერმა.
 

პრემიერის თქმით, ძალიან ბევრი ბიზნესმენი და ძალიან ბევრი ქართველი, ეს არის მილიონზე მეტი ქართველი, რომელსაც აქვს ორმაგი მოქალაქეობა და არიან ჩვენი ქვეყნის მოქალაქეები და არიან ამავდროულად რუსეთის მოქალაქეებიც.

„ძალიან ბევრი ბიზნესმენი და ძალიან ბევრი ქართველი, ეს არის მილიონზე მეტი ქართველი, რომელსაც აქვს ორმაგი მოქალაქეობა და არიან ჩვენი ქვეყნის მოქალაქეები და არიან ამავდროულად რუსეთის მოქალაქეებიც. ისინი ბუნებრივია, მათი პირადი ინტერესებიდან გამომდინარე, იმიტომ, რომ ბიზნეს საქმიანობა აქვთ, პირდაპირ მიმოსვლები აქვთ, ოჯახები, ნათესავები ყავთ აქ ადგილზე, დაინტერესებული იყვნენ, რომ ყოფილიყო და აღმდგარიყო პირდაპირი ფრენები. ეს არ არის დამალული ფაქტი.

ჩვენც ვიყავით მათ შორის დაინტერესებული, რომ ჩვენი მოქალაქეები, რაც გამარტივდება და რაც გაამარტივებს გადაადგილებას, იოლი იქნება და იაფი იქნება უფრო, ეკონომიური იქნება, რა თქმა უნდა კარგია. ეს ჩვენ არაფერი არ დაგვიმალავს. თქვენი პრობლემა რაში მდგომარეობს, მეგობრებო, თქვენ ყოველთვის რაღაცას მალავდით ხალხისგან და უმალავდით ყველაფერს. ყველაფერს აკეთებდით ხალხის საზიანოდ, ჩვენ ღიად ვაკეთებთ ყველაფერს. ამაშია ჩვენი სიძლიერე ამიტომ წყნარად იყავით“, - განაცხადა პრემიერმა.

მთავრობის მეთაურის თქმით, ის, რომ გარკვეული რადიკალური ჯგუფები დესტაბილიზაციას, არეულობას და რაღაც ქაოსის შემოტანას ცდილობდნენ და ცდილობენ - ეს არ არის ახალი ამბავი.

„რა თქმა უნდა, ეს ადამიანები და მე ვგულისხმობ ყოფილი პრეზიდენტ სააკაშვილს და მისი რადიკალური ანარქისტული ჯგუფების ჩართულობით გარკვეული არეულობის მოწყობის მცდელობას საქართველოში, მათ ეს არასდროს გამოუვიდათ და არც გამოუვათ მინდა ვთქვა მტკიცედ და ერთმნიშვნელოვნად, რომ ჩვენ არ დავუშვებთ ვიღაც არარაობებმა და ქვეყნის მტრებმა, ქვეყნის შიდა მტრებმა თუ გარეთ მოქმედმა მტრებმა ქვეყანაში რაიმე ტიპის არეულობა შემოიტანონ. ყველა დაისჯება სამაგალითოდ. ეს დაიმახსოვროს ყველამ კარგად. სუსი, რა თქმა უნდა და ჩვენი სპეცსამსახურები აკონტროლებენ სიტუაციას, ნებისმიერი გადაცდომა იქნება გამოკვეთილი და დაფიქსირებული, ამაზე იქნება ძალიან მკაცრი რეაგირება ჩვენი მხრიდან”, - განაცხადა პრემიერმა.

ჩემი გადაწყვეტილებით 1000 ზე მეტი სტუდენტი დავაფინანსეთ ბიუჯეტიდან, ბიუჯეტიდან ხაზგასმით მინდა ავღნიშნო, საუკეთესო უნივერსიტეტებში, სააკაშვილმა საკუთარი შვილი დააფინანსა ბიუჯეტიდან, მე არც ჩემიშვილის, არც ჩემი ოჯახის არც ერთი წევრისთვის, არც ერთი თეთრი არ დამიხარჯავს ბიუჯეტიდან, ეს არის მთავარი განსხვავება , - ამის შესახებ საქართველოს პრემიერ-მინისტრმა ირაკლი ღარიბაშვილმა თელავში, ჟურნალისტების კითხვის საპასუხოდ განაცხადა.

"მე არასოდეს, რაიმე აუგი არ მითქვამს ამერიკის შესახებ, მე პირიქით ძალიან მიყვარს ამერიკა, მე პოლიტიკამდეც ძალიან ბევრს ვმოგზაურობდი ამერიკაში და ჩვენ პატივს ვცემთ ამერიკას, ამერიკელ ხალხს და ამერიკის განათლების სისტემა არის ერთერთი ყველაზე საუკეთესო მსოფლიოში, მე არ მინდოდა პირად დეტალებზე საუბარი და პირად საკითხებზე, მაგრამ რა თქმა უნდა მიხარია, რომ ჩემმა შვილმა არჩევანი გააკეთა და მან მიიღო მოწვევა ერთ-ერთ პირველ საუკეთესო ბიზნეს სკოლიდან და იგი აგრძელებს სწავლას უორტონის ბიზნეს სკოლაში, ესეც არის დეზინფორმაცია, ჩვენ არასოდეს არ გვითქვამს, რომ ამერიკაში სწავლა თუ განათლება არის ცუდი და ასე შემდეგ და რომ არ უნდა გააგზავნოთ იქ შვილები და ბოდიში, კიდევ ერთი იმ ადამიანებს მინდა ვუპასუხო, რომლებმაც თქვეს, რომ თურმე იმ სტუდენტების დავალიანება აქვთ ძალიან ბევრი და სტუდენტს არ აქვს დავალიანება ჩამოწერილი და ვერ იხდის სწავლის საფასურს და ამ დროს თურმე პრემიერ-მინისტრის შვილი სწავლობს ამერიკაში, ეხლა თუ რამე ელემენტარული ობიექტურობა არსებობს უნდა ვთქვათ ისიც, რომ ჩემი გადაწყვეტილებით 1000 -ზე მეტი სტუდენტი დავაფინანსეთ ბიუჯეტიდან, ბიუჯეტიდან ხაზგასმით მინდა ავღნიშნო, საუკეთესო უნივერსიტეტებში, სააკაშვილმა საკუთარი შვილი დააფინანსა ბიუჯეტიდან, მე არც ჩემიშვილის, არც ჩემი ოჯახის არც ერთი წევრისთვის, არც ერთი თეთრი არ დამიხარჯავს ბიუჯეტიდან, ეს არის მთავარი განსხვავება" - განაცხადა პრემიერმა.

ლუზერი ადამიანი, ზურაბ გირჩი ჯაფარიძის კომენტარი წაიკითხეთ, რატომ უნდა გავაკეთო კომენტარი ამ ადამიანზე, მაგრამ აი მორიგი მაგალითი, - ამის შესახებ საქართველოს პრემიერ-მინისტრმა ირაკლი ღარიბაშვილმა თელავში, ჟურნალისტის კითხვის საპასუხოდ განაცხადა, რომელიც ზურაბ გირჩი ჯაფარიძის კომენტარს ეხებოდა ლაზარე გრიგორიადისზე.

პრემიერის თქმით, ეს ადამიანი გამოიყენეს.

„გამოიყენეს ეს ახალგაზრდა ანარქისტი, ასროლინეს მოლოტოვის კოქტეილი პოლიციელზე. მოლოტოვის კოქტეილი ისროლა ადამიანმა, მნიშვნელობა არ აქვს ჩემთვის ვინ არის ეს ადამიანი, სცადა პოლიციელის ცოცხლად დაწვა. ჩვენ ვიქნებით დაუნდობელი და უკომპრომისო, ყველა ადამიანის მიმართ ერთი კიარა ათასი რომ იყოს ათასივე წავა ციხეში, - განაცხადა პრემიერმა.

ჩვენს შორის ის მინიმალური ნდობა, რომელიც შენარჩუნებული იყო ისიც დაიკარგა და მე უბრალოდ ჩემი ხელმოწერით ვერ გავაგრძელებინებდი ქვეყნის წინააღმდეგ საბოტაჟს , - ამის შესახებ საქართველოს პრემიერ-მინისტრმა ირაკლი ღარიბაშვილმა თელავში, ჟურნალისტების კითხვის საპასუხოდ განაცხადა.

"რაც შეეხება ქალბატონი პრეზიდენტის შეუთანხმებელ ვოიაჟს საერთოდ ევროპაში. მე ვფიქრობ ეს მეტად სამწუხარო ფაქტია. თქვენ თუ გაიხსენებთ შარშან და უფრო მანამდეც არცერთი შემთხვევა არ არსებობს, ვერავინ ვერ გაიხსენებს, რომ ჩვენ მას უარი ვუთხარით ასეთი ტიპის ვიზიტებზე. უფრო მეტიც მე მას პირიქით მხარს ვუჭერდი ყოველთვის და არასოდეს არ შემიზღუდავს მისი გადაადგილება. მაგრამ მე შეგახსენებთ, რომ ქალბატონ პრეზიდენტს ძალიან მძიმე განცხადებები აქვს გაკეთებული, მას აქვს ნათქვამი საჯაროდ, რომ ჩვენი მთავრობა თურმე და ჩვენ ხელისუფლება არ ასრულებს ამ ვალდებულებებს, ამ 12 რეკომენდაციას. მას აქვს ნათქვამი ისიც, რომ არ ვიმსახურებთ სტატუსს. აქვს რაღაც ბუნდოვანი განცხადება გაკეთებული რომ თითქოს ჩვენი ქვეყნის საგარეო პოლიტიკა არის ბუნდოვანი, თუ მთავრობის პოზიცია არის ბუნდოვანი. ამ დროს როცა ყველაფერი ნათელი და ცხადია. ამის შემდეგ ბუნებრივია ჩვენს შორის ის მინიმალური ნდობა რომელიც შენარჩუნებული იყო ისიც დაიკარგა და მე უბრალოდ ჩემი ხელმოწერით ვერ გავაგრძელებინებდი ქვეყნის წინააღმდეგ საბოტაჟს. ამაში თანამონაწილე ვერ გავხდებოდი, თუ ადამიანი ქვეყნის შიგნით აცხადებს ასეთ მიუღებელ რამეს და ამის შემდეგ მოგვმართავს, რომ წავიდეს ევროპაში და რა უნდა ილაპარაკოს კაცმა არ იცის. ჩვენ ნდობა აღარ გვაქვს უბრალოდ, იქ რომ ჩავიდოდა არ ვიცი რომელიმე ქვეყანაში ჩავიდოდა ჩვენი მანდატით, ჩვენგან ნებადართული რას ილაპარაკებდა ჩვენთვის ეს აბსოლუტურად ბუნდოვანი იქნებოდა და მიუღებელი. ამით დასაბუთდა ჩვენი უარი. იმიტომ რომ ის პირდაპირ ეწინააღმდეგებოდა ჩვენი ქვეყნის ეროვნულ ინტერესებს. ჩვენი ინტერესი იყო და არის დღეს რომ ქვეყანამ მიიღოს სტატუსი. ამის წინააღმდეგ ნებისმიერი განცხადება ნებისმიერი ქმედება არის საბოტაჟი. ეს არის პირდაპირ საბოტაჟი და წინააღმდეგობაში მოსვლა ჩვენი ქვეყნის ეროვნულ ინტერესებთან"- განაცხადა პრემიერმა.

მთავრობის მეთაურმა პრეზიდენტის იმპიჩმენტის საკითხიც შეაფასა, მისი თქმით გუნდი იძულებული იყო მოეხდინა რეაგირება, რადგან პრეზიდენტმა დემონსტრაციულად დაარღვია კონსტიტუცია.

"როცა ადამიანი არღვევს კონსტიტუციას და დაარღვევს კანონს, ამას პატარა ბავშვიც მიხვდება, რომ ნებისმიერ კანონდარღვევაზე რაღაცის გაფუჭებაზე, მითუმეტეს კონსტიტუციის დარღვევაზე რეაგირება არის ვალდებულება. ანუ ვალდებული, იძულებული ვიყავით ჩვენ, ჩვენი გუნდი რომ მოგვეხდინა რეაგირება, ფორმალური რეაგირება. იმიტომ, რომ ადამიანმა დემონსტრაციულად დაარღვია კონსტიტუცია. რაც შეეხება სტატუსზე ასახვას, იმპიჩმენტზე ჩვენ ვთქვით ღიად, რომ ეს არის ფორმალური პროცედურა. იცით, რომ ჩვენ არ გვაქვს საკმარისი ხმები, მაგრამ ჩვენ ნდობა დაკარგული გვაქვს ამ ადამიანის მიმართ. გაუგებარია მისი ეს ქმედებები, მე არასოდეს იცით რომ ყოველთვის თავს ვიკავებდი მისი საჯარო კრიტიკისგან, მიუხედავად მისი არაერთგზის გაკეთებული საკმაოდ კრიტიკული განცხადებებისა. ახლა რაც შეეხება სტატუსს. რამდენად კავშირში არის სტატუსთან, საერთოდ გაუგებარი არის რატომ უნდა იყოს ამ ადამიანის მიერ კონსტიტუციის დარღვევა და შესაძლო კანონის დარღვევა სტატუსთან. მე ევროპელ ლიდერებს ვეუბნები ყველას ვუთხარი, რომ ამას არავითარი კავშირი არ აქვს. ეს არის ფორმალობა აბსოლუტურად . მაგრამ ჩვენ ვიყავთ ვალდებული, რომ ამაზე რეაგირება მოგვეხდინა. ერთი რამ მინდა ვთქვა, მთავარი მინდა შეგახსენოთ ყველას ქალბატონი სალომე, რომელი ქვეყანასაც წარმოადგენს საფრანგეთს წარმოადგენს და წარმოადგენდა ასე დავაკონკრეტებთ, ასე ვიტყვით იმიტომ, რომ რთული იქნება დღეს ამის თქმა. საფრანგეთის დარწმუნებაც კი ვერ შეძლო მან შარშან მაგალითად, გახსოვთ რომ ერთადერთი ვინც ჩვენი ქვეყნის მიმართ დასვა კითხვა გეოგრაფიის კონტექსტში, ჭრილში, იყო საფრანგეთის პრეზიდენტი. მანამდე გაგზავნილი მყავდა ქალბატონი სალომე და ამის შემდეგ მოხდა ძალიან სკეპტიკური განცხადების გაკეთება. ადამიანმა საკუთარი, მეორე სამშობლოს თუ პირველი სამშობლოს როგორც უნდა ისე გადაალაგოს დარწმუნება ვერ შეძლო იმაში რომ გეოგრაფია აქ აბსოლუტურად უადგილოა და ჩვენ ვართ ევროპული ოჯახის ბუნებრივი წევრი და ასეთ ვითარებაში მითუმეტეს ასეთი რთული გეოპოლიტიკის დროს გეოგრაფიაზე მინიშნება არის აბსოლუტურად გაუმართლებელი. სალომე ზურაბიშვილმა ეს ვერ მოახერხა, რომ დაერწმუნებინა" - განაცხადა ირაკლი ღარიბაშვილმა.

მთავრობის მეთაურმა პრეზიდენტის იმპიჩმენტის და ასევე ქვეყნისთვის სტატუსის მინიჭების კავშირზე დასმულ კითხვებს უპასუხა. მისი თქმით გუნდი იძულებული იყო მოეხდინა რეაგირება, რადგან პრეზიდენტმა დემონსტრაციულად დაარღვია კონსტიტუცია.

"როცა ადამიანი არღვევს კონსტიტუციას და დაარღვევს კანონს, ამას პატარა ბავშვიც მიხვდება, რომ ნებისმიერ კანონდარღვევაზე რაღაცის გაფუჭებაზე, მით უმეტეს კონსტიტუციის დარღვევაზე რეაგირება არის ვალდებულება. ანუ ვალდებული, იძულებული ვიყავით ჩვენ, ჩვენი გუნდი რომ მოგვეხდინა რეაგირება, ფორმალური რეაგირება. იმიტომ რომ ადამიანმა დემონსტრაციულად დაარღვია კონსტიტუცია. რაც შეეხება სტატუსზე ასახვას, იმპიჩმენტზე ჩვენ ვთქვით ღიად რომ ეს არის ფორმალური პროცედურა. იცით რომ ჩვენ არ გვაქვს საკმარისი ხმები, მაგრამ ჩვენ ნდობა დაკარგული გვაქვს ამ ადამიანის მიმართ. გაუგებარია მისი ეს ქმედებები, მე არასოდეს იცით რომ ყოველთვის თავს ვიკავებდი მისი საჯარო კრიტიკისგან, მიუხედავად მისი არაერთგზის გაკეთებული საკმაოდ კრიტიკული განცხადებებისა. ახლა რაც შეეხება სტატუსს. რამდენად კავშირში არის სტატუსთან, საერთოდ გაუგებარი არის რატომ უნდა იყოს ამ ადამიანის მიერ კონსტიტუციის დარღვევა და შესაძლო კანონის დარღვევა სტატუსთან. მე ევროპელ ლიდერებს ვეუბნები ყველას ვუთხარი, რომ ამას არავითარი კავშირი არ აქვს ეს არის ფორმალობა აბსოლუტურად . მაგრამ ჩვენ ვიყავთ ვალდებული, რომ ამაზე რეაგირება მოგვეხდინა. ერთი რამ მინდა ვთქვა, მთავარი მინდა შეგახსენოთ ყველას ქალბატონი სალომე რომელი ქვეყანასაც წარმოადგენს საფრანგეთს წარმოადგენს და წარმოადგენდა ასე დავაკონკრეტებთ, ასე ვიტყვით იმიტომ, რომ რთული იქნება დღეს ამის თქმა. საფრანგეთის დარწმუნებაც კი ვერ შეძლო მან შარშან მაგალითად, გახსოვთ რომ ერთადერთი ვინც ჩვენი ქვეყნის მიმართ დასვა კითხვა გეოგრაფიის კონტექსტში, ჭრილში, იყო საფრანგეთის პრეზიდენტი. მანამდე გაგზავნილი მყავდა ქალბატონი სალომე და ამის შემდეგ მოხდა ძალიან სკეპტიკური განცხადების გაკეთება. ადამიანმა საკუთარი, მეორე სამშობლოს თუ პირველი სამშობლოს როგორც უნდა ისე გადაალაგოს დარწმუნება ვერ შეძლო იმაში რომ გეოგრაფია აქ აბსოლუტურად უადგილოა და ჩვენ ვართ ევროპული ოჯახის ბუნებრივი წევრი და ასეთ ვითარებაში მით უმეტეს ასეთი რთული გეოპოლიტიკის დროს გეოგრაფიაზე მინიშნება არის აბსოლუტურად გაუმართლებელი. სალომე ზურაბიშვილმა ეს ვერ მოახერხა, რომ დაერწმუნებინა" - განაცხადა ირაკლი ღარიბაშვილმა.

ეს თემა იყო მოუგვარებელი წლების განმავლობაში, მანამდეც იყო ძალიან ბევრი დისკუსია ამ თემაზე, მე მოვიკითხე ეს თემა, მანამდეც დაწყებული მქონდა სანამ ეს საკითხი გახდებოდა ცნობილი და დავამუშავებინე განათლების მინისტრს აღნიშნული პრობლემა და გამოიკვეთა, რომ 30,000- მდე სტუდენტს ფინანსური დავალიანების გამო შეჩერებული ჰქონდა სტატუსი, ეს იყო დაახლოებით ჯამში 40 მილიონი ლარის დავალიანება, მე დავავალე მინისტრებს, რომ სასწრაფოდ გამოენახათ გამოსავალი- ამის შესახებ საქართველოს პრემიერ-მინისტრმა ირაკლი ღარიბაშვილმა თელავში, ჟურნალისტების კითხვის საპასუხოდ განაცხადა.

"ახლა რაც შეეხება ამ საკითხს. ეს თემა იყო მოუგვარებელი წლების განმავლობაში, მანამდეც იყო ძალიან ბევრი დისკუსია ამ თემაზე, მე მოვიკითხე ეს თემა, მანამდეც დაწყებული მქონდა სანამ ეს საკითხი გახდებოდა ცნობილი და დავამუშავებინე განათლების მინისტრს აღნიშნული პრობლემა და გამოიკვეთა, რომ 30,000- მდე სტუდენტს ფინანსური დავალიანების გამო შეჩერებული ჰქონდა სტატუსი, ეს იყო დაახლოებით ჯამში 40 მილიონი ლარის დავალიანება, მე დავავალე მინისტრებს, რომ სასწრაფოდ გამოენახათ გამოსავალი, მათ გამართეს შეხვედრები და მინდა მადლობა გადავუხადო ყველა იმ უნივერსიტეტს, რომელიც ჩაერთო ამ ინიციატივაში მათ ჩამოაწერეს გაუნულეს სტუდენტებს ეს დავალიანება სტუდენტებს და ჩვენ მათ რა თქმა უნდა შევთავაზეთ, პირდაპირ არჩევანი დავუყენეთ, რომ ან შეუძლიათ მათ ჩამოაწერონ ან არ ჩამოაწერონ, არ ჩამოწერის შემთხვევაში, რა თქმა უნდა ჩვენ შევიძენდით მათი დავალიანების პორტფელს - ასეც მოხდა რამდენიმე კერძო უნივერსიტეტის შემთხვევაში, მაგრამ რაც ყველაზე საინტერესოა და მინდა საზოგადოებამ იცოდეს, აი ყველაზე მეტს ვინც ხმაურობდა თქვენი პარტია ნაც. მოძრაობა და ოპოზიცია, რომ თითქოს ძალიან აღელვებდათ ბედი სტუდენტების, სააკაშვილის დედის უნივერსიტეტმა, მინდა იცოდეს ყველამ, ხალხმა, უარი გვითხრა ჩვენ, რომ ჩამოეწერათ სტუდენტებისთვის დავალიანება, ეს ერთი და მეორე იყო ბატონი ბენდუქიძის უნივერსიტეტი, ორმა უნივერსიტეტმა მხოლოდ უარი გვითხრა დავალიანების განულებაზე, რა თქმა უნდა ჩვენ მათ შევთავაზებთ, რომ ვიყიდით ამ დავალიანებას და ჩვენ ჩამოვაწერთ, ჩვენ ავუნაზღაურებთ, დანარჩენი სხვა ყველა ჩაერთო ამ პროგრამაში, ამაშიც გამოჩნდა, როგორ ზრუნავენ ისინი სტუდენტებზე და კიდევ ერთხელ დადასტურდა, რომ ეს კამპანია იყო აბსოლუტურად ყალბი, ისე როგორც თქვენ და სხვა ადამიანებს, სტუდენტებს იყენებენ ინსტრუმენტად საკუთარი ბინძური პოლიტიკური ინტერესების მისაღწევად, კიდევ ერთხელ გამოჩნდა, რომ ეს იყო აბსოლუტურად ყალბი კამპანია"- განაცხადა პრემიერმა.

პრემიერის თქით, მას არასოდეს უსარგებლია ბიუჯეტით.

„თქვენ თუ მოისმინეთ შესაბამისი უწყებების განცხადებები, იგივე ბატონი ანზორ ჩუბინიძე გამოვიდა, მან დაადასტურა. მე მანამდე არ მქონია საუბარი და არ ვთვლი საჭიროდ ამ თემაზე ღიად მესაუბრა, უბრალოდ ეს იმდენად პრივატული საკითხია და პირადი საკითხია, მე არასოდეს, ხაზგასმით აღვნიშნავ, მე არასოდეს მისარგებლია ბიუჯეტით და არ დამიფინანსებია ჩემი პირადი ან ჩემი ოჯახის, იქნება ეს მგზავრობა თუ სხვა, არც ერთი თეთრი არ დახარჯულა ბიუჯეტიდან, არც ჩემი და არც ჩემი ოჯახის მგზავრობაში, განსხვავებით თქვენი ბელადი სააკაშვილისგან. ახლა შეგახსენებთ მთავარს, მე შეგნებულად გავაკეთე, მიზანმიმართულად გავაკეთე ეს, მიზანმიმართულად გადავახდევინე ოჯახს იმის საჩვენებლად, რომ კიდევ ერთხელ წარმომემიჩა კონტრასტი და განსხვავება ჩვენი ხელწერის, რომ ჩვენ არასოდეს ბიუჯეტს არ ვიყენებთ, როგორც პირადი ოჯახის ბიუჯეტს და მეჩვენებინა მეორე უკიდურესობა, რაც იყო 10 წლის წინ გამეფებული აქ, როცა საკუთარი პირადი მიზნებისთვის მილიონობით ლარს ხარჯავდა სააკაშვილი და მისი კრიმინალური ბანდა.

მე მყავს მადლობა ღმერთს შეძლებული ოჯახი, მე არასოდეს არ ვიყავი გაჭირვებული, მას შემდეგ, რაც მე დავამთავრე უნივერსიტეტი და პოლიტიკამდეც, მე ვმუშაობდი ამ ქვეყნის უმდიდრეს ადამიანთან და ვმართავდი ყველაზე მდიდარ ფონდს. ჩემი ოჯახი არასოდეს ყოფილა გაჭირვებული, ეს არ არის დამალული და ეს არ არის სიახლე, ამ თემაზე მეუხერხულება საუბარი, მაგრამ ვინაიდან მისვამთ კითხვას გპასუხობთ. თქვენ თუ ობიექტურები ბრძანდებით, უნდა გაგერკვიათ საიდან გადაიხადეს, ამ ოჯახმა საიდან გადაიხადა. ჩემს ოჯახს აქვს შესაბამისი დადასტურებული შემოსავლებიც, ფინანსური სახსრებიც, ყველაფერი არის გამჭვირვალე აბსოლუტურად, თუ რაიმე კითხვები გაქვთ მე ყოველ წელს ვავსებ დეკლარაციას დაელოდეთ მომავალ დეკლარაციებს, ამ წელსაც შევავსებ კიდე გაისად შევავსებ დეკლარაციას, ასე რომ არავითარი დაფარული არ მაქვს.
მთავარი რაც გამოვლინდა ახლა, წლების განმავლობაში იცით, რომ ოპოზიცია ამბობდა, რომ სააკაშვილი გასამართლებული იყო რაღაც მოგონილი პიჯაკების საქმით, ერთ-ერთი მთავარი საქმე, რაც ამ საქმეში დევს და მთავარი მტკიცებულებაა, რომ მათ შორის თვითმფრინავის ხარჯები, პირადი ხარჯები, პირადი ვიზიტები დაფინანსებული იყო ბიუჯეტიდან. ახლა მთავარი თემა და სკანდალი რაც გამოვლინდა და გახდა საჯარო, რომ ჯარს აფინანსებინებდა საკუთარ გართობას და დროს ტარებას, 14 მილიონი ლარი არის არამიზნობრივად გაფლანგული თავდაცვის სამინისტროდან სააკაშვილის პირადი ვოიაჟებისთვის. მე გეკითხებით ახლა, თქვენ თუ ხართ ობიექტური ადამიანი, რა უნდოდა მიხეილ სააკაშვილს პაბლო ესკობარის საფლავზე, რატომ ჩავიდა კოლუმბიაში. სამარცხვინო პრეზიდენტი იყო. 14 მილიონი ლარი, ამას გარდა, 2 თვითმფრინავი შეაძენინა თავდაცვის სამინისტროს. ეს ყველაფერი არის საჯარო ინფორმაცია. თქვენ ამაზე უნდა გააკეთოთ აქცენტი.

მე ერთი რამ მინდა გითხრათ, ჩემს ირგვლივ თუ რამე ხდება, ყველაფერი მაქვს გამჭვირვალე, მე არავისთან არაფერი არ მაქვს დასამალი, ყველაფერი არის გამჭვირვალე, თუ რაიმე გაინტერესებთ. ელიტური კორუფცია ახსენეთ თქვენ, ვინც ეს გამოაქვეყნა, ეკა გიგაური, რომელიც საზოგადოებას შევახსენებ, 2007 წლის 7 ნოემბრის დარბევის პროცესში იყო ჩართული, მან გადაუხადა, თუ არ ვცდები, გარკვეული ბონუსები დამარბევლებს, სპეცრაზმელებს და ა.შ. - ეს ცალკე თემაა, მაგრამ მეორე თემაა, რაც მინდა ვთქვა არავის არ გახსენებია და არც თქვენ, გამოგეძიებინათ, საიდან გამდიდრდა ერთ-ერთი ყველაზე გაჭირვებული სააკაშვილის მთავრობის წევრი ბატონი კეზერაშვილი. მარტო ერთი კეზერაშვილი და მისი კორუფცია გადაწონის მთელი ამ 30 წლის განმავლობაში მომხდარ სკანდალურ ფაქტებს, ადამიანი, რომელმაც გაძარცვა ჯარი, მთელი ევროპა გაძარცვა და ევროპის პენსიონერები, მილიარდ დოლარზე მეტი არის მოპარული და არავის კითხვა არ გიჩნდებათ. თქვენ ფინანსდებით ამ მოპარული, პენსიონერების ნაძარცვი ფულით ფინანსდება თქვენი ტელევიზია. ეს არის მთავარი პრობლემა“,- განაცხადა პრემიერმა.

მთავრობის მეთაურის თქმით, მას არავისთან არაფერი არ მაქვს დასამალი.

„მე ერთი რამ მინდა გითხრათ, ჩემს ირგვლივ თუ რამე ხდება, ყველაფერი მაქვს გამჭვირვალე, მე არავისთან არაფერი არ მაქვს დასამალი, ყველაფერი არის გამჭვირვალე, თუ რაიმე გაინტერესებთ. ელიტური კორუფცია ახსენეთ თქვენ, ვინც ეს გამოაქვეყნა, ეკა გიგაური, რომელიც საზოგადოებას შევახსენებ, 2007 წლის 7 ნოემბრის დარბევის პროცესში იყო ჩართული, მან გადაუხადა, თუ არ ვცდები, გარკვეული ბონუსები დამარბევლებს, სპეცრაზმელებს და ა.შ. - ეს ცალკე თემაა, მაგრამ მეორე თემაა, რაც მინდა ვთქვა არავის არ გახსენებია და არც თქვენ, გამოგეძიებინათ, საიდან გამდიდრდა ერთ-ერთი ყველაზე გაჭირვებული სააკაშვილის მთავრობის წევრი ბატონი კეზერაშვილი. მარტო ერთი კეზერაშვილი და მისი კორუფცია გადაწონის მთელი ამ 30 წლის განმავლობაში მომხდარ სკანდალურ ფაქტებს, ადამიანი, რომელმაც გაძარცვა ჯარი, მთელი ევროპა გაძარცვა და ევროპის პენსიონერები, მილიარდ დოლარზე მეტი არის მოპარული და არავის კითხვა არ გიჩნდებათ. თქვენ ფინანსდებით ამ მოპარული, პენსიონერების ნაძარცვი ფულით ფინანსდება თქვენი ტელევიზია. ეს არის მთავარი პრობლემა“,- განაცხადა პრემიერმა.

მე, იცით, რომ მქონდა შეხვედრა ბატონ შარლ მიშელთან, რამდენიმე ევროპული ქვეყნის ლიდერებთან, სადაც მე მათ ღიად ვესაუბრები, იმაზე უფრო მეტს ვსაუბრობ ღიად, დახურულ ფორმატში, რასაც საჯაროდ ვამბობ, ჩემი გზავნილი არის მარტივი და ძალიან ცალსახა და ერთმნიშვნელოვანი, რომ ქვეყანა, გატარებული რეფორმების გათვალისწინებით და მიღწეული პროგრესის გათვალისწინებით და აი ამ რთული გეოპოლიტიკური სიტუაციის გათვალისწინებით, იმსახურებს კანდიდატის სტატუსს, მე ეს მათ მკაფიოდ დავუფიქსირე, - ამის შესახებ საქართველოს პრემიერ-მინისტრმა ირაკლი ღარიბაშვილმა თელავში, ჟურნალისტების კითხვის საპასუხოდ განაცხადა.

როგორც პრემიერმა აღნიშნა, სხვა შემთხვევაში ეს იქნება მორიგი სტრატეგიული შეცდომა ევროკავშირის და უბრალოდ ძალიან უსამართლო მოპყრობა ჩვენი ქვეყნის და ჩვენი ხალხის.

„სხვა შემთხვევაში მათ ვუთხარი, რომ ეს იქნება მორიგი სტრატეგიული შეცდომა ევროკავშირის და უბრალოდ ძალიან უსამართლო მოპყრობა ჩვენი ქვეყნის და ჩვენი ხალხის. მე ეს ბატონ ბორელთანაც პრესკონფერენციაზე შემთხვევით არ მითქვამს, რომ ქართველებს მართლაც არ გვიყვარს და მიუღებელია, აბსოლუტურად მიუღებელია უსამართლო მოპყრობა, ჩვენ ამას არ შევეგუებით, ისევე როგორც მიუღებელია მცდელობა, რაიმე მცდელობა, რომ ჩვენ ვიღაცამ დაგვჩაგროს და მეორე და მესამე რიგებში გადაგვსვას, რატომ ?! იმიტომ, რომ საქართველო ეგრეთ წოდებული ტრიოს ფორმატში უკრაინა, მოლდოვა და საქართველოს ფორმატში ყოველთვის იყო და არის დღესაც მოწინავე პოზიციებზე. ჩვენ ყველა მიმართულებით წინ ვუსწრებთ მოლდოვასაც, უკრაინასაც, შედარება არ შეიძლება, არსებობს უამრავი სფეროები და მიმართულებები, სადაც შედარება არ შეიძლება იმდენად წინ ვართ ჩვენ ამ ქვეყნებთან მიმართებაში. ჩვენ არავისი კარგი არ გვწყინს, არ გვშურს, გვინდა ყველას ვუსურვოთ უფრო მეტი პროგრესი, მაგრამ ერთი რამ მინდა ცალსახად დავაფიქსირო, რაც მე მათ ვუთხარი პირდაპირ, რომ ჩვენ ვიმსახურებთ სტატუსს, სხვა შემთხვევაში ამოუხსნელი იქნება მათი გადაწყვეტილება, თუ, მე არ მინდა მოვლენებს გავუსწრო წინ, მაგრამ ნეგატიური გადაწყვეტილება იქნება აბსოლუტურად მიუღებელი და შეურაცხმყოფელი ჩვენთვის, ჩვენი ხალხისთვის, ჩვენი ქვეყნისთვის, იმიტომ, რომ შარშან მე შეგახსენებთ, არც უკრაინას და არც მოლდოვას არ ჰქონდა შესრულებული არც ერთი პრიორიტეტი, არც ერთი პირობა და მათ ავანსად, ეგრეთ წოდებულ ბონუსად მისცეს ეს სტატუსი, ჩვენ ამ ერთი წლის შემდეგ ამდენი რაღაც გავაკეთეთ, მანამდეც გაკეთებული გვქონდა, მაგრამ ამდენი რაღაც გავაკეთეთ ახლაც ხომ ერთი წლის განმავლობაში, ასეთი ღია, გამჭირვალე პროცესი ვმართეთ, რა თქმა უნდა, ქვეყანა იმსახურებს სტატუსს. მე დიდი იმედი მაქვს და ეხლა რამდენიმე დღის წინ ამერიკის შემდეგ უკვე, ბატონი ილია დარჩიაშვილი იყო ჩასული ბრიუსელში, მას ჰქონდა კარგი შეხვედრები და საკმაოდ პოზიტიური მესიჯები და სიგნალები მოდის ევროპიდან. მე არ მინდა მოვლენებს გავუსწრო. მე ვფიქრობ, რომ ბოლო რამდენიმე პუნქტი, რაც დაგვიტოვეს, ასე ვთქვათ, ბორელის გუნდმა, ბოლო დაზუსტებები, ამაზეც იცით, რომ ბატონი ირაკლი კობახიძე გამოვიდა და თქვა, რომ ჩვენ ამ ყველაფერს, ვასრულებთ და შევასრულებთ, ძალიან მალე დაიხურება ეს პროცესი თვის ბოლომდე, ასე რომ არავითარი მიზეზი და საბაბი, რატომ არ უნდა მივიღოთ ჩვენ სტატუსი არ ექნებათ ჩვენს ევროპელ მეგობრებს“, - განაცხადა პრემიერმა.

მე ვფიქრობ, რომ სანერვიულო არაფერი არ გვაქვს, არც საბანკო სისტემას მთლიანად და არც საფინანსო ინსტიტუტებს. ჩვენ გვაქვს მუდმივი კომუნიკაცია, როგორც ეროვნულ ბანკთან, ასევე სხვა კომერციულ ბანკებთან, - ამის შესახებ საქართველოს პრემიერ-მინისტრმა ირაკლი ღარიბაშვილმა თელავში, ჟურნალისტის კითხვის საპასუხოდ განაცხადა, რომელიც ზურაბ გირჩი ჯაფარიძის კომენტარს ეხებოდა ლაზარე გრიგორიადისზე.

„ჩვენ გვაქვს ერთ-ერთი სამაგალითო სისტემა შექმნილი. ეს თვითონ ამერიკელებმა აღნიშნეს, ევროპელებმა და ბრიტანელმა კოლეგებმა, ჩამოსულები იყვნენ რამდენიმე თვის წინ, თქვეს, რომ სამაგალითო სისტემა აქვს აწყობილი მთავრობას, ეფექტური სისტემა. სანქციების დარღვევის არც ერთი ფაქტი არ დაფიქსირებულა, არც ერთი.
მაშინ, როდესაც თქვენი ტელევიზიები და თქვენი პარტია ავრცელებს დეზინფორმაციას მთელს მსოფლიოში. სააკაშვილის დედა აფინანსებდა მილიონობით კამპანიას და მილიონებს იხდიდა იმაში, რომ ჩვენი ქვეყნის იმიჯი დაზიანებულიყო“, - განაცხადა ირაკლი ღარიბაშვილმა.

მან ასევე ისაუბრა სავალუტო ფონდზე.

„რაც შეეხება სავალუტო ფონდის პროგრამას, არავითარი სანერვიულო არ არის. ჩვენ გვაქვს მუდმივი კომუნიკაცია სავალუტო ფონდთან. ეს როგორც შეჩერებული პროცესი ასეთი იყო, როცა მაგალითად კანონი შევცვალეთ და პირველი ვიცე პრეზიდენტის ადგილი შემოვიღეთ, მაშინ მოხდა პროგრამის შეჩერება. ახლაც თქვეს, რომ უნდა გავაგრძელოთ კომუნიკაცია. მე ვფიქრობ რომ ძალიან მალე მოგვარდება აღნიშნული საკითხიც“, - განაცხადა პრემიერმა.

პრემიერის თქმით, ვერ მიიიღებს კრიტიკას იმ ადამიანისგან, რომელმაც მიზანმიმართულად და გააზრებულად უღალატეს ჩვენი ქვეყნის ეროვნულ ინტერესებს და არაერთგზის, დღესაც ღალატობენ.

"ქადაგიძე ბანდიტი და ადეიშვილის ხელის ბიჭი, პროკურორი, რომელიც გადაიყვანა ადეიშვილმა ეროვნულ ბანკში. ვის დამოუკიდებლობაზე მელაპარაკებით თქვენ?! როგორ ბედავთ საერთოდ მაგის ლაპარაკს?! ადეიშვილის ხელის ბიჭი, ბანდიტი, ძარცვავდა, პირდაპირ ბანკებს ატერორებდა. მე მახსოვს „ქართუ ბანკის“ გაკოტრების მცდელობის საქმე. ჩართული იყო პირადად ბატონი ქადაგიძე. დღეს გამოდის და ლაპარაკობს ეროვნული ბანკის დამოუკიდებლობაზე. ეს არ არის ცინიზმი და შეურაცხყოფა? ამიტომ ამ ადამიანებისგან ჩვენ არანაირ კრიტიკას არ მივიღებთ. რომ ლაპარაკობენ, რატომ ლაპარაკობთ და იხსენებთო, იმიტომ ვლაპარაკობთ და ვიხსენებთ, რომ ამ ადამიანებს, ამ ყველაზე ანტიეროვნულ ძალას დღესაც კი აქვს სურვილი, რომ ხელისუფლებაში დარჩნენ და პოლიტიკაში აქტიური მონაწილეობა მიიღონ. ამიტომ არის მიუღებელი მათი ეს განცხადებები. ნამდვილად ასე უნდა ითქვას, რომ მითუმეტეს მიუღებელია ჩვენი ქვეყნის ეროვნული ინტერესების მოღალატეებისგან რაიმე განცხადება და ვინმეს კრიტიკა.

მე კიდევ ვიმეორებ, რომ არავის დამცველი არ ვარ, მაგრამ ზოგადად ყველა მოქალაქეს ვიცავ და ყველა მოქალაქის ინტერესებს ვიცავ, თქვენზეც რომ იყოს საუბარი.

ვერ მივიღებ კრიტიკას იმ ადამიანისგან, რომელმაც მიზანმიმართულად და გააზრებულად უღალატეს ჩვენი ქვეყნის ეროვნულ ინტერესებს და არაერთგზის, დღესაც ღალატობენ. როცა ამბობენ, რომ მეორე ფრონტი უნდა გაიხსნას, ამას ყოფილი მინისტრი ბატონი ვანო მერაბიშვილი ღიად ამბობს, რომ თუ ისინი დაბრუნდებიან ხელისუფლებაში მეორე ფრონტს გახსნიან თურმე. ვინმეს თუ წარმოუდგენია საერთოდ რას გულისხმობს მეორე ფრონტის გახსნა ქვეყანაში და რა შედეგს მოუტანს და მოუტანდა ჩვენს მოსახლეობას, ჩვენს ხალხს. თქვენ წარმოგიდგენიათ ახლა მშვიდად, რომ გადაადგილდებით, აქ უბედურება იქნებოდა, ვიღაცეებს მართლა უნდა უკრაინიზაცია, ავღანიზაცია, შეიძლება სირიის სცენარის განმეორება, მაგრამ ჩვენ ამას არ დავუშვებთ ყველას გავცემთ საკადრის პასუხს. ნურავის ნუ ექნება ილუზია“, - განაცხადა ირაკლი ღარიბაშვილმა.

მთავრობის მეთაურის თქმით, მნიშვნელობა არ აქვს რომელი ქვეყნის აგენტი იქნება, ის არის გამყიდველი და მოღალატე ადამიანი.

„მე გეტყვით ჩემს აზრს, - ოთარ ფარცხალაძე 10 წელზე მეტია აღარ არის საჯარო მოხელე. 10 წელი გავიდა მას შემდეგ, რაც ამ ადამიანმა დატოვა საჯარო სამსახური, 10 წელი.
გაუგებარია, პირველ რიგში, მინდა ვთქვა და გაკვირვება გამოვხატო ზოგადად, რატომ მოხდა ფარცხალაძის დასანქცირება გაუგებარია, აუხსნელია ჩემთვის პირადად, მინდა გითხრათ და მე ამის თაობაზე ღიად ვამბობ და ვაფიქსირებ ჩემს აზრს. ნათქვამი არის რომ ჭიქაში ქარიშხალი არის ატეხილი.
საერთოდ იცით რა?! მე გეტყვით შემდეგ რაღაცას, ეს არის ძალიან მგრძნობიარე საკითხი. მე ერთი რამ მინდა განმასხვავებელი გითხრათ, ყველა ის ადამიანი, რომელიც ქვეყნის ინტერესების საზიანოდ და სხვა ქვეყნის ინტერესების სასარგებლოდ მოქმედებს, ჩემს თვალში არის მოღალატე. მნიშვნელობა არ აქვს რომელი ქვეყნის აგენტი იქნება, ის არის გამყიდველი და მოღალატე ადამიანი.

ჩემთვის და სამსახურებისთვის, სახელმწიფოსთვის არ არის ცნობილი არც ერთი ფაქტი, რომ ფარცხალაძემ ჩვენი ქვეყნის საზიანოდ, ინტერესების საზიანოდ და სხვა ქვეყნის ინტერესების სასარგებლოდ რაიმე ქმედება ჩაიდინა. ფარცხალაძე არის ბიზნესმენი.
ჩემთვის სასაცილოა მართლა ნამდვილი ჯაშუშების კომენტარების მოსმენა, ქვეყნის გამყიდველების და მოღალატეების კომენტარების მოსმენა.
მოსამართლეები რომ დაასანქცირეს და თქვეს, რომ კორუფციის ფაქტების გამო მოხდა, ვინმემ ნახა მტკიცებულება?
ფარცხალაძის ადვოკატი არ ვარ და მას არ სჭირდება ჩემი ადვოკატობა, მაგრამ როგორც მოქალაქეზე და გუნდის წევრზე ყოფილი და ყოფილი პროკურორი იყო 10 წლის წინ, მე ჩემ პოზიციას ვაფიქსირებ.
აუცილებელია, რომ ჩვენ ესე ბრმად არ მივიღოთ გადაწყვეტილება. გასაგებია ჩვენი პარტნიორის, რომელსაც ძალიან დიდ პატივს ვცემთ, მაგრამ ჩვენ მათთან გვაქვს დისკუსია და კომუნიკაცია.

მთავარი ჩემი წუხილი რაც მინდა გამოვხატო და გაკვირვება არის ის, რომ არასოდეს არ მოუმართავთ ფარცხალაძის შესახებ არც ერთ სამსახურს ამერიკის შეერთებული შტატების. მათ რომ გადაემოწმებინათ ფარცხალაძის საქმიანობა რუსეთში, ჩვენ ვიცოდით, რომ მას ბიზნეს საქმიანობა ჰქონდა, მაგრამ ისიც ვიცით, რომ ეხლა ფარცხალაძე ოლიგარქი არ არის და გავლენა არ აქვს საზოგადოებაზე, ეხლა მემგონი ეს დასამალი არ არის და ყველამ იცის.

როგორ არის ფარცხალაძე ოლიგარქი?! - თქვენ ეთანხმებით მაგ შეფასებას?! რანაირი ოლიგარქია ფარცხალაძე, კაცი წასულია 10 წელზე მეტია, აკეთებს ბიზნესს. მისი არჩევანია რატომ აიღო პასპორტი. ეს ყველა ადამიანის ინდივიდუალური არჩევანია. იმ პოლიტიკური ძალის განცხადებები, რომელთა ლიდერები არიან დღესაც რუსეთის მოქალაქეები, მაგალითად ბატონი კობა ნაყოფია - პარტიის ერთ-ერთი ხელმძღვანელი, სააკაშვილის მარჯვენა ხელი, რუსეთის მოქალაქე, ბარონი გრიგოლ ვაშაძე, რომელიც იყო თქვენი პრეზიდენტობის კანდიდატი და ყოფილი საგარეო საქმეთა მინისტრი, ომის შემდეგაც რომ არ დაუტოვებია რუსეთის მოქალაქეობა. თქვენ რა გაქვთ სალაპარაკო, ვიზე გაქვთ სალაპარაკო და როგორ ბედავთ საერთოდ ლაპარაკს?!
ქალბატონი ია გულიაშვილი რომ ყოფილიყო დასანქცირებული, ასევე დაგიცავდით თქვენ. ხვალ რომ დაგასანქციროთ თქვენ, ასევე დაგიცავთ“, - განაცხადა პრემიერმა.

საქართველოს პრემიერ-მინისტრი ირაკლი ღარიბაშვილი გარემოს დაცვის და სოფლის მეურნეობის მინისტრთან − ოთარ შამუგიასთან და მთავრობის ადმინისტრაციის რეგიონებთან ურთიერთობის დეპარტამენტის უფროსთან − ლერი ბარნაბიშვილთან ერთად ღვინის კომპანიაში „ბადაგონი“ იმყოფებოდა.
მთავრობის მეთაურმა ქარხანა დაათვალიერა და „ბადაგონში“ საწარმოო პროცესის შესახებ ინფორმაცია მოისმინა.
მეღვინეობა „ბადაგონი“ 2006 წელს დაარსდა, რომელიც ფლობს 2 ქარხანას ახმეტასა და მანავში. კომპანიას 400 ჰექტარი ვენახები აქვს კახეთის ყველა მიკროზონაში. ის აწარმოებს ღვინოს, ცქრიალა ღვინოს და ჭაჭას; ასევე − წლიურად 12 მილიონ ბოთლს. „ბადაგონი“ ოპერირებს მსოფლიოს 35 ქვეყანაში და ლიდერია როგორც შიდა ბაზარზე, ისე ექსპორტის მიმართულებით. კომპანია, სადაც დასაქმებულია 1000 კაცზე მეტი, წელს 10 000 ტონა ყურძნის გადამუშავებას გეგმავს. „ბადაგონი“ ყურძნის შესაძენად აგროსესხით, 15 მილიონი ლარით, სარგებლობს. ასევე, სახელმწიფო პროგრამის „აწარმოე საქართველო“ ფარგლებში 2 500 000 ლარიანი სესხით ახალი საწარმოო ფართი აშენდა 3800 კვადრატულ მეტრზე. ამ ეტაპზე კომპანიას მოსახლეობისგან შეძენილი აქვს 7000 ტონამდე ყურძენი.
„ბადაგონში” პრემიერ-მინისტრთან ერთად იმყოფებოდნენ აღმასრულებელი, საკანონმდებლო და ადგილობრივი ხელისუფლების წარმომადგენლები.

Edison Research-ის კვლევის თანახმად, მოსახლეობის 90% მხარს უჭერს ევროკავშირში გაწევრიანებას, წინააღმდეგია 10%. 

საზოგადოებრივი აზრის გამოკითხვა ტელეკომპანია ფორმულას დაკვეთით ავტორიტეტულმა საერთაშორისო კვლევითმა კომპანიამ Edison Research-მა ჩაატარა.

კვლევის ფარგლებში, პირისპირი გამოკითხვის მეთოდით, ქვეყნის მასშტაბით შემთხვევითი შერჩევით გამოიკითხა საქართველოში მცხოვრები 1500 საარჩევნო უფლების მქონე 18 წლისა და მეტი ასაკის ადამიანი.

ცდომილება არის +/- 3%, 95%-იანი სანდოობის დონისთვის. საველე სამუშაოები მიმდინარეობდა 2023 წლის 7 სექტემბრიდან 24 სექტემბრის პერიოდში.

Edison Research-ის საზოგადოებრივი აზრის გამოკითხვის შედეგებით, მოსახლეობის 83% NATO-ში საქართველოს გაწევრიანებას მხარს უჭერს.

შეკითხვაზე, მხარს უჭერთ თუ ეწინააღმდეგებით საქართველოს გაწევრიანებას NATO-ში, პასუხები ასე გადანაწილდა:

მხარს ვუჭერ - 83%
ვეწინააღმდეგები - 17%
საზოგადოებრივი აზრის გამოკითხვა ტელეკომპანია ფორმულას დაკვეთით ავტორიტეტულმა საერთაშორისო კვლევითმა კომპანიამ Edison Research-მა ჩაატარა.

კვლევის ფარგლებში, პირისპირი გამოკითხვის მეთოდით, ქვეყნის მასშტაბით შემთხვევითი შერჩევით გამოიკითხა საქართველოში მცხოვრები 1500 საარჩევნო უფლების მქონე 18 წლისა და მეტი ასაკის ადამიანი.

ცდომილება არის +/- 3%, 95%-იანი სანდოობის დონისთვის. საველე სამუშაოები მიმდინარეობდა 2023 წლის 7 სექტემბრიდან 24 სექტემბრის პერიოდში.

მოგებული პროცესების მიუხედავად, დე ფაქტო სანქცია დაუწესეს ბიძინა ივანიშვილს და სანქციები ემუქრებაო, გვაშინებენ ყოველდღე. ეს კაცი ვერ გაიცნეს, რომ ფულით კი არა, საკუთარი და ოჯახის წევრების სიცოცხლე დადო სასწორზე სამშობლოსთვის 2011 -12 წლებში და ახლა, ასეთ კაცს რომ აშინებ 2 მილიარდი გაგიჩერეო და ვერ ხვდები, ეს ერთი მხარეა, - ამის შესახებ პარტია "ქართული ოცნების" აღმასრულებელმა მდივანმა, მამუკა მდინარაძემ "რუსთავი 2-ის" გადაცემაში "ღამის კურიერი" განაცხადა.

მისი თქმით, როდესაც მთავარ სტრატეგიულ პარტნიორს ეხება საქმე, საქართველოს ხელისუფლება მეგობრულთან ერთად, მომთხოვნიც არის, ოპონენტები კი ცდილობენ, რომ ეს რუსულ ნარატივად წარმოაჩინონ.

"დე ფაქტო სანქციები დაადეს [ბიძინა ივანიშვილს] და ახლა ვინღა უნდა დაასანქცირონ ან რითი უნდა დაასანქცირონ ისეთით, რომ გული გაუხეთქონ ვინმეს. მაგრამ, როცა მთავარ სტრატეგიულ პარტნიორს ეხება, ჩვენ მომთხოვნებიც ვართ მათ მიმართ, მეგობრულებიც და ამას მერე ვიღაც დაიჩემებს და რუსულად გასაღებას შეეცდება. წეღანაც ვთქვით, ამერიკული კანონი გაუსაღეს საზოგადოების ნაწილს რუსულად და შეიძლება ესეც კი შეძლონ. მაგრამ ჩვენ, ყველა შემთხვევაში, საკუთარი სიტყვა უნდა ვთქვათ და მართლები უნდა ვიყოთ საკუთარი ქვეყნის, საკუთარი საზოგადოების წინაშე და ხვალ რომ სხვა მოქალაქე დაასანქცირონ, ქართული სახელმწიფო ამ ყველაფერს უნდა შეხვდეს მზად." - განაცხადა მამუკა მდინარაძემ.

საქართველოს პრემიერ-მინისტრი ირაკლი ღარიბაშვილი ალავერდობის დღესასწაულთან დაკავშირებით ალავერდის მონასტერში იმყოფებოდა.

მთავრობის მეთაურს აბბა ალავერდელმა მიტროპოლიტმა – დავითმა უმასპინძლა. მიტროპოლიტმა პრემიერ-მინისტრი დალოცა, ალავერდობა მიულოცა და წარმატებები უსურვა.

პრემიერმა ტაძარი მოილოცა, სადაც ალავერდობის დღესასწაულთან დაკავშირებით წმინდა ქეთევან დედოფლის წმინდა ნაწილები იყო დაბრძანებული.

მთავრობის მეთაურმა დაათვალიერა აღდგენილი მონასტერი და მიმდებარე ტერიტორია, ასევე უძველესი მარანი და მარანში არქეოლოგიური სამუშაოების ჩატარებისას აღმოჩენილი ექსპონატები. პრემიერ-მინისტრთან ერთად ადგილზე მთავრობის ადმინისტრაციის რეგიონებთან ურთიერთობის დეპარტამენტის უფროსი – ლერი ბარნაბიშვილი; აღმასრულებელი, საკანონმდებლო და ადგილობრივი ხელისუფლების წარმომადგენლები იმყოფებოდნენ.

ინფორმაციას საქართველოს პრემიერ-მინისტრის პრესსამსახური ავრცელებს.

რთველი ძალიან წარმატებით მიმდინარეობს. მოსავლის აღება და, ზოგადად, ყურძნის ჩაბარების პროცესი ძალიან კარგად არის ორგანიზებული, - ამის შესახებ საქართველოს პრემიერ-მინისტრმა ირაკლი ღარიბაშვილმა თელავში რთველის საკოორდინაციო შტაბის წევრებთან შეხვედრის შემდეგ ჟურნალისტებთან საუბრისას განაცხადა.

პრემიერის თქმით, დღევანდელი მდგომარეობით უკვე ჩაბარებული არის, გადამუშავებულია 170 ათასი ტონა ყურძენი და დაახლოებით 200 მლნ ლარის შემოსავალი მიიღეს კახელმა მევენახეებმა.

„მინდა მოგახსენოთ, რომ დღეს დავათვალიერე და გავეცანი შტაბის მუშაობას. რთველი ძალიან წარმატებით მიმდინარეობს. მოსავლის აღება და, ზოგადად, ყურძნის ჩაბარების პროცესი ძალიან კარგად არის ორგანიზებული. შტაბი ძალიან ეფექტურად მუშაობს. დღეის მდგომარეობით, უკვე ჩაბარებული არის, გადამუშავებულია 170 ათასი ტონა ყურძენი და დაახლოებით 200 მლნ ლარის შემოსავალი მიიღეს კახელმა მევენახეებმა უკვე.

ასევე მინდა გითხრათ, რომ 300-მდე კომპანია არის ჩართული ამ პროცესში, ჯამში 450 კომპანიაა ქვეყანაში, მაგრამ აქედან 300 კომპანია არის ჩართული. მინდა გითხრათ, რომ მე ძალიან კმაყოფილი ვარ ჩვენი შტაბის მუშაობით. ისინი ლაივრეჟიმით აკონტროლებენ ყველა ქარხნის მუშაობას, მიღების პროცესს, დაწყებული მიღებიდან, ჩაბარების, მთელ პროცესს აკვირდებიან და აკონტროლებენ. ასე რომ, კიდევ ერთხელ მინდა მადლობა გადავუხადო ბატონ ოთარ შამუგიას, მის გუნდს, შტაბს მთლიანად, ყველას, ვინც ამ პროცესში არის ჩართული.

ბოლო წლებში, იცით, ჩვენი ხელისუფლება მაქსიმალურად დაეხმარა და ეხმარება მევენახეებს. მევენახეობა არის სტრატეგიული დარგი ჩვენთვის, ჩვენი ქვეყნისთვის, ეკონომიკისთვის. ჩვენ ღვინის ქვეყანა ვართ, ღვინის სამშობლო ვართ, ასე რომ, განსაკუთრებული დამოკიდებულება სწორედ ამიტომაც გვაქვს ჩვენ ამ დარგის მიმართ.

შედარებისთვის მინდა შეგახსენოთ ყველას, რომ 2012 წელს 25 ათასი ჰექტარი იყო ქვეყანაში. დღეს არის 50 ათასი ჰექტარი უკვე, რაც, რა თქმა უნდა, ძალიან დიდი პროგრესია ბოლო 10 წელიწადში. ეს არის ჩვენი პროგრამების, დახმარებების შედეგი. ასევე გეტყვით, რომ თუ მაგალითისთვის, 2012 წელს 20 მილიონი ლიტრი ღვინო იყო ექსპორტზე გატანილი, შარშან რეკორდული, 100 მილიონზე მეტი ლიტრი ღვინო გაიყიდა. ჯამურად შარშან 400 მილიონი დოლარის ექსპორტით მიღებული შემოსავალი მიიღო ქვეყანამ. ეს, რა თქმა უნდა, გადანაწილდა ამ ოჯახებში, რეგიონში და არა მხოლოდ ამ რეგიონში, არამედ სხვა რეგიონებშიც, სადაც არის მეღვინეობა განვითარებული.

450 კომპანიაა, ადრე იყო რამდენიმე ათეული კომპანია, როგორც უკვე მოგახსენეთ და საერთოდ, არავითარი დახმარება არ ეძლეოდათ მევენახეებს და მეღვინეობას, ზოგადად, ამ დარგს.

ასე რომ, ჩვენ კიდევ ერთხელ გავაგრძელებთ ამ დახმარებებს, იქნება სუბსიდირების სახით თუ სხვა პროგრამების სახით, უამრავი პროგრამაა ასეთი. ვფიქრობ, რომ ჩვენი მოსახლეობა კმაყოფილი იქნება წელს“, - განაცხადა პრემიერმა.

საქართველოს პრემიერ-მინისტრმა თელავში, რთველის საკოორდინაციო შტაბში, შტაბის წევრებისგან რთველის შესახებ ინფორმაცია მოისმინა.

რთველის საკოორდინაციო შტაბი ოფიციალურად 24 აგვისტოს გაიხსნა და რთველის განმავლობაში 24-საათიან რეჟიმით მუშაობს. შტაბი კოორდინაციას უწევს რთველის ორგანიზებულად ჩატარებას. რთველის წინამოსამზადებელი სამუშაოების ორგანიზების მიზნით შტაბის წევრების ნაწილი კახეთში აგვისტოს დასაწყისიდან იმყოფებიან.

ადგილზე მუდმივად არის შტაბის 20 წევრი; შტაბს ხელმძღვანელობს ღვინის ეროვნული სააგენტოს თავმჯდომარე ლევან მეხუზლა. შტაბის შემადგენლობაში არიან კახეთის მუნიციპალიტეტების კოორდინატორები, რომლებიც ორგანიზებას უწევენ ყურძნის ჩაბარების პროცესს, ღვინის საწარმოებთან ყურძნით დატვირთული მანქანების ნაკადების მართვას; ასევე შტაბში იმყოფება ტექნიკური პერსონალი რეგისტრაციისა და აღრიცხვის მიმართულებით. ყურძნის აღრიცხვა ერთიან ელექტრონულ სისტემაში მიმდინარეობს.

დღევანდელი მდგომარეობით, რთველი 2023 წლის ფარგლებში, გადამუშავებულია 170 ათასი ტონა ყურძენი, აქედან 68 ათას ტონამდე - რქაწითელი, 92 ათას ტონამდე - საფერავი, 3 ათასი ტონა - კახური მწვანე და დანარჩენი სხვადასხვა ჯიშის ყურძენია.

მოსავალი საწარმოებს 13 ათასამდე მევენახემ ჩააბარა. მათი შემოსავალი 170 მლნ ლარს აღწევს.

ამასთან ერთად, სახელმწიფო ღვინის საწარმო შპს „მოსავლის მართვის კომპანიის" მიერ გადამუშავებულია 19 ათასი ტონა კლიმატური პირობების გამო დაზიანებული ყურძენი. დაზიანებული ყურძნის რეალიზაციით მევენახეების მიღებული შემოსავალი 17,1 მლნ ლარს აღწევს.

რთველის საკოორდინაციო შტაბში დარეგისტრირებულია 450 ღვინის კომპანია. ყურძნის გადამუშავების პროცესში ჩართული იყო უკვე 300 კომპანია.

რთველი სხვადასხვა აქტივობით მიმდინარეობს კახეთის ყველა მუნიციპალიტეტში.

ვარკეთილი 3, მე-4 მ/რ, კორპუსი N 417,418 ის მიმდებარედ ახალი რეკრეაციული სივრცის მოწყობა მიმდინარეობს.
2400 კვ.მ ფართობის ტერიტორიაზე, ეწყობა საპარკინგე ზონა, დასასვენებელი კუთხეები, სპორტული მოედანი, საბავშო და სავარჯიშო სივრცეები, სკვერი გაზონით შემოისაზღვრება და სხვადასხვა ჯიშის ხე-მცენარე დაირგვება. ასევე, მონტაჟდება სკამები, სეპარირებული ურნები, დაიგება დეკორატიული ფილები. დასასვენებელ სივრცეში ყველა საჭირო თანამედროვე ინვენტარი განთავსდება.
მიმდინარე სამუშაოებს რაიონის გამგებელი კახა სამხარაძე, თბილისის მერის მოადგილე კახა გულედანთან ერთად გაეცნო.

რას წერს თორნიკე შარაშენიძე საკუთარ "ფეისბუქ" გვერძე:

პარლამენტის ფრაქცია "ქართული ოცნების" თავმჯდომარემ, მამუკა მდინარაძემ "ღამის კურიერის" ეთერში ოპოზიციის მიერ გადატრიალების დაგეგმვასთან დაკავშირებით ისაუბრა.

მდინარაძის შეფასებით, ეს ფაქტები ამ გეგმების მტკიცებულებას წარმოადგენს.

"სოფო ნიჟარაძესთან საუბარი ხომ გვახსოვს, ნიკა გვარამიასთან ლაპარაკი ხომ გვახსოვს, მიხეილ სააკაშვილის ბიძამისთან ლაპარაკი გვახსოვს?! - ხომ ყველაფერი გვახსოვს, ხალხსაც ყველაფერი ახსოვს. ეს ჩანაწერები - მტკიცებულება წარსულიდან. ასევე, 6 თუ 7 უკრაინის მოქალაქე რომ დააკავეს იარაღებით, შემოპარულები ამ ქვეყანაში, წინასწარ რომ ვლაპარაკობდით, რაღაცას გეგმავენ. იყვნენ ეს ადამიანები შემოპარულები, დააკავეს?! და შემდეგ რომ ზოგიერთმა პარლამენტარმა თავი მოიკლა, გეხვეწებით გამატანეთო, მსგავსი არაფერი მოხდება, მე ვარ გარანტორიო, სად არის ის გარანტია?! - გიყვებით მტკიცებულებებს. ბატურინი, სააკაშვილის დაცვის ყოფილი წევრი 2 მებრძოლთან რომ იყო შემოპარული კატერით თუ ნავით, რისთვისა იყო თქვენი აზრით?! რისთვის შემოიპარა?! ის 2 თანამებრძოლი რისთვის ჰყავდა ამ ქვეყანაში, შემთხვევით მაშინაც იგივე გეგმა ხო არ იყო?! შეაწყალებინეს სალომე ზურაბიშვილს?! ამ შემთხვევაში ობიექტურობისთვის უნდა ითქვას, რომ ქართულ მხარესთან იყო საუბარი, არ იყო მხოლოდ პრეზიდენტი, უნდა ვაღიარო რომ აქ თანხმობა იყო სხვა უწყებებიდანაც. ზელენსკის პირობა იყო... ბათუმში არ ჩამოდიოდა საერთოდ, ნახეთ რა რანგში აიყვანეს, ზელენსკი არ ჩამოდიოდა ბათუმში, რაც ქვეყანას იმიჯურად მაშინ მძიმე თემა იყო. არ ჩამოვა პრეზიდენტი ბათუმში, თუ ამას არ შეიწყალებ... ოპოზიცია, რომ გადატრიალებას გეგმავდა 7-8 ჩანაწერი გვაქვს და 3 კონკრეტული შემთხვევა. სააკაშვილი რისთვის ჩამოვიდა არაჟნებით?! საქეიფოდ მოდიოდა?! არაჟნების კონტეინერში თუ ვერ გაათევდა ღამეს, ისე ვერ იქეიფებდა?! კაცმა ვერ გაბედა ჩამოსვლა გაცილებით მნიშვნელოვან საპარლამენტო არჩევნების დროს და გააბედინეს, რისი გამბედავი იყო თვითონ, დაავალეს, სხვა დროს, როდესაც 43 პროცენტს ჩამოვცდებოდით, მიუხედავად იმისა, რომ გამოსული ვიყავით იმ დათქმიდან, მიშელის შეთანხმებაზე ვსაუბრობ, მაინც მოგვაწვებოდა ყველა რომ ჩვენ ჩაგვეტარებინა არჩევნები და უკვე გადატრიალებას ნიშნავდა ეს ფაქტობრივს, ვერ შეძლო ეს მიხეილ სააკაშვილმა. ამდენი მტკიცებულება გვაქვს და ახლა ბევრი მტკიცებულება გაჩნდება მომავალში და წინასწარ თუ სუსი დეტალურ ანგარიშს არ აბარებს ამის დამგეგმავებს, რომ ეს ვიცი, ამაზე მაქვს მტკიცებულება, ძალიან დიდი ბოდიში," - განაცხადა მამუკა მდინარაძემ.

საქართველოს პრემიერ-მინისტრმა, ირაკლი ღარიბაშვილმა ოფიციალურად გახსნა სპეციალური ფოტოგამოფენა, რომელიც საქართველოში ევროკავშირის სადამკვირვებლო მისიის 15 წლის განმავლობაში ყოფნას ეძღვნება. ღონისძიებაზე ევროკავშირის სადამკვირვებლო მისიის ხელმძღვანელმა, დიმიტრიოს კარაბალისმა მადლობა გადაუხადა საქართველოს, მისიის 15 წლის განმავლობაში მასპინძლობისთვის.

გამოფენა, რომელშიც წარმოდგენილია 15 ფოტო, ასახავს ევროკავშირის სადამკვირვებლო მისიის მუშაობის მრავალფეროვან ასპექტებს, რაც ხაზს უსვამს მის ურყევ ერთგულებას მშვიდობისა და სტაბილურობის მიმართ საქართველოში და უფრო ფართო რეგიონში. ეს სურათები ადასტურებს მისიის ერთგულებას საქართველოში თავისი მანდატისადმი ბოლო თხუთმეტი წლის განმავლობაში.

გახსნის დროს ევროკავშირის სადამკვირვებლო მისიის ხელმძღვანელმა, დიმიტრიოს კარაბალისმა გულწრფელი მადლობა გადაუხადა საქართველოს მისიის 15 წლის განმავლობაში მასპინძლობისთვის.

„უაღრესად მადლობელი ვართ საქართველოს ხალხისა და მთავრობისა ჩვენი მისიის ამ 15 წლის განმავლობაში მიღებისთვის. ამ გადამწყვეტმა მხარდაჭერამ საშუალება მისცა ევროკავშირის სადამკვირვებლო მისიას, მტკიცედ მოახდინოს ფოკუსირება ჩვენი მანდატის შესრულებაზე, რომელიც მდგომარეობს საქართველოში და უფრო ფართო რეგიონში სტაბილურობაში წვლილის შეტანაში“, – განაცხადა მისიის ხელმძღვანელმა, დიმიტრიოს კარაბალისმა.

პრემიერ-მინისტრმა ღარიბაშვილმა უშუალოდ გადაუხადა მადლობა მისიას გაწეული მუშაობისთვის.

„2008 წლის 15 სექტემბერს ევროკავშირმა გადადგა გადამწყვეტი ნაბიჯი ევროკავშირის სადამკვირვებლო მისიის დაარსებით. იმ დღიდან მოყოლებული მისიამ საკვანძო როლი ითამაშა ჩვენს ქვეყანაში სტაბილურობის ხელშეწყობაში“, – განაცხადა ირაკლი ღარიბაშვილმა. დასასრულ, პრემიერმა გამოხატა სახელმწიფოს მხრიდან ევროკავშირის სადამკვირვებლო მისიის მიმართ სრული მხარდაჭერის მზადყოფნა.

გამოფენა ერთდროულად მოეწყობა ევროკავშირის სადამკვირვებლო მისიის სათავო ოფისში და სამ რეგიონულ ოფისში: მცხეთაში, გორსა და ზუგდიდში. ეს იდენტური გამოფენები არ დარჩება უძრავად თავდაპირველ ადგილას. ამის ნაცვლად, თითოეული ეს ოფისი გამოფენებს წარმოადგენს სხვადასხვა ადგილას, როგორებიცაა საჯარო სკოლები, ბიბლიოთეკები, სამხატვრო გალერეები და ქალაქების ადმინისტრაციები. ეს მიდგომა ოთხივე გამოფენას გარდაქმნის „მოძრავ გამოფენებად“, რაც საშუალებას მისცემს უფრო ფართო აუდიტორიას, ჩაერთოს და დააფასოს ევროკავშირის სადამკვირვებლო მისიის ეფექტიანი მუშაობა რეგიონში მისი 15-წლიანი ყოფნის განმავლობაში.

ინფორმაციას საქართველოში ევროკავშირის სადამკვირვებლო მისია ავრცელებს.

"როდესაც წყვილი ბედნიერი არ არის, შესაძლებელია განშორება სჯობდეს" - ამ ფრაზით ნიკა მელიამ, ლევან ხაბეიშვილთან პოლიტიკური გაყრა და ახალი პლატფორმის შექმნა დააანონსა. "ნაციონალური მოძრაობის" ყოფილი თავმჯდომარე უკვე ღიად ამბობს, რომ პარტიის მოქმედ ხელმძღვანელთან თანამშრომლობის ყველანაირი რესურსი ამოწურა და ახლა დროა ბრძოლა დამოუკიდებლად მხოლოდ, მის თანამოაზრეებთან ერთად განაგრძოს. დატოვებს თუ არა, ნიკა მელია პარტიას, საბოლოოდ ოქტომბრის ყრილობაზე გადაწყდება.

ნიკა მელიას პარტიიდან შესაძლო წასვლა, უმნიშვნელოა ლევან ხაბეიშვილისთვის. "ნაციონალური მოძრაობის" თავმჯდომარე მის წინამორბედს ურჩევს, პირადი წყენა გვერდზე გადადოს და პირად ამბიციებს, ხალხის ინტერესი არ გადააყოლოს.

"ნაციონალური მოძრაობიდან" წასული ხატია დეკანოიძე, მელიას გადაწყვეტილებას იწონებს, რაც კიდევ ერთი დაპირისპირების მიზეზი გახდა პარტიის ყოფილ და მოქმედ წევრებს შორის. დეკანოიძეს დღეს თინა ბოკუჩავამ უპასუხა და მელიასთან გაერთიანება ურჩია.

დაყოფა და პოლიტიკური ასპარეზიდან გაქრობა - ასე აფასებს მმართველი გუნდი "ნაციონალურ მოძრაობაში" მიმდინარე დაპირისპირებას. "ქართულ ოცნებაში" ფიქრობენ, რომ სააკაშვილის პარტიაში, საიდანაც მხოლოდ სახელი დარჩა, პროცესები ლოგიკურად მიმდინარეობს და ნებისმიერი კონფიგურაციის შემთხვევაში, მარცხი გარდაუვალი იქნება.

დაპირისპირება "ნაციონალურ მოძრაობაში" თითქმის ერთი წელია გრძელდება. ამჯერად შიდა განხეთქილების მიზეზი, ნიკა მელიას განაცხადია -პარტიიდან შესაძლო წასვლასა და ახალი პლატფორმის შექმნასთან დაკავშირებით. როგორი იქნება პარტიის კონფიგურაცია, ყოფილი თავმჯდომარეს ამასთან დაკავშირებით პოლიტიკურ გეგმებზე მედიასთან აღარ უსაუბრია.

დედაქალაქის მერის, კახა კალაძის განცხადებით, თბილისის სატრანსპორტო კომპანია ავტობუსის მძღოლის პოზიციაზე 400 ვაკანსიას აცხადებს.

როგორც მან მუნიციპალიტეტის მთავრობის სხდომაზე აღნიშნა, ამით 8, 10 და 12-მეტრიანი ავტობუსების მძღოლების ვაკანსიები შეივსება, ხოლო ამჟამად მომუშავე მძღოლები 18-მეტრიან ავტობუსებზე გადანაწილდებიან.

„უკვე შევიძინეთ 160 ერთეული 18-მეტრიანი ავტობუსი, რომლებიც ამჟამად დამზადების პროცესშია. მათი შემოყვანა და სხვადასხვა მარშრუტზე გაშვება 2024 წლის განმავლობაში მოხდება. ამის გათვალისწინებით, თბილისის სატრანსპორტო კომპანიამ დაიწყო აღნიშნული ავტობუსების მართვისთვის საჭირო E კატეგორიის მოწმობის მისაღებად კომპანიაში ამჟამად მომუშავე მძღოლების გადამზადება. მათ ნაცვლად, აუცილებელი გახდება, შეივსოს 8, 10 და 12-მეტრიანი ავტობუსების მძღოლების ვაკანტური ადგილები“, – აღნიშნა კახა კალაძემ.

მისი თქმით, აღნიშნულ ვაკანსიაზე თანამდებობრივი სარგო შეადგენს 2 500 – 3 000 ლარს გამომუშავებით.

„ვისაც სურვილი აქვს დასაქმების, უნდა მიმართოს თბილისის სატრანსპორტო კომპანიას. შესაბამისი გასაუბრებისა და სტაჟირების გავლის შემდეგ, ყველა ადამიანს, განურჩევლად სქესისა, შესაძლებლობა ექნება, დასაქმდეს M3 კატეგორიის ავტობუსის მძღოლის პოზიციაზე. ვაკანსია ცხადდება 400 მძღოლზე. მოცემულ ვაკანსიაზე თანამდებობრივი სარგო შეადგენს 2 500 – 3 000 ლარს გამომუშავებით“, – განაცხადა დედაქალაქის მერმა.

საქართველოს პრემიერ-მინისტრი ირაკლი ღარიბაშვილი, სოხუმის დაცემის 30 წლისთავთან დაკავშირებით, საქართველოს ერთიანობისთვის ბრძოლაში დაღუპულ გმირთა მემორიალზე იმყოფებოდა.

მთავრობის მეთაურმა დაღუპულთა ხსოვნას პატივი მიაგო და მემორიალი გვირგვინით შეამკო.

პრემიერ-მინისტრი ადგილზე თბილისის მერთან და მთავრობის წევრებთან ერთად იმყოფებოდა.