რჩეული სტატიები

ევროპაში ახალი სეზონი აგვისტოში იწყება, მანამდე კი კლუბები გაძლიერებას ცდილობენ. ვიღაც ჰყიდის, ვიღაც ყიდულობს და ამ ორომტრიალში ქართული გვარებიც ისმის. უპირველესად კი გიორგი მამარდაშვილის, რომლის გადაბირების სურვილიც არაერთ გუნდს აქვს და სწორედ ამიტომ, ქართველი მეკარის წარმომადგენლები ხან ესპანეთში არიან, ხან - ინგლისში და ხანაც - გერმანიაში. ევროპული მედია ამტკიცებს, მამარდაშვილის გადაბირებით მიუნხენის „ბაიერნია“ დაინტერესებული და მხარეებმა ერთი შეხვედრა უკვე გამართეს კიდეც.

„ერთადერთი, რაც გერმანულ მხარეს არ მოსწონს, ქართველი მეკარის ფასია. „ვალენსიას“ მის სანაცვლოდ, ყველაზე ცოტა, 25 მილიონი ევროს მიღება სურს, „ბაიერნი“ კი მხოლოდ 15 მილიონის გადახდაზეა თანახმა. თუმცა, თუ უახლოეს მომავალში, ბავარიელებმა ახალი მეკარე ვერ მონახეს, იძულებულები გახდებიან, მამარდაშვილში 25 მილიონი გადაიხადონ“, - წერს გერმანული მედია.

რეალურად, „ბაიერნი“ მართლაც ურთულეს დღეშია. გუნდის ძირითადმა კიპერმა და კაპიტანმა მანუელ ნოიერმა, გასული წლის ნოემბერში ფეხი მოიტეხა და ვარჯიში ჯერაც არ დაუწყია. ამასთან, 27 მარტს, ნოიერი 37 წლის გახდა და მასზე გრძელვადიანი გათვლის გაკეთება ძნელია. მეორე და მესამე მეკარეები, შესაბამისად, იან ზომერი და ალეკსანდრ ნიუბელი კი გუნდიდან უკვე წავიდნენ ანუ ჩემპიონატი დღეს რომ დაწყებულიყო, „ბაიერნის“ ხელმძღვანელობას მეკარის აყვანა ბავშვთა გუნდიდან მოუწევდა. სწორედ ეს ზრდის მამარდაშვილის ბავარიელთა რიგებში გადასვლის შანსს და თუ ეს მოხდება, გიორგი გახდება პირველი ქართველი ფეხბურთელი, ვისაც მიუნხენური გრანდის ძირითადში თამაშის შესაძლებლობა ექნება.

ავტორი: ბათო ჯაფარიძე

ისტორიაში პირველად მოხდა, რომ ტოპ-5 ჩემპიონატის სეზონის საუკეთესო ფეხბურთელად ქართველი დასახელდა. ხვიჩა კვარაცხელია სერია A-ს 2022-23 წლების საუკეთესო ფეხბურთელად დაასახელეს. ეს უშუალოდ იტალიური სერია A-ს არჩევანია.

კვარა, საფეხბურთო სეზონის განმავლობაში, სამჯერ დაასახელეს ტურის საუკეთესო ფეხბურთელად და სიმართლე გითხრათ, ეს საუკეთესოობისთვის სერიოზული განაცხადი იყო. ახლა, რა გამოკითხვაც არ უნდა ჩატარდეს, რომელმა გამოცემამაც არ უნდა დაწეროს საუკეთესოს შესახებ, ან საკუთარი ვერსია შემოგვთავაზოს, ასი წლის შემდეგაც ყველას ეცოდინება, რომ  2022-23 წლებში, სერია A-ს საუკეთესო ფეხბურთელი, ქართველი ხვიჩა კვარაცხელია გახდა.

ავტორი: ბათო ჯაფარიძე

ეს და სხვა საინტერესო სტატიები ნახეთ გაზეთში “ვერსია”

მიმდინარე სეზონის ბოლოს, ფინანსური პრობლემების მოსაგვარებლად, „ვალენსია“ გიორგი მამარდაშვილს და იუნუს მუსას შეელევა. ეს ორი ფეხბურთელი, „ღამურების“ დღევანდელ შემადგენლობაში ყველაზე ძვირადღირებულები არიან და ისინი რომ არ გაასხვისონ და პრიმერადივიზიონში დარჩნენ, ფინანსური პრობლემების გამო, შესაძლოა, მაინც დააქვეითონ. სწორედ ამიტომ, „ვალენსიასთვის“ საუკეთესო შემთხვევაში, მხოლოდ ორი მოთამაშის გაყიდვით გადარჩენა იდეალური გამოსავალია. თანაც, იმის მიუხედავად, რომ როგორც მამარდაშვილის, ისე მუსას შემთხვევაში, გამოსასყიდ თანხად მითითებული 100 მილიონი ევრო ბევრად შემცირდება და საერთო ჯამში,კლუბი  ორივე მოთამაშეს, 45-50 მილიონად შეელევა.

მუსასი რა გითხრათ, მაგრამ მამარდაშვილის შეძენა რამდენიმე პრემიერლიგურ კლუბს სურს. მათ შორის, გრანდებიც არიან, თუმცა „ლივერპულს“, „არსენალსა“ და „მანჩესტერ სიტის“, გიორგი უფრო გრძელვადიანი პერსპექტივისთვის, მეორე კიპერად სურთ, რაც ჩვენებურისთვის კარგი არ უნდა იყოს. სამაგიეროდ, „ლესტერს“, „ვესტ ჰემსა“ და „კრისტალ პალასს“ მამარდაშვილი პირველ მეკარედ სჭირდებათ და ამ სამი კლუბის წარმომადგენელი, „ვალენსიას“ ბოლო თამაშებს ერთგული გულშემატკივარივით არ აცდენს. უდიდესი ალბათობით, „ვესტ ჰემი“ და „კრისტალ პალასი“ პრემიერლიგაში ადგილის შენარჩუნებას შეძლებენ, რასაც „ლესტერზე“ ჯერჯერობით ვერ ვიტყვით და გადაწყვეტილებასაც სეზონის დასრულებისა და სატრანსფერო ფანჯრის გახსნის შემდეგ მიიღებენ.

კალათბურთის საერთაშორისო ფედერაციამ (FIBA) მსოფლიოს 2027 წლისჩემპიონატის მასპინძლობის უფლება ყატარს მიანიჭა.

ტურნირის ყველა მატჩი ქალაქ დოჰაში გაიმართება.

„FIBA მოხიბლული დარჩა ყატარის მიერ შეთავაზებული წინადადებით, კერძოდ, კომპაქტური გეოგრაფიული განლაგებით, მატჩების ჩატარების მოქნილი განრიგით, რათა უკეთ მოვემსახუროთ გულშემატკივრებს.

ყატარის დედაქალაქი დოჰა ერთ-ერთი საუკეთესო მიმართულებაა მსოფლიოში, აქვს პირდაპირი რეისები პოტენციური მონაწილე ქვეყნების უმრავლესობასთან, ცოტა ხნის წინ მოდერნიზაცია ჩაუტარდა მეტროს და საზოგადოებრივი ტრანსპორტიაერთიანებს ყველა ადგილს, უზრუნველყოფს უმაღლესი ხარისხის სერვისს ყველასტუმრისთვის.

იმის გამო, რომ ყველა გუნდი ერთ ქალაქში თამაშობს, გულშემატკივრებს შეუძლიათყველაფერი წინასწარ დაგეგმონ და მიიღონ უნიკალური შთაბეჭდილება, რადგანჩატარების ყველა ადგილი ერთმანეთთან მაქსიმუმ 30 წუთის სავალზეა“, – წერიაFIBA-განცხადებაში.

საქართველოს კალათბურთელთა ნაკრების კაპიტანი, თორნიკე შენგელია საუცხოო ფორმაში გახლდათ და ევროლიგაზე, ზედიზედ ორ შეხვედრაში გუნდს ულიდერა კიდეც. მისი თამაშით არა მარტო ცსკა-ს მწვრთნელი და გულშემატკივრები იყვნენ კმაყოფილნი, არამედ, ექსპერტებიც აღნიშნავდნენ, რომ ქართველი ცენტრი ფორმის პიკში შედიოდა, თუმცა...

„ზენიტთან“ შეხვედრაში, თორნიკე უხერხულად დაეცა და მხარი იტკინა. თავიდან ვარაუდობდნენ, რომ ტრავმა სერიოზული არ იქნებოდა, თუმცა დეტალურმა კვლევამ სხვა შედეგი აჩვენა. შენგელია პარკეტზე გასვლას უახლოესი ორი თვის განმავლობაში ვერ მოახერხებს.

საქართველოს საუკეთესო ჩოგბურთელმა, ნიკოლოზ ბასილაშვილმა ისტორია ვერ გადაწერა. სამწუხაროდ, ნიკა „ინდიან უელსის“ მასტერსის ფინალში, ბრიტანელ კამერონ ნორისთან დამარცხდა. არადა, გამარჯვების ძალიან, ძალიან კარგი შანსი ჰქონდა, თუმცა...

პირველი სეტი ნიკამ მძიმედ დაიწყო. მოთამაშეებმა ჩაწოდებები გაცვალეს, მაგრამ მესამე გეიმში, ნორიმ ბრეიკი შეასრულა და წინ გავიდა. ბრიტანელმა თავისი ჩაწოდებაც მოიგო და 3:1 დააფიქსირა. ამის შემდეგ, ბასილაშვილმა უშეცდომოდ ითამაშა, ზედიზედ ორი ბრეიკი შეასრულა და სეტი 6:3 მოიგო.

მეორე სეტი ბევრად დაძაბული გამოდგა. ჩვენებურმა მესამე გეიმში ბრეიკი შეასრულა, წინ გავიდა, თუმცა ანერვიულდა, კამერონმა უკუბრეიკი შეასრულა და თამაშში დაბრუნდა. ეს იყო გარდამტეხი მომენტი, რომ არა ეს ხუთწუთიანი მონაკვეთი, ბასილაშვილი მეორე სეტს და, შესაბამისად, ფინალსაც მოიგებდა. ამის შემდეგ, ორივე ჩოგბურთელი საკუთარ ჩაწოდებაზე დამაჯერებლად ასპარეზობდა. სამწუხაროდ, იმ დროს, როდესაც ანგარიში ნორის სასარგებლოდ 5:4 იყო, ბრიტანელმა კვლავ ბრეიკი შეასრულა და სეტებს შორის ანგარიში გაათანაბრა.

მესამე სეტი კი მთლიანად მეტოქის იყო. ნორიმ ჯერ საკუთარი მოწოდება მოიგო, მერე ბრეიკი შეასრულა, შემდეგ კვლავ მოიგო მოწოდება და წინ 3:0 გავიდა. ამასთან, ბრიტანელი შეცდომას პრაქტიკულად აღარ უშვებდა, ბასილაშვილმა კი თავისი ჩაწოდება ისევ დათმო და 1:5 დაფიქსირდა. რაღა თქმა უნდა, კამერონმა ასეთი შანსი ხელიდან აღარ გაუშვა, მატჩზე ჩააწოდა და „ინდიან უელსის“ მასტერსი მოიგო.

აღნიშნული ტურნირის ფინალში გასვლით, ბასილაშვილმა მაინც დიდ წარმატებას მიაღწია. ფინალში თამაშით, ბასილაშვილმა 640 ათასი დოლარი და 600 სარეიტინგო ქულა გაინაღდა, თუმცა რომ მოეგო, 1 209 730 დოლარსა და 1000 სარეიტინგო ქულას გამოიმუშავებდა. ახალ მსოფლიო რეიტინგში, ბასილაშვილი მისთვის სარეკორდო, მე-15 ჩოგანი იქნება.

27 თებერვალს, საქართველოს მორაგბეთა ნაკრები 250-ე შეხვედრას გამართავს. რაგბი ევროპის ჩემპიონატის (პარალელურად, მსოფლიო თასის შესარჩევი) ეგიდით, „ბორჯღალოსნები“ „დინამო არენაზე“ რუსეთს შეხვდებიან. ბილეთების გაყიდვა უკვე დაწყებულია და რაგბის კავშირი ამასთან დაკავშირებით სპეციალურ განცხადებას ავრცელებს:

ქვეყანაში მოქმედი კოვიდრეგულაციებიდან გამომდინარე, თამაშზე გულშემატკივრების მხოლოდ 33 პროცენტი დაიშვება.

- აუცილებელი კოვიდშემოწმების გათვალისწინებით, სტადიონზე შესვლა მაქსიმალურად მოკლე დროში რომ მოხდეს, შესასვლელში უნდა წარმოადგინოთ:

- თამაშის (ელექტრონული) ბილეთი და პირადობის დამადასტურებელი მოწმობა;

- კოვიდვაქცინაციის დამადასტურებელი დოკუმენტი (სასურველია ამობეჭდილი QR კოდით);

- ან 72-საათიანი ვალიდურობის PCR ტესტის უარყოფითი პასუხი (სასურველია ამობეჭდილი);

- ან 24-საათიანი ვალიდურობის ანტიგენტესტის (სწრაფი ტესტი) უარყოფითი პასუხი (ამობეჭდილი);

- ან ბოლო 6 თვის განმავლობაში კორონავირუსული ინფექციის გადატანის დამადასტურებელი ცნობა (ამობეჭდილი);

- ან წინასწარ შებრძანდით გვერდზე: www.covidpass.moh.gov.ge და ეკრანზე გქონდეთ წარმოდგენილი QR კოდი;

- ან წინასწარ შებრძანდით აპლიკაციაში Georgia E-Health და ეკრანზე გქონდეთ წარმოდგენილი QR კოდი;

- სტადიონის ტერიტორიაზე სავალდებულოა პირბადის ტარება;

- სოციალური დისტანციის დასაცავად, აუცილებელია, ყველა გულშემატკივარმა დაიკავოს ბილეთზე მითითებული ადგილი.

რუსეთის ნაკრები მოსამზადებელ შეკრებაზე თურქეთში იმყოფება და რა ძნელი მისახვედრია, რომ ისინი საქართველოსთან მატჩისთვის განსაკუთრებით ემზადებიან. მათ რიგებში კი სიახლეა - რუსეთის ნაკრებში ორი ქართველი ახალწვეულია - ყაზანის „სტრელას“ წევრი ნიკოლაი კაზალიკაშვილი და ფრანგული „კარკასონის“ მორაგბე ნიკოლოზ ნარმანია. ეს უკანასკნელი თავის დროზე საქართველოს 18-წლამდელთა ნაკრებშ გამოდიოდა, ახლა 21 წლის გახლავთ და... ასპარეზობა რუსეთის ეროვნულ გუნდში გადაწყვიტა. ყველამ თავის საქმე იცის, მაგრამ, საქართველოს დედაქალაქში, რუსეთის ჰიმნზე ამღერებული ქართველი ცოტა არ იყოს უცნაური სანახავია.

საქართველოს მორაგბეთა ეროვნულმა ნაკრებმა თბილისში რუმინეთი დამაჯერებლად, 28:17 დაამარცხა და გარდა იმისა,რომ რაგბი-ევროპის გამარჯვებული გახდა, ჩვენსა და რუმინეთს შორის გასათამაშებელი ანთიმოზ ივერიელის სახელობის თასიც თბილისში დატოვა. ამ შესარჩევში ჩვენმა გუნდმა ოთხი შეხვედრა გამართა, ოთხივე მოიგო და უდანაკარგოდ დაასრულა ეს ყველაფერი, თუმცა...

სიმართლე გითხრათ, სათვალავი აგვერია, რამდენჯერ გვაქვს მოგებული რაგბი-ევროპა და რამდენჯერ კიდევ ანთიმოზ ივერიელის თასი. ეს ყველაფერი ძალიან ჰგავს ერთ წრეზე ტრიალს, რადგან წინ პრაქტიკულად ვერ მივდივართ. გავალთ მოსფლიოს ჩემპიონატზე, შეგვხვდება ტოპ-ნაკრები და პატარა ბავშვებივით გვიგებენ. გამოსავალი ერთია - ექვსი ერის პირველობა როგორმე შვიდი ერის უნდა გახდეს, ან ქევს ერში ბოლოადგილოსანი გავარდეს და მომდევნო წელს იქ რაგბი-ევროპის გამარჯვებულმა ითამაშოს. ასეთ შემთხვევაში, ექვსი ერიდან მუდმივად იტალია გავარდება და უდიდესი ალბათობით, მუდმივად ჩვენ ჩავენაცვლებით. სამაგიეროდ, იმ ერთი წლის განმავლობაშ, ინგლისს, უელსს, საფრანგეთს, შოტლანდიასა და ირლანდიას შევხვდებით და მერე ჩვენი დონეც აიწევს, მოტივაციაც და ქართველი მორაგბეებიც ბევრად უკეთეს კლუბებში გააგრძელებენ ასპარეზობას.

ჰოდა, სანამ ამ მიმართულებით რამე არ შეიცვლება, უკვე იმდენად მივეჩვიეთ რაგბი-ევროპის მოგებას, რომ ემოციაც ნაკლებად გვაქვს. მოვიგეთ კიდევ ერთი თასი, რომელიც მანამდეც ბევრჯერ მოგვიგია და არც მომავალში გაგვიჭირდება.

საქართველოს მორაგბეთა ეროვნულმა ნაკრებმა რუსეთი კვლავ დაამარცხა - ამჯერად, კალინინგრადში. მატჩამდე, ქართველ გულშემატკივარს ერთგვარი შიში ჰქონდა, რადგან ჩვენი გუნდი დამაჯერებლად ვერ გამოიყურებოდა და ესპანეთთან შეხვედრამაც აჩვენა, რომ ბევრი პრობლემა იყო. რუსები კი საქართველოსთან მატჩისთვის განსაკუთრებულად ემზადებოდნენ, თუმცა საბედნიეროდ, ყველაფერი კარგად დასრულდა. „ბორჯღალოსნებმა“ წელს საუკეთესო შეხვედრა ჩაატარეს და მატჩი პრემიალური ქულით - 23:6 მოიგეს.

„მეტოქე ჩვენზე ოდნავ ძლიერი იყო. მიუხედავად იმისა, რომ ჩვენ გუნდი ახლა ნამდვილად უკეთესია, ვიდრე ადრე, ქართველებმა ამჯერად დაცვაში ძალიან კარგად მოახერხეს თამაში. მეტოქეზე ზეწოლის შენარჩუნება გაგვიჭირდა, რომ ლელო დაგვედო. დღევანდელი წარუმატებლობის ერთ-ერთი საკვანძო მომენტი, ბურთის თამაშში შეყვანა იყო. მნიშვნელოვანი გავლენა იქონია ვიქტორ გრესევის გამოკლებამაც. საქართველოს წინააღმდეგ თამაში, როგორც წესი, ძალიან მჭიდრო და ხისტია. ქართველები თავის გეგმას მიჰყვებოდნენ, მათ კარგად გამოსდით დარტყმითი ტაქტიკით მუშაობა. ზოგჯერ თავდაცვა კარგად გამოგვდიოდა, მაგრამ, სამწუხაროდ, მთლიანობაში ეს ვერ მოვახერხეთ. ჩვენ უფრო თანაბარ თამაშს მოველოდით, მაგრამ არ გამოგვივიდა. ქართველები კერკეტი კაკლები არიან, მათ ადეკვატური წინააღმდეგობა უნდა გაუწიო. ჩევნ განვითარება უნდა განვაგრძოთ და გამარჯვებაც მოვა. ყველასათვის ნათელია, რომ საქართველო, ყოველგვარი კითხვის ნიშნების გარეშე, მსოფლიოს თასზე გავა“, - ნამატჩევს, ეს განცხადება რუსთა თავკაცმა, ლინ ჯონსმა გააკეთა.

იაპონიაში მიმდინარე სუმოისტთა ტურნირის დასრულებამდე, ექვსი დღე დარჩა. სამწუხაროდ, უნდა ვაღიაროთ, რომ ქართველი ფალავანი, ლევან გორგაძე, იგივე ტოჩინოშინი, ამ ტურნირს უარყოფითი ბალანსით დაასრულებს და რეიტინგში დაქვეითდება. საქმე ის გახლავთ, რომ 9 დღის შემდეგ, მისი ბალანსია - 3 მოგება და 6 მარცხი. ეს კი იმას ნიშნავს, რომ დარჩენილი ექვსი შეხვედრიდან, ლევანმა, მინიმუმ, ხუთი უნდა მოიგოს, რაც მისი მტკივანი მუხლისა და ნემსებით გაყუჩებული მხრის ტკივილის პირობებში, წარმოუდგენლად ჩანს.

Resist sorry stadium affect define achieve formal mail bringing philip. Qualified surfaces urge sympathy winston drivers transformation approaching constructed. Twentieth palfrey

Putting recovery originally tends soldier. Sensitivity scotty oral tangible papers artery handle engagement vacuum. Equipped possibilities bombs liberty eg helva satisfactory

საქართველოს ძიუდოისტთა ნაკრების კაპიტანი სოციალურ ქსელში პოსტს აქვეყნებს : 

„მადლობა ღმერთს იმისთვის რაც მომცა დღემდე იყო ბევრი სიხარული ბევრი გულის ტკენა მარა ამ ყველაფერმა მე ძალიან გამაძლიერა როგორც პიროვნება.
მადლობა ჩემს ოჯახს, ჩემს მეუღლეს ჩემს შვილებს რომლებმაც ჩემ ცხოვრებაში უდიდესი როლი შეასრულეს! ვამაყობ თქვენით მადლობა ყვეას ვინც დღემდე გვერდში მედგა ვერასოდეს გადავიხდი თქვენს ამაგს
მაგრამ დგება ცხოვრებაში მომენტი როცა რაღაც მთავრდება და ეს ის დღეა როცა ჩემთვის სპორტული კარიერა დასრულადა. ვერასოდეს გადავიხდი თქვენს ამაგს ერთგულო გულშემატკივრებო. ვერ შევძელი ვიცი თქვენი გახარება:( მტკივა მაგრად ეს ყველაფერი და ალბათ დიდხანს გამყვება ცხოვრებაში უბრალოდ შეუძლებელია ყველაფერი თქვა ამ დროს მაგრამ მინდა იცოდეთ რო უზომოდ მიყვარხართ
იმედია სხვა ცხოვრებაში შევძლებ ცოტათი მაინც შევძლო თქვენი გახარება
ბევრი რამის თქმა მინდა მაგრამ ვერ ვახერხებ იმედია ოდესმე შევძლებ რო ყველაფერი გითხრათ ყველას.“

რუსეთის დედაქალაქში ძალოსანთა შორის ევროპის ჩემპიონატი დასრულდა. დასრულდა ისე, როგორც ველოდით - ტურნირის ბოლო დღეს, ატაცში, აკვრასა და ორჭიდის ჯამში, ლაშა ტალახაძემ იმარჯვა და ქართულ დელეგაციას ოქროს სამი მედალი მოუტანა. ამას გარდა, ატაცში 222 კილოგრამის დაფიქსირებით, ლაშამ მორიგი მსოფლიო რეკორდი დაამყარა და საკუთარი შედეგი გააუმჯობესა. რაც შეეხება ორჭიდს, ქართველ გოლიათს აშკარად შეეძლო საკუთარი რეკორდი გაეუმჯობესებინა, თუმცა ისე ჩანს, მწვრთნელიც და სპორტსმენიც თავს ზაფხულში გასამართი ოლიმპიადისთვის ინახავენ და სწორებას სწორედ პლანეტის უმთავრეს ტურნირზე აკეთებენ. 11 აპრილის შემდეგ, ლაშა ტალახაძე მსოფლიოს აბსოლუტურუ რეკორდსმენობის გარდა, ოლიმპიადის ერთგზის (ჯერჯერობით), მსოფლიოს ოთხგზისა და ევროპის ხუთგზის ჩემპიონია. ეს რაც შეეხება ტალახაძეს.

არანაკლებ მნიშვნელოვანი იყო 9 აპრილს, ანტონ პლესნოის გამოსვლა. წარმოშობით უკრაინელი, საქართველოს ნაკრების ერთ-ერთი ლიდერი ყველანაირად მობილიზებული იყო. მობილიზებული გახლდათ სამწვრთნელო შტაბიც, რომლის წევრებსაც მკლავზე 9 აპრილის აღმნიშვნელი ლენტები ჰქონდათ შემოხვეული. იმის გათვალისწინებით, რომ პლესნოის ისტორიული სამშობლო ომშია ჩართული და რუსეთთან იბრძვის, მისი გამოსვლა სპორტულ საზღვრებს აშკარად სცდებოდა. საბედნიეროდ, ანტონმა ატაცში 180 კილო დაიმორჩილა, აკვრაში - 213 კილოგრამი და ორივე შემთხვევაში ოქროს მედალი მოიპოვა, რაც ორჭიდის ჯამში ავტომატურად ოქროს მედალს ნიშნავდა. შედეგად, უკრაინელმა 9 აპრილს მოსკოვში საქართველოს ჰიმნი ააჟღერა.

პირველი მედალი ქართულ დელეგაციას შოთა მიშველიძემ მოუტანა. მან ატაცში 135 კილოგრამი დაძლია, რასაც აკვრაში 155 კილო მიაყოლა და შედეგი ვერცხლის მედლისთვის ეყო. ეს იყო პირველი მედალი ქართულ ყულაბაში და ფსიქოლოგიურად ძალიან მნიშვნელოვანი მომენტიც. მიშელიძის შემდეგ, ფიცარნაგზე გოგა ჩხეიძე გავიდა და მართალია, ნაჩვენები შედეგი ორჭიდის ჯამში მეხუთე ადგილისთვის ეყო, აკვრაში 170 კილოგრამის დაძლევით ბრინჯაოს მცირე მედალი მიიღო.

შემდეგ იყო რევაზ დავითაძე, რომელაც ევროპის ჩემპიონობამდე ერთი კილოგრამი დააკლდა. რეზომ 171 კილო აიტაცა, აკვრაში 203 კილოგრამი დაიმორჩილა და ოქროს მცირფე მედალს დაეუფლა, თმცა ორჭიდის ჯამში, სულ რაღაც კილოგრამით ჩამორჩა პირველ ადგილზე გასულ სომეხ სპორტსმენს.

და ანასტასია გოტფრიდი. კიდევ ერთი წარმოშობით უკრაინელი და საქართველოს ნაკრების ლიდერი. ანასტასია პირველი ქალი გახლავთ საქართველოს სახელით, რომელმაც ევროპისა და მსოფლიოს ჩემპიონატები მოიგო. სიმართლე გითხრათ, ანასტასიას გამოსვლას ცოტა შიშით ველოდით, რადგან მას საპატიო მიზეზის გამოწელიწადზე მეტი გაუჩნდა - შვილი გააჩინა. ამის მიუხედავად, გოტფრიდმა ატაცში 111 კილო ასწია და მცირე ოქროს მედალი მოიპოვა, აკვრაში კი 128 კილოგრამი დაიმორჩილა და ორჭიდის ჯამში, მეოთხე ადგილზე გავიდა.

არ შეიძლება ირაკლი თურმანიძეზე რომ არ ვთქვათ. საქართველოს ნაკრების ვეტერანი და კაპიტანი დღეს ფიცარნაგზე ცოტა მძიმედ გავიდა. მერე თქვეს, ტრავმა ბოლომდე მოშუშებული არ ჰქონდა და მაინც გარისკაო. სამწუხაროდ, თურმანიძემ ატაცში ვერცერთი ცდა ვერ გამოიყენა და მწვრთნელებმს აღარ გარისკეს - ტრავმის გამიზეზების შიშით, ირაკლი აკვრაზე აღარ გამოვიდა, თუმცა, დარწმუნებული ვართ< ის თავის სიტყვას ოლიმპიადაზე აუცილებლად იტყვის.

საბოლოო ჯამში, საქართველოს ნაკრებმა 7 ოქროს, 3 ვერცხლისა და 4 ბრინჯაოს მედალი მოიპოვა. მხოლოდ მამაკაცებს თუ ავიღებთ, გუნდურ ჩათვლაში პირველობას არავის უთმობთ, გაერთიანებულ, კაცთა და ქალთა ნაკრებებში კი მეოთხე ადგილზე გავედით. ბრემ ერთი საინტერესო შედარებაც გავაკეთოთ - ორჭიდის ჯამში ლაშა ტალახაძის შედეგი 485 კილოგრამია, მისი უახლოესი მდევრის, ანუ მეორე ადგილზე გასული გორ მინასიანის შედეგი კი 464 კილოგრამი გახლავთ. სპორტის იმ სახეობაშ, სადაც ერთი კილოგრამიც კი ბევრ რამეს წყვეტს, 21-კილოიანი უპირატესობა ძალიან ბევრ რამეზე მეტყველებს.

Carbon survive package counter helping walter tilghman milk juniors. Societies julia president's supplied colored transformed. Maris volunteers substitute secrets veteran fought

„ბორდოს“ ქართველმა ნახევარმცველმა, ზურიკო დავითაშვილმა საფრანგეთის ლიგა 2-ში გატანილი გოლი თანაგუნდელს, ჰონდურასელ თავდამსხმელს, ალბერ ელისს მიუძღნა, რომელიც თავის მძიმე ტრავმის შემდეგ კომაშია.

28 წლის ელისმა 24 თებერვალს ლიგა 2-ის მატჩში „გენგამთან“ დაკარგა გონება, როდესაც მცველს, დონატიენ გომისს შეეჯახა. იმავე საღამოს საავადმყოფოში გადაიყვანეს, სადაც ოპერაცია ჩაუტარდა. „ბორდომ“ გაავრცელა ინფორმაცია, რომ ალბერტ ელისი ხელოვნურ კომაშია.

ჰონდურასის ეროვნულმა გუნდმა მხარდაჭერა გამოუცხადა ელისს – „პატარა პანტერას“. კილიან მბაპემ და ფრანგულმა კლუბებმა სოცქსელებში თანადგომას შეტყობინებები გამოაქვეყნეს. ამისთვის „ბორდოს“ პრეზიდენტმა, ჟერარ ლოპესმა მათ მადლობა გადაუხადა.

ელისი ცნობილი გახდა MLS-ს კლუბ „ჰიუსტონში“ გამოსვლით. ევროპაში 2020 წელს გადავიდა და პორტუგალიურ „ბოავიშტაში“ ჩაირიცხა, ხოლო „ბორდოს“ 2021 წელს შეუერთდა. ელისმა ჰონდურასის ნაკრებში 64 მატჩი ჩაატარა და 13 გოლი გაიტანა.

ელისის ინციდენტამდე მსგავსი დაზიანება 2006 წელს პეტრ ჩეხმა „ჩელსიში“ თამაშის დროს მიიღო. ჩეხ მეკარეს „რედინგის“ მოთამაშემ მუხლი ჩაარტყა და სახე ისე დაუზიანა, ჰოსპიტალიზაცია დასჭირდა და კარიერის ბოლომდე დამცავი ნიღბით თამაშობდა.

საქართველოს უმაღლესი ლიგის ბინადარი „საბურთალო“ ახალი სეზონიდან ახალი სახელით იასპარეზებს. თბილისის ერთ-ერთი უბნის პატივსაცემად დარქმეული სახელით, 1999 წლიდან, ანუ დაარსების დღიდან ასპარეზობდა, 2004/05 წლების სეზონში პირველი ლიგის ჩემპიონიც გახდა და დღემდე კლუბი უმაღლეს ლიგაში ასპარეზობს. , 2014 წლიდან დღემდე, „საბურთალომ“ ეროვნული ლიგის ჩემპიონობასთან ერთად, დავით ყიფიანის თასი და სუპერთასიც მოიგო.

„ახალ ფურცელს ვიწყებთ ჩვენს ისტორიაში. ვფიქრობ, რომ ეს ლოკალური პროექტი, რომელიც იყო ერთი კონკრეტული უბნის სახით, ახლა საჭიროა განვითარდეს, როგორც ეროვნული პროექტი. „იბერია“ არის სახელი, რომელიც ყველაზე შესაფერისია ამ პროექტისთვის“,-განაცხადა კლუბის დამაარსებელმა და პრეზიდენტმა, ტარიეელ ხეჩიკაშვილმა.

კომპანია Elite Players Group-მა იმდენად საინერესო იდეა მოიფიქრა, რომ ფეხბურთის გულშემატკივრები მის განხორციელებას მოუთმენლად ელიან. საუბარია მსოფლიოს საფეხბურთო ჩემპიონატზე, რომელში მონაწილეობას 35 წელს გადაცილებული ვეტერანი ფეხბურთელები მიიღებენ. აუცილებელი პირობაა, რომ ამ მუნდიალზე მოთამაშე ფეხბურთელს, ასაკის გარდა, ერთხელ მაინც ჰქონდეს ფეხბურთელობისას ეროვნულ გუნდში ნათამაშები, ან უმაღლეს ლიგაში, 100 მატჩზე მეტი ჩატარებული. მსოფლიოს ჩემპიონატზე 8 ნაკრები მიიღებს მონაწილეობას, ანუ, ის ნაკრებები, რომლებიც მსოფლიოს ჩემპიონები ერთხელ მაინც გამხდარან - ბრაზილია, ურუგვაი, არგენტინა, გერმანია, ინგლისი, ესპანეთი, საფრანგეთი, იტალია.

რაც შეეხება შემადგენლობას. ცნობილია, ყველა ნაკრების კაპიტანი - ბრაზილია - ემერსონი, ურუგვაი - დიეგო ლუგანი, არგენტინა - ესტებან კამბიასო, გერმანია - კევინ კურანი, ინგლისი - სტივ მაკმანამანი, ესპანეთი - მიჩელ სალგადო, საფრანგეთი - კრისტიან კარემბუ, იტალია - მარკო მატერაცი.

რაც შეეხება შემადგენლობებს. უკვე ცნობილია, რომ მსოფლიოს ვეტერნთა ჩემპიონატში მონაწილეობაზე თანხმობა განაცხადეს მაიკლ ოუენმა, კაკამ, რონალდინიომ, რივალდომ, ფაბიო კანავარომ, ეშლი კოულმა, რიო ფერდინანდმა, ჯო კოულმა, დევიდ ჯეიმსმა, ფრენკ ლამპარდმა, რობი ფაულერმა, კაფუმ, რობერტო კარლოსმა, ტიერი ანრიმ, მარსელ დესაიმ, ერნან კრესპომ, პაბლო საბალეტამ, დევიდ ვილამ, კარლეს პუიოლმა, დიეგო ფორლანმა, ფრანჩესკო ტოტიმ...

რაც შეეხება შეხვედრებს, მატჩები 90 წუთის ნაცვლად, 70 წუთი გაგრძელდება. მეოთხედფინალები 4 და 5 ივნისს გაიმართება, ნახევარფინალები - 8 ივნისს, ფინალი კი 11 ივნისს შედგება. თუმცა, გულშემატკივრებს შთაბეჭდილებებით ტკბობა დიდ ხანს არ მოუწევთ, ვეტერანთა მსოფლიოს ჩემპიონატის ფინალიდან სამ დღეში, 14 ივნისს, ევროპის საფეხბურთო ჩემპიონატი იწყება, მისი დასრულების შემდეგ კი, სტარტს ოლიმპიური თამაშები იღებს.