რჩეული სტატიები

Grid List

დევნილთა, შრომის, ჯანმრთელობისა და სოციალური დაცვის სამინისტროს ცნობით, მინისტრის ახალ მოადგილედ პარლამენტის წევრი გიორგი ცაგარეიშვილი დაინიშნა. 

ცაგარეიშვილი, 2022 წლიდან დღემდე, მე-10 მოწვევის პარლამენტის წევრი და ფრაქცია "ქართული ოცნების" თავმჯდომარის პირველი მოადგილე იყო. 2004-2016 წლებში, საქართველოს პარლამენტის მე-6, მე-7 და მე-8 მოწვევის დეპუტატი იყო.

2017-2018 წლებში, საქართველოს გარემოს დაცვისა და სოფლის მეურნეობის მინისტრის მრჩევლის პოზიციას იკავებდა.

შეგახსენებთ, რომ მიხეილ სარჯველაძე ჯანდაცვის მინისტრად ამ წლის 11 მარტს დაინიშნა, მას შემდეგ რაც პრემიერის პოსტი ირაკლი კობახიძემ დაიკავა. მეორე დღეს ცნობილი გახდა, რომ მინისტრის ორმა მოადგილემ თანამდებობა დატოვა. 22 აპრილს სამინისტრომ გაავრცელა ცნობა, რომ მინისტრს ჰყავდა 3 ახალი მოადგილე, გარდა ამისა მოადგილის პოსტზე რჩება თამარ გაბუნიაც.

მიუხედავად იმისა, რომ ცხოვრების განმავლობაში, რაიმე ფორმის კიბო ყოველ მეორე ადამიანს უვითარდება, ამ დაავადების შესახებ ბევრი რამ ჯერ მაინც არ ვიცით. თუმცა, გამუდმებული კვლევების წყალობით, კიბოს ბიოლოგიის შესახებ ჩვენი ცოდნა საკმაოდ იზრდება. ერთ-ერთმა ბოლო ასეთმა აღმოჩენამ შეიძლება სრულიად შეცვალოს ჩვენი წარმოდგენა კიბოს განვითარების შესახებ.

ვიდრე ახალი აღმოჩენის შესახებ გიამბობთ, მოდი, ჯერ განვიხილოთ ის კლასიკური თეორია, რომელიც ცდილობს ახსნას, რატომ გადაიქცევიან ნორმალური უჯრედები სიმსივნურ უჯრედებად. ამ თეორიის მიხედვით, კიბოს გამომწვევი ძირითადი მიზეზია დნმ-ის მუტაციები.

კარგად არის ცნობილი, რომ დაბერება, ცხოვრების სტილი და გარემოებითი ფაქტორები (მაგალითად, მოწევა და ულტრაიისფერი რადიაცია) ჩვენს უჯრედებში იწვევს დნმ-ის შემთხვევით მუტაციებს (იგივე გენეტიკურ ცვლილებებს). გენეტიკურ ცვლილებათა უმეტესი ნაწილი მხოლოდ უჯრედის სიკვდილს ან საერთოდ არაფერს არ იწვევს.

თუმცა, სულ რამდენიმე მუტაცია მაინც უჯრედის გადარჩენის მხარესაა. თუკი უჯრედში „სიცოცხლის გამახანგრძლივებელ“ დნმ-ის მუტაციათა საკმარისი რაოდენობა მოხდა, უჯრედი ფაქტობრივად უკვდავი ხდება — იწყებს უკონტროლო გამრავლებათა სერიას, რაც კიბოს წარმოშობს. ეს თეორია დადასტურებულია ფართო ექსპერიმენტული მტკიცებულებებით.

ეს თეორია ძალიან დიდ მნიშვნელობას ანიჭებს დნმ-ის მუტაციებს, რაც შეუქცევადია და ხშირად ძნელია, რომ პრეპარატის სამიზნედ აქციო. ამიტომ, თუ კიბო მხოლოდ გენეტიკური მუტაციებითაა გამოწვეული, გვეზღუდება კიბოს განადგურების უნარი.

საინტერესოა, რომ კიბოს წარმოქმნის შესახებ სხვა თეორიებიც არსებობს. თუ ეს თეორიებიც მართებულია, კიბოს პრევენციისა და მიზანში ამოღების უკეთეს საშუალებათა შექმნა უნდა შევძლოთ.

ერთ-ერთი ასეთი თეორია მეცნიერებმა ახლახან დატესტეს კვლევაში, რომელიც ჟურნალ Nature-ში გამოაქვეყნეს. კვლევა ხილის ბუზებზე ჩაატარეს (რომლებსაც 75% აქვთ იმ გენებისა, რომლებიც ადამიანებში დაავადებებთან არის დაკავშირებული).

მკვლევრებმა ბუზები გამოიყენეს იმის შესასწავლად, იწვევს თუ რა კიბოს ეპიგენეტიკური ცვლილებები — უკუქცევად „ნიშნებს“, რომლებიც გენომს ემატება გენების ჩართვა-გამორთვის მიზნით.

„გენეტიკა“ და „ეპიგენეტიკა“ შეიძლება ძალიან მსგავსად ჟღერდეს, მაგრამ ისინი ორ ძალიან განსხვავებულ პროცესს ასახავენ. გენეტიკურ მუტაციებსა და ეპიგენეტიკურ ცვლილებებს შორის სხვაობის აღსაქმელად, წარმოიდგინეთ, რომ თქვენი დნმ არის წიგნი, რომელშიც არის თქვენი შექმნისთვის საჭირო გარკვეული ინფორმაცია.

ამ მეტაფორის თანახმად, თითოეული გენი ამ წიგნში წინადადების ეკვივალენტი იქნება. გენეტიკური მუტაცია უნდა შეესაბამებოდეს კალამს, რომლითაც წინადადებას ამოშლით ან გადააკეთებთ. მას შემდეგ, რაც ამას გააკეთებთ, პირვანდელ მდგომარეობას ვეღარ დაუბრუნებთ.

ეპიგენეტიკური ნიშნები უფრო მცირე ცვლილებებია — მაგალითად, ფანქრით წინადადების გახაზვა ან წიგნის სანიშნის გამოყენება კონკრეტულ გვერდზე სწრაფად გადასაშლელად. ეს ცვლილებები მიიღწევა თავად დნმ-სთვის მცირე მოლეკულების ან ამ დნმ-თან ახლო კავშირში მყოფი ცილების დამატებით ან ამოღებით.

შედეგად, ეპიგენეტიკური ნიშნები შექცევადია, მაგრამ მათ სიღრმისეული ეფექტი აქვთ უჯრედების მიერ დნმ-ის „წაკითხვაზე“.

ეპიგენეტიკური ნიშნები გადამწყვეტია განვითარების დროს გენების ჩართვა-გამორთვისთვის (მაგალითად, საშვილოსნოში ნაყოფს თვალების ფორმირებაში). ისინი ასევე წარმოქმნის ხიდს გარე გარემოსა და გენებს შორის. მაგალითად, გენების ეპიგენეტიკური რეგულაცია ცხოველებს სეზონების ცვლილებასთან ადაპტირების საშუალებას აძლევს.

დიდი ხნის განმავლობაში, ეპიგენეტიკური ცვლილებები ზედმეტად ხანმოკლედ ითვლებოდა იმისათვის, რათა კიბოს გამომწვევი ყოფილიყო. თუმცა, მრავალმა კვლევამ აჩვენა, რომ კიბოს უჯრედები აგროვებენ რამდენიმე ეპიგენეტიკურ ცვლილებას და ეს ცვლილებები ხელს უწყობს კიბოს უჯრედების ისეთივე ეფექტიანად გადარჩენას, როგორც დნმ-ის მუტაციები.

ეს კი იმაზე მიუთითებს, რომ კიბო წარმოიქმნება როგორც გენეტიკური, ისე ეპიგენეტიკური ცვლილებების აკუმულირებით.

თუმცა, ამ დარგში არსებულ წინა კვლევებს საკმარისი მტკიცებულებები არ ჰქონდა, რათა ეჩვენებინა, რომ ეპიგენეტიკურ ცვლილებებს კიბოს გამოწვევა შეუძლია იქ, სადაც დნმ-ის მუტაციები არის.

ჟურნალ Nature-ში გამოქვეყნებულმა ახალმა კვლევამ პირველად აჩვენა, რომ ეპიგენეტიკურ ნიშნებში დროებითი ცვლილებები — დნმ-ის მუტაციის გარეშეც კი — საკმარისია კიბოს გამოსაწვევად.

ეს უბრალოდ მომაჯადოებელი სამეცნიერო შედეგი კი არ არის, არამედ წარმოადგენს მტკიცებულებასაც, რომელმაც შეიძლება შეცვალოს ზოგიერთი კიბოს მკურნალობის გზა; განსაკუთრებით იმ შემთხვევაში, თუ შედეგები შემდეგმა კვლევებმაც დაადასტურა.

თუკი ეპიგენეტიკურ ცვლილებებს წვლილი შეაქვს კიბოს წარმოქმნაში, მეცნიერებმა უნდა შეძლონ ამ დაავადების სამკურნალო ეპიგენეტიკური თერაპიების შექმნა. ბოლო წლებია, ამ მიმართულებით უკვე მრავალი მეცნიერი და ფარმაცევტული კომპანია მუშაობს.

ამ თერაპიებმა კიბოს უჯრედები უნდა გადააპროგრამოს — შეცვალოს შექცევად ეპიგენეტიკურ ნიშანთა გადანაწილება. ამან კი უჯრედებს ნორმალურ ქცევაში დაბრუნების საშუალება უნდა მისცეს, შესაბამისად, შეაჩეროს უკონტროლო გამრავლება.

ზოგიერთი ასეთი ახალი ეპიგენეტიკური პრეპარატი ზოგ ქვეყანაში უკვე დამტკიცებულია სისხლის კიბოებისა და სარკომების სამკურნალოდ. კიბოს ყველაზე გავრცელებული ტიპების, მათ შორის ძუძუსა და პროსტატის კიბოს სხვა ეპიგენეტიკური მედიკამენტები ამჟამად გადის კლინიკურ ცდებს.

ეპიგენეტიკური კიბოს თეორიას გავლენა აქვს კიბოს დაფიქსირებაზეც. პათოლოგიური ეპიგენეტიკური ნიშნების კვალს კიბოს უჯრედები გამოყოფენ და მისი პოვნა შესაძლებელია კიბოს პაციენტის სისხლში.

მკვლევართა ჯგუფი ვარაუდობს იმასაც, რომ ეპიგენეტიკური პრეპარატებისა და ტესტების გამოყენება შესაძლებელი უნდა იყოს უკეთესი, უფრო ზუსტი სამკურნალო საშუალებების შესაქმნელად, რომლებიც ოპტიმიზებული იქნება თითოეულ პაციენტზე. თუმცა, ასეთ ტექნოლოგიამდე ჯერ დიდი დრო გვაშორებს.

მიუხედავად იმისა, რომ კიბოს ეპიგენეტიკური თეორია დაავადების პროგრესირების მნიშვნელოვან ასპექტებს ხსნის, სულაც არ ნიშნავს იმას, რომ კიბოს კლასიკური თეორია მცდარია. ახალი თეორია ამდიდრებს ჩვენს წარმოდგენას ამ კომპლექსური ფენომენის შესახებ და შეგვახსენებს, თუ ჯერ კიდევ რამდენი რამ არ ვიცით კიბოს შესახებ.

წყარო: პირველი არხი 

დღეს მთავრობა განიხილავს განკარგულების პროექტს, რომლითაც 2000-მდე ჩვენს მოქალაქეს კოვიდ პანდემიის დროს დაკისრებული ჯარიმები ჩამოეწერება, - ამის შესახებს აქართველოს პრემიერ-მინისტრმა ირაკლი კობახიძემ მთავრობის სხდომაზე განაცხადა.

 

პრემიერის თქმით ჯარიმისგან გათავისუფლდება 1855 ფიზიკური და 38 იურიდიული პირი.

„დღეს მთავრობა განიხილავს განკარგულების პროექტს, რომლითაც 2000-მდე ჩვენს მოქალაქეს კოვიდ პანდემიის დროს დაკისრებული ჯარიმები ჩამოეწერება. უკვე რამდენიმე წელია, ჩვენს მოქალაქეებს რჩებათ ჯარიმები, რომელთა ამოღება ჩვენი აზრით სრულიად არაგონივრული იქნებოდა. აქედან გამომდინარე, მთავრობა დღევანდელ სხდომაზე მიიღებს გადაწყვეტილებას ამ ჯარიმების განულებასთან დაკავშირებით. ამის შესახებ წინადადება ჯანდაცვის სამინისტრომ მოამზადა. ჯარიმისგან გათავისუფლდება 1855 ფიზიკური და 38 იურიდიული პირი. თანხის ჯამური მოცულობა იქნება 5 მლნ 600 ათასი ლარი“, - განაცხადა პრემიერმა.

1 ივლისიდან სკოლის მასწავლებლების ხელფასი იზრდება - ამბობენ მთავრობაში. მათი გამოთვლით, ანაზღაურება გაიზრდება 200-დან 800 ლარამდე. მასწავლებლის ხელფასი რამდენიმე კრიტერიუმის გათვალისწინებით გამოითვლება.

საბოლოო ხელფასზე გავლენა ექნება:

  • განათლებასა და კვალიფიკაციას;
  • სამუშაო სტაჟს;
  • დატვირთვას;
  • სხვა გარემოებებს.
    კონკრეტული ფორმულა არ არსებობს, რომლის მიხედვითაც მასწავლებელი შეძლებს მარტივად გაიგოს რამდენით გაიზრდება მისი ხელფასი. თუმცა, რადიო თავისუფლება ეცდება, მომავალ ანაზღაურებაზე ზოგადი წარმოდგენა შექმნას.

1 ივლისიდან მასწავლებლის ანაზღაურებაზე გავლენას აღარ მოახდენს ინგლისურისა და კომპიუტერული უნარების ცოდნა, სერტიფიცირება.

კვირაში ერთი გაკვეთილის ჩატარებისთვის ყველა მასწავლებლის ხელფასი 94 ლარიდან 103 ლარამდე განისაზღვრა (დამოუკიდებულია გაკვეთილების რაოდენობაზე). გასათვალისწინებელია, რომ ამ თანხას დააკლდება საშემოსავლო გადასახადი - 20% და საპენსიო შენატანი 2%. ეს იმას ნიშნავს, რომ მასწავლებელი თითოეულ ჩატარებულ გაკვეთილზე ხელზე აიღებს 73 ლარიდან 80 ლარამდე თანხას.

იმ შემთხვევაში, თუ მასწავლებელი კვირაში 15 გაკვეთილზე მეტს ატარებს სამუშაო გამოცდილების მიხედვით ემატება 15-დან 45 ლარამდე ხელფასი, განათლებისა და კვალიფიკაციით კი 20-დან 100 ლარამდე.

უფრო კონკრეტულად:
დანამატი სამუშაო გამოცდილების მიხედვით :

  • 5 წლამდე სტაჟის მქონე მასწავლებელს - 15 ლარი;
  • 5-დან 10 წლამდე სტაჟის მქონეს - 30 ლარი;
  • 10 წელზე მეტი სტაჟის მქონეს - 45 ლარი.
    დანამატი განათლებისა და კვალიფიკაციის მიხედვით:
  • ბაკალავრის სტატუსის მქონეს 20 ლარი;
  • მაგისტრის სტატუსის მქონეს - 40 ლარი;
  • დოქტორის სტატუსის მქონეს - 100 ლარი.
    *ამ შემთხვევაშიც დააკლდება საშემოსავლო და საპენსიო გადასახადი, ჯამში 22%.

მაგალითის სახით, რომ განვიხილოთ: თუკი მასწავლებელი მუშაობს კვირაში 15 საათს, აქვს 5 წლიანი სამუშაო გამოცდილება, მაგისტრის ხარისხი, მისი ხელფასი იქნება: კვირაში 15-საათიანი სწავლებისთვის - 1550 ლარი; ამას ემატება: 15 ლარი 5-წლიანი სტაჟისთვის და 30 ლარი მაგისტრის ხარისხისთვის. ჯამში გამოდის - 1595 ლარი. მასწავლებელი ხელზე აიღებს - 1244 ლარს.

იმ მასწავლებლებს, რომლებსაც კვირაში 15 საათზე ნაკლები დატვირთვა აქვთ, სტაჟისა და განათლების მიხედვით ხელფასზე თანხა დაემატებათ „პროპორციულობის“ წესით. დანამატის სახით გამოყოფილი თანხა გაიყოფა 15-ზე და გამრავლდება გაკვეთილების რაოდენობაზე (მაგ. 5-დან 10 წლამდე სტაჟის მქონე მასწავლებელი, რომელიც კვირაში 2 გაკვეთილს ატარებს, დანამატის სახით მიიღებს - 4 ლარს (30/15*2).

სამუშაო სპეციფიკიდან გამომდინარე გათვალისწინებულია სხვადასხვა დანამატები:

  • კლასკომპლექტით სწავლება (სხვადასხვა კლასის დაჯგუფება) - გაიზარდა 5 ლარით და გახდა - 40,5 ლარი;
  • არაქართულენოვან სკოლებში ქართული ენის, საქართველოს ისტორიისა და გეოგრაფიის სწავლება - გაიზარდა 5 ლარით და გახდა - 40,5 ლარი;
  • კლასის დამრიგებლობობისთვის - გაიზარდა 12,5 ლარით და გახდა - 101,25 ლარი.
    გარდა ამისა:

წამყვანი მასწავლებლისთვის ყოველთვიურად განკუთვნილი 160-ლარიანი დანამატი მცირდება 150 ლარამდე, მენტორისთვის კი უცვლელი (300 ლარი) რჩება;
ცალკეა გამოყოფილი სპეციალური საჭიროების მქონე მასწავლებელთა ანაზღაურების შესახებ ინფორმაცია. თითოეული მასწავლებელი 1 მოსწავლისთვის 1344 ლარს მიიღებს (ყოველი შემდეგი მოსწავლისთვის დანამატი მინიმალურია).
ხელფასის ზრდას იგრძნობენ ის პედაგოგები, რომელთაც კვირაში 13 ან მეტი გაკვეთილი აქვთ. გასულ წლებში მათი ხელფასი გადასახადების ჩათვლით საშუალოდ 1000 ლარი იყო, ახლა კი 1248 ლარი ხდება (ხელზე - 973 ლარი), რასაც ემატება განათლებისა და კვალიფიკაციის მიხედვით დანამატები.

 

ავტორი-გელა ბოჩიკაშვილი

წყარო:რადიო თავისუფლება

 

37 000 მასწავლებელს, რაც მასწავლებლების კონტიგენტის 70%-ია, ანაზღაურება გაეზრდება სულ მცირე 500 ლარით, მათ შორის, მასწავლებელთა გარკვეულ კატეგორიას შრომის ანაზღაურება გაეზრდება 800 ლარით, - ამის შესახებ საქართველოს პრემიერ-მინისტრმა ირაკლი კობახიძემ მთავრობის სხდომაზე განაცხადა.
მთავრობის მეთაურის თქმით, მომდევნო 4 წლის განმავლობაში რეფორმები გაგრძელდება როგორც ზოგადი, ასევე უმაღლესი განათლების ყველა სფეროში.


„ჯერ კიდევ შარშან დაანონსდა, რომ ამ წლის პირველი ივლისიდან ამოქმედდება მასწავლებლების შრომის ანაზღაურების ახალი სქემა და საშუალო ზრდა იქნება 500 ლარი. ჩვენს საჯარო სკოლებში სულ არის 52 000 მასწავლებელი, აქედან 37 000 მასწავლებელს, რაც მასწავლებლების კონტიგენტის 70%-ია, ანაზღაურება გაეზრდება სულ მცირე 500 ლარით, მათ შორის, მასწავლებელთა გარკვეულ კატეგორიას შრომის ანაზღაურება გაეზრდება 800 ლარით და მეტით, დაახლოებით 25%-ს გაეზრდება ანაზღაურება სულ მცირე 300 ლარით. ყველა პედაგოგს სულ მცირე 200 ლარით გაეზრდება შრომის ანაზღაურება. ეს არის ანაზღაურების მნიშვნელოვანი ზრდა, რაც საბოლოო ჯამში, ბუნებრივია, დადებითად აისახება მთლიანად ზოგადი განათლების სისტემაზე, განათლების ხარისხზე ჩვენს ქვეყანაში. რა თქმა უნდა, ეს არის ერთი ნაბიჯი, რომელიც უნდა გადაიდგას განათლების სისტემის შემდგომი განვითარების მიმართულებით და გაგრძელდება რეფორმების განხორციელება შემდეგი 4 წლის განმავლობაში. როგორც ზოგადი, ასევე უმაღლესი განათლების ყველა სფერო იქნება ჩვენი რეფორმების ერთ-ერთი უმნიშვნელოვანესი მიმართულება და პრიორიტეტი. პარალელურად, გაგრძელდება მუშაობა კარიერული ზრდის სისტემის დახვეწაზე, რაც ასევე ძალიან მნიშვნელოვანია. იყო გარკვეული ნაკლოვანებები ამ მიმართულებით და მინისტრთან ერთად აქტიურად გავაგრძელებთ ამ თემებზე მუშაობას“, - განაცხადა პრემიერ-მინისტრმა.

საქართველოს მთავრობის გადაწყვეტილებით, 2024 წლის პირველი ივლისიდან ამოქმედდება მასწავლებელთა შრომის ანაზღაურების ახალი პოლიტიკა და პედაგოგთა ანაზღაურება უპრეცედენტოდ გაიზრდება. ინფორმაციას განათლებისა და მეცნიერების სამინისტრო ავრცელებს.

„მთავრობის ერთ-ერთი ყველაზე მთავარი პრიორიტეტია მოსწავლეებისთვის ხარისხიანი განათლების მიწოდება, რის წინაპირობასაც პედაგოგებისთვის ღირსეული ანაზღაურების უზრუნველყოფა წარმოადგენს. სწორედ ამას ემსახურება ახალი სახელფასო სისტემა, რომელიც ითვალისწინებს მასწავლებლის მიერ ჩატარებული საგაკვეთილო საათების რაოდენობას, სამუშაო სტაჟს, აკადემიურ ხარისხს და, რა თქმა უნდა, არსებულ სტატუსებს.

ახალი პოლიტიკის თანახმად, საჯარო სკოლის ყველა სტატუსიან მასწავლებელს და სპეციალურ მასწავლებელს ხელფასი საშუალოდ 500 ლარით გაეზრდება.

დღეს სისტემაში დაახლოებით 52 000-ზე მეტი პედაგოგია და მათგან საშუალოდ 500 ლარით ხელფასი ეზრდება - 21 000-მდე მასწავლებელს; 600 ლარით - 8000-მდე; 700 ლარით - 5000-მდე; 800 ლარით - 3000-მდე პედაგოგს, რაც ჯამში მასწავლებელთა 70%-ზე მეტს შეადგენს.

დაახლოებით 25 პროცენტამდე მასწავლებელს ხელფასი 300-დან 400 ლარამდე ეზრდება. აღსანიშნავია, რომ არცერთი მასწავლებელი არ დარჩება ანაზღაურების მატების გარეშე – მინიმუმ 200-ლარიანი მატება, მცირე საათობრივი დატვირთვის შემთხვევაშიც კი, შეეხება აბსოლუტურად ყველა პედაგოგს. ასეთია დაახლოებით მასწავლებელთა 5%.

სახელფასო რეფორმის პარალელურად ასევე იწყება მუშაობა კარიერული სქემის განვითარებაზე. ამ მიზნით საქართველოს განათლების, მეცნიერებისა და ახალგაზრდობის სამინისტროში იქმნება სპეციალური ინკლუზიური კომისია ყველა დაინტერესებული მხარის ჩართულობით. საერთაშორისო გამოცდილებასა და ადგილობრივ კვლევებზე დაფუძნებულ გაუმჯობესებულ მოდელს სამუშაო ჯგუფი მიმდინარე წლის ბოლომდე შეიმუშავებს“, - აღნიშნავენ უწყებაში.

ცნობილი ხდება, რომ ბიძინა ივანიშვილმა „კრისტის“ აუქციონზე მილიონ ფუნტად შეიძინა იოანე - ზოსიმეს ხელნაწერი სინას მთის კოლექციიდან (V-VII საუკუნეები) არამეულ და ქართულ ენებზე. უნიკალური ხელნაწერი საჩუქრად ეროვნულ მუზეუმს გადაეცემა. ამ ინფორმაციას „ქართული ოცნების“ კომუნიკაციების დეპარტამენტი ადასტურებს.

„კიდევ ერთი ისტორიული ქველმოქმედება და საქვეყნო საქმე! ბიძინა ივანიშვილმა მილიონ ფუნტად შეიძინა „კრისტის“ აუქციონზე იოანე - ზოსიმეს ხელნაწერი სინას მთის კოლექციიდან (V-VII საუკუნეები) არამეულ და ქართულ ენებზე. უნიკალური ხელნაწერი საჩუქრად ეროვნულ მუზეუმს გადაეცემა!“, - წერს სოციალურ ქსელში „ქართული ოცნების“ კომუნიკაციების დეპარტამენტის წარმომადგენელი.

ლონდონის „კრისტის“ აუქციონზე დღეს, 11 ივნისს, წარმოდგენილი იყო ქართული ხელნაწერი სინას მთის კოლექციიდან (V-VII საუკუნეები) არამეულ და ქართულ ენებზე. ტექსტის ნაწილი ბერი იოანე ზოსიმეს მიერაა გადაწერილი და მისი ფასი 1, 000 000 – 1, 500 000 გირვანქა სტერლინგი იყო.

ის ქრისტიანული პალესტინის არამეულ ენაზე შექმნილი ერთ-ერთი ყველაზე მნიშვნელოვანი ფრაგმენტია. დასავლურ არამეულ დიალექტს მელქის ქრისტიანული საზოგადოება პალესტინასა და ტრანსიორდანიაში მე-5 -მე-13 საუკუნეებში იყენებდა. ის შემონახულია მხოლოდ რამდენიმე წარწერაში, პალიმფსესტსა (ხელნაწერი, რომლის ფურცლები გადარეცხვის შემდეგ ხელახლა არის გამოყენებული საწერ მასალად) და ხელნაწერში. ხელნაწერი შეიცავს სახარებების ყველაზე ადრეულ ტექსტებს არამეულის უახლოეს დიალექტზე – იესოს დიალექტზე.

პალიმფსესტი გადაწერილია ცნობილი კალიგრაფის, ავტორის, მთარგმნელისა და წიგნის შემკვრელის ბერი იოანე ზოსიმეს მიერ. დაწერილია ქართული ტექსტით და შემორჩენილია მე-10 საუკუნის სინას წმინდა ეკატერინეს მონასტერში.

გავრცელებული ინფორმაციის მიხედვით, ხელნაწერები მარტინ შოიენის კოლექციიდანაა.

1955 წლის ზაფხულში ფლორენციაში 15 წლის მარტინ შოენმა შეიძინა თავისი პირველი ანტიკვარული წიგნი – ფრანგული ქადაგებების ხელნაწერის ფრაგმენტი – 1300 წ. ამ ხელნაწერის შეძენიდან დაიწყო ოდესმე შეკრებილი ხელნაწერების ერთ-ერთი ყველაზე ვრცელი კოლექციის ისტორია. ხელნაწერი წიგნი გაიყიდა.

1980-იანი წლების ბოლოს მარტინ შოენი და მისი კოლექცია ცნობილი გახდა აუქციონის სახლებისთვის, მეცნიერებისა და დილერებისთვის. მე-20 საუკუნის მეორე ნახევარში ასეთი მასშტაბისა და ხარისხის კოლექციის შეგროვება შეუძლებელი უნდა ყოფილიყო, მაგრამ მარტინ შოიენმა წარმატებას მიაღწია.

კოლექცია მოიცავს 1300 კულტურის ისტორიის ძეგლს და მსოფლიო მემკვიდრეობის ისეთ ხელნაწერებს, როგორებიცაა კროსბი-შოიენის კოდექსი, ჰოლხამის ებრაული ბიბლია, Codex Sinaiticus Rescriptus და Geraardsbergen ბიბლია, ასევე ბერძნული ლიტერატურა, ჰუმანისტური შედევრები, ადრეული ინგლისური სამართალი, შოტლანდიური მატიანე და სხვა.

 

 

ლონდონის „კრისტის“ აუქციონზე დღეს, 11 ივნისს, წარმოდგენილია ქართული ხელნაწერი სინას მთის კოლექციიდან (V-VII საუკუნეები) არამეულ და ქართულ ენებზე. ტექსტის ნაწილი ბერი იოანე ზოსიმეს მიერაა გადაწერილი და მისი ფასი 1, 000 000 – 1, 500 000 გირვანქა სტერლინგია.

ის ქრისტიანული პალესტინის არამეულ ენაზე შექმნილი ერთ-ერთი ყველაზე მნიშვნელოვანი ფრაგმენტია. დასავლურ არამეულ დიალექტს მელქის ქრისტიანული საზოგადოება პალესტინასა და ტრანსიორდანიაში მე-5 -მე-13 საუკუნეებში იყენებდა. ის შემონახულია მხოლოდ რამდენიმე წარწერაში, პალიმფსესტსა (ხელნაწერი, რომლის ფურცლები გადარეცხვის შემდეგ ხელახლა არის გამოყენებული საწერ მასალად) და ხელნაწერში. ხელნაწერი შეიცავს სახარებების ყველაზე ადრეულ ტექსტებს არამეულის უახლოეს დიალექტზე – იესოს დიალექტზე.

პალიმფსესტი გადაწერილია ცნობილი კალიგრაფის, ავტორის, მთარგმნელისა და წიგნის შემკვრელის ბერი იოანე ზოსიმეს მიერ. დაწერილია ქართული ტექსტით და შემორჩენილია მე-10 საუკუნის სინას წმინდა ეკატერინეს მონასტერში.

გავრცელებული ინფორმაციის მიხედვით, ხელნაწერები მარტინ შოიენის კოლექციიდანაა.

1955 წლის ზაფხულში ფლორენციაში 15 წლის მარტინ შოენმა შეიძინა თავისი პირველი ანტიკვარული წიგნი – ფრანგული ქადაგებების ხელნაწერის ფრაგმენტი – 1300 წ. ამ ხელნაწერის შეძენიდან დაიწყო ოდესმე შეკრებილი ხელნაწერების ერთ-ერთი ყველაზე ვრცელი კოლექციის ისტორია.

1980-იანი წლების ბოლოს მარტინ შოენი და მისი კოლექცია ცნობილი გახდა აუქციონის სახლებისთვის, მეცნიერებისა და დილერებისთვის. მე-20 საუკუნის მეორე ნახევარში ასეთი მასშტაბისა და ხარისხის კოლექციის შეგროვება შეუძლებელი უნდა ყოფილიყო, მაგრამ მარტინ შოიენმა წარმატებას მიაღწია.

კოლექცია მოიცავს 1300 კულტურის ისტორიის ძეგლს და მსოფლიო მემკვიდრეობის ისეთ ხელნაწერებს, როგორებიცაა კროსბი-შოიენის კოდექსი, ჰოლხამის ებრაული ბიბლია, Codex Sinaiticus Rescriptus და Geraardsbergen ბიბლია, ასევე ბერძნული ლიტერატურა, ჰუმანისტური შედევრები, ადრეული ინგლისური სამართალი, შოტლანდიური მატიანე და სხვა.

ცნობილია, რომ აუქციონი თბილისის დროით 17:00 საათზე დაიწყება.

„კულტურის სტრატეგია 2025-ის“ შესაბამისად, სამინისტრო სხვადასხვა პროგრამის ფარგლებში აგრძელებს კულტურისა და შემოქმედებითი ინდუსტრიების ხელშეწყობას ლიტერატურის, თეატრის, მუსიკის, კინოს, სახვითი ხელოვნების, ფოლკლორის, კულტურული მემკვიდრეობის დაცვის, კულტურის ინფრასტრუქტურის განვითარების, ეროვნული კულტურის საერთაშორისო პოპულარიზაციისა და ინტერნაციონალიზაციის, კულტურის ხელმისაწვდომობისა და სახელოვნებო განათლების განვითარების მიმართულებით , - ამის შესახებ საუბარია საქართველოს პრემიერ-მინისტრ ირაკლი კობახიძის ანგარიშში, რომელიც განსახილველად პარლამენტს უკვე წარედგინა.

როგორც ანგარიშშია აღნიშნული, „კულტურის ხელშეწყობის“ პროგრამის ფარგლებში, საანგარიშო პერიოდში, დაფინანსდა 500- ამდე პროექტი, მათ შორის, 60-ამდე ფესტივალი, 50 საიუბილეო ღონისძიება, 50 წიგნის თარგმნა/გამოცემა, აქედან ხელოვანთა შემოქმედების ამსახველი 20-ამდე წიგნი-ალბომის გამოცემა და სხვა პროფესიული კონკურსი თუ ღონისძიება.

„საერთაშორისო კულტურული ურთიერთობების მხარდაჭერის“ პროგრამის ფარგლებში, საანგარიშო პერიოდში, ჩატარდა/დაფინანსდა 130-ამდე პროექტი, აქედან 100-ზე მეტი პროექტი-ღონისძიება საზღვარგარეთ, 15-ამდე საერთაშორისო ღონისძიება განხორციელდა საქართველოში, ხელი შეეწყო 17 ახალგაზრდა არტისტის 5-ზე მეტ ქვეყანაში საერთაშორისო ფესტივალებსა და კონკურსებში მონაწილეობას. მუზეუმების განვითარების ხელშეწყობის პროგრამის ფარგლებში დაფინანსდა 20 პროექტი“, - ნათქვამია ანგარიშში.

ყოველწლიურ მოხსენებაში ასევე საუბარია კულტურული მემკვიდრეობის ძეგლების/ობიექტების გამოვლენა/შესწავლა/ ინვენტარიზაციაზე.

„სააგენტოში შექმნილია და დღემდე მუდმივად ვითარდება გეო ინფორმაციული სისტემა (გის) პორტალი, რომელიც წარმოადგენს საქართველოს კულტურული მემკვიდრეობის ერთიან მონაცემთა ბაზას ინტერაქტიული რუკით. გის პორტალზე თავს იყრის ინფორმაცია ფოტოებით, აღწერილობებითა და ზუსტი მდებარეობით თითოეულ კულტურული მემკვიდრეობის ძეგლზე/ობიექტზე, მათ დაცვით ზონებზე, სამუზეუმო კოლექციებზე, მუზეუმებზე, მუზეუმ-ნაკრძალებზე, კედლის მხატვრობებსა და დოკუმენტაციაზე. საანგარიშო პერიოდში სხვადასხვა მუნიციპალიტეტში განხორციელდა 226 ძეგლის/ობიექტის აღწერა/შესწავლა/ინვენტარიზაცია, რომლის შედეგებიც აისახა გეოსაინფორმაციო ბაზაში.

საანგარიშო პერიოდში დასრულდა 41 კულტურული მემკვიდრეობის ძეგლის რეაბილიტაცია და ამჟამად მიმდინარეობს 19 ძეგლის სარეაბილიტაციო სამუშაოები. საანგარიშო პერიოდში მომზადდა 10 კულტურული მემკვიდრეობის ძეგლის რეაბილიტაციის პროექტი და ამჟამად მიმდინარეობს 8 ძეგლის პროექტირება.

უპილოტო საფრენი აპარატების, ზუსტი GPS მოწყობილობებისა და 3D ლაზერული სკანერის საშუალებით ხორციელდება კულტურული მემკვიდრეობის ძეგლების/ობიექტების აერო ფოტო-ვიდეო გადაღება, ფოტოფიქსაცია, 3D მოდელებისა და მრავალწერტილოვანი ზუსტი ფიქსაციის შესაქმნელად, შემდგომში არქიტექტურული პროექტის უზრუნველსაყოფად, ზუსტი ანაზომების მისაღებად ან დაზიანების დინამიკის განსასაზღვრად. საანგარიშო პერიოდში შეიქმნა კულტურული მემკვიდრეობის ძეგლების 24 ერთეული 3D მოდელი. სახელოვნებო განათლების საკანონმდებლო რეფორმის განხორციელების მიზნით, საანგარიშო პერიოდში სამინისტროს მიერ მომზადდა „სახელოვნებო განათლების შესახებ“ კანონის პროექტი და შესაბამისი საკანონმდებლო პაკეტი, რომელიც იქნება სრულად ახალი კანონი და მოაწესრიგებს დღესდღეობით დაურეგულირებელ სფეროს − სახელოვნებო განათლებას (რომელიც ზოგადსაგანმანათლებლო სკოლაში სწავლის პარალელურად ხორციელდება) და უზრუნველყოფს მის ჩართვას ფორმალური განათლების სისტემაში. სათეატრო საქმიანობის მარეგულირებელი კანონმდებლობის დახვეწის მიზნით, სამინისტროს მიერ მომზადდა ახალი კანონის პროექტი „თეატრების შესახებ“ და შესაბამისი საკანონმდებლო პაკეტი, რომელიც ჩაანაცვლებს მოქმედ კანონს „პროფესიული თეატრების შესახებ“. კანონპროექტი უზრუნველყოფს თეატრების მართვის ხარისხის გაუმჯობესებასა და მათი საქმიანობის ეფექტიანობის გაზრდასა და როგორც სახელმწიფო, ისე კერძო თეატრების სახელმწიფო მხარდაჭერის მექანიზმების გაუმჯობესებას. როგორც სახელოვნებო განათლების, ისე თეატრების მარეგულირებელი საკანონმდებლო პაკეტი შემუშავდა სფეროს კვალიფიციური წარმომადგენლების აქტიური ჩართულობით. სამინისტრო აგრძელებს კულტურისა და შემოქმედებითი პროექტების ხელშეწყობას ღია კონკურსის წესით 10-ამდე პრიორიტეტული მიმართულებით. პროექტების დაფინანსების შესახებ გადაწყვეტილებას იღებს სამინისტროს შესაბამისი პირებისა და დარგის ექსპერტებით დაკომპლექტებული კომისია. ინფორმაცია კონკურსებისა და მისი შედეგების შესახებ გამჭვირვალეა და რეგულარულად ქვეყნდება სამინისტროს ოფიციალურ ფეისბუქგვერდზე. დაიწყო კარგი მმართველობის თანამედროვე პრინციპების დანერგვა მუზეუმებში. მუზეუმების ეფექტიანი და მოქნილი მართვის მიზნით, ეროვნულ მუზეუმს გამოეყო მუზეუმთა ჯგუფები და მუზეუმის ბაზაზე შეიქმნა 5 მუზეუმი/მუზეუმთა ჯგუფი“, - აღნიშნულია ანგარიშში.