113 ახალი სტატია

Top Stories

რატომაა სახელმწიფოს მიერ ოპერაციების დაფინანსებაში გადახდილი ფული წყალს გატანებული და რა პრობლემებს აწყდებიან ადამიანები ოპერაციის შემდეგ

რა დასკვნა დადო სახელმწიფო აუდიტმა და რას ედავებიან საუნივერსიტეტო კლინიკას 

 

„მადლი ვაზისა“ რამდენიმე დღეში გაიყიდება

 

რამდენიმე დღეში „მადლი ვაზისა“ გამოჩნდება, რომელიც ამჯერად, 50 ლარად გაიყიდება. ამის შესახებ „ვერსიას“ შპს „მადლი ღვთისას“ დამფუძნებელმა, ანზორ ჯაფარიძემ ექსკლუზიურად განუცხადა. „მადლი ვაზისა“ იგივეა, რაც „მადლი ღვთისა“. კორონავირუსის საწინააღმდეგო საკვები დანამატი რომ სამმა ქართველმა აკადემიკოსმა შექმნა, რომლებსაც მედიცინასთან კი არა, ქიმია-ბიოლოგიასთანაც კი არაფერი აკავშირებთ, საქართველოს გარდა, პოსტსაბჭოთა ქვეყნებშიც შეიტყვეს - ქართულ მედიაში გავრცელებული სკანდალური ინფორმაცია რუსულმა სააგენტოებმა მაშინვე თარგმნეს და გაავრცელეს. მოკლედ, ატყდა დიდი მითქმა-მოთქმა და ბოლოს, საპატრიარქომ იდეის ავტორებს პრეპარატის სახელწოდების შეცვლა მოსთხოვა. ბევრი იფიქრეს თუ ცოტა, აკადემიკოსებმა საკვები დანამატის - „მადლი ღვთისა“ სახელი შეცვალეს და 29 დეკემბერს ეს ცვლილება ნოტარიულადაც დაადასტურეს. სხვათა შორის, სახელის გარდა, აკადემიკოსები კიდევ ერთ დათმობაზე წავიდნენ - ანოტაციიდან ამოიღეს წინადადება, რომ ეს საკვები დანამატი კორონავირუსს ამარცხებს. ვიდრე ამ სიახლეს დეტალურად გაგაცნობთ, ჯერ ერთი კვირის წინანდელი სკანდალი გავიხსენოთ და გზა და გზა იმ ფაქტებსაც შემოგაშველებთ, რაც „ვერსიამ“ დამოუკიდებლად მოიძია, მოგვიანებით კი, ექსკლუზივის სახით, იდეის ავტორებმაც დაადასტურეს. 

 

სკანდალური „მადლი ღვთისა“

ამბავი ასე დაიწყო: ბიოლოგიურად აქტიური საკვები დანამატი „მადლი ღვთისა“, ყველა წესისა და კანონის მოთხოვნის სრული დაცვით, „ავერსის“ სააფთიაქო ქსელში მოხვდა. სკანდალი არ აგორდებოდა, პროდუქტის ანოტაციაში რომ არ დაეწერათ, კორონავირუსისგან დაავადებულებს ოთხ დღეში კურნავსო. ინფორმაცია ამის შესახებ 21 დეკემბერს გავრცელდა, სამ დღეში კი, უკვე ეს პრეპარატი აფთიაქებში აღარ იყიდებოდა.

„შპს „მადლი ღვთისამ“ 2 064 კოლოფი ბიოლოგიურად აქტიური საკვები დანამატი „ავერსში“ 11 დეკემბერს შეიტანა. „ავერსის“ ადმინისტრაციის მტკიცებით, მისი გაყიდვა არ დაწყებულა და გავრცელებული ინფორმაცია სიმართლეს არ შეესაბამება, რადგან „მადლი ღვთისა“ გაყიდვაში არ ჩაშვებულა - პროდუქტი ჯერ აფთიაქებშიც არ გადანაწილებულა“, - წერდნენ მედიასაშუალებებში.

ვნახოთ, რა კრიტერიუმებს უნდა აკმაყოფილებდეს პროდუქტი, ამ შემთხვევაში, საკვები დანამატი, რათა ის სააფთიაქო ქსელში მოხვდეს. ამისთვის საჭიროა, რომ საკვებ დანამატს მწარმოებლის ხარისხის სერტიფიკატი, ასევე, დამოუკიდებელი ლაბორატორიის ხარისხის სერტიფიკატი ჰქონდეს, რომელიც საკვებ დანამატ „მადლი ღვთისას“ აქვს. მას შემდეგ, რაც „ავერსში“ ეს სერტიფიკატები წარადგინეს, პროდუქტი ბაზაში შეიტანეს.

სერტიფაკატების გარდა, პრეპარატი, რომელიც აფთიაქებში იყიდება, სამედიცინო და ფარმაცევტული საქმიანობის რეგულირების სააგენტოს მიერ ოფიციალურად რეგისტრირებული უნდა იყოს. ირკვევა, რომ „მადლი ღვთისა“ სააგენტოს არ დაურეგისტრირებია, მაგრამ რეალურად, ეს პროცედურა სულაც არაა საჭირო და აგიხსნით, რატომ: წამლისა და ფარმაცევტული საქმიანობის შესახებ საქართველოს კანონის თანახმად, ბიოლოგიურად აქტიური საკვები დანამატისთვის რეგისტრაცია ნებაყოფლობითია, რომელსაც დაინტერესებული პირი, საკუთარი ინიციატივით ახორციელებს. სწორედ ამ კანონის მიხედვით, „მადლი ღვთისას“ ავტორებს სამედიცინო და ფარმაცევტული საქმიანობის რეგულირების სააგენტოში საკუთარი პრეპარატის რეგისტრაცია არ დასჭირვებიათ.

როგორც სტატიის დასაწყისში აღვნიშნე, თავდაპირველად, „მადლი ღვთისას“ ანოტაციაში ეწერა, რომ ეს საკვები დანამატი კორონავირუსს ოთხ დღეში ამარცხებდა, რაც კანონდარღვევაა. მართალია, წამლისა და ფარმაცევტული საქმიანობის შესახებ კანონის მიხედვით, ბოლოგიურად აქტიურ საკვებ დანამატს ოფიციალური რეგისტრაცია არ სჭირდება, მაგრამ ზუსტად ამავე კანონით, „დაუშვებელია ფარმაცევტულ პროდუქტად დაურეგისტრირებელი, ასევე, ფარმაცევტული პროდუქტის სახელმწიფო რეგისტრაციის ეროვნული რეჟიმით ნებაყოფლობით დაურეგისტრირებელი ბიოლოგიურად აქტიური დანამატის სარეკლამო ტექსტში, დაავადებების მითითება და მათი ფარმაცევტულ პროდუქტებად წარმოჩენა“.

არადა, „მადლი ღვთისას“ ანოტაციაში სამ ენაზე ეწერა, რომ საკვები დანამატი, რომელიც „დამზადებულია საქართველოს მადლიანი მიწა-წყლის, ეკოლოგიურად სუფთა გარემოში მოპოვებული, უნიკალური ჯიშისა და სახეობის მცენარეებისაგან და წარმოადგენს ვირუსული და ინფექციური ჯგუფის დაავადების, მათ შორის, ახალი კორონავირუსის - COVID-19-ის საწინააღმდეგო ძლიერმოქმედ საშუალებას, რომლის მიღებისას უმჯობესდება გუნება-განწყობა, ძლიერდება იმუნიტეტი და ორგანიზმის წინააღმდეგობის უნარი“.

საკვებ დანამატს „მადლი ღვთისა“, ხარისხის სერტიფიკატი აკრედიტებულმა ლაბორატორიამ, შპს „გლობალ ტესტმა“ მიანიჭა, უფრო ზუსტად, „გლობალ ტესტის“ სამკურნალო საშუალებების საგამოცდო ლაბორატორიამ. „გლობალ ტესტი“ 2011 წელს დაფუძნდა. კომპანიის დამფუძნებელი და 100%-იანი წილის მფლობელია ნუგზარ ქავთარაძე, ხოლო დირექტორია ნინო ჯინჯოლავა. მედიაში გავრცელდა „გობალ ტესტის“ წარმომადგენლის, ქეთი ბარამიძის კომენტარი. მისი თქმით, ლაბორატორიის გაცემული ხარისხის სერტიფიკატი ეხება ტაბლეტის ქიმიური შემადგენლობის შემოწმებას და არა იმას, რა დაავადებს კურნავს იგი:

„ეს არის ლაბორატორია, სადაც ტარდება მხოლოდ ქიმიური ანალიზები. მე ვარ ფარმაცევტულ მეცნიერებათა დოქტორი, პროფესორი. ენა როგორ მომიბრუნდება და როგორ ვიტყვი, რომ ვაზის ყლორტების ექსტრაქტი, რომელსაც ეს ტაბლეტი შეიცავს, კოვიდს შველის. ხარისხის სერტიფიკატში მითითებულია მხოლოდ ის, თუ რა ზომის უნდა იყოს ტაბლეტი, რა ფერის, რამდენ ხანში უნდა დაიშალოს, შეიცავს თუ არა იმ ნივთიერებას, რასაც შეიცავს, სუფთაა თუ არა ტაბლეტი მიკრობიოლოგიურად. აი, ამას გულისხმობს სერტიფიკატი და მიწერია, რომ ლაბორატორიაში წარმოდგენილი ტაბლეტი შეესაბამება სტანდარტს. გიმეორებთ, სერტიფიკატში არ წერია, რის სამკურნალოდ შეიძლება მისი გამოყენება“.

„მადლი ღვთისა“ დამზადებულია ფარმაცევტულ კომპანია, შპს „დავათში“. ეს კომპანია 1996 წელს დაფუძნდა, რომლის დირექტორია ვახტანგ ჯებაშვილი, ხოლო დამფუძნებლები: ნინა მაისურაძე - 10%, თეიმურაზ ჯებაშვილი - 50%, თამაზ ჯებაშვილი - 30% და ერეკლე ჯებაშვილი - 10%. კომპანიის წარმომადგენელმა განმარტა, რომ კომპანიაში მიიტანეს ხარისხის სერტიფიკატი, რომელიც ბაზარზე აკრედიტებულმა ლაბორატორიამ გასცა, მიაწოდეს ნედლეული და დაამზადეს საკვები დანამატი.

 

ვინ არიან „მადლი ღვთისას“ ავტორები

საჯარო რეესტრის მონაცემებზე დაყრდნობით, შპს „მადლი ღვთისა“ 2020 წლის 23 ოქტომბერსაა რეგისტრირებული. კომპანიის დირექტორია გურამ კუპატაძე, ხოლო 100%-იანი წილი ასე ნაწილდება: შაქრო კვირკვია, რომელიც რუსეთის მოქალაქეა - 30%, გურამ კუპატაძე - 30% და ანზორ ჯაფარიძე - 40%. რეესტრის მონაცემების მიხედვით, ანზორ ჯაფარიძის სახელი ამ ერთადერთი კომპანიის გარდა, არსად ფიგურირებს, შაქრო კვირკვია პირადი ნომრის მითითებითაც კი არ იძებნება რეესტრში, ხოლო რაც შეეხება გურამ კუპატაძეს, მას რამდენიმე კომპანიაში აქვს წილი. კერძოდ, გურამ კუპატაძე „ქართველთა და ებრაელთა მეგობრობის საერთაშორისო კავშირი მადლის“, ასევე, „ადამიანთა უფლებების დაცვისა და დახმარების საერთაშორისო კავშირი ნდობას“ გამგეობის წევრი გახლდათ.

არასამეწარმეო არაკომერციული იურიდიული პირი - ააიპ „ქართველთა და ებრაელთა მეგობრობის საერთაშორისო კავშირი მადლი“ 2000 წლის 16 ივნისს შეიქმნა. კომპანიის ხელმძღვანელები არიან: გურამ კუპატაძე, შალვა წიწუაშვილი, მიხეილ ჩაჩუა, ტარიელ მუმლაძე და გელა ანდღულაძე.

საჯარო რეესტრის ოფიციალურ მონაცემებზე დაყრდნობით, „ვერსიამ“ გაარკვია, რომ შპს „მადლი ღვთისას“ დამფუძნებლებიდან ერთ-ერთი რუსეთის მოქალაქეა, ხოლო მეორე - ქართულ-ებრაული მეგობრობის კავშირის ხელმძღვანელი. მოკლედ, რუსულ-ებრაული ინტერესი და გამოცდილება აშკარაა, რადგან მართალია, რუსეთი ოკუპანტია, მაგრამ ფარმაცევტულ საქმიანობაში უდიდესი გამოცდილება აქვს, აღარაფერს ვამბობ ისრაელზე, რომელიც ამ მხრივ, მსოფლიო ლიდერია, თუმცა მთავარი ინტრიგა მაინც ისაა, რომ გურამ კუპატაძე 2012 წელს, გოგი თოფაძის პარტიის „მრეწველობა გადაარჩენს საქართველოს“ შემომწირველი გახლდათ.

კარგად დაუკვირდით, 2012 წლის 1 ოქტომბრის საპარლამენტო არჩევნებზეა საუბარი, როდესაც ბიზნესიდან პოლიტიკურ ასპარეზზე ახლადშემოსულმა ბიძინა ივანიშვილმა კოალიცია „ქართული ოცნება“ შექმნა და მიხეილ სააკაშვილი, თავისი ნაციონალური მოძრაობით, პოლიტიკურ ტატამზე ორმაგი იპონით გაშხლართა. გოგი თოფაძე და მისი პარტია „მრეწველობა გადაარჩენს საქართველოს“ იმ კოალიციას წარმოადგენდა, რომელიც ივანიშვილმა შექმნა.  

 

„ვერსიის“ სკანდალური ექსკლუზივი

თავდაპირველად, აკადემიკოს ანზორ ჯაფარიძეს დავუკავშირდი, რადგან კორონავირუსის საწინააღმდგეგო პრეპარატის შექმნის იდეა მას გაუჩნდა. ამის შემდეგ დაუკავშირდა თანამოაზრეებს და მასსავით აკადემიკოსებს - შაქრო კვირკვიასა და გურამ კუპატაძეს. აქვე განვმარტავ, რომ ანზორ ჯაფარიძისა და გურამ კუპატაძის ინტერვიუებს სტილის სრული დაცვით გთავაზობთ.

- ბატონო ანზორ, „მადლი ღვთისამდე“ პრეპარატი ან საკვები დანამატი თუ შეგიქმნიათ?

- არა, არავითარი, ეს იყო პირველი, რაც ღმერთის ნება გახლდათ. გაზაფხულზე, როდესაც კორონავირუსის შესახებ არავინ არაფერი იცოდა, მაშინ წარმოიშვა „მადლი ღვთისას“ შექმნის იდეა. ეს გახლავთ ოთხი კომპონენტისგან შემდგარი პრეპარატი. თავიდანვე ვიცოდით, რომ სამედიცინო წრეებში არ მიიღებდნენ და ასეთი აჟიოტაჟი ატყდებოდა, ამიტომ თავდაპირველად, ეს პრეპარატი ჩვენი ოჯახის წევრებმა, ჩვენმა ახლობლებმა - დაახლოებით, 400-მდე ადამიანმა მიიღო და გამოსცადა. ამ ადამიანებს უკვე დადასტურებული ჰქონდათ კორონავირუსი და ამ პრეპარატს პროფილაქტიკის, პრევენციის მიზნით იღებდნენ, რომლებიც სამ-ოთხ დღეში გამოჯანმრთელდნენ.

თავიდან ამ საკვებ დანამატს „მადლი ღვთისა“ დავარქვით, მაგრამ საპატრიარქომ მოგვთხოვა, სახელწოდება შეგვეცვალა. რამდენიმე დღეა, ამ საკითხს ვაგვარებდით და „მადლი ღვთისას“ სახელწოდება შევუცვალეთ, დავარქვით „მადლი ვაზისა“, რადგან ეს ოთხი კომპონენტი, ძირითადად, ვაზისგან მომდინარეობს, თანაც ვაზის ერთი ჯიში კი არ არის, უსიერ ტყეში აღმოვაჩინე ველური ვაზი, მომეწონა მისი მტევანი, გადმოვიტანე და გავაშენე ეს ვაზი. სწორედ ამ განსაკუთრებული ჯიშის ვაზის კომპონენტებს ვიყენებთ ჩვენს საკვებ დანამატში.

აბსოლუტურად ყველა გზა გავიარეთ, რაც წამალმა უნდა გაიაროს. ყველა დოკუმენტი და ყველა საჭირო მასალა გვქონდა - ლაბორატორიის დასკვნა და ხარისხის სერტიფიკატი, რაც გვქონდა, მაგრამ ამ საკითხზე ჩვენს დირექტორს დაუკავშირდით.

- ბატონ გურამ კუპატაძეს აუცილებლად დავურეკავ, მაგრამ მანამდე თქვენ მიპასუხეთ...

- ასე კარგად საიდან გვიცნობთ, ან საიდან გაქვთ ინფორმაცია?

- ბატონო ანზორ, რამდენიმე დღეა, სხვადასხვა მედიასაშუალების წარმომადგენლები, ჩემი კოლეგები წერდნენ ამის შესახებ და იქიდან ვიცი. ბუნებრივია, დავინტერესდი, ჩავერთე და დავიწყე მოკვლევა, მაგრამ ამასობაში, „მადლი ღვთისა“ აღარ იყიდება, თან რამდენიმე დღე გავიდა და განსხვავებული ამბავი მჭირდება, თორემ „ვერსიის“ მკითხველებმაც იციან ის, რაც უკვე გავრცელდა...

- გასაგებია. იცით, განსხვავებული ინფორმაცია რა იქნება თქვენთვის, მაია? სახელწოდება შევცვალეთ და „მადლი ღვთისას“ ნაცვლად, ამიერიდან, პრეპარატს  „მადლი ვაზისა“ ერქმევა. გარდა ამისა, ანოტაციიდან ამოვიღეთ COVID-19, რადგან გვითხრეს, ჯერ მსოფლიოში არ შექმნილა კორონავირუსის საწინააღმდეგო პრეპარატი და თქვენ ვინ ხართო, ამიტომ კორონავირუსის საწინააღმდეგო ამოვიღეთ და დავტოვეთ ინფექციური დაავადების საწინააღმდეგო საკვები დანამატი. გარდა ამისა, თქვენთვის ექსკლუზივი იქნება ისიც, რომ ფასი შევცვალეთ.

- დიდი მადლობა და რა ეღირება „მადლი ვაზისა“?

- 50 ლარი. ამაზე მეტად ვეღარ გავაიაფეთ, რადგან ათასი ჯანდაბა და ბარიერი გვიშლის ხელს, რომ გაცილებით იაფი იყოს. მეტსაც გეტყვით, თავიდან გვინდოდა, რომ ეს საკვები დანამატი საქველმოქმედო სახის ყოფილიყო, მაგრამ არის რაღაც კანონები, რომლებიც გვაფერხებენ.

იმასაც გეტყვით, რომ მე ვარ ანზორ ჯაფარიძე, აკადემიკოსი, ოთხი ეკლესია მაქვს ჩემი ხელით აღდგენილი. მე ვარ ქართველთა და აფხაზთა შერიგების კავშირის საპატიო პრეზიდენტი. ცილი დაგვწამეს, რომ ეს პრეპარატი ფულის საკეთებლად შევქმენით, მაგრამ არა, გენაცვალე! უფლის ნებით ვაკეთებთ, ღმერთმა დაგვავალა და შევქმენით.

 

***

„ვერსია“ შპს „მადლი ღვთისას“ დირექტორს და 30%-იანი წილის მფლობელს, გურამ კუპატაძეს დაუკავშირდა.

-  ბატონო გურამ, არცერთი თქვენგანი - არც ანზორ ჯაფარიძე, არც შაქრო კვირკვია და არც თქვენ ექიმი კი არა, ქიმიკოსი ან ბიოლოგიც არაა. ეს პრეპარატი როგორ შექმენით?

- უფლის ნება იყო, ამაზე მეტს ვერ გეტყვით, რადგან ის, რაც რეალურად მოხდა, საზოგადოებამ საქილიკოდ და სასაცილოდ აიგდო. იმას კი არ გვეუბნებიან, რომ თქვენ, სულ სხვა პროფესიის ადამიანებმა ასეთი საკვები დანამატი შექმენით, პირიქით, გვიკიჟინებენ, ამერიკამ და ინგლისმა ვერ შექმნეს კორონას საწინააღმდეგო პრეპარატი და თქვენ როგორ შექმენითო. თქვე დალოცვილებო, ქვევრი პირველად სად შეიქმნა? საქართველოში, ხომ? და ხომ აღიარა ეს ფაქტი მთელმა მსოფლიომ?

- სპეციალისტი არ გახლავართ, ბატონო გურამ, მაგრამ პროფესიონალმა ექიმმა, გიორგი ღოღობერიძემ თავის ერთ-ერთ ვიდეო-მიმართვაში განაცხადა, რომ ის კომპონენტები, რასაც „მადლი ღვთისა“ (მაშინ ასე ერქვა) შეიცავს, ბუნებრივი ანტიოქსიდანტებიაო.

- დიახ, ასეა. ვაზი თავიდან ბოლომდე, ღვთიური მცენარეა.

- ბატონო გურამ, ხომ იცით, რა ცნობისმოყვარე ხალხი ვართ ჟურნალისტები, ამიტომ აუცილებლად უნდა გკითხოთ, 2012 წელს, გოგი თოფაძის „მრეწველობა გადაარჩენს საქართველოს“ 300 ლარი შესწირეთ?

- რა თქმა უნდა, მე და ჩემმა ბიჭმა შევწირეთ. მეტსაც გეტყვით, 2012 წლის მარტში, „კარდაკარის“ ოპერაციაში ვმონაწილეობდით მე და ჩემი შვილი და 150-150 ლარი ავიღეთ თითოეულმა. ეს თანხა ოფიციალურად დაგვირიგეს ყველას, ვინც ვმონაწილეობდით, მაშინ ამ კომისიას მამუკა კაციტაძე ხელმძღვანელობდა. ჩვენ რომ ავიღეთ, ავდექით და პარტიას ოფიციალურად შევწირეთ. სულ ვფიქრობდი, პროკურორი ქალბატონი რომ იყო აუდიტის სახელმწიფო სამსახურში, ნათია მოგელაძე, გამომიძახოს ერთი და მკითხოს, რატომ შესწირეო, მაგრამ 300 ლარზე ხელი არ გაისვარეს.

მეტსაც გეტყვით, 2011 წელს, როდესაც პოლიტიკურ ასპარეზზე ბატონი ბიძინა გამოჩნდა, 18 ნოემბერს, როდესაც ხალხს „ქართუ ბანკიდან“ გამოჰქონდა ფული და საკუთარ ანგარიშებს აუქმებდნენ ამ ბანკში, მე 100 ლარი შევიტანე. ერთი წლის მანძილზე, ყულაბაში ვაგროვებდი 50-თეთრიანებს და რომ გავხსენი 15 ნოემბერს, 96 ლარი იყო, ჰოდა, 18 ნოემბერს, „ქართუ ბანკში“ 100 ლარი შევიტანე და ანგარიში გავხსენი. 2015 წლის იანვრის ჩათვლით, ყოველთვიურად, ამ ანგარიშზე 20 ლარი შემქონდა.

- ბიძინა ივანიშვილს იცნობთ თუ 2011 წელს, მაშინდელი ხელისუფლების მიმართ პროტესტის გამო გახსენით ანგარიში „ქართუ ბანკში“?

- დიახ, შევხვედრივარ კიდეც. ერთ-ერთ შეხვედრაზე ვუთხარი, ბატონო ბიძინა, უმჯობესია, ხალხის გასაჭირი უშუალოდ ხალხისგან მოისმინოთ ხოლმე, ჩამოხვიდეთ და მოსახლეობას შეხვდეთ, მხოლოდ ჩემი რაიონი კი არა, მთელი საქართველო ვიგულისხმე. ზესტაფონში ვცხოვრობ, მაგრამ წინაპრები ჭითურის რაიონის სოფელი კაცხიდან იყვნენ.

- ქართულ-ებრაული მეგობრობის საერთაშორისო კავშირსაც ხელმძღვანელობთ, არა?

- დიახ, ჩემს თანამოაზრეებთან ერთად დავაფუძნეთ ეს კავშირი. ერთ-ერთი ხელმძღვანელი, ბატონი შალვა წიწუაშვილი ებრაელი გახლდათ, რომელიც ისრაელში ცხოვრობს. ხუთმა კაცმა დავაფუძნეთ ქართველთა და ებრაელთა მეგობრობის საერთაშორისო ასოციაცია მადლი.

- რამე კავშირი ხომ არ აქვს ამ ასოციაციას თქვენს მიერ შექმნილ საკვებ დანამატთან. თქვენი ებრაელი მეგობრები დაგეხმარნენ ფინანსურად?

- დიახ, გარკვეულწილად, იყო დახმარება. ფინანსურად არა, მაგრამ მორალურად და რჩევების სახით დაგვეხმარნენ, დიახ!

- „ავერსი“ რა ნიშნით შეარჩიეთ?

- მრავალი ფარმაცევტული კომპანია და აფთიაქია, მაგრამ ყველაზე ძლიერი, თვალსაჩინო და გამოცდილი „ავერსია“. მივაკითხეთ, წარვადგინეთ დოკუმენტები და შევიტანეთ საკვები დანამატი.

 

 

მაია მიშელაძე

 

 

 კანონის უზენაესობა დემოკრატიული სახელმწიფოს მთავარი გარანტია და ადამიანის უფლებების დაცვის სადარაჯოზე ხშირად დგანან ადამიანები, რომელთაც ზოგჯერ ურთულეს ვითარებაში უწევთ სამართლიანობის მიღწევა და ადამიანის უდანაშაულობის დამტკიცება. გთავაზობთ ინტერვიუს საქართველოში გახმაურებული საქმეების ადვოკატ ტარიელ კაკაბაძესთან, რომელსაც პროფესიულ პრაქტიკაში არაერთი გამამართლებელი განაჩენი უზეიმია. ტარიელ კაკაბაძე საქართველოს ადვოკატთა გაერთიანების დირექტორი, ასევე ადვოკატთა ასოციაციის აღმასრულებელი საბჭოს წევრია და აღნიშნულ პროფესიაზე საკუთარი გამოცდილების შესახებ გვიყვება.


_ ბატონო ტარიელ, რთულია, იყო ადვოკატი დღეს ჩვენს ქვეყანაში?

_ ადვოკატის პროფესია დღეს ისეთი ძლიერია, როგორც არასდროს.
კარგად მახსოვს, როდესაც უნივერსიტეტში ვსწავლობდი, ერთ-ერთ სემინარზე ლექტორმა გვკითხა, ვინ რა პროფესიით ვაპირებდით მუშაობას. ერთადერთმა ვთქვი,რომ მსურდა გამოვსულიყავი ადვოკატი. დღეს კი იურიდიული ფაკულტეტის სტუდენტებს როდესაც ვეკითხები, თუ რა პროფესიის არჩევა სურთ, ნახევარი მპასუხობს, რომ ადვოკატობა უნდათ. ეს აშკარად მიუთითებს იმაზე, რომ ადვოკატის პროფესია წლებთან ერთლად უფროდაუფრო პოპულარული ხდება.

_ როგორ ფიქრობთ, რამ გამოიწვია თქვენი პროფესიის პოპულარობის გაზრდა?

_ აღსანიშნავია, რომ საქართველოს ადვოკატთა ასოციაცია ბევრ რამეს აკეთებს ამ პროფესიის გასაძლიერებლად. დემოკრატიულ ქვეყნებში არავინ კამათობს იმაზე, რომ ქვეყნის დემოკრატიისთვის განსაკუთრებული მნიშვნელობა აქვს ადვოკატის პროფესიას. ადვოკატის როლი არის უმნიშვნელოვანესი ქვეყანაში ხარისხიანი მართლმსაჯულების ჩამოსაყალიბებლად.
ძალიან ხშირად, არასწორი გამოძიების შედეგად, ბრალდებული ხდება სრულიად უდანაშაულო პირი. მის მიმართ სახელმწიფო იყენებს ძალა-უფლებას და ასეთი ადამიანის მძიმე სასჯელისგან ხსნა მხოლოდ კვალიფიციურ ადვოკატს შეუძლია.

_ რამდენად ხშირია უდანაშაულო ადამიანის დაკავების შემთხვევა?

_ხშირად დანაშაულის რეალურად ჩამდენი პირი სხვას ადებს ხელს, გამოძიება არასწორი მიმართულებით მიდის და უდანაშაულო ადამიანს უყენებენ ბრალს.
გაეცნობი საქმის მასალებს და ჩანს, რომ დანაშაული, თითქოს, ბრალდებულს აქვს ჩადენილი, ბრალდებული კი ამბობს, რომ უდანაშაულოა. დაიწყებ მტკიცებულებათა მოპოვება-გამოკვლევას და მოსამართლე ხედავს, რომ ბრალდებულის ნათქვამი მართალი აღმოჩნდება. ამას ადასტურებს უამრავი გამამართლებელი განაჩენი.

_ საინტერესოა, რა მიზეზით შეიძლება აღმოჩნდეს უდანაშაულო ადამიანი ბრალდებულის სკამზე?

_ უდანაშაულო ადამიანების პასუხისგებაში მიცემის შემთხვევების გამომწვევი მიზეზებია: არაეფექტური გამოძიება, კონკრეტული პირის მიმართ ინტერესი, მოწმეთა მხრიდან გამოძიებისთვის არასწორი ინფორმაციის მიცემა, ცრუ დასმენა და ა.შ.
ხშირად დანაშაულის რეალურად ჩამდენი პირი გამოკითხვისას სხვას ამხელს დანაშაულის ჩადენაში, შედეგად გამოძიება არასწორი მიმართულებით მიდის და უდანაშაულო ადამიანს უყენებენ ბრალს.

_ როგორ ფიქრობთ, ადვოკატი ნებისმიერ საქმეში უნდა ჩაერთოს? როგორ არჩევთ, ვინ დაიცვათ და ვინ - არა?

_ პირველ რიგში გეტყვით, რომ ადვოკატი არ არის ვალდებული, დაიცვას ნებისმიერი პირი. ადვოკატის პროფესიის ერთ-ერთი ღირსება არის არჩევანის თავისუფლება.
მიმაჩნია, რომ სწორედ მაშინ შეძლებ ბრალდებულის ეფექტურად დაცვას, თუ რეალურად განაღვლებს ბრალდებულის ბედი და მიგაჩნია, რომ ის იმსახურებს თავისუფლებას.
წარმოიდგინეთ ექიმი, რომელსაც არ ადარდებს თავისი პაციენტი გამოჯანმრთელდება თუ - არა. ასეთი ექიმი შეძლებს პატიცენტის განკურნებას? - რა თქმა უნდა, ვერა. იგივე შემიძლია, ვთქვა ადვოკატისა და მისი დაცვის ქვეშ მყოფის დამოკიდებულებაზეც. სულ სხვა ძალა გეძლევა, როცა იცავ ადამიანს, რომლის ტკივილიც გტკივა.

_ კი, მაგრამ რა უნდა ქნას ადვოკატმა, რომელიც იცავს მკვლელობაში ბრალდებულ პირს და არ არის დარწმუნებული, რომ ის უდანაშაულოა? ხომ შეიძლება, ასეთ დროს მკვლელი გამართლდეს?

_ აღნიშნულ კითხვაზე პასუხის უკეთ გასაცემად მინდა, მოვიყვანო ერთი მაგალითი - ახლახანს ამერიკის შეერთებულ შტატებში სასამართლომ უდანაშაულო სცნო პირი, ვის მიმართაც 25 წლის წინ გამოიტანეს გამამტყუნებელი განაჩენი და სიკვდილით დასაჯეს. იმ საქმეში პირს ბრალად ედებოდა ახალგაზრდა გოგონას გაუპატიურება და განზრახ მკვლელობა.
როგორც აღმოჩნდა, მას ჰყავდა ადვოკატი, მაგრამ ადვოკატსაც არ სჯეროდა მისი დაცვის ქვეშ მყოფის უდანაშაულობის. ადვოკატი, ალბათ, ფიქრობდა, რომ ეს საშინელი დანაშაული ბრალდებულმა ჩაიდინა და არ დაიცვა სათანადოდ, არ წარადგინა ბრალდებულის პოზიციის გამამყარებელი მტკიცებულებები. შედეგად, სიკვდილით დასაჯეს ბრალდებული. 25 წლის შემდეგ კი ახალი მტკიცებულებების საფუძველზე ეს განაჩენი გადაისინა და დამტკიცდა მისი სრული უდანაშაულობა.
დადასტურდა, რომ სიკვდილით დაუსჯიათ ადამიანი, რომელსაც არ ჩაუდენია არანაირი დანაშაული.
უდანაშაულო ადამიანის დასჯა დამნაშავის დაუსჯელობაზე ბევრად უფრო დიდი ბოროტებაა.
ადვოკატმა თავისი დასაცვი პირის ინტერესების დაცვა უნდა განახორციელოს მაქსიმალურად ეფექტურად. ადვოკატი უნდა იყოს შეუპოვარი, რათა აიცილოს უდიდესი ტრაგედია - უდანაშაულო ადამიანის დასჯა.

_ საინტერესოა, საქმის გაცნობის შემდეგ პირველად რას აკეთებთ?

_ პირველად ხდება სტრატეგიის შემუშავება. ადვოკატის მუშაობა ძალიან წააგავს ჭადრაკის თამაშს. მოჭადრაკეები ხშირად ამბობენ, რომ სჯობს გქონდეს არასწორი სტრატეგია, ვიდრე საერთოდ არ გქონდეს. სტრატეგია არის ერთი დიდი გეგმა, ხოლო ტაქტიკა შედგება იმ მცირე ნაბიჯებისგან, რომლითაც ამ გეგმის განხორციელება შეგვიძლია.
გეგმის გარეშე მუშაობას ვადარებ უცხო ქალაქში დაკარგულ ადამიანს, რომელიც არასწორი რუკის გამოყენებით ცდილობს, კონკრეტულ ადგილზე მისვლას.
შეუძლებელია სწორად შემუშავებული გეგმის გარეშე, შემთხვევით საქმის მოგება.

_ ბატონო ტარიელ, ცოტა ხნის წინ გამოქვეყნდა რეიტინგი, რომლის მიხედვითაც, დაგასახელეს საუკეთესო ადვოკატად. რას ნიშნავს თქვენთვის ასეთი შეფასება?

_პირველ რიგში გეტყვით, რომ საქართველოს ადვოკატთა ასოციაციას არასდროს ჩაუტარებია მსგავსი კონკურსი და ეს არის კონკრეტული ორგანიზაციის მიერ გამოქვეყნებული რეიტინგი. არ მინდა, ამ ორგანიზაციის მიმართ უმადურობა გამოვიჩინო, პირიქით, მადლობელი ვარ ჩემი დაფასებისთვის, თუმცა აბსოლუტურად წარმოუდგენელი მგონია ადვოკატების რეიტინგების მიხედვით შედარება.

შეიძლება ერთ ადვოკატს ჰქონდეს საუკეთესო უნარ-ჩვევები ერთ საკითხში (მაგალითად: ჯვარედინი დაკითხვა), სხვა ადვოკატი კი საუკეთესო იყოს სხვა საკითხში (მაგალითად: დასკვნითი სიტყვის მომზადება,საგამოძიებო მოქმედებების ჩატარება და ა.შ.). კარგი ადვოკატი ის არის, ვინც საკუთარ თავზე ყოველდღიურად მუშაობს და ცდილობს ყველა ამ უნარ-ჩვევის განვითარებას.

ჩემთვის სამაგალითო და თუნდაც საუკეთესოა ყველა ის წინა თაობის ადვოკატი, ვინც იბრძოდა ყველაზე რთულ დროს, როცა ადვოკატობა ურთულესი იყო და გამამართლებელი განაჩენები, თითქმის, არ დგებოდა. ბევრი მათგანი დიდი რისკის ფასად იდგა ადამიანთა უფლებების სადარაჯოზე. დღეს ადვოკატობა ბევრად უფრო მარტივია.

 

„სააკაშვილს საქართველოში ამომრჩეველი კი არა, მართლმსაჯულება ელოდება!“ 

საქართველოში საარჩევნო კამპანია კორონაპანდემიის ფონზე მიმდინარეობს. ვირუსის დადასტურებული შემთხვევები დღითი დღე მატულობს, თუმცა ხელისუფლება აცხადებს, რომ საყოველთაო ,,ლოკდაუნი’‘ აღარ გვემუქრება და ე.წ. ჩაკეტვები წერტილოვნად განხორციელდება. კორონა ციებ-ცხელების პარალელურად, ხელისუფლებამ და ოპოზიციამ ხელი საარჩევნო ქცევის კოდექსს მოაწერეს. დოკუმენტი ცესკო-ს მიერაა მომზადებული, რაშიც საერთაშორისო ორგანიზაციები _ USAID და IRI-იც იყვნენ ჩართულები. კოდექსში გაწერილია, თუ რა ქცევებია საარჩევნო კამპანიის დროს მიუღებელი. კერძოდ, საუბარია სიძულვილის ენაზე, ამომრჩევლის მოსყიდვასა და შეურაცხმყოფელ განცხადებებზე. როგორც ხედავთ, კორონაქაოსის მიუხედავად, ქართული პოლიტიკური სპექტრი არჩევნებისთვის აქტიურად ემზადება, თუმცა საინტერესოა, როგორ განვითარდება მოვლენები პანდემიის კუთხით ანუ ხომ არ გადაიდება არჩევნები და როდის გვექნება ქვეყანაში ვირუსის აფეთქების მეორე ტალღა? _ ამ საკითხებზე ,,ვერსია’‘ ჯანდაცვის კომიტეტის თავმჯდომარეს, დიმიტრი ხუნდაძეს ესაუბრა.

_ იმის პროგნოზი, რაც დღეს ეპიდვითარებასთან დაკავშირებით ხდება, არაერთხელ გავაკეთეთ და ვთქვით, რომ შემოდგომის პირას ინფიცირებულთა რაოდენობა მოიმატებდა, თუმცა ასეთი ნახტომისებური ზრდა იმაზე მეტია, ვიდრე მოსალოდნელი იყო. ეს განაპირობა საზოგადოების ყურადღების მოდუნებამ, რაც საგანგაშო არა, მაგრამ საყურადღებოა და ვფიქრობ, რეკომენდაციების დაცვა ისე, როგორც აქამდე იყო საჭირო, ახლაც აუცილებელია. ეს რეკომენდაციებია: პირბადის ტარება, თავშეყრის ადგილებზე მაღალი სიმჭიდროვის მორიდება, ფიზიკური დისტანცირება. ამ პროცესის მართვა თავისუფლად შეგვიძლია, რადგან ამ კუთხით, უკვე გარკვეული გამოცდილება მივიღეთ. თავიდან, როგორც მსოფლიო, ჩვენც გამოუცდელი ვიყავით, მაგრამ ამ ხნის განმავლობაში გამოცდილება დავაგროვეთ და აქამდე პროცესი კარგად ვმართეთ, რასაც მთელი მსოფლიო აღიარებს, თუმცა იმ ფონზე, როცა ეპიდემიოლოგების უდიდესი ნაწილი შესაძლო მეორე ტალღას ვარაუდობს, რა თქმა უნდა, მეტი სიფრთხილე და იმ რეკომენდაციების უფრო მაღალ ხარისხში დაცვა გვმართებს, რაც ჯანმო-ს (ჯანდაცვის მსოფლიო ორგანიზაცია, _ ავტ.) მიერაა გაცემული და რა რეკომენდაციებსაც საკოორდინაციო საბჭო იძლევა. 

ასე რომ, დავიცვათ წესები. ამ ვირუსის ხასიათი ამგვარია _ თუ რეკომენდაციებს ითვალისწინებენ, ზიანი მინიმალურია, მაგრამ თუ შესაძლო ზიანს ანგარიშს არ უწევენ, რა თქმა უნდა, ვირუსის ნეგატიური გავლენა უფრო დიდია, რაც არაერთი ქვეყნის მაგალითზე ვნახეთ. სიფრთხილე ნამდვილად გვმართებს, კლინიკები მზადაა, რომ საჭიროების შემთხვევაში, მაქსიმალური შესაძლებლობები გამოავლინონ, მაგრამ ჯანდაცვის სფეროსაც აქვს რეალური შესაძლებლობების ზღვარი. ჩვენ ვართ მაქსიმალურად მზად, მაგრამ აუცილებელია, რომ საზოგადოებამ საკუთარი თავი რისკის ქვეშ არ დააყენოს. 

_ ისე, დამძიმებული კოვიდვითარების ფონზე, არჩევნების გადადება ხომ არ განიხილება? 

_ ჩვენ გვაქვს ორი ძირითადი მიმართულება _ მოქალაქეების ჯანმრთელობის დაცვა და ის, რომ ეკონომიკაში შეუქცევადი პროცესი არ მივიღოთ. ამას ემატება მესამეც _ არჩევნები უსაფრთხოდ და მაქსიმალურად თავისუფალ გარემოში, დამატებითი შეზღუდვების გარეშე და დემოკრატიულად ჩავატაროთ. დღევანდელი ეპიდვითარება საარჩევნო პროცესს საფრთხეს არ უქმნის, მაგრამ უნდა გავითვალისწინოთ, რომ არჩევნებზე უფრო მეტი სიმჭიდროვე იქნება, ვიდრე ახლაა და ამიტომ, უნდა ვიფიქროთ არა მხოლოდ არჩევნების დღეზე, არამედ, შემდგომ პერიოდზეც, რათა ქვეყანას დამატებითი პრობლემები არ გაუჩნდეს. 

_ რაც შეეხება არჩევნების პოლიტიკურ კონტექსტს, ,,ქართული ოცნების’‘ სიის ოცეულში არაერთი ახალი სახე გამოჩნდა. ამას როგორ აფასებთ? 

_ ეს ოცეული საკმაოდ საინტერესოდ გამოიყურება, არიან გუნდის ძველი წევრებიც _ ძირითადად, ლიდერები და ვფიქრობ, მათ საკუთარი პოლიტიკური ცხოვრებით აჩვენეს, რომ შეუძლიათ, ქვეყანაში პოლიტიკური პროცესების მართვის სადაავებთან იყვნენ, მაგრამ რა თქმა უნდა, საჭიროა განახლება და ახალი სახეებიც, თავისი განათლებით, კომპეტენციით, საკმაოდ საინტერესოდ გამოიყურებიან. 

_ მმართველი გუნდის ძველი სახეები, აი, მაგალითად, თქვენ, ,,ოცნების’‘ სიაში იქნებით? 

_ თქვენ სვამთ კითხვას იმის შესახებ, თუ ვინ იქნებიან სიის შემდეგი წევრები, თუმცა არ მინდა გავუსწრო მოვლენებს, რამეთუ ეს პოლიტსაბჭოს გადასაწყვეტია და ცნობილი გახდება, ვინ იქნება სიაში და ვინ _ არა. 

ერთი რამ შემიძლია გითხრათ _ ვაპირებ პოლიტიკური ცხოვრების გაგრძელებას და ჩემს პოლიტიკურ მომავალს ვხედავ მხოლოდ და მხოლოდ ,,ქართულ ოცნებასთან’‘, ვისთანაც პოლიტიკური ცხოვრება დავიწყე! 

_ როგორ ფიქრობთ, ხელისუფლება და ოპოზიცია ქცევის კოდექსს საარჩევნოდ დაიცავენ? 

_ შეთანხმება კარგია, მაგრამ მას შესრულება უნდა. მმართველი გუნდი წესებს ყოველთვის იცავდა და ახლაც დავიცავთ. ოპოზიციისგან კი დიდი მოლოდინი არ მაქვს, რომ ამას გააკეთებს, თუმცა ვნახოთ. 

_ მიხეილ სააკაშვილის შესაძლო დაბრუნებას როგორ აფასებთ? 

_ სააკაშვილის ჩამოსვლა-არჩამოსვლას სერიოზულად არ ვუყურებ, რადგან ყოველი არჩევნების წინ გვპირდება, რომ ჩამოვა, მაგრამ როგორც ჩანს, ამასაც ისე იტყუება, როგორც ყველაფერ დანარჩენს. 

ისე, ნამდვილად ელოდება, ოღონდ არა ამომრჩეველი, არამედ, მართლმსაჯულება, თუმცა ერთიც მაინტერესებს: მან ბოდიში მოიხადა 8 წლის შემდეგ და რაზე იხდის ბოდიშს? რას გულისხმობს? _ იმას, რომ აწამებდა ადამიანებს? ამას ბოდიში არ ყოფნის. სწორედ ამიტომ მაინტერესებს, რაზე იხდის ბოდიშს. მას ძალიან ბევრ საკითხზე აქვს სამართლებრივი პასუხისმგებლობა და მხოლოდ ბოდიში არ იქნება საკმარისი. 

_ თქვენი პროგნოზით, ,,ქართული ოცნება’‘ არჩევნებში როგორ შედეგს დადებს? 

_ ოპოზიციის მხრიდან წარმოდგენილი პოლიტიკური სპექტრი საკმაოდ უინტერესოა. მათი წარსული საკმაოდ სახიფათოა. ძირითადად, ნაციონალურ მოძრაობასა და მის განაყარს ვგულისხმობ. სხვა ძალიან ბევრი პარტია უცნობია, ორკაციანი და ერთკაციანია, ამიტომ დიდ კონკურენციას ვერ ვხედავ. კონკურენცია, სამწუხაროდ, პოლარიზებულია. ერთ მხარესაა ისევ ძველი ნაციონალური მოძრაობა, რომლის წარსულიც ახსოვს საზოგადოებას და მეორე მხარესაა ,,ქართული ოცნება’‘, რომელიც ყველაზე მეტად არის საზოგადოებასთან. 

შესაძლოა, ,,ქართულ ოცნებასაც’‘ ჰქონდა ხარვეზები, მაგრამ მას ერთი ისეთი შეცდომაც არ დაუშვია, რომელიც ადამიანის სიცოცხლეზე გადიოდა ან ქვეყნის ოკუპაციაზე... ასე რომ, ვინც არ მუშაობს, ის შეცდომებსაც არ უშვებს, მაგრამ ისეთი შეცდომა არ უნდა დაუშვა, რომელიც საზიანო ხდება ქვეყნისა და თაობებისთვის. 

_ ბატონო დიმიტრი, თქვენ ერთ-ერთი დეპუტატი იყავით, რომელიც მაჟორიტარულ სისტემას ბოლომდე იცავდა და პროპორციულ სისტემაზე გადასვლას მხარი არ დაუჭირეთ. ,,ოცნებამ’‘ მაჟორიტარად რომ არ დაგასახელათ, გული ხომ არ დაგწყდათ? 

 

_ მე ვიყავი ორი მოწვევის მაჟორიტარი დეპუტატი. როგორ ვაკეთებდი ჩემს საქმეს, ამას საზოგადოება შეაფასებს. ვფიქრობ, ჩემი მაჟორიტარობა არ იყო უინტერესო არც საკანონმდებლო მუშაობით და არც _ ადგილზე, სამაჟორიტარო ოლქში, თუმცა ალბათ, უკეთესადაც შეიძლებოდა, ამიტომ ვისურვებდი, რომ ჩვენი გუნდის წევრი ჩემზე ეფექტური იყოს. 

რაც შეეხება საარჩევნო სისტემას, მე ხომ ჩემთვის არ მიზრუნია და ეს იმიტომ არ გამიკეთებია, რომ მაინცდამაინც მე ვყოფილიყავი მაჟორიტარი? მწამდა და ახლაც მწამს, რომ ქვეყნის სტაბილურიბისთვის, მით უმეტეს, ამ პოლიტიკურ რეალობაში, არათუ სასურველი, არამედ აუცილებელია, რომ მაჟორიტარული შემადგენელი ყოფილიყო სისტემაში. რა თქმა უნდა, 30 მაჟორიტარი არაა ის, რაზეც ვსაუბრობდი, მაგრამ ამ ეტაპზე, სუფთა პროპორციულს მაინც სჯობს, თუმცა უნდა მივიდეთ იქამდე, რომ ქვეყანა პროპორციულ სისტემაზე გადავიდეს. თვითმმართველობა იყოს ძლიერი; მაჟორიტარული რგოლი აღარ იყოს საჭირო რაიონში კონკრეტული საკითხების განსახილველად; ქვეყანაში უნდა იყოს პოლიტიკური სპექტრი, რომ რეალური არჩევანის საშუალება არსებობდეს და აი, მაშინ, აღარ იქნება საჭირო მაჟორიტარული სისტემა. საბოლოოდ, პროპორციულ სისტემაზე უნდა გადავიდეთ.

თათია გოჩაძე

Basement pertinent arkansas

ინტერვიუ

Package eternal darkness cap attracted circular competent secure. Journal papa long-range virgin tour overcome golf bedroom supreme podger. Allowances reflects losses portland

ერთი  კვირის წინ, 20 იანვარს, მსოფლიო ამერიკის შეერთებული შტატების ახალი პრეზიდენტის, ჯო ბაიდენის ინაუგურაციას ადევნევდა თვალყურს, რომელიც ძალიან განსხვავებული და ისტორიული მოვლენა იყო. ამის მიზეზი არამარტო პანდემია, არამედ, აშშ-ის ისტორიაში პირველი ფერადკანიანი  ვიცე-პრეზიდენტი ქალის, კამალა ჰარისის ოვალურ ოფისში შესვლაც იყო. დღეს სწორედ ამ განსაკუთრებული და წარმატებული ქალის ისტორიას მოგიყვებით.

კამალა 1964 წლის ოქტომბერში, კალიფორნიაში, ფერადკანიანი იამაიკელი მამისა და ინდოელი დედის  ოჯახში დაიბადა. იმიგრნატმა მშობლებმა თავიანთი კულტურისა და წარმომავლობის პატივსაცემად „კამალა“  დაარქვეს, რომელიც ყვავილ ლოტუსს ნიშნავს და ბუდიზმში ქალღმერთ ლაქშმის უკავშირდება. გოგონას დედა, დოქტორი შიამალა გოპლანი დონალდ ჰარისს სამედიცინო უნივერსიტეტეში სწავლისას შეხვდა. აშშ-ში იმ დროს ადამიანის უფლებებისა და რასობრივი დისკრიმინაციის შესახებ ბევრი პროტესტი და აქცია იმართებოდა, რასაც ჰარისის მშობლებიც ესწრებოდნენ და აქტიურადაც იყვნენ ჩართულნი. მათ კამალა და მისი დაც დაჰყავდათ ამ გამოსვლებზე და სწორედ ამიტომ დღესაც ეს ღირებულებები მათთვის განსაკუთრებით მნიშვნელოვანია. სწორედ ყველაფერ ამის დამსახურებაა, რომ კამალა ბავშვობიდანვეე იბრძოდა და იცავდა სხვების უფლებებს. სწორედ ამის დასტურია, როცა 13 წლის ასაკში მან  მეზობლად მცხოვრები ბავშვები შეკრიბა და აქცია გამართა, რომლითაც აპროტესტებდა, რომ მათი საცხოვრებელი კორპუსის წინ მდებარე გაზონზე ბავშვებს თამაშის უფლება არ ჰქონდათ. სხვათაშორის, ეს აქცია წარმატებით დასრულდა. 

  კამალა ჰარისი მშობლებთან ერთად

ჰარისი 7 წლის იყო, როდესაც მშობლები ერთმანეთს გაეყარნენ, რამაც მასზე ძალიან დიდი გავლენა მოახდინა. გოგონას დედა კიბოს განკურნების მოსაძებნად სამედიცინო კვლევებში იყო ჩართული. სწორედ ამიტომ ახალი სამსახურის გამო ჰარისი 12-დან 17 წლამდე კანადაში, კერძოდ კი, მონრეალში მოუწია ცხოვრობა. 

„დედას ორი მთავარი მიზანი ჰქონდა: გაეზარდა ორი გოგონა და ეპოვნა მკერდის კიბოს განკურნების გზა. სწორედ მის გამო მჯერა, რომ ყველაფერი შესაძლებელია, რაც ადამიანს მართლა უნდა,“ - წერს კამალა დედაზე, რომელიც 2009 წელს გარდაიცვალა.

ჰარისს მემუარებიც აქვს დაწერილი The Truths We Hold: An American Journey, რომელშიც მისი ბავშვობის ისტორიას დაწვრილებით იხსენებს. მისი ისტორიის მოყოლისას ნათელია, რომ ის ბევრად ახლოს იყო დედასთან, მამის შესახებ კი ახლაც ძალიან ცოტას საუბრობს. 

კამალამ იურიდიული განათლება მიიღო და ჰასტინგსის კოლეჯში შესაბამისი ხარისხიც მოიპოვა. 1990-98 წლებში ის  ძირითადად  ოუკლენდში პროკურორის მოადგილედ მუშაობდა ნარკოტრეფიკინგისა და ჯგუფური ან სექსუალური ძალადობის საქმეებზე. ამის შემდეგ 2004 წელს ოუკლენდის პროკურორი გახდა, 2010 წელს კი კალიფორნიის პირველი ფერადკანიანი გენერალური პროკურორი ქალის თანამდებობდა დაიკავა. 2012 წელს ის პირველად გამოჩნდა დემოკრატიული პარტიის ყრილობაზე და ბევრ ადამიანს თავი საკმაოდ ემოციური გამოსვლით დაამახსოვრა. ორი წლის შემდეგ კი, 2014 წელს ის პროკურორ დაგლას ემჰოფზე დაქორწინდა, რომელიც მეგობრებმა გააცნეს. მის მეუღლეს წინა ქორწინებიდან ორი შვილი კოლი და ელა ჰყავს, რომლებთანაც კამალას ძალიან მეგობრული და ახლო ურთიერთობა აქვს. ისინი მას „momala“-ს ეძახიან, რადგან ტერმინი დედინაცვალი არ მოსწონთ. კამალას თქმით ეს ყველაზე მნიშვნელოვანი, ღირებული და ძვირფასი ტიტულია რაც კი ოდესმე მიუღია.

„გადაწყვეტილი მქონდა, რომ მათ ცხოვრებაში არ გამოვჩნდებოდი, სანამ მე და დაგი არ დავადგინეთ, რომ ეს ურთიერთობა დიდხანს გაგრძელდებოდა, - განმარტა მან, - ბავშვებს სიმშვიდე და სტაბილურობა სჭირდებათ. არ მინდოდა მათ ცხოვრებაში  მხოლოდ დროებით გამოჩენა და შემდეგ მათი იმედგაცრუება. ბავშვის იმედგაცრუებაზე უარესი არაფერია. ”

კამალა ჰარისის ოჯახი

ამის შემდეგ კარიერული წინსვლა გაგრძელდა და 2016 წლის არჩევნებში ის სენატში აირჩიეს. სენატორად არჩევის კამპანიის დროს აქცენტს აკეთებდა საიმიგრაციო საკითხებსა და კრიმინალურ-სამართლებრივ რეფორმებზე, რამაც ხალხი მისით დააინტერესა. 2017 წლის იანვრიდან კამალა ჰარისმა მუშაობა დაიწყო დაზვერვისა და იურიდიულ კომიტეტში. ის ცნობილი გახდა თავისი პროკურორული სტილით მოწმეების დაკითხვის პროცესში, რასაც რესპუბლიკელების მხრიდან კრიტიკაც მოჰყვა. განსაკუთრებული ყურადღება ჰარისმა მაშინ მიიპყრო, როდესაც ის ამერიკის გენერალურ პროკურორს ჯეფ სესიონს ჰკითხავდა რუსეთის მიერ 2016 წლის საპრეზიდენტო არჩევნებში ჩარევის საკითხთან დაკავშირებით.

სწორედ ამის შემდეგ მალევე გახდა ცნობილი, რომ ჰარისს სურდა 2020 წლის საპრეზიდენტო არჩევნებში დემოკრატების კანდიდატთა ნომინაციაში მიეღო მონაწილეობა. თავდაპირველად ის მიჩნეული იყო, როგორც ერთ-ერთი ყველაზე წამყვანი კანდიდატი, თუმცა, მოგვიანებით ის რბოლას ფინანსების არქონის გამო გამოეთიშა. ცოტა ხანში, კი ჯო ბაიდენმა ის მის ვიცეპრეზიდენტად დაასახელა. ბევრის აზრით, მთლიანი პროცესი სწორედ იმიტომაა საინტერესო, რომ ბაიდენს გადაწყვეტილი აქვს მხოლოდ ერთი ვადით ანუ 4 წლით  იყოს პრეზიდენტი და 2024 წელს სწორედ ჰარისს მისცეს საშუალება გახდეს პირველი ქალი პრეზიდენტი და მას დაუჭიროს მხარი.

                        კამალა ჰარისის ოჯახი ინაუგურაციის დღეს

 

20 იანვარს მსოფლიო ამერიკის შეერთებული შტატების ახალი პრეზიდენტის ინაუგურაციას ელოდება. დღეს უკვე შეიძლება ითქვას, რომ განვითარებული მოვლენების ფონზე, 2020 წლის საპრეზიდენტო არჩევნები აშშ-ს ისტორიაში ყველაზე სკანდალური იყო. პრეზიდენტის იანუგურაციაც წელს განსხვავებულად ჩატარდება - ჯო ბაიდენის საინაუგურაციო კომიტეტმა საზოგადოებას მოუწოდა, კოვიდპანდემიის გამო, დაიცვას ჯანდაცვის ნორმები, დარჩნენ სახლში და იქიდან ადევნონ თვალი პრეზიდენტ ბაიდენისა და ვიცე-პრეზიდენტ კამალა ჰარისის ფიცის დადების ცერემონიას.

გასაკვირი არ არის, რომ 2020 წლის საპრეზიდენტო არჩევნებს საქართველოში განსაკუთრებული გულმოდგინებით ადევნებდნენ თვალს, რადგან სწორედ ამ არჩევნების შედეგებზეა დამოკიდებული, რა პოზიციას დაიკავებს ჩვენი ქვეყნის მიმართ მისი მთავარი სტრატეგიული პარტნიორი. პრეზიდენტობის ორივე კანდიდატს - დონალდ ტრამპსა და ჯო ბაიდენს საქართველოში ძალიან კარგად იცნობენ, თუმცა ამჯერად „ვერსია“ გამარჯვებული კანდიდატის ჯო ბაიდენის საინტერესო, ტრაგიკული და სირთულეებით სავსე ცხოვრების დეტალებს შეგახსენებთ.

ბევრისთვის უცნობია, რომ ჯო ბაიდენის ისტორია ბავშვობაში ძლიერი მეტყველების დეფექტით, იგივე ენის ბორძიკით იწყება. პენსილვანიაში დაბადებული პატარა ბიჭი სკოლაში ამის გამო ძლიერი ბულინგის მსხვერპლი იყო. რამდენიმე ათეული წლის შემდეგ კონგრესმენის დამ, ვალერია ბაიდენმა აღნიშნა, რომ სწორედ ამ ტრამვულმა პერიოდმა და გამოწვევამ ასწავლა, როგორ ყოფილიყო უფრო კეთილი, შემწყნარებელი და თანამგრძნობი სხვა ადამიანების პრობლემების მიმართ.

„მე ვფიქრობ, რომ ცხოვრებაში არაფერს შეულახავს და დაუკარგავს ჩემი ღირსება ასე უცბად, მტკინვეულად და საფუძვლიანად, როგორც ენის ბორძიკს სკოლაში“, - განაცხადა ბაიდენმა 2008 წელს საუბრისას.

სწორედ ამის გამო ახალგაზრდა ჯო ბაიდენი იძულებული გახდა, მუდმივად შეწინააღმდეგებოდა იმ ბავშვებს, ვინც მას აბულინგებდა. ძლიერი ენის ბორძიკი კი მან ყოველდღე რამდენიმე საათის განმავლობაში სარკესთან ლექსების გამეორებით დასძლია. მისი თქმით, დაეხმარა ისიც, რომ დედა სულ მის გვერდით იყო და გულშემატკივრობდა. სწორედ ამ ფაქტმა განაპირობა, რომ ყოფილმა ვიცე-პრეზიდენტმა გადაწყვიტა ყოველთვის დახმარებოდა სხვადასხვა ორგანიზაციას, ძლიერი მეტყველების დეფქტის მქონე ბავშვებზე რომ ზრუნავს. 2020 წელს კი, დემოკრატების კანდიდატად წარდგენისას, ერთ-ერთი გამომსვლელი 13 წლის, მეტყველების პრობლემის მქონე, ბრეიდონ ჰარინგტონი იყო, რომელსაც ბაიდენი ნიუ ჰემფშირის შტატში შეხვდა და დაუმეგობრდა. ბრეიდენისთვის, რომელსაც ასევე აქვს მეტყველების პრობლემები ძალიან მნიშვნელოვანი აღმოჩნდა იმის დანახვა, რომ მისნაირი ადამიანები ასეთ დიდ წარმატებას აღწევენ.

„ძალიან მოკლე ხანში ჯო ბაიდენმა შეძლო უფრო თავდაჯერებული გავეხადე, გადამელახა ის პრობლემა, რომელიც მთელი ცხოვრება მაწუხებს. მივხვდი, რომ ჯო ბაიდენისთვის ჩვენი პრობლემები სულერთი არ იყო და ის ზრუნავდა ჩემზე“, - თქვა ჰარინგტონმა დემოკრატიული პარტიის ყრილობაზე ემოციური გამოსვლისას.

ბაიდენს მეტყველების პრობლემებმა სწავლაში ხელი მაინც ვერ შეუშალა და 1965 წელს, მან ბაკალავრის ორმაგი ხარისხი ისტორიასა და პოლიტიკურ მეცნიერებეში, მაინორით კი ინგლისურ ენაში მიიღო. სირაკუზას უნივერსიტეტში იურისპრუდენციის სწავლისას პირველ მეუღლეს, ნეილია ჰანტერს შეხვდა, რომელთანაც სამი შვილი ჰყავს: ბო, ჰანტერი და ნაომი. 1972 წელს ბაიდენი დელავერის შტატის სენატორი გახდა, ჩაატარ წარმატებული საარჩევნო კამპანია, რომელშიც უსახსრობის გამო მთელი მისი ოჯახი აქტიურად მონაწილეობდა. თუმცა სწორედ ამ ზეიმისა და წარმატების დროს ოჯახს თავს საზარელი ტრაგედია დაატყდა - 18 დეკემბერს ავტომობილს, რომელშიც ნაიომი მართავდა და უკან მისი შვილები ისხდნენ, ტრაქტორის ტიპის მანქანა დაეჯახა. სენატორი ბაიდენის ახალგაზრდა მეუღლე და ქალიშვილი ნაომი ავტოკატასტროფაში ადგილზევე დაიღუპნენ, მისი ვაჟები კი მძიმედ დაშავდნენ. ბაიდენი ინტერვიუებში იხსნებს, რომ წინა ღამით მის მეუღლეს თითქოს რაღაც წინათგრძნობა ჰქონდა, რადგან საკმაოდ უცნაური კითხვა დაუსვა: „რა მოხდება მომავალში, ჯო? ყველაფერი ზემდეტად კარგადაა“.


სენატორისთვის ეს იმდენად მძიმე პერიოდი იყო, რომ სუიციდზეც კი დაიწყო ფიქრი, თუმცა მისმა ბიჭებმა და მათზე ზრუნვამ მალევე დაუბრუნა ცხოვრების სურვილი. ის თანამდებობაზე უარის თქმაზეც კი აპირებდა, რათა მძიმედ დაშავებულ შვილებზე ეზრუნა, თუმცა ბიჭების ჯანმრთელობის გაუმჯობესებული მდგომარეობა მისგან ამ მსხვერპლს არ მოითხოვდა. მიუხედავად ყველაფრის, პირველ რიგში, ის იყო მამა და მისი პრიორიტეტი ყოველთვის შვილები იყვნენ, რასაც ყოველთვის ქმედებებითაც ამტკიცებდა. სწორედ ეს იყო მიზეზი, რომ ჯო ბაიდენის სენატორად დამტკიცების ცერემონია სწორედ იმ საავადმყოფოში შედგა, სადაც მისი შვილები მკურნალობდნენ. რამდენიმე თვის შემდეგაც კი, ვაშინგტონში მუშაობის მიუხედავად, სენატორი მატარებელში რამდენიმე საათიანი მგზავრობის შემდეგ, ყოველ საღამოს ბრუნდებოდა სახლში და სადილობდა თავის ბიჭებთან ერთად, რათა მათ მამის მზრუნველობა არ მოკლებოდათ და დილით სკოლაში გაეცილებინა.

1977 წლის ივნისში მეორედ, მასწავლებელ ჯილ ბაიდენზე დაქორწინდა და მასთან ქალიშვილი - ეშლი შეეძინა.
„მან ჩემი დაკარგული სიცოცხლე დამიბრუნა და პირველად დამაფიქრა, რომ ჩემი ოჯახი ისევ სრულფასოვანი შეიძლება ყოფილიყო“ - ამბობს ბაიდენი მეორე მეუღლეზე.

ამ დიდი ტრაგედიის შემდეგ ცხოვრება თითქოს ჩვეულ რეჟიმში ჩადგა და ჯო ბაიდენმა კარიერული წინსვლა განაგრძო - 2008 წელს არჩეული პრეზიდენტის, ბარაკ ობამას ადამინისტრაციაში ვიცე-პრეზიდენტი გახდა. სწორედ ვიცე-პრეზიდენტობის დროს დაატყდა თავს მეორე ტრაგედია - მის ვაჟს, ბო ბაიდენს, თავის ტვინის კიბოს აგრესიული ფორმა აღმოაჩნდა და მალევე გარდაიცვალა. 45 წლის ბო ბაიდენს ორი შვილი ჰყავდა და წარმატებული კარიერა ჰქონდა, რითაც მამა ყოველთვის ამაყობდა. მან იმსახურა ჯარში, იბრძოდა ერაყში, შემდეგ კი დელავერის შტატის გენერალური პროკურორის თანამდებობა ეკავა. მამა-შვილი ძალიან აქტიურად საუბრობდა პოლიტიკაზე და იმაზეწც, თუ როგორი უნდა ყოფილიყო ბაიდენის საპრეზიდენტო კამპანია. პოლიტიკა სწორედ ის თემა იყო, რომელმაც ისინი უფრო დაახლოვა და მათი ურთიერთობა განსაკუთრებული გახადა. ჯო ბაიდენი ბოს პოლიტიკაში მისი საქმის მემკვიდრედ, მის გამგრძელებლად და მასზე ბევრად უკეთეს და ღირსეულ ვერსიად მიიჩნევდა. ის ყოველთვის თვლიდა, რომ ერთ დღეს ამერიკის პოლიტიკურ ცხოვრებაში აუცილებლად დაიკავებდა მნიშვნელოვან ადგილს. ბოს გარდაცვალების შემდეგ, კი ბაიდენისთვის კიდევ ერთი კრიზისული პერიოდი დადგა. სწორედ ამ ტრაგედიისა და დიდი დანაკარგის გამო 2016 წელს მან უარი თქვა, გამხდარიყო საპრეზიდენტო კანდიდატი. 2020 წლის საარჩევნო კამპანიისას კანდიდატი ჟურნალისტებთან იგი აღნიშნავდა, რომ არჩევნებში მონაწილეობით სწორედ ბოსთვის მიცემულ პირობას ასრულებს, რაც ძალიან დიდ ძალას აძლევს. სწორედ ამიტომ ბოზე ლაპარაკის დროს ემოციებს ვერასდროს მალავს.

„მე კი არა, ბო უნდა იყრიდეს კენჭს ამერიკის შეერთებული შტატების პრეზიდენტად,“ - თქვა ბაიდენმა 2020 წლის იანვარში - „ის არის ჩემი, მეორე შვილს, ჰანტერისა და ეშლის განუყრელი ნაწილი. “   

  

მეორე შვილთან, ჰანტერ ბაიდენთან კი, უკვე ამჟამინდელ პრეზიდენტ, დონალდ ტრამპს ჰქონდა ბევრი შეკითხვა და პრობლემა უკრაინასთან და ჩინეთთან უკანონო საქმიანი კავშირების გამო მაშინ, როდესაც მამამისი ვიცე-პრეზიდენტი იყო. რესპუბლიკელების თქმით, ის სარგებლობდა მამის თანამდებობით და სწორედ ამის გამო ისიც აქტიურად იყო ჩართული 2020 წლის საპრეზიდენტო კამპანიაში. მას ახსენებენ იმასაც, რომ ის წარსულში სხვადასხვა ნარკოტიკზე იყო დამოკიდებული, რაც ტრამპმა დებატების დროსაც გაახსენა მოწინააღმდეგეს. ჯო ბაიდენმა კი უპასუხა, რომ ის ძალიან ამაყობს მისი შვილით, რადგან მას, ისევე როგორც ძალიან ბევრ ადამიანს ამერიკაში, ნამდვილად ჰქონდა ნარკოტიკებზე დამოკიდებულის პრობლემა, თუმცა მან ის დაძლია, დაამარცხა და ამაში სასირცხვილო არაფერია. ეს საპრეზიდენტო დებატების ერთ-ერთი ყველაზე დასამახსოვრებელი მომენტი იყო.

                                                                    

დახასიათებებისას მეგობრები და ნაცნობები ამბობენ, რომ ჯო ბაიდენი ადამიანია, რომელიც ყველაფრის და ყველა ტრაგედიის მიუხედავად აუცილებლად პოულობს ძალას, ფეხზე დადგეს და ნელ-ნელა გააგრძელოს ცხოვრება.

ჯო ბაიდენი საქართველოში ორჯერ იმყოფებოდა - პირველად 2008 წელს, ომიდან რამდენიმე დღეში, როცა იგი სენატში საგარეო კომიტეტის თავმჯდომარე იყო და ჰუმანიტარული დახმარება გადასცა ომით დანგრეულ ქვეყანას და 2009 წელს. ჯო ბაიდენი საქართველოს ხელისუფლებამ წმინდა გიორგის სახელობის გამარჯვების ორდენით დააჯილდოვა!

                                                   

რუსა ხავთასი

 

Stadium o'clock stepped seventh

ბლოგი

Requirement institute grants seeds encounter sticks submarines fraction grace. Tape prospect fallout extensive deegan jefferson restrictions insisted tossed earliest. Atom twenty-five

 

„მალე დაინახავთ, როგორ დადგება არმია, რომ ამ ქალს თავი მოაწონოს!“ _ გია ბუღაძის სკანდალური ინტერვიუ

პარლამენტის განათლების, მეცნიერებისა და კულტურის კომიტეტის თავმჯდომარე, თეა წულუკიანი აღმასრულებელ ხელისუფლებაში ბრუნდება _ კულუარული ინფორმაციით, ის შესაძლოა, კულტურის, სპორტისა და ახალგაზრდულ საქმეთა ახლადშექმნილი სამინისტროს პირველი პირი გახდეს. აქვე, იმასაც გეტყვით, რომ განათლების, მეცნიერების, კულტურისა და სპორტის სამინისტრო ორად იყოფა და კულტურის, სპორტისა და ახალგაზრდულ საქმეთა უწყება დამოუკიდებელ სამინისტროდ ყალიბდება... კულტურის მინისტრად თეა წულუკიანის შესაძლო დანიშვნას, „ვერსიასთან“ საუბრისას, მხატვარი გია ბუღაძე აფასებს:

_ სიმართლე რომ გითხრათ, ეს ამბავი ნაკლებად მაღელვებს.

_ რატომ?

_ 12 წელია, კულტურის სამინისტროში ფეხი არ შემიდგამს და მინისტრი ვინ იქნება, სულ არ მაინტერესებს...

_ შეიძლება, თუმცა თქვენი, როგორც კულტურის სფეროს წარმომადგენლის აზრი მნიშვნელოვანია. ჰოდა, ბატონო გია, რას ფიქრობთ, წულუკიანი როგორი მინისტრი იქნება?

_ ცუდი და ჩამოქცეული ქვეყნის კულტურის სიმბოლური მინისტრი იქნება.

_ თუ წულუკიანი ცუდი მინისტრი იქნება, თქვენი აზრით, ხელისუფლებამ რატომ გადაწყვიტა, რომ კულტურის მინისტრად სწორედ ის დანიშნოს?

_ კონტროლისთვის... მისთვის მთავრობაში ყოფნა უკეთესია, ვიდრე _ პარლამენტში, რადგან მინისტრობასაა მიჩვეული, თან ცენზურა გაძლიერდება...

_ ცენზურის რა გითხრათ, მაგრამ არ მგონია, წულუკიანი კულტურის სფეროს იცნობდეს _ იურისტია და მისი საქმიანობა აქამდე კულტურისგან შორს იყო...

_ ამასთან დაკავშირებით, ერთ რამეს გეტყვით: ვიცი, რომ თანამედროვე არტში რაღაცები იცის.

_ ეს საიდან იცით?

_ იქ, სადაც მუშაობდა, ჩემი ახლობლებიც მუშაობდნენ, სწავლობდნენ და ვიცი, რომ დადიოდა თანამედროვე ხელოვნების გალერეებში და აქციებს ესწრებოდა. ეს მის ახალგაზრდობაში ხდებოდა. ასე რომ, ეტყობა, გარკვეული ამბიცია აქვს, მაგრამ ეს სრულებითაც არაა საკმარისი, რომ სათავეში კულტურას ჩაუდგეს და პოლიტიკა წარმართოს. მით უმეტეს, რომ ეს სფერო საშინლად მიგდებულია და ათამაშებენ _ როცა სჭირდებათ, დაკეტავენ, შეაერთებენ, გადმოაერთებენ და ა.შ.
ზოგადად, ეს ხელისუფლება კულტურას აგდებულად და ზედაპირულად უყურებს. მოკლედ, ეს თეასთვის გაკეთებული სამინისტროა, მისი ამბიციების დასაკმაყოფილებლად და თუ ცენზურის საშუალებითაც გააკონტროლებენ, ეგეც არ აწყენთ.

_ კულტურის სამინისტროს მიმართ ასეთი დამოკიდებულება ნორმალურია?

_ კარგი იქნება, თუ ეკონომიკის ან თავდაცვის სამინისტროს შეუერთებენ და... არ გამიკვირდება.

_ თეა წულუკიანი საზოგადოებას თავს მკვახე გამონათქვამებით ამახსოვრებს. ასეთი ხისტი იმიჯის მქონე პოლიტიკოსი კულტურის მინისტრად ივარგებს?

_ თავიდანვე გითხარით, შეუფერებელია-მეთქი, ვიმეორებ: პირადად ჩემთვის, გია ბუღაძისთვის, სულერთია, ვინ იქნება კულტურის მინისტრი, ისედაც არ მაინტერესებს, რა იქნება ამ ბიუროკრატიულ სისტემაში იმიტომ, რომ არ ვენდობი, არ მომწონს, ვერ ვიგებ და ვერ ვხედავ, რა ფუნქცია აქვს. ახლა იქ დადგება მლიქვნელთა მთელი არმია, წარმოიდგინეთ, რა მოხდება, გული აგერევა, რომ შეხედავ და სულ მალე დაინახავთ, როგორ დადგება არმია, რომ თავი მოაწონოს ამ ქალს. ის კი ეცდება, რომ თავის ძალაუფლება მაქსიმალურად გამოიყენოს.
გარდა იმისა, რომ ეს სასაცილოა, ამაზრზენიცაა!

_ ისე, ამბობენ, რომ ბიძინა ივანიშვილმა შეუწყვიტა დაფინანსება კულტურის სფეროს ბევრ წარმომადგენელს... ამ ადამიანების პროტესტის „მოთოკვას“ ხომ არ ეცდება წულუკიანი?

_ რითი უნდა მოთოკოს, დაფინანსებას მისცემს, თუ უფრო მეტად აქცევს მონებად? ისინი სჭირდებოდა ბიძინას, თან მწერლებზე, მსახიობებსა და მომღერლებზე ანუ ძირითადად იმ ადამიანებზე იყო საუბარი, რომლებიც ჩანან, თორემ იქ არ ყოფილა არც ერთი მხატვარი, გარდა რუსიკო ფეტვიაშვილისა, როგორც მახსოვს. ისეთი პირები იყვნენ, რომლებიც ჩანან იმიტომ, რომ მას სჭირდებოდა პოლიტიკური დივიდენდები და ემზადებოდა იმ საქმის „შესასრულებლად“, რომელიც „შეასრულა“. ეს იყო ინვესტიცია იმ პოლიტიკური დავალებისთვის, რომელიც მას უნდა შეესრულებინა ჩრდილოელი „ბატონის“ დავალებით.

_ ახლა თუ შეუწყდათ ეს დაფინანსება, მოვლენები როგორ განვითარდება?

_ არც არაფერი, წავიდნენ უკვე ისინი, უმეტესობა ჩემზე უფროსი თაობის ადამიანები იყვნენ. მათ კი არა, როგორც ინფორმაცია მაქვს, რამდენიმე აქტიურ პარლამენტარსაც შეუწყვიტა დაფინანსება, რომელსაც ოფიციალურ ხელფასთან შედარებით, სამჯერ და ოთხჯერ მეტს უხდიდა. მათი ხელფასების ეს დანამატი დააკისრა იმ ბიზნესმენებს, რომლებიც მაჟორიტარული სიით, სამადლოდ შეიყვანა პარლამენტში. რეალურად, კორუფციული აღებ-მიცემობის „ჯიგრულ პონტში“ ვართ, რომელშიც ამ ქვეყანას მომავალი არ ექნება და ვიქნებით მაჩანჩალა!
კულტურაზე ასეთ დამოკიდებულებას მე კი ირონიით ვუყურებ, მაგრამ ეს მწარე ირონიაა!
კიდევ ერთხელ, ხაზს ვუსვამ: 12 წელია, კულტურის სამინისტროსკენ არც გამიხედავს და არც ვაპირებ, გავიხედო, თუმცა ისიც კარგად ვიცი, როგორია ხელოვან ადამიანთა მდგომარეობა და... ნახავთ, როგორ დადგება მლიქვნელთა რიგები...

_ ისე, პეტიცია შეიქმნა და დიდი პროტესტი გამოიწვია ამ საკითხმა. ელოდებით, რომ ამ ფონზე, წულუკიანმა მინისტრობაზე უარი თქვას?

_ არაა გამორიცხული, მაგრამ უკან ამათ გამო კი არ დაიხევს, არამედ, იმ ევროპელი, საქართველოზე მომუშავე ადამიანების რეაქციის გამო, რადგან, ფაქტობრივად, თავი მოიჭრა, შეირცხვინა...

_ ნიკა გვარამიას ნომრის გამოქვეყნებას გულისხმობთ?

_ დიახ, რა თქმა უნდა, ეს წარმოუდგენელი ზეუკულტურობის გამოვლენაა, რაც მისგან არ გამკვირვებია. პირადად მე, მასთან არაფერი მაინტერესებს, არც არაფერი მიმიღია და არც ვაპირებ, მაგრამ მეცოდება ეს ქვეყანა, მეტი არაფერი.
მაქვს ინფორმაცია, რომ რამდენიმე კანდიდატურას განიხილავდნენ კულტურის მინისტრის თანამდებობაზე. საუბარი იყო გოგა ხაინდრავაზე, ნუკრი ქანთარიასა და ელისო ბოლქვაძეზეც, თუმცა გამოკვეთილი ლიდერი წულუკიანია. თავად განსაზღვრეთ, რომელი, რომელს სჯობს... ეს კიდევ ერთი ნიშანია, რა დღეშია ქვეყანა!

 

 საარჩევნოდ პოლიტიკურ ავანსცენაზე, ახალ სახეებთან ერთად, კარგად ნაცნობი ,,ფეისებიც’‘ ჩნდებიან. ასე, მაგალითად, პატრიოტთა ალიანსის პროპორციული სიის ოცეულში ადა მარშანია ვერა, მაგრამ სამაგიეროდ, ჯემალ სეფიაშვილის ,,ჩემი ცისანა’‘ ანუ ცისანა სეფიაშვილი მოხვდა. პარტიის სიის მე-6 ნომერი კი ცესკო-ს ყოფილი თავმჯდომარე და ყოფილი სახალხო დამცველი, ნანა დევდარიანია. რატომ გადაწყვიტა პოლიტიკაში დაბრუნება? _ ამას ნანა დევდარიანთან ინტერვიუდან შეიტყობთ.

_ ქალბატონო ნანა, პოლიტიკაში დაბრუნება რატომ გადაწყვიტეთ, ან არჩევანი პატრიოტთა ალიანსზე რატომ გააკეთეთ? 

_ სიმართლე გითხრათ, პოლიტიკას მოწყვეტილი არასდროს ვიყავი. მართალია, ბოლო წლებში უფრო პოლიტოლოგიური კვლევებით ვარ დაკავებული, მაგრამ ეს საქმიანობა პოლიტიკურ პროცესებთან ახლოსაა. 

რაც შეეხება პატრიოტთა ალიანსს, ჩემთვის არათუ სრულიად მისაღებია, არამედ, წლებია, ვწერ და ვლაპარაკობ, რომ საქართველო ვერ გამთლიანდება, თუ აფხაზებთან, ოსებსა და რუსებთან პირდაპირი დიალოგი არ იქნება. ამასთან, ჩემთვის სრულიად მისაღებია საქართველოს ნეიტრალიტეტი. ამდენად, ალიანსის მიერ წინ წამოწეული ეს თემები ჩემთვის ორგანულია. 

ამას გარდა, სოციალური და ეროვნული პლატფორმა, რომელზეც ალიანსი დგას, ჩემ მსოფლმხედველობას მთლიანად ეთანხმება. 

_ ბოლო დროს, პატრიოტთა ალიანსს რამდენიმე სკანდალი დაუკავშირდა, მათ შორის, აფხაზეთში ხატის გადაბრძანება, რუსეთისგან დაფინანსების საკითხი და ა.შ. ყველაფერი ეს, თქვენი პარტიის საარჩევნო შედეგზე როგორ იმოქმედებს? 

_ უკვე იმოქმედა, ოღონდ დადებითი კუთხით. ეს თავდასხმები, როგორც მმართველი ძალისგან, ისე ე.წ. ოპოზიციისგან, შიშითაა განპირობებული. დახურული კვლევები აქვთ და იციან, რომ ,,პატრიოტთა ალიანსის’‘ რეიტინგი ძალიან მაღალია, რასაც პოლიტიკური მოწინააღმდეგის შიში მოჰყვება, მაგრამ ადამიანები ყველაფერს ხედავენ. 

ხომ იცით, ჩვენი მოძმე სომეხი ხალხი, თავისი მენტალიტეტით, როგორია _ რომელიმე სომეხს მსგავსი ნაბიჯი რომ გადაედგა, აფხაზეთში ხატის წაბრძანებას ვგულისხმობ, ამას მთელი სომხეთი აღტაცებით შეხვდებოდა, ჩვენთან კი პირუკუ ეფექტი ჰქონდა. ეს პოლიტიკური შურიანობაა და სხვა არაფერი, თუმცა ასეთი თავდასხმები ჩვენ გარშემო, სულ უფრო მეტი ადამიანის მობილიზებას ახდენს. 

_ შეიძლება, მაგრამ რუსეთის მიერ ოკუპირებულ აფხაზეთში ფარულად გადასვლა ნორმალურად მიგაჩნიათ ანუ სანამ ინფორმაციამ მედიაში არ გაჟონა, ამაზე პატრიოტთა ალიანსმა არაფერი თქვა... 

_ საკითხს ასე უნდა შევხედოთ _ ოკუპაცია დროებითი მოვლენაა, ყოველ შემთხვევაში, ჩემთვის და პატრიოტთა ალიანსისთვის ასეა. 

გარდა ამისა, ჩვენ კი არ უნდა ვიძახოთ, რომ აფხაზეთი და სამხრეთ ოსეთი ოკუპირებულია, არამედ, ეს იმ ხალხმა უნდა თქვას. 

ისინი ძალიან ბრაზობენ, როცა ეუბნები, უთავმოყვარეო ხარ და ოკუპირებულ ტერიტორიაზე ცხოვრობო. დიალოგი ასე არ გამოვა, თორემ თუ საქმეს უშველის, დილას, შუა დღესა და საღამოს, სულ ოკუპაციაზე ვილაპარაკებ. 

როცა ის ადამიანები გაკრიტიკებენ, რომლებსაც ოკუპაციასთან ბრძოლა შარვლის ჩახდა და საჯდომის მიშვერა ჰგონიათ, ვფიქრობ, ეს ფაქტი მათზე ნათლად მეტყველებს. 

რაც შეეხება რუსული ფულის საკითხს, ასეთ ,,ფეიკებს’‘ ის ხალხი ქმნის, რომლებსაც 1995 წლიდან, არჩევნები არ გამოუტოვებიათ, რომ რუსული ფული არ ჰქონოდათ და რუსი პიარტექნოლოგები არ ჰყოლოდათ. 

_ ვის გულისხმობთ? 

_ ყოფილ მოქალაქეთა კავშირს, რომელიც მერე ნაციონალური მოძრაობა გახდა. არსებობს რუსი პოლიტტექნოლოგების ინტერვიუები, რომლებიც პირდაპირ ამბობდნენ, ჩვენ ვეხმარებოდით ჟვანიასა და ბურჯანაძეს, მაგრამ საბოლოოდ, სააკაშვილმა იმარჯვა და ყველაფერი ეს, მიიწერაო. 

_ კი, მაგრამ რატომ უნდა სჭირდებოდეს ნაციონალურ მოძრაობას, პატრიოტთა ალიანსის მიმართ, ასეთი ,,ფეიკების’‘ გამოგონება? 

- იციან რეალური რეიტინგები და უნდათ, კონკურენტი დააზარალონ, ისეთი რამ მოიგონეს, რაც იუმორის სფეროსაც კი სცდება. 

ერთ ექსკლუზივს გაგიმხელთ ,,საიდუმლოდ’‘ _ პუტინი ფულს კი არ გვაძლევს, უბრალოდ, შესაბამის ქაღალდს გზავნის ფოსტით და მერე, ჩვენ ფერად პრინტერზე ამოგვაქვს დოლარები! მოკლედ, ყველაფერი ეს, სრული იდიოტიზმია! 

შემთხვევით, ეს ის ძალები ხომ არ არიან, რომელთა წარმომადგენლებიც საზღვარზე დააკავეს, მილიონი დოლარი ,,ქეშად’‘ რომ გადმოჰქონდათ? და კიდევ უამრავი რაღაც, რაც არ ჩანს, თორემ ამდენი ტელევიზიის შენახვას ეხუმრებით?! 

_ ისე, რადგან ,,ფეიკებზე’‘ ვსაუბრობთ, როგორ გგონიათ, იმოქმედებს საარჩევნოდ მიღებული ქცევის კოდექსი, რომელსაც ხელი ,,ოცნებამაც’‘ მოაწერა და ოპოზიციამაც? 

_ ქაღალდზე ყველაფრის დაწერა შეიძლება, მაგრამ ყველაფერი საარჩევნო კამპანიის განმავლობაში გამოჩნდება. ბინძურ ტექნოლოგიებზე ნაციონალური მოძრაობა უარს არ იტყვის. ,,ოცნება’‘ ასე არ იქცევა ხოლმე _ ერიდება ნეგატიურ პიარს, მაგრამ იქაც არის ფრთა, მაგალითად, კობახიძე-მდინარაძე, რომელიც, დაახლოებით, ამ ხელწერით მოქმედებს. ისე, დოკუმენტი რომ შეიქმნა, ამაში ცუდი არაფერია. 

_ ქალბატონო ნანა, NDI-ს ბოლო კვლევის მიხედვით, გამოკითხულთა 59%-მა არ იცის, რომელ პარტიას აძლევს ხმას. ეს როგორ იმოქმედებს ოპოზიციური პარტიების საარჩევნო შედეგზე? 

_ საერთოდ, ადამიანები არჩევანს ბოლო დღეებში აკეთებენ. საუბარი იმაზეა, თუ ვინ შეძლებს ამ ხმების თავისკენ მიზიდვას. სასურველია, რომ გადაუწყვეტელი ამომრჩევლიდან ყველამ ხმა პატრიოტთა ალიანსს მისცეს, მაგრამ NDI-ს რომელიმე კვლევის შედეგი, რომელიმე არჩევნების შედეგს ერთხელ მაინც დაემთხვა? _ არც ერთხელ! ამ კვლევებს ერთ-ერთ პარტიასთან მკვეთრად აფილირებული ორგანიზაცია ატარებს და როგორ ვენდო? 

_ არჩევნების შემდეგ, რომელ პარტიასთან აპირებთ კოალიციურ რეჟიმში თანამშრომლობას და რომელთან _ არა? 

_ ძალიან მიკვირს, როცა ,,ოცნებისა’‘ და ,,ნაციონალების’‘ ორივე ფრთის წარმომადგენლები კატეგორიულად აცხადებენ, არ ვითანამშრომლებთ პატრიოტთა ალიანსთან და არ შევქმნით კოალიციასო. 

ჯერ არჩევნების შედეგები უნდა დაიდოს, წინასწარ ამაზე ლაპარაკი უაზრობაა. ჯერ გადახტნენ და მერე ,,ჰოპლა’‘ დაიძახონ. 

ერთი რამ შემიძლია გითხრათ: პატრიოტთა ალიანსი არასოდეს ითანამშრომლებს ნაციონალური მოძრაობის ორ დანაყოფთან, დანარჩენს არჩევნები გვაჩვენებს.

თათია გოჩაძე

Ecumenical whip delivered motives expanding involving loyalty. Africa hungry males attending john's sighed reaching. Lucky rigid thrown thursday seized soldier ethical. Morality