ყველაზე ეკოლოგიური ქალაქები გამოავლინეს

უახლესი The Global Destination Sustainability Index-ის მიხედვით, გამოვლინდა მსოფლიოს ქალაქები, რომლებიც უკვე დღეს ისწრაფვიან მდგრადი მომავლისკენ, როცა ატმოსფეროში ნაკლები დაბალი ნახშირბადი გამოიფრქვევა. რეიტინგის შედგენისას გაითვალისწინეს ისეთი მაჩვენებლები, როგორებიცაა ნარჩენების გადამუშავების, ჰაერის დაბინძურების დონე, ველობილიკების რაოდენობა, საზოგადოებრივი ტრანსპორტის ეკოლოგიურობა და სასტუმროებში ნომრების პროცენტიც კი, რომელთაც „ეკოლოგიურად სუფთა“-ს სერტიფიკატები აქვთ.

სიას სათავეში შვედეთის ქალაქი გიოტებორგი უდგას, რომელიც 2016-2021 წლებში უკვე აღიარებული იყო ყველაზე ეკოლოგიურ ქალაქად. იქ საუკეთესო პირობებია ელექტროტრანსპორტის მფლობელებისთვის, პრაქტიკულად, მთელი საზოგადოებრივი ტრანსპორტი კი განახლებადი ენერგიის წყაროებზე მუშაობს. ასევე, ქალაქში აქტიურად ებრძვიან ერთჯერადი ჭურჭლისა და პლასტიკის გამოყენებას. მეორე ადგილზე ნორვეგიის დედაქალაქი ოსლოა, დანიური კოპენჰაგენი სტაბილურად ინარჩუნებს მესამე ადგილს, ფინეთის დედაქალაქმა - ჰელსინკი კი მე-12 საფეხურიდან მე-4-ზე გადაინაცვლა. საკუკეთესო ეკოლოგიური ქალაქების სიის ათეულში მოხვდნენ ნორვეგიული ბერგენი, დანიური ორჰუსი, ბრიტანული გლაზგო, ფრანგული ბორდო და შვედეთის დედაქალაქი სტოკჰოლმი. როგორც ხედავთ, ყველაზე მეტად ეკოლოგიაზე სკანდინავიური და ჩრდილოეთ ევროპის ქვეყნები ზრუნავენ.