საფრანგეთის პარლამენტმა მთავრობის მიმართ უნდობლობის ვოტუმს მხარი არ დაუჭირა

საფრანგეთის მთავრობამ უნდობლობის ორივე ვოტუმი გადაიტანა და შეაბამისად, გზა გაეხსნა საპენსიო რეფორმას.

20 მარტს უნდობლობის გამოცხადების მცდელობების მიზეზი სადავო საპენსიო რეფორმის კენჭისყრის გარეშე გატანა გახდა. პრემიერ-მინისტრმა, ელიზაბეტ ბორნმა გამოიყენა საკონსტიტუციო მუხლი, რომელიც იძლევა კანონპროექტის გატანის შესაძლებლობას კენჭისყრის გარეშე.

მას მერე, საფრანგეთის ქუჩებში ათეულ ათასობით ადამიანი აგრძელებს პროტესტს და პარალელურად გაფიცვები იმართება საპენსიო კანონის შეცვლის გამო.

უნდობლობის ორივე ვოტუმი ჩაიშალა, შესაბამისად, კანონი ძალაში შევა, რაც საპენსიო ასაკის 62-დან 64 წლამდე გაზრდას გულისხმობს.

უნდობლობის ვოტუმის განცხადება პარლამენტში შეიტანეს ცენტრისტმა დეპუტატებმა და ულტრამემარჯვენე ნაციონალურმა მოძრაობამ.

მთავრობისთვის უნდობლობის გამოცხადების შემთხვევაში, მაკრონს ან ახალი მთავრობა უნდა დაენიშნა, ან დაეშალა პარლამენტი და დაენიშნა ახალი არჩევნები. ემანუელ მაკრონი თვლის, რომ საფრანგეთის მოსახლეობის დაბერება ახლა მოქმედ საპენსიო სისტემას მიუწვდომელს ხდის.

ამ მოაზრებას არ იზიარებს დეპუტატების ნაწილი. მაკრონის მომხრეები უმცირესობაში არიან ეროვნული კრების ქვედა პალატაში, მაგრამ უნდობლობის ვოტუმის მისაღწევად აუცილებელი იყო მთელი ოპოზიციის გაერთიანება.