ტანსაცმელს ავოკადოთი ღებავენ

რესტორნების საერთაშორისო ქსელმა Chipotle, რომელიც მექსიკურ სამზარეულოზეა სპეციალიზებული, ეკოლოგიურად სუფთა ტანსაცმლის კოლექცია გამოუშვა. აღსანიშნავია, რომ ეს ტანსაცმელი ავოკადოს კურკებითაა შეღებილი. კომპანიის პრეს-რელიზის მიხედვით, მათ დაწესებულებებში, ყოველწლიურად, 300 მილიონი ავოკადოს კურკა რჩება და მისი გადამუშავება აგადაწყვიტეს. პროდუქციის ახალი ხაზი Chipotle Goods მოიცავს მაისურებს, ჰუდებსა და ჩანთებს, რომლებიც ატმისფრადაა შეღებილი. ერთი ნივთის შესაღებად, დაახლოებით, ხუთი ცალი ავოკადოს კურკაა საჭირო. ახალ ხაზში სხვა პროდუქციაც შედის, რაც ნატურალური საღებავის გარეშეა შეღებილი. ერთი ასეთი უნიკალური ნივთის ღირებულება 20-დან 45 დოლარამდეა.