116 ახალი სტატია

რჩეული სტატიები

Grid List

პენსილვანიელი სწავლულების ახალი გამოკვლევის თანახმად, ზედმეტი კვება ანუ დროის მოკლე ხანში, დიდი რაოდენობით საკვების მიღება ადამიანს ფსიქოტროპული, ნარკოტიკული და ალკოჰოლური დამოკიდებულებისგან იხსნის. ამ აღმოჩენით, შესაძლოა, ადამიანი ნებისმიერი მავნე ჩვევისგან განიკურნოს. ალკოჰოლიზმი ერთ-ერთი ყველაზე უფრო გავრცელებული დამოკიდებულებაა, როგორც მამაკაცებში, ასევე, სუსტი სქესის წარმომადგენლებშიც. ზედმეტი ჭამა და ნარკოტიკების მიღება _ ორივე კონტროლის დაკარგვით ხასიათდება. ესე იგი, თუ ერთ მავნე ჩვევას დავამარცხებთ, მეორის განკურნებასაც შევძლებთ.
მკვლევარებმა ცდები მღრღნელებზე ჩაატარეს. თაგვები, რომელთაც ნარკოტიკს უკეთებდნენ, სხვადასხვა დიეტაზე დასვეს. პირველ ჯგუფს ნორმალურად კვებავდნენ, მეორეს მუდმივად შეეძლო ცხიმიანი საკვების მიღება, მესამე ჯგუფს კი ამის საშუალება კვირაში ერთხელ ჰქონდა. მეოთხე ჯგუფის წევრებს კი ამ მავნე საკვებს კვირაში სამჯერ აძლევდნენ. აღმოჩნდა, რომ ნარკოტიკებისადმი მისწრაფება მეოთხე ჯგუფის მღრღნელებში შემცირდა. ამან სწავლულებს ასეთი დასკვნის გაკეთების საშუალება მისცა: „რაციონალური“ ზედმეტი კვება, შესაძლოა, ალკოჰოლური და ნარკოტიკული დამოკიდებულებისთვის წამლად იქცეს. უკონტროლო ჭამა კი, პირიქით, დამოკიდებულებას უფრო აძლიერებს.

შვედეთში, ალცჰაიმერის დაავადების საწინააღმდეგო პრეპარატი შექმნეს. უპსალას უნივერსიტეტის სწავლულებმა ახალი საშუალება შეიმუშავეს, რომლის ზემოქმედებაც პრინციპულად განსხვავდება დღეს უკვე არსებული პრეპარატებისგან. სიახლის ავტორები ვარაუდობენ, რომ მათ მოახერხეს და მსოფლიოში პირველი პრეპარატი შექმნეს, რომელიც დაავადების განვითარებას აჩერებს. აქამდე არსებული პრეპარატები კი ამ დაავდების სიმპტომატიკას ამსუბუქებდნენ.
წამალს 800 პაციენტზე გამოცდიან, რომლებსაც ევროპული ქვეყნებიდან, აშშ-სა და კანადიდან შეარჩევენ. სწავლულები იმედოვნებენ, რომ ორი-სამი წლის შემდეგ, უკვე ექნებათ პასუხი კითხვაზე, ნამდვილად შეუძლია თუ არა მათ პრეპარატს ალცჰაიმერის განვითარების შეჩერება. თუ შედეგები დადებითი აღმოჩნდება, წამალი ბაზარზე 5-6 წელიწადში გამოჩნდება.

მაგნიუმი რაციონში კიბოსგან დაგიცავთ magnii აშშ-ს ინდიანას უნივერსიტეტის მკვლევარების მტკიცებით, რაციონში მაგნიუმის არსებობა სასარგებლოა იმ მიზნით, რომ ის ადამიანს აძლევს შესაძლებლობას, თავიდან აიცილოს კუჭქვეშა ჯირკვლის კიბო. შეერთებულ შტატებში, სიმსივნის ეს სახეობა რიგით მეოთხეა სიკვდილიანობის მიზეზებში, როგორც ქალებში, ასევე, მამაკაცებში. როგორც მკვლევარები აღნიშნავენ, კუჭქვეშა ჯირკვლის კიბო ერთ-ერთი უნიკალურია ონკოლოგიურ დაავადებებს შორის, რადგან ის საკმაოდ სერიოზულად განსხვავდება სიმსივნის სხვა სახეებისგან. გამოკვლევებით დადგინდა, რომ მაგნიუმი ირიბად უკავშირდება დიაბეტის განვითარების რისკს, რომელიც, თავის მხრივ, პანკრეასის კიბოს განვითარების რისკ-ფაქტორს წარმოადგენს. სწავლულებმა 50-დან 76 წლამდე ასაკის, 66 000 ადამიანის მონაცემები გააანალიზეს, შეისწავლეს პირდაპირი კავშირი მაგნიუმსა და პანკრეასის კიბოს შორის, გითვალისწინეს ასაკი, სქესი, წონა და სხვა ფაქტორები. შედეგად დაადგინეს, რომ რაციონში, მაგნიუმის წილის 100 გრამით ყოველდღიური შემცირება 24%-ით ზრდიდა სიმსივნის განვითარების რისკს. ამასთან, ისიც გამოვლინდა, რომ მაგნიუმის ასეთი ეფექტი არ უკავშირდება არც ასაკის გავლენას, არც სქესს და სხვა ფაქტორებს.

15 თებერვლიდან მთელ საქართველოში სწავლა სკოლებში გაგრძელდება. პანდემიის ფონზე განათლების და მეცნიერების სამინისტრომ, ჯანდაცვის უწყებასთან ერთად, რეკომენდაციები და წესები შეიმუშავა, რომელთა დაცვითაც უნდა განახლდეს სწავლა სკოლებში. რეკომენდაციები, რასაკვირველია, პანდემიიდან გამომდინარეობს და გულისხმობს სოციალური დისტანციის დაცვას, მე-5 კლასიდან ზემოთ მოსწავლეთათვის პირბადის ტარების ვალდებულებას, ჰიგიენური წესების მკაცრად დაცვას და ა.შ. რადგანაც ჰიგიენის დაცვა კორონაპანდემიის დროს პრევენციის ერთ-ერთი უმნიშვნელოვანესი ფაქტორია, „ვერსია“ დაინტერესდა, როგორ და ვინ აკონტროლებს სკოლებში ჰიგიენის ნორმების დაცვას, საპირფარეშოებში წესრიგსა და სისუფთავეს. ამ საკითხზე კითხვებით განათლების სამინისტროს მივმართეთ:

არსებობს თუ არა რაიმე უწყება, რომელიც სკოლებში საპირფარეშოების სანიტარულ მდგომარეობას ამოწმებს?

- სკოლებში ადგილობრივი რესურსცენტრები სისტემატურად ატარებენ მონიტორინგს სანიტარულ-ჰიგიენური ნორმების დაცვის მიმართულებით.

- თუ ასეა, რა პერიოდულობით ხდება შემოწმება და როგორია სტატისტიკა - რამდენ სკოლაშია მოწესრიგებული სველი წერტილები და რამდენშია პრობლემა ამ თვალსაზრისით?

- მონიტორინგი სისტემატურად ხორციელდება თითოეულ სკოლაში, რაც შემთხვევითი შერჩევის პრინციპით ხდება. აღნიშნულის შესახებ სკოლა წინასწარ არ არის ინფორმირებული.

- რამდენად მომზადებულია სკოლები პანდემიის ფონზე სწავლის სკოლებში გაგრძელებისთვის, არის თუ არა აღჭურვილი სკოლები საჭირო ინვენტარითა და სადეზინფექციო საშუალებებით, რათა მოსწავლეთა და მასწავლებელთა ჯანმრთელობა იყოს დაცული?

- სამინისტრომ, ქვეყნის მასშტაბით, სკოლები სრულად უზრუნველყო ვირუსის პრევენციისთვის ყველა საჭირო რესურსითა და ინვენტარით: პირბადეებით, დეზობარიერებით, სადეზინფექციო ხსნარებით, თერმოსკრინინგის აპარატებით,სპეციალური დისპენსერებით და ა.შ.ზოგადსაგანმანათლებლო დაწესებულებებში მოწესრიგებულია ინფრასტრუქტურა, ასევე, მოწყობილია საიზოლაციო ოთახები, ექიმის კაბინეტები და დაცულია მერხებს შორის 1-მეტრიანი დისტანცია.

ამასთან, სკოლებს მიეცა შესაბამისი რეკომენდაციები და თავად შეუძლიათ განსაზღვრონ: გაკვეთილის ხანგრძლივობა; საგაკვეთილო პროცესის დაწყების დრო საფეხურების/კლასების მიხედვით; მოქნილად დაგეგმოს ცვლები; მოსწავლეების უსაფრთხოებისა და სკოლის ინფრასტრუქტურის გათვალისწინებით დაგეგმოს შერეული სწავლების საკუთარი მოდელი; შერეული მოდელის დაგეგმვისას I-IV კლასის მოსწავლეებისთვის სავალდებულოდ განსაზღვროს ფიზიკურად სასკოლო სივრცეში გაკვეთილების ჩატარება; სასწავლო პროცესის დაგეგმვისას, სკოლის ინფრასტრუქტურიდან გამომდინარე და სკოლების განტვირთვის მიზნით, სასწავლო დღედ გამოიყენოს შაბათი დღე.

გარდა ამისა, ყველა სკოლაში, სადაც სასწავლო პროცესი საკლასო ოთახში წარიმართება, მოხდება მასწავლებელთა და სკოლის ადმინისტრაციული პერსონალის მინიმუმ 20%-ის სავალდებულო სისტემატური ტესტირება 2 კვირაში ერთხელ ჯანდაცვის სამინისტროსთან ერთად შემუშავებული პროტოკოლის საფუძველზე.

სავალდებულო ტესტირების უზრუნველყოფის მიზნით, უნდა მოხდეს სკოლაში დასაქმებული ყველა პირის რეგისტრაცია ბმულზე:

https://labour.moh.gov.ge/, რასაც სკოლები თავად უწევენ ორგანიზებას. აღნიშნული პროცესი სკოლებში უკვე დაწყებულია.

 

მალე ერთი წელი შესრულდება, რაც ქვეყანა, პრაქტიკულად, ჩაკეტილია. შესაბამისად, უამრავი ისეთი დარგი განადგურდა, რომელიც ქვეყნის არსებობისთვის მნიშვნელოვანია. აი, მაგალითად, არავინ ფიქრობს, თუ რამდენად ხარისხიან განათლებას აძლევს დღევანდელი დისტანციური სწავლება მომავალ თაობას ან საერთოდ, აძლევს თუ არა?
დღევანდელი მოსწავლეები ორ ნაწილად იყოფია- ისინი, რომლებიც დისტანციურად იღებენ განათლებას და ამისთვის შესაბამისი პირობები აქვთ და ისინი, რომლებსაც არც ინტერნეტი აქვთ და არც - შესაბამისი ტექნიკა.
13 წლის ლუკა ავჭალის N16 სკოლაში სწავლობს, მაგრამ თვეებია, გაკვეთილებს არ დასწრებია, მიზეზი უსახსრობაა. მართალია, სკოლამ მისი ოჯახის მდგომარეობა კარგად იცის, იმისთვის, რომ ბავშვი პროგრამას არ ჩამორჩეს, არაფერს აკეთებს. როგორც ლუკა ამბობს, კვირაში ერთხელ ურეკავს მათემატიკის მასწავლებელი და იმას, რასაც დისტანციურად ასწავლის ბავშვებს, ტელეფონით აწერინებს, თუმცა ეს ლუკასთვის საკმარისი არაა, რადგან პროგრამა ძალიან დიდია და მხოლოდ კვირაში ერთხელ, ისიც სატელეფონო გაკვეთილით ვერაფერს გახდება.
„როცა ასეთი მდგომარეობა დაიწყო, დედამ უთხრა სკოლის მასწავლებელს, არ გვაქვს ინტერნეტი და კომპიუტერიო. იმათმა გვითხრეს, რამეს მოგიხერხებთო, მაგრამ მარტო ერთი მასწავლებელი მირეკავს კვირაში ერთხელ და ტელეფონოთ მამეცადინებს, სხვა არავინ,“ - ამბობს ლუკა.
როგორც ლუკას დედა ამბობს, უნდა, რომ ბავშვებმა განათლება მიიღონ, მაგრამ ამის საშუალება არ აქვს და არც სახელწმიფო უწყობს ხელს. ბევრჯერ მიმართა სხვადასხვა დაწესებულებას დასახმარებლად, მაგრამ ამაოდ:
„ბევრჯერ ვცადე, ბავშვებისთვის შემექმნა გარკვეული პირობები და სხვადასხვა ადგილას ამას ვითხოვდი, მაგრამ მეუბნებიან, მოვაგვარებთო, დაპირების მიუხედავად, ჯერ არაფერი შეცვლილა. ალბათ, ფიქრობენ, რომ ჩვენნაირ ადამიანებს არაფერი სჭირდებათ.“
ლუკასთან მისი ობოლი დეიდაშვილიც ცხოვრობს, ის მე-5 კლასის მოსწავლეა და იგივე პრობლემის წინაშე დგას, მაგრამ მხოლოდ აიმედებენ, რომ ახლო მომავალში რამეს მოუხერხებენ. ამ დაპირებებში კი თითქმის ერთი წელი გავიდა.
ყველაფერი იწყება ამ წერტილიდან - განათლებიდან... თუ არ იქნება განათლების ხელშეწყობა, არ იქნება ჯანსაღი მომავალი თაობა, ახლა კი ვუყურებთ ბავშვებს, რომლებიც თვეებია, შინ გამოკეტილები არიან და მათ ნათელ მომავალზე არავი არავინ ზრუნავს!

ნუკი გაგულიძე

 

განათლების მინისტრმა მიხეილ ჩხენკელმა ჟურნალისტებთან სამხრეთ კავკასიაში მსოფლიო ბანკის რეგიონულ დირექტორთან, სებასტიან მოლინეუსთან სამუშაო შეხვედრაზე ისაუბრა და აღნიშნა, რომ მისი საჯარო განხილვა უახლოეს მომავალში დაიწყება. 

მისი თქმით, მუშავდება უმაღლესი განათლების დაფინანსების ახალი მოდელი, რომელიც  გულისხმობს სახელმწიფო უმაღლესი საგანმანათლებლო დაწესებულებების საბაზო დაფინანსების მოცულობის განსაზღვრას „თვლად კრიტერიუმებზე“ დაფუძნებული ფორმულით.  რეგიონული უნივერსიტეტების ხელშეწყობისთვის გათვალისწინებული იქნება მიზნობრივი სპეციალიზაციის ინდიკატორი, რაც ითვალისწინებს რეგიონში გამოკვეთილი პრიორიტეტული დარგების დაფინანსებას, ხოლო  სპეციალური მიდგომები იქნება გათვალისწინებული სახელოვნებო უმაღლესი საგანმანათლებლო დაწესებულებების დაფინანსებისას.

სამინისტროში გამართულ შეხვედრას ესწრებოდნენ მინისტრის პირველი მოადგილე ეკატერინე დგებუაძე და მსოფლიო ბანკის საქართველოს წარმომადგენლობის განათლების წამყვანი სპეციალისტი ნინო ქუთათელაძე.

ეს მოღალატეობრივი პოზიციაა“, - რამდენი დაჯგუფება არსებობს აფხაზურ ეკლესიაში და რატომ დუმს საქართველოს საპატრიარქო

რუანში მერიას სურს ნაპოლეონის ნაცვლად ჟიზელ ჰალიმის ქანდაკება დააყენოს

სკივრი მე -19 საუკუნიდან იყო დამალული 
მასში იპოვეს დოკუმენტების შეკვრა და ლატუნის მილი, რომელიც მალავს ჯერ კიდევ დაუდგენელ საგანს.
რუანში მდებარე ჰოტელ-დე-ვილის მოედანზე ნაპოლეონის ძეგლი საიდუმლოს ინახავდა. 2020 წლის 2 ივლისს, როდესაც ქალაქის სამსახურებმა ბრინჯაოს ქანდაკება მოხსნეს,პოსტამენტში აღმოაჩინეს მე -19 საუკუნით დათარიღებული ზარდახშა. ელიზაბეტ ლაბაი, - მუნიციპალური მრჩეველი, რომელიც პასუხისმგებელია ტურიზმის, მემკვიდრეობის სფეროზე. - "ეს მოულოდნელი იყო, მაგრამ, როგორც ჩანს, დამფუძნებლები ამას ხშირად აკეთებენ, ტოვებენ ხელმოწერას ან სხვა ელემენტებს".
მიუხედავად იმისა, რომ ზარდახშა ივლისში აღმოაჩინეს, ამ საიდუმლოს ფარდა ნელა ეხდება. მისი შინაარსის გამოვლენას ახალი მუნიციპალური გუნდი ახლახანს შეუდგა. ობიექტი დეკემბრამდე დახურული იყო. მისი გახსნის, შემდეგ სპეციალისტებმა აღმოაჩინეს დოკუმენტების შეკვრა. ელიზაბეტ ლაბაი ამბობს, რომ ”დოკუმენტებში არის სახელები და გვჯერა, რომ ესენი არიან ის დონორები, ვინც ნაპოლეონის ქანდაკების დადგმას შეუწყო ხელი”.

იდუმალი სპილენძის მილი
ტენიანობისგან დაზიანებული დოკუმენტები გადატანილ იქნა უწყებრივ არქივში. „საჭირო იყო მათი სპეციალურ ტემპერატურაზე განთავსება, რომ არ გამოშრეს ჰაერში”, - განუმარტა ქალაქის მრჩეველმა France Bleu- ს. რუანის მერიამ, რომელიც კულტურულ საქმეთა რეგიონალურ დირექტორატთან ერთად მუშაობს, სთხოვა ექსპერტებს დახმარება პერგამენტის აღდგენისა და შენახვის საკითხებში.
საიდუმლო საცავში მოთავსებული კიდევ ერთი ობიექტი, დაახლოებით ოცი სანტიმეტრის ლატუნისის მილი. თვითონაც შეიცავს საგანს, რადგან წკარუნის ხმა ისმის, როდესაც მას აქანებენ. „იქნებ მედალია? ”ეკითხება მრჩეველი ექსპერტს. მაგრამ სანამ სპეციალისტები ამ მილს არ გახსნიან შეუძლებელია მისი საიდუმლოს გაგება.

ასევე წაიკითხე: რუანში მერიას სურს ნაპოლეონის ნაცვლად ჟიზელ ჰალიმის ქანდაკება დააყენოს

სანამ ნაპოლეონის ქანდაკება Yvelines- ის სამსხმელო ქარხანაში რესტავრაციას ელოდება. (შეკეთება უნდა გაგრძელდეს რამდენიმე თვის განმავლობაში), ამ პერიოდის გამოყენებას ცდილობს, რუანის მერი ნიკოლას მაიერ-როსინიოლი. იგი აპირებს დრო მოახმაროს „დებატებსა და მოქალაქეებთან კონსულტაციას" ქანდაკების ადგილის მომავალზე. ”მშვენიერი იქნებოდა რომ რუანი ყოფილიყო საფრანგეთის პირველი ქალაქი, სადაც მოეწყობოდა Place de la Mairie- ზე ქანდაკება ან ხელოვნების ნიმუში, რომელიც მიეძღვნებოდა ჟიზელ ჰალიმს, ქალთა უფლებებისათვის მებრძოლ ფიგურას. დებატები ღიაა! ”- დაწერა მან სექტემბერში Twitter- ის საკუთარ ანგარიშზე. ადვოკატი, რომელმაც სიცოცხლე მიუძღვნა ქალთა საქმესა და აბორტის უფლებას, გარდაიცვალა 2020 წლის 28 ივლისს 93 წლის ასაკში. ქალაქის მაცხოვრებლები მოწვეულნი იქნებიან აირჩიონ, ვისი ძეგლი უნდა განთავსდეს სასტუმრო-დე-ვილის მოედანზე. ეს გადაწყდება კონსულტაციის დროს, რომელიც სექტემბერში უნდა დაიწყოს.

არხანგელსკის ოლქში  სტალინის ძეგლი მიწაში იპოვეს. იგი კომპარტიის აქტივისტებმა ამოთხარეს ამოთხარეს  და გადაწყვიტეს, რომ იგი არხანგელსკის ოლქის ახალ პარკში დაემონტაჟებინათ. სავარაუდოდ, ქანდაკება მიწაში იყო 50-იანი წლებიდან. ის მშვენივრად არის შენახული. მართალია, წლების განმავლობაში ბელადმა ცხვირი დაკარგა, მაგრამ ძეგლი უკვე აღდგენილია და 9 მაისამდე აპირებენ მის აღმართვას. „ვითხოვთ სტალინის ძეგლის დადგმას  არხანგელსკის რაიონის ქალაქ კარგოპოლის ახალ პარკში“  - ასეთი წინადადებით, რუსეთის ფედერაციის კომუნისტური პარტიის ადგილობრივი ფილიალის აქტივისტებმა მუნიციპალურ ხელისუფლებას მიმართეს. კარგოპოლსკის რაიონის ადმინისტრაციამ მოაწყო გამოკითხვა სოციალურ ქსელ ვკონტაკტე- ს ხელმომწერებს შორის ძეგლის დამონტაჟებასთან დაკავშირებით. 18 თებერვლის დილის მონაცემებით, 1.7 ათასი ადამიანიდან, ვინც ხმა მისცა, უმრავლესობა (71.4%) წინააღმდეგია ამ ინიციატივის.
მონუმენტი სტალინის ბიუსტია კიტელით, თაიგულით და ბავშვით ხელში. ძეგლი კარგოპოლში 2020 წლის ივნისში ჩაიტანეს,  და უკვე მუშაობენ კვარცხლბეკის დამზადებაზე.

2020 წლის ოქტომბერში რუსეთის კომუნისტური პარტიის კარგოპოლის ადგილობრივმა ფილიალმა ჩაატარა კვლევა სამხედრო დიდების ახალ პარკში ძეგლის დამონტაჟების შესახებ, რომელშიც 195 ადამიანი მონაწილეობდა. მოსახლეობისადმი მიმართვაში კომუნისტები მიუთითებენ, რომ მხოლოდ ხუთმა გამოთქვა უთანხმოება.

კარგოპოლი არის პატარა ქალაქი არხანგელსკის რეგიონში, რომლის მოსახლეობა დაახლოებით 10 ათასი ადამიანია. ქალაქის პირველი მოხსენიება XII საუკუნეს უკავშირდება; კარგოპოლი რუსეთის ჩრდილოეთით ერთ-ერთ უძველეს ქალაქად ითვლება. დღემდე შემორჩენილი შენობების უმეტესობა აშენდა მე –17 - მე –18 საუკუნეებში. კარგოპოლში 11 ეკლესიაა - რუსული თეთრი ქვის არქიტექტურის ძეგლები. 1937 წელს აქ მდებარეობდა Kargopollag -ი გულაგის ერთ – ერთი ბანაკი. კარგოპოლის მუზეუმის მონაცემებით, მასში პატიმართა რიცხვი 30 ათას ადამიანს აღწევდა