მარტოობა მოწევასავით მავნეა

მეგობრების საერთოდ არარსებობა ადამიანის ჯანმრთელობისთვის ისეთივე მავნეა, როგორც თამბაქოს მოწევა, - ასეთ გასაოცარ დასკვნამდე მივიდნენ ჰარვარდის უნივერსიტეტის მკვლევარები. უმეგობრო ადამიანი ზუსტად ისევე რისკავს ამ ცხოვრებიდან ნაადრევად წავიდეს, როგორც დღეში ორი კოლოფი სიგარეტის მწეველები. ამერიკელმა მკვლევარებმა მარტოობასა და სისხლში სპეციფიკურ ცილებს შორის კავშირი აღმოაჩინეს, რაც თრომბების წარმოქმნის გზით, ინფარქტსა და ინსულტს იწვევს. ცნობილია, სოციალური იზოლაცია იწვევს ორგანიზმის სტრესულ რეაქციას, იზრდება ცილა ფიბრინოგენის მაჩვენებელი. სწავლულებმა ერთმანეთს შეადარეს ფიბრინოგენის დონე მეგობრებისა თუ ახლობლების რაოდენობასთან და გასაოცარი კავშირი აღმოაჩინეს. რაც ნაკლები იყო ეს რაოდენობა, მით მეტი აღმოჩნდა ცილის დონე.