საბერძნეთი ტურისტებს უფასოდ ასვენებს?

ცნობილი ბრიტანული გამოცემა The Guardian-ი წერს, რომ საბერძნეთის მთავრობა აპირებს, იმ ტურისტებს, რომელთაც შარშან ზაფხულში, ტყის ხანძრების გამო, დასვენება ჩაეშალათ, წელს უფასოდ უმასპინძლებს. 25 ათასამდე დაზარალებული დამსვენებლისთვის, რომელთა შორის უმრავლესობა ბრიტანელია, კომპენსაციები უკვე გაიცემა. ტურიზმის ადგილობრივი ოფიციალური პირების თქმით, ეს მსოფლიოში პირველი პრეცენდენტია.

გასულ წელს, ზაგხულში, ზუსტად ტურისტული სეზონის პიკის დროს, ტყის მასშტაბურმა ხანძრებმა კუნძული როდოსი და კორფუ მოიცვა. ხელისუფლებამ ისტორიაში ყველაზე დიდი ევაკუაცია გამოაცხადა, რის გამოც ბევრი ტურისტი იძულებული გახდა, შვებულება შეეწყვიტა. პროგრამის ფარგლებში, როდოსის სასტუმროებში გაჩერებული დამსვენებლები, ერთკვირიანი ხარჯის დასაფარად 500 ევრომდე ელექტრონულ ვაუჩერებს მიიღებენ. ამ ინიციატივამ დიდი დაინტერესება გამოიწვია და პროგრამაში უკვე 5 ათასზე მეტი ტურისტი დარეგისტრირდა.