მსოფლიო

თუ ადრე, ჩინეთს და ამერიკის შეერთებულ შტატებს ან ნებისმიერ სხვა განვითარებულ სახელმწიფოს შორის სხვაობა ძალიან დიდი იყო, ხელოვნური ინტელექტის ეპოქაში ჩინეთმა ეს ნაპრალი სრულად ამოავსო და, შეიძლება ითქვას, კონკურენტებს გაუსწრო კიდეც. აი, სწორედ ამ ტენდენციის მაგალითად შეგვიძლია ჩავთვალოთ ცინგუას უნივერსიტეტის მკვლევრების მიერ შექმნილი ვირტუალური საავადმყოფო, სადაც ექიმების როლს ხელოვნური ინტელექტის მოდელები, იგივე AI აგენტები ასრულებენ. აღნიშნული პლატფორმა შეიქმნა არა ფიზიკურ საავადმყოფოსთან კონკურენციის გამო, არამედ სამედიცინო კვლევის დასაჩქარებლად და ექიმების ეფექტიანობის გასაზრდელად.

როგორც პროექტის ავტორები ამბობენ, ხელოვნური ინტელექტის ალგორითმებზე დაფუძნებულ პლატფორმას საავადმყოფოს ოცდაერთი სხვადასხვა დეპარტამენტის მუშაობის სიმულაცია შეუძლია, რაც ნიშნავს, რომ ექიმებს პაციენტის დიაგნოსტირებას, მკურნალობას და აღდგენას უფრო ეფექტიანად და სწრაფად შეძლებენ, რადგან ამისთვის დაეყრდნობიან არამხოლოდ საკუთარ გამოცდილებას, რომლის მიღება რეალურ დროში შეუძლიათ, არამედ იმ გაცილებით დიდი მოცულობის დაკვირვებებს და დასკვნებს, რომელთაც AI აგენტი გამოიტანს. დღეს, AI-აგენტები სხვადასხვა მიმართულებით მუშაობენ, მათ შორისაა კარდიოლოგიური, პედიატრიული და გადაუდებელი მომსახურება.

ცინგუას უნივერსიტეტის მეცნიერების შეფასებით, ვირტუალური საავადმყოფოს მიზანი არის არა ადამიანების რობოტებით ჩანაცვლება, არამედ ექიმებისთვის მეტი თავისუფალი დროის გამოყოფა, რომელსაც ისინი საკუთარი თავის განვითარებისთვის გამოიყენებენ. მკლევრების აზრით, ექიმების სამუშაო დროის დიდი ნაწილი რუტინულ ადმინისტრაციულ პროცესებზე იხარჯება. არადა ამ მექანიკური საქმეების შესრულება ხელოვნურ ინტელექტს ნებისმიერ ადამიანზე უკეთესად შეუძლია, რაც ექიმებს უფრო კომპლექსურ შემთხვევებზე ფოკუსირების საშუალებას მისცემს. როგორც პირველი კვლევები ცხადყოფს, სწორი დიაგნოზის დასმა AI ექიმებს უკეთესად შეუძლია, ვიდრე ადამიანებს.

მაშ, თუკი ეს ტექნოლოგია მუშაობს, რომელი იქნება ის სფერო, სადაც AI ექიმებს თავდაპირველად ვიხილავთ? პირველ რიგში, ამ ტიპის AI პლატფორმები, სავარაუდოდ, ცხელ და მიუწვდომელ წერტილებში დაინერგება, ანუ იქ, სადაც ჯანდაცვის სისტემა გაუმართავია ან ექიმების რაოდენობა არასაკმარისი. ასეთი ადგილების მაგალითად ცინგუას უნივერსიტეტის მკვლევრები საომარ ზონებს და ყველასგან და ყველაფრისგან მოშორებით მყოფ რეგიონებს ასახელებენ, სადაც კვალიფიციური ექიმის პოვნა ფუფუნებაა. ამასთან, ასეთ პლატფორმას ჯანდაცვის სექტორის გადატვირთულობის პრობლემის მოხსნა შეუძლია, რამაც, წესით და რიგით, სამედიცინო სერვისები უნდა გააიაფოს.

აშშ-ის პრეზიდენტმა დონალდ ტრამპმა უკრაინას და რუსეთს 30-დღიანი ცეცხლის შეწყვეტისკენ მოუწოდა. ამის შესახებ მან სოციალურ ქსელ truth social- ში დაწერა. 

რუსეთთან და უკრაინასთან მოლაპარაკებები გრძელდება. აშშ მხარეებს, 30-დღიანი უპირობოცეცხლის შეწყვეტისკენ მოუწოდებს. ჩვენ ვიმედოვნებთ, რომ მისაღები ცეცხლის შეწყვეტაიქნება დაცული და ორივე ქვეყანა პასუხისმგებელია ამ პირდაპირი შეთანხმებისშენარჩუნებისთვის", - დაწერა მან. 

ამასთან, ტრამპმა ხაზგასმით აღნიშნა, რომ თუ ასეთი ცეცხლის შეწყვეტა არ იქნება დაცული, შეერთებული შტატები და მისი პარტნიორები დამატებით სანქციებს დააწესებენ. მან აღნიშნა, რომ "ათასობით ახალგაზრდა ჯარისკაცი" იღუპება ყოველ კვირას ამ ომში და ყველას "უნდა სურდეს, ამის შეჩერება".

მე ეს მინდა და ამერიკის შეერთებული შტატებსაც. როგორც პრეზიდენტი, მე ერთგული ვიქნებირუსეთსა და უკრაინას შორის მშვიდობის უზრუნველყოფის, ევროპელებთან ერთად და ეს იქნებაგრძელვადიანი მშვიდობა! ამ ცეცხლის შეწყვეტამ საბოლოოდ სამშვიდობო შეთანხმებამდე უნდამიგვიყვანოს. ეს ყველაფერი შეიძლება, გაკეთდეს ძალიან სწრაფად და მე ვიქნებიხელმისაწვდომი ნებისმიერ დროს, თუ ჩემი მომსახურება იქნება საჭირო, - დასძინა ამერიკისპრეზიდენტმა.

ვაშინგტონი – აშშ-ის ვიცე-პრეზიდენტმა ჯეი დი ვენსმა ოთხშაბათს განაცხადა, რომ რუსეთი „ძალიან ბევრს ითხოვს“ უკრაინის წინააღმდეგ ომის დასასრულებლად.

ვენსმა ეს კომენტარი გააკეთა ვაშინგტონში, მიუნხენის ლიდერთა შეხვედრაზე სიტყვით გამოსვლისას. მისი თქმით, რუსეთმა უარი თქვა აშშ-ის წინადადებაზე 30-დღიანი ცეცხლის შეწყვეტის თაობაზე, რაც ახლა თეთრ სახლს აიძულებს იმუშაოს გრძელვადიან შეთანხმებაზე. მოსკოვის განცხადებით, დროებითი ზავი მის სტრატეგიულ ინტერესებში არ შედის, რადგან ის უკრაინას ხელახლა კონსოლიდაციის საშუალებას მისცემდა.

„რუსეთი ითხოვს კონკრეტულ პირობებს, კონკრეტულ დათმობებს, რათა ომი დაასრულოს. ჩვენი აზრით, ისინი ზედმეტ მოთხოვნებს აყენებენ,“ — განაცხადა ვენსმა.

გერმანიის ბუნდესტაგმა „ქრისტიან-დემოკრატიული კავშირი“-ს ლიდერი, ფრიდრიხ მერცი ქვეყნის კანცლერის თანამდებობაზე ვერ დაამტკიცა.  მას მხარი 310 დეპუტატმა დაუჭირა, ხოლო მის დასამტკიცებლად 316 ხმა იყო საჭირო.

ახლა გერმანიის პარლამენტის ქვედა პალატას 14 დღე აქვს, რათა მერცის კანდიდატურას ხელმეორედ უყაროს კენჭი, ან კანცლერის პოსტზე სხვა ადამიანი დაამტკიცოს. როგორც Reuters-ი იუწყება, მეორე კენჭისყრა, შესაძლოა სამშაბათს ჩატარდეს.

ცნობისთვის, გერმანიაში რიგგარეშე საპარლამენტო არჩევნები მიმდინარე წლის 23 თებერვალს ჩატარდა. ოფიციალური შედეგების თანახმად, არჩევნებში პირველ ადგილზე „ქრისტიან-დემოკრატიული კავშირი“ გავიდა (22,55%), მეორე ადგილი პარტიამ „ალტერნატივა გერმანიისთვის“ დაიკავა (20,80%), ხოლო მესამე ადგილზე „სოციალ-დემოკრატიული პარტია“ გავიდა (16,41%).

აშშ-ის პრეზიდენტმა, დონალდ ტრამპმა თავის სოციალურ ქსელში დაწერა, რომ 11 ნოემბერი პირველ მსოფლიო ომში, ხოლო 8 მაისი მეორე მსოფლიო ომში გამარჯვების დღეებად გამოაცხადა.

„8 მაისს მეორე მსოფლიო ომში გამარჯვების დღედ, ხოლო 11 ნოემბერს პირველ მსოფლიო ომში გამარჯვების დღედ ვაცხადებ. ჩვენ ორივე ომში გავიმარჯვეთ. ვერავინ შეედრება ჩვენს ძალას, სიმამაცეს და სამხედრო ოსტატობას, მაგრამ ჩვენ არასდროს არაფერი გვიზეიმია - ეს იმიტომ, რომ ჩვენ აღარ გვყავს ლიდერები, რომლებმაც იციან, თუ როგორ უნდა გაკეთდეს ეს! ჩვენ კვლავ დავიწყებთ ჩვენი გამარჯვებების აღნიშვნას!“, - დაწერა ტრამპმა.

თეთრი სახლი ლიდერმა აგრეთვე აღნიშნა, რომ აშშ-მა მეორე მსოფლიო ომში გამარჯვების საქმეში ყველაზე დიდი წვლილი შეიტანა.

რომის პაპი ფრანცისკე სანტა მარია მაჯორეს ბაზილიკაში დაკრძალეს.

დაკრძალვა ვიწრო წრეში გაიმართა რამდენიმე კარდინალის, ასევე ფრანცისკეს პირადი ექიმის, მასიმილიანო სტრაპეტის მონაწილეობით.

წმინდა პეტრეს მოედანსა და მიმდებარე ქუჩებზე შეკრებილი ადამიანების რაოდენობა 200 ათასს აჭარბებდა.

დაკრძალვის ცერემონიალს სახელმწიფოების მეთაურები დაესწრნენ, მათ შორის საქართველოს პრეზიდენტი მიხეილ ყაველაშვილი საქართველოს დელეგაციასთან ერთად წმინდა პეტრეს მოედანზე იმყოფებოდა. დელეგაციაში შედიან საგარეო საქმეთა მინისტრი მაკა ბოჭორიშვილი და საპატრიარქოს წარმომადგენლები.

რომის პაპი 21 აპრილს 88 წლის ასაკში გარდაიცვალა.