ონკოპაციენტებს მუსიკით მკურნალობენ

იტალიაში, ქალაქ ბარის ერთ-ერთ კლინიკაში, პატარა ონკოპაციენტების მკურნალობის პროგრამაში მუსიკა შეიტანეს. ანესთეზიისა და ქიმიოთერაპიის წინ, ბავშვებს ძალიან ეშინოდათ ამ პროცედურების და ღელავდნენ, ზოგი კი საერთოდ უარს ამბობდა მათზე. თუმცა, ახლა, მუსიკალური თერაპიის წყალობით, სიტუაცია მკვეთრად შეიცვალა. კლინიკას საკუთარი მუსიკალური თერაპევტი ჰყავს, რომელიც ონკოლოგების, მედდების, ანესთეზიოლოგებისა და ფსიქოლოგების გუნდთან ერთად მუშაობს. პაციენტებსა და მათ ახლობლებზე ზრუნვა მკურნალობის ტრადიციული და მთავარი მეთოდების ეფექტიანობას ამაღლებს. „მუსიკამ საშუალება მოგვცა, იმ კოლოსალურად დადებითი შედეგებისთვის მიგვეღწია, რაც ბოლო დროს, ბავშვთა ონკოჰემატოლოგიაში გვაქვს“, - აცხადებენ იტალიელი მედიკოსები.