მასკი თანამშრომლებს ქალაქს აუშენებს

ილონ მასკი, ტეხასის შტატში, საკუთარი ქალაქის აშენებას გეგმავს. დღეისთვის არსებული ინფორმაციით, დასახლება მდინარე კოლორადოს ნაპირზე აშენდება, სადაც მილიარდერის საკუთრებაში არსებული კომპანიების თანამშრომლები იცხოვრებენ და იმუშავებენ. ქალაქის სახელწოდება სნეილბრუქი - Snailbrook იქნება. აღსანიშნავია, რომ ქალაქის მახლობლად უკვე შენდება კომპანია Boring-ისა და SpaceX-ის ობიექტები. ახალი ქალაქის დაგეგმარებაში შესულია ისეთი ობიექტები, როგორებიცაა საცურაო აუზები, სავარჯიში დარბაზები, ღია სპორტული მოედნები. ასევე, გათვალისწინებულია კერძო საცხოვრებელი კომპლექსის მშენებლობა, პირადად ილონ მასკისთვის, რომელიც ქალაქგარეთ აშენდება. აღსანიშნავია, რომ ტეხასის კანონმდებლობის მიხედვით, ადმინისტრაციული ერთეულის სტატუსის მისაღებად ქალაქში, სულ მცირე, 200-ზე მეტი ადამიანი უნდა  ცხოვრობდეს.