56 ახალი სტატია

კარიესს ლაქით შეებრძოლებიან

სამედიცინო სიახლეები
მოირგე სტილი დაასვენე თვალი
  • პატარა მოზრდილი საშუალო დიდი უდიდესი
  • ჩვეულებრივი ჰელვეტიკა ჰეგოე გეორგია ტაიმსი

ჩინეთის ერთ-ერთი სამედიცინო უნივერსიტეტის სწავლულებმა, კბილებისთვის დამცავი საფარი შექმნეს, რომელიც კარიესის წარმოქმნას უშლის ხელს. სპეციალისტებმა იმ ანტიმიკრობული პეპტიდის H5 მოდიფიცირება შეძლეს, რომელსაც ადამიანის ნერწყვი შეიცავს. პეპტიდური ლაქი კბილებზე დამცავ ფენას ქმნის და მას კარიესის წარმომშობი ბაქტერიებისგან იცავს. მკვლევართა თქმით, ნივთიერება აღწევს კბილის ემალში და მის აღდგენასაც კი ახერხებს - კალციუმის იონების მეტად მიზიდვით. სწავლულებმა ლაქი ფესვიან კბილებზეც გამოსცადეს. ტესტებმა აჩვენა, რომ პეპტიდის გაუმჯობესებული ვერსია, კბილებზე დიდი ხნის განმავლობაში ქმნის ანტიმიკრობულ ფენას და მას დემინერალიზაციისგან იცავს. მკვლევართა თქმით, პეპტიდური ლაქი არ კურნავს უკვე არსებულ კარიესს, მაგრამ ახლის წარმოქმნას უშლის ხელს.