ბათუმი ტურისტული სეზონისთვის ემზადება - რამდენიმე ახალი პროექტი ბულვარში

ზღვისპირა ქალაქში ზაფხულის სეზონისთვის აქტიურად ემზადებიან. გაზრდილი ტურისტული ნაკადის გამო, ინფრასტრუქტურული და რეკრეაციული სივრცეები კიდევ უფრო მოთხოვნადი ხდება. განსაკუთრებული მოლოდინი ტურისტებს აქვთ, რომლებიც ზაფხულის გატარებას წელსაც ბათუმში გეგმავენ.

ბულვარი, როგორც ყველაზე მიმზიდველი ტურისტული ადგილი, სტუმრებს ცვლილებით ხვდება. მთავარი სიახლე სკეიტ პარკია, რომლის საპროექტო სამუშაოები უკვე დასრულებულია. ახალი სივრცე ქალაქში ყველაზე ფართომასშტაბიანია, რომელიც სხვადასხვა ღონისძიებებზე იქნება გათვლილი.

ახალ ტურისტული სეზონის პოზიტიური მოლოდინი აქვს აჭარის მთავრობას. ამბობენ, რომ განახლება ქალაქის ეკონომიკაზე დადებით გავლენას მოახდენს და შარშანდელ მაჩვენებელს უფრო გააუმჯობესებს.

ბათუმში ინფრასტრუქტურული სამუშაოებისთვის ჯამში 7 მლნ ლარზე მეტია გამოყოფილი. სარემონტო სამუშაოები ახალი სეზონის დაწყებამდე დასრულდება.

 

"რუსთავი 2"