Recent Podcasts
წარმატებული გამოდგა ქართველი ძალოსნების გამოსვლა ევროპის ძალოსანთა ჩემპიონატის მეოთხე დღეს. ჩვენმა სპორტსმენებმა სამივე სინჯის მედალი მოიპოვეს.
88 კგ. წონით კატეგორიაში, ატაცში ბრინჯაოს მედალი მოიპოვა მანუჩარ გოგოხიამ (166 კგ ასწია). აკვრაში ოქროს მედალი დაიმსახურა ზურაბ მსხალაძემ (200 კგ), თუმცა ორჭიდის ჯამში მეორე ადგილი დაიკავა (363 კგ).
ევროპის ჩემპიონი მოლდოველი მარინ რობუ გახდა (373 კგ, ორჭიდის ჯამში).
ლეგენდარულმა ქართველმა ფეხბურთელმა თემურ ქეცბაიამ ქვეყნის ყველაზე ტიტულიან კლუბ “დინამო თბილისთან” 2-წლიანი კონტრაქტი გააფორმა და თბილისური გუნდის სათავეში 2028 წლამდე იმუშავებს.
58 წლის სპეციალისტი, რომელიც უკანასკნელად კვიპროსულ “ანორთოსისს” წვრთნიდა მთავარი მწვრთნელის პოსტზე ვლადიმერ კაკაშვილს შეცვლის.
ლეგენდარულ ქართველთან ერთად სამწვრთნელო შტაბში სოსო ჭედია და გელა ინალიშვილი იმუშავებენ.
თემურ ქეცბაია საქართველოს ყველაზე ტიტულიანი კლუბის (“დინამო თბილისი”, მოგვიანებით “იბერია”) ღირსებას, როგორც ფეხბურთელი, 1987-1992 წლებში იცავდა და მისი მაისურით ჩატარებულ 104 მატჩში 23 გოლი გაიტანა, სამჯერ ქვეყნის ჩემპიონი გახდა (1990 და 1991 წლებში) და საქართველოს თასი მოიგო (1992).
ამრიგად, ქეცბაია “დინამო თბილისში” 34-წლიანი პაუზის შემდეგ დაბრუნდა.
გურამ თუშიშვილი ევროპის ჩემპიონია. ქართველმა ძიუდოისტმა ფინალში ლუკაშ კრპალეკი დაამარცხა
თბილისში ჩატარებული ევროპის პირველობა საქართველომ 4 ოქროს, 2 ვერცხლისა და 1 ბრინჯაოს მედლით დაასრულა.
ევროპის ჩემპიონები გახდნენ: ეთერ ლიპარტელიანი, ლაშა შავდათუაშვილი, ლუკა მაისურაძე და გურამ თუშიშვილი.
თბილისში მიმდინარე ძიუდოს ევროპის ჩემპიონატზე, მოქმედი ევროპის ჩემპიონი ილია სულამანიძე (100 კგ) ბრინჯაოს მედლის მფლობელი გახდა.
ქართველი ძიუდოისტის მეტოქე ფინალურ ბლოკში აზერბაიჯანელი ზელიმ კოცოევი უნდა ყოფილიყო, მაგრამ მან ნახევარფინალში დისკვალიფიკაცია მიიღო, ფინალურ ბლოკში ვეღარ გამოვა და, შესაბამისად, ბრინჯაოს მედალი სულამანიძეს გადაეცემა.
თბილისში მიმდინარე ევროპის ჩემპიონატზე ძიუდოში ლუკა მაისურაძემ (90კგ) ოქროს მედალი მოიპოვა. ფინალურ შეხვედრაში მსოფლიო ჩემპიონმა სერბეთის ნაკრების წევრი ნემანია მაიდოვი ვაზარით დაამარცხა და ევროპის ჩემპიონი კარიერაში მეორედ გახდა.
ლუკა მაისურაძემ 2026 წლის ევროპის ჩემპიონატის ფინალამდე რიმ ფრიდმან ზილბერშტეინს, ისლამ სოგენოვს, ივაილო ივანოვსა და ალექს კრეტს სძლია.
აღნიშნული ოქროს მედალი ევროპის ჩემპიონატებზე ლუკა მაისურაძისთვის მეოთხეა. ჩემპიონი ის 2022 წელს გახდა, ხოლო 2019 და 2020 წლებში ბრინჯაოს მედალი მოიპოვა.
2026 წლის კონტინენტის პირველობაზე მაისურაძემ საქართველოს დელეგაციას მეხუთე მედალი მოუტანა. ევროპის ჩემპიონები გახდნენ ეთერ ლიპარტელიანი (57კგ) და ლაშა შავდათუაშვილი (73კგ), ხოლო ვერცხლის მედალი ქართულ დელეგაციას გიორგი სარდალაშვილმა (60კგ) და ტატო გრიგალაშვილმა (81კგ) შესძინეს.
თბილისში მიმდინარე ევროპის ჩემპიონატზე ძიუდოში ტატო გრიგალაშვილმა (81კგ) ვერცხლის მედალი მოიპოვა. ფინალურ შეხვედრაში ქართველი სპორტსმენი რუსეთის წარმომადგენელ ტიმურ არბუზოვთან დამარცხდა.
ტატო გრიგალაშვილმა ევროპის ჩემპიონატის ფინალისკენ მიმავალ გზაზე მაგამედ ბორჩაშვილი, არის ზარაგკასი, ეეტუ იჰანამაკი და ზელიმ ტცკაევი დაამარცხა.
აღნიშნული ვერცხლის მედალი ევროპის ჩემპიონატებზე ტატო გრიგალაშვილისთვის მეექვსეა. 2020, 2022 და 2024 წლებში ის ჩემპიონი გახდა, ხოლო 2023 და 2025 წლებში ვერცხლის მედალი მოიპოვა.
2026 წლის კონტინენტის პირველობაზე გრიგალაშვილმა საქართველოს დელეგაციას მეოთხე მედალი მოუტანა. ევროპის ჩემპიონები გახდნენ ეთერ ლიპარტელიანი (57კგ) და ლაშა შავდათუაშვილი (73კგ), ხოლო ვერცხლის მედალი ქართულ დელეგაციას გიორგი სარდალაშვილმა (60კგ) მოუტანა.