რჩეული

ცნო­ბი­ლი ქარ­თვე­ლი ბიზ­ნეს­მე­ნი, გოგი თო­ფა­ძე 85 წლის ასაკ­ში გარ­და­იც­ვა­ლა. ამის შე­სა­ხებ ინ­ფორ­მა­ცი­ას თო­ფა­ძის ახ­ლობ­ლე­ბი სო­ცი­ა­ლურ ქსელ­ში ავ­რცე­ლე­ბენ.

გოგი თო­ფა­ძემ 1957 წელს და­ამ­თავ­რა თბი­ლი­სის 51-ე სა­შუ­ა­ლო სკო­ლა და სწავ­ლა გა­ნაგ­რძო თბი­ლი­სის პო­ლი­ტექ­ნი­კუ­რი ინ­სტი­ტუ­ტის კვე­ბი­სა და ქი­მი­უ­რი მრეწ­ვე­ლო­ბის ფა­კულ­ტეტ­ზე.

1962 წელს ინ­სტი­ტუ­ტის დამ­თავ­რე­ბის შემ­დეგ მუ­შა­ო­ბა და­ი­წყო კვე­ბი­სა და მრეწ­ვე­ლო­ბის სა­მეც­ნი­ე­რო - კვლე­ვით ინ­სტი­ტუ­ტში მეც­ნი­ერ - თა­ნამ­შრომ­ლად. 1967 წელს გოგი თო­ფა­ძემ ჩა­ა­ბა­რა მოს­კოვ­ში ორ­გა­ნუ­ლი ქი­მი­ის სა­კავ­ში­რო სა­მეც­ნი­ე­რო-კვლე­ვი­თი ინ­სტი­ტუ­ტის ას­პი­რან­ტუ­რა­ში. 1969 წელს და­იც­ვა დი­სერ­ტა­ცია, რის შემ­დე­გაც მას მი­ე­ნი­ჭა ტექ­ნი­კურ მეც­ნი­ე­რე­ბა­თა კან­დი­და­ტის წო­დე­ბა.

1970-1975 წლებ­ში თო­ფა­ძე მუ­შა­ობ­და თბი­ლი­სი საპ­ნის ქარ­ხნის დი­რექ­ტო­რად. 1975 -დან 1986 წლამ­დე იყო სა­წარ­მოო გა­ერ­თი­ა­ნე­ბა „თბილ­ლუ­დის“ გე­ნე­რა­ლუ­რი დი­რექ­ტო­რი. 1986 წლი­დან მუ­შა­ობ­და ლი­ლოს ლუ­დის მშე­ნე­ბა­რე ქარ­ხნის დი­რექ­ტო­რად. 1994 და­ა­არ­სა ლუ­დის კომ­პა­ნია „ყაზ­ბე­გი”.

1997 და 1998 წლებ­ში და­ა­სა­ხე­ლეს სა­ქარ­თვე­ლოს სა­უ­კე­თე­სო ბიზ­ნეს­მე­ნად.

ბიძინა და ეკატერინე ივანიშვილები ბათუმში დატრიალებული ტრაგედიის გამო მწუხარებას გამოთქვამენ და დაღუპულების ოჯახებს, ახლობლებს და სრულიად საზოგადოებას უსამძიმრებენ.

„ღრმა მწუხარებას გამოვთქვამთ ბათუმში დატრიალებული ტრაგედიის გამო, რომელსაც ორი ბავშვის სიცოცხლე ემსხვერპლა. ამ დროს განსაკუთრებით რთულია სიტყვების პოვნა ოჯახების სანუგეშოდ, ვინაიდან ენით აღუწერელია ტკივილი, რასაც ისინი განიცდიან. მთელი გულით ვუსამძიმრებთ და გულწრფელ თანადგომას ვუცხადებთ უბედური შემთხვევის შედეგად დაღუპული პატარების ოჯახებს, ახლობლებს, მთლიანად აჭარის რეგიონს და ამ დიდი ტრაგედიით შეძრულ ჩვენს საზოგადოებას“, - ნათქვამია სამძიმრის წერილში.

საქართველოს პრემიერ-მინისტრი ირაკლი კობახიძე ბათუმში მომხდარი ტრაგედიის გამო მწუხარებას გამოთქვამს.

მთავრობის მეთაური უსამძიმრებს დაღუპული ბავშვების ოჯახებს და ახლობლებს.

„უდიდეს მწუხარებას გამოვთქვამ ბათუმში დატრიალებული ტრაგედიის გამო, რომელსაც ორი ბავშვის სიცოცხლე ემსხვერპლა. ძნელია, იპოვო სიტყვები ოჯახების სანუგეშოდ, რომელთაც უბედური შემთხვევის შედეგად მცირეწლოვანი შვილები დაკარგეს.

საქართველოს მთავრობისა და პირადად ჩემი სახელით, გულწრფელად ვუსამძიმრებ და თანავუგრძნობ დაღუპული ბავშვების ოჯახებს, ახლობლებს, ყველას, ვინც ამ უსაზღვრო ტკივილს განიცდის“, - აღნიშნავს პრემიერი.

შინაგან საქმეთა სამინისტროს საპატრულო პოლიციის დეპარტამენტის ავტოპარკი "შკოდას" მარკის 100 ახალი ავტომობილით განახლდა.
ახალი ავტომობილები თბილისის საპატრულო პოლიციის მთავარი სამმართველოს სახაზო სამმართველოსთვისაა განკუთვნილი.
თანამედროვე სტანდარტების ავტოსატრანსპორტო საშუალებები საპატრულო პოლიციის დეპარტამენტის დირექტორმა ვაჟა სირაძემ, მოადგილესთან სერგი ბზიშვილთან, საპატრულო პოლიციის დეპარტამენტის თბილისის მთავარი სამმართველოს უფროსთან ლაშა ჯოხაძესთან და სხვა ხელმძღვანელ პირებთან ერთად დაათვალიერა და მათ ტექნიკურ მახასიათებლებს გაეცნო.
ავტოპარკის განახლების მიზანს, პატრულ-ინსპექტორებისთვის სამუშაო პირობების გაუმჯობესება, საზოგადოებრივი წესრიგის დაცვისა და საგზაო მოძრაობის უსაფრთხოების მიზნით მათი საქმიანობის ეფექტიანობის ამაღლება, ასევე, დანაშაულის პრევენციის ხელშეწყობა წარმოადგენს.
შინაგან საქმეთა სამინისტრო საპოლიციო საქმიანობის ეფექტიანობის ამაღლებისა და პოლიციელებისთვის უკეთესი, კომფორტული სამუშაო პირობების შექმნისთვის, სხვადასხვა დანაყოფის, მათ შორის საპატრულო პოლიციის დეპარტამენტის ავტოპარკს თანამედროვე საპოლიციო ტრანსპორტით რეგულარულად აახლებს. საპოლიციო ინფრასტრუქტურის განახლების პროცესი მომავალშიც აქტიურად გაგრძელდება.