„ვერსია“ აგრძელებს შიდა ქართლის ერთ-ერთ სოფელში მომხდარი საზარელი დანაშაულის ფაქტის გამოძიებას - შეგახსენებთ, რომ 13 წლის გოგონა 53 წლის პაპას გაუპატიურებაში ადანაშაულებს და ჩვენებაში აცხადებს, მამის მამა მასზე სისტემატურად ძალადობდა. „ვერსიამ“ ამ საქმეზე ჟურნალისტური გამოძიების ფარგლებში არაერთი სტატია მოამზადა და კვლავ ვაგრძელებთ ამ სკანდალური ამბის გამოძიებას. გთავაზობთ დაზარალებული ბავშვის მამასთან ექსკლუზიურ ინტერვიუს:

_გვიამბეთ, რა ეტაპზეა საქმის განხილვა და რა მოხდა ბოლო სასამართლო პროცესზე?

_ბოლო სასამართლო პროცესი დასრულდა საშინლად და სასაცილოდ. მოსამართლე შეიცვალა, სხვა მოსამართლე ჰყავს საქმეს და ისევ თავიდან დაიწყო ყველაფერი, რაც აქამდე ჩატარებული იყო. ბრალდებული ისევ პატიმრობაშია და პირველი სხდომაზეც იგივე ხალხი დაიკითხა, რომლებიც წინაზე. ყველაზე სასაცილო და საშინელი ისაა, რომ იმათ, ვინც დაკითხული იყო და სხვა რაღაცებს საუბრობდნენ, ახლა შეცვალეს ჩვენება. მაგალითად, ჩემი ყოფილი მეუღლის მეზობელი ყვება ამბავს, რაზეც აქამდე არაფერი უთქვამს, ახლა კი აცხადებს, რომ ბრალდებული დაუნახავს შვილიშვილთან ერთად. ამბობს, რომ პაპა (ბრალდებული./რედ) დაუნახავს, თითქოს მანქანით მიიყვანა ბავშვი, კალთაში ეჯდა, შემდეგ გადმოიყვანა მანქანიდან ხელში აყვანილმა და მიიყვანა სადარბაზოში. 13 წლის ბავშვი აიყვანა, თურმე, ხელში ინვალიდმა კაცმა! ეკითხებიან, რა მდგომარეობაში იყო ბაბუაო, მან კი თქვა, ნორმალურ მდგომარებაში იყო, ორ ფეხზე იდგაო. ეს ყველაფერი თქვა მაშინ, როდესაც ამ კაცს აქვს 1990 წლიდან მოჭრილი საზარდულში ფეხი და იმ დროიდან კაცი დადის ყავარჯნებით. ასეთ პირობებში აცხადებს, რომ ნორმალურ მდგომარეობაში იყო და ორ ფეხზე იდგაო! მოსამართლე იზიარებს ამ ყველაფერს, რადგან არის მაგათი მონა.

იყო კიდევ ერთი შემთხვევა - მასწავლებელი, რომელიც აქამდე ამბობდა, რომ ბავშვი არ იყო გულჩათხრობილი, მოწყენილი, ახლა აცხადებს, რომ თურმე, ბავშვი მოწყენილი იყო. ვკითხულობ, სად იყო აქამდე? რატომ არ გააგებინა ეს ყველაფერი მშობლებს?! ამბობს, რომ ეს ყველაფერი იმის ბრალი იყო, მშობლები რომ დაშორდნენ ერთმანეთსო, მე დავშორდი მეუღლეს 2016-ში და ლაპარაკია 2020-2021 წლებში. მანამდე თუ კარგად იყო ბავშვი, მერე დაემართა დეპრესია მშობლების დაშორებაზე? ან თუ ცუდად იყო ბავშვი, მასწავლებელი სად იყო აქამდე?! მაგ მასწავლებელის საქმეც დადგება აუცილებლად!

_ საინტერესოა, თქვენი შვილი თუ იყო ბოლო სასამართლო სხდომაზე?

_არა, ბავშვს არ აჩენენ, დღემდე არ მოუყვანიათ. ამდენი ექსპერტიზა ჩატარდა, ყველა ექსპერტიზა გამორიცხავს ბრალდებულის დანაშაულს. მე მამა ვარ, მე ვითხოვ სიმართლეს. რეალობას რასაც ვხედავ, ეს არის - ერთხელ არ შემხმიანებია პროკურორი, რატომ ეხმიანება ამ ხალხს და რატომ არ მეხმიანება მე?! მე ხომ მამა ვარ?! მართალია, მე მხარედ მთვლიან, მაგრამ ყველაზე მეტი დაზარალებული ხომ მე ვარ?! ჩემს შვილზე და მამაზეა საუბარი. ვერ ვხვდები, პროკურორს რაში სჭირდება, რომ ამ ხალხს ათქმევინოს წითელზე შავიაო?! თუ პროკურორია, თუ ადამიანია, თუ სწორად უნდა გამოიძიოს ეს საქმე, შავზე შავი თქვას, წითელზე წითელი.

... მაინტერესებს სიმართლე. მამაჩემი თუ დასასჯელია, პირველ რიგში მე დასვჯი და ეს ჩემი ყველაზე დიდი მოთხოვნაა იმ დროიდანვე, მაგრამ რასაც ვხედავ, ბავშვის ექსპერტიზის პასუხი თავიდან არ ჩადეს საქმეში, რადგან ბავშვს თითი არ ჰქონდა დაკარებული. ბევრი ექსპერტიზა ჩაუტარდა მამაჩემს ჯანმრთელობასთან დაკავშირებით და ახლა მესამედ მოხვდა საავადმყოფოში გულის შეტევით და ბევრი სხვა ჯანმრთელობის პრობლემით. უნდათ, რომ ადამიანი ციხეში ავადმყოფობით მოკლან, ამიტომ უწელავენ ასე საქმეს. იმიტომ, რომ ხელჩასაჭიდი ვერაფერი ნახეს. პროკურორმა იმ დღეს დაუშვა შეცდომა, როცა არ გამოიძიეს ეს საქმე, შშმ ადამიანს ხელი მოკიდეს და გააქანეს ციხეში. ჭორის დონეზე არ ვამბობ, დარწმუნებული ვარ, რომ ჩემს ყოფილ მეუღლეს ჰყავს მფარველი. ამ ყველაფერს მალე აუცილებლად გავაჟღერებ. ჩემმა ყოფილმა ცოლმა მეც ბევრი რამე დამაბრალა, ვითომ ვავიწროვებდი და ცუდად ვექცეოდი, როდესაც დაშორებული ვიყავი.

_თქვენ დაზარალებულ შვილთან ან სხვა შვილებთან კომუნიკაცია გაქვთ?

_არა, საერთოდ არ მაქვს. დამბლოკეს ყველგან, შვილებსაც დააბლოკინეს ჩემი თავი. ახალ წელს ვურეკავდი, არ მიპასუხეს. თუ ბავშვებს არ ვუთხარი მობილურით, რომ მამა გარეთ ვარ გამოდით, თქვენი ნახვა მინდა-მეთქი, არ უშვებს. მეც არ მივდივარ, რომ კონფლიქტი არ მოხდეს. რაც ეს ამბები დაიწყო, ბავშვები მხოლოდ ერთხელ ვნახე. მაშინ დაზარალებული შვილი მეუბნებოდა, რომ ადვოკატი არ მჭირდებოდა და მე მისი უნდა დამეჯერებინა, დაარიგეს და ალაპარაკეს. მე ვეუბნებოდი, რომ, შვილო, მე სიმართლე მაინტერესებს, შენიც მჯერა, მაგრამ სიმართლე მაინტერესებს და ჩემი ადვოკატი შენ ხელს არაფერში შეგიშლის-მეთქი. არაო, მე ხელს მიშლისო, ადვოკატი არ გჭირდებაო, მეუბნებოდა ბავშვი.

_საინტერესოა, სავარაუდო დაზარალებული ბავშვი თუ შეამოწმეს ფსიქოლოგებმა?

_ როგორც ამბობენ, შეამოწმეს, მაგრამ ჩვენ შევთავაზეთ, რომ ფსიქოლოგიური ექსპერტიზა ჩაგვეტარებინა, მაგრამ პროკურორმა ამაზეც უარი მითხრა. არ უნდათ ამ ბავშვის გამოჩენა იმიტომ, რომ ეს ამბავი „შეკერილია“. ჩვენებაში რაც წერია, ის ბავშვის სიტყვები არ არის, ის მისი დაწერილი არ არის.

_ როგორც ადვოკატი ამბობს, ექსპერტიზის დასკვნაში წერია, რომ ბავშვის საქალწულე აპკი დარღვეული არ არის. თუ ასეა, ახლა რა მუხლით იმყოფება ბრალდებული ციხეში?

_იმავე მუხლით ზის, რითაც დააკავეს. პატიმრობაში ყოფნის 7 თვე უსრულდება მამაჩემს, წესით, შემდეგ სასამართლოზე გავიგებ, გამოუშვებენ თუ არა, მაგრამ მგონია, რომ გამოშვებას არ აპირებენ, რადგან იციან, რომ შეცდომა დაუშვა პროკურორმა. ამდენი ხანი ბრალი ვერ წაუყენეს, ვერაფერი ნახეს და ამის გამო მეშვიდე თვეა, შშმ კაცი ზის ციხეში, რომელიც უარესად დაავადდა ციხეში. 110-120 კგ იყო და 69 კგ-მდეა ჩამოსული.

_თქვენ რას ელოდებით შემდეგი სასამართლო სხდომიდან და რას აპირებთ?

_მინდა, რომ ნორმალურად გამოიძიონ, სიმართლე დაადგინონ. ამ ხალხს ნუ აბეჩავებენ და როგორც უნდათ, ისე ნუ ალაპარაკებენ ხალხს, როგორ შეიძლება, ადამიანი დაიბარო კაბინეტში და შენი ნალაპარაკევი ალაპარაკო. ეს როგორ შეიძლება?! ეს არის სასამართლო?! ეს არის პროკურატურა?! პროკურორი ასე როგორ შეიძლება, დაეცეს, რომ ასეთი რაღაცები აკეთოს? მაგრამ როგორც ვატყობ, პროკურორს აქვს რაღაც დავალება და მოსამართლეც, პირდაპირ გეუბნებით, რომ არის პროკურატურის მონა. ვინ გასცემს ამ კაცს პასუხს, მართალი რომ გამოვა ციხიდან?! ვინ დაუბრუნებს მას ჯანმრთელობას?! თუ დასასჯელია, მე პირადად შევუწყობ ხელს, რომ დაისაჯოს, თუ არადა, გარეთ უნდა გამოვიდეს და ვინც ამ საქმეში დამნაშავეა, ის უნდა დაისაჯოს. ტყუილად დაიჭირეს, იცით რატომ ვფიქრობ ასე?! ამდენი ექსპერტიზით, ბავშვზე იძახდნენ, რომ გაუპატიურებულიაო და თითი არ აქვს ბავშვს დაკარებული.

ავტორი: სალომე ნოზაძე

ეკონომიკისა და მდგრადი განვითარების სამინისტროს ფინანსური ანგარიშგების დოკუმენტში აღმოჩენილი ხარვეზები

კონტროლის რა მექანიზმების დანერგვის რეკომენდაციას აძლევს სახელმწიფო აუდიტი ფედერაციას

ბუღალტრული აღრიცხვის საერთაშორისო სტანდარტების დარღვევით მომზადებული ფინანსური ანგარიშგების დოკუმენტი

სახელმწიფო მაკონტროლებლები შესყიდვების მართვით დაინტერესდნენ

„ვერსია“ აგრძელებს შიდა ქართლის ერთ-ერთ სოფელში მომხდარი საზარელი დანაშაულის ფაქტის გამოძიებას - შეგახსენებთ, რომ 13 წლის  გოგონა 53 წლის პაპას გაუპატიურებაში ადანაშაულებს და ჩვენებაში აცხადებს, რომ  მამის მამა მასზე  თითქმის 5 წლის განმავლობაში ძალადობდა. ჩვენ ამ თემაზე არაერთი სტატია გამოვაქვეყნეთ და კვლავ ვაგრძელებთ სკანდალური ამბის გამოძიებას. შეგახსენებთ, რომ ბავშვის გაუპატიურების საქმეში ექსპერტიზის დასკვნა ჯერ კიდევ არ დევს, ხოლო ბრალდებულის წინასწარი პატიმრობა კიდევ რამდენიმე თვით გადავადდა. ბრალდებულის ადვოკატმა გაასაჩივრა პატიმრობის ვადა და „ვერსია“ დაუკავშირდა ზურაბ თოდუას, რათა გაგვეგო, დააკმაყოფილა თუ არა სასამართლომ ადვოკატის მოთხოვნა. ასევე დავინტერესდით, რა ახალი დეტალები გამოიკვეთა ბოლო დროს აღნიშნულ სკანდალურ საქმეში? როგორც ადვოკატმა ექსკლუზიურად განგვიცხადა,  ბრალდებულის მიმართ ჩატარდა ფსიქოლოგიური ექსპერტიზა და მნიშვნელოვანი სიახლეა ისიც, რომ ბრალდებულის ადვოკატმა სახალხო დამცველ ნინო ლომჯარიას მიმართა... გთავაზობთ ინტერვიუს ზურაბ თოდუასთან:

_ბატონო ზურაბ, დაკმაყოფილდა თუ არა სასამართლოში თქვენი მოთხოვნა?

_ბრალდებამ არ დააკმაყოფილა მოთხოვნა და დადგენილება „დაასაბუთა“ შემდეგნაირად: თურმე, მტკიცებულებათა ერთობლიობა იძლევა გაუპატიურების ფაქტების დასაბუთებული ვარაუდის შესაძლებლობას (ამ დროს, ვერც ერთ სხდომაზე, ვერ განმარტა, თუ რას გულისხმობს „მტკიცებულებათა ერთობლიობაში“, რომელ მტკიცებულებებს მოიაზრებს ამ ცნებაში, გარდა დაზარალებულის მეტად ბუნდოვანი ჩვენებისა)...

_რა მიიჩნიეს წინასწარი პატიმრობის გადავადების საფუძვლად და რატომ მიმართეთ სახალხო დამცველს?

_მათი პასუხი არის ის, რომ ბრალდებული მიიმალება, გაანადგურებს მტკიცებულებას და ხელს შეუშლის გამოძიებას. სწორედ ამიტომ მივმართე სახალხო დამცველს. ვფიქრობ, რომ ვალდებულია, ჩაერთს ამ ამბავში და თავისი პოზიცია დააფიქსიროს.

_როგორც ვიცი, თქვენი მოთხოვნით კიდევ ერთი დამოუკიდებელი ექსპერტიზა ჩაუტარდა ბრალდებულს, რა წერია ფსიქოლოგების დასკვნაში?

_2021 წლის 7 დეკემბერს, დამოუკიდებელი სასამართლო ექსპერტიზის ცენტრ „ვექტორის“ მიერ გაიცა ფსიქოლოგიური დასკვნა ბრალდებულზე, რომლითაც დასტურდება, რომ ბრალდებული სრულიად ჯანსაღი ფსიქიკის პირია და რაიმე  ნებელობითი სფეროს პათოლოგია, კერძოდ, „მიზიდულობათა დარღვევა“, რაც განაპირობებს სექსუალური ინსტიქტების გაუკუღმართებას (პედოფილია, სადიზმი, მაზოხიზმი, ფეტიშიზმი, ტრანსვეტიზმი და ა.შ) არ გამოვლინდა. ახლა კი აპელაციაში მიდის განხილვა, ჯერჯერობით გადაწყვეტილება არ არის მიღებული. მე ბრალდებულის ექსპერტიზასთან ერთად დავნიშნე ბავშვის ფსიქოლოგიური ექსპერტიზაც, თუმცა უარი მითხრეს. ბრალდებულს კი დაუდგინდა სრულიად ჯანსაღი ფსიქიკა.

_საინტერესოა, რა წერია სახალხო დამცველთან გაგზავნილ ანგარიშში, იქნებ მოკლედ განგვიმარტოთ?

_ ბრალდებული, როგორც შშმ პირი, სრულიად დაუსაბუთებელი ბრალდებით იქნა დაკავებული და მის მიმართ ყველაზე მკაცრი აღკვეთის ღონისძიების სახე იქნა გამოყენებული (დაკავების დღისათვის, ბრალდებას საქმეში გააჩნდა მხოლოდ დაზარალებულის ორი (ფაქტობრივად კოპირებული) ჩვენება და მუხედავად იმისა, რომ ფლობდა ინფორმაციას სასამართლო სამედიცინო ექსპერტიზის კვლევის შედეგების შესახებ დაზარალებულის საქალწულე აპკის მთლიანობის თაობაზე;

რაიონული და სააპელაციო სასამართლოების მიერ არ იქნა გაზიარებული ახალი არსებითი გარემოებები, რომლითაც უტყუარად დასტურდება ფაქტობრივი გარემოება, რომ ბრალდებულს მისი ჯანმთელობის მდგომარეობიდან გამომდინარე, არ შეეძლო ჩაედინა სსკ 137-ე მუხლით გათვალისწინებული დანაშაული. სასამართლოების მიერ მიღებული არც ერთი გადაწყვეტილება არ არის დასაბუთებული ევროპული გადაწყვეტილებებით.  საპირისპიროდ დაცვის მიერ დასახელებული არაერთი პრეცედენტული გადაწყვეტილებისა. მოსამართლეები, მხოლოდ შაბლონური ფორმის გადაწყვეტილებებს იღებენ, სადაც მიუთითებენ მტკიცებულებათა ერთობლიობაზე. ამ დროს საქმეში არანაირი მტკიცებულება არ არის ბრალდების მიერ წარმოდგენილი, რომლითაც შესაძლებელი იქნებოდა ობიექტურ დამკვირვებელს გასჩენოდა საფუძვლიანი ეჭვი, რომ შერაცხული ბრალით გათვალისწინებული დანაშაული ნამდვილად ჩაიდინა ბრალდებულმა.

ავტორი: სალომე ნოზაძე

პარასკევს შიდა ქართლში მომხდარი სავარაუდო გაუპატიურების ბრალდებით დაკავებული გ.მ-ს სასამართლო გაიმართა.  შეგახსენებთ, რომ 13 წლის  მოზარდი გოგონა 53 წლის პაპას გაუპატიურებაში ადანაშაულებს და ჩვენებაში აცხადებს, რომ  მამის მამა მასზე  თითქმის 5 წლის განმავლობაში ძალადობდა. 

„ვერსია“ დაინტერესდა სასამართლოს გადაწყვტილებით და  ბრალდებულის ადვოკატ ზურაბ თოდუას დაუკავშირდა.

_ბატონო ზურაბ, რა გადაწყვეტილებით დამთავრდა სასამართლო პროცესი?

_2 თებერვალს გაგრძელდება სხდომა, იქნება შესავალი სიტყვები მხარეების და ამის შემდეგ ჩაინიშნება მოწმეების დაკითხვის პროცესი. ექსპერტიზის დასკვნა დევს საქმეში, სადაც დასტურდება, რომ ბავშვის საქალწულე აპკი არ არის დარღვეული, მიუხედავად ამისა, პროკურორი მაინც 137-ე მუხლით ედავება, რაც გაუპატიურებას გულისხმობს. თუმცა, ამას რით ასაბუთებს, ჩემთის უცნობია. მიუხედავად ამისა, სასამართლო იმეორებს იმას, რასაც პროკურატურა ჩასძახებს. მოსამართლეს ვეუბნები, რომ საქმეში დევს ექსპერტიზის დასკვნა და უნდა შეუცვალოს ბრალდებულს აღკვეთის ღონისძიება, თუმცა მაინც არ შეცვალა და ბრალდებული პატიმრობაში დატოვა.

ამავე თემაზე მეტის გასაგებად გააგრძელეთ კითხვა...

ავტორი:სალომე ნოზაძე

სახელმწიფო აუდიტის სამსახურის მორიგი სკანდალური დასკვნა - შეცდომით შედგენილი საინვესტიციო ხელშეკრულებები, დარღვეული ვადები და დაურიცხავი პირგასამტეხლო!

„ვერსია“ კვლავ ადევნებს თვალს, შიდა ქართლში მომხდარი საზარელი დანაშაულის ირგვლივ მიმდინარე მოვლენებს. შეგახსენებთ, რომ 13 წლის  გოგონა 53 წლის პაპას გაუპატიურებაში ადანაშაულებს. როგორც ჩვენი ჟურნალისტური გამოძიებით არის ცნობილი, ამ დრომდე არ დევს საქმეში ექსპერტიზის დასკვნა. ბრალდებულის ადვოკატმა ზურაბ თოდუამ ერთი თვის წინ სახალხო დამცველ ნინო ლომჯარიას მიმართა, რათა ამ საქმით დაინტერესდეს. „ვერსია“ დაუკავშირდა ზურაბ თოდუას, რათა გაგვეგო, რა ეტაპზეა გამოძიება და რა პასუხი მიიღო სახალხო დამცველისგან:

„მას შემდეგ, რაც პატიმრობის ვადა გაზარდა პროკურატურამ, სიახლე არ არის, არც არაფერი მტკიცებულება აქვთ მოპოვებული. ჩემი შუამდგომლობა, რომ დაეკითხათ ექსპერტი, რომელმაც ექსპერტიზა ჩაატარა, უარს მეუბნებიან. ასევე სამხარაულის ექსპერტიზაში ჩემი მიმართვა, რომ დაესახელებინათ იმ ადამიანის სახელი, რომელმაც ექსპერტიზა ჩაატარა, უარს მეუბნებიან. მინდოდა მისი გამოკითხვა, თუმცა უშედეგოდ. ძალიან გაურკვევლობაში ვართ. მოგეხსენებათ, სახალხო დამცველს მივმართე. მომწერეს, რომ შეხვდნენ ჩემი დაცვის ქვეშ მყოფს, გაესაუბრნენ მას და მპრიდებიან, რომ მოახდენენ შესაბამის რეაგირებას. ამ ეტაპზე მათი მხრიდან დიდი ინტერესია ამ საქმესთან დაკავშირებით. 28 იანვარს არის სასამართლო პროცესი, მაგრამ ექსპერტიზის დასკვნა საქმეში კიდევ არ დევს, ამიტომ მათ კიდევ ერთხელ შეუძლიათ, მიმართონ სასამართლოს და სასამართლომ კიდევ გაუგრძელოს ექსპერტიზას საგამოძიებო ვადა. “

 ავტორი: სალომე ნოზაძე

 ამავე თემაზე: http://versia.ge/index.php/wprld/2176-ninolomjaria?fbclid=IwAR21GXoQtLlLdDQLKxTbDy05fAxjs9phf4G-CbFVVnGqV5HPsjE_nAh25bc#.YbiT0yX9zHE.facebook

http://versia.ge/index.php/wprld/33-journ/1791-interviuprokur

„ვერსია“ აგრძელებს შიდა ქართლის ერთ-ერთ სოფელში მომხდარი საზარელი დანაშაულის ფაქტის გამოძიებას - შეგახსენებთ, რომ 13 წლის  გოგონა 53 წლის პაპას გაუპატიურებაში ადანაშაულებს და ჩვენებაში აცხადებს, რომ  მამის მამა მასზე  თითქმის 5 წლის განმავლობაში ძალადობდა ჩვენ უკვე შემოგთავაზეთ ექსკლუზიური ინტერვიუ დაზარალებული გოგონას მამასთან -ამჯერად „ვერსია“ ბრალდებულის ყოფილ მეუღლეს - დაზარალებულის ბებიას დაუკავშირდა და მასთან ექსკლუზიურ ინტერვიუს გთავაზობთ. ქალბატონი 12 წელია მეუღლესთან განქორწინებულია, თუმცა შესაძლებლია გამოძიებისთვის საინტერესო ინფორმაციას ფლობდეს (სტილი დაცულია):

- როგორი ადამიანია თქვენი ყოფილი მეუღლე და ხომ არ შეგინიშნავთ მასში რაიმე საეჭვომ სანამ მათან ერთად ცხოვრობდით?

-არაფერი შემინიშნავს არასდროს. პირიქით, სერიოზული მამაკაცი იყო. შინაური და გარეული იცოდა, ქალისკენ გვერდითაც კი არ გაუხედავს.

- როგორც ვიცით, თქვენ 12 წელია განქორწინებულები ხართ,  რა გახდა დაშორების მიზეზი?

-ჩვენ ხასიათებით ვერ შევეწყვეთ ერთმანეთს. მერე საზღვარგარეთ წავედი და იქიდან დავცილდით ერთმანეთს. 23 წელი ვიყავით ერთად, მაგრამ ჩვენ შორის უხეში და ძალადობრივი არაფერი ყოფილა.

-როგორი ურთიერთობა გქონდათ თქვენ შვილიშვილებთან და როდის გქონდათ ბოლოს მათთან კომუნიკაცია?

-შვილიშვილებს ველაპარაკე 8 ოქტომბერს. პატარას მივულოცე დაბადების დღე, სიცხიანები იყვნენ. მერე ვურეკე ცხრაში თუ ათში. ეგ ამბავი რომ ყოფილა, წინა საღამოს გაუგია და სანამ პოლიციაში წავიდოდა, ზუსტად ეგ პერიოდი იყო. ზუსტი რიცხვი არ მახსოვს. წინა საღამოს ვურეკე და არ მიპასუხა. ბავშვები ხშირად არ მპასუხობდნენ. დედამისისგან მიჩვეულები იყვნენ ამას.

საბერძნეთში ვიყავი 10 წელი. სანამ ფინანსურად კარგად ვიყავი, კარგადაც მეკონტაქტებოდნენ და კარგი ბებიაც ვიყავი, მაგრამ რაც ფინანსურად გამიჭირდა, მერე დამბლოკა. 

ჩემს ვაჟს უჩივლა, დავურეკე და  ვუთხარი - რატომ აბოროტებ,  რატომ იქცევი ასე-მეთქი? - რძალმა „წიკვინი“ დამიწყო. ვეუბნებოდი, თიკო დამშვიდდი, ნუ უწევ ტონს-მეთქი. ამის შემდეგ  გამითიშა და დამბლოკა. ამ ამბის შემდეგ აღარ მიკონტაქტია. ბავშვებს იშვიათად ვნახულობდი და იშვიათად ვეკონტაქტებოდი.

- როდესაც ერთად ცხოვრობდნენ, მაშინ როგორი ურთიერთობა გქონდათ რძალთან?

- მანამდე ძალიან კარგი ურთიერთობა გვქონდა. მითუმეტეს, როდესაც ფინანსები სჭირდებოდა, ძალიან კარგად მირეკავდა იმიტომ, რომ ჩემგან სარგებელს მოელოდა, მაგრამ ჩვენს ოჯახში როდესაც იყო, მეუბნებოდა, ვითომ ჩემი ყოფილი დედამთილი და ჩემი ყოფილი მეუღლე უშლიდნენ ჩემთან დარეკვას და არ სიამოვნებდათ. მერე მაგას იმიზეზებდა და როცა რამე უნდოდა, მხოლოდ მაშინ  მირეკავდა.

-რას ამბობდა, რატომ უშლიდნენ თქვენთან დარეკვას?

-არ უშლიდნენ, ეს იგონებდა მიზეზად.  შვილს ველაპარაკებოდი ყოფილი დედამთილისა და ქმრის წინაშე და რძალს რატომ დაუშლიდნენ? უბრალოდ, თვითონ იმიზეზებდა, როცა ფული სჭირდებოდა, მარტო მაშინ მირეკავდა. როცა ჩამოვედი და ფული აღარ მქონდა, აღარ მეკონტაქტებოდა. მე როცა ჩამოვედი, უკვე 2-3 წლის დაშორებულები იყვნენ.

-როგორც გავიგეთ, რძალი თქვენ და თქვენს ყოფილ მეუღლეს გადანაშაულებთ ოჯახის დანგრევაში, ეს მართალია?

-არავისი ბრალი არ არის. მე პირშიც ვეუბნებოდი, ძალიან ცივი იყო ქმართან. სანამ პატარას გააჩენდა, მე და ჩემი ქალიშვილი სულ ვეუბნებოდით, რომ ყურადღებით ყოფილიყო ქმართან. ვარიგებდი - ქმარს დახვდი სახლში, დახვდი ენერგიულად-მეთქი, ვეხვეწებოდით... მერე დარჩა მესამეზე ფეხმძიმედ. ჩემს გოგოზეც ნაწყენი იყო, რატომ არ გესიამოვნა ფეხმძიმედ რომ დავრჩიო? იმიტომ, რომ ოჯახს ვერ შეინარჩუნებდა მესამე ბავშვით... პირიქით, ქმართან ყურადღებით უნდა ყოფილიყო და მიფერებოდა. ხან სურპრიზებს ვუწყობდით, რომ ქმართან დაელაგებინა ურთიერთობა, მაგრამ თვითონ იყო ჭიამკვდარა გოგო. სულ იღლებოდა, სულ არ შეეძლო...

-მართალია, რომ როდესაც ჯერ კიდევ ცოლ-ქმარი იყვნენ, თქვენმა შვილმა მაშინ დაიწყო სხვა ქალთან ურთიერთობა და ეს გახდა დაშორების მიზეზი, იცოდით ამ ფაქტის შესახებ

- ვიცოდით, რომ ჩემს შვილს საყვარელი ჰყავდა. კიდევაც ვეჩხუბე ჩემს შვილს, ასევე რძალს ვეუბნებოდი, რომ უფრო მეტი ყურადღებით ყოფილიყო. ამ ამბავზე ნერვიულობამ მხედველობა დამაკარგვინა. მაგრამ არავის არაფერი შეეძლო, ქმარს თუ არ მიეფერები და ყურადღებას არ გამოიჩენ, სხვისკენ გაიხედება. მე რძალს სულ ვეუბნებოდი, ქმარი შენ თვითონ მიიყვანე კლდესთან შენი საქციელით  და ხრამში გადააგდე-მეთქი. მისი ბრალი რომ იყო, პირშიც ვეუბნებოდი.

- თქვენ ყოფილ რძალს ქმართან თავიდანვე ასეთი ურთიერთობა ჰქონდა?

- არა ოჯახში, როდესაც პრობლემებმა იჩინა თავი, მაშინ გახდა ასეთი ცივი. ქმარი რომ ჯარში მსახურობდა, ორი კვირა ნანახი არ ჰყავდა ქმარი და მიდიოდა და  იძინებდა, არ ელოდებოდა. ქმარმა ამ ყველაფრის გამო აიცრუა გული მასზე.

-ყოფილ რძალს თქვენთან  და თქვენს ყოფილ ქმართან როგორი ურთიერთობა ჰქონდა?

-გადასარევი. როცა გასცილდნენ, მერე დაიწყო ცუდი ურთიერთობა. ვინც სჭირდებოდა, ყველასთან კარგად იყო თავიდან. ჩემს ყოფილ ქმარს, მის მამამთილს არ მოსწონდა მისი შვილის საქციელი და ცდილობდა, პირიქით, შვილი გაეგდო სახლიდან და რძალი დაეტოვებინა. მამამთილი თან ჰყვებოდა, მერე კი ისიც აღარ უნდოდა, როგორც მე.

-ბრალდებულის ადვოკატი აცხადებს, რომ დაშორების შემდეგ თქვენი რძალი მშობლებმა აღარ მიიღეს, ეს მართალია?

-ეგ ნამდვილად არ ვიცი. მისი მშობლები რას ეუბნებოდნენ, არც ეგ ვიცი, რადგან საზღვარგარეთ ვცხოვრობდი, ახლო ურთიერთობა მათთან არ მქონია. მე მაგათი ფინანსებისა და ჯანმრთელობის გამო წავედი საქართველოდან. ჩემი ყოფილი მეუღლე ცალი ფეხით ამდენს ვერ აუვიდოდა, ამიტომ მე მომიწია სამუშაოდ წასვლა.

-თქვენი ქალიშვილი მამასთან არ კონტაქტობდა დიდი ხნის განმავლობაში. რა იყო ამის მიზეზი?

-რძალი ჩემზეც იგონებდა რაღაცეებს და კონფლიქტს იწვევდა ჩვენს ოჯახში. მერე ვურეკავდი და ბოდიშებს მიხდიდა, პატარა ვიყავი და არ ვიცოდი, რას ვაკეთებდიო.

ჩემმა ყოფილმა ქმარმა მითხრა, თავიდან მჯეროდა ყველაფრის რასაც მეუბნებოდა, მაგრამ მერე მივხვდი რომ მატყუებდაო. ასევე ჩემს გოგოზეც ეუბნებოდა მამამის, რომ ცუდად იქცევაო. მერე ოჯახი რომ ჩაერია და ბებიამ უთხრა, მამას შვილს სახლიდან რატომ აგდებინებო, გაჩუმდა და უთხრა, არ გააგდო და როცა დააშავებს, მერე გააგდეო.

-თქვენთან თუ უთქვამთ შვილიშვილებს რაიმე უცნაური ფაქტის შესახებ?

-არა, არაფერი. ჩემთან ძალიან მოზომილად ლაპარაკობდნენ. ძალიან იშვიათად მოდიოდნენ და მელაპარაკებოდნენ. თუ მოდიოდნენ, საერთოდ არაფერს არ მეუბნებოდნენ.

მე ისიც მიკვირს, რატომ არაფერი მითხრა მომხდარი ფაქტის შესახებ ყოფილმა რძალმა, მე ხომ  ჩემი ყოფილი მეუღლის მოწინააღმდეგედ ვითვლები?! თუ ჩემმა ყოფილმა ქმარმა ეს საშინელება ჩაიდინა, რატომ არ დამირეკა და მითხრა ამ ამბის გაგების მერე  - ეს რატომ გამიკეთა, რატომ გამაუბედურაო?! სანამ გაასაჩივრებდა, მე ხომ დარეკილი მქონდა, მაგრამ არ მიპასუხა. ან საერთოდ ეგ ამბავი რომ გაიგო, რამ გააჩერა? აბა წარმოიდგინეთ, ეგ ამბავი რომ ვიცოდე, ეგრევე გავიდოდი, ყველას დავურეკავდი, ყოფილ ქმარსაც და ბაბუასაც. როგორ გაძლო?! მაგან მთელი დღე შეინახა და მეორე დღეს დარეკა პირდაპირ პოლიციაში. რატომ არ გამცა პასუხი, თუნდაც რატომ არ მიმალანძღა?

- როგორ ფიქრობთ, რა მოტივით შეიძლება იგონებდეს თქვენი ყოფილი რძალი ამ ყველაფერს?

-როგორც დედა ამ კითხვას მეც ვერ ვპასუხობ,  არ ვიცი... მაგრამ მაგან ბევრი რამე მოიგონა, ქმარს პოლიციაშიც უჩივლა, ბავშვებიც მიიყვანა, უჩივლა რომ როდესაც ჩემი შვილი და მისი ცოლი ავსტრიაში იყვნენ წასულები, რძალი ბაბუას ბავშვებს არ ატანდა. მიიყვანა ბავშვები და უჩივლა, მიზეზად იძახდა, რომ რა უნდა გააკეთონ ბავშვებმა ბაბუასთანო, მეტი არაფერი ვიცი დეტალურად.

სასამართლომ მიანიჭა უფლება, რომ მამას შაბათ-კვირას წაეყვანა ბავშვები თავისთან, ეგეც მხოლოდ ბავშვების უფლებით, თუ სურვილი ექნებოდათ. მაგრამ ჩემი რძალი ისე აკეთებდა ყველაფერს, რომ მაგ დღეებშიც კი არ შესძლებოდა მამას ბავშვების წამოყვანა თავისთან. მაშინ უნდებოდა ბავშვების პიკნიკი და ყველაფერი, რაც ხელს შეუშლიდა. სულ ვეუბნებოდი რძალს, როცა იცი, რომ მამის დღეა, რატომ უკანონებ და უგეგმავ ბავშვებს სხვა რაღაცეებს-მეთქი? მაშინ არაფერი აღარ მითხრა. ასე ამწარებდა მამას, პაპას კი სულ არ ჰქონდა უფლება ბავშვების წამოყვანის.

-როგორ ფიქრობთ, ხომ არ ჰყავს თქვენს ყოფილ რძალს ვინმე, ვინც ამ საქმეში ზურგს გაუმაგრებს და დაეხმარება?!

- არ ვიცი, ვერ გეტყვით, რა ცხოვრებით ცხოვრობს, არ ვერევი. არც მისი ახლობელი ვიცი ვინმე, ვინც ასე დაიცავდა. არ მახსენდება ვინმე მისი ახლობელი თანამდებობაზე იყოს. არ მაინტერესებს მისი ცხოვრება, ჩემი საქმე არაა, ქმარი არ ჰყავს და შეიძლება ვინმე პატრონობს. არ ვიცი ნამდვილად ვინ ეხმარება მას. ძმა დაღუპული ჰყავს.

-რას ფიქრობთ, შეუძლია თქვენს შვილიშვილს, ეს ამბავი მოიგონოს ? გჯერათ თუ არა, რომ თქვენი ყოფილი ქმარი ამას აკეთებდა?

-99% მჯერა, რომ ჩემი ყოფილი მეუღლე ამის გამკეთებელი არ არის. დამალული იყოო, მოიგონეს, არადა, თბილისში იყო თავის შვილთან, არსად დამალულა. როცა ერთად ვიყავით, არ არსებობდა, ქალისთვის შეეხედა, ძალიან სხვანაირი კაცი იყო. ასეთი რაღაცები არ ახასიათებდა. მანდ ტერმინებია კიდევ, რაც მოვისმინე და საერთოდ არ ახასიათებს ეგეთი ტერმინებით ლაპარაკი.

-გამორიცხავთ, რომ თქვენს ყოფილ მეუღლეს ვიღაც განგებ აბრალებს ამ ამბავს?

-არ გამოვრიცხავ არც მაგ ვერსიას. ვალი არ ჰქონია, არც დაპირისპირება, როგორც ვიცი. თვითონ რძალს აქვს, ალბათ, რაღაც ინტერესი, ამას გამოძიება დაადგენს. შეიძლება ჩვენ სხვანაირი ურთიერთობა გვქონდა და ჩემი წასვლის შემდეგ დავშორდით, მაგრამ არ იყო ასეთი მექალთანე.  არაკაცი რომ იყოს და მექალთანე, შეიძლება, მაგრამ არ იყო და ტყუილს ვერ ვიტყვი.

- შეიძლება, რომ თქვენს რძალს ქონებრივი ინტერესი ჰქონდეს?

- შეიძლება, რა თქმა უნდა, ერთხელ ოქროს ყელსაბამზეც ჰქონდა მთელი სასამართლო ამბავი. შესაძლებლია, სხვა ინტერესიც იყოს -  ჩემი ქმრის სახელზეა პროდუქტის მაღაზია თბილისში, მანქანები. შეიძლება, ამის გამო სწამებენ ცილს - ჩემი ბიჭის სახელზე არაფერია, ყველაფერი მამამისის სახელზეა.

ავტორი სალომე ნოზაძე