დედაქალაქი

დედა🇬🇪ქალაქის საკრებულოს სხდომაზე, სხვა დასამტკიცებელ საკითხებთან ერთად:

თბილისის სხვადასხვა რაიონში არსებული - გეოგრაფიული ობიექტების, სახელდება განხორციელდა 📝

💁🏻‍♂️ ყურადღება მინდა შევაჩერო, იმ თანამედროვე გმირებზე, რომლებმაც - ადრეულ ასაკში, თავი შესწირეს სამშობლოს და 

📣,,საქართველო იყო მათი - საოცნებო სახელი,,

📍ფონიჭალაში, ცოტნე დადიანის  I შესახვევს, მასთან არსებულ უსახელო ქუჩას და ერთ ჩიხს აფხაზეთის ომში დაღუპული მებრძოლის 

⭐️ვალერი ჩიქოვანის სახელი მიენიჭა.

📍სამგორის რაიონში, გუმათჰესის ქუჩის მონაკვეთს აფხაზეთის ომში უგზო-უკვლოდ დაკარგული მებრძოლის 

⭐️ ზურაბ კვანტრიშვილის სახელი მიენიჭა.

📍 გლდანის რაიონში, ვლადიმერ ჯანჯღავას III შესახვევს, მასთან არსებულ ერთ ჩიხს და სამ გასასვლელს აფხაზეთის ომში დაღუპული მებრძოლის 

⭐️ომარ ფურცელაძის სახელი მიენიჭა.

ცოტა, რამ - ფოტოზე გამოსახული 📸ვაჟკაცის, ომარ ფურცელაძეს შესახებ: 

 დაიბადა 1971 წლის 25 აპრილს. დაამთავრა თბილისის 124-ე საშუალო სკოლა 🏫

გერმანიის დემოკრატიულ რესპუბლიკაში- მოიხადა🪖სამხედრო სავალდებულო სამსახური 

დაბრუნებისთანავე მუშაობა დაიწყო: თბილისის პოლიციის სამმართველოს- სისხლის სამართლის საგამოძიებო დეპარტამენტში და იმავე წელს ჩაირიცხა იურიდიულ ფაკულტეტზე 👇

1992 წლის 14 აგვისტოს „მძევლების გათავისუფლების“ მიზნით, დასავლეთ საქართველოში ჩატარებული სპეც🎯ოპერაციისას, აგუძერასთან მომხდარი შეტაკებისას, დაიღუპა ☝️

2️⃣1️⃣ წლის ომარი - იმ პირველ მანქანაში იმყოფებოდა, რომელსაც „აფხაზეთის პირობით საზღვართან“ სნაიპერებმა ცეცხლი გაუხსნეს: 

მან გადაარჩინა დაჭრილი თანამებრძოლი - მამუკა ლომიძე, ხოლო როდესაც მეორეს - პაატა ნათენაძის გადასარჩენად გარბოდა, სწორედ მაშინ წამოეწია - სნაიპერის ტყვია 💔

ომარ ფურცელაძე - აფხაზეთის ომის, პირველი მსხვერპლი გახლავთ ☦️

დაჯილდოებულია ორდენით 🎖️„მხედრული მამაცობისთვის“, მისი გვარი კი ამოტვიფრულია - გმირთა მოედანზე აღმართულ მემორიალზე

✊✊✊დიდება, სამშობლოს ტერიტორიული მთლიანობისთვის: 

ბრძოლაში დაღუპულ  გმირებს 🕯️

წყარო: ოთარ ჩრდილელი, პოლიტიკოსი

კოოპერატიული ბინათმშენებლობით დაზარალებულ კიდევ 60 ოჯახს დიდ დიღომში, არჩილ მეფის ქუჩის N23-ში საცხოვრებელი ფართები გადაეცა. აღნიშნულ მისამართზე სამშენებლო სამუშაოები კომპანია „ბადენი დეველოპმენტმა“ აწარმოვა.

ბინების სიმბოლური გასაღებები მოქალაქეებს დედაქალაქის მერმა კახა კალაძემ გადასცა და მათ ახალმოსახლეობა მიულოცა.

„დღეს 2026 წლის 24 თებერვალია. ეს თარიღი შეიძლება ბევრს არაფერს ეუბნება, მაგრამ ზუსტად ვიცი, რას ნიშნავს იგი იმ 26 თბილისელი ოჯახისთვის, ვისაც მამების, დედების, ბებია-ბაბუების მიერ ჩადებული ინვესტიცია დღეს საცხოვრებელი ბინების სახით უბრუნდება. გასული საუკუნის 80-90-იან წლებში დაწყებული პრობლემა, რომლის უკან კოოპერატიული ბინათმშენებლობით დაზარალებული ათასობით ოჯახი იდგა, ყველას გადაუჭრელი ეგონა. მახსოვს, მოსახლეობასთან პირველი შეხვედრა 2017 წლის საარჩევნო კამპანიის პერიოდში. ჩვენ მათ დავპირდით, რომ დავიწყებდით საკითხის შესწავლას და მოვძებნიდით გზებს, რათა მოგვეგვარებინა აღნიშნული პრობლემა, რომელიც რამდენიმე ათეულ წელს ითვლიდა“, - განაცხადა კახა კალაძემ.

მისივე თქმით, საცხოვრებელი ფართებით უკვე დაკმაყოფილებულია 2 500-ზე მეტი დაზარალებული, მიმდინარე წელს კიდევ 12 პროექტი დასრულდება, რომლის ფარგლებში დამატებით 575 ოჯახი დაკმაყოფილდება.

„დღევანდელი დღე განსაკუთრებულია არა მხოლოდ კოოპერატიული ბინათმშენებლობებით დაზარალებული ოჯახებისთვის, არამედ თბილისის მერიის თითოეული თანამშრომლისთვის, ვინც უშუალოდაა ჩართული ამ რთულ პროცესში. მინდა, ვისარგებლო შემთხვევით და მადლობა გადავუხადო ვიცე-მერს გიორგი ტყემალაძეს, ჩემს მოადგილეებს, მუნიციპალიტეტის თითოეულ თანამშრომელს, სამსახურს, რომელიც პირველივე დღიდან იყო ჩართული ამ რთული საკითხის მოგვარებაში. პირადად მე, ვარ ბედნიერი ადამიანი, რადგან ძალიან სასიამოვნოა, როდესაც გაკეთებული საქმეებით, გადადგმული ნაბიჯებით აბედნიერებ უამრავ ოჯახს.

მადლობა მინდა გადავუხადო კომპანია „ბადენი დეველოპმენტს“, რომელმაც სამშენებლო სამუშაოები ვადაზე ადრე, 2025 წლის ბოლოს დაასრულა. ასე იქცევა პასუხისმგებლობიანი კომპანია, რომელმაც იცის, რას ნიშნავს თითოეული წელი თუ თვე ამ ოჯახებისთვის. მთელი გულით ვულოცავ ახალმობინადრეებს. ვუსურვებ მათ ბედნიერ ცხოვრებას საკუთარ ჭერქვეშ, განვითარებას და წინსვლას. მიმდინარე წელს 12 პროექტი დასრულდება, რომლის ფარგლებში კიდევ 575 ოჯახი დაკმაყოფილდება“, - აღნიშნა თბილისის მერმა.

კოოპერატიული ბინათმშენებლობით დაზარალებული პირების საცხოვრებელი ფართებით დაკმაყოფილების პროცესი აქტიურად გრძელდება. დაზარალებული მოქალაქეების ფართებით დაკმაყოფილება 2017 წელს კახა კალაძის წინასაარჩევნო დაპირება იყო. პროგრამის განხორციელება 2018 წელს დაიწყო, რომლის მიზანი დაზარალებული მოსახლეობისთვის ალტერნატიული ფართების გადაცემაა.

დედაქალაქის მერთან ერთად ადგილზე ვიცე-მერი გიორგი ტყემალაძე, მერის მოადგილეები და ქონების მართვის სააგენტოს ხელმძღვანელი გიორგი კობიაშვილი იმყოფებოდნენ.

დედაქალაქის მერის კახა კალაძის განცხადებით, თბილისში პროექტები აქტიურად ხორციელდება და სამომავლოდაც არაერთი სამუშაოა დაგეგმილი. ამის შესახებ მან მედიის შეკითხვაზე პასუხად განაცხადა, რომელიც პარლამენტის ვიცე-სპიკერის სოზარ სუბარის მიერ გაკეთებულ განცხადებას ეხება.

მისი თქმით, კორუფციის ფაქტების არსებობის გამო, ქვეყნის მასშტაბით მუნიციპალიტეტებში პროექტები რომ შეჩერდა, ეს თბილისს არ ეხება.

“თქვენი აზრით, რამე შევაჩერეთ? ყოველდღე დადიხართ ჩემთან ერთად და ეცნობით სხვადასხვა პროექტს, მაგრამ არ აშუქებთ იმ სამუშაოებს, რასაც ჩვენ ვახორციელებთ, რადგან არ გაინტერესებთ. მაგალითად, დღეს სადაც ვართ, გლდანის მერვე მიკრორაიონში, რაიონული გამგეობა ასრულებს აღნიშნულ პროექტს. რამდენიმე დღის წინაც ვიყავით სხვა პროექტზე და ა.შ. შესაბამისად, თბილისთან დაკავშირებით მგონი კითხვები არ არსებობს. უამრავი რამე გაკეთდა ბოლო წლებში, უამრავი რამ კეთდება და სამომავლოდაც ბევრი მნიშვნელოვანი პროექტი გვაქვს დაგეგმილი”, - აღნიშნა კახა კალაძემ.

დედაქალაქი 10-11 თებერვალს „წყლის მომავლის პირველ საერთაშორისო ფორუმს“ მასპინძლობს. ღონისძიებას თბილისის მერი კახა კალაძე პრემიერ-მინისტრ ირაკლი კობახიძესთან ერთად დაესწრო და ფორუმის მონაწილეებს სიტყვით მიმართა.

კახა კალაძემ ყურადღება გაამახვილა სასმელი წყლის მნიშვნელობაზე და ამ მხრივ დედაქალაქში არსებულ გამოწვევებზე, ასევე, იმ განხორციელებულ პროექტებზე, რომელთაც მუნიციპალიტეტი ბოლო წლების განმავლობაში წყლისა და წყალარინების ქსელების გაუმჯობესების თვალსაზრისით ახორციელებს.

მისივე განცხადებით, საქართველო ერთ-ერთი ყველაზე წყალუხვი ქვეყანაა თავისი განსაკუთრებული მდებარეობის, მრავალფეროვანი ლანდშაფტის გამო და, სასმელი წყლის სექტორის განვითარების პარალელურად, აქვს შესაძლებლობა, იყოს წამყვანი ენერგოიმპორტიორი ქვეყანა.

„სამწუხაროდ, საქართველოში სასმელი წყლის სექტორი ძირეულ ცვლილებებს და მასშტაბურ ინვესტიციებს საჭიროებს. 2017 წელს, როდესაც ქალაქის ხელისუფლებაში მოვედით, ამ მხრივ საკმაოდ მძიმე მემკვიდრეობა დაგვხვდა და არსებობდა უამრავი პრობლემა. სწორედ ამიტომ ყველა ინფრასტრუქტურულ პროექტს, რომელსაც მუნიციპალიტეტის მთავრობა ახორციელებს, იწყებს, პირველ რიგში, მწყობრიდან გამოსული მიწისქვეშა კომუნიკაციების შეცვლით, წყლისა და წყალარინების ქსელების მოწესრიგებით, რაც, როგორც მოგეხსენებათ, სამუშაოების ვადებსა და ღირებულებას ზრდის. ეს ყველაფერი მოსახლეობაში გარკვეულ დისკომფორტს იწვევს, თუმცა გამომდინარე იქიდან, რომ თითოეულმა შესრულებულმა სამუშაომ უნდა გაუძლოს ათეულობით წელს, გვიწევს 24-საათიანი დაუღალავი შრომა“, – განაცხადა კახა კალაძემ.

მისი თქმით, ბოლო წლებში დედაქალაქში არაერთ ქუჩასა და გამზირზე გამოიცვალა წყლისა და წყალარინების ცენტრალური ქსელები, სხვადასხვა დასახლებაში უკვე აშენდა ან იგეგმება ცენტრალური კოლექტორების მშენებლობა; მსგავსი ტიპის სამუშაოები ინტენსიურად მიმდინარეობს საცხოვრებელ კორპუსებშიც.

„ჩვენ, ქვეყნის მასშტაბით, როგორც მუნიციპალიტეტების, ისე წყლის მომწოდებელი კერძო კომპანიების დონეზე, საკმაოდ ბევრი გვაქვს სამუშაო, ამაში კი თქვენი, მაღალი სტანდარტების მქონე ოპერატორების ჩართულობისა და საუკეთესო პრაქტიკების გაზიარების იმედი გვაქვს. თბილისის მუნიციპალიტეტი საკუთარი შესაძლებლობების ფარგლებში კვლავაც გააგრძელებს ისეთი პროექტების მხარდაჭერასა და განხორციელებას, რაც მოსახლეობისთვის კომფორტული გარემოსა და ღირსეული საცხოვრებელი პირობების შექმნას შეუწყობს ხელს“, – აღნიშნა დედაქალაქის მერმა და ღონისძიების მონაწილეებს მადლობა გადაუხადა.

წყლის მომავლის საერთაშორისო ფორუმი კომპანია „ჯორჯიან უოთერ ენდ ფაუერის“ (GWP) ორგანიზებით იმართება. ღონისძიების მხარდამჭერია საერთაშორისო კომპანია „აქუალია“, რომელიც GWP-ის 100%-იანი წილის მფლობელი გახდა და, ევროპის, ლათინური ამერიკის, ახლო აღმოსავლეთის ქვეყნებთან ერთად, ამერიკის შეერთებულ შტატებსა და იაპონიაში ოპერირებს.

ფორუმის მონაწილეები ეროვნულ და რეგიონულ კონტექსტში სასმელი წყლის სექტორის განვითარებისთვის სამომავლო ნაბიჯებზე, ასევე, ქვეყნის მდგრადი განვითარების მიმართულებით წყლის სექტორის მნიშვნელობაზე იმსჯელებენ. გარდა ამისა, ყურადღება გამახვილდება ინფრასტრუქტურის გარდაქმნის საჭიროებაზე, საინვესტიციო პოლიტიკაზე, სასმელი წყლის ხელმისაწვდომობასა და ევროპული გამოცდილების გაზიარებაზე.

ღონისძიებას საქართველოს მთავრობის, მარეგულირებელი და კერძო კომპანიების, ასევე, საერთაშორისო ფინანსური ინსტიტუტების წარმომადგენლები ესწრებიან.

ფორუმის ფარგლებში დედაქალაქს „აქუალიის“ აღმასრულებელი დირექტორი სანტიაგო ლაფუენტე პერეს ლუკასი, ამავე კომპანიის რეგიონული დირექტორი ხოსე ენრიკე ბოფილი და ფინანსური დირექტორი ისიდორო მარბან ფერნანდესი ეწვივნენ, რომლებმაც დედაქალაქის მერთან გაცნობითი ხასიათის შეხვედრაც გამართეს.

ინფორმაციას თბილისის მერიის პრესსამსახური ავრცელებს.

საახალწლო განათებების დემონტაჟის გამო ქეთევან დედოფლის გამზირზე 25 იანვარს, 00:00-დან 06:00 საათამდე ავტომობილების გადაადგილება შეიზღუდება. ამის შესახებ ინფორმაციას თბილისის მერია ავრცელებს.

დედაქალაქის მერიის ცნობით, კერძოდ, საავტომობილო მოძრაობის შეზღუდვა ავლაბრის მოედნიდან ლეხ კაჩინსკის ქუჩის კვეთამდე არსებულ საგზაო მონაკვეთში იმოქმედებს.

„სატრანსპორტო საშუალებები გადაადგილებას შეძლებენ ირბახის, წურწუმიას, ზურაბაშვილისა და კაჩინსკის ქუჩების საშუალებით. კაჩინსკის ქუჩიდან საავტომობილო მოძრაობა შესაძლებელი იქნება, როგორც ბოჭორმის ქუჩის, ისე ქეთევან დედოფლის გამზირის მიმართულებით (მარცხნივ მოხვევით).

გარდა ამისა, ავტომობილების მძღოლები იმოძრავებენ თელავის ქუჩიდან ბოჭორმის ქუჩის, ასევე იალბუზის ქუჩიდან მტკვრის მარცხენა სანაპიროს მიმართულებით“, – ნათქვამია მერიის ინფორმაციაში.