Recent Podcasts

ბათუმმა ძალოსნობის ევროპის ჩემპიონატს უმასპინძლა. საქართველოს ძალოსანთა ნაკრებმა ჩემპიონატზე ასპარეზობა რვა მედლით დაასრულა; აქედან ორი ოქროს, ორი ვერცხლისა და ოთხი ბრინჯაოს მედალია.

გოდერძი ბენდელიძემ (60 კგ) ატაცში 125 კგ დაძლია და ოქროს მედალი მოიპოვა, ზურაბ მსხალაძემ (88 კგ) კი აკვრაში მოიპოვა ოქროს მედალი, მან 200 კგ დაძლია; ორჭიდის ჯამში კი 363 ქულით ვერცხლის მედალი მოიპოვა.

ატაცში ევროპის ვიცე-ჩემპიონი გახდა საქართველოს სახელით მოასპარეზე ანასტასია გოტფრიდი (+86 კგ), მან ატაცში 118 კგ დაძლია, ორჭიდის ჯამში მოგროვებული 262 კილოგრამით კი ბრინჯაოს მედალი მოიპოვა.

ატაცში ბრინჯაოს მედალს დასჯერდა რამინ შამილიშვილი (60 კგ), მან 122 კილოგრამი დაძლია. ატაცში ბრინჯაოს მედალოსანი გახდა მანუჩარ გოგოხიაც (88 კგ), მან 166 კგ დაძლია.

აკვრაში ბრინჯაოს პრიზიორი გახდა არჩილ მალაყმაძე (79 კგ), მან 183 კილოგრამი დაძლია.

ტურნირში 45 ქვეყნის 350 ძალოსანი მონაწილეობდა.

საქართველომ ძალოსნობის ევროპის ჩემპიონატს მესამედ უმასპინძლა, ბათუმმა კი - მეორედ. ჩემპიონატი პირველად 2015 წელს ჩატარდა თბილისში, 2019 წელს კი - ბათუმში.

ბათუმში მიმდინარე ძალოსანთა ევროპის ჩემპიონატის ბოლო საშეჯიბრო დღეს, ქალთა შორის 86 კილოგრამ წონით კატეგორიაში, საქართველოს ნაკრების ორი წევრი, მარიამ მურღვლიანი და ანასტასია ჰოტფრიდი გამოვიდა.

ჰოტფრიდმა ატაცში მოპოვებული ვერცხლის მედლის შემდეგ, აკვრაში 144 კილოგრამი ასწია და ორჭიდის ჯამში (262 კგ.) ბრინჯაოს მედალს დაეუფლა.

მურღვლიანმა ატაცში 108 კგ, აკვრაში კი 130 კგ. დაძლია და საბოლოოდ მეცხრე ადგილი დაიკავა.

ევროპის ჩემპიონი კი დიდი ბრიტანეთის წარმომადგენელი, ემილი კემპბელი გახდა.

გივი მაჭარაშვილი თავისუფალ ჭიდაობაში ტირანაში მიმდინარე ევროპის ჩემპიონატის ბრინჯაოს პრიზიორია.

ქართველმა მოჭიდავემ 97კგ წონითი კატეგორიის მესამე ადგილისთვის შეხვედრაში უნგრელი რიჩარდ ვეგიდაამარცხა.

წარმატებული გამოდგა ქართველი ძალოსნების გამოსვლა ევროპის ძალოსანთა ჩემპიონატის მეოთხე დღეს. ჩვენმა სპორტსმენებმა სამივე სინჯის მედალი მოიპოვეს.

88 კგ. წონით კატეგორიაში, ატაცში ბრინჯაოს მედალი მოიპოვა მანუჩარ გოგოხიამ (166 კგ ასწია). აკვრაში ოქროს მედალი დაიმსახურა ზურაბ მსხალაძემ (200 კგ), თუმცა ორჭიდის ჯამში მეორე ადგილი დაიკავა (363 კგ).

ევროპის ჩემპიონი მოლდოველი მარინ რობუ გახდა (373 კგ, ორჭიდის ჯამში).

ლეგენდარულმა ქართველმა ფეხბურთელმა თემურ ქეცბაიამ ქვეყნის ყველაზე ტიტულიან კლუბ “დინამო თბილისთან” 2-წლიანი კონტრაქტი გააფორმა და თბილისური გუნდის სათავეში 2028 წლამდე იმუშავებს.

58 წლის სპეციალისტი, რომელიც უკანასკნელად კვიპროსულ “ანორთოსისს” წვრთნიდა მთავარი მწვრთნელის პოსტზე ვლადიმერ კაკაშვილს შეცვლის.

ლეგენდარულ ქართველთან ერთად სამწვრთნელო შტაბში სოსო ჭედია და გელა ინალიშვილი იმუშავებენ.

თემურ ქეცბაია საქართველოს ყველაზე ტიტულიანი კლუბის (“დინამო თბილისი”, მოგვიანებით “იბერია”) ღირსებას, როგორც ფეხბურთელი, 1987-1992 წლებში იცავდა და მისი მაისურით ჩატარებულ 104 მატჩში 23 გოლი გაიტანა, სამჯერ ქვეყნის ჩემპიონი გახდა (1990 და 1991 წლებში) და საქართველოს თასი მოიგო (1992).

ამრიგად, ქეცბაია “დინამო თბილისში” 34-წლიანი პაუზის შემდეგ დაბრუნდა.