საფრანგეთში მშრომელთა საერთაშორისო დღესთან დაკავშირებით აქციები მიმდინარეობს. მოქალაქეები დასაქმებულთათვის უკეთეს სამუშაო პირობებს ითხოვენ.

საფრანგეთის დედაქალაქ პარიზში აქცია პოლიციასთან დაპირისპირებაში გადაიზარდა. როგორც მედია წერს, რამდენიმე შეტაკება მოხდა აქციის მონაწილეებსა და სამართალდამცველებს შორის.

მედიის ცნობით, პოლიციამ აქციის მონაწილეების წინააღმდეგ ცრემლსადენი გაზი გამოიყენა, ასევე რამდენიმე პირი ძალის გამოყენებით ტერიტორიიდან გაიყვანა.

ერთ-ერთი პროფკავშირის ცნობით, საფრანგეთში მშრომელთა საერთაშორისო დღისადმი მიძღვნილ აქციებს 300 000-ზე მეტი ადამიანი შეუერთდა, მათ შორის 100 000 პარიზში.