სამართალი - ვერსია - ვერსია http://www.versia.ge Sat, 18 Jan 2020 02:24:41 +0400 Joomla! - Open Source Content Management en-gb რამდენი „კანონიერი ქურდი“ მოკლეს ღორის წელში და ვინ არის მსოფლიოში ყველაზე მდიდარი „კრიმინალური ავტორიტეტი“ http://www.versia.ge/2013-07-31-11-23-46/item/6510-რამდენი-„კანონიერი-ქურდი“-მოკლეს-ღორის-წელში-და-ვინ-არის-მსოფლიოში-ყველაზე-მდიდარი-„კრიმინალური-ავტორიტეტი“.html http://www.versia.ge/2013-07-31-11-23-46/item/6510-რამდენი-„კანონიერი-ქურდი“-მოკლეს-ღორის-წელში-და-ვინ-არის-მსოფლიოში-ყველაზე-მდიდარი-„კრიმინალური-ავტორიტეტი“.html

2019 წლის კრიმინალური სკანდალები

თამამად შეიძლება ითქვას, რომ 2019 წელი კრიმინალური სამყაროსთვის ზედმეტად ცუდი აღმოჩნდა. უფრო თუ დავკონკრეტდებით, სწორედ 2019 წელს, საბოლოოდ დაიწყო „კანონიერი ქურდების“ კასტის განადგურება და ის სავარაუდოდ, ძალიან მალე, წარმატებით დასრულდება. იმაზე, რომ „კანონიერი ქურდის“ ინსტიტუტი დაძველდა და მას მომავალი აღარ აქვს, შარშანაც საუბრობდნენ, შარშანწინაც და იმის წინაც, მაგრამ ახლა „კანონიერი ქურდების“ დევნა საქართველოს გარდა, სხვა ქვეყნებმაც დაიწყეს და საქმეს ისეთი პირი უჩანს, ეს პროცესი არ გაჩერდება.

საქართველოში, 223-ე მუხლის მიღების შემდეგ, „კანონიერი ქურდობა“ დასჯადი გახდა. მაშინ, უფლებადამცველებმა აღნიშნული კანონი გააპროტესტეს, აქაოდა, მსოფლიოში ანალოგი არ აქვს და ამიტომ, არაკონსტიტუციურიაო, თუმცა ხელისუფლებამ (წინა ხელისუფლებამ) არაფერი შეცვალა და ამ მუხლით, არაერთ „კანონიერ ქურდს“ მოახდევინა სასჯელი. 

როცა კრიმინალური სამყაროს მამები მიხვდნენ, რომ საქართველოში არ ინდობდნენ, ნავთსაყუდელი პოსტსაბჭოთა სივრცის სხვადასხვა ქვეყანაში დაიდეს, ყველაზე მეტი კრიმინალი კი რუსეთის ფედერაციის ტერიტორიაზე დაფუძნდა. 

როგორც რუსული მედია იუწყება, საქართველოში ამ კანონის მიღებიდან, დაახლოებით, ერთ წელიწადში, მათ ქვეყანაში, საცხოვრებლად 300-ზე მეტი ქურდი გადავიდა, რამაც კრიმინოგენური სტატისტიკა კატასტროფულად გაზარდა ანუ 145-მილიონიანი ქვეყნისთვისაც კი, „კანონიერი ქურდების“ ეს ოდენობა ბევრი აღმოჩნდა. ჰოდა, ამ მიგრაციას ლოგიკური გაგრძელება მოჰყვა და ვლადიმირ პუტინის ინიციატივით, რუსეთის დუმამ მიიღო კანონი, რომლითაც „კანონიერი ქურდობა“ იქაც დასჯადი გახდა. 

რუსეთის პრეზიდენტის მიერ წლის დასაწყისში ნათქვამი სიტყვები, 2020 წლის 1 იანვარს, რუსეთის ტერიტორიაზე „კანონიერი ქურდები“ ან არ იქნებიან, ან თუ იქნებიან, მხოლოდ გისოსებს მიღმაო, ბოლომდე ვერ შესრულდა, მაგრამ მიმდინარე პროცესების გათვალისწინებით, შეგვიძლია თამამად ვთქვათ, რომ მომავალ წელს, აუცილებლად შესრულდება. 

რუსეთში „კანონიერ ქურდებზე“ ნამდვილი ნადირობის სეზონია გამოცხადებული, ბევრი დაიჭირეს, ბევრმა სხვა ქვეყანაში გაქცევა შეძლო, ბევრი კი იმალება და ცდილობს, იატაკქვეშიდან აკონტროლოს სიტუაცია. 

რუსეთიდან მიგრირებული ქურდების უმრავლესობამ უკრაინას მიაშურა და ვოლოდიმირ ზელენსკიმაც არ დააყოვნა _ უკრაინის დუმამ უკვე მიიღო კანონი, რომელიც ქართული სს კოდექსის 223-ე მუხლის ანალოგია და „კანონიერი ქურდობა“ იქაც დასჯადი გახდა. 

უკრაინული მედიის ცნობით, „ნადირობის სეზონი“ უკვე გახსნილია, თუმცა მთელი სერიოზულობით უკრაინელი სამართალდამცავები საქმეს მომავალი წლიდან მოეკიდებიან. ეს კი იმას ნიშნავს, რომ „კანონიერ ქურდებს“ უკრაინიდანაც მოუწევთ წასვლა და მათი უმეტესობა ნავთსაყუდელად, ალბათ, თურქეთს განიხილავს. 

თურქეთის ხელისუფლება აღნიშნული კანონის მიღებაზე ჯერ არაფერს ამბობს, მაგრამ ქვეყნის პრეზიდენტი ცდილობს, კრიმინალებისთვის მიცემული თავშესაფრის სანაცვლოდ, სარგებელი მიიღოს და ამიტომ, ყველამ, ვისაც ჩვენს მეზობლად მშვიდი ცხოვრება სურს, თურქეთის ეკონომიკაში ინვესტიციის სახით, მინიმუმ, 2 მილიონი დოლარი უნდა ჩადოს. 

ეს თანხა კი ყველა „კანონიერ ქურდს“ ნამდვილად არ აქვს და დიდი ალბათობით, მათ ან ქვეყნის დატოვება მოუწევთ, ან უბრალოდ, დაიჭერენ და გაადეპორტებენ. 

ანალოგიურ კანონზე უკვე დაიწყო მუშაობა ესპანეთმა, საფრანგეთმა, საბერძნეთმა და იტალიამ. სერიოზული ეჭვი გვაქვს, მათ სხვა ქვეყნებიც მიბაძავენ, რაც იმის მანიშნებელი იქნება, რომ ყველა ქურდი მუდმივად ან ძებნაში იქნება, ან ციხეში, სხვა ვარიანტი, უბრალოდ, აღარ რჩება. ამიტომ ვამბობთ, რომ როგორც ინსტიტუტი, „კანონიერი ქურდობა“, ბოლო დღეებს თუ არა, თვეებს ნამდვილად ითვლის. 

* * * 

წლის მოვლენა კრიმინალურ სამყაროში, ტარიელ ონიანის ციხიდან გამოსვლა უნდა გამხდარიყო. ყველაზე გავლენიანმა „კანონიერმა ქურდმა“ 9-წლიანი სასჯელი მოიხადა და თავისუფლებასთან ერთად, სხვა ქვეყანაში დეპორტსაც ელოდა. მისი დეპორტი კი მოხდა, მაგრამ არა ისე, როგორც ონიანს ჰქონდა დაგეგმილი. რუსეთის ფედერაცია ესპანურმა მხარემ დააჯერა, რომ ტარიელი მისთვის გადაეცა და ასეც მოხდა. ახლა ონიანი ესპანურ ციხეშია, სადაც დაუსწრებლად ჰქონდა მისჯილი 10 წელი და 35 მილიონი ევრო ჯარიმა. 

მისმა ადვოკატებმა განაჩენი გაასაჩივრეს და ვნახოთ, პროცესები როგორ წარიმართება. 

ესპანეთში ამ სფეროს ექსპერტები დარწმუნებულნი არიან, რომ ადვოკატების ნებისმიერი მცდელობა კრახით დასრულდება და ონიანს არავინ გაათავისუფლებს. 

* * * 

2019 წელი გამორჩეული არაერთი „კანონიერი ქურდის“ მკვლელობითაც იყო. ყველაზე საინტერესო კი ის გახლავთ, რომ ორ ათეულზე მეტი მოკლული „კანონიერი ქურდიდან“, სამართალდამცავთა ტყვიას... ერთიც არ ემსხვერპლა და ისინი თავისიანებმა დახოცეს. 

სულ ბოლო მკვლელობა სოხუმში მოხდა, სადაც რესტორანში, ორი აფხაზი ქურდი ჩაცხრილეს და მათი მკვლელობის საქმეზე ჯერჯერობით დაკავებული არავინაა, თუმცა თავად კრიმინალურ სამყაროშიც კი ამბობენ, რომ ამ მკვლელობასთან, სამართალდამცავები კავშირში არ არიან და ქურდები თავისიანებმა სფეროების გადანაწილების გამო გაწირეს. 

იგივე შეიძლება ითქვას სომხეთში, ერევანში მოკლულ ქურდზეც (სხვათა შორის, ერევანში „კანონიერი ქურდი“ პირველად, სწორედ 2019 წელს მოკლეს) და რუსეთში ჩაცხრილულებზეც ანუ სამართალდამცავები ყველგან „სუფთები“ არიან. 

* * * 

სხვათა შორის, დიდი იყო იმის ალბათობა, რომ 2019 წელს, „ფორბსის“ მილიარდერთა სიაში, „კანონიერი ქურდი“ პირველად მოხვედრილიყო. საუბარია საქართველოში დაბადებულ ნადირ სალიფოვზე (იგივე „გულუ“), რომელმაც აზერბაიჯანის ციხეს თავი, ლამის 20-წლიანი ტყვეობის შემდეგ დააღწია და არასრულ ორ წელიწადში, ასეულობით მილიონი დოლარი იშოვა. 

სპეციალისტები ვარაუდობენ, რომ სალიფოვი პირველი მილიარდერი „კანონიერი ქურდია“ და დღეს თავისუფლებაზე მყოფ კოლეგებს შორის, ყველაზე გავლენიანიც. ის ამჟამად დუბაიში ცხოვრობს, ქვეყნიდან არ გადის და თუ ვინმეს მასთან რაიმე საქმე აქვს, ყველას, სწორედ დუბაიში ეპატიჟება, მაგრამ ქურდები იქ ჩასვლას ერიდებიან. 

საქმე ისაა,რომ „კოლეგებთან“ რამდენიმე შეხვედრა მათი ცემით დასრულდა და არავის სურს, სალიფოვის გარემოცვის მუშტის ძალა იწვნიოს. 

* * * 

რაც შეეხება ქართულ კრიმინალს, მიმდინარე წელი მძიმე დანაშაულებით აშკარად გამორჩეული იყო. არასრულწლოვანთა მკვლელობით დაწყებული, შვილების თვალწინ ყელგამოჭრილი დედით გაგრძელებული და არასრულწლოვანთა პორნოგრაფიისთვის დაკავებული მშობლებით დასრულებული. 

ზოგადად, არასრულწლოვანთა პრობლემა ძალიან, ძალიან მწვავედ დგას და სახელმწიფო დონეზე მისახედია. ის, რომ ამ ასაკის ბავშვებს შორის კრიმინალი გაზრდილია, იქიდანაც ჩანს, რომ განსაკუთრებით დედაქალაქში, გაქურდული მაღაზიების აბსოლუტური უმრავლესობა, სწორედ იმ ასაკის ბავშვებზე მოდის, რომლებსაც კანონი ვერ სჯის. 

უფრო მეტიც, კანონის არარსებობის გამო, იდენტიფიცირებული არასრულწლოვნები მეორე და მესამე დღეს, ახალ დანაშაულს სჩადიან და პოლიცია ამ შემთხვევაშიც უძლურია. 

იუსტიციის სამინისტრო შესაბამის კანონპოროექტზე კი მუშაობს, მაგრამ... ასე მუშაობდნენ შარშანაც, შარშანწინაც... ჯერჯერობით, ამ კანონს დღის სინათლე არ უნახავს და დროზე თუ არ ნახავს, შესაძლოა, ახალი თაობა კატასტროფამდე მივიდეს. 

სამწუხაროდ, საქართველოში კვლავ დიდია სუიციდის მცდელობები. ხშირ შემთხვევაში, ყველაფერი ეს, ფინანსურ პრობლემებს უკავშირდება, რაც გასაკვირი არ არის. 

ოფიციალური მონაცემებით, აზარტული თამაშების ბრუნვა საქართველოს ბიუჯეტზე მეტი ანუ 15 მილიარდი იყო და ეს თანხა მთლიანად მოსახლეობისგან გავიდა. იმის გათვალისწინებით, რომ ინტერნეტ კაზინოები, თუ ზოგადად კაზინოები, ლამის 70%-იან მოგებაზე მუშაობენ. ადვილი მისახვედრია, რომ ამ 15 მილიარდიდან, მათ ჯიბეში, მინიმუმ, 10 მილიარდი წავიდა ანუ საქართველოს მოსახლეობა 109 მილიარდით უფრო გაღარიბდა და ვინც გამოსავალი ვერ ნახა, გადაწყვიტა, პრობლემა სუიციდის გზით მოეგვარებინა, რაც არასდროს ყოფილა გამოსავალი და არც არასდროს იქნება. 

* * * 

სხვა, აბა, რა გითხრათ? ასე ამბობენ, კრიმინალი რომ არ იყოს ამ ქვეყნად, ცხოვრება უაზრობა იქნებოდაო, მაგრამ გვერწმუნეთ, იმ უაზრობაში აჯობებს ცხოვრება, ვიდრე აზრიან კრიმინალში.

ბათო ჯაფარიძე

]]>
versiaprinti@yahoo.com (super admin) სამართალი Wed, 25 Dec 2019 12:46:40 +0400
კრიმინალთა საახალწლო „პრიკლუჩენიები“ http://www.versia.ge/2013-07-31-11-23-46/item/6509-კრიმინალთა-საახალწლო-„პრიკლუჩენიები“.html http://www.versia.ge/2013-07-31-11-23-46/item/6509-კრიმინალთა-საახალწლო-„პრიკლუჩენიები“.html

როგორ აღმოჩნდა 31 დეკემბერს რეზო ციხეში ცოლის კაპრიზების გამო და რატომ გაუტეხა ქვით თავი ახალი წლის ღამეს ბაკურმა უცნობ მამაკაცს

ძნელია, როცა პატიმრებზე გიწევს წერა. ძნელია იმიტომ, რომ იცი მათი ყოფა, იცი, რას გრძნობენ გისოსებს მიღმა და ისიც იცი, რომ იქ გატარებული ყოველი წუთი ჯოჯოხეთია ნებისმიერისთვის. რა თქმა უნდა, არიან პატიმრები, რომლებიც ჩადენილს არ ნანობენ და არიან ისეთებიც, რომლებიც ძალიან წუხან მომხდარის გამო, თუმცა ბედის ბორბალი სასჯელაღსრულების დაწესებულებაში ორივეს ერთნაირად ატრიალებს.

კარგი ის გახლავთ, რომ პატიმრების სიკვდილიანობაა შემცირებული და მათ შესაბამისი სამედიცინო დახმარება გაუუმჯობესდათ. 

ის, თუ როგორ ხვდებიან ახალ წელს პატიმრები ციხეში, წინა წელს უკვე მოგიყევით. ახლა კი იმ პატიმრებზე გიამბობთ, რომლებიც გისოსებს მიღმა... ახალი წლის ღამეს აღმოჩდნენ, ზოგი ნებსით, ზოგი კი _ უნებლიედ. 

მამუკა კ-ს, მთელი „ზონა“ „სანტას“ ეძახდა. ადვილი მისახვედრი იყო, რომ ეს მეტსახელი სანტა კლაუსიდან მოდიოდა, მაგრამ მამუკას არც თეთრი წვერი ჰქონდა, არც წითელი ფორმა ეცვა და ზოგადად, სანტა კლაუსს არაფრით ჰგავდა, თუმცა... 

„ის ფილმი ხომ გაქვს ნანახი, ხუთი სანტა კლაუსი, ახალი წლის ღამეს, კაზინოში რომ შედის და ძარცვავს? მერე, ერთმანეთს რომ ხოცავენ, რა, მაგარი ნაშა თამაშობს მანდ, ქერა თმიანი. ჰოდა, ახალი წლის ღამეს მეც გადავწყვიტე, სანტა ვყოფილიყავი და ფული მეც მეშოვა. 

ფორმა ვიყიდე, გამოვეწყვე და წინასწარ შეგულებულ „ბაითებს“ ჩამოვუარე. პირველ ჯერზე, კარი ადვილად გამიღეს, შევედი, დავაძრე იარაღი და იმის მიუხედავად, რომ იქ მყოფ 5 წლის ბავშვს, ყველაფერი ეს, სანტას საახალწლო წარმოდგენა ეგონა და თამაში დამიწყო, ოქროული მაინც წამოვიღე. აქ მქონდა ყველაზე მაგარი გათვლა _ პოლიცია აუცილებლად დაიწყებდა გადაცმული სანტას ძებნას, ტაქსებს ააწიოკებდა, ვინ მიიყვანა სახლამდე და ა.შ. ამიტომ, მე მეორე ბაითისკენ წავედი ანუ ისევ საქმეზე წავედი და გიჟები უნდა ყოფილიყვნენ, რომ ეფიქრათ, სხვა საქმეზე წავაო. 

კარი ისევ მარტივად გამიღეს და რომ შევედი, ოჯახის უფროსი ფანჯრიდან მაშხალას ისროდა. გავაძრე ჩემი ნაგანი, ხელები მაღლა-მეთქი და შემობრუნდა ის ჩემი ცოდვით სავსე, მომიშვირა მოკიდებული მაშხალა და პირდაპირ სახეში დამიმიზნა. სანამ აზრზე მოვიდოდი, ჯერ ცეცხლის ერთი ბურთულა მომხვდა, მერე _ მეორე, მესამე და... წამეკიდა წვერზე ცეცხლი. 

დავაგდე ნაგანი, მოვიძრე ნიღაბი და თვალებიდან რომ გამოვიხედე, ჩემი ნაგანი ოჯახის უფროსს მაშხალის ნაცვლად ეჭირა ხელში. რაღაცის თქმა დავაპირე და სავარაუდოდ, 12 საათზე გახსნილი შამპანურის ბოთლი ჩამარტყა ვიღაცამ უკნიდან. გავითიშე და რომ მოვსულიერდი, პირველი, რაც დავინახე, მომღიმარი პოლიციელი იყო, გადარჩა ჩვენი სანტაო, სიხარულით რომ ამცნო საზოგადოებას. 

სანტას ფორმაში მიმიყვანეს „კაპეზეზე“ და კიდევ კარგი, სასამართლოზეც სანტას ფორმაში არ გავედი _ ჩემებმა შემომიგზავნეს მანამდე სპორტულები. სახე ცოტა დამწვარი მქონდა, წამწამები და წარბები შეტრუსული, თვალებს ძლივს ვახელდი. მოსამართლემ ღიმილით შემიფარდა 2-თვიანი, მერე ისევ ღიმილით მომისაჯა 8 წელი ყაჩაღობისთვის და „ზონაზე“ კიდევ მეტი რა უნდათ, შემარქვეს „სანტა“, _ ღიმილით ყვებოდა ხოლმე მამუკა. 

ბაკურს არც უყაჩაღია, არც იარაღით ურბენია, მაგრამ ციხეში მაინც ახალ წელს მოხვდა. გაგიკვირდებათ და, მიზეზი ისევ სანტა კლაუსი იყო. 

„ბავშვებმა შემჭამეს, გინდა თუ არა, ახალ წელს ჩვენთან სანტა უნდა მოვიდეს და საჩუქრები იმან მოგვიტანოსო. არ მქონდა სანტას გამოსაძახებელი ფული, ამიტომ, 20 ლარად ვიყიდე ფორმა და ვიფიქრე, მე ჩავიცვამ, შევალ, დავურიგებ საჩუქრებს და მერე გამოვიცვლი-მეთქი. 

ტანსაცმელი გარაჟში დავმალე და 12-ს 20 წუთი რომ დააკლდა, მოვიმიზეზე, შამპანურის ყიდვა დამავიწყდა, მაღაზიაში გავალ, მანამდე თუ სანტა მოვიდეს, უთხარით, დამელოდოს-მეთქი. 

ჩამოვედი გარაჟში, გამოვიცვალე და სადარბაზომდე არმისულს, ფეხებთან მომიჩერა ვიღაც ტიპმა მანქანა. გადმოვიდა კაი ნასვამი კაცი და მეუბნება, ძლივს არ გნახე, წამოდი, ჩემს ბავშვებთან უნდა წავიდეთო. 

მე ვარკეთილში ვცხოვრობ, ის კიდევ _ თემქაზე, ზღვით გადმოვედიო და ხომ წარმოგიდგენიათ, რა დამემართებოდა. უარი ვუთხარი, ავუხსენი, რაც ხდებოდა, რომ პროფესიონალი სანტა არ ვიყავი და იმან კიდევ გაჭედა, არა უშავს, ას ლარს გადაგიხდიო. რომ ვერაფერი გავაგებინე, ჩავიქნიე ხელი და სადარბაზოში შესვლა დავაპირე. 

ამ დროს მეცა, ქუდი და წვერი მომაძრო და მეუბნება, ვერსად წახვალ, ჯერ ჩემს შვილებთან უნდა მივიდეთო. ქუდისა და წვერის გარეშე, სახლში ასვლას აზრი არ ჰქონდა, მაშინვე მიცნობდნენ ბავშვები და მთელი სიურპრიზიც წყალში ჩამეყრებოდა. დავიწყეთ ჭიდაობა და ვატყობ, მერევა, ავდექი და ქვა ჩავარტყი თავში. ალბათ, მაგრად მომივიდა, ერთი „ვაიო“ დაიძახა და გაიშხლართა. 

ვერ მოვასულიერე, ჩავაგდე თავის მანქანაში და წავიყვანე საავადმყოფოში. იქ, როგორც ხდება ხოლმე, ექიმებმა პოლიციაში დარეკეს და პატრულს სულ დეტალებში მოვუყევი, რა და როგორ მოხდა. ისინი „გაგებით“ მოეკიდნენ ჩემს მონაყოლს, სხეულის განზრახ მძმე დაზიანება შემიფარდეს და მოსამართლემაც ორი წელი არ დამამადლა. 

ახლა ბავშვებმა ნაღდად იციან, რომ სანტა არ არსებობს, მაგრამ მერჩივნა, არ სცოდნოდათ და გარეთ ვყოფილიყავი“, _ ხელის აქნევით ამთავრებდა ბაკურა თავის ისტორიას. 

ყველაზე საინტერესო მაინც რეზოს მონაყოლი იყო, რომელიც საახალწლო სუფრიდან, გორის წინასწარი დაკავების იზოლატორში მოხვდა. 

რატომ გორში? 

იმიტომ, რომ თბილისის იზოლატორებში ადგილი, უბრალოდ, არ იყო. 

„პეკინზე ახალი მაღაზია გახსნეს, სადაც ქალის ჩანთები იყიდებოდა. ცოლმა შემჭამა, გინდა თუ არა, ერთი ჩანთა მიყიდეო, მანახა კიდეც. 120 ლარი ღირდა და დავპირდი, გიყიდი-მეთქი. ჰოდა, ახალი წლის ღამეს ვაპირებდი ყიდვას. მივედი ასე, 6 საათისთვის და დაკეტილი დამხვდა. ავტეხე ერთი ამბავი, რას ქვია, დაკეტილია-მეთქი და გვერდით მაღაზიაში შევედი, სადაც მეპატრონის ტელეფონი მომცეს. დავურეკე და იმან კიდევ გამიპროტესტა, რუსთავში ვცხოვრობ, სახლში ვარ უკვე, ახალი წელია და მეც ადამიანი ვარო. 

მოკლედ, ვერ დავკერე, არ ჩამოვალო, მითხრა და მაგით დახურა თემა. 

სხვა მაღაზიები დავიარე, მაგრამ რად გინდა, იმ ჩანთასთან მიახლოებულიც კი ვერაფერი ვიშოვე. წავედი სახლში, ავუხსენი ცოლს, რაც მოხდა და იმან კიდევ ქოთქოთი დაიწყო, შენ სულ ასე გემართება, აბა, რა გეგონაო და კიდევ ათასი ქალური სისულელე. 

ჰოდა, დავჯექი და დალევა დავიწყე, ცოლი არ ჩერდებოდა და მეც არ ვჩერდებოდი. ერთი სული მქონდა, გავთიშულიყავი და დამეძინა. არც მე მოვრჩი და არც _ ის. ბოლოს, როგორც იქნა, დაწვა და სწორედ მაშინ „გამეხსნა“ გონება. ავიღე დიდი ჩაქუჩი, ჩავედი იმ მაღაზიასთან, ვიტრინა ჩავამტვრიე, გამოვიტანე ის ჩანთა, რომელიც უნდოდა და წამოვედი. 

ლოგინთან დავუდე ჩანთა, დავწექი და დავიძინე. დილით პოლიციამ გამაღვიძა და ხელბორკილებით განყოფილებაში წამიყვანა. დაკითხვა რომ დაიწყეს, მეუბნებიან, დანარჩენი ჩანთები რა უყავიო? არაფერი მახსოვდა, არც ის მახსოვდა, რამდენი ჩანთა წამოვიღე და ვიდეოკამერების ჩანაწერები დამიდეს. საბედნიეროდ, იქ გამოჩნდა,რომ მხოლოდ ერთი ჩანთა მიმაქვს, დანარჩენი კი ვისაც არ დაეზარა, ყველამ აიღო, გამვლელმა და გამომვლელმა. მეეზოვემაც კი წაიღო ორი ცალი. 

დამკითხეს და გორში გამაქანეს, შენნაირი ნიჭიერი დღეს ბევრი იყო და თბილისის „კაპეზეებში“ ადგილი აღარ გვაქვსო. 

სასამართლოზე რომ გამიყვანეს და ყველაფერი გულახდილად მოვყევი, მოსამართლემ ბევრი იცინა, მერე მითხრა, აი, ამიტომ არ მომყავს ცოლიო, ვიტრინის შუშის ღირებულების ანაზღაურება დამაკისრა და ზედაც 4 წელი მომარჭო. ზის ახლა ჩემი ცოლი სახლში ჩანთისა და ქმრის გარეშე“, _ ღიმილით ყვებოდა რეზო. 

* * * 

ახალ წელს, პატიმართა უდიდესი ნაწილი კიდევ ერთი რამის გამო ელოდება მოუთმენლად _ როგორც წესი, ამ დღეს პრეზიდენტი შეწყალების აქტს გამოსცემს და შინაგანად ყველას სჯერა, რომ პრეზიდენტი სწორედ მას შეიწყალებს. 

ნამდვილად ვერ გეტყვით, რამდენს აჩუქებს სალომე ზურაბიშვილი თავისუფლებას, თუმცა ეჭვი მაქვს, მის მიერ გამოცემული ბოლო შეწყალების აქტიდან გამომდინარე, მძიმე დანაშაულისთვის გასამართლებულები, შეწყალების ახალ აქტში აღარ მოხვდებიან.

პატიმარი #0578

]]>
versiaprinti@yahoo.com (super admin) სამართალი Wed, 25 Dec 2019 12:46:37 +0400
„დაკეტილში ჰაერი გენატრება.... ჩაგაგდებენ „კარცერში“, ჩაყვანისას გცემენ, ამოყვანისას ისვ გცემენ...“ http://www.versia.ge/2013-07-31-11-23-46/item/6508-„დაკეტილში-ჰაერი-გენატრება-ჩაგაგდებენ-„კარცერში“,-ჩაყვანისას-გცემენ,-ამოყვანისას-ისვ-გცემენ-“.html http://www.versia.ge/2013-07-31-11-23-46/item/6508-„დაკეტილში-ჰაერი-გენატრება-ჩაგაგდებენ-„კარცერში“,-ჩაყვანისას-გცემენ,-ამოყვანისას-ისვ-გცემენ-“.html

რითი განსხვავდება ნაციონალებისდროინდელი „კრიტი“ დღევანდელისგან

ციხეში ადამიანი არ ხვდება სანატორიუმში. იქ ადამიანები (უმრავლეს შემთხვევაში) დანაშაულის ჩადენის გამო ხვდებიან, არ არის სასათბურე პირობები და არსებობს მკაცრი წესები, რომელსაც უნდა დაემორჩილო. პარალელურად, როცა ადამიანი რუსთავის მეექვსე დაწესებულებაში ხვდება, ეს იმას ნიშნავს, რომ ადმინისტრაციამ ჩათვალა, აღნიშნული პიროვნება საშიშია და ამიტომ, მკაცრი რეჟიმის კოლონიაში ათავსებს.

რუსთავის #6 დაწესებულება ანუ ე.წ. ,,კრიტი'', სწორედ ასეთი პატიმრებისთვისაა განკუთვნილი. ის, რომ ,,კრიტში'' მოხვედრილი პატიმარი ყოველ დღე არ გაჰყავთ სასეირნოდ, ნორმალურია, რამეთუ ,,კრიტის'' წესების მიხედვით, პატიმარს კვირაში ერთხელ ეკუთვნის ერთსაათიანი ,,პრაგულკა''. 

კვირაზე ოდნავ მეტია გასული, რაც გლდანის ციხიდან გამოსულ პატიმარს შევხვდი, რომელმაც ,,კარანტინიც გაიარა'', ,,კარანტინის დაშლაც'', გლდანის ციხეც და პირობითით გათავისუფლდა. 

,,კარანტინში როგორც ადრე, ახლაც ორი ნარი დგას ანუ ოთხი საწოლია, ორი ზემოთ, ორიც _ ქვემოთ. შვიდი კაცი ვიყავით (ნაციონალების დროს, კარანტინის #5 საკანში რომ შემიშვეს, 32-ე გახლდით) და ძილის პრობლემა არ იყო. დღეში თითო კაცს უფილტრო სიგარეტს გვირიგებდნენ (იმ დროს სიგარეტი შემთხვევით რომ შეგეტანა და მოგეწია, ცემაში სულს გხდიდნენ), გვაძლევდნენ ტუალეტის ქაღალდს (მაშინ ტუალეტის ქაღალდს არ გვაძლევდნენ, ,,მაიკებით'' გვიწევდა ფონს გასვლა). რაც შეეხება დაშლას, ჩვეულებრივად, გამოგვიყვანეს და გადაგვანაწილეს საკნებში. ხელი არავისთვის დაურტყამთ'', _ მითხრა გლდანის ციხიდან გამოსულმა პატიმარმა. 

აღარ გავაგრძელებ, რა ხდებოდა წინა ხელისუფლების დროს გლდანის ციხეში და მხოლოდ იმას გიამბობთ, რა ხდებოდა ,,კრიტში'' ანუ დახურულ ზონაში, საიდანაც პატიმრები იშვიათად, მაგრამ მაინც გადმოჰყავდათ ხოლმე ნახევრად დახურულ დაწესებულებაში და იქაურ ამბებს მათგან ვიგებდით. 

,,ეტაპი მოვიდა, ,,კრიტიდან'' ექვსი კაცია'', _ ,,მაყურებლების'' ოთახში პატიმარი შემოვიდა და ახალი ამბავი მოიტანა. 

მაყურებლები მაშინვე წამოიშალნენ. ჯერ ერთი, ეტაპს ისინი ანაწილებდნენ და წყვეტდნენ, ვინ საით უნდა წასულიყო და მეორეც, ,,კრიტიდან'' აუცილებლად იქნებოდა ისეთი პატიმარი, რომელიც უშუალოდ ,,მაყურებლების'' საკანში დაიდებდა ბინას. 

 

,,კრიტის'' ექვსეული განცალკევებით იდგა და ზედ ეტყობოდა, რომ დახურული ,,ზონიდან'' იყო _ გამხდრები, ქაღალდივით თეთრები და მკაცრი სახეებით. 

,,ვახ, ეს გოგა არ არის?! აუ, ,,დაუბრედიათ'' ტიპი'', _ ჩაილაპარაკა ,,მაყურებელმა'', ერთ-ერთ პატიმართან მივიდა და გადაეხვია. 

გოგამ გაიღიმა, ,,კამერაში'' ადგილი გაქვთო, ჩუმად იკითხა და როცა თანხმობა მიიღო, მძიმედ დაიძრა ,,მაყურებლების კამერისკენ''. 

,,ვინ არის?'' _ ჰკითხა პატიმარმა #0578-მა ერთ-ერთ ძველ კოლეგას. 

,,გოგაა... გამიკვირდა, აქ რომ დააბრუნეს. ორი წლის წინ წაიყვანეს აქედან, ,,ზონის'' მაყურებელი იყო. სულ გაჭაღარავებულა, დაბერებულა. არადა, 30-ისაც არ იქნება ჯერ'', _ დანანებით ჩაილაპარაკა პატიმარმა. 

,,ვინ არ იქნება 30-ის?! ის მოხუცი კაცი?!'' _ ლამის იყვირა #0578-მა. 

,,ჰო, ეგ მოხუცი კაცი ,,მალალეტკებიდან'' მოვიდა აქ, მერე ,,სროკი'' დაუმატეს და იმის მერე ,,გაკრიტეს''. როგორც წესი, ,,გაკრიტულებს'' იგივე ,,ზონაზე'' არ აბრუნებენ, რაღაც მოხდა, ალბათ'', _ ჩაილაპარაკა პატიმარმა. 

#0578-მა მაშინვე ,,მაყურებლების'' კამერისკენ გასწია და არც ის გამოეპარა, რომ ,,კრიტიდან'' მოტანილი ბოხჩა, რომელიც გოგას ფეხებთან ედო, რიგითმა პატიმარმა წააცუნცულა ,,მაყურებლების'' ,,კამერისკენ''. 

მაყურებლების საკანში მისულ #0578-ს საინტერესო სურათი დახვდა _ ერთი ,,მაყურებელი'' ჩაის ადუღებდა, მეორე _ ლოგინს უმზადებდა ახალმოსულს, მესამე გარეცხილ, სუფთა ტანსაცმელს სთავაზობდა. ამ ფაცი-ფუცზე #0578-ს გაეღიმა და ეს ღიმილი გოგამ შენიშნა, მერე სხვებს მიხედა და ,,უცხოზე'' ანიშნა, ვინ არისო და როცა უთხრეს, ჩვენი ძმააო, თავადაც გაიღიმა. 

რამდენიმე დღის შემდეგ, გოგა, სხვა პატიმრებივით, ,,ხოდზე'' მოვიდა, ფეხბურთიც კი ითამაშა, ჭაღარა რომ არა, ასაკი დიდად აღარც ეტყობოდა და არც ისეთი უჟმური ჩანდა, როგორც პირველ დღეს. 

,,ახალგაზრდავ, ცუდი ყოფაქცევის გამო შეიძლება, ისევ ,,გაგკრიტონ'', _ მიაძახა ერთ დღესაც #0578-მა, როცა ფეხბურთის თამაშის დროს, გოგამ სხვა პატიმარს ე.წ. ,,პადკატი'' გაუკეთა. 

,,აი, ჩემი ნება რომ იყოს, მართლა ,,გაგკრიტავდი'' და ნერვებს ნაკლებად მომიშლიდი'', _ გაეღიმა გოგას და თამაშის დასრულების შემდეგ, თავად მივიდა #0578-ის საკანში. 

,,შენზე ამბობენ, კარგი ჩაი აქვსო, ,,სვაბოდისო'' და არ დამპატიჟებ?!'' _ გაუღიმა და ნარზე ჩამოჯდა. 

,,სხვას არაფერს ამბობენ ჩემზე?'', _ თვალი ჩაუკრა #0578-მა და ჩაის მოდუღებას შეუდგა. 

,,ჰო, ვიცი, მითხრეს... ისტორიებს აგროვებსო, წიგნის დაწერა უნდაო... მაგარი მოცლილი ხარ, რა... ან რა გეწიგნება, ან ამდენ ,,სირს'' როგორ უსმენ? უეჭველი ვიცი, ნახევარზე მეტი ტყუილს მოგიყვებოდა, ,,იბლატავებდა'', ასეთი ვარ, ისეთი ვარო... ჰა, რამდენმა გითხრა, ჩემს ისტორიას ნამდვილი სახელი და გვარი მიაწერეო?!'' _ გადაიხარხარა გოგამ. 

,,ეგ მართლა ბევრმა მითხრა, მაგრამ მასეთების დაწერას არც ვაპირებ. შენ ის მითხარი, ვიღაც ჩაჩხალია, თუ ჩარჩხალია რატო დაშტირე?!'' _ სერიოზულად ჰკითხა #0578-მა. 

,,მომზადებული ყოფილხარ... რატომ და, ,,მალალეტკებშივე'' მითხრეს, შენ არასრულწლოვნობის გამო მოგცეს მხოლოდ რვა წელი, მეტი ვერ მოგისაჯეს და ამიტომ, ,,ვზროსლების'' ,,ზონაზე'' დაგიმატებენო. ზუსტად ვიცოდი, რომ დამიმატებდნენ, რაღაც ,,სირულ'' მიზეზს მოიგონებდნენ, ,,შემტენიდნენ''. ამიტომ, ერთი არაკაცი ,,გაიჩითა'' და შტირი ,,ვთხარე'', თან საქმე გავაკეთე, თან დავამშვიდე, მიზეზი აღარ დასჭირდათ. დამიმატეს ექვსი წელი და ვარ ასე. სადაც მივდივარ, არ მიჭირს, არც ,,შპონკა'' მაქვს საძებარი და არც _ სიგარეტი'', _ გაიღიმა გოგამ. 

,,და ,,კრიტში'' რა ხდება? საინტერესოა?!'' 

,,არაფერი. ხარ დაკეტილში, ჰაერი გენატრება. მერე გაჭედავ და ჩაგაგდებენ ,,კარცერში''. ჩაყვანისას გცემენ, ამოყვანისას ისვ გცემენ. მიღებაზე მცემეს, გამოშვებაზე მცემეს, აქ მიღებაზეც მცემეს. ,,ზონაა'', რა, რა შეუძლიათ მეტი ამათ?!'' _ ხელი აიქნია გოგამ. 

 

,,იცი, რა მაინტერესებს? _ 15 წლის იყავი, რომ დაგიჭირეს და სრულად თუ მოიხადე, აქედან 29 წლის გახვალ. ღირდა ყველაფერი ეს ამად?!'' _ ჩუმად ჰკითხა #0578-მა. 

,,არ ვფიქრობ მაგაზე. არც იმაზე ვფიქრობ, რომ ახალგაზრდობის საუკეთესო წლებს აქ გავატარებ. რაც არის, ეს არის. სანამ დამიჭერდნენ, უცხო ქალაქში მინდოდა ცხოვრება, ვფიქრობდი, სადმე ისეთ ადგილზე წავალ, არავინ რომ არ მიცნოს-მეთქი. ეს ოცნება ამიხდება, რომ გავალ _ არ დავბრუნდები მასივში, სადმე სხვა უბანში ვიცხოვრებ და ძველი მეგობრები ვერც მიცნობენ, ახლებს ეს ძველი გოგა არ ეცოდინებათ. ის კი არა და, სარკეში რომ ვიხედები, ასე მგონია, მე არ ვარ. გავიტან აქედან ქურდულ გამოცდილებას, რომელსაც გარეთ ვერაფერში გამოვიყენებ და ვეცდები, რამე დავაბიზნესო. ჯერ არ ვიცი, რა, მაგრამ გარეთ გამოჩნდება'', _ თქვა გოგამ. 

* * * 

გოგა ჯ. ციხიდან მას შემდეგ გათავისუფლდა, რაც შეკრებითობის პრინციპი მოიხსნა და საყოველთაო ამნისტიით, სასჯელის ერთი მეოთხედი ყველა პატიმარს შეუმცირდა. გათავისუფლების შემდეგ ის სამშობლოში ძალოვნებმა არ გააჩერეს, აიძულეს ევროპაში წასულიყო და ახლა... 8-წლიან სასჯელს საბერძნეთის ციხეში იხდის.

პატიმარი #0578

]]>
versiaprinti@yahoo.com (super admin) სამართალი Wed, 25 Dec 2019 12:46:34 +0400
საფრანგეთის ციხეში ქართველი „კანონიერი ქურდი“ კახა შუშანაშვილი სიკვდილს ებრძვის! http://www.versia.ge/2013-07-31-11-23-46/item/6496-საფრანგეთის-ციხეში-ქართველი-„კანონიერი-ქურდი“-კახა-შუშანაშვილი-სიკვდილს-ებრძვის.html http://www.versia.ge/2013-07-31-11-23-46/item/6496-საფრანგეთის-ციხეში-ქართველი-„კანონიერი-ქურდი“-კახა-შუშანაშვილი-სიკვდილს-ებრძვის.html

„ფეხზე აწუხებს თრომბი, ორივე ხელის ატროფია და ყელთანაც სიმსივნური წანაზარდი აქვს“, _ ოჯახი საქართველოს ხელისუფლებას მიმართავს და პატიმრის ექსტრადირებას ითხოვს

ევროპაში მყოფ ქართველ, ე.წ. კანონიერ ქურდებზე არაერთხელ დაგვიწერია. ისიც არაერთხელ გვითქვამს, რომ ე.წ. კანონიერი ქურდის სტატუსი, სამართებელივით პოსტსაბჭოთა სივრცეში ჭრის, თორემ ევროპულ ციხეებში, ამ სტატუსს ნაკლებ ყურადღებას აქცევენ. თუმცა იმავე ევროპულ ციხეებში, ქართველთა სიმრავლის შედეგად, „კანონიერი ქურდები“ მაინც პრივილეგირებულად გრძნობენ თავს.

დაახლოებით, ერთი თვის წინ, იმ პატიმრის მონაყოლი აღვწერეთ, რომელიც სასჯელს პარიზის ციხეში იხდიდა. მაშინ მან თქვა, რომ მიუხედავად პარიზისა, სიტუაცია აუტანელი იყო, როგორც საკვების, ისე ჰიგიენის მხრივ. ჰოდა, ახლა ირკვევა, რომ აუტანელი მდგომარეობა არამარტო პარიზულ ციხეებშია და პრობლემა, ზოგადად, საფრანგეთის სასჯელაღსრულების დაწესებულებაშია. 

„კახა შუშანაშვილს ქირურგიული ოპერაცია სჭირდება, რაც დასტურდება სამედიცინო დოკუმენტაციით. მსგავსი დამოკიდებულება აჩენს საფუძვლიან ეჭვს, მის მიმართ დისკრიმინაციული მოპყრობის შესახებ. მოვუწოდებ საქართველოს სახელმწიფოს, დაიცვას მისი მოქალაქის უფლებები და როგორც პაციენტს, მიეცეს ხარისხიანი სამედიცინო მომსახურეობის მიღების უფლება. 

კახა შუშანაშვილი ამჟამად იმყოფება საფრანგეთში, კერძოდ, მარსელის საპატიმროში. მას განზრახ არ უწევენ სამედიცინო დახმარებას, სავარაუდოდ, მისი სტატუსიდან გამომდინარე. 

ფეხზე აწუხებს თრომბი, ორივე ხელის ატროფია და ასევე, ყელთანაც სიმსივნური წანაზარდი აქვს. მოკლედ, ძალიან მძიმე მდგომარეობაშია და ბევრი პრობლემაა, რაზეც არანაირი რეაგირება არ ხდება. 

იქაური სამართალდამცავები არ უტარებენ შესაბამის შემოწმებას. უტარდება სამედიცინო გამოკვლევები, თუმცა საბუთებს აყალბებენ და დასკვნაში იწერება, რომ ოპერაცია არ სჭირდება. 

ჩვენ გვაქვს ყველანაირი საბუთი საფრანგეთიდან დამოწმებული და ადვოკატებსაც აქვთ ყველაფერი ეს, როგორც აქ, საქართველოში, ისე _ საფრანგეთში. 

სხვა გზა არ არის და ვითხოვთ საქართველოში ექსტრადირებას, ყველანაირ საშუალებას მივმართეთ საფრანგეთში, ყველგან გავასაჩივრეთ. ასევე, საქართველოში საელჩოსაც მივმართეთ, მაგრამ არანაირი რეაგირება არ მოჰყვა ყველაფერ ამას. 

საფრანგეთში, მე პირადად, ჩავდივარ და ვნახულობ მამაჩემს, ვარ უშუალოდ მომსწრე იმ ყველაფრის, თუ როგორ მდგომარეობაშია და ამ ყველაფრის ფოტო და ვიდეომასალაც არსებობს. ოჯახისა და მათი მეგობრების მოთხოვნა და თხოვნაა, რომ სახელმწიფომ გამოიჩინოს სწრაფი და ადეკვატური რეაგირება და დაიცვას მისი უფლებები“, _ ეს განცხადება სოციალურ ქსელში, ე.წ. კანონიერი ქურდის შვილმა, თათია შუშანაშვილმა გამოაქვეყნა. 

* * * 

კახა შუშანაშვილს, ასევე, ე.წ. კანონიერი ქურდის სტატუსის მქონე, ვლადიმერ ჯანაშიას მკვლელობას ედავებიან. პრინციპში, კი არ ედავებიან, საფრანგეთის სასამართლომ, მას ამ დანაშაულისთვის 30-წლიანი პატიმრობა მიუსაჯა და ისიც ვთქვათ, რომ შუშანაშვილი, რიგით მეექვსე, ყველაზე საშიშ პატიმრად ითვლება და ამიტომ, სრულ იზოლაციაში ჰყავთ. 

სხვათა შორის, საფრანგეთში მცხოვრები ქართველები არ მალავენ, რომ კახას მდგომარეობა ძალიან მძიმეა. ბევრი მცდელობის მიუხედავად, ვერც ოფიციალურ და ვერც არაოფიციალურ დონეზე ვერ მოხერხდა ის, რომ შუშანაშვილი უკეთეს პირობებში გადაეყვანათ, ვერც მისი საოპერაციოდ მომზადება მოხერხდა და შეიძლება ითქვას, ფრანგულ სისტემას ის, უბრალოდ, განწირული ჰყავს. 

ვერ გეტყვით, რამდენად ჩაერევა ქართული მხარე ყველაფერ ამაში, მაგრამ ოჯახის შეშფოთება და შიში უსაფუძვლო ნამდვილად არ არის და თუ სიტუაციას დროზე არ ეშველა, სასიკეთო პროგნოზის გაკეთება ძალიან ძნელი იქნება. 

„საუბარი არ გვაქვს, რა სტატუსი აქვს, თუ არ აქვს ამ პიროვნებას. საუბარია იმაზე, რომ საქართველოს მოქალაქე მარსელის ციხეში უპატრონოდ, არაადამიანურ პირობებშია. ის იზოლირებულია ყველასა და ყველაფრისგან, მას არ აქვს კომუნიკაციის შესაძლებლობა, არ აქვს უფლება, შეხვდეს სხვა პატიმრებს. კახას სასიცოცხლოდ სჭირდება, როგორც ქირურგიული ჩარევა, ისე მაღალი დონის სამედიცინო მკურნალობა, რის შესაძლებლობასაც, უბრალოდ, არ აძლევენ. ჩვენ ყველაფერი ვცადეთ _ არარეალური თანხებიც კი დავუსახელეთ გარკვეულ ადამიანებს მხოლოდ იმიტომ, რომ გავეგო, რას უპირებენ რეალურად შუშანაშვილს. საიმედო პასუხები არ არის, მას, უბრალოდ, არ ეხმარებიან და როგორც ჩანს, ეს არის ხელისუფლების პოზიცია და არა _ კონკრეტულად ციხის დირექტორის გადაწყვეტილება. 

თუ ქართული მხარე არ ჩაერევა, ის, უბრალოდ, განწირული ჰყავთ“, _ გვეუბნება საფრანგეთში მცხოვრები ქართველი. 

აღნიშნული ინფორმაცია სხვებმაც დაგვიდასტურეს და ისიც თქვეს, რომ რიგითი ადამიანები ვერაფრის შეცვლას ვერ ახერხებენ. რაც მთავარია, მათი ინფორმაციით, ქართული მხარე ღიად დახმარებაზე თავს იკავებს სწორედ იმის გამო, რომ თურმე, კახა შუშანაშვილი „კანონიერი ქურდია“. 

სხვათა შორის, კახას ძმამ, ლაშა შუშანაშვილმა, ამ სტატუსის გამო, რამდენიმე გამოცემას უჩივლა კიდეც და ზოგადად, ტერმინი, „კანონიერი ქურდი“, არცთუ აქტუალურია, როგორც ადრე იყო და არც თავად კონკრეტული პიროვნებები ამბობენ ტელეკამერების წინ, ქურდი ვარო. 

რეალურად რომ ვისმჯელოთ, ქართულ მხარეს თავისუფლად შეუძლია შუშანაშვილის ექსტრადიცია მოითხოვოს. საფუძველი მარტივია _ ქართულ მხარეს შეუძლია თქვას, რომ შუშანაშვილი „კანონიერი ქურდის“ სტატუსის გამო იძებნება, თუ იდევნება და აქაური კანონმდებლობით გაასამართლოს, მაგრამ კიდევ ვიმეორებთ, რომ წინასაარჩევნოდ, ამ დონის ავტორიტეტისთვის ანგარიშის გაწევას ხელისუფლება არ და ვერ გაბედავს, რადგან ამას ოპოზიცია არ აპატიებს. 

ეს რაც შეეხება პოლიტიკას, თორემ სასწორზე საქართველოს მოქალაქის სიცოცხლე დევს, რომელიც სხვა ქვეყანამ სასიკდვილოდ გაწირა და მერე რა, რომ ეს ქვეყანა საფრანგეთია. 

„კახას რიგით მეექვსე, ყველაზე საშიში და ყველაზე კონტროლირებადი პატიმრის სტატუსი აქვს მინიჭებული. როგორ გგონიათ, ვინ არის წინა ხუთი? ისინი ტერორიზმში ეჭვმიტანილები, ათობით ადამიანის მკვლელები არიან, ისეთები, რომლებსაც ციხიდან არასოდეს გამოუშვებენ და სამწუხაროდ, მათ რანგში გადის შუშანაშვილიც. რეალურად კი, ის სასჯელს რიგით პატიმრებთან ერთად უნდა იხდიდეს და ხომ ყველამ ვიცით, რომ იმ დონეზე საშიში ნამდვილად არაა, რა სტატუსიც აქვს. 

ქართული მხარე ვალდებულია, ამ საქმეში ჩაერიოს და ექსტრადიცია თუ არა, საქართველოს მოქალაქისთვის აუცილებელი სამედიცინო დახმარების გაწევა მაინც მოითხოვოს“, _ გვეუბნება საფრანგეთში მცხოვრები ქართველი. 

ჩვენ თუ გვკითხავთ, არ აქვს მნიშვნელობა, ვის რა სტატუსი აქვს, მთავარი ადამიანის სიცოცხლეა. თუ შუშანაშვილს დანაშაული დაუმტკიცეს და არცთუ პატარა სასჯელი მიუსაჯეს, კეთლი ინებონ და დაკისრებული სასჯელის მოხდის შესაძლებლობა ადამიანურ პირობებში მისცენ. სხვა შემთხვევაში, ეს პირდაპირ იქნება სახელმწიფოს მიერ განხორციელებული მკვლელობა, რომელსაც გამართლება არ აქვს! 

ცნობისთვის: თითქმის ანალოგიურ დღეშია, თურქეთის ციხეში მყოფი მინდია გორაძე (იგივე, ლავას ოღლი), რომელსაც ასევე, სამედიცინო დახმარება სჭირდება და ვერ იღებს. პრინციპში, გორაძის მდგომარეობას ისიც ამძიმებს, რომ მას წელიწადზე მეტი ხნის პატიმრობის შემდეგაც კი, ბრალი არ აქვს წაყენებული ანუ ის, უბრალოდ, დაჭერილი ჰყავთ და მორჩა, არ ეუბნებიან, რისთვის და რატომ დაიჭირეს. 

გასაგებია, რომ სახელმწიფო „კანონიერ ქურდებს“ ებრძვის, ისიც გასაგებია, რომ მათ ქვეყნიდან დევნის, მაგრამ კიდევ ვიმეორებთ: სიცოცხლის უფლება აქვს ყველას და ხელისუფლება ვალდებულია, საკუთარი ქვეყნის მოქალაქეებზე საფრანგეთსა და თურქეთში კი არა, ანტარქტიდაზეც იზრუნოს. 

P.S. 22 ნოემბერს, სოხუმში, ორი „კანონიერი ქურდის“ _ ასტამურ შამბასა და ალხაზ ავიძბას მკვლელობის საქმე, სეპარატისტული რეჟიმის ძალოვნებმა გახსნილად გამოაცხადეს. მათი თქმით, აღნიშნული მკვლელობა ტყვარჩელში დაბადებულმა, ამჟამად სოხუმში მცხოვრებმა, 40 წლის ვინმე ერიკ იურის ძე ჭკადუამ განახორციელა. მასზე ძებნაა გამოცხადებული და ისიც ვთქვათ, რომ 22 ნოემბერს, სოხუმში მდებარე რესტორან „სან რემოში“, „კანონიერ ქურდებთან“ ერთად, მიმტანი, დომინიკა აკიტაროვაც გარდაიცვალა და მკვლელობა სამმა ნიღბიანმა განახორციელა.

ბათო ჯაფარიძე

]]>
versiaprinti@yahoo.com (super admin) სამართალი Wed, 18 Dec 2019 12:47:32 +0400
ვისთან შეთანხმებით და როგორ ინიშნებიან „ზონაზე“ „მაყურებლები“ http://www.versia.ge/2013-07-31-11-23-46/item/6495-ვისთან-შეთანხმებით-და-როგორ-ინიშნებიან-„ზონაზე“-„მაყურებლები“.html http://www.versia.ge/2013-07-31-11-23-46/item/6495-ვისთან-შეთანხმებით-და-როგორ-ინიშნებიან-„ზონაზე“-„მაყურებლები“.html

ლომჯარიას უარი წულუკიანს _ სახალხო დამცველი იუსტიციის მინისტრს ციხეში არ გაჰყვა!

საქართველოში ასე ხდება ხოლმე _ სახალხო დამცველი, დანიშვნის შემდეგ, აქტიურად იწყებს მუშაობას და, დაახლოებით, ერთ წელიწადში აღმოაჩენს, რომ თურმე, სასჯელაღსრულების დაწესებულებებში „მაყურებლები“ არსებობენ. შემდეგ იწყება ამ პრობლემაზე საუბარი, მიდის კონსულტაციები, ატეხენ ხმაურს და ის ადამიანები, რომელთაც წარმოდგენა არ აქვთ, რა ხდება რეალურად გისოსებს მიღმა, პანიკაში ვარდებიან და ჰგონიათ, რომ საქართველოში, დღე-დღეზე, „კანონიერი ქურდების“ ხანა და გავლენები ბრუნდება. ყველაზე ადეკვატური ამ მიმართულებით, სასჯელაღსრულების სამინისტროს ბოლო ხელმძღვანელი, კახი კახიშვილი იყო, რომელმაც პირდაპირ განაცხადა, „მაყურებლები“ სასჯელაღსრულების დაწესებულებებში არსებობდნენ, არსებობენ და ამ ეტაპზე, არ გვაქვს მექანიზმი, რომლის მიხედვითაც, მათ გაქრობას მოვახერხებთო.

ეს იყო სიმართლესთან ყველაზე ახლოს მდგომი კი არა, ყველაზე გულწრფელი განცხადება, რომელიც სამწუხაროდ, თუ საბედნიეროდ, სრული სიმართლეა. სანამ იმ დეტალებს აგიხსნით, რატომ არის „მაყურებელი“ დღესაც ციხეში, რატომ ვერ მოევლება ამ პრობლემას, თუ არ მოხდება კონკრეტული მიმართულებით ნაბიჯების გადადგმა, სახალხო დამცველის, ნინო ლომჯარიას „აღმოჩენას“ გაგაცნობთ: 

„სავარაუდოდ, ეს არ არის ის კლასიკური შემთხვევა, რასაც ქურდების მიერ, ციხის მართვა ჰქვია. თუმცა შეგვიძლია ჩავთვალოთ, რომ ისინი არიან ერთგვარი მაყურებლები, ან არაფორმალური გავლენის მქონე პირები, რომლებსაც ეს ლეგიტიმაცია ციხეში აქვთ, სწორედ ციხის ადმინისტრაციასთან და არიან ადამიანები, რომლებიც პატიმრებს ეუბნებიან, რომ ისინი მოუგვარებენ პრობლემებს, რომ მათ არ უნდა იჩივლონ სხვადადხვა საკითხებთან დაკავშირებით. რეალურად, ისინი აგვარებენ ციხეში არსებულ სხვადასხვა პრობლემებს. ამის დასტურია ისიც, რომ ჩვენთან საუბარიც, ხშირად ხდება მათი თანდასწრებით და შეიმჩნევა ის, რომ ეს ადამიანები ერევიან ფაქტობრივად, პატიმრების ყველა გადაწყვეტილებაში და აკონტროლებენ მათ საუბრებს, ქმედებებსა, თუ კომუნიკაციას გარე სამყაროსთან“, _ განაცხადა ნინო ლომჯარიამ 

ამის შემდეგ, არცთუ ადეკვატური რეაქცია ჰქონდა თეა წულუკიანს, მინისტრს, რომლის დაქვემდებარებაშიც, დეპარტამენტის სახით გადავიდა სასჯელაღსრულების სისტემა. ქალბატონმა თეამ სახალხო დამცველს სასჯელაღსრულების დაწესებულებებში ერთად შესვლა შესთავაზა და დაჰპირდა, რომ ყველაფერს დეტალებში დაათვალიერებინებდა და დაარწმუნებდა, რომ ციხეებში ეს პრობლემა არ არსებობს. პირდაპირ ვთქვათ, რომ ეს არის ტყუილი ანუ ის, რომ სასჯელაღსრულების დაწესებულებებში მაყურებლები არსებობენ, დაგიდასტურებთ ციხის ნებისმიერი თანამშრომელი და არამარტო დაგიდასტურებთ, სახელებით და გვარებით გეტყვით, რომელი პატიმარია „ზონის“ მაყურებელი, რომელი უყურებს კორპუსს, დიდ თუ პატარა საერთოს, ტელეფონებს, წამლებს და ა.შ. 

წულუკიანის განცხადებაზე სახალხო დამცველს საინტერესო რეაქცია ჰქონდა. როგორც ჩანს, ქალბატონ ნინო ლომჯარიას ციხეში შესვლა დიდად არ ეპიტნავება და მხოლოდ იმით კმაყოფილდება, რასაც საკუთარი თანამშრომლები უყვებიან. 

ზოგადად, სახალხო დამცველები ციხეებში სიარულით თავს არასდროს იკლავდნენ და ეს ფუნქცია, ძირითადად, მათ მოადგილეებს ეკისრებოდათ და მათზე გადადიოდა მთელი ტვირთი. 

„პენიტენციურ სისტემაში მონიტორინგს აქვს თავისი მეთოდოლოგია და სახალხო დამცველს აქვს სპეციალური დეპარტამენტი, პრევენციის ეროვნული მექანიზმი, რომელიც აპრობირებული და თანამედროვე სტანდარტების შესაბამისი მეთოდოლოგიით ახდენს ციხეების, პენიტენციალური სისტემის მონიტორინგს და შესაბამისად, ასეთი საჯარო ვიზიტებით მაღალი თანამდებობის პირების მხრიდან, იქ არსებული პრობლემების გამოვლენა არ ხდება. შესაბამისად, ნებისმიერ დროს მზად ვარ ვიზიტისთვის, თუმცა ამ ვიზიტების შედეგად, პრობლემების გამოვლენა ნამდვილად არასერიოზული შეიძლება იყოს. 

რაც შეეხება სახალხო დამცველს, როგორ ავლენს ამ პრობლემებს, ჩვენ ასობით ვიზიტს ვახორციელებთ წლის განმავლობაში. დაახლოებით 400-ზე მეტი ვიზიტი განვახორციელეთ მიმდინარე წელს. გარდა ამისა, პრევენციის ეროვნული მექანიზმი, როდესაც მონიტორინგს ახორციელებს, სულ მცირე, სამ დღეს მაინც ანდომებს ერთ ციხეში იმისთვის, რომ კონკრეტული პრობლემის გამოვლენა შევძლოთ, ასე, რომ ჩვენ გვაქვს საკმაოდ გამართული მექანიზმი ამ თვალსაზრისით და ამ საკითხზე გარკვეული კრიტიკის მიღება არასერიოზულია“, _ განაცხადა ლომჯარიამ. 

ახლა კი მთავარი _ რატომ არსებობენ სასჯელაღსრულების დაწესებულებებში მაყურებლები, რატომ აწყობს მათი არსებობა, როგორც ადმინისტრაციას, ისე _ პატიმრებს და რისი მოგვარება შეუძლიათ მათ, როგორც ადმინისტრაციისთვის, ისე „კოლეგებისთვის“? 

დავიწყოთ იმით, რომ „მაყურებელი“ ვერასდროს გახდება რიგითი პატიმარი. „მაყურებლის“ სტატუსისთვის აუცილებელია იყო „კაი ბიჭი“, გქონდეს ურთიერთობა „კანონიერ ქურდებთან“ და სწორედ „კანონიერი ქურდების“ თანხმობის შემდეგ ჩაიბარო ეს „საპასუხისმგებლო“ თანამდებობა. დიახ, პენიტენციური სისტემიდან ირეკება ევროპაში, რომელიმე (ან რამდენიმე) „კანონიერ ქურდთან“, მათ უხსნიან, რომ ამ პირს აქვს პრეტენზია „მაყურებლობაზე“ და შემდეგ, მათი ხელდასმით, კონკრეტული ადამიანი ხდება „მაყურებელი“. 

ეს რაც შეეხება მთლიანი „ზონის მაყურებელს“ და მერე, უკვე მისი გადასაწყვეტია, ვინ ჩაიბარებს კორპუსის (კორპუსს იმ შენობის სართულებს ეძახიან, სადაც პატიმრები ცხოვრობენ) „მაყურებლობას“, ვის წამლებს ჩააბარებენ, ვის _ ტელეფონებს და ა.შ. ავიღოთ, მაგალითად, წამლების „მაყურებელი“. 

მართალია, ციხეში აფთიაქი არის, მაგრამ ორი პრობლემაა: პირველი ის, რომ ციხის აფთიაქში, შესაძლებელია, არ იყოს კონკრეტული წამალი, მაგალითად, ძლიერი ანტიბიოტიკი, სიცხის დამწევი და ა.შ. ამ დროს, წამლების „მაყურებელი“, 2-3 „კამერას“, რიგითობის მიხედვით, ავალებს, რომ როცა იმ კონკრეტულ „კამერებში“ რომელიმე პატიმარს მოუტანენ „პერედაჩს“ (და პატიმრებმა ზუსტად იციან, როდის მოუტანენ), სთხოვოს თავის ახლობლებს, რომ ტანსაცმელსა და ხილთან ერთად, მოუტანონ ათი ლარის ღირებულების ანტიბიოტიკი, მეორეს _ ტკივილგამაყუჩებელი, მესამეს _ სიცხის დამწევი და ასე ივსება ციხის შიდა აფთიაქი, რომელსაც სწორედ წამლების „მაყურებელი“ აკონტროლებს. შედეგად, თუ რომელიმე პატიმარი ავად გახდება და ციხის აფთიაქში არ აღმოჩნდება საჭირო მედიკამენტი, ის მიდის წამლების „მაყურებელთან“ და მის აფთიაქში ყველაფერი უფასოა. 

გვერწმუნეთ, ამ აფთიაქით ასეულობით პატიმარს უსარგებლია, კიდევ ისარგებლებს და რაც მთავარია, ეს ძალიან ეფექტური, სწრაფი და უფასო საშუალებაა. 

იგივე წესრიგია ტელეფონებზეც. დარეკვის დროს ქაოსი რომ არ იყოს, სწორედ ტელეფონების „მაყურებელი“ ადგენს, რომელი „კამერა“ რომელ დღეს რეკავს და ეს პატიმრებმაც იციან. ტელეფონების „მაყურებელს“ აბარია ე.წ. დასარეკი ბარათები. თუ ისე მოხდება, რომ რომელიმე პატიმარს უწევს დარეკვა და არ აქვს ბარათი, ის მიდის „მაყურებელთან“, ართმევს ბარათს და როცა საშუალება გაუჩნდება, ამ ბარათს აბრუნებს „საერთოში“. 

თავად განსაჯეთ, ტელეფონების „მაყურებელს“, შესაძლოა, ათასი და მეტი ლარის ოდენობის ბარათი ჰქონდეს და ერდროულად, 200-300 პატიმარს გაუმართოს ხელი, რაც ცუდი ნამდვილად არ არის. 

ყველაზე საინტერესო და საჭირო მაინც „საერთოს“ „მაყურებელია“. რამდენიც უნდა იძახონ პენიტენციალური სისტემის შეფებმა, ციხეებში „საერთო“ არ გროვდებაო, გროვდება, ბატონებო და, პირადად მე თუ მკითხავთ, ეს ძალიან კარგია. 

რას გულისხმობს დღევანდელი „საერთო“, ვინ და რისთვის ავსებს მას? 

სასჯელაღსრულების ყველა დაწესებულებაში არიან „ბედალაგები“ ანუ პატიმრები, რომლებსაც ბარათზე არაფერი ერიცხებათ, არც არავინ აკითხავთ ანუ მარტივად რომ ვთქვათ, უპატრონო პატიმრები. ზოგს გარეთ არავინ ჰყავს, ზოგს კი ჰყავს, მაგრამ ოჯახს არაფრის შესაძლებლობა აქვს. ამ დროს, იმ პატიმარსაც სჭირდება სიგარეტი, ტუალეტის ქაღალდი, ჰიგიენის საშუალებები, ყავა, ჩაი... ამ პატიმრების რიცხვი, დაახლოებით, 10%-15%-ია. დანარჩენ პატიმრებს კი თანხა ერიცხებათ, ზოგს _ მეტი, ზოგს _ ნაკლები. ჰოდა, ყველა „კამერა“, რომელშიც პატიმრებს რეგულარულად ერიცხება თანხა, სურვილის მიხედვით (და ეს არ არის იძულება), სწორედ ამ „ბედალაგებისთვის“ ყიდულობს კონკრეტულ ნივთებს. 

თითო პატიმარს თვეში, დაახლოებით, 2-3 ლარის გაღება უწევს ანუ ის ყიდულობს 2-3 ლარის ან ჩაის, ან ყავას, ან სიგარეტს, ან საპონს, ან ტუალეტის ქაღალდს... ყველაფერი ეს თავს იყრის კონკრეტულ კამერაში „საერთოს“ „მაყურებელთან“ და შემდეგ ის ანაწილებს „ბედალაგებზე“. შედეგად, პატიმრები, რომლებიც უპატრონოები არიან, არ მათხოვრობენ სიგარეტს, ჩაის, ყავას, აქვთ ჰიგიენის საშუალებები და ეს ყველასთვის კარგია. კარგია იმიტომ, რომ არავინ გაწუხებს „მომაწევინე, მომაწევინე“-ს ძახილით და არავინ მოდის თხოვნით, ცოტა ტუალეტის ქაღალდი მომიხიე, ან საპონი მათხოვე, ხელებს დავიბან და დაგიბრუნებო. 

წეღან აღვნიშნეთ, რომ ყველაფერი ეს ნებაყოფლობითია და რა თქმა უნდა, არიან პატიმრები, რომლებიც უარს ამბობენ სხვებს დაეხმარონ ანუ თვეში 2-3 ლარი არ ემეტებათ. მათ არავინ არაფერს ეუბნება, მაგრამ თუ გაუჭირდათ და დასჭირდათ წამალი ციხის საერთო აფთიაქიდან, დასჭირდათ დასარეკი ბარათი, უარს იღებენ. ამიტომ, ყველა მაქსიმალურად ცდილობს, საერთო ფერხულში იყოს ჩართული და ასეთი პატიმრები, შესაძლოა, მთელ ზონაზე ერთი, ან ორი იყოს. 

რაც შეეხება კონტროლს, დავიწყოთ იმით, რომ თუ პატიმარი გადაწყვეტს, იჩივლოს არსებული პირობების გამო, მან ეს საჩივარი აუცილებლად უნდა შეუთანხმოს „მაყურებელს“ ანუ თუ არის საერთო პრობლემა, მის მოგვარებას „მაყურებელი“ უნდა ეცადოს და თუ არ გამოუვა, შემდეგ უნდა დაიწეროს საჩივარი. ათიდან ცხრა შემთხვევაში, „მაყურებლები“ პრობლემის მოგვარებას ადმინისტრაციასთან მარტივად ახერხებენ. 

თუ რომელიმე პატიმარს პირადი სახის პრობლემა აქვს ანუ პირადზე ჩივის, ვალდებულება არ გააჩნია, საქმის კურსში ჩააყენოს „მაყურებელი“ და ის პირადად, ინდივიდუალურად იწყებს დავას და ამის გამო, არც არავინ საყვედურობს. 

„მაყურებლების“ ინსტიტუტი ძალიან აწყობს ციხის ადმინისტრაციასაც, რადგან ურთიერთობა აქვს 2-3 პატიმართან და არა _ მთელი ჯგუფთან. შესაბამისად, ისინი შეხმატკბილებულად ცხოვრობენ მანამ, სანამ „მაყურებლის“ ავტორიტეტი ზედმეტად არ გაიზრდება (და ის, ადრე თუ გვიან, აუცილებლად იზრდება). 

ამის შემდეგ, ციხის ადმინისტრაციას მაყურებელი სხვა „ზონაში“ გადაჰყავს და მის ავტორიტეტს ამით ანეიტრალებს. შემდეგ ისევ ხდება ევროპაში დარეკვა და... რომელიმე საკნიდან, „თეთრი კვამლი“ ამოდის. 

P.s. ოპოზიციამ რომ ატეხა ერთი ამბავი, ხედავთ, ხელისუფლება ზონაზე კრიმინალების გავლენას აბრუნებსო, სასაცილოა. ნაციონალური მოძრაობის დროს, ყველა, აბსოლუტურად ყველა სასჯელაღსრულების დაწესებულებას (გლდანის ციხის გარდა) ჰყავდა „მაყურებელი“ და ეს იცოდა ყველამ _ ციხის უფროსიდან დაწყებული, რიგითი თანამშრომლით დამთავრებული.

 

პატიმარი #0578

]]>
versiaprinti@yahoo.com (super admin) სამართალი Wed, 18 Dec 2019 12:47:29 +0400
როგორ დაგეგმა ხელისუფლებამ გავლენიანი აზერბაიჯანელი საქმოსნის ლიკვიდაცია http://www.versia.ge/2013-07-31-11-23-46/item/6486-როგორ-დაგეგმა-ხელისუფლებამ-გავლენიანი-აზერბაიჯანელი-საქმოსნის-ლიკვიდაცია.html http://www.versia.ge/2013-07-31-11-23-46/item/6486-როგორ-დაგეგმა-ხელისუფლებამ-გავლენიანი-აზერბაიჯანელი-საქმოსნის-ლიკვიდაცია.html

კრიმინალური დრამა, რომლის ავტორადაც ედუარდ შევარდნაძე სახელდება _ გახმაურებული სპეცოპერაციის უცნობი დეტალები

გასულ კვირას, სამართალდამცავებმა თბილისში, ორი პიროვნება დააკავეს. 1981 და 1984 წელს დაბადებულ ბიჭებს, ბრალად თბილისში, 24 ბინის ქურდობა წაუყენეს და ისინი მაშინ დააკავეს, როცა დიდ დიღომში, გაქურდული ბინიდან წამოღებულ ნივთებს „რენჯ როვერის“ მარკის ავტომობილში დებდნენ. ზოგადად, აქ საინტერესო ორი რამ არის _ სამართალდამცავებს გვარიანი ოფლის ღვრა დასჭირდათ იმისთვის, რომ ისინი დაეკავებინათ და მეორეც, ქურდებს „რენჯ როვერის“ მარკის ავტომობილი ჰყავდათ.

ის, რომ დაკავებულები პროფესიონალები არიან, გაქურდული ბინების რაოდენობიდან და იქიდანაც ჩანს, რომ მათ თავისი საქმე „კარგად“ იციან _ დღევანდელ რეალობაში, 24 ბინის გაქურდვა ხუმრობა არ არის. ამას „რენჯ როვერიც“ დაუმატეთ, რომელიც იაფი არ ღირს ანუ ქურდებმა ბინებიდან ცოტა თანხა არ წაიღეს და... 

ბარემ ისიც ვთქვათ, რომ წინა ხელისუფლების დროს, აღნიშნულ დანაშაულზე დაკავებულებს, შეკრებითობის პრინციპით, 20-20 წლიანი „სროკი“ ჯიბეში ექნებოდათ, ახლა კი, შეკრებითობის პრინციპი გაუქმებულია, ქურდობის მუხლი კი 3-დან 7 წლამდე თავისუფლების აღკვთას ითვალისწინებს ანუ მათ, მაქსიმუმ, შვიდ წელს მისცემენ. 

ზოგადად, ბოლო დროს, ბინების ქურდობა „მოდური“ აღარაა და „მედვეჟატნიკებიც“ ნელ-ნელა, გადაშენების გზას ადგანან. პრაქტიკულად, ყველა კორპუსში სათვალთვალო კამერაა დამონტაჟებული, რაც პოტენციური ქურდების იდენტიფიცირებას აიოლებს, თანაც ქურდობა ასე მარტივად არ ხდება: სახლს, რომელიც უნდა დააცარიელონ, რამდენიმე დღის განმავლობაში უთვალთვალებენ, ოჯახის წევრების მოძრაობას სწავლობენ, სწავლობენ საკეტს, რომელიც უნდა გახსნან და მხოლოდ ამის შემდეგ შედიან ბინაში. სათვალთვალო კამერები კი ყველაფერ ამას აფიქსირებენ და ესეც არ იყოს, სატელეფონო ანძებითაც ფიქსირდება მათი მოძრაობა იმ შემთხვევაში, თუ ბინის ქურდებს მობილური ტელეფონებიც თან აქვთ. შესაბამისად, ბინის ქურდობა დღეს, ძალიან დიდ სიზუსტესა და პროფესიონალიზმს მოითხოვს. 

არადა, თავის დროზე, თბილისში ბინებს, მხოლოდ ნამდვილი პროფესიონალები ქურდავდნენ, ძველებიდან კი ახლა საქართველოში, პრაქტიკულად, აღარავინ ცხოვრობს. 

80-იანი წლების დასაწყისში დაბადებული დამნაშავეები „ახალი თაობაა“, მაგრამ ამ ახალი თაობის რიცხვი იმდენად მცირეა, რომ კრიმინალური სამყაროს სათვალავში არ მიიღება. 

ისტორია, რომელსაც ახლა გიამბობთ, 90-იანი წლების დასაწყისში მოხდა, მაგრამ ეს საქმე, დღემდე თაროზეა შემოდებული. თაროზე იმიტომ, რომ ერთ-ერთი მთავარი დამნაშავე, დღემდე ძებნილად ითვლება, დანარჩენებმა სასჯელი მოიხადეს და ციხე არცთუ დიდი ხნის წინ დატოვეს, დაზარალებულის ოჯახის წევრებს კი დღემდე ეჭვი აქვთ, რომ მაშინ მათ წინააღმდეგ, მთელი სახელმწიფო წავიდა და ლიკვიდაციის ბრძანება სახელმწიფო ხელისუფლების უმაღლესმა პირმა გასცა. 

დიახ, გარდაცვლილის ძმას დღემდე სჯერა, რომ მაშინ საქმეში, პირადად ედუარდ შევარდნაძე იყო ჩარეული, მაგრამ რამდენადაა ეს ვარაუდი სიმართლესთან ახლოს, თავად განსაჯეთ. 

* * * 

ქვემო ქართლში, ოთხკაციანი კრიმინალური დაჯგუფება დათარეშობდა. თარეში ზუსტად შეესაბამება მათ მოქმედებას, რადგან ბანდის წევრები უარს არაფერზე ამბობდნენ: არც ქურდობაზე, არც ძარცვასა და არც ყაჩაღობაზე. რომ გითხრათ, სამართალდამცავებმა არაფერი იცოდნენ და კრიმინალების ვინაობა მათთვის უცნობი იყო-თქო, მოგატყუებთ, რადგან თუნდაც იმ ქალაქის უბანში, სადაც ისინი ცხოვრობდნენ, დაახლოებით, ათმა კაცმა მაინც იცოდა მათი არსებობის შესახებ და ამ ათიდან, ერთის მამა, მაშინდელი მილიციის უფროსის მოადგილე იყო, ერთის ძმა კი უშიშროებაში მუშაობდა. ამიტომ, გამორიცხულია მათ არაფერი სცოდნოდათ, მაგრამ სამართალდამცავები თავზეხელაღებულ ჯგუფს, თითქოს რაღაცისთვის ინახავდნენ. 

იმავე პერიოდში, ქვემო ქართლში, ერთი პიროვნება გააქტიურდა. წარმოშობით აზერბაიჯანელმა, რუსეთში უზარმაზარი ფული იშოვა და მაშინ, როცა მთავრობის ავტოპარკის განახლების საკითხი დადგა, ხელისუფლებამ, სწორედ მას მიმართა. აზერბაიჯანელმა (დავარქვათ, პირობითად, ფირდოვსი), სახელმწიფოს საჩუქრად „გაზ-2131“-ის მარკის რვა ავტომობილი გადასცა. მაშინ ამ მანქანებით მინისტრები მოძრაობდნენ და ეს, მართლაც, მეფური საჩუქარი იყო. 

საჩუქართან ერთად, ხელისუფლება იმასაც მიხვდა, რომ საქმე არამარტო ძალიან მდიდარ, არამედ, გავლენიან ადამიანთანაც ჰქონდა. უფრო მეტიც, როგორც გვიყვებიან, ერთ-ერთ შეხვედრაზე, ედუარდ შევარდნაძემ ისიც თქვა, ფირდოვსი ქვემო ქართლის არძინბაა და უნდა გავანეიტრალოთო. 

როგორც ჩანს, აზერბაიჯანელმაც იგრძნო საფრთხე და მოსკოვში გადასახლდა. მართალია, მოსკოვიდან ისე ვეღარ აკონტროლებდა სიტუაციას, მაგრამ მისი გავლენა მაინც ყოველდღიურად იზრდებოდა. 

ერთი წლის შემდეგ, აზერბაიჯანელს დედა გარდაეცვალა და იძულებული გახდა, საქართველოში დაბრუნებულიყო. გასვენების მეორე დღეს, სახლის აივანზე მყოფ ფირდოვსის, საკუთარი ეზოს ჭიშკრიდან ცეცხლი გაუხსნეს. აზერბაიჯანელი დაიჭრა და აივანზე დაეცა. თავდამსხმელები სახლში შევარდნენ, ხელს რაღაც ნივთები გააყოლეს და... წამოსვლისას, დაჭრილს თავში საკონტროლო გასროლა „გაუკეთეს“. 

ყაჩაღები ადგილიდან „07“-ის მარკის მანქანით მიიმალნენ და ზუსტად ერთ საათში, მანქანა პოლიციელებმა დამწვარი იპოვეს. მანქანაშივე იდო მკვლელობის იარაღები. ადგილობრივმა მოსახლეობამ მილიციის შენობას ალყა შემოარტყა _ საქმის სასწრაფო გამოძიებას ითხოვდა და სამართალდამცავებმაც ცხელ კვალზე... იმ ბანდის წევრები დააკავეს, თავში რომ მოგახსენეთ. 

იმის მიუხედავად, რომ მოსახლეობა დაკავებულების გადაცემასა და მათი ლინჩის წესით გასამართლებას ითხოვდა, თბილისიდან ჩასულმა სპეცდანიშნულების რაზმმა, შენობაცა და დაკავებულებიც უვნებლად გადაარჩინა. 

დადგა დღე, როცა ოთხივე დაკავებული თბილისში უნდა გადაეყვანათ. აი, სწორედ აქ მოხდა უცნაური და იმ დროისთვისაც კი, გაუგონარი რამ: ბადრაგმა, რომელსაც დაკავებულები გადაჰყავდა, რუსთავში ავტომობილი გააჩერა და ერთ-ერთი დაკავებული, ბუნებრივი საჭიროების დასაკმაყოფილებლად, მანქანიდან გადმოიყვანა(?!). 

მანქანიდან გადმოსულმა ბრალდებულმა, ერთ-ერთ ბადრაგს იარაღი წაართვა და სროლა ატეხა. შედეგად, დაიღუპა ერთი სამართალდამცავი, ოთხივე დაკავებული კი გაიქცა. 

„ხომ არ გგონიათ, რომ დამნაშავეებმა პოლიციელი იარაღით მოკლეს. არა, ერთ-ერთს თან დანა ჰქონდა (?!) და იმ დანით გამოჭრა ყელი. მათ ბადრაგის იარაღი გაიტაცეს და წავიდნენ“, _ გვიყვება ერთ-ერთი, მაშინდელი სამართალდამცავი. 

გაქცეულებზე ძებნა გამოცხადდა და სპეცდანიშნულების რაზმი, პრაქტიკულად, ქვემო ქართლში დასახლდა. რამდენიმე დღის შემდეგ, ერთ-ერთი გაქცეული საკუთარ სახლში(?!) აიყვანეს, ორი დღის შემდეგ, მეორეც ასევე, საკუთარ სახლში დააკავეს, ორმა კი გაქცევა მოახერხა. ამ ორიდან ერთ-ერთი, სპეცდანიშნულების რაზმმა ტყეში მოიმწყვდია და სპეცოპერაცია სამი დღის განმავლობაში მიმდინარეობდა. 

მთელი საქართველოს სპეცდანიშნულების რაზმის წევრები, ერთ კაცს, სამი დღე ესროდნენ და ის იქიდან საპასუხო ცეცხლით პასუხობდა. დღემდე უცნობია, ვინ მიაწოდა გაქცეულს იმდენი იარაღი, რომ სამი დღის მანძილზე, ავტომატის გარდა, ათეულობით ხელყუმბარა ესროლა, მაგრამ ფაქტია: ტყის შესასვლელთან, ჩვეულებრივზე ჩვეულებრივი ბრძოლა მიმდინარეობდა. 

სამი დღის შემდეგ, სპეცდანიშნულების რაზმი ტყეში შევიდა, თუმცა გაქცეულის კვალს ვერ მიაგნო. მაშინ ითქვა, რომ დამნაშავე მტკვარს გაჰყვა და აზერბაიჯანში გადავიდა, თუმცა აზერბაიჯანული მხარე არანაკლები ინტერესით ეძებდა დამნაშავეს. 

საბოლოოდ, მისი დაკავება ვერ მოხერხდა და ფირდოვსის მკვლელობაში ეჭვმიტანილი პირი, დღემდე იძებნება. 

რაც შეეხება დანარჩენ სამს, ერთი მათგანი ციხეში ტუბერკულოზით მოკვდა, მეორემ ვადა მოიხადა და შემდეგ, ევროპაში წავიდა, მესამე _ შვიდწლიანი ძებნის შემდეგ, ქუთაისში დააკავეს, 15 წელი მიუსაჯეს და ახლა ისიც თავისუფალია, მეოთხეზე კი უკვე მოგახსენეთ _ ის დღემდე იძებნება და არავინ იცის, სად არის. 

„ჩვენ გვითხრეს, რომ სახელმწიფო ჩინოვნიკების მოსყიდვისთვის, ფირდოვსიმ რუსეთდან მილიონი დოლარი ჩამოიტანა. ამიტომ დავგეგმეთ ყაჩაღობა და რომ შევედით, ისიც ვიცოდით, რომ დიპლომატი საძინებელში უნდა ყოფილიყო. დიპლომატი წავიღეთ და როგორც მერე აღმოჩნდა, იქ ათი ათასამდე ფული იყო და არა _ მილიონი. რაც შეეხება საკონტროლო გასროლას, ის ყველასთვის მოულოდნელად, ჩვენმა „პადელნიკმა“ განახორციელა და მერე, ეს იმით ახსნა, რომ არ გვაპატიებდა, გვიპოვიდა და დაგვხოცავდაო, რაც ლოგიკას მოკლებული არ იყო“, _ ასეთია ევროპაში მყოფი დამნაშავის მონაყოლი. 

„ეს იყო სახელმწიფოს მიერ დადგმული და შესრულებული სპეცოპერაცია. ყაჩაღობის იმიტაციით, ხელისუფლებამ გაანეიტრალა პირი, რომელსაც სახელმწიფო ბიუჯეტზე მეტი ფული ჰქონდა და უზარმაზარი გავლენით სარგებლობდა. ჩემი ინფორმაციით, ხელისუფლებამ, სწორედ იმ გაქცეულს, რომელიც დღემდე ვერ იპოვეს, შესთავაზა ეს საქმე და სანაცვლოდ, იმ დროისთვის კოლოსალურ თანხას _ 100 ათასსა და ევროპაში გაყვანას შეპირდა. იმის მიუხედავად, რომ ადგილობრივ სამართალდამცავებს აგვიკრძალეს საგამოძიებო მოქმედებები, რადგან საქმეს, თურმე, თბილისი იძიებდა, რამდენჯერმე გავავრცელეთ ცნობა იმის შესახებ, რომ გაქცეული მკვდარი იპოვეს. ოჯახი ყოველ ინფორმაციას ღიმილით ხვდებოდა ანუ ზუსტად იცოდა, სად იყო გაქცეული და ამიტომ, ჩვენს მიერ გავრცელებული ინფორმაციის არ სჯეროდა. ჩვენ არც იმის გვჯერა, რომ სამი დღე, სპეცდანიშნულების რაზმმა, ტყეში ერთი კაცი ვერ დაიჭირა“, _ ეს კი მილიციის მაშინდელი თანამშრომლის მონაყოლია.

ბათო ჯაფარიძე

]]>
versiaprinti@yahoo.com (super admin) სამართალი Wed, 11 Dec 2019 12:40:47 +0400
უკრაინელმა სამართალდამცავებმა ქართველ „კანონიერ ქურდებზე“ ნადირობა დაიწყეს! http://www.versia.ge/2013-07-31-11-23-46/item/6484-უკრაინელმა-სამართალდამცავებმა-ქართველ-„კანონიერ-ქურდებზე“-ნადირობა-დაიწყეს.html http://www.versia.ge/2013-07-31-11-23-46/item/6484-უკრაინელმა-სამართალდამცავებმა-ქართველ-„კანონიერ-ქურდებზე“-ნადირობა-დაიწყეს.html

კრიმინალური სამყაროს კრიტიკული დღეები _ რა საფრთხის წინაშე დგანან „შავები“

მოგეხსენებათ, საქართველოს შემდეგ, „კანონიერი ქურდობა“ დასჯადი რუსეთშიც გახდა. სწორედ ამიტომ, რუსეთში მცხოვრები კრიმინალები, მაქსიმალურად მოკლე დროში, ცდილობენ ქვეყნის დატოვებასა და სხვაგან გადაბარგებას. ის სხვა ქვეყანა კი, სადაც მათ დაფუძნება სურთ, უკრაინაა.

ასევე, მოგეხსენებათ, ტერმინი „კანონიერი ქურდი“, მხოლოდ პოსტსაბჭოთა სივრცეში მუშაობს, მის ფარგლებს გარეთ კი ძალიან ძნელია, ვიღაცებს „კრიმინალური სამყაროს ნათლიმამობა“ მხოლოდ ამ სტატუსის გამო უმტკიცო. ამიტომ, რუსეთიდან უკრაინაში, ქურდების მიგრაცია მიმდინარეობს და უკრაინელი სამართალდამცავებიც მუშაობის 24-საათიან რეჟიმზე გადავიდნენ. 

5 დეკემბერს, უკრაინის პოლიციამ ორი „კანონიერი ქურდი“ დააკავა. ხარკოვში, სამართალდამცავებმა, მინდია შეყლაშვილი, იგივე „მინდია გალსკი“ აიყვანეს, ხოლო კიევში, ხელბორკილი გიორგი მოდებაძეს, იგივე „გეგა ოზურკეთსკის“ დაადეს. 

როგორც უკრაინელი ძალოვანები იუწყებიან, ორივე მათგანს, ზუსტად იგივე მიზანი ჰქონდათ, რაც ნოემბერში, უკრაინის ტერიტორიაზე დაკავებულ კიდევ სამ ქართველ „კანონიერ ქურდს“ ანუ მათ კრიმინალური სინდიკატის ჩამოყალიბება და კონკრეტულ ქალაქებში სიტუაციის მართვა სურდათ. 

„რუსეთში მიღებული კანონის შემდეგ, უკრაინაში ათეულობით კრიმინალი ჩამოდის. ბევრ მათგანს ვიჭერთ, ბევრს მომავალშიც დავიჭერთ და იმის გამო, რომ ჩვენთან „კანონიერი ქურდობა“ დასჯადი არ არის, მათ, უბრალოდ, ქვეყნიდან ვაძევებთ. გაძევება გამოსავალი არ არის, რადგან გადის 2-3 თვე და იგივე პირებს ხელმეორედ ვაკავებთ ჩვენი ქვეყნის ტერიტორიაზე და ისევ ვაძევებთ უკრაინიდან. ასე გრძელდება დაუსრულებლად და სახელმწიფომ რაიმე მექანიზმი უნდა შეიმუშაოვოს, რათა როგორმე, ყველაფერი ეს, ჩარჩოებში მოექცეს“, _ აცხადებს უკრაინის პოლიციის მაღალჩინოსანი. 

„ყველაფრის ჩარჩოებში მოქცევაში“ კი პოლიცია იმ კანონის ანალოგის შემოღებას გულისხმობს, რომელიც საქართველოსა და უკვე რუსეთშიც ამოქმედდა. მათ სურთ, რომ „კანონიერი ქურდის“ სტატუსი, უკრაინაშიც დასჯადი გახდეს და ამის შემდეგ, ქვეყნის „გაწმენდა“ უფრო გამარტივდება. 

უკრაინელ სამართალდამცავებს იმედი აქვთ, რომ ასეთ შემთხვევაში, ზუსტად ის მოხდება, რაც საქართველოსა და რუსეთში _ სტატუსის მქონე პირები, თავად წავლენ ქვეყნიდან და სხვაგან დამკვიდრებას შეეცდებიან. 

რაც შეეხება ნოემბერში დაკავებულებს, უკრაინელმა სამართალდამცავებმა დავით გერლიანი (მეტსახელად, „დათო სვანი“), თენგიზ ჭარაია (მეტსახელად, „თენგო პიტერსკი“) და ლაშა ჯაჭვლიანი (მეტსახელად, „ლაშა ოჩამჩირსკი“) დააკავეს. 

სამივე მათგანს, საბუთები წესრიგში არ ჰქონდა და ახლა, სამივე ექსტრადიციას ელოდება. ექსტრადიციას დაექვემდებარებიან გასულ კვირას დაკავებულებიც და საინტერესო ის გახლავთ, რომ თითოეულ მათგანს, უკრაინის ტერიტორიაზე უკანონოდ შეღწევას უკვე, მინიმუმ, მეორედ ედავებიან. 

ძირითადად, „კანონიერი ქურდები“, უკრაინაში ზღვით შედიან ანუ გემების მეპატრონეებს ურიგდებიან და პორტში შესული გემიდან ნაპირზე გადასვლა, პრობლემას აღარ წარმოადგენს. 

ჩვენი ინფორმაციით, გემების მეპატრონეები, ამ საქმეში 3-დან 5 ათას დოლარამდე იღებენ, რაც დიდი თანხა ნამდვილად არაა. 

სტატია დასაბეჭდად უკვე მზად იყო, როცა გაირკვა, რომ უკრაინა იმავე გზას დაადგა, რომელიც საქართველომ და რუსეთმა გაიარეს. ქვეყნის პრეზიდენტმა, ვოლოდიმირ ზელენსკიმ სამართალდამცავთა რჩევა, თუ თხოვნა გაითვალისწინა და მისმა ადმინისტრაციამ უმაღლეს რადაში უკვე დაარეგისტრირა კანონპროექტი, რომელიც საქართველოს სს კოდექსის 223-ე მუხლის ანალოგია ანუ „კანონიერი ქურდის“ სტატუსი, უკრაინული კანონებითაც დასჯადი გახდება და სავარაუდოდ, ამ კანონპროექტს რადა ნაახალწლევს, ოფიციალურად „დააჩაქუჩებს“. 

„სავარაუდოდ, 2-3 წელი დასჭირდება იმას, რომ საბჭოთა კავშირის ყოფილი რესპუბლიკებიდან, ყველამ მიიღოს აღნიშნული კანონი, რაც იმის მანიშნებელი იქნება, რომ პოსტ-საბჭოთა სივრცეში, „კანონიერი ქურდები“ ვეღარ იარსებებენ. ისინი ან ციხეში იქნებიან, ან სხვა ქვეყანაში. ამიტომ, „კანონიერი ქურდების“ ინსტიტუტი ნელ-ნელა მოკვდება და ისინი ჩვეულებრივ მაფიოზებად გადაიქცევიან. პრინციპში, ეს პროცესი უკვე დაწყებულია და ევროპაში მყოფი „კანონიერი ქურდები“, სწორედ მაფიოზის იმიჯით სარგებლობენ და არა _ „კანონიერი ქურდის“, _ აცხადებენ ამ სფეროს ექსპერტები. 

სხვათა შორის, ტერმინი „კანონიერი ქურდი“, უკვე გაჩნდა ესპანური და ბერძნული სისხლის სამართლის კოდექსში. იტალიის პარლამენტმა ამ ტერმინზე უარი თქვა, რადგან „მაფია“ და „ოჯახი“ უწერიათ სს კოდექსში და ეს საკმარისია, რათა პასუხისგებაში „კანონიერი ქურდებიც“ მისცენ. 

ტერმინი ამერიკულმა სასამართლომაც გამოიყენა მაშინ, როდესაც რაჟდენ შულაია გაასამართლეს, ოღონდ, ამ შემთხვევაში, ტერმინი „კანონიერი ქურდი“, კრიმინალური სინდიკატის მეთაურს შეესაბამებოდა. 

უკვე თამამად შეიძლება იმის თქმა, რომ „კანონიერი ქურდის“ ინსტიტუტი, რომელიც საუკუნის წინ შეიქმნა, ნელ-ნელა განადგურებისკენ მიექანება და ბოლო დღეებს ითვლის. 

რა თქმა უნდა, ეს ძალიან კარგია, რადგან რაც ნაკლები კრიმინალი იქნება მსოფლიოში, მით უფრო უსაფრთხო იქნება გარემო, თუმცა ძალიან დიდი ალბათობით, პოსტსაბჭოთა ქვეყნების ციხეებში, ახალი პრობლემა წარმოიქმნება _ გაჭირდება პატიმრების კონტროლი და იერარქიულად, ახალი გადანაწილებების პროცესი დაიწყება. თუ აქამდე, ციხე ქურდების იყო, ახლა აუცილებელი გახდება ახალი რამის მოფიქრება, ახალი პიროვნებების წამოწევა, ახალი სტატუსის მიცემა, რათა პატიმრები რაიმე სქემასა, თუ სისტემაში მოექცნენ. სხვაგვარად, თუ პატიმრებს არავის და არაფრის შიში ექნებათ, სასჯელაღსრულების დაწესებულებებში ანარქია დაისადგურებს. 

მართალია, თავად კრიმინალებისგან ხშირად გაიგონებთ ტერმინს _ „ანარხია მაწ პორიადკა“, მაგრამ რეალურად, ასე არ არის. თავად განსაჯეთ, ერთად შეყრილი ორი, ან სამი ათასი კრიმინალი მხოლოდ იმაზე იფიქრებს, რა გაუფუჭოს სხვას და ეს, უშუალოდ ციხეებში, დანაშაულსა და სიკვდილიანობასაც საგრძნობლად გაზრდის.

ბათო ჯაფარიძე

]]>
versiaprinti@yahoo.com (super admin) სამართალი Wed, 11 Dec 2019 12:40:42 +0400
სისხლიანი კრიმინალური გარჩევები სოხუმში http://www.versia.ge/2013-07-31-11-23-46/item/6477-სისხლიანი-კრიმინალური-გარჩევები-სოხუმში.html http://www.versia.ge/2013-07-31-11-23-46/item/6477-სისხლიანი-კრიმინალური-გარჩევები-სოხუმში.html

ქართველი „კანონიერი ქურდები“ აფხაზეთში გავლენას იბრუნებენ!

22 ნოემბერს, დაახლოებით, დღის სამის ნახევარზე, სოხუმში მდებარე რესტორან „სან რემოში“, ორი, ე.წ. კანონიერი ქურდი ჩაცხრილეს. პრინციპში, მხოლოდ ორი არა, რადგან მკვლელები იმდენად იყვნენ მოწადინებულები ასტამურ შამბასა და ალხაზ ავიძბას მოკვლით, რომ არც სხვებს მორიდებიან და ოფიციანტი გოგონა უმძიმეს მდგომარეობაში, რეანიმაციულ განყოფილებაშია, ასევე, მძიმედაა მამაკაცი, რომელიც იმავე რესტორანში იმყოფებოდა. 

სანამ იმას გეტყვით, სავარაუდოდ, ვინ და რატომ გაიმეტა ცნობილი კრიმინალური ავტორიტეტები, თვითმხილველის მონაყოლს გიამბობთ: 

„რესტორნის წინ, „მერსედესის“ მარკის ავტომობილი გაჩერდა, საიდანაც სამი ნიღბიანი ადამიანი გადმოვიდა და „ასტიკის“ (ასტამურ შამბას მეტსახელი) და „ხასიკის“ (ალხაზ ავიძბას მეტსახელი) მიმართულებით ცეცხლი გახსნა. ამ დროს, მათ მაგიდასთან ოფიციანტი იყო მისული და ზურგით იდგა. შესაბამისად, პირველი ტყვიები მას მოხვდა და მაშინვე დაეცა. მაგიდასთან მსხდომებმა წამოდგომაც ვერ მოასწრეს _ ადგილზევე დარჩნენ. ალხაზ ავიძბა, ტყვიის მოხვედრის შემდეგ, სკამზე დატრიალდა და მუცლით დაეცა. სავარაუდოდ, ეს იყო მიზეზი, რომ მან საავადმყოფომდე გაძლო, თუმცა საოპერაციო მაგიდაზე მოკვდა. ასტამური კი იქვე გათავდა. 

საცერივით გაუხადეს სხეულები, ყველაფერი წამებში მოხდა. ბიჭების დაცვა რომ მოვიდა, უკვე ყველაფერი დამთავრებული იყო და თავდამსხმელებიც წასულები იყვნენ. 

სხვათა შორის, ამბობენ, რომ თავდამსხმელი სამი კი არა, რეალურად, ოთხი იყო, უბრალოდ, ერთი საჭესთან იჯდა, მანქანა არ ჩაუქვრია და არც გადმოსულა, როგორც კი მკვლელები საქმეს მორჩნენ და ავტომობილში ჩასხდნენ, მაშინვე დაძრა და იქაურობა წამის მეასედში დატოვა“.

სხვათა შორის, ავტომობილი, რომლითაც თავდამსხმელები მიიმალნენ, მალე დამწვარი იპოვეს. მანქანაში ეწყო ის იარაღიც, რომლითაც „კანონიერი ქურდები“ ჩაცხრილეს, რაც იმას ნიშნავს, რომ საქმე პროფესიონალებთან გვაქვს და სამართალდამცავებს შემსრულებლების ვინაობის დადგენა ძალიან გაუჭირდებათ. 

მეორე მხრივ, აფხაზეთი, პრაქტიკულად, უკონტროლოა და კრიმინალური სამყაროსთვის იდეალური თავშესაფარი გახლავთ. 

რაც შეეხება მკვლელობის მოტივს, აფხაზეთში, კრიმინალურ სამყაროს გავლენიანი „კანონიერი ქურდი“, რაულ ბარცბა აკონტროლებს. სწორედ მისი ნათლულები იყვნენ შამბა და ავიძბა და გარდა იმისა, რომ ისინი რაულის მარჯვენა ხელად ითვლებოდნენ, აფხაზეთში სერიოზული გავლენა ჰქონდათ და, რბილად რომ ვთქვათ, მათი ყველას ეშინოდა. 

დაახლოებით, ორი წლის წინ, ბარცბამ მოსკოვში „სხადნიაკის“ მოწვევა ითხოვა, სადაც გამოაცხადა, რომ აფხაზეთში მოგროვებული ქურდული საერთო, აფხაზეთშივე უნდა დარჩენილიყო და იქაურ სინდიკატს მოხმარებოდა. არადა, აფხაზეთიდან მოსკოვში, ქურდულ „ობშჩიაკში“, ყოველთვიურად, არცთუ მცირე თანხები მიდიოდა. მაშინ ეს ქურდებმა გააპროტესტეს, განსაკუთრებით კი, ქართველმა „კანონიერმა ქურდებმა“, მაგრამ საბოლოოდ, ბარცბამ თავისი გაიტანა და, პრაქტიკულად, წელიწადნახევარია, არავის მოუკითხავს, სად და რაში იხარჯებოდა აფხაზური ქურდული სამყაორს „ობშჩიაკი“. 

ეს ძალიან არ მოსწონდათ, პირველ რიგში, მერაბ ჯანგველაძეს (წარმოშობით სოხუმიდანაა და ახლა იტალიაში ცხოვრობს) და ნიკა დგებუაძეს (წარმოშობით გაგრიდან გახლავთ). დაპირისპირება იმდენად თვალშისაცემი იყო, რომ შარშან, როცა დგებუაძეს ესროლეს (დაიჭრა და გადარჩა), არავის შეპარვია ეჭვი, რომ ყველაფერ ამის უკან, სწორედ ბარცბა იდგა, მაგრამ ხმამაღლა ვერავინ ვერაფერს იტყოდა, რადგან ნათქვამს დამტკიცება უნდა. 

პარალელურად, ბარცბას მითითებით, შამბამ და ავიძბამ, აფხაზეთში მეტ-ნაკლები გავლენის მქონე ქურდების „გაჩერება“ დაიწყეს. იმავე დგებუაძეს, მათ სტატუსი შეუჩერეს და მართალია, ოფიციალურად სხვა ქურდები ნიკას შეჩერებულ სტატუსზე ყაბულს არ იყვნენ, აფხაზეთში დგებუაძეს ჩასვლა აღარ შეეძლო, ბარცბას ბიჭები კი ოკუპირებული ტერიტორიის საზღვრებს არ ტოვებდნენ. დგებუაძის „გაჩერება“ დღეისათვის ყველაზე გავლენიან ქურდთან, ნადირ სალიფოვთან, იგივე „გულუსთან“ დაჯახებასაც ნიშნავდა, რადგან ნიკა, სწორედ მისი კლანის წევრად მოიაზრება. 

აქეთ ჯანგველაძე, რომელიც ტარიელ ონიანის უახლოესი გარემოცვის წევრია, იქეთ სალიფოვი და წრეც შეიკრა. 

„ახლა მხოლოდ დგებუაძესა და ჯანგველაძეს ახსენებენ, მაგრამ რეალურად, ასტიკსა და ხასიკს ძალიან ბევრი ჰყავდათ გამწარებული, იგივე ალხაზ გუდაუთსკი, თემურ გვასალია, თემურ ახუბა... ამათაც, მათი გადაწყვეტილებით, ქურდული სტატუსი შეუჩერდათ. თემურ ახუბას, იგივე „დინრიდის“, საკუთარ სტატუსთან დაკავშირებით საუბარი სურდა, მაგრამ ის, უბრალოდ, გალახეს და გამოუშვეს, რაც ასევე, არასწორია. 

მგონია, რომ ქურდულმა სამყარომ ეს გადაწყვეტილება ერთობლივად მიიღო და ამიტომაცაა, მათ მხოლოდ ბარცბა რომ გლოვობს. ისე კი, ახალგაზრდა ბიჭები იყვნენ, მაგრამ აფხაზეთში ყველა დაგიდასტურებთ, რომ უკვე ძალიან, ძალიან ზედმეტი მოსდიოდათ“, _ გვეუბნება პირი, რომელიც ქურდების ჩაცხრილვასაც შეესწრო და ზოგადად, მათ ძალიან კარგად იცნობდა. 

რაოდენ პარადოქსულიც უნდა იყოს, მოკლული ორი „კანონიერი ქურდის“ გამო, ახალი ომის დაწყებას არავინ ელოდება, თითქოს ყველამ იცოდა, რომ შამბა და ავიძბა უნდა მოეკლათ და ეს დროის საკითხი იყო. 

ისიც ფაქტია, რომ მათი მკვლელობის შემდეგ, რაულ ბარცბას დაცვა გაორმაგდა და 53 წლის „კანონიერი ქურდი“, თითქმის აღარავის ენდობა. ის დარწმუნებულია, რომ შემდეგი თავად იქნება და ეს მოსაზრება რეალობას მოკლებული არაა. რომ არაფერი ვთქვათ ჯანგველაძისა და სალიფოვის გაბრაზებაზე, კმაყოფილები ვერც მოსკოველი ქურდები იქნებიან იმით, რომ აფხაზეთის „ობშჩიაკის“ ჩახსნით, მათ მსუყე ლუკმა მოაკლდათ. მით უმეტეს ახლა, როცა რუსეთში მიღებული კანონის შემდეგ, ქურდების გავლენა ძალიან შემცირდა, შემცირდა შემოსავალიც და, პრაქტიკულად, ყველა, ვინც კი სტატუსს ატარებს, სამართალდამცავებს ემალება. მიმალვაში ცხოვრება კი ორმაგ ხარჯს მოითხოვს და ეს ხარჯი საერთოდანაა ასაღები, საერთო კი ნელ-ნელა ცარიელდება და აფხაზეთიდან არაფერი მოდის. ამიტომ, არ გამორიცხავენ, უახლოეს მომავალში, აფხაზური „ობშჩიაკი“ ისევ მოსკოვში ჩაჩხრიალდეს და ქურდებმა ბარცბა დაინდონ. 

სწორედ რომ დაინდონ, რადგან რეალურად, მან საერთოში ფულის შეტანაზე თქვა უარი, რაც ქურდული კარაბადინის მიხედვით, წმინდათა წმინდაა. 

როგორც ჩანს, აფხაზეთში არც სხვა „კანონიერი ქურდები“ გრძნობენ თავს უსაფრთხოდ და დროებით სხვაგან წასვლას ცდილობენ. ასე, მაგალითად, იმავე 22 ნოემბერს, უკრაინაში, ე.წ. კანონიერი ქურდი, თენგიზ ჭარაია, იგივე „თენგო გალსკი“ დააკავეს. მართალია, თენგო ბოლო დროს სანკტ-პეტერბურგში „მოღვაწეობდა“, მაგრამ აფხაზეთთან კავშირი არ გაუწყვეტია და რაც მთავარია, უკრაინელი სამართალდამცავები, რუსებისგან განსხვავებით, მას არა, როგორც აფხაზეთის, არამედ, როგორც საქართველოს მოქალაქეს, ისე აკავებენ და აფორმებენ. 

ერთი ეგაა, ექსტრადაციისთვის გამზადებულ თენგოს, დიდი ალბათობით, სწორედ აფხაზეთში გაადეპორტებენ, მაგრამ საბუთებში მითითებული იქნება, რომ საქართველოს ტერიტორიაზე გაადეპორტეს. აფხაზეთში კი მას ციხეში არავინ ჩასვამს, თუმცა ისიც ფაქტია, რომ თენგომ აფხაზეთი დატოვა და ახლა იქ დაბრუნება დიდად არ უნდა უხაროდეს. 

საქმეს ისეთი პირი უჩანს, აფხაზეთში, გავლენის სფეროებს ისევ ქართველი „კანონიერი ქურდები“ დაიბრუნებენ, რაც იმას ნიშნავს,რომ აუცილებლად აღდგება ძველი კავშირები საქართველოსთან. „ძველ კავშირებში“ კი იმ დროს ვგულისხმობთ, როცა აფხაზეთს, სწორედ ქართველი ქურდები აკონტროლებდნენ და ოკუპირებულ ტერიტორიაზე, მოსაზღვრე ქართული სოფლებიდან მოსახლეობა მარტივად გადადიოდა, მარტივი იყო ყველაფერი და თუ ეს დრო დაბრუნდება, ეგებ, პოლიტიკურადაც მომგებიანი იყოს. 

საქმე ისაა, რომ ქართველი კრიმინალების გავლენის გაზრდის შედეგად, ქართველი მოსახლეობის გავლენაც გაიზრდება. 

კიდევ ერთი ფაქტი იმის დასტურად, რომ აფხაზეთში ქართველი კრიმინალები ძლიერდებიან, გასულ კვირას მომხდარი უპრეცედენტო შემთხვევაც გახლავთ: 

ილია სიმონიას (მეტსახელად, მახო) „კანონიერი ქურდის“ სტატუსი 25 წლის წინ, მას შემდეგ ჩამოართვეს, რაც ლეგენდარულ ასლან უსოიანს (იგივე, დედ ჰასანს) ხელი გაარტყა. სიმონიასთვის ტიტულის დაბრუნების საქმე ადგილიდან მერაბ ჯანგველაძემ დაძრა და ბოლომდე მიიყვანა კიდეც. 

ასე განსაჯეთ: ჯანგველაძემ, პატიმრობაში მყოფ შაქრო კალაშოვსაც დაურეკა და საქმის კურსში ისიც ჩააყენა. როგორც ამბობენ, შაქრო წინააღმდეგი არ წასულა ანუ აფხაზეთში ქართველების გაძლიერებას ხელს ისიც არ უშლის. 

შეგახსენებთ, რომ ერთ თვეზე ცოტა მეტი დარჩა ვლადიმერ პუტინის მიერ, რუსეთის მოსახლეობისთვის მიცემული პირობის შესრულებამდე. პუტინმა პირობა დადო, რომ 2020 წლის 1 იანვარს, რუსეთის ტერიტორიაზე, არცერთი „კანონიერი ქურდი“ აღარ იქნება თავისუფლებაზე. ისინი ან ციხეში იქნებიან, ან ქვეყანაში არ იქნებიან. რაც მთავარია, რუსეთის პრეზიდენტი საკუთარ პირობას სამართალდამცავებს მუდმივად ახსენებს და ბოლო სამი თვის განმავლობაში, ქურდების მფარველობისთვის (ალბათ, ძველი ნაცნობობის ხათრით), არაერთი მაღალჩინოსანი სამართალდამცავი დარჩა სამსახურის გარეშე და რამდენიმე საქმეზე ძიებაც აღიძრა. 

ეგ კი არა და, კრიმინალები ციმბირის მხარეს მიეძალნენ, აქაოდა, იქ ძებნას არ დაგვიწყებენო, მაგრამ ნურას უკაცრავად _ ციმბირის ოლქის 40-ზე მეტ ქალაქში, პოლიციის უფროსები შეცვალეს და ისინი მოსკოვიდან და სანკტ-პეტერბურგიდან ჩასული კადრებით ჩაანაცვლეს. ისე ჩანს, კრიმინალთან დაწყებულ ომს პუტინი ბოლომდე მიიყვანს და... ევროპაში ამბები დატრიალდება, ნუ იკითხავთ!

ბათო ჯაფარიძე

]]>
versiaprinti@yahoo.com (super admin) სამართალი Wed, 04 Dec 2019 13:13:32 +0400
ესპანეთში მცხოვრები ქართველი ბიზნესმენი, რომელმაც გივი თარგამაძეს მილიონი არ გადაუხადა, ნაციონალებმა ციხეში 30 წლით გაუშვეს! http://www.versia.ge/2013-07-31-11-23-46/item/6475-ესპანეთში-მცხოვრები-ქართველი-ბიზნესმენი,-რომელმაც-გივი-თარგამაძეს-მილიონი-არ-გადაუხადა,-ნაციონალებმა-ციხეში-30-წლით-გაუშვეს.html http://www.versia.ge/2013-07-31-11-23-46/item/6475-ესპანეთში-მცხოვრები-ქართველი-ბიზნესმენი,-რომელმაც-გივი-თარგამაძეს-მილიონი-არ-გადაუხადა,-ნაციონალებმა-ციხეში-30-წლით-გაუშვეს.html

7-წლიანი პატიმრობა ვანო მერაბიშვილის დედისთვის 7 ქათმის მოპარვის გამო

რეალურად რომ ვიმსჯელოთ, ლაშა ჩხარტიშვილს ადმინისტრაციული პატიმრობა აბსურდული მიზეზით შეუფარდეს _ ლობიოს დაყრის გამო, ციხეში ერთი საათის გატარებაც კი სასაცილოა, ჩხარტიშვილი კი კვირაზე მეტ ხანს გაატარებს. ახლა რომ გაერთიანებული ოპოზიციის პირველი ვიოლინოები ჰქვიათ, ისინი არიან განსაკუთრებით აღშფოთებულები და აღარც კი ახსოვთ, რომ არანაკლებ აბსურდული ბრალდებით, თავად არაერთი ასეული ადამიანი გაუშვეს ციხეში. 

ჩვენ რამდენიმე შემთხვევას გავიხსენებთ, როცა წინა ხელისუფლების დროს, ციხეში აბსურდული ბრალდებით და რაც მთავარია, აბსურდული „სროკებით“ მიდიოდნენ.

ყიტაანელი გიორგით დავიწყოთ: სახლში სპირტის კუსტარულად დამზადება ისწავლა, მერე და მერე, ისე დახელოვნდა ხორბლისგან სპირტის მიღებაში, რომ ინდმეწარმეც გახდა და თუ თავიდან 100 და 200 ლიტრს ყიდდა, მერე და მერე, ტონას გასცდა და დაადგნენ _ ეგ ბიზნესი კეზერაშვილისაა და შეეშვიო. არ შეეშვა, ან როგორ უნდა შეშვებოდა, ახლადმოყვანილი ცოლი ბავშვს ელოდა, მოხუცი მშობლებიც მისახედები იყვნენ და... დაიჭირეს. 

სასამართლოზე ბრალი რომ წარუდგინეს, მაშინ გაიგო, რომ ყაჩაღობას ედავებოდნენ და „პადელნიკებიც“ ჰყავდა. ის სამი „პადელნიკი“ სასამართლოზე პირდაღებული უყურებდა გიორგას, ფაქტზე ჰყავდათ დაჭერილი და ვერ უარყოფდნენ, მაგრამ ის კი დააფიქსირეს, ამ კაცს პირველად ვხედავთ და ჩვენთან არ იყოო. დაკავებულები „კაი ბიჭების“ კასტას განეკუთვნებოდნენ და იმის მიუხედავად, რომ გლდანის ციხეში გვარიანად სცემეს, სასამართლოზე ერთხელაც არ უთქვამთ, გიორგის ვიცნობთ და ჩვენთან ერთად იყოო. 

საბოლოო ჯამში, მოსამართლემ პროკურატურის შუამდგომლობა დააკმაყოფილა, სამს, როგორც აღიარებითი ჩვენების მიმცემებს, 7-7 წელი ჩამოურიგა, ხოლო გიორგის, როგორც დანაშაულის ბოლომდე უარმყოფელს, 15 წელი მისცა „საჩუქრად“. 

ცნობისთვის: გიორგი დღემდე ციხეშია და სასჯელს იხდის. პარადოქსული ისიც გახლდათ, რომ ის სამი ყაჩაღი და გიორგიც, რუსთავის #17 დაწესებულებაში მოხვდნენ, მაგრამ კონფლიქტი არ ჰქონიათ _ ბიჭებმა სასამართლოზე ბოლომდე იჭიდავეს, ცემაც აიტანეს და გიორგის პრეტენზია, უბრალოდ, ვერ ექნებოდა. ახლა ისინი თავისუფლები არიან, გიორგი კი _ სასჯელს იხდის. 

* * * 

ახალციხელმა ბიჭებმა ქეიფი გადაწყვიტეს და, იმის მიუხედავად, რომ ფული არ ჰქონდათ, იქვე, სოფლად ქათმები დაიჭირეს _ ზოგი შეწვეს, ზოგი მოხარშეს და, საერთო ჯამში, მუსრი შვიდ ქათამს გაავლეს. მათდა საუბედუროდ, შვიდში ორი ქათამი, ვანო მერაბიშვილის დედას, ქალბატონ ჟენია მერაბიშვილს ეკუთვნოდა. ვინც არ იცის, იმასაც ვეტყვით, რომ „იმ ვანოს“ ზეობის დროს, ქალბატონ ჟენიას, როგორც საქართველოს სკოლებში საუკეთესო დირექტორს,სპეციალური ჯილდოც გადასცეს. 

მოკლედ, ეს როგორ აკადრეს დედაჩემსო და 7 ქათმის ქურდობაზე, სამი ბიჭი დაიჭირეს. ჯგუფური ქურდობა ეპიზოდებად შეუკრეს და თითოს 7 წელი მიუსაჯეს ანუ მაქსიმუმი, რასაც ეს მუხლი ითვალისწინებდა... 

* * * 

დათო იმ სამარშრუტო ტაქსიში იჯდა, რომელიც სამეგრელოდან თბილისისკენ მიდიოდა. ხაშურთან „მარშუტკა“ ავტოავარიაში მოჰყვა, 11 პირი მძიმედ დაშავდა, თუმცა დათოს თითიც არ გაკაწვრია. სწორედ მან დარეკა სასწრაფოში, მან შეატყობინა პატრულს მომხდარის შესახებ და სასწრაფოცა და პატრულიც, სწორედ მისი ზარის შემდეგ მივიდნენ ადგილზე. დათო, პრაქტიკულად, ერთადერთი ჯანმრთელი მოწმე იყო და ხაშურის პოლიციაში დაკითხვაზე გადაიყვანეს. დაკითხვა გაიწელა, ღამის 3 საათზე დასრულდა და პოლიციელებმა უთხრეს, დილით ადრე გაგიჩერებთ „პაპუტნი“ „მარშუტკას“ და თბილისამდე გაგაყოლებთო. დათომაც მშვიდად გაატარა ის ღამე ხაშურის პოლიციის შენობაში, დილის 7 საათზე კი სამართალდამცავებმა მართლაც გაუჩერეს თბილისის „მარშუტკა“ და მგზავრი გამოაყოლეს. სახლში მოსული დავითი, ორ საათში, პოლიციამ ყაჩაღობის ბრალდებით დააკავა _ დანაშაული ღამის 3 საათზე იყო მომხდარი და „ცხელ კვალზე“ გახსნეს. 

რაღა თქმა უნდა, დაკავებული ძალიან ბედნიერი იყო იმით, რომ წინა დღეს ავარიაში მოჰყვა, დარწმუნებულიც გახლდათ, ხაშურის პოლიციიდან ჩანაწერებს ამოიღებდნენ, ნახავდნენ, რომ მაშინ, როცა თბილისში ყაჩაღობა მოხდა, ის ხაშურის პოლიციაში ჩვენებას აძლევდა და... 

მოსამართლემ დააკმაყოფილა პროკურატურის შუამდგომლობა და საჭიროდ არ მიიჩნია, რომ ხაშურის პოლიციის შიდა პერიმეტრიდან, სათვალთვალო კამერების ჩანაწერები ამოეღო. თბილისელ სამართალდამცავებს სხვა ეჭვმიტანილი არ ჰყავდათ და ამიტომ, დათოს მარტივად მიუსაჯეს 7 წელი, თან დაამადლეს, შეგვეძლო 9 მოგვეცა, მაგრამ დაგინდეთ, როგორც პირველი დანაშაულის ჩამდენიო. 

დიახ, ყველაფერი ეს წინა ხელისუფლების დროს ხდებოდა. 

* * * 

ალბათ, უპრეცედენტოა საქმე, რომელიც სოზარ სუბარის ომბუდსმენობის დროს მოხდა. გორში, მკვლელობაში ეჭვმიტანილს ასამართლებდნენ, კაცი ბოლო ხმაზე ყვიროდა, არავინ მომიკლავსო, პროკურატურა კი დაჟინებით სთხოვდა გვამის დამარხვის ადგილის ჩვენებას ანუ რეალურად, გვამი არ არსებობდა, ოჯახმა პოლიციაში განცხადება შეიტანა ადამიანის უგზო-უკვლოდ გაუჩინარებაზე და დააკავეს პირი, რომელიც საეჭვოდ მიიჩნიეს. 

მოკლედ, მაშინ ბატონი სოზარიც სასამართლო დარბაზში იყო, მოსამართლემ „მკვლელს“ 15 წელი მიუსაჯა, თან ადვოკატის გარეშე, რადგან ადვოკატს, თურმე, დილით სასწრაფო საქმე გამოუჩნდა, პროცესი არ გადაუდეს, ის კი პროცესზე არ ჩანდა. განაჩენის გამოცხადებიდან, დაახლოებით, 30 წამში, დარბაზში ადვოკატი შემოვიდა და თან მოიყოლა კაცი, რომლის მკვლელობისთვისაც, 30 წამით ადრე, მის კლიენტს 15 წელი მიუსაჯეს. ატყდა ერთი ამბავი, სანამ ამ ადამიანის ნამდვილობა დაადგინეს და დარწმუნდნენ, რომ გარდაცვლილი ცოცხალი იყო, დროც გაიწელა. საბოლოოდ, როცა ყველა ელოდა დაკავებულის გათავისუფლებასა და განაჩენის შეცვლას, მას... 3 წელი მიუსაჯეს. პროკურატურამ იხტიბარი არ გაიტეხა, მკვლელობის ბრალდება მოუხსნა, მაგრამ აყვანის დროს, ბრალად პოლიციელების ფიზიკური შეურაცხყოფა წაუყენა და მოსამართლემაც 3 წელი „აკმარა“. 

* * * 

დიტო ესპანეთსა და ინგლისში წარმატებულ ბიზნესს ეწეოდა. როგორც თავად ამბობდა, 2008 წლის არჩევნების წინ, გივი თარგამაძემ დაურეკა და ნაციონალების ყულაბაში მილიონი დოლარის შემოწირულობა სთხოვა. დიტომ უარი შემოუთვალა, თარგამაძე კი დაემუქრა, ჩამივარდები ხელშიო. ერთი წლის შემდეგ, დიტო საქართველოში, დედის გასვენებაში ჩამოვიდა, ერთი კვირა დარჩა, ხოლო როცა ესპანეთში უნდა გაფრენილიყო, აეროპორტისკენ მიმავალ გზაზე დააკავეს. ბრალად ყაჩაღობა და იარაღის უკანონო შეძენა-შენახვა-ტარება წაუყენეს. ყველაზე საინტერესო კი ის გახლდათ, რომ იმ დღეს, როცა თითქოს, დაკავებულმა საქართველოში იყაჩაღა, ესპანეთში, „ბარსელონას“ მონაწილეობით მატჩი გაიმართა და დიტო, როგორც „ბარსას“ ქომაგი, სტადიონზე იმყოფებოდა. შეხვედრა პირდაპირ ეთერში გადაიცემოდა და როცა ტრიბუნებისკენ კამერა მიატრიალეს ოპერატორებმა, კადრში დიტოც მოხვდა. 

იწვალა ადვოკატმა, სასამართლოზე ეს უტყუარი ფაქტი წარადგინა, აქაოდა, ჩემი კლიენტი თბილისში ვერანაირად იქნებოდა, „ნოუ კამპის“ ტრიბუნებზე იჯდაო. გამოძიებამ ეს ახალ გარემოებად ჩათვალა და ყაჩაღობასთან ერთად, დიტოს საზღვრის უკანონო გადმოკვეთა და გადაკვეთაც დაუმატა და, საბოლოო ჯამში, 30 წელი მიუსაჯეს. 

საბედნიეროდ, ხელისუფლების შეცვლის შემდეგ, ერთ-ერთი პირველი, ვინც საპყრობილე დატოვა, სწორედ დიტო იყო. 

* * * 

კახეთში, მეზობელმა მეზობელს არყის სახდელი ქვაბი მოპარა, ქვები სპილენძის იყო და დაზარალებულმაც იჩივლა. პოლიციამ ქურდი მაშინ დააკავა, როცა ნაწილებად დაჭრილი ქვაბი ჩასაბარებლად, ჯართის პუნქტში მიიტანა. სასამართლოზე ნივთმტკიცებად, ქურდის მიერ დაჭრილი და ტომარაში ჩადებული არყის სახდელი მოიტანეს, რომელიც დაზარალებულს უნდა ამოეცნო. დაზარალებულმა დახედა სპილენძის ნაჭრებს, ჩემი გახეხილ-გაპრიალებული იყო, ამას სხვა ფერი დაჰკრავსო, უთხრა მოსამართლეს და გაცოფებულმა პროკურორმაც მაშინვე უკეთესად გაარკვია სიტუაციაში _ დაზარალებული, რომელმაც საკუთარი ნივთი ვერ ამოიცნო და არ დაადასტურა, ცრუ ჩვენების მიცემისთვის, 3 წლით გაუშვეს დასასვენებლად, ქურდი კი, რომელსაც ნივთი უპოვეს, ოთხი წლით გაისტუმრეს ციხეში. 

* * * 

რაღა თქმა უნდა, ეს ყველაფერი არ არის. ამას დაუმატეთ ისიც, რომ პატიმრების 99%-ს უსასტიკესად სცემდნენ და თანაც, რამდენჯერმე. ახლა ცემა-ტყეპა შეწყვეტილია, არც ასეთი აბსურდული ბრალდებებით მიდიან უზარმაზრ „სროკებზე“ და ჩხარტიშვილიც მალე დატოვებს ციხეს. 

ისე, ციხე ასეთი მცირე ხნით, საუკეთესო ადგილია, რათა მოვლენებს ცივი გონებით შეხედო და გააანალიზო. შესაბამისად, ეგებ, ეს დაკავება ლაშას პოლიტიკურ კარიერასაც წაადგეს და ის თავისუფლებაზე, სხვა იდეებითა და შემართებით დაბრუნდეს. 

გვერწმუნეთ, იქიდან, როგორც ხელისუფლების, ისე ოპოზიციის შეცდომები ყველაზე კარგად ჩანს.

პატიმარი #0578

]]>
versiaprinti@yahoo.com (super admin) სამართალი Wed, 04 Dec 2019 13:13:25 +0400
ქისტური ვენდეტა _ როდის და როგორ იღებენ პანკისელები სისხლს http://www.versia.ge/2013-07-31-11-23-46/item/6474-ქისტური-ვენდეტა-_-როდის-და-როგორ-იღებენ-პანკისელები-სისხლს.html http://www.versia.ge/2013-07-31-11-23-46/item/6474-ქისტური-ვენდეტა-_-როდის-და-როგორ-იღებენ-პანკისელები-სისხლს.html

„დედაჩემს ოპერაციისთვის ფული არ ჰქონდა და იძულებული გავხდი, მექურდა!“ _ თორღვას სევდიანი თავგადასავალი

გასულ კვირას, პანკისში ტრაგედია დატრიალდა _ მამაკაცებს შორის კონფლიქტი, მკვლელობითა და რამდენიმე ადამიანის დაჭრით დასრულდა. პოლიციამ საქმეზე, ორი ეჭვმიტანილი უკვე დააკავა და მკვლელობა გახსნილადაც გამოაცხადა. არ დავიწყებთ იმის გარჩევას, რას მოჰყვა კონფლიქტი, საქმე გვარებს შორის დაპირისპირებაში იყო, თუ ჰესების მშენებლობაში, მაგრამ ფაქტია: ამ ამბავს გაგრძელება აუცილებლად ექნება და ის, რომ მკვლელობაში ეჭვმიტანილები დაკავებულები არიან, არაფერს ცვლის.

თუ სატელევიზიო სიუჟეტების მიხედვით ვიმსჯელებთ, ხეობაში აზრთა სხვადასხვაობაა. გარდაცვლილის ოჯახის წევრები შურისძიებით იმუქრებიან, ხეობის უხუცესებს, რაღა თქმა უნდა, შერიგება სურთ და ეს ის შემთხვევაა, როცა პოლიციაც კი უძლური იქნება _ გადაწყვეტილებას თემი გამოიტანს და აღასრულებს კიდეც. 

 

და მაინც, რას ნიშნავს ქისტური ვენდეტა, სადამდე შეიძლება წავიდეს ადამიანთა შურისძიება და რეალურად, უჯერებს თუ არა ხეობის უხუცესებს ახალგაზრდობა ანუ ის თაობა, რომელმაც წესით, მომავალში უნდა გადაიბაროს ხეობა და ზოგადად, ვის უფრო მეტი გავლენა აქვს პანკისში _ უხუცესებს, თუ ახალგაზრდებს?! 

პანკისელ თორღვას, სახელი მამამისმა, ძმაკაცის პატივსაცემად დაარქვა და ამით, როგორც მამა, ისე შვილიც ამაყობდა, მაგარი კაცის სახელი მქვიაო. თორღვა სასჯელს ქურდობისთვის იხდიდა და პატიმრების ყურადღებას მხოლოდ იმით იპყრობდა, ქისტი რომ იყო. 

ყველას აინტერესებდა ლეგენდად თქმული ქისტების ამბები, თუმცა თორღვა დიდი მოლაპარაკე არ იყო, არც ამბების მოყოლა უყვარდა და ერთადერთი, რაზეც ჩალიჩობდა ხოლმე, ტელეფონზე დარეკვა გახლდათ. ძირითადად, პანკისში რეკავდა, თავისიანების ამბებს იგებდა და... ლაფანყურის სპეცოპერაციის შემდეგ, საკნიდან დიდ ხანს აღარ გამოსულა, ლოცულობდა და მთელმა „ზონამ“ გაიგო, რომ ლაფანყურში მას ბიძაშვილი და ბავშვობის ძმაკაცი მოუკლეს. 

„სისხლი სისხლის წილ, უცხო არ არის თქვენთვის და ასეთ შემთხვევაში, როგორ ხდება, როცა ხეობა სახელმწიფოს ეტაკება?“ _ ჰკითხა პატიმარმა #0578-მა თორღვას, როცა მან გლოვა დაასრულა. 

„არაფერიც არ ხდება... კონკრეტულად თუ იცი, ვინ ესროლა, კიდევ შეიძლება რამეზე იფიქრო, ასე კი, რა უნდა ქნა, მთელ სპეცრაზმს ხომ არ დაეტაკები? კონკრეტულად ვერაფერს გაიგებ, რადგან სპეცრაზმი ნიღბებითაა, ინფორმაცია საიდუმლოა. მოკლედ, ძნელია, რა“, _ ხელი ჩაიქნია თორღვამ. 

„და როცა იცი, მკვლელი ვინ არის, სავალდებულოა სისხლის აღება, თუ მაგას უხუცესები წყვეტენ?“ _ არ მოეშვა #0578. 

„უხუცესები ბევრ რამეს წყვეტენ, მაგრამ რეალური ძალა უკვე ახალგაზრდობაშია. როგორ არის, იცი? დღეს ბევრ რამეს ფული წყვეტს, ფინასურად თუ ძლიერი ხარ, ავტორიტეტიც გაქვს. ახლა, პატარა ბავშვი რომ შეხედავს, სოფლის უხუცესი, წესიერი, განათლებული, პატივსაცემი კაცი, წელში ოდნავ მოხრილი, ძლივს მოაბიჯებს, მაგრამ მხრებით საუკუნე და გამოცდიულება მოაქვს. მეორე მხარეს კი 100-ათასიან მანქანაზე ზის ახალგაზრდა ბიჭი, ცხოვრება უხარია, რა უნდა ბავშვს? _ რა თქმა უნდა, იმ ახალგაზრდის ცხოვრება და ამიტომ, პატივისცემა კი არ იკარგება ხეობაში უხუცესების მიმართ, არამედ, ნაკლებად უჯერებენ. 

საჭირბოროტო საკითხებზე, მუდმივად უხუცესები იკრიბებიან, ჩვენც იქ ვართ ხოლმე, ვისმენთ, ვსწავლობთ, მაგრამ... თუ ვინმემ გაჭედა, არ ვეთანხმები უხუცესთა გადაწყვეტილებასო, რას იზამენ? _ ვერაფერს. 

გავა წლები, უხუცესების მიმართ პატივისცემა ისეთივე იქნება, მაგრამ მათ ნაკლებად დაუჯერებენ. ცხოვრება მოიტანს ამას, ასე მგონია მე“, _ მეორედ ჩაიქნია ხელი თორღვამ. 

„ქართველებში, ძირითადად, სვანებსა და მთიულებშია სისხლის აღება, იქ ქალებსა და ბავშვებს არ ეხებიან. თქვენთან როგორ არის?“ 

„ვაჟკაცი თუ ხარ, ქალებსა და ბავშვებთან რა გინდა? ან მოსისხლეს ეძებ, ან კიდევ იმის ძმას, გააჩნია, როგორ ხარ გამწარებული. ქალი და ბავშვი ჩვენთანაც შეუხებელია და, მგონია, ყველგან შეუხებელია, არა?“ _ აქეთ დასვა კითხვა თორღვამ. 

„რა ვიცი, ტერორისტები კი არ არჩევენ და... ტერორისტების ბუდეაო, პანკისზე რუსები ამბობენ ხშირად და ლაფანყურის სპეცოპერაციის შემდეგ, ქართულმა ხელისუფლებამაც, პრაქტიკულად, ეგ თქვა...“ _ თვალი მოუჭუტა #0578-მა. 

„რა ტერორისტები, რის ტერორისტები? ამბობენ, ქისტები საბრძოლველად მიდიან სხვა ქვეყნებშიო. ჰო, მიდიან იმიტომ, რომ ფული არ აქვთ და დაქირავებული მებრძოლები არიან. აბა, რა ქნან, როგორ იშოვონ? აგერ, მე მოვიპარე და დამიჭირეს. ტერორისტების ბუდეაო, რომ ამბობენ, მითხარი ერთი ტერორისტული აქტი, რომელიც ქისტმა გააკეთა, ვერ მეტყვი იმიტომ, რომ არ გაუკეთებია და მე თუ მკითხავ, საზღვრის იქითა მხარე, სწორედ ჩვენ გვიჭირავს, საქართველოს საზღვრის და თუ იქიდან მტერი შემოვა, მერე ტერორისტებიც გავხდებით და შაჰიდებიც, არ შემოვუშვებთ არავის! მაგიტომ გვიტევს რუსეთი, თორემ ფაქტები ხომ არ არსებობს, არა?“ _ თითქოს გაბრაზდა თორღვა. 

„და იქ, სადაც იბრძვით, იქ რომ მოაწყოთ ტერაქტი, ვინმე გიშლით, თუ რომ ჩადიხართ, პირობას დებთ, ტერაქტში მონაწილეობას არ მივიღებთო?“ _ არ მოეშვა #0578. 

„იქ, ძირითადად, თვითმკვლელები არიან და შენ გაგიგია, რომელიმე ქისტს თავი აეფეთქებინოს და ტერაქტი მოეწყოს? _ არა და ეს იმიტომ, რომ არ ვართ ტერორიზმისკენ მიდრეკილები. ბრძოლა, კი ბატონო, მტერია და ესვრი, მაგრამ უდანაშაულო ხალხს არავინ ხოცავს!“ _ დაასვა ბეჭედი თორღვამ. 

„სისხლის აღება ახლაც ხშირია?“ _ ჰკითხა #0578-მაა. 

„იცი, როგორ არის? უკვე მკვლელობებია იშვიათი. ადრე უფრო ხშირი იყო, ახლა შემცირდა კი არა, თითქმის სრულიად მოისპო. კარგია ეს, ყველა ერიდება, ყველა ხვდება, რომ თუ სისხლის აღებას ვერ მოასწრებენ გარდაცვლილის ახლობლები, ციხე არ ასცდება, დიდი „სროკი“ და ვის უნდა, ახლა, ეგ? 

ზოგადად, პანკისელებზე კრიმინალი როგორ არის შემცირებული, ატყობ? აგერ, სამი ათასი კაცი იხდის სასჯელს და ჩემს გარდა, ერთი ქისტია მარტო. პროცენტულად, ყველაზე ცოტა დამნაშავეები ჩვენ გვყავს“, _ ამაყად თქვა თორღვამ. 

„აბა, შენ რაღამ გადაგრია, საქურდავად რომ წამოხვედი?“ _ გაეცინა #0578-ს. 

„ეგ ცოტა რთული ამბავიაა. ხის მასალა ჩამოვიტანეთ თბილისში, უნდა გამეყიდა, დედა მყავდა საოპერაციო. იაფად გავყიდე, მესამედიც ვერ ავიღეთ იმისი, რაც ოპერაციისთვის მჭირდებოდა. რა უნდა მექნა? ვიფიქრე, სადმე რამეს მოვიპარავ-მეთქი. ჰოდა, ერთმა ქალმა ელიავაზე, უნიტაზში 1000 ლარი რომ გადაიხადა, მივხვდი, ბევრი ფული ექნება-მეთქი და სახლამდე მივყევი. მერე, ორი დღე ვათვალიერე ის სახლი, როგორ უნდა შევსულიყავი და... შევედი. 

სიგნალიზაცია ჰქონია ისე, რომ პირდაპირ პოლიციაში რეკავდა. შესვლიდან, დაახლოებით, 3-4 წუთში, ალყაში მომაქციეს ავტომატებით და სულ პანჩურებით გამომიყვანეს. მოსამართლემ, პირველი შემთხვევაა და ამიტომ, მინიმუმს _ 4 წელს მოგცემო და პროკურორმა, სამი იმაზე დაუმატე, რომ სხვის კუთვნილ ტერიტორიაზე შევიდაო. ჰოდა, 4 წელი ქურდობის მცდელობისთვის მომცეს, 3 წელი კი _ სხვის კერძო საკუთრებაში უნებართვოდ შეჭრისთვის. მუხლი 4-დან 6-მდე იყო და, საბოლოო ჯამში, 7 წელი მომარჭვეს, თან შეღავათით“, _ გაეცინა თორღვას. 

„დედა როგორ არის?“ 

„გაიკეთა ოპერაცია. საქონელი გაყიდა მამამ და გაიკეთა, კარგად არის, გადარჩა, მაგრამ ახლა ჩემზე ნერვიულობა კლავს, ციხეში რომ ვარ, თავის თავს აბრალებს. იმიტომ ვჩალიჩობ ხოლმე მუდმივად დარეკვაზე, ვაწყნარებ, ვამშვიდებ, რაც შემიძლია, არ შეიძლება მაგისთვის ახლა ნერვიულობა“. 

 

„თორღვა, გულახდილად მითხარი, რომ გაიგო, ვინ დახოცა ლაფანყურის სპეცოპერაციის დროს, შენი ბიძაშვილი და ძმაკაცი, ისისხლებ?“ _ ჩუმად ჰკითხა #0578-მა. 

„არა, _ დაფიქრებით თქვა თორღვამ და მცირე პაუზის შემდეგ გააგრძელა, _ ჯერ უნდა ვიცოდე, რატომ მოკლეს, დეტალები უნდა ვიცოდე და მეორეც, მე თუ გავიგებ, იმათი ოჯახის წევრებიც გაიგებენ, ძმები, მამები და იმათი ვალია სისხლის აღება. ძმები და მამები რომ არ ჰყავდეთ, მერე ჩემიც და ბევრი სხვის ვალდებულებაც იქნებოდა, მაგრამ ახლა თავზე არ უნდა გადაახტე ოჯახს. იქნებ, სულაც არ აპირებს სისხლის აღებას და შენ რატომ ეჩრები?“ 

„არ აპირებს“ რას ნიშნავს? შესაძლებელია, სისხლი რაიმე საზღაურით ჩამოიბანოს? მაგალითად, ვიცი შემთხვევები, როცა საქონელი, ან ფული მიუციათ და შერიგებულან, მაგრამ ძირითადად, შემთხვევითი მკვლელობების დროს“, _ აუხსნა #0578-მა. 

„რთულია მაგის გაკეთება, ძალიან რთული. ჯერ ერთი, შემთხვევითი მკვლელობა ცუტა უცნაურად ჟღერს და მერე, მაგალითად, მკვდარში გამოართვი 10 ძროხა. იცი, ეს რას ნიშნავს? მოგირეკავს მეორე ათ ძროხას, მოგიკლავს კიდევ ოჯახის წევრს და ხმასაც ვერ გაიღებ, მაგრამ საბედნიეროდ, მკვლელობების რიცხვი ძალიან შემცირდა, შემცირდა კრიმინალიც და ეს ძალიან კარგია“, _ დაასრულა თორღვამ.

 

პატიმარი #0578

]]>
versiaprinti@yahoo.com (super admin) სამართალი Wed, 04 Dec 2019 13:13:22 +0400