საზოგადოება - ვერსია - ვერსია http://www.versia.ge Sat, 11 Jul 2020 09:54:29 +0400 Joomla! - Open Source Content Management en-gb რუსი სპორტსმენები კავკასიელებს უტევენ http://www.versia.ge/2013-07-31-11-23-15/item/6840-რუსი-სპორტსმენები-კავკასიელებს-უტევენ.html http://www.versia.ge/2013-07-31-11-23-15/item/6840-რუსი-სპორტსმენები-კავკასიელებს-უტევენ.html

გარიგებული მატჩების სომხური სკანდალი _ აქვს თუ არა კითხვები გამოძიებას ქართველ ფეხბურთელთან

რაოდენ სამწუხაროც უნდა იყოს, სპორტსმენებთან დაკავშირებული კრიმინალური საგა გრძელდება. როგორც იცით, ძიება მიმდინარეობს გიორგი შაქარაშვილის მკვლელობის (ჰო, მკვლელობის) საქმეზე. პარალელურად, გასულ კვირას, სასამართლომ 5 პირს, რომლებსაც ბრალად ადამიანის გატაცება და წამება ედებათ, პატიმრობა შეუფარდა. ამ ხუთიდან ერთი, საქართველოს ჩემპიონი, ევროპისა და მსოფლიოს ჩემპიონატების ვერცხლის მედალოსანი, იური ლომაძეა. მართალია, ადამიანისკენ თითის გაშვერა იოლია, მაგრამ ჩვენს მიერ მოპოვებული ინფორმაციის თანახმად, ყველაფერი ისე არ არის, როგორც ერთი შეხედვით ჩანს. გატაცებისა და წამების რა გითხრათ, მაგრამ საქმეში ორსული ქალი ფიგურირებს და როგორც გვეუბნებიან, სწორედ მას გამოექომაგა ლომაძე, თუმცა საბოლოო სიტყვას სასამართლო იტყვის.

ამასობაში კი, ვეტერანმა რუსმა სპორტსმენებმა კავკასიასა და ზოგადად, მსოფლიოს შეუტიეს. ტანვარჯიშში ორგზის ოლიმპიურმა ჩემპიონმა, სვეტლანა ხორკინამ განაცხადა, ოლიმპიადა იმიტომ გადაიტანეს, რომ ღმერთმა სამყარო დასაჯა რუსეთის ოლიმპიადიდან მოკვეთს გამოო. მოგეხსენებათ, დოპინგ-სკანდალის შემდეგ, რომლის გამოძიებაც წლების განმავლობაში გრძელდებოდა, რუსეთის პრაქტიკულად ყველა სპორტსმენი, ოლიმპიადასა და სხვა დიდი ფორუმებიდან მოკვეთეს. 

 

რაც შეეხება დუმის დეპუტატს, ფიგურულ სრიალში სამგზის ოლიმპიურ ჩემპიონ ირინა როდნინას, მან კომენტარი მსოფლიო ჩემპიონის, ხაბიბ ნურმაგომედოვის მამის სიკვდილზე გააკეთა. შეგახსენებთ, რომ ხაბიბის მამა კორონავირუსმა იმსხვერპლა. 

„ვწუხვარ მისი გარდაცვალების გამო. კავკასიელები ცხელი ხალხია, მათ ჩხუბი უყვართ, მე ვერ ვხვდები, ეს როგორ უნდა იყოს სპორტი, მაგრამ ვინაიდან მსოფლიო აღიარებს, დაე, იყოს ასე, თუმცა მინდა ვთქვა, რომ გვაფრთხილებენ, წესები დავიცვათ, ნიღბებით ვიაროთ და ეს ცივილზებულმა სამყარომ უნდა გააკეთოს. კავკასიელებს ამის გაკეთება უჭირთ“, _ განაცხადა ხორკინამ და არაპირდაპირ მიანიშნა, რომ კავკასიელებს ცივილიზაცია აკლიათ. 

* * * 

ზედიზედ მეორე ტურია, ყაზანის „რუბინის“ გულშემატკივრები მხოლოდ ქართველ შემტევზე, ხვიჩა კვარაცხელიაზე საუბრობენ. 19 წლის ლეგიონერი გუნდში ყველაზე გამორჩეულია, მატჩის საუკეთესო ფეხბურთელადაც დაასახელეს და ისიც ითქვა, სეზონის ბოლოს, მას „რუბინში“ არავინ დატოვებსო. ასეა თუ ისე, ჩვენთვის მთავარია, ხვიჩა სათამაშო ფორმის პიკს შემოდგომისთვის ანუ მაშინ შეხვდეს, როცა საქართველოს ეროვნულ ნაკრებს არსებობის ისტორიაში, ყველაზე მნიშვნელოვანი მატჩი ელის ბელორუსთან. 

* * * 

რამდენჯერმე დავწერეთ თორნიკე შენგელიას შესახებ. ჰოდა, უკვე თამამად შეიძლება იმის თქმა, რომ ქართველი ცენტრი, მოსკოვის ცსკა-ს მაისურს, ესპანეთის ჩემპიონის რანგში მოირგებს. თორნიკეს „ბასკონიამ“ ესპანეთის ჩემპიონატის ფინალში, „ბარსელონა“ ყველასთვის მოულოდნელად დაამარცხა და როგორც გუნდის კაპიტანმა, საჩემპიონო თასი, პირველმა შენგელიამ შემართა. ცსკა-ში მის გადასვლას კი უკვე, როგორც მომხდარს, ისე ვამბობთ, რადგან რუსული კლუბის ხელმძღვანელობამ დაადასტურა, შენგელია გადავიბირეთ, ახლა სამედიცინო შემოწმების გასავლელად ველოდებით, რაც პანდემიისა და შესაბამისად, ფრენების აკრძალვის გამო არ ხერხდება და როცა მოხერხდება, სამწლიან კონტრაქტსაც გავუფორმებთო. რუსული მედიის ინფორმაციით, „ბასკონია“ ამ გარიგების სანაცვლოდ, 2 მილიონ ევროს მიიღებს, შენგელია კი _ 6 მილიონს. 

* * * 

იტალიის ჩემპიონატის მორიგი ტური ისტორიული გამოდგა. „იუვენტუსის“ კარის დარაჯმა, ჯანლუიჯი ბუფონმა ჩემპიონატში 648-ე მატჩი ჩაატარა, რითაც ლეგენდარული პაოლო მალდინის რეკორდი გააუმჯობესა და ახლა, ამ მხრივ, ერთპიროვნული ლიდერია. აღნიშნულ ტურში, თავი გოლით კრიშტიანუ რონალდუმაც გამოიჩნდა და ერთბაშად ორი მიღწევა გააუმჯობესა _ ის ერთადერთი მოთამაშეა, რომელსაც ესპანეთის, იტალიისა და ინგლისის ჩემპიონატების სეზონში 25 გოლი აქვს გატანილი და ამავდროულად, ის გახდა პირველი მოთამაშე „იუვენტუსის“ მაისურით 1961 წლის შემდეგ, რომელმაც ერთ სეზონში, 25 გოლის გატანა მოახერხა. ჰო, ისიც ვთქვათ, რომ რონალდუ 35 წლისაა, ვეტერანად ითვლება, მაგრამ როგორც ექიმები ამბობენ, მისი სხეული 20-22 წლის ფეხბურთელის სხეულივითაა და ეს თავად პორტუგალიელის ასკეტური ცხოვრებისა და წვრთნების შედეგია. 

* * * 

ესპანეთის ჩემპიონატის დასრულებამდე 4 ტურით ადრე, მადრიდის „რეალი“ „ბარსელონას“ 4 ქულით გაექცა და სასწაული უნდა მოხდეს, ოქროს მედლები რომ დაკარგოს. მით უმეტეს, ბოლო ოთხი მატჩიდან, „სამეფო გუნდს“ რთული არცერთი არ აქვს და ახლა თავად უნდა მოიფიქროს რამე, ჩემპიონობა როგორ დაკარგოს. როგორც ჩანს, მეორე ადგილს კატალონიაშიც შეეგუვნენ და უკვე დაიწყეს მომავალ სეზონზე ფიქრი, თუმცა რამდენად გამოვა ეს „ფიქრი“, ძნელი სათქმელია. კარს „ბარსელონას“ პრეზიდენტის არჩევნებია მომდგარი და მოქმედი პრეზიდენტის, ხოსე მარია ბართომეუს მთავარ კონკურენტად, ხუან ლაპორტა ითვლება. ლაპორტა ის კაცია, ვინც ბართომეუმდე პრეზიდენტობდა „ბარსელონას“ და ისტორიაში ყველაზე მეტი ტიტულიც სწორედ მან მოაგებინა. ლაპორტამ უკვე განაცხადა, თუ პრეზიდენტი გავხდები, გუნდში მთავარ მწვრთნელად ხავის მოვიყვანო და გულშემატკივართა არმიაც მის მხარეს დადგა. 

ისე, საინტერესო ის გახლავთ, რომ პრეზიდენტს დირექტორთა საბჭო და რამდენიმე კაცი კი არა, კლუბის ფანკლუბში გაწევრიანებული ასი ათასობით ადამიანი ოფიციალურ არჩევნებზე, ბიულეტენებით ირჩევს და გამარჯვებული ნამდვილი სახალხო პრეზიდენტია. 

* * * 

კორონავირუსის გავრცელების რაოდენობითა და ფატალური შედეგებით, ამერიკის შეერთებული შტატები პირველ ადგილზეა, მაგრამ ეს სულაც არ უშლის ხელს, რომ შემოდგომაზე იქ NBA-ს მორიგი რეგულარული სეზონი დაიწყოს. მეტიც, აშშ-ის საკალათბურთო ასოციაციამ უკვე გამოაქვეყნა მოსამზადებელი შეხვედრების კალენდარი და ჯანმრთელობის დაცვის საერთაშორისო ორგანიზაციის გულისწყრომაც გამოიწვია, თუმცა... 

„გვესმის, რომ ვირუსი საფრთხეა, რომ ფატალური შედეგების რიცხვი კატასტროფულია, მაგრამ ცხოვრება გრძელდება. ჩვენ თუ რეგულარულ სეზონს არ განვაახლებთ, მსოფლიოს უძლიერესი ლიგა, უბრალოდ, გაკოტრდება და აშშ-ში კალათბურთი მოკვდება, ამას კი ვერ დავუშვებთ“, _ განაცხადეს ასოციაციის წარმომადგენლებმა. 

ოფიციალური მონაცემებით, სატელევიზიო უფლებების გაყიდვით, გულშემატკივართა მიერ ნაყიდი ბილეთებით, სარეკლამო კონტრაქტებითა და სხვადასხვა წვრილმანი თუ მსხვილმანი შემოსავლებით, აშშ-ის საკალათბურთო ასოციაციაში, ყოველწლიურად 30 მილიარდამდე დოლარი ბრუნავს, რაც ძალიან სერიოზული თანხაა და მასზე უარის თქმა გაჭირდება. 

NBA კი იმიტომ ვახსენეთ, რომ იქ გოგა ბითაძე თამაშობს. „ინდიანა პეისერსის“ ქართველი ცენტრი გუნდთან ერთად ემზადება და იმედი ვიქონიოთ, რომ სათამაშო დროც ბევრი ექნება, თუმცა ყველაფერი ეს არ არის _ NBA-ს დრაფტზე, სანდრო მამუკელაშვილიც იდგა, მაგრამ ბოლო მომენტში, მან საკუთარი კანდიდატურა მოხსნა. საქმე ისაა,რომ კალათბურთელს კარიერაში, ერთხელ ეძლევა დრაფტზე დადგომის შანსი, მაგრამ თუ არ აირჩევენ, ამას სხვა დროს ვეღარ გააკეთებს და NBA-ს სამუდამოდ დაემშვიდობება. ჰოდა, შარშან ამბობდნენ, სანდროს აყვანა ერთ კლუბს სურდა და რომ გადაეფიქრებინა, ეს ბიჭი კარიერას დაანგრევდაო. ახლა კი ირკვევა, რომ ქართველს ერთბაშად 12 კლუბი ესაუბრება, რაც იმას ნიშნავს, რომ მამუკელაშვილი მომავალ დრაფტზე აუცილებლად დადგება და კარიერას მსოფლიოს უძლიერეს ლიგაში გააგრძელებს. nbadraft.net ვარაუდობს, რომ 2021 წლის დრაფტზე, მამუკელაშვილს, მაქსიმუმ, 50-ე ნომრად აირჩევენ. 

* * * 

სომხეთის რანგით მეორე საფეხბურთო ლიგაში ჩაწყობილი მატჩების გამო, სერიოზული სკანდალი ატყდა. ხუთი კლუბის 58 ფეხბურთელი სამუდამო დისკვალიფიკაციით დასაჯეს და ამასთან, კლუბების ხელმძღვანელობას საფეხბურთო საქმიანობა აეკრძალათ. დასჯილ კლუბთა შორის, ერევნის „ლოკომოტივიცაა“, მის კარს კი თორნიკე ზარქუა იცავს. 

„ზარქუა ჩემპიონატის ერთ-ერთი საუკეთესო მოთამაშეა. საბედნიეროდ, გამოძიებას მასთან კითხვები არ აქვს, ის გარიგებულ მატჩებში არ მონაწილეობდა“, _ ნათქვამია სომხეთის ფეხბურთის ფედერაციის განცხადებაში. ადგილობრივი მედია კი ამტკიცებს, რომ ძალიან მალე, ზარქუა უმაღლესი ლიგის რომელიმე კლუბში გადავა. 

* * * 

დასასრულ, სპორტის სხვა სახეობებთან ერთად, ჩვეულ რეჟიმს „ფორმულა-1“-იც დაუბრუნდა. ავსტრიის გრანპრი გასულ უქმეებზე ჩატარდა და ის ფინელმა მრბოლელმა, ვალტერ ბოტასმა მოიგო. შეზღუდვებისა და შეჩერებული ჩემპიონატის გამო, „ფორმულა-1“-მა სამ თვეში, 250 მილიონი დოლარის ზარალი მიიღო.

ბათო ჯაფარიძე

 

]]>
versiaprinti@yahoo.com (super admin) საზოგადოება Wed, 08 Jul 2020 11:25:49 +0400
„მოკვდი, ნოვაკ!“ _ რატომ გაუხარდათ ხორვატებს ჯოკოვიჩის კორონათი დაინფიცირება http://www.versia.ge/2013-07-31-11-23-15/item/6827-„მოკვდი,-ნოვაკ-“-_-რატომ-გაუხარდათ-ხორვატებს-ჯოკოვიჩის-კორონათი-დაინფიცირება.html http://www.versia.ge/2013-07-31-11-23-15/item/6827-„მოკვდი,-ნოვაკ-“-_-რატომ-გაუხარდათ-ხორვატებს-ჯოკოვიჩის-კორონათი-დაინფიცირება.html

რა შანსს აძლევს პანდემია ქართულ ფეხბურთს და ვინაა ქართველი ფეხბურთელი, რომელიც, შესაძლოა, მილიონ ევროდ გაიყიდოს

სხვა ქვეყნების დარად, ეროვნული საფეხბურთო ჩემპიონატი საქართველოშიც განახლდა. დიდი ალბთობით, ყველაზე ნაკლებად, სწორედ ქართველებს არ გაუჭირდებათ ცარიელი ტრიბუნების წინაშე თამაში, რადგან ამას მიჩვეულები არიან და მათთვის ცარიელი სკამების ცქერა დამთრგუნველი არ იქნება. შიდა ჩემპიონატის განახლება მნიშვნელოვანი იმით გახლავთ, რომ ევროთასების საკვალიფიკაციო ეტაპის მოახლოებასთან ერთად, გუნდები რამდენიმე თამაშის ჩატარებას მოასწრებენ და ცოტათი მაინც, ფორმაში ჩადგებიან. დაგვეთანხმებით, რომ პანდემიის გამო არსებული აკრძალვა _ მაყურებლების გარეშე თამაში ქართული კლუბებისთვის, შესაძლოა, ხეირად იქცეს და ამას გარდა, არავინ იცის, რომელი კლუბი როგორ ფორმაში იქნება ევროთასების საკვალიფიკაციო ეტაპის წინ.

 

მოულოდნელი და სასიამოვნო ამბავი გაავრცელა უკრაინულმა მედიამ. უმაღლეს ლიგაში მოთამაშე „ლვოვის“ მთავარ მწვრთნელად, გია ცეცაძე დაინიშნა. ქართველი სპეციალისტი გულშემატკივრისთვის კარგადაა ცნობილი. 2016 წელს, მისი ხელმძღვანელობით იზეიმა „სამტრედიამ“ ქვეყნის ჩემპიონობა, უკრაინაში სწორედ ამას ამბობენ, ცეცაძემ მოახერხა და სოფლის გუნდი საქართველოს ჩემპიონი გახადა, „ლვოვსაც“ სასწაულს ჩაადენინებსო. მოკლედ, ბატონ გიას წარმატებას ვუსურვებთ და...ისე, იმ „სოფლიდან“ თბილისის მერი რომ არის წარმოშობით, ეს უკრაინელებმა ყველაზე კარგად უნდა იცოდნენ. 

* * * 

ამასობაში, გერმანიის ბუნდესლიგა დასრულდა. როგორც მოსალოდნელი იყო, „ბაიერნმა“ 30-ედ იზეიმა ჩემპიონობა ანუ ზედიზედ მერვედ, რითაც ტოპ-5-ის ქვეყნებში, „იუვენტუსის“ რეკორდი გაიმეორა. ერთი ეგაა: „იუვეს“ ამ სერიის გაგრძელება შეუძლია და ამის დიდი შანსი აქვს _ უახლოეს მდევარ „ლაციოს“ 4 ქულით უსწრებს. 

რადგან „ბაიერნზე“ ვსაუბრობთ, ისიც ვთქვათ, რომ გუნდის ერთ-ერთმა საუკეთესო ფეხბურთელმა, არიენ რობენმა კარიერა გასული წლის ზაფხულში დაასრულა და ფეხბურთიდან დიდი ზარ-ზეიმით გააცილეს. ჰოდა, ახლა რობენი კვლავ მინდორს უბრუნდება და ჰოლანდიური „გრონინგენის“ ღირსებას დაიცავს. როგორც თავად ამბობს, ერთწლიან პაუზას მისთვის დიდი კვალი არ დაუტყვია, ფორმაში მალე შევა და მოედანზე ძველებურად იფრენს. თავის დროზე, რობენის ფასი ას მილიონს აჭარბებდა, ახლა კი, სავარაუდოდ, „გრონინგენში“ თამაში უფასოდ მოუწევს, საკუთარი სიამოვნებისთვის და, როგორც თავად ამბობს, მოედანზეც სწორედ სიამოვნებისთვის ბრუნდება. 

* * * 

ფეხბურთის დღევანდელ ქომაგთა დიდ ნაწილს, საბჭოთა კავშირი, უბრალოდ, არ ახსოვს _ იმ დროს დაბადებულიც კი არ იყო. ჰოდა, სწორედ საბჭოთა კავშირი რომ არსებობდა, მაშინ იზეიმა ბოლოს ჩემპიონობა „ლივერპულმა“. მას შემდეგ, მერსისაიდული კლუბი ოქროს მედლებს ვერა და ვერ შესწვდა იმის მიუხედავად, რომ ჩემპიონთა ლიგა მოიგო ორჯერ და ზოგადად, ევროპის ერთ-ერთ ტოპ-კლუბად სამართლიანად ივლებოდა. ახლა კი „ენფილდის“ ბინადრებმა ნანატრი პირველი ადგილი იზეიმეს და მთელი ინგლისი შეშფოთებული ადევნებდა თვალს, როგორ ზეიმობდა 250 ათასამდე გულშემატკივარი საყვარელი გუნდის გამარჯვებას. 

არანაირი დისტანცია და ნიღბები, 250 ათასი კაცი ლუდებით წუწაობდნენ, სვამდნენ და ცეკვა-თამაშით იყვნენ დაკავებულნი _ პანდემია ნამდვილად არ ახსოვდათ. გულშემატკივრებმა ისიც თქვეს, პანდემიის შიში რომ არა, მეოთხედ მილიონზე მეტი შევიკრიბებოდითო. მოკლედ, არ გაგიკვირდეთ, თუ იურგენ კლოპს „ბითლზების“ ქალაქში ძეგლს დაუდგამენ _ ამ კაცის ხელში, „ლივერპულმა“ მოიგო ყველაფერი, რისი მოგებაც კი შეიძლებოდა. რაც მთავარია, კლოპს არ განუხორციელებია დიდი ტრანსფერები, არ უყიდია ძვირადღირებული ფეხბურთელები და მეგა-ვარსკვლავები. მან, მის ხელთ არსებული კონტიგენტით მოახერხა ბრძოლისუნარიანი გუნდის შექმნა და საშუალო დონის ფეხბურთელები მეგა-ვარსკვლავებად აქცია. 

* * * 

აი, ესპანეთში კი პირველობისთვის ბრძოლა გადამწყვეტ ფაზაში შევიდა. ბოლო სამი მატჩიდან, კატალონიურმა „ბარსელონამ“ ორი ფრედ დაასრულა, რითაც საუცხოოდ ისარგებლა „რეალმა“ და პირველ ადგილზე გადაინაცვლა. ახლა, ჩემპიონატის დასრულებამდე, ექვსი ტურით ადრე, მადრიდელებმა თავად თუ არ მოიგონეს რამე და არ წაიფორხილეს, წესითა და რიგით, ჩემპიონის ტიტული არ უნდა დათმონ. 

ბოლოს, დედაქალაქელებმა ჩემპიონობა სამი წლის წინ იზეიმეს და ეს „რეალისთვის“ აშკარად დიდი დროა. აი, „ბარსას“ ჩავარდნას კი შესაძლოა, მისი თავკაცი, კიკე სეტიენი შეეწიროს. როგორც ესპანური მედია წერს, ფეხბურთელებმა კლუბის ხელმძღვანელობას სეტიენის გაშვება სთხოვეს, რადგან მის ტაქტიკურ გადაწყვეტილებებს არ ეთანხმებიან. 

„მღვრიე წყალში“ თევზის დაჭერა „ბარსელონას“ ლეგენდამ, ხავი ერნანდესმა გადაწყვიტა და განაცხადა, რომ მზადაა, „ბარსა“ თუნდაც დღესვე ჩაიბაროს. ამჟამინდელი მდგომარეობით, ხავი არაბული „ალ სადის“ მთავარი მწვრთნელია. 

იმავე ესპანეთში, საოცარ სეზონს ატარებს თორნიკე შენგელიას „ბასკონია“. გუნდი ოქროს მედლებისთვის იბრძვის, ფინალში გავიდა და ეს თორნიკეს უდიდესი დამსახურებაა. იმის მუხედავად, რომ „ბასკონიას“ კაპიტანს კოჭის ტრავმა ჰქონდა, მწვრთნელმა გარისკა და მაინც ათამაშა, რადგან სხვაგვარად, მის გუნდს გაუჭირდებოდა. ტრავმირებულმა ქართველმა ცენტრმა, სეზონის ერთ-ერთი საუკეთესო შეხვედრა ჩაატარა, მეტოქეს 17 ქულა ჩაუგდო და გუნდი ფინალში გაიყვანა. „ბარსელონასთან“ მატჩი ნამდვილი კლასიკა იქნება, მაგრამ... პრაქტიკულად, ყველა სერიოზული გამოცემა კატეგორიულად წერს, რომ ახალ სეზონს შენგელია, მოსკოვის ცსკა-ში დაიწყებს. ძალიან რბილად რომ ვთქვათ, ამ ინფორმაციას ქართულ სოციალურ ქსელებში აგრესიული კომენტარები აქვს. 

* * * 

ოთარ კიტეიშვილს ავსტრიულ „შტურმში“ ისეთი სეზონი აქვს, ბევრი სპეციალისტი ამბობდა, იქ დიდხანს არავინ გააჩერებსო. ჰოდა, გასულ კვირას გაირკვა, რომ ქართველი ნახევარმცველის გადაბირებით, თურქეთის გრანდი _ „ფენერბაჰჩეა“ დაინტერესებული. ეს ტრანსფერი თუ შედგება, დარწმუნებით შეგვიძლია იმის თქმა, რომ ჩემპიონთა ლიგის ჯგუფურ ეტაპზე, კიდევ ერთ ქართველს არცთუ იშვიათად ვიხილავთ. ოთარის სატრანსფერო ფასი დღეისთვის, მილიონი ევროა და „ფენერს“ ამ თანხის გადახდა არ უნდა გაუჭირდეს. 

* * * 

წლების განმავლობაში, ხორვატია-სერბეთს შორის არსებული დაპირისპირება, თითქოს რაღაც ჩარჩოში მოექცა და ეს ორი ქვეყანა, გარეგნულად მაინც, ნორმალური ურთიერთობის შენარჩუნებას ცდილობდა. ის, რაც გასულ კვირას მოხდა, ყოველგვარ ზღვარს გასცდა და ამის გამო, გამოძიებაც კი დაიწყო. მსოფლიოს ნომერ პირველ ჩოგანს, სერბ ნოვაკ ჯოკოვიჩს კორონავირუსი დაუდასტურდა. იგივე დიაგნოზით ჰოსპიტალიზებულია მისი ცოლიც. ჰოდა, ამ ამბავს ხორვატები ძალიან დიდი სიხარულით შეხვდნენ, მეტიც, არაერთი ქალაქის ქუჩებში, შემდეგი შინაარსის წარწერები გაჩნდა: 

,,მოკვდი, ნოვაკ! მაგით მოკვდი, ჩვენ ეს ძალიან გვინდა!’‘ 

ხორვატიის ხელისუფლებამ პირობა დადო, რომ წარწერების ავტორების ვინაობის დასადგენად, გამოძიებას ჩაატარებს, თუმცა ბოდიშის მოხდა არც უფიქრიათ. მიზეზი მარტივია _ ხორვატია არავითარ შემთხვევაში, არცერთი მიმართულებით და არასდროს არ მოუხდის ბოდიშს სერბეთს. ვერ გეტყვით, როგორ გაგრძელებას ჰპოვებს ეს ამბავი, მაგრამ სერბეთში უკვე ამბობენ, რომ ხორვატ სპორტსმენებს მათ ქვეყანაში არ შეუშვებენ. 

 

სხვათა შორის, გასულ კვირას, ვირუსმა სერბეთში ვეტერანი ლეგენდარული ფეხბურთელი, ევროპისა და მსოფლიოს ჩემპიონატების მონაწილე, ილია პეტკოვიჩი იმსხვერპლა. 

იყო დრო, 35 წლის ვეტერანი ფეხბურთელი ენრიკე, ბრაზილიის ნაკრებში თამაშობდა. ახლა ის სანაკრებო დონეს ვერ აკმაყოფილებს, მაგრამ „კრუზეიროში“ აგორებს ბურთს და არცთუ ურიგოდ. 

მოკლედ, გასულ კვირას, ენრიკე საკუთარი „რეინჯ როვერით“ მიემგზავრებოდა, როცა საჭე ვერ დაიმორჩილა და 200 მეტრის სიმაღლიდან ხრამში გადავარდა. საბედნიეროდ, შემთხვევა უკან მიმავალი მანქანის მძღოლმა დაინახა, სამაშველო სამსახურში დარეკა და... მაშველებმა ფეხბურთელი მანქანიდან ამოიყვანეს, ხუთ წუთში, ავტომობილი იმ ადგილიდან უფრო ქვემოთ, 300 მეტრის სიღრმეზე ჩავარდა და ჯერჯერობით, მისი ამოტანა ვერ ხერხდება. 

რაც შეეხება ენრიკეს, მას მცირე დაჟეჟილობები და ნაკაწრები აქვს. როგორც მისი მეგობრები ამბობენ, ავტომობილის ყიდვის შემდეგ, ენრიკემ მანქანას რვა აირბაგი დაამატა და ისე იმიტომ გააკეთა, რომ ავარიის შემთხვევაში, სალონში მსხდომნი, მთლიანად გაბერილი ბურთების გარემოცვაში აღმოჩენილიყვნენ. ფეხბურთელი, სავარაუდოდ, სწორედ ამან იხსნა.

ბათო ჯაფარიძე

 

]]>
versiaprinti@yahoo.com (super admin) საზოგადოება Wed, 01 Jul 2020 14:33:07 +0400
რუსებმა თორნიკე შენგელია გადაიბირეს http://www.versia.ge/2013-07-31-11-23-15/item/6808-რუსებმა-თორნიკე-შენგელია-გადაიბირეს.html http://www.versia.ge/2013-07-31-11-23-15/item/6808-რუსებმა-თორნიკე-შენგელია-გადაიბირეს.html

რატომ უცხადებს ტრამპი ბოიკოტს ამერიკულ ფეხბურთს

საუბარი, ცოტა არ იყოს, უცნაური ამბით უნდა დავიწყოთ: ესპანური „ბასკონიას“ ქართველი კაპიტანი არამარტო გუნდის ლიდერია, არამედ, ევროპულ კალათბურთში ხმამაღალი სიტყვა ეთქმის, მიმდინარე სეზონის ტოპ-ხუთეულში არაერთხელ დაასახელეს და ისიც ითქვა, თოკომ რომ მოინდომოს, NBA-ში უპრობლემოდ დაბრუნდებაო. საუბარი იყო მისი „რეალში“ გადასვლაზეც, თუმცა ესპანელი ჟურნალისტები წერდნენ, შენგელია არსად წავა, რადგან ესპანეთის ჩემპიონატში მოთამაშე კალათბურთელთაგან, ერთ-ერთი, ყველაზე მაღალანზღაურებადი სპორტსმენია და რაც მთავარია, „ბასკონიას“ გულშემატკივრები აღმერთებენო. ჰოდა, ახლა გავრცელდა ინფორმაცია, რომ შენგელიას გადაბირება მოსკოვის „ცსკა“-ს სურს და მოლაპარაკებებიც აქტიურ ფაზაშია.

რუსული მედია არ მალავს, რომ ქართველ ცენტრს ზღაპრულ ხელფასს სთავაზობენ (საუბარია წლიურ 4 მილიონ ევროზე, პლუს ბონუსებზე). უფრო მეტიც, ცნობილმა რუსმა კომენტატორმა, ვლადიმირ გომელსკიმ ისიც თქვა, შენგელიას ვაკვირდები, მას რუსეთის მიმართ ნეგატიური დამოკიდებულება არასოდეს გამოუხატავს, რუსულიც იცის და ჩვენს გუნდს აშკარად გააძლიერებსო. 

კომენტარს არ აკეთებს არც ესპანური მხარე და არც _ თავად ჩვენებური, თუმცა რუსულ მედიაში ისეთი ამბავია ატეხილი, რაღაც რომ ხდება, ფაქტია. მართალია, „ცსკა“ ევროპის ერთ-ერთი უძლიერესი კლუბია, ლამის რეგულარულად თამაშობს ევროლიგის ოთხთა ფინალს, მაგრამ რამდენად გამართლებულია კარიერის პიკში, ევროპის ერთ-ერთი საუკეთესო კალათბურთელის რანგში რუსულ კლუბში გადასვლა მაშინ, როცა იგივე „რეალი“ გეპატიჟება, სხვა საკითხია, თუმცა გადაწყვეტილება ისევ შენგელიამ უნდა მიიღოს. 

ამას შედარებისთვის არ ვწერთ, მაგრამ... რუსული პრემიერლიგა განახლებისთვის ემზადება და, სხვა გუნდებთან ერთად, ვარჯიშს „ტამბოვიც“ შეუდგა. გუნდმა ის განაცხადიც გამოფინა, რომლითაც პრემიერლიგის დარჩენილ რვა ტურს ჩაამთავრებს და სიაში, რაღა თქმა უნდა, გუნდის კაპიტანი და მეკარე _ გიორგი შელია, მცველი გურამ თეთრაშვილი, თავდამსხმელი გიორგი მელქაძე, ნახევარმცველი ვლადიმერ კობახიძე და ასევე, ნახევარმცველი მერაბ ჩიხრაძეც არიან. ყველა მათგანი რუსეთის მოქალაქეა და შესაბამისად, საქართველოს ნაკრებში არც თამაშის სურვილი აქვთ და აღარც შესაძლებლობა. 

თუნდაც მელქაძე ავიღოთ, რომელიც რუსული ფეხბურთის ერთ-ერთ ამომავალ ვარსკვლავად ითვლება. მან ღიად დააფიქსირა, რომ რუსეთის ნაკრებში თამაში უნდა, რომ საქართველოდან მიღებული წინადადება არ განიხილა და... რუსულ გუნდში ითამაშა კიდეც. 

* * * 

გასულ კვირას, UFჩ-ში მორიგი ბრძოლა გამართა მერაბ დვალიშვილმა. მისი მეტოქე გუსტავო ლოპესი იყო და ქართველმა მებრძოლმა ზედიზედ მეოთხე გამარჯვება მარტივად მიითვალა, მისი უპირატესობა იმდენად დიდი იყო, რომ არცერთ მსაჯს ეჭვქვეშ არ დაუყენებია ჩვენებურის გამარჯვება. ახლა მთავარია, მორიგი მეტოქე დროზე გამოინახოს, მერაბმა წარმატებული სვლა გააგრძელოს და მერე უკვე, არც საჩემპიონო ბრძოლებია შორეული პერსპექტივა. ამ შეხვედრის მოგებისთვის, დვალიშვილის 23 500 დოლარი ერგო, მისმა მეტოქემ კი 19 000 მიიღო. რა თქმა უნდა, ეს არაფერია იმასთან შედარებით, რაც მერაბს საჩემპიონო ბრძოლის გამართვის შემთხვევაში შეხვდება, იქ საუბარი მილიონებზეა, თუმცა იქამდე ჯერ დიდი გზაა გასავლელი. 

* * * 

გერმანული ბუნდესლიგის შემდეგ, სტარტი ესპანეთის პრიმერადივიზიონმაც აიღო. როგორც მოსალოდნელი იყო, მარტივად იმარჯვეს „ბარსელონამ“ და „რეალმა“. კატალონიელთა კაპიტანმა, ლიონელ მესიმ მორიგი გოლი გაიტანა და ახალი რეკორდი დაამყარა. ლეო გახდა პირველი ფეხბურთელი, რომელმაც ზედიზედ 12 სეზონში, მინიმუმ, ოცი გოლის გატანა მოახერხა, რაც უნიკალური მიღწევაა. 

„ბარსამ“ „მალიორკა“ სტუმრად და, რაღა თქმა უნდა, მაყურებლების გარეშე დაამარცხა, მაგრამ... მოედანზე ქომაგი მაინც შეიჭრა. მას არგენტინის ნაკრების 10-ნომრიანი ანუ მესის მაისური ეცვა, მაგრამ უცნაურობა ის გახლავთ, რომ ტრიბუნებზე კაციშვილის ჭაჭანება არ იყო, იქაურობას მხოლოდ პოლიციელები იცავდნენ. როგორ მოხერხა კაცმა ჯერ სტადიონის ტერიტორიაზე შესვლა, შემდეგ ტრიბუნებამდე მიღწევა და ბოლოს სტადიონზე შევარდნა, ძალიან საინტერესოა. 

* * * 

სეზონის განახლებისთვის ემზადებიან ქართული კლუბებიც და ინტენსიურ სავარჯიშო პროცესზე უკვე გადავიდნენ. საბოლოოდ გაირკვა, რომ ჯანო ანანიძე, რომელსაც ბათუმის „დინამო“ ეპატიჟებოდა, კარიერას საქართველოში არ გააგრძელებს და ისევ უცხოურ ვარიანტს დაელოდება. არადა, ჯანო აჭარულ კლუბს, ევროთასების საკვალიფიკაციო ეტაპის წინ, აშკარად გააძლიერებდა, მაგრამ ეს ტრანსფერი არ გამოვიდა. 

ბარემ ისიც ვთქვათ, რომ ჩვენი პირველობა, სხვა ქვეყნების დარად, მაყურებლის გარეშე ჩატარდება და ამით ყველაზე მეტად, სწორედ ბათუმელები იზარალებენ. თუ სხვა გუნდების შეხვედრის დროს, ტრიბუნებზე 200-300 კაცი სანატრელი იყო, საშინაო მატჩებისას, გია გეგუჩაძის გუნდს 4 და 5 ათასი გულშემატკივრის მოგროვება არ უჭირდა. 

* * * 

გასულ სეზონში, ეროვნული პირველობის დონეზე, ყველასა და ყველაფრის მომგებმა „ფახთაქორმა“, მოულოდნელი მარცხი იწვნია. ახლადგანახლებულ პირველობაზე, ქვეყნის მოქმედი ჩემპიონი, სტუმრად „სოგდიანას“ ხვდებოდა და 0:1 წააგო. ჩვენთვის ეს ამბავი იმითაა საინტერესო, რომ ყველაზე ტიტულოვან უზბეკურ კლუბს შოთა არველაძე წვრთნის, სპორტული დირექტორი, მისი ძმა აჩიკოა, სამწვრთნელო შტაბში კი გოჩა ტყებუჩავა ჰყავს. ვერ გეტყვით, რა იყო მარცხის მიზეზი, მაგრამ ალბათ, ფეხბურთელების ზედმეტ თავდაჯერებულობას მოჰყვა ყველაფერი ეს. აქამდე „ფახთაქორს“, აღნიშნულ გუნდთან მარცხი კი არა, ფრეც არ ჰქონდა ნათამაშები ანუ ყველა შეხვედრა მოუგო და ზედმეტი თავდაჯერებულობისთვის დაისაჯა კიდეც. 

* * * 

რადგან განახლებულ ჩემპიონატებზე ვსაუბრობთ, ბარემ, ისიც ვთქვათ, რომ ამ უქმეებზე, ინგლისური პრემიერლიგაც განახლდება და იტალიის ჩემპიონატიც, რაც იმას ნიშნავს, რომ დიდი ხუთეულის პირველობებიდან, ოთხი სრული სვლით გაგრძელდება, აი, მეხუთე, საფრანგეთის დივიზიონი კი... ისე დასრულდა, როგორი მდგომარეობაც პანდემიისა და მატჩების შეწყვეტის დროს იყო და ჩემპიონად პირველადგილოსანი „პსჟ“ გამოცხადდა. 

* * * 

გერმანიის ოთხგზის ჩემპიონი, „კაიზერსლაუტერნი“ გაკოტრების პირასაა. კლუბს 24-მილიონიანი დავალიანება აქვს და მიმდინარე კრიზისის გათვალისწინებით, ამ თანხის გადახდა არ შეუძლია. ჰოდა, თუ კლუბი ფულს ვერ იშოვის, მომავალ სეზონში, ლიცენზიის დასაბრუნებლად, დამატებით 15 მილიონი ევროს მოძიება მოუწევს, რაც ასევე, გამორიცხულია. არადა, ამ გუნდმა 90-იანი წლების მიწურულს პატარა სასწაული მოახდინა, გუნდი 1996 წელს, ბუნდესლიგიდან გავარდა და მწვრთნელად ლეგენდარული ოტო რეჰაგელი დანიშნა. „მეფე ოტომ“ „კაიზერი“, უძლიერესთა შორის, ერთ სეზონში დააბრუნა და მომდევნო წელს, ბუნდესლიგა მოაგებინა. 

ისე, რეჰაგელს სასწაული მხოლოდ „კაიზერთან“ ერთად არ მოუხდენია _ მან საბერძნეთის ნაკრებს ევროპის ჩემპიონატი მოაგებინა, რაც წარმოუდგენელი და დაუჯერებელი იყო. 

* * * 

38 წლის ზლატან იბრაგიმოვიჩი „მილანის“ დატოვებას აპირებს. მისი აზრით, იტალიურ გრანდს სამომავლო გეგმა არ გააჩნია და შესაბამისად, ის გუნდში საკუთარ თავს ვეღარ ხედავს. ჰოდა, მაშინ, როცა ასაკის მიუხედავად, ზლატანის დამატების სურვილი არაერთ გრანდს აქვს, ის შვედურ „ჰამარბიში“ აპირებს კარიერის ბოლო წლის გატარებას. 

„რატომ ჰამარბი? _ იმიტომ, რომ მინდა, გუნდს ახალი ისტორია შევუქმნა, რათა ევროთასებზე ვითამაშოთ და ახალი ვარსკვლავები აღმოვაჩინოთ“, _ განაცხადა იბრაგიმოვიჩმა, მაგრამ რეალური მიზეზი ის გახლავთ, რომ მან ეს კლუბი ცოტა ხნის წინ იყიდა, რამდენიმე მილიონიანი ინვესტიცია განახორციელა და ახლა სურს, კლუბი მომგებიან ბიზნესად აქციოს. 

* * * 

აშშ-ში აგორებულმა საპროტესტო ტალღამ ახალი განვითარება ჰპოვა. ცნობილ მსახიობებს, ცნობილი სპორტსმენები შეუერთდნენ და მათ პრეზიდენტის, დონალდ ტრამპის გადადგომა მოითხოვეს. ყველაზე მეტად NBA-ს საუკეთესო კალათბურთელი, ლებრონ ჯეიმსი აქტიურობს და აცხადებს, რომ არაერთ ათეულ მილიონ დოლარს შეელევა იმის სანაცვლოდ, რათა პროტესტი არ ჩაქრეს და ტრამპის გადადგომით დასრულდეს. იგივეს იმეორებს საკალათბურთო ასოციაციის ერთ-ერთი ყველაზე მაღალანაზღაურებადი ვარსკვლავი, სტეფ კარიც და თუ ასე გაგრძელდა, მალე ალბათ, მთელი საკალათბურთო სამყარო ამხედრდება. 

ისე, მანამდე, ამერიკული ფეხბურთის მოთამაშეების პროტესტის გამო, ტრამპმა განაცხადა, სპორტის ამ სახეობას აღარასოდეს ვუყურებო. 

* * * 

და ერთიც: მსოფლიოს სამგზის, ევროპის ორგზის ჩემპიონმა და ოლიმპიური ბრინჯაოს მედლის მფლობელმა, გენო პეტრიაშვილმა ჯვარი დაიწერა. 26 წლის ქართველი გოლიათის (198 სმ, 125 კგ) რჩეული, ნინი მშვიდობაძე გახლავთ. გენოს გაბედნიერებას ვულოცავთ და წარმატებებს ვუსურვებთ. ბოლო სამი წელია, მსოფლიოს უძლიერეს მოჭიდავეთა შორის, პეტრიაშვილი უპირველესია და იმედი გვაქვს, ოჯახის შექმნა მას ახალ სტიმულს მისცემს.

ბათო ჯაფარიძე

]]>
versiaprinti@yahoo.com (super admin) საზოგადოება Wed, 17 Jun 2020 12:34:36 +0400
მესის ულტიმატუმი http://www.versia.ge/2013-07-31-11-23-15/item/6799-მესის-ულტიმატუმი.html http://www.versia.ge/2013-07-31-11-23-15/item/6799-მესის-ულტიმატუმი.html

25 წლის ავტომრბოლელი ქალი სპორტს თავს ანებებს და პორნოინდუსტრიაში მიდის!

ნელ-ნელა, ევროპული ქვეყნები საფეხბურთო ჩემპიონატებს ანახლებენ. მართალია, ტოპ-ხუთეულიდან, ჯერჯერობით, მხოლოდ გერმანული ბუნდესლიგა ამოიქოქა, მაგრამ ამ უქმეებზე, სტარტს ესპანეთის პრიმერადივიზიონიც აიღებს და საქმეში „ბარსელონასა“ და „რეალს“ ვიხილავთ. ერთი ეგაა, „ბარსელონას“ კაპიტანი, ლიონელ მესი პირველ ტურში, დიდი ალბათობით, არ ითამაშებს, რადგან ტრავმა აწუხებს და მწვრთნელი გარისკვას ვერ ბედავს. კარგა ხნის უთამაშებელმა არგენტინელმა ტრავმა რომ გაიმიზეზოს, შესაძლოა, სეზონი ნაადრევად დაასრულოს, რაც ჩემპიონობისთვის მებრძოლი კატალონიური კლუბისთვის უდიდესი დარტყმა იქნება.

რადგან მესიზე ვსაუბრობთ, იმასაც გეტყვით, რომ „ბარსელონას“ შეფებს სურვილი აქვთ, არგენტინელთან სამუდამო ხელშეკრულება გააფორმონ ანუ სანამ ლეო ფეხბურთს ითამაშებს, მხოლოდ „ბარსელონას“ მაისური ეცმევა. ეს პირობა მესისთვის მისაღებია, მაგრამ ხელშეკრულებაში ერთი საინტერესო პუნქტის ჩაწერა სურს ანუ ლეოს უნდა, რომ კონტრაქტში შევიდეს პუნქტი, რომელიც მას მიანიჭებს უფლებას, სურვილისამებრ, ნებისმიერი სეზონის დასრულების შემდეგ, უმტკივნეულოდ, ერთპიროვნულად გაწყვიტოს ხელშეკრულება. 

სპეციალისტთა აზრით, არგენტინელს ეს იმისთვის სჭირდება, რომ კარიერის, მინიმუმ, ბოლო წელი ყატარში, ან ჩინეთში ითამაშოს, სადაც მას ჯამაგირად ახლავე პირდებიან წლიურ 100 მილიონს და კარიერის მიწურულს, 100 მილიონის გაკეთება ხუმრობა საქმე არ არის. 

 

* * * 

გასულ „უიქენდზე“, ჩვენთვის საინტერესო პოლონეთის ჩემპიონატი იყო, სადაც პირველადგილოსანმა „ლეგიამ“ სტუმრად, ქვეყნის 14-გზის ჩემპიონთან, „ვისლასთან“ პრინციპული შეხვედრა მოიგო და რაც მთავარია, გოლი საქართველოს ნაკრების ნახევარმცველმა, ვაკო გვილიამ გაიტანა. ეს ვაკოსთვის მეექვსე გოლია მიმდინარე სეზონში, მისი გუნდი კი ჩემპიონობის უპირველესი ფავორიტია. 

* * * 

ისიც აუცილებლად უნდა ვთქვათ, რომ წელს, ჩემპიონთა ლიგის ფინალი, დიდი ალბათობით, თურქეთში აღარ გაიმართება. საქმე ისაა, რომ უეფა ყურადღებით აკვირდება პანდემიის გავრცელების არეალს და მიაჩნია, რომ ამ მხრივ, თურქეთი ერთ-ერთი ყველაზე საშიში ქვეყანაა. როგორც ევროპული ფეხბურთის მმართველ ორგანოში აცხადებენ, სათადარიგო ვარიანტი უკვე შერჩეულია და წლის მთავარ საკლუბო შეხვედრას პორტუგალიის დედაქალაქი ლისაბონი უმსაპინძლებს. პორტუგალიელებმა მზადყოფნა უკვე გამოთქვეს და... მზადყოფნა გამოთქვა რუსეთმაც, მაგრამ უეფას ეს წინადადება არც კი განუხილავს, რადგან რუსეთში თურქეთზე უარესი მდგომარეობაა. 

ამას გარდა, უეფას გადაწყვეტილებით, მერვედფინალური ეტაპის მატჩები ჩვეულებრივად _ „შინ და სტუმრად“ პრინციპით ჩატარდება, აი, მეოთხედფინალისა და ნახევარფინალის დაპირისპირება კი ერთმატჩიანი იქნება. ეს ფორმატი მხოლოდ წელს იქნება და მიზეზი ყველასთვის გასაგებია.  

* * * 

აშშ-ში მიმდინარე მოვლენებს არაერთი სპორტსმენი გამოხმაურა. განსაკუთრებით ფერადკანიანი სპორტსმენები აქტიურობენ და სპეციალისტები მოუთმენლად ელოდნენ, რას იტყოდა ყველაფერ ამაზე, ლეგენდარული მაიკლ ჯორდანი. ფაქტია, რომ მაიკლი არამარტო ფერადკანიანების, არამედ, თეთრკანიანთა კერპიცაა და კალათბურთის სამყაროში, ყველა დროის საუკეთესოდ ითვლება. ჯორდანმა ძალიან, ძალიან საინტერესო შეფასება გააკეთა: 

„თუ ჩვენ საკუთარ დემონებს არ მოვერიეთ, ვერაფერს შევცვლით. თითოეულმა ჩენგანმა საკუთარ თავში უნდა დავამარცხოთ რასიზმი და შემდეგ ყველაფერი თავისთავად დალაგდება. უახლოესი ათი წლის განმავლობაში, მე ყოველწლიურად, 10 მილიონ დოლარს გამოვყოფ და ჩავურიცხავ იმ ორგანიზაციებს, რომლებიც რასობრივი თანასწორობისა და სოციალური სამართლიანობისთვის იბრძვიან. საერთო ჯამში, მე 100 მილიონს გადავიხდი, მაგრამ ფული ყველაფერს რომ არ წყვეტს, კარგად მოგეხსენებათ“, _ განაცხადა ჯორდანმა. 

* * * 

შეიძლება ითქვას, რომ მიმდინარე თვის მთავარი სპორტული მოვლენა უკვე მოხდა. დიდი სპორტიდან კონორ მაკგრეგორი წავიდა. ყველაზე პოპულარული და ყველაზე ექსტრავაგანტური მოჩხუბარი, წლების განმავლობაში, დაუმარცხებელი იყო, თუმცა შემდეგ, ჩეჩენ ნურმაგომედოვთან დათმო ქამარი. მართალია, კონორი მომავალ ბრძოლას სექტემბრისთვის გეგმავდა, მაგრამ აღნიშნული შეხვედრა, დიდი ალბათობით, მაყურებლების გარეშე ჩატარდებოდა, რაც თავად მოჩხუბარს არ აწყობდა, რადგან ეს მინუს 20 მილიონს ნიშნავდა და ამიტომ წასვლა ამჯობინა. 

„მოტივაცია აღარ მაქვს, ირგვლივ აღარაფერი ხდება“, _ დაწერა მაკგრეგორმა თავის გვერდზე და გულშემატკივარს დაემშვიდობა. კონორი, რომელსაც მუშტის ქნევით, კარიერის განმავლობაში, ნახევარ მილიარდ დოლარზე მეტი აქვს ნაშოვნი, დიდ სპორტში მოსვლამდე, ამ სიტყვის პირდაპირი მნიშვნელობით, გადარჩენისთვის იბრძოდა და ხშირად, პურის ფულის პრობლემაც ედგა. 

* * * 

ბრიტანულმა გამოცემა „მირორმა“, ინგლისის პრემიერლიგაში მოთამაშე ყველა დროის საუკეთესო ათეული დაასახელა. გამოცემის აზრით, საუკეთესო, ვისაც კი პრემიერლიგაში ბურთი უგორებია, რაიან გიგზია, მეორე ადგილზე ტიერი ანრი დასახელდა, მესამეზე _ კრიშტიანუ რონალდუ. საგულისხმოა, რომ ათეულში, „მანჩესტერ იუნაიტედის“ ერთბაშად ექვსი ფეხბურთელი მოხვდა. 

* * * 

გასულ კვირას, იტალიურმა სააგენტოებმა დაწერეს, რომ მალე, „მილანის“ ლეგენდა, ანდრეი შევჩენკო გუნდის მთავარ მწვრთლენად დაინიშნებოდა. არადა, „შევა“ უკრაინის ეროვნული ნაკრების თავკაცია და კონტრაქტი მიმდინარე წლის ბოლომდე აქვს გაფორმებული. იტალიურ მედიაში ინფორმაცია იმდენად ინტენსიურად იბეჭდებოდა, რომ უკრაინის ფეხბურთის ფედერაციის ხელმძღვანელებმა, ყოველი შემთხვევისთვის თავი დაიზღვიეს და ანდრეისთან ხელშეკრულება 2022 წლის ბოლომდე გაახანგრძლივეს. ახლა, თუ „მილანს“ მისი გადაბირება მოუნდება, ფედერაციას 20 მილიონი ევრო უნდა გადაუხადოს, რაც ძალიან სოლიდური კომპენსაციაა. 

* * * 

რენე გრეისი ის ავსტრალიელი ქალია, ვინც სუსტი სქესის წარმომადგენელთა შორის, პირველი მიუჯდა საჭეს იმისთვის, რომ „სუპერქარის“ ტურნირში მიეღო მონაწილეობა. 25 წლის გრეისს, სარეკლამო კომპანიებმა ნამდვილი შტურმი მოუწყვეს და მისი ფინანსური მდგომარეობაც საკმაოდ გაუმჯობესდა, თუმცა... 

„ეს თანხები არ მაკმაყოფილებს. მე საინტერესო და ბევრად მიმზიდველი წინადადება მივიღე პორნობიზნესიდან და რბოლას თავს ვანებებ. ამიერიდან, სპორტსმენი კი არა, პორნოვარსკვლავი ვიქნები. რაც მთავარია, ჩემი გადაწყვეტილება ოჯახს გავაცანი და ისინი მხარს მიჭერენ. მამამ მითხრა, რომ ჩემი გამბედაობით ამაყობს და ამით ძალიან ბედნიერი ვარ“, _ განაცხადა გრეისმა. 

* * * 

უცნაური ამბავი შეემთხვა ნეიმარს: ბრაზილიელ ვარსკვლავს პასპორტი მოპარეს და ვერ გეტყვით, ქურდებმა არ იცოდნენ, ვისთან ჰქონდათ საქმე, თუ უბრალოდ, შემთხვევით ჩაუვარდათ საბუთი ხელში, მაგრამ ფაქტია _ ნეიმარის პასპორტით, ისინი იმ ვებ-გვერდზე დარეგისტრირდნენ, სადაც კორონავირუსის გამო, უმუშევრად დარჩენილი ადამიანები რეგისტრირდებიან და მათ სახელმწიფო დახმარებას აძლევს. ნეიმარის წლიური შემოსავალი 100 მილიონს აჭარბებს, შესაბამისად, ამ მონაცემების შემდეგ, საქმეში შესაბამისი სამსახურები ჩაერთნენ, გაარკვიეს, რომელი კომპიუტერიდან განხორციელდა რეგისტრაცია და ქურდები დააკავეს. 

 

* * * 

დასასრულს, თბილისის მერი, კახა კალაძე იმ ლეგენდებს შორის მოხვდა, რომლებმაც საკლუბო დონეზე ყველაფერი მოიგეს, ეროვნულ ნაკრებთან ერთად კი მსოფლიო ჩემპიონატზე ვერ ითამაშეს. შემადგენლობა, მართლაც, შთამბეჭდავია და სასიამოვნოა, რომ ასეთი ფეხბურთელების გვერდით კალაძეცაა. 

აი, „დაჩაგრულთა“ სია კი ასეთია: მეკარეები _ ნევილ საუთჰოლი (უელსი), ალენ გუამენე (კოტ დ’ივუარი), იასი იასკილაინენი (ფინეთი); 

მცველები: კახა კალაძე (საქართველო), ავი კოენი (ისრაელი), როჯერ მენდი (სენეგალი), სამი ჰიიპია (ფინეთი), ჰასან სალიჰამიდიჩი (ბოსნია), იონ აარნე რიისე (ფინეთი); 

ნახევარმცველები: ჯორჯ ბესტი (ჩრდ. ირლანდია), აბედი პელე (განა), იარი ლიტმანენი (ფინეთი), რაიან გიგზი (უელსი), პატრიკ ბერგერი (ჩეხეთი), ვლადიმირ შმიცერი (ჩეხეთი), ხუან არანგო (ვენესუელა), სეიდუ კეიტა (მალი), ალეკსანდრ გელბი (ბელარუსი) 

თავდამსხმელები: ალფრედო დი სტეფანო (არგენტინა, კოლუმბია, ესპანეთი), იან რაში (უელსი), ჟორჟ ვეა (ლიბერია), ეიდიორ გუდიონსენი (ისლანდია), დიმიტარ ბერბატოვი (ბულგარეთი).

ბათო ჯაფარიძე

]]>
versiaprinti@yahoo.com (super admin) საზოგადოება Wed, 10 Jun 2020 03:26:41 +0400
სპორტის ვარსკვლავები რასიზმის წინააღმდეგ და ფოტო, რომელმაც სოცქსელი „ააფეთქა“ http://www.versia.ge/2013-07-31-11-23-15/item/6789-სპორტის-ვარსკვლავები-რასიზმის-წინააღმდეგ-და-ფოტო,-რომელმაც-სოცქსელი-„ააფეთქა“.html http://www.versia.ge/2013-07-31-11-23-15/item/6789-სპორტის-ვარსკვლავები-რასიზმის-წინააღმდეგ-და-ფოტო,-რომელმაც-სოცქსელი-„ააფეთქა“.html

რა სარგებელს მოუტანს ქართულ ფეხბურთს ნოდარ ახალკაცი _ უმცროსის დანიშვნა FIFA-ს წევრი ევროპის ასოციაციების ხელმძღვანელად

ესპანეთის საკალათბურთო ლიგა 17 ივნისს განახლდება და გუნდები აქტიურად ემზადებიან. გამალებულ მზადებაშია „ბასკონია“ და მისი კაპიტანი, თორნიკე შენგელიაც. საუბარი იმის შესახებ, რომ სეზონის ბოლოს, შენგელია გუნდს დატოვებს და მადრიდის „რეალის“ მაისურს მოირგებს, კვლავ აქტიურად მიმდინარეობს. ყველაფერთან ერთად, ჩვენებური ევროპულმა გამოცემებმაც დააფასეს და ევრობასკეტმა შენგელია ევროლიგის საუკეთესო ხუთეულში შეიყვანა. საინტერესოა, რომ ძირითად ხუთეულში სამი ამერიკელი, ერთი ესპანელი და ერთი ქართველი _ შენგელია მოხვდნენ, რაც უადავოდ, დიდი აღიარებაა.

ესპანეთში მოთამაშე კიდევ ერთმა ქართველმა, გიორგი შერმადინმა კლუბთან მოქმედი კონტრაქტი 2023 წლამდე გაახანგრძლივა. გიო „იბეროსტარ ტენერიფეს“ ლიდერად ჩამოყალიბდა და არავის გაკვირვებია, რომ მას კლუბმა ახალი ხელშეკრულება შესთავაზა. როგორც გაირკვა, ჩვენებურიც სიხარულით დასთანხმდა წინადადებას და აღნიშნა, როგორც გუნდში, ისე ქალაქში ყოფნით, მე და ჩემი ოჯახი ბედნიერები ვართო. 

 

* * * 

საქართველოს ფეხბურთს ფედერაციის ყოფილი პრეზიდენტი, ნოდარ ახალკაცი-უმცროსი, მსოფლიო ფეხბურთის მმართველ ორგანოში 2017 წლიდან მუშაობს. ამჯერად, FIFA-ში ახალკაცი დააწინაურეს და მეტად საპასუხისმგებლო პოსტი ჩააბარეს. ამიერიდან, ის FIFA-ს წევრი ევროპის ასოციაციების ხელმძღვანელის პოზიციაზე იმუშავებს. რაღა თქმა უნდა, ეს ქართული ფეხბურთისთვისაც ძალიან მნიშვნელოვანია, რადგან ელემენტარულად, დახმარებების საკითხი და ფეხბურთის განვითარებისთვის თანხების გმოყოფა, სწორედ ხელმძღვანელობის დონეზე წყდება და იქ უკვე „ჩვენი კაცი“ გვყავს. 

* * * 

პანდემიის დროს, გუნდები არ ვარჯიშობდნენ, თუმცა ეს იმას არ ნიშნავს, რომ კლუბები ტრანსფერებით არ იყვნენ დაკავებულნი. სამწუხაროდ, ბექა მიქელთაძემ და ნიკოლაი ყიფიანმა ყაზანის „რუბინის“ რიგები დატოვეს და კარიერას „როტორში“ გააგრძელებენ. არადა, „რუბინი“, როგორც ფინანსებით, ისე ამბიციებით, „როტორს“ ბევრად აღემატება, თუმცა ყაზანურ გუნდში ჩვენებურებს სათამაშო დრო არ ეძლეოდათ და „როტორში“ საკუთარი შესაძლებლობების წარმოჩენის შანსი აშკარად ექნებათ. 

* * * 

არანაკლებ ცუდ დღეშია თბილისის „დინამოსა“ და საქართველოს ნაკრების ყოფილი ფორვარდი, ლევან კუტალია. ის იანვარში ყაზახეთის ხუთგზის ჩემპიონ „ირტიშში“ გადავიდა, მაგრამ კლუბი ოფიციალურად დაიშალა და იანვრის შემდეგ, კუტალიას ხელფასი არ მიუღია. ფეხბურთელი ფიფაში ჩივილს აპირებს, თუმცა პრობლემა მხოლოდ ეს არ არის _ კლუბის მფლობელებმა გააუქმეს ლიცენზია, გაყიდეს უძრავ-მოძრავი ქონება და ქვეყნის ხუთგზის ჩემპიონი გუნდი თითქოს არც არსებობდა. ხელფასების პრობლემა ყაზახეთში მოთამაშე სხვა ფეხბურთელებსაც აქვთ, მათ შორის, ნაკრების კაპიტან ჯაბა კანკავასაც. პანდემიის პირობებში, ყველა ყაზახურმა კლუბმა ფეხბურთელების ხელფასების გადახდაზე უარი თქვა, აქაოდა, ფორსმაჟორული სიტუაციაა და ხელშეკრულების მიხედვით, მოთამაშეებს არაფერი ეკუთვნითო. 

* * * 

უკრაინულმა საინფორმაციო საშუალებებმა გაავრცელეს ინფორმაცია, რომ ლვოვის „კარპატის“ ერთ-ერთ ფეხბურთელს კორონავირუსი დაუდგინდა და ის ერთი, გუნდის ქართველი ლეგიონერი, ანდრო გიორგაძე იყო. გავრცელებული ინფორმაციის შემდეგ, განცხადება თავად გიორგაძემ გააკეთა და აღნიშნა, რომ მას ვირუსი არ აქვს და ინფორმაცია ტყუილია. უფრო მეტიც, ამის დასადასტურებლად, ანდრომ სოციალურ ქსელში ჯნმრთელობის დამადასტურებელი ცნობაც გამოფინა და ყველა კითხვას წერტილი დაუსვა. 

* * * 

ევროპაში პირველი მეგა-ტრანსფერი განხორციელდა: მილანის „ინტერიდან“ ფრანგულ პსჟ-ში იჯარით გადასული მაურო იკარდი, პარიზულმა კლუბმა საბოლოოდ გამოისყიდა და მის სანაცვლოდ, „ნერაძურის“ 60 მილიონი ევროც ჩაუთვალა. ამ ტრანსფერმა კიდევ უფრო გაამყარა ეჭვი, რომ შესაძლოა, ზაგხულში, ფრანგული გუნდი ნეიმარმა დატოვოს. ბრაზილიელის გადაბირებით მადრიდის „რეალია“ დაინტერესებული და 180 მილიონი ევროც აქვს გამზადებული, თუმცა პსჟ-ს მთავარ ვარსკვლავში 200 მილიონი სურს. 

* * * 

დიდი მუზარადის 20-გზის გამარჯვებული, ჩოგბურთის ცოცხალი ლეგენდა როჯერ ფედერერი, „ფორბსის“ რეიტინგში მუდმივად ხვდებოდა, თუმცა ახლა ის სპორტსმენთა შორის პირველ ადგილზე, პირველად დასახელდა. ბოლო 12 თვის განმვლობაში, როჯერმა 106.3 მილიონი დოლარი გამოიმუშავა, საიდანაც 100 მილიონი სარეკლამო კონტრაქტებზე მოდის, დანარჩენი კი ჩოგნის ქნევით მიღებული შემოსავალია. მან კრიშტიანუ რონალდუს (105 მილიონი), ლიონელ მესის (104 მილიონი) და ნეიმარს (95.5 მილიონი) გაუსწრო. 

საგულისხმოა, რომ სარეკლამო 100 მილიონიდან, 30 მილიონი _ კომპანია Uნიქლო-ზე მოდის, რომელთანაც როჯერმა 2018 წელს, 10-წლიანი კონტრაქტი გააფორმა და წლიურად, სწორედ ამდენ მილიონს იღებს. 

* * * 

25 მაისს, მინეაპოლისში, პოლიციელების მიერ დაკავებული 46 წლის აფროამერიკელი ჯორჯ ფლოიდის დაღუპვამ, ამერიკის შეერთებულ შტატებსა და მსოფლიოში სერიოზული რეზონანსი, სხვასთან ერთად, სპორტის სხვადასხვა სახეობის წარმომადგენლებშიც გამოიწვია. NBA-ს ვარსკვლავები საპროტესტო აქციაზეც კი გავიდნენ და განაცხადეს, რომ ქუჩაში იდგებიან მანამ, სანამ თანასწორობა საბოლოოდ არ აღდგება. კალათბურთელებს შორის, ლებრონ ჯეიმსი და სტივ კარიც არიან ანუ საკალათბურთო ასოციაციის ორი ყველაზე კაშკაშა და მაღალანაზღაურებადი კალათბურთელები. 

უფრო მეტიც, ჯეიმსმა ისიც გაიხსენა, 2016 წელს, ამერიკული ფეხბურთის მოთამაშე კოლინ კაპერნიკი, ერთ-ერთი მატჩის წინ შესრულებული აშშ-ის ჰიმნის დროს, ქვეყანაში არსებული რასობრივი უთანასწორობისადმი პროტესტის ნიშნად, ფეხზე არ წამოდგა. აღნიშნული ფაქტის ამსახველი ფოტო 25 მაისის ფოტოსთან ერთად, ჯეიმსმა საკუთარ გვერდზე დადო და... ერთ საათში ფოტოს 10 მილიონზე მეტი ნახვა ჰქონდა. 

* * * 

სლავკო ვინჩიჩი სლოვენიელი არბიტრია და საკმაოდ წარმატებულიც. ის ჩემპიონთა თუ ევროპალიგის მატჩებს რეგულარულად სჯის, თუმცა გასულ უქმეებზე, სერიოზულ უსიამოვნებაში გაეხვა _ პოლიციამ სპეცოპერაცია ჩაატარა და ერთ-ერთ ბინაში დანაშაულებრივი ჯგუფის წევრები აიყვანა. ბინის ჩხრეკისას, სამართალდამცავებმა 10 ცალი ცეცხლსასროლი იარაღი, 14 შეკვრა კოკაინი და 3 ჯავშანჟილეტი ამოიღეს. დაკავებულთა შორის აღმოჩნდა ვინჩიჩიც, რომელიც ამბობს, მე არაფერ შუაში ვარ, სტუმრად დამპატიჟეს და მერე პოლიცია მოვიდაო. როგორც სლოვენიური მედია წერს, მსაჯი ამ საქმიდან იოლად ვერ გამოძვრება და საკუთარი უდანაშაულობის დამტკიცება გაუჭირდება. არადა, მისი საშუალო შემოსავალი, თვეში 12 ათას ევროს აღემატებოდა და, წესით, ეს ცოტა თანხა არ არის. 

 

* * * 

პროფესიული კომპანიების გლობალური აუდიტის სამსახურმა, მსოფლიოს ყველაზე ძვირადღირებული საფეხბურთო კლუბების სია გამოაქვეყნა. როგორც მოსალოდნელი იყო, პირველ ადგილზე, კვლავ მდრიდის „რეალია“, რომელიც 3.478 მილიარდ დოლარადაა შეფასებული. მეორე ადგილზე „მანჩესტერ იუნაიტედი“ მოდის, მესამეზე კი „ბარსელონაა“. ორივე კლუბის ღირებულება სამ მილიარდს აჭარბებს. 

* * * 

20 ივნისს, იტალის საფეხურთო ჩემპიონატი განახლდება და უკვე გადაწყვეტილია, რომ მატჩები ყოველდღე გაიმართება. ეს იმიტომ, რომ მიმდინარე ჩემპიონატი, როგორმე, 2 აგვისტომდე დასრულდეს, რადგან შემდეგ უკვე ევროთასების შესარჩევი მატჩები იწყება და შესაბამისად, გუნდებმა მისთვის მზადება უნდა დაიწყონ. იგივეს აპირებენ ინგლისშიც, თუმცა ინგლისში ყოველდღიურად მატჩებს არ გამართავენ, რადგან ეს ტელევიზიებს არ აწყობთ. უმაყურებლოდ ჩატარებული შეხვედრების ერთადერთი ნათელი წერტილი, სწორედ ტელევიზიებიდან შემოსული ფულია და საფეხბურთო ასოციაცია ტელევიზიების სურვილს აუცილებლად გაითვალისწინებს.

ბათო ჯაფარიძე

]]>
versiaprinti@yahoo.com (super admin) საზოგადოება Wed, 03 Jun 2020 12:35:19 +0400
ამოცანა, რომელსაც ამოხსნა არ აქვს _ რატომ აჭიანურებს ხელისუფლება საზოგადოებრივი ტრანსპორტის ამუშავებას http://www.versia.ge/2013-07-31-11-23-15/item/6785-ამოცანა,-რომელსაც-ამოხსნა-არ-აქვს-_-რატომ-აჭიანურებს-ხელისუფლება-საზოგადოებრივი-ტრანსპორტის-ამუშავებას.html http://www.versia.ge/2013-07-31-11-23-15/item/6785-ამოცანა,-რომელსაც-ამოხსნა-არ-აქვს-_-რატომ-აჭიანურებს-ხელისუფლება-საზოგადოებრივი-ტრანსპორტის-ამუშავებას.html

დავით მესხიშვილი: „ეს საბჭოთა მიდგომაა!“

 

მართალია, 22 მაისიდან საგანგებო მდგომარეობა და კომენდანტის საათი გაუქმდა, მაგრამ მუნიციპალური ტრანსპორტი _ ავტობუსები და მეტრო ისევ გაჩერებულია. ფაქტია, რომ კორონავირუსის პანდემიის გამო დაპაუზებული ცხოვრება ნელ-ნელა, თანდათანობით სტარტს იღებს, თუმცა ვიდრე ჩვეულ რიტმს დაუბრუნდება, ჯერ კიდევ დიდი გზის გავლა მოგვიწევს. ისიც აშკარაა, რომ მოსახლეობის არცთუ სახარბიელო სოციალურ-ეკონომიკური მდგომარეობა კიდევ უფრო დამძიმდება, პანდემიის შემდეგ კი, საკმაოდ მძიმე ეკონომიკური კრიზისი, თანაც მსოფლიოს მასშტაბით, გარდაუვალია. სლოგანმა _ ,,დარჩი სახლში’‘ თავისი ფუნქცია ამოწურა, ამიტომ ამ ეტაპზე აქტუალურია სლოგანი _ ,,ვისწავლოთ თანაცხოვრება კორონავირუსთან ერთად’‘. 

მართალია, კაფე-ბარები და რესტორნები არ გახსნილა, მაგრამ ვინაიდან პანდემიის რისკმა მეტ-ნაკლებად ჩაიარა, გაუგებარია, რატომ არ აღდგა მუნიციპალური ტრანსპორტი, მით უმეტეს, ახლა, როცა მსოფლიო ჯანდაცვის რეკომენდაციების გათვალისწინებით, სწორედ ავტობუსებითა და მეტროთი უსაფრთხო მგზავრობის მცირე გამოცდილება კორონავირუსის პირობებშივე გამოგვიმუშავდა _ ვიდრე ქვეყანაში საგანგებო რეჟიმი და კომენდანტის საათი გამოცხადდებოდა, საქართველოს მთავრობის გადაწყვეტილებით, საჰაერო და საქალაქთაშორისო მიმოსვლა შეწყდა, მიკროავტობუსებით მგზავრობა აიკრძალა, მოქალაქეები კი მხოლოდ მუნიციპალური ტრანსპორტით გადაადგილდებოდნენ. ამ თემაზე ,,ვერსიას’‘ საქართველოს ტრანსპორტისა და გზების ასოციაციის ხელმძღვანელი დავით მესხიშვილი ესაუბრება.

_ ბატონო დათო, რა ზიანი მიადგა მუნიციპალურ ტრანსპორტს _ მეტროს, ავტობუსებს კორონავირუსისგან გამოწვეული პანდემიის დროს? 

_ საზოგადოებრივი ტრანსპორტი კი არ არის გაჩერებული, არამედ, ტრანსპორტის არარსებობამ ქვეყანა გააჩერა! ამიტომ, ზიანი გაცილებით მეტია, ვიდრე ავტობუსიდან, ან მეტროდან ბიუჯეტში შესული თანხა. ზიანია გაჩერებული ეკონომიკა, რადგან თუ საზოგადოებრივი ტრანსპორტი არ მუშაობს, მცირე და საშუალო ბიზნესის სხვადასხვა ობიექტი ვერ იმუშავებს. ზიანი, დაახლოებით, რამდენიმე ათეული მილიონი ლარია, შესაძლოა, უფრო მეტიც. თუ საზოგადოებრივი ტრანსპორტი არ მუშაობს, მაგალითად, მარკეტის პერსონალი, პატარა მაღაზიის გამყიდველი, თუ თონეში დასაქმებული მცხობელი, რომლის ხელფასი 500-600 ლარია, სამუშაო ადგილზე ტაქსით ვერ წავა, შესაბამისად, ასეთი ობიექტები ვერ გაიხსნება. 

სხვათა შორის, ამ ვირუსის პირობებში, საზოგადოებრივი ტრანსპორტი მსოფლიოს არცერთ ქვეყანაში არ გაჩერებულა. ეს იმიტომ, რომ მსოფლიოს მასშტაბით, ყველა მნიშვნელოვანი ქალაქებისთვის ეს სოციალურ პროექტად ითვლება. უფრო ზუსტად, უამრავი ადამიანია, ვისაც არც ავტომობილი აქვს და არც _ ტაქსის ფული. გარდა ამისა, ისეთი ადამიანებიც კი, რომლებსაც ფინანსურად არ უჭირთ, ხშირად საზოგადოებრივი ტრანსპორტით მგზავრობენ. 

საქართველოში ასეულობით ათასი ადამიანია, რომელიც სოციალურად დაუცველია და სიღარიბის ზღვარს მიღმა იმყოფება. მათი გადაადგილების ერთადერთი საშუალება კი საზოგადოებრივი ტრანსპორტია, რათა საავადმყოფოში, აფთიაქში, ან მარკეტში წავიდნენ. იმის გამო, რომ საზოგადოებრივი ტრანსპორტი არ მუშაობს, ამ ხალხს რამდენიმე კილომეტრის ფეხით გავლა და ტვირთის ზიდვა უწევთ. ესაა არაადამიანური და არაჰუმანური აქტი! ესაა მიზეზი, რის გამოც მსოფლიოს არცერთ ქვეყანაში საზოგადოებრივი ტრანსპორტის მოძრაობა არ აუკრძალავთ. 

დაუშვებელია ის, რასაც დღეს, ჩვენს ქალაქში ვხედავთ: ადამიანები, რომლებიც ფინანსურად მეტ-ნაკლებად შეძლებულები არიან, საწვავის ფულიც აქვთ და ავტომობილიც, რეალურად მხოლოდ ისინი გადაადგილდებიან, შეჭირვებულ მოსახლეობას კი გადაადგილება აკრძალული აქვს. უხერხული და დისკრიმინაციულია, როდესაც თანამდებობის პირები, მათ შორის, ჯანდაცვის სფეროდან ამბობენ, ჩვენ რომ საზოგადოებრივი ტრანსპორტის მოძრაობა დავუშვათ, მობილობა გაიზრდებაო, მაგრამ თვითონ რომ ავტომობილებით გადადგილდებიან, ეს მობილობა არ არის და არ იზრდება?! 

ხშირად ვაწყდები სოციალურ ქსელში კამათს თემაზე _ არ იცით, ქართველების ამბავი, საზოგადოებრივი ტრანსპორტი რომ ამუშავდეს, გაჭედავენ ავტობუსებსა და მეტროს ვაგონებსო. არადა, ევროკავშირის სხვადასხვა ქვეყანაში მიმდინარე პროცესს ვაკვირდები, ისეთ ქვეყნებს ვგულისხმობ, რომლებიც წესრიგის დაცვის ნაწილში, სანიმუშოებად ითვლებიან და თამამად შემიძლია გითხრათ, რომ ქართველები ერთ-ერთი ყველაზე კანონმორჩილი ხალხია! ქართველ ხალხს, პრაქტიკულად, ყველამ უნდა გადაუხადოს მადლობა, რადგან კომენდანტის საათიც კი, რაც რაციონალურადაც არ აუხსნიათ, რატომ შემოიღეს, ან რატომ უნდა შევსულიყავით სახლში, მაინც და მაინც 9:00 საათზე, უპრობლემოდ დაიცვა. 

ორმა-სამმა ადამიანმა თუ წესები დაარღვია, ბოდიშს გიხდით, მაგრამ ორი-სამი კაცი წესებს ყველგან არღვევს. ყველა წესი, რომელიც გამოქვეყნდა, ხალხმა დაიცვა, რეკომენდაციებიც შეასრულა, მაგრამ ისევ თანამდებობის პირებმა დაარღვიეს ,,ნარუშილოვკებით’‘. ვინ დადიოდა ქალაქში, ან რა უფლებით, ვინ ვის ურიგებდა საშვებს, ამ მხრივ, სრული განუკითხაობა იყო, თუმცა მასშტაბურად თუ შევხედავთ, კანონმორჩილი ადამიანი გაცილებით მეტია ამ ქვეყანაში და წესებიც პატიოსნად დაიცვეს. ამიტომ ნებისმიერი მესიჯი, რაც სამთავრობო სტრუქტურებიდან მოდის, ასე, მაგალითად, საზოგადოებრივ ტრანსპორტს არ დავუშვებთ, რადგან ხალხი ცუდად მოიქცევაო, პირდაპირ გეუბნებით, საბჭოთა მიდგომაა! საზოგადოებრივი ტრანსპორტის აღდგენას მართვა სჭირდება, ახალი წესების დაცვას _ კონტროლი და კარგი მენეჯმენტი, ეს არ შეუძლიათ და ყველაფერს ხალხს აბრალებენ, ცუდად მოიქცევითო. 

_ თუ სლოგანი ,,დარჩი სახლში’‘ ,,ვისწავლოთ თანაცხოვრება კორონავირუსთან ერთად’‘ უნდა შეიცვალოს და კიდევ კარგად ხანს მოგვიწევს პირბადეებით გადაადგილება, რატომ არ შეიძლება მეტროსა და ავტობუსებშიც ამ რეკომენდაციების დაცვით ვიმოძრაოთ? 

_ ანუ, გაინტერესებთ, როგორ შეიძლება აღდგეს მუნიციპალური ტრანსპორტი, ხომ? პირველ რიგში, შესაძლოა, ამ ეტაპზე, საქალაქთაშორისო მიმოსვლა ავტობუსებით კი არა, მიკროავტობუსებით აღვადგინოთ. ზოგადად, საქალაქთაშორისო ხაზებზე, მგზავრების მიკროავტობუსებით გადაადგილებას არ მივესალმები, მაგრამ ახლა ასე მოვიქცეთ, რადგან ავტობუსები გამოვათავისუფლოთ და მუნიციპალიტეტებს დავუმატოთ. თუ დღეს დედაქალაქში 550 ავტობუსი გვყავს, თბილისის მერიას თავისუფლად შეუძლია, რომ კერძო კომპანიებს დაელაპარაკოს და 550 ავტობუსი, პირობითად, 1 500-მდე გაზარდოს. ეს იმიტომ გვჭირდება, რომ ავტობუსებში მგზავრთა სიმჭიდროვე არ იყოს და ხალხმა თავისუფლად მგზავრობა შეძლოს. 

საერთაშორისო რეკომენდაციის მიხედვით, საზოგადოებრივი ტრანსპორტი 50%-ით უნდა დაიტვირთოს, ამის მიღწევას მხოლოდ იმ შემთხვევაში შევძლებთ, თუ ავტობუსების რაოდენობას გავზრდით. ამ მიზნით, შეგვიძლია საქალაქთაშორისო და ტურისტულ ორგანიზაციებზე რეგისტრირებული ავტობუსები გამოვიყენოთ. ეს იდეა მათაც მოეწონებათ, რადგან ახლა გაჩერებულები არიან და შესაბამისად, არც შემოსავალი აქვთ. ცხადია, ამას გარკვეული თანხა დასჭირდება, რაც მუნიციპალიტეტებმა უნდა გამოყონ. მერწმუნეთ, მათ ეს თანხა ნამდვილად აქვთ, უბრალოდ, ატრაქციონებსა და არასაჭირო მიზნებში ხარჯავენ. არადა, ახლა მთავარია, მუნიციპალური ტრანსპორტის მოძრაობა აღდგეს, გაჩერებული ობიექტები გაიხსნას და დასაქმებულები სამსახურებში მივიდნენ. 

სხვათა შორის, ავტობუსების რაოდენობაც საკმარისია, რადგან 23 000 ავტობუსია რეგისტრირებული, აქედან დედაქალაქმა 2 000-იც რომ დაიმატოს, პრობლემა გადაიჭრება. ავტობუსებისა და მიკროავტობუსების ოდენობა, ჯამში, 53 000-ია. ახლა გამოვთვალოთ, რა ზიანს იწვევს მუნიციპალური ტრანსპორტის გაჩერება: თითო ტრანსპორტზე, მინიმუმ, ერთი მძღოლი უნდა ვიგულისხმოთ, თუმცა ისიც უნდა გავითვალისწინოთ, რომ მძღოლები ცვლებში მუშაობენ. ამიტომ მხოლოდ მძღოლთა რაოდენობა კი არ უნდა დავთვალოთ, მათ ტრანსპორტის სფეროში დასაქმებული უამრავი ადამიანიც უნდა მივათვალოთ, მათ შორის, დამლაგებლები, ექიმები, ბუღალტრები. ამ აკრძალვის გამო, გარდა იმისა, რომ ეკონომიკური ობიექტები მასშტაბურად ვერ იხსნება, რაც უმუშევრობას იწვევს, მხოლოდ ტრანსპორტის სექტორში, 100 000-ზე მეტი უმუშევარი ადამიანი გვყავს, თავისი საბანკო სესხებითა და კრედიტებით. 

ასევე, მნიშვნელოვანია უკვე შემუშავებული რეკომენდაციების მკაცრად დაცვა. კერძოდ, ავტოსადგურებსა და მეტროსადგურებშიც ისეთივე მონიშვნები უნდა გაკეთდეს, როგორც მაღაზიებში, მარკეტებსა და აფთიაქებშია; სატრანსპორტო საშუალებებში კონდიცირების სისტემის ჩართვა არ შეიძლება, ამიტომ მგზავრობის დროს, ფანჯრები აუცილებლად ღია უნდა იყოს; მძღოლი სპეციალური მოწყობილობით უნდა იყოს იზოლირებული ანუ მძღოლის კაბინა უნდა გაკეთდეს და არა მარტო ავტობუსებში, ტაქსებსა და მიკროავტობუსებშიც; მგზავრები აუცილებლად პირბადეებით უნდა იყვნენ აღჭურვილნი; ხელების დამუშავების საშუალება უნდა იყოს სპირტის შემცველი სითხით. 

რაც მთავარია, მსოფლიოში გაჩნდა ახალი პროფესია _ მგზავრის დამხმარე პერსონალი. ესენი არიან ადამიანები, რომლებიც ავტოსადგურებსა და მეტროსადგურებში, ავტობუსებსა და მეტროს ვაგონებში მოძრაობენ, რათა მონიტორინგი განახორციელონ. ისინი მგზავრებს კონსულტაციას უწევენ, თუ როგორ იმგზავრონ უსაფრთხოდ, როგორ შეასრულონ რეკომენდაციები, რათა არ დაჯარიმდნენ. ეს ადამიანები ამოწმებენ, დგანან თუ არა გაჩერებებზე ადამიანები სპეციალურად მონიშნულ ადგილებზე. გარდა ამისა, თუ ვინმეს დაავიწყდა პირბადის გაკეთება, ახსენებენ, რომ გაიკეთოს. თუ ვინმე დაბნეულია და არ იცის, როგორ მოიქცეს, უხსნიან და შესაბამის ინსტრუქციას აძლევენ. 

ეს ახალი პროფესია კორონავირუსმა შექმნა, რომელიც საბერძნეთსა და ევროპის სხვა ქალაქებში უკვე დამკვიდრდა. ვინ უნდა დავასაქმოთ ამ ახალ პოზიციაზე? ისინი თავისუფლად შეიძლება იყვნენ უკვე მოქმედი კონტროლიორები, რომლებსაც გადავამზადებთ, რადგან აქამდე, მხოლოდ დაჯარიმებაზე იყვნენ ორიენტირებულნი. 

_ ჩვენი საუბრიდან გამომდინარე, მრჩება შთაბეჭდილება, რომ ეკონომიკური ობიექტების ნაწილობრივ აღდგენა ბლეფია... 

_ ეკონომიკის ის ნაწილი ,,აღდგა’‘, რომელიც ისედაც მუშაობდა და არ გაჩერებულა. ვგულისხმობ მსხვილ მარკეტებსა და ქსელურ კომპანიებს. როდესაც ვამბობ, რომ ტრანსპორტის გაჩერებით ეკონომიკაა გაჩერებული, ვგულისხმობ პატარა, მცირე ობიექტებს. დავუშვათ, ადამიანი ცხოვრობს საბურთალოზე, მაგრამ სანზონაში მუშაობს საცხობში, ან მარკეტში. ეს ადამიანი სამსახურში ტაქსით ვერ ივლის, იმ ობიექტის ხელმძღვანელი კი ორი-სამი თანამშრომლის გამო, მიკროავტობუსს, ან ავტობუსს ვერ დაიქირავებს. შესაბამისად, გამოდის, რომ ეს ობიექტი ვერ გაიხსნება! რეალურად, ამ ქვეყანაში თუ ვინმე ლუკმა-პურს შოულობს, ძირითადად, მცირე ბიზნესსა და ინდსაწარმოებში დასაქმებულები არიან _ ვგულისხმობ თონეს, პატარა მარკეტს, სახელოსნოს. საზოგადოებრივი ტრანსპორტის აღდგენის გარეშე, ეს ობიექტები ვერ და არ იარსებებენ. დარჩება მსხვილი ობიექტები, რომელთა ხელმძღვანელებსაც თავისუფლად შეუძლიათ, რომ მათი თანამშრომლებისთვის მიკროავტობუსი, ან ავტობუსი იქირაონ. 

_ გამოდის, ღამის ეკონომიკის მენეჯერ სერგი გვარჯალაძეს, თბილისის ბიუჯეტიდან არაფრის გამო, ტყუილად ვუხდით ხელფასს? 

_ ძალიან სასაცილო თემაა, რაც თავიდანვე სასაცილო იყო, მაგრამ ახლა განსაკუთრებით. ღამის ეკონომიკის მენეჯერს პიროვნულად არ ვეხები, მაგრამ მისი დანიშნულება მაშინაც ვერ გავიგე, როდესაც კორონავირუსის პანდემიამდე, ღამ-ღამობით კაფე-ბარებსა და რესტორნებში დავდიოდი, რადგან მის გარეშეც კარგად ვატარებდი დროს. მეორე მხრივ, თბილისის მერიაში ბევრი ისეთი ადამიანია დასაქმებული, რომელიც იქ საერთოდ არ უნდა მუშაობდეს. 

თბილისის მერიამ ბევრი ფუნქცია ,,აუთსორსზე’‘ (ნებისმიერ სექტორში, მათ შორის, კერძოსა და საჯაროში არსებული ნებისმიერი სამუშაოს, ან ფუნქციის გადაცემა სხვა კომპანიაზე მთლიანად, ან ნაწილობრივ, _ ავტ.) უნდა გაიტანოს, მაგრამ პირიქით იქცევა. მაგალითად, საგზაო მონიშვნებსაც თვითონ აკეთებს, ცნობებსა და ნებართვებსაც თვითონ გასცემს; ერთი ხელით დასკვნას აკეთებს, რომ ამა და ამ ადგილზე მშენებლობა შეიძლება და შემდეგ, თავისივე დასკვნაზე, მშენებლობის ნებართვასაც გასცემს, რაც ეს სისტემური პრობლემაა.

მაია მიშელაძე

 

]]>
versiaprinti@yahoo.com (super admin) საზოგადოება Wed, 27 May 2020 10:22:24 +0400
ბასილაშვილის სკანდალმა ვაისას კონტრაქტი დაჩრდილა http://www.versia.ge/2013-07-31-11-23-15/item/6779-ბასილაშვილის-სკანდალმა-ვაისას-კონტრაქტი-დაჩრდილა.html http://www.versia.ge/2013-07-31-11-23-15/item/6779-ბასილაშვილის-სკანდალმა-ვაისას-კონტრაქტი-დაჩრდილა.html

როდის განახლდება საქართველოს საფეხბურთო ჩემპიონატი

წესითა და რიგით, გასულ კვირას, ქართულ სპორტში მთავარი მოვლენა ვლადიმერ ვაისსა და საქართველოს ფეხბურთის ფედერაციას შორის გაფორმებული ახალი კონტრაქტი უნდა ყოფილიყო, რომლითაც დადასტურდა, რომ სლოვაკი სპეციალისტი, საქართველოს ეროვნულ ნაკრებს ევროპის ერთა ლიგის პლეი-ოფში ათამაშებს და მნიშვნელობა არ აქვს, ეს მატჩი, რომელიც 26 მარტს უნდა გამართულიყო, მიმდინარე წლის სექტემბერში შედგება, თუ ოქტომბერში _ გუნდს მაინც ვაისი უხელმძღვანელებს. ეს ცუდი არ არის, რადგან სწორედ ვაისამ გაიყვანა ნაკრები პლეი-ოფში და დაწყებული საქმეც ბოლომდე, სწორედ მან უნდა მიიყვანოს. კონატრაქტი მიმდინარე წლის ბოლომდეა და თუ კოვიდვირუსის გამო, მატჩი მომავალი წლის გაზაფხულისთვის გადაიწევს, ხელშეკრულება გაგრძელდება.

ეს ამბავი მთავარი თემად, ყველაზე წარმატებული ქართველი ჩოგბურთელის, ნიკა ბასილაშვილის გამო ვერ იქცა. მსოფლიო რეიტინგის 27-ე ნომერი, სამართალდამცავებმა, ყოფილ მეუღლეზე ძალადობის ბრალდებით დააკავეს და სასამართლომ 100-ათასიანი გირაოს გადახდის შემდეგ გაუშვა. რა თქმა უნდა, არ ვაპირებთ მტყუან-მართლის გარჩევას, მით უმეტეს, რომ თავად ჩოგბურთელმაც აღნიშნა, ჩემს სიმართლეს სასამართლოში დავამტკიცებო და ეს საქმე, სწორედ თემიდას მივანდოთ. 

მეორე მხრივ, ბასილაშვილის კარიერაზე აღნიშნული ინციდენტი კარგად რომ არ აისახება, ფაქტია. მომხდარზე, თავად ჩოგბურთელიც წუხს, მან ოფიციალური განცხადებაც გაავრცელა და მედიასთან ტაიმ-აუტი აიღო. 

„ვწუხვარ და ბოდიშს ვუხდი საზოგადოებას, ჩემი ოჯახის ირგვლივ განვითარებული მოვლენების გამო. ვგრძნობ თქვენს ყოველწამიერ მხარდაჭერას და სიყვარულს, რისთვისაც უსაზღვროდ მადლიერი ვარ. რაც შეეხება, 22 მაისს განვითარებულ მოვლენებს, ვიმედოვნებ, ყველა დეტალი გაირკვევა, ახლა უკვე სასამართლოში და დადგება სამართლიანი განაჩენი, მანამდე კი, არ მსურს ვისაუბრო ჩემს პირად სივრცეზე. არ ვაპირებ საჯარო დისკუსიაში შევიდე ჩემს ყოფილ მეუღლესთან და ვამტკიცო ის, რაც ნამდვილად არ ყოფილა. ის ჩემი ერთადერთი ვაჟიშვილის, ლუკასის დედაა და ასე დარჩება ცხოვრების ბოლომდე. ჩემი მიზანია, ცხოვრების ამ რთულ ეტაპზე დავიცვა ჩემი სიმართლე ისე, რომ არ დაზიანდეს ლუკასის ინტერესები. სწორედ ჩემ შვილთან განსაკუთრებული დამოკიდებულება ვალდებულს მხდის, არ ვუპასუხო უსაფუძვლო ბრალდებებს, თუმცა მჯერა, რომ სიმართლეს სასამართლოში, ჩემი იურისტების დახმარებით, აუცილებლად დავამტკიცებ“, _ ნათქვამია განცხადებაში. 

* * * 

გერმანიის ბუნდესლიგაში ორი ტური გათამაშდა და ბელორუსის შემდეგ, სწორედ გერმანიაა ის ქვეყანა, რომელმაც საფეხბურთო ჩემპიონატი განაახლა. რიგში ინგლისი და ესპანეთი დგას, თუმცა ჩვენ, ქართული კლუბების ბედი უფრო გვაინტერესებს. როგორც ამბობენ, ფეხბურთის ფედერაცია კლუბებს ვარჯიშის უფლებას ივნისიდან მისცემს, ჩემპიონატი კი, დიდი ალბათობით, ივნისის ბოლოს, ან ივლისის პირველ რიცხვებში განახლდება. 

ქართული კლუბებისთვის სათამაშო პრაქტიკა აუცილებელია, რადგან კარს ევროთასების საკვალიფიკაციო ეტაპი მოგვადგა და იმის გათვალისწინებით, რომ ამ ტურნირებზე ისედაც არ ვბრწყინავთ, უთამაშებელი გუნდები საერთოდ თავს შეირცხვენენ. 

* * * 

რადგან საქართველოს ჩემპიონატი ვახსენეთ, ისიც ვთქ¬ვათ, რომ ბათუმის „დინამო“ მოლაპარაკებებს ჯანო ანანიძესთან აწარმოებს. ჯანო ის ფეხბურთელია, რომელსაც სტადიონზე გულშემატკივრის მიყვანა შეუძლია და ასეთი დონის მოთამაშე, ჩვენი პირველობისთვის, უდავოდ კარგი შენაძენი იქნება. 

ჯანოს „ანორთოსისთან“ მოქმედი კონტრაქტი უმთავრდება და თავისუფალი აგენტი ხდება, რაც იმას ნიშნავს, რომ აჭარლებს მისი აყვანა უფასოდ შეეძლებათ. მით უმეტეს, ჯანოც აჭარელია და მშობლიურ მხარეში თამაში, მისთვის ერთი-ორად საპასუხისმგებლო და სასურველი უნდა იყოს, თანაც „დინამო“ ევროთასების საკვალიფიკაციო ეტაპისთვის ემზადება და ანანიძისდარი ფეხბურთელი, სწორედ ახლა სჭირდება. 

* * * 

შესაძლოა, ვინმემ სპორტთან ვერ დააკავშიროს, მაგრამ ჩეჩნეთის ლიდერი, რამზან კადიროვი ის კაცია, ვინც ჩეჩნეთში, ყველა სპორტულ სახობას აკონტროლებს. უფრო მეტიც, ის რამდენიმე სპორტსმენის არაოფიციალური პრომოუტერიცაა და გვარიან თანხებსაც იჯიბავს. საჭიდაო, საფეხბურთო, თუ წესების გარეშე მებრძოლთა კლუბებს ჩეჩნეთში, ძირითადად, „ახმატი“ ჰქვიათ და ყველამ იცის, რომ ეს ბრენდი, კადიროვის საკუთრებაა. ჰოდა, ჩეჩნეთის ლიდერი კორონავირუსით დაინფიცირდა, თან იმდენად მძიმედ, რომ ჩარტერული რეისით, მოსკოვში გადააფრინეს და იქ მკურნალობენ. 

როგორც გაირკვა, ერთი კვირის განმავლობაში, კადიროვი შინაური წამლებით მკურნალობდა და ექიმებს მხოლოდ მას შემდეგ მიმართეს, რაც გონება დაკარგა. კადიროვის მდგომარეობას კრიტიკულად აფასებენ და ვინ იცის... 

* * * 

უცნაური კვლევა ჩაატარა ბრიტანულმა კომპანია Eდგე Hეალტჰ-მა. კვლევით დადგინდა, თუ რამდენი სასიკვდილო შემთხვევა დაფიქსირდა „ენფილდზე“, „ლივეპრულისა“ და „ატლეტიკოს“ შორის გამართულ ჩემპიონთა ლიგის მერვედფინალურ შეხვედრაში. საქმე ეხება „ჩOVID-19“-ით ინფიცირებულთა რაოდენობას და შემდეგ, მათ გარდაცვალებას. კომპანიის ცნობით, დიდი ბრიტანეთის ჯანმრთელობის დაცვის ეროვნული სამსახურის ოფიციალური მონაცემებით ხელმძღვანელობდნენ, რომლის თანახმადაც, აღნიშნულმა მატჩმა 41 სასიკვდილო შემთხვევა გამოიწვია. 

მერვედფინალურ შეხვედრას „ენფილდზე“, 52 ათასი გულშემატკივარი დაესწრო, რომელთაგან 3 ათასი ესპანელი იყო. 

* * * 

გასულ კვირას, ონლაინ-აუქციონი გაიმართა და სხვადასხვა ლოტებს შორის, მსოფლიოს 2018 წლის ჩემპინატის გამარჯვებული საფრანგეთის ნაკრების ერთ-ერთმა ფეხბურთელმა, გასაყიდად ოქროს მედალი გამოიტანა. იმის გათვალისწინებით, რომ თავად ფეხბურთელმა არ ისურვა ვინაობის გამხელა, აუქციონის ორგანიზატორები გამყიდველის ვინაობას არ ახმაურებენ. 

მედლის ყიდვის სურვილი ათ კაცს ჰქონდა და მათ უთხრეს, ვინ გაიმეტა ჯილდო გასასხვისებლად, რადგან პოტენციურ მყიდველს აუცილებლად უნდა სცოდნოდა, ვის მედალს ყიდულობდა. საბოლოო ჯამში, მედალი ბრიტანეთის მოქალაქემ შეიძინა და მის სანაცვლოდ, 71 875 დოლარი გადაიხადა. სპეციალისტები ვერ ხვდებიან, ვის შეიძლებოდა გაემეტებინა სანუკვარი ჯილდო მაშინ, როცა საფრანგეთის ნაკრების იმ შემადგენლობიდან, რომელმაც 2018 წლის მუნდიალი მოიგო, უკლებლივ ყველას, მინიმუმ, წლიური 2 მილიონი დოლარი აქვს ხელფასად და 70 ათასზე ოდნავ მეტ თანხას, წესით, არ უნდა დახარბებულიყო. 

* * * 

და ერთიც: შოთა არველაძემ რუსულ გამოცემას ვრცელი ინტერვიუ მისცა და დეტალურად ახსნა, რატომ არ ისურვა თავის დროზე, რუსეთის ეროვნულ ნაკრებში მუშაობა. 

„რუსეთის ნაკრებში მუშაობის შემოთავაზება 2010 წელს მქონდა და არ დავთანხმდი. არც ახლა დავთანხმდებოდი და რუსეთის ნაკრებში მანამ არ ვიმუშავებ, სანამ ჩვენს ტერიტორიებს არ დაგვიბრუნებენ. 2008 წელს, ჩემი ოჯახი თბილისში იყო, შვილები _ ბათუმში. მახსოვს, როგორ გვეშინოდა ყველას, ამის დავიწყება რთულია. ერთია კლუბში მუშაობა, ეროვნულ ნაკრებში მწვრთნელად ყოფნა კი სხვაა. არ მინდა, პოლიტიკა გავრიო იმ გრძნობებში, რაც თქვენი კულტურისა და ქვეყნის მიმართ მაქვს, თუმცა ეს ყოველთვის გვიშლის ხელს სწორი გადაწყვეტილების მიღებაში“, _ აღნიშნა შოთამ.

ბათო ჯაფარიძე

]]>
versiaprinti@yahoo.com (super admin) საზოგადოება Wed, 27 May 2020 10:21:47 +0400
თემურ ქეცბაია: „გაგვძარცვეს!“ http://www.versia.ge/2013-07-31-11-23-15/item/6769-თემურ-ქეცბაია-„გაგვძარცვეს-“.html http://www.versia.ge/2013-07-31-11-23-15/item/6769-თემურ-ქეცბაია-„გაგვძარცვეს-“.html

85 ათას დოლარად შეფასებული პაემანი ჩოგბურთის ვარსკვლავთან _ როგორ ემზადება მსოფლიო სპორტი პოსტპანდემიური ეპოქისთვის

არის, ასრულდა ოცნება _ გასულ უქმეებზე, მსოფლიოს ფეხბურთი დაუბრუნდა. ჩემპიონატი გერმანიაში განახლდა და ბუნდესლიგის 26-ე ტურის მატჩებიც გათამაშდა. შეხვედრებმა, რაღა თქმა უნდა, ცარიელი ტრიბუნების თანხლებით ჩაიარა და გოლის გატანის შემდეგ, ფეხბურთელები ერთმანეთს არ ეკარებოდნენ, მხოლოდ ხელის აწევით ულოცავდნენ ანუ შეიძლება ითქვას, რომ ისინი დისტანციას იცავდნენ, მაგრამ ორთაბრძოლების დროს, ფეხბურთელები ერთმანეთს ეხებიან და რამდენად უხიფათოა ეს, წესით, ორ კვირაში გამოჩნდება. ისე, ერთი საინტერესო ფაქტიც _ „ბაიერნის“ ფეხბურთელმა, ტომას მიულერმა მოედნიდან გასვლის დროს, თავისი გუნდის მწვრთნელს, ჰანს დიტერ ფლინკს პანღური უთავაზა, აქაოდა, ხელის ჩამორთმევა არ შეიძლებაო. მწვრთნელმა და ფეხბურთელმა ამაზე ბევრი იცინეს, გერმანიის საფეხბურთო კავშირის სადისციპლინო კომიტეტმა კი მომხდარზე იმსჯელა და იმის გათვალისწინებით, რომ მწვრთნელი არ ჩიოდა, მიულერს არაფერი უთხრა, თორემ ჩივილის შემთხვევაში, დისკვალიფიკაცია არ ასცდებოდა.

 

ორ კვირაში, ჩემპიონატების განახლებას ინგლისი, იტალია და ესპანეთიც აპირებენ. აი, კვიპროსის ჩემპიონატი კი დასრულებულად გამოცხადდა და პირველი ადგილიც „ომონიას“ მიაკუთვნეს. ეს მაშინ, როცა „ომონია“, მეორეადგილოსან „ანორთოსის“ მხოლოდ ბურთებით სჯობნიდა, ქულების მარაგში კი ორივეს 46 ეწერა. „ანორთოსისი“ ჩივილს აპირებს და სასამართლოს მოგების იმედიც აქვს. 

„ისეთი შეგრძნება მაქვს, რომ თითქოს გაგვძარცვეს. ჩვენ ჩემპიონობისთვის ბრძოლას ვაპირებდით, მაგრამ სხვაგვარად გადაწყვიტეს“, _ განაცხადა „ანორთოსისის“ ქართველმა თავკაცმა, თემურ ქეცბაიამ, რომლის გუნდი ოქროს მედლების მოპოვების რეალური კანდიდატი იყო, თუმცა... 

„ანორთოსისში“ მთავარი მწვრთნელისა და მისი თანაშემწის (სოსო ჭედია) გარდა, ხუთი ქართველი თამაშობს. დიდი ალბათობით, გიორგი ლორია, ბუბა დაუშვილი და ნიკა კაჭარავა კარიერას კვლავ ფამაგუსტელთა რიგებში გააგრძელებენ, ჯანო ანანიძესა და თორნიკე ოქრიაშვილს კი წასვლა და უკეთეს კლუბებში თამაში სურთ. 

* * * 

მოსკოვის „ლოკომოტივიდან“ ლეგენდარული კაცი, იური სიომინი გაუშვეს. სიომინი ის მწვრთნელია, ვინც სხვადასხვა დროს, საერთო ჯამში, 20 წელზე მეტხანს, რკინიგზელთა კლუბს თავკაცობდა, ქვეყნის ჩემპიონატი და თასი მოაგებინა და რაც მთავარია, მუდმივად იმეორებდა, წარმატების მიღწევა თუ გინდა, კლუბში მინიმუმ, ერთი ქართველი უნდა გყავდესო. სხვადასხვა დროს, ასე იყვნენ „ლოკოს“ ლიდერები ზაზა ჯანაშია, მიხეილ აშვეთია, მალხაზ ასათიანი და ბოლოს, საბა კვირკველია. ყველაზე მეტად, ახლა, სწორედ კვირკველიას ბედი გვადარდებს და ყველა თანხმდება, რომ სიომინის წასვლასთან ერთად, გუნდს ისიც დატოვებს. კარგი იქნება, თუ საბა კარიერის გასაგრძელებლად ევროპას აირჩევს, მით უმეტეს, რომ თავის დროზე, მისით არაერთი წამყვანი კლუბი იყო დაინტერესებული. მოსკოველებმა უკვე დაადასტურეს, რომ მზად არიან, საბას 4 მილიონი ევროს სანაცვლოდ შეელიონ. მის მსურველ გუნდს აუცილებლად მოუწევს იმის გათვალისწინებაც, რომ ქართველი ფეხბურთელის წლიური ხელფასი 1.8 მილიონი ევროა. 

* * * 

მოგეხსენებათ, 2020 წლის ოლიმპიადამ 2021 წლისთვის გადაიწია და ასევე, გადაიწია სალიცენზიო ტურნირებმაც. ისინი სტარტს, დიდი ალბათობით, სექტემბერში აიღებენ, თუმცა მაყურებლების გარეშე და თუ ოლიმპიელებმა მზადება ახლა არ დაიწყეს, სალიცენზიო ქულების მოპოვება ძალიან გაუჭირდებათ. შესაბამისად, საქართველოს ოლიმპიური კომიტეტის ხელმძღვანელმა, ლერი ხაბელოვმა სპეციალური განცხადება გაავრცელა: 

„პირველ რიგში, ჩვენ მივმართეთ საოლიმპიადო პროცესში ჩართულ სპორტულ ფედერაციებს და როგორც მოსალოდნელი იყო, ერთმნიშვნელოვანი დასტური მივიღეთ: თითოეული ფედერაცია მიიჩნევს, რომ აუცილებელია საწვრთნელი პროცესის ორგანიზება, რაც შეიძლება მოკლე დროში. გარდა ამისა, მათ მოგვაწოდეს დეტალური ინფორმაცია, ჩვენს მიერ დასმული კითხვების პასუხად. მაგალითად, საწვრთნელი შეკრების სასურველი ადგილმდებარეობისა და ხანგრძლივობის, შეკრებაში მონაწილეთა რიცხოვნობისა და შემადგენლობის, სამედიცინო უზრუნველყოფის, აუცილებელი-ინვენტარ-აღჭურვილობის შესახებ და სხვა საკითხებზე. 

მოკლედ, ჩვენ ზუსტად ვიცით, რა გვჭირდება და რისთვის, რამდენი ადამიანი მოიყრის თავს შეკრებებზე, რა ბიუჯეტი დასჭირდება ამ საქმის ორგანიზებას, ვინ იქნებიან პასუხისმგებელი პირები და ა.შ. 

ჩვენი მომდევნო ნაბიჯი ის იყო, რომ ოფიციალური წერილით მივმართეთ საქართველოს მთავრობას, აგრეთვე, განათლების, მეცნიერების, კულტურისა და სპორტის სამინისტროს. ჩვენ ვითხოვთ, უწყებათაშორისი საკოორდინაციო საბჭოს სხდომაზე დაისვას და დადებითად გადაწყდეს საკითხი ქართველი ოლიმპიელებისთვის საწვრთნელი პროცესის განახლების შესახებ. ფაქტობრივად, ეს არის ოლიმპიური კომიტეტის, სპორტული ფედერაციების, მწვრთნელებისა და თავად სპორტსმენების ერთობლივი თხოვნა. 

როგორც მოგეხსენებათ, ობიექტური მიზეზების გამო, სპორტულმა ორგანიზაციებმა, მათ შორის, საქართველოს ეროვნულმა ოლიმპიურმა კომიტეტმა, შეაჩერეს აქტიური საქმიანობა და დღემდე მკაცრად იცავენ საგანგებო მდგომარეობის წესებს. ორ თვეზე მეტია, შეჩერებულია ოლიმპიური პროგრამები და სასწავლო-საწვრთნელი პროცესი, რამაც დიდად დააზიანა საოლიმპიადო სამზადისი, რადგანაც სპორტული ფორმისა და ბრძოლისუნარიანობის შესანარჩუნებლად, მნიშვნელოვანია თითოეული დღე. ამ დანაკლისის ანაზღაურება შეუძლებელი იქნება, თუ უახლოეს პერიოდში, არ მივიღებთ შესაბამის ზომებს. საუბარია შეზღუდულ კონტიგენტზე – დაახლოებით, 200 სპორტსმენზე, რომლებიც ტესტირების გავლის შემდეგ, განაწილდებიან რამდენიმე სპორტულ ბაზაზე და ქვეყანაში მოქმედი ყველა საგანგებო წესის ზედმიწევნით დაცვით, სპეციალურ სივრცეში განაახლებენ ვარჯიშს. განათლების, მეცნიერების, კულტურისა და სპორტის სამინისტროს მონაწილეობითა და ჩვენი ეპიდემიოლოგების აქტიური ჩართულობით, საგანგებოდ სპორტისთვის უკვე შემუშავებულია პროტოკოლის პროექტი, სადაც დეტალურად არის გაწერილი სპორტული აქტივობის რეგულაციები ეპიდემიის პირობებში. 

გარდა ამისა, საერთაშორისო ოლიმპიურმა კომიტეტმა, ასევე, მოგვაწოდა ჯანდაცვის მსოფლიო ორგანიზაციასთან ერთად შედგენილი რეკომენდაციები, რაც ერთგვარი სახელმძღვანელო დოკუმენტია ჩვენთვის. საგულისხმოა, რომ სწორედ საერთაშორისო ოლიმპიური კომიტეტის რჩევითა და ადგილობრივ ხელისუფალთა დასტურით, მსგავსი პრაქტიკა უკვე ფართოდ არის გავრცელებული მთელ მსოფლიოში, მათ შორის, ევროპის ქვეყნებში: საწვრთნელ პროცესში სხვადასხვა ფორმით უკვე ჩართულნი არიან ოლიმპიური ლიცენზიანტები და ის სპორტსმენები, რომლებსაც შემოდგომაზე, ან 2021 წლის დასაწყისში, მოუწევთ ტოკიოს ოლიმპიადის საგზურებისთვის ბრძოლა. ამ ბრძოლისთვის ჩვენც მზად უნდა ვიყოთ. დიდი იმედი გვაქვს, რომ ხელისუფლება გულისყურით შეისწავლის ამ პრობლემას და მიიღებს შესაბამის გადაწყვეტილებას“. 

ვერ გეტყვით, რა გადაწყვეტილებას მიიღებს ხელისუფლება, მაგრამ ეს პრობლემა ყველა ქვეყანაში დგას და ოლიმპიადის სტატუსის გათვალისწინებით, ყველგან ცდილობენ, რომ რაც შეიძლება მალე, სპორტსმენებს სავარჯიშო პირობები შეუქმნან. 

* * * 

16 მაისს, გამთენიისას, ფლორიდაში, UFC-ის ქართველმა მებრძოლმა, გიგა ჭიკაიძემ, რიგით მესამე ბრძოლა გამართა და მესამე გამარჯვება იზეიმა. პროფესიონალთა შორის შვიდი თვის გადასული გიგასთვის, ეს საუცხოო სტარტია და მისი გამარჯვება მსაჯებს ეჭვქვეშ არ დაუყენებიათ. სამრაუნდიან ბრძოლაში, მსაჯების ერთსულოვანი გადაწყვეტილებით _ 30:27, 30:27, 30:26, გამარჯვებულად ჭიკაიძე გამოცხადდა. 

შეხვედრის შემდეგ, გიგამ UFC-ს პრეზიდენტს, დანა უაითს მიმართა: 

„დანა, შენთან ერთი თხოვნა მაქვს: ვიმუშაოთ UFC-ის საქართველოში ჩატარებაზე. ჩემი მთავრობა ამისთვის მზადაა და UFC-ის პოპულარობა ჩემს ქვეყანაში, კიდევ უფრო გაიზრდება...“ 

 

* * * 

ხომ გახსოვთ, 53 წლის მაიკ ტაისონი რინგზე დაბრუნებას რომ აპირებს და ახლა პრომოუტერები, მისი მეტოქის შერჩევაში არიან, რათა რეკლამებიდან, რაც შეიძლება მეტი ფული მოხსნან. ჰოდა, ისე ჩანს, 53 წლის ასაკშიც კი, ტაისონმა, შესაძლოა, ბრძოლის სანაცვლოდ, რამდენიმე ათეული მილიონი მიიღოს. მის წინააღმდეგ საბრძოლველად მზაობა, 57 წლის ევანდერ ჰოლიფილდმა გამოთქვა. ჰოლიფილდი ის კაცია, ვინც ტაისონს საჩემპიონო ქამარი მოუგო, სანაცვლოდ კი მაიკმა, პირდაპირ რინგზე, მას ყური მოაჭამა. 

„თქვენ შოუ გინდათ და ეს იქნება ყველაზე მაგარი შოუ, რაც აქამდე გინახავთ“, _ განაცხადა ჰოლიფილდმა და არც ტყუის. 

* * * 

ცნობილმა ჩოგბურთელმა და მოდელმა, ეჟენი ბუშარმა საქველმოქმედო აქცია წამოიწყო. ინსტაგრამზე, ეჟენის ორ მილიონამდე გამომწერი ჰყავს და როგორც ჩოგბურთის მოყვარულებში, ისე ზოგადად, საკმაო პოპულარობით სარგებლობს. ჰოდა, აქციის ფარგლებში, ეჟენის სურს, მშიერი ბავშვები დააპუროს და ამისთვის, სადილზე გაჰყვება ნებისმიერს, ვინც 85 ათას დოლარს გადაიხდის. ეს ერთგვარი პაემანი იქნება ბუშართან, ოღონდ საღამოს, მას მეგობარი ბიჭი გამოუვლის და სახლში წაიყვანს, კავალერი კი, რომელიც 85 ათასს გადაიხდის, საუკეთესო შემთხვევაში, ხელს დაუქნევს. რამდენი ადამიანი გადაწყვეტს, ხელის ერთ დაქნევაში 85 ათასი დოლარის გასროლას, მალე გამოჩნდება.

ბათო ჯაფარიძე

]]>
versiaprinti@yahoo.com (super admin) საზოგადოება Wed, 20 May 2020 01:44:09 +0400
მასონების, ლიბერალებისა და გლობალისტების შეთქმულება მსოფლიოს წინააღმდეგ ანუ „მამალი ჭორები“ კორონაზე http://www.versia.ge/2013-07-31-11-23-15/item/6765-მასონების,-ლიბერალებისა-და-გლობალისტების-შეთქმულება-მსოფლიოს-წინააღმდეგ-ანუ-„მამალი-ჭორები“-კორონაზე.html http://www.versia.ge/2013-07-31-11-23-15/item/6765-მასონების,-ლიბერალებისა-და-გლობალისტების-შეთქმულება-მსოფლიოს-წინააღმდეგ-ანუ-„მამალი-ჭორები“-კორონაზე.html

მართლა საშიშია თუ არა 5G ინტერნეტი ჯანმრთელობისთვის, რა კავშირი აქვთ კორონაპანდემიასთან მასკსა და გეითსს და გვიპირებენ თუ არა „დაჩიპვას“

მართალია, ჯანმოს პანიკიორი კაცი და მისი სხვადასხვა ეროვნების კოლეგებიც საზოგადოებას ისევ ზაფრავენ, მაგრამ კარგად თუ დავაკვირდებით, რამდენიმე ქვეყანაში არსებული მძიმე ეპიდსიტუაციის მიუხედავად, ახალი კორონავირუსი უკან იხევს. ყოველ შემთხვევაში, მსოფლიოდან ამ მხრივ კარგი ცნობები მოდის, რაზეც ისიც მეტყველებს, რომ ქვეყნებმა მკაცრი „ლოკდაუნის“ გალაითება დაიწყეს. ყველაფერ ამასთან ერთად, საზოგადოების ნაწილს, მათ შორის, საქართველოშიც თანდათან უძლიერდება ეჭვი, რომ კორონა ჩვეულებრივი ინფექციისგან არაფრით განსხვავდება და ყველაფერი ის, რაც ბოლო ორ თვეში პლანეტამ გამოიარა, ჩვეულებრივი აფერა იყო და მეტი არაფერი. ამ თეორიას, ბუნებრივია, ბევრი ადამიანი არ იზიარებს, მაგრამ არც ისინი არიან უმცირესობაში, რომელთაც სჯერათ, რომ კორონაპანდემია იმ ჯგუფისა თუ ჯგუფების ავანტიურა იყო, რომელი ჯგუფი და ჯგუფებიც ჩვენი პლანეტის პოლიტიკურ თუ ეკონომიკურ დღის წესრიგს ადგენენ. ამ კუთხით ეჭვმიტანილები ე.წ. გლობალისტები და ულტრალიბერალები არიან, თუმცა ვიდრე ამ საკითხს უფრო მეტად ჩავშლით, სჯობს, აქვე ვთქვათ, რომ შეთქმულების თეორიები მხოლოდ პანდემიების კი არა, იგივე ომების თანმდევია ხოლმე.

აი, მაგალითად, სამხედრო ანალიტიკოსი ამირან სალუქვაძე მიიჩნევს, რომ ყველა ან თითქმის ყველა ის ინფორმაცია, რომელიც კორონას ხელოვნურობას ამტკიცებს და ამასთან, იმ აზრსაც ანვითარებს, რომ ახლანდელი პანდემია გლობალისტებისა თუ ულტრალიბერალების მოგონილია, რუსული წარმოშობისაა. თუმცა ანალიტიკოსი აქვე განმარტავს, რომ კორონაკონსპიროლოგიას მიმდევრები აშშ-შიც ჰყავს. 

„მსოფლიოს ისტორიაში ვერ იპოვით ეპიდემიას ან სხვა კრიზისს, ომებს, მნიშვნელოვან მოვლენებს, რომლებსაც თან არ ახლდა ჭორები, შიშები, დეზინფორმაციები, შეთქმულების თეორიები, კონსპიროლოგია. 

1816-დან 1975 წლამდე, მსოფლიომ ქოლერის 7 ეპიდემია გადაიტანა. მეორე ეპიდემია რუსეთ-სპარსეთის ომის _ 1828-29 წლების შემდეგ დაიწყო და მთელ რუსეთს მოედო. 

ქოლერის პირველი შემთხვევბი 1930 წელს, თბილისსა და ასტრახანში აღმოაჩინეს. ეპიდემიამ მოსკოვსა და სანკტ-პეტერბურგს 1931 წელს მიაღწია. როგორც რუსეთის მთელ იმპერიაში, ისე მის დედაქალაქში ბუნტები დაიწყო (გენიშნათ?). მოქალაქეებს, რომლებმაც იცოდნენ, რომ ინფექცია ორგანიზმში ცუდი საკვებისა და წყლის მეშვეობით ხვდებოდა, ეგონათ, რომ მათ სპეციალურად ხოცავდნენ. დაიწყეს საავადმყოფოების დაზიანება, კლავდნენ ექიმებსა და პოლიციელებს. 

მთელ ეპიდემიას არ აღვწერ. მოსახლეობაში ხელისუფლებისადმი ნდობის ამაღლება დაიწყო, როცა მოქალაქეები ხედავდნენ საავადმყოფოებიდან მასობრივად ცხედრების გამოსვენებას. მაშინაც კარანტინი და თვითიზოლაცია მთავარი მეთოდი იყო. ადამიანები, განსაკუთრებული საჭიროების გარეშე, საცხოვრებელ ადგილებს არ ტოვებდნენ. 

მოკლედ, მე-19 საუკუნეშიც იგივე ჭორები იყო. ახლაც ხომ იგივე ეჭვებს აღვივებდნენ, რომ მსოფლიო მთავრობა სპეციალურად ხოცავს მოხუცებს, თუმცა ბევრ ქვეყანაში დაავადებულთა ნახევარი 40 წლამდე ასაკისაა. ე.ი. მოხუცებს არ ხოცავენ, ხომ ასეა? 

დღეს ხელისუფლება დიდძალ რესურსებს ხარჯავს ადამიანების სიცოცხლის გასაფრთხილებლად. არადა, ჭორები, ხმა ვრცელდება... ჩვენს სივრცეში გავრცელებული ჭორების, ინფორმაციების ლომის წილი რუსულენოვანია, თუმცა შეთქმულების თეორიები სხვა ქვეყნებშიც ფართოდ ვრცელდება. 

მაგალითად, აშშ-ის მოსახლეობის 29%-ს სჯერა „კოვიდ-19“-ის ხელოვნური წარმომავლობა. „ლევადა-ცენტრის“ მიერ, მარტში ჩატარებული გამოკითხვის თანახმად, რუსეთში მოსახლეობის მხოლოდ 24%-ს არ სჯერა კორონავირუსის შესახებ მასმედიის მეშვეობით გავრცელებული ოფიციალური ინფორმაციის. 

აპრილში ამ განწყობებმა იმატა და 59% შეადგინა. თებერვალში დაინფიცირების შიში მხოლოდ 30%-ს ჰქონდა. მარტის ბოლოს კი მათი რიცხვი 44%-მდე გაიზარდა. 

თებერვალში „ფრანს პრესმა“ გამოაქვეყნა სტატია, რომელშიც სახელმწიფო დეპარტამენტის წარმომადგენლების ინფორმაციაზე დაყრდნობით წერდა, რომ სოციალურ ქსელში, რუსეთთან დაკავშირებული ათასობით ანგარიში აქვეყნებდა ინფორმაციებს „კოვიდ-19“-ის გავრცელებაში აშშ-ს სპეცსამსახურების ბრალეულობის შესახებ. რუსეთმა ეს ბრალდება, როგორც მოსალოდნელი იყო, უარყო. 

ეპიდემიებს ახასიათებთ მოსახლეობის აქტივობები სხვადასხვა ხასიათის მოძიებული ინფორმაციების გავრცელების, ერთმანეთში გაცვლის კუთხით. ზოგი აზიარებს სხვისი აზრის გაგების მიზნით, ზოგი განზრახ ავრცელებს სიცრუეს, ზოგი კეთილი ზრახვებით, რათა სხვებსაც გააგებინოს „სასარგებლო“ ინფორმაცია. მთლიანობაში, ყველაფერ ამის გამო, დიდი აჟიოტაჟი იქმნება. 

რა ხასიათის ინფორმაციებს ავრცელებენ ყველაზე მეტად: ოფიციალური ვერსიების, განცხადებების კითხვის ნიშნის ქვეშ დაყენება ან გაყალბება; სახალხო რეცეპტები, ლიცვები; ფსევდოექიმების რჩევები; ისტორიები პირველწყაროს მითითებით. მაგალითად, „ჩემი ახლობელი მუშაობდა უხანში და ყვება, რომ...“ ან, „ჩემმა ნათესავმა იტალიიდან მომიყვა, რომ იქ არაფერი ხდება“; ისტორიები ვირუსის წარმომავლობის შესახებ; პანიკური, შეუმოწმებელი ინფორმაციები. მაგალითად, „დღეს, ღამით თვითმფრინავებით მოხდება ქალაქის დეზინფექცია. შეხვდით ღია ფანჯრებით“ და ა.შ.“ _ ამბობს ამირან სალუქვაძე. 

მოკლედ, ვთანხმდებით, რომ კორონაეპიდემია ხელოვნურად არაა შექმნილი და ყველაფერი ის, რის შესახებაც ბოლო დროს ვისმენთ, რეალობაა, მაგრამ აქვე, ჩნდება კითხვა _ რატომ სჯერა ადამიანთა ნაწილს, რომ კორონა მოგონილია და მიზნად, მინიმუმ, მოსახლეობის გამოხშირვას ისახავს? 

ამ კითხვაზე ანალიტიკოს ამირან სალუქვაძის პასუხი ასეთია: 

„ადამიანს, როგორც გონივრულ არსებას, ყოველთვის აქვს მიდრეკილება, გაარკვიოს პრობლემების, საფრთხეების მიზეზები, თავად ჩასწვდეს საკითხების არსს. ვის რამდენად გამოსდის, სხვა საკითხია. ფიქრების, ტვინის ჭყლეტის შედეგად თუ მიაკვლევს მისთვის სასურველ ვერსიას, მისი გადარწმუნება შეუძლებელი ხდება. ვეღარ ჭრის ვერც მეცნიერება, ვერც _ ლოგიკა, ვერც _ საღი აზრი... 

განსაცდელის დროს, ადამიანს ყველაზე მეტად აწუხებს გაურკვევლობა. შესაბამისად, ის ცდილობს, მონახოს პასუხები ყველაფერზე, რაც მას აფიქრებს, განსაკუთრებით, პრობლემის წარმომავლობაზე, მისი გაჩენის მიზეზებსა და მომავლის პროგნოზირებაზე. სხვათა შორის, მკითხაობაც (მარჩიელობაც) ადამიანის ამ განცდებს ეფუძნება. მკითხავი უშუალო კონტაქტშია პირთან, აქვს შესაძლებლობა, დააკვირდეს რეაქციებს, მისგანაც მოიპოვოს დამატებითი ინფორმაციები, შეთქმულების თეორიების ავტორებს ამის ფუფუნება არ აქვთ. მკითხავისთვის მნიშვნელოვანია, კლიენტმა დაიჯეროს, რადგან ეს პირდაპირ აისახება ანაზღაურებაზე. კონსპიროლოგს ეს არ ადარდებს. ის მასებზე, კონკრეტულ ტიპაჟებსა და სამიზნე ჯგუფებზე მუშაობს. არ დაიჯერებს ერთი, დაიჯერებს _ სხვა. ვინც არ დაიჯერებს, თუ დაეჭვდა მაინც, ისიც შედეგია. იმისთვის, რომ ინფორმაციები, ვერსიები, თეორიები, დამაჯერებელი იყოს, ის დეტალურად უნდა იყოს აღწერილი, გაანალიზებული და „გამყარებული“ სხვადასხვა ფაქტით. 

„კოვიდ-19“-ის შესახებ გავრცელებულ რამდენიმე აბსურდულ ვერსიას გავიხსენებ: „ვირუსი მოიგონეს, რათა შეეწყვიტათ საჰაერო მოძრაობა და კოსმოსური აპარატები განეთავსებინათ“. ამ ტექსტის დამწერს, ან მის გამავრცელებელს ვინმე დააჯერებს, რა სიმაღლეზე დაფრინავენ თვითმფრინავები და რა სიმაღლეზეა ორბიტალური სადგურები? ან სკოლაში თუ არა, ინტერნეტში წაუკითხავთ, რა არის ტროპოსფერო, სტრატოსფერო, მეზასფერა და ა.შ.? ან გააგებინებთ, რომ თანამგზავრების გაყვანა კოსმოსური რაკეტებით ხდება და საჰაერო მოძრაობას ხელი არასდროს შეუშლია მათ გასაშვებად? ალბათ, არ დაიჯერებენ. 

კიდევ ასეთი პოსტი გამოქვეყნდა. ერთმა გადაიღო „ფლიგტჯრადარ24“-ის საიტზე, დროის რეალურ მომენტში, ევროპის საჰაერო სივრცეში არსებული საჰაერო ვითარების ფოტოასლი და გამოაქვეყნა ტექსტით: „ნახეთ, რამდენი თვითმფრინავი დაფრინავს. არანაირი შეზღუდვები არ არსებობს“. რეალურად, ფოტოზე ბევრი თვითმფრინავია, რამდენიმე ასეული, მაგრამ რამდენი დაფიქრდება იმაზე, რომ 1-2 თვის წინ, შეზღუდვებამდე, იყო 2-3-ჯერ მეტი? ადამიანები დაფიქრდებიან, რომ ყველა ქვეყანას არ დაუწესებია შეზღუდვები, ან ის, რომ არსებობს ჩარტერული რეისები, ან ის, რომ საჰაერო ტვირთების გადაზიდვა გრძელდება და, შესაბამისად, გარკვეული რეისები სრულდება?დაფიქრდება ვინმე, რომ ჩვენი ცა გადასერილი იყო ტრანზიტული ფრენებით და დღეს სიცარიელეა? ან ვინმე დაფიქრდება, შეამოწმოს რამდენჯერ იკლო ფრენების რიცხვმა რომელიმე ქალაქის აეროპორტში, თუნდაც თბილისში? რა თქმა უნდა, არა. ასეა, სანდო საიტიდან აღებულ ფოტოასლს, ინფორმაციას, მიაბამენ მთელ კონსპიროლოგიურ ბოდვას, რაც ამ ბოლოს ვრცელდება და არკვიე, სადაა სიცრუე და სად _ სიმართლე. 

ასეთი „ფაქტის“ ნახვის შემდეგ, 100-დან რამდენი ადამიანი დაინტერესდება ავიაკომპანიების გადაზიდვების სტატისტიკით? 

კონსპიროლოგიურ ინფორმაციებს აქვს გარკვეული მახასიათებლები, სიტყვათა წყობა, ლოგიკა. მის გამავრცელებლებს კი ახასიათებთ შემდეგი ტიპის ფრაზები: „რაღაც არ მჯერა“, „კი, მჯერა, მაგრამ“, „ნახე, რა ვიპოვე დღეს ქსელში“ და ა.შ. მთავარი ისაა, რომ კონსპიროლოგიურ თეორიებს ისეთი ლოგიკა აქვთ, რომ მათი გაბათილება რთულია, პირდაპირი მტკიცებულებებითაც კი“. 

გვინდა თუ არა, უნდა ვაღიაროთ, რომ კონსპიროლოგია სიმართლეზე ძლიერია ანუ უფრო მარტივად და გასაგებად რომ ვთქვათ, ადამიანებს ჭორის უფრო სჯერათ, ვიდრე _ რეალობის. ჰოდა, რა გასაკვირია, რომ კორონაპანდემიის დროს, ისეთი „მამალი ჭორი“ გავრცელდა, რომლის მოგონებაც თვით ყველაზე დიდ ფანტასტიკოს მწერალსაც კი გაუჭირდებოდა.

მოკლედ, კორონაჟამიანობამ პიკს მიაღწია თუ არა, ინტერნეტი წალეკა ინფორმაციამ, რომ კორონა 5G-ს „შედეგია“. ამ „სევდიან“ ისტორიაში ყველაზე უცნაური ის გახლდათ, რომ 5G-ს მავნებლობაზე არსებულ ფეიკნიუსებს ისეთი ადამიანები აზიარებდნენ და ახლობლებ-მეგობრებსაც აფრთხილებდნენ, რომლებიც სხვა დროსა და ვითარებაში იმის მტკიცებით არიან ხოლმე დაკავებულნი, რომ ძალიან განათლებულნი არიან და მხოლოდ, ვთქვათ, ლიტერატურაში კი არა, მეცნიერებაშიც კარგად ერკვევიან. 

ერთი სიტყვით, „5G-ს სკანდალი“ დასრულებული არ იყო, სოციალური ქსელები ახალმა შეთქმულების თეორიამ რომ წალეკა. კერძოდ, ითქვა, რომ კორონა ილონ მასკის პროექტია და ამ „ალგორითმის“ მიმდევრები საკუთარი ნათქვამის განმტკიცებას იმით ცდილობდნენ, რომ ზუსტად მაშინ, როცა მსოფლიოს ეპიდემია მოედო, მასკმა ახალი პროექტი _ ე.წ. ინტერენტი ყველას გაუშვა. 

მასკისა და 5G-სგან მტრის ხატი რომ ვერ შეიქმნა, ახალი კონსპირაცია გაჩნდა. სახელდობრ ის, რომ კორონა თითქოს მსოფლიოს ერთ-ერთმა უდიდესმა ადამიანმა, ბილ გეითსმა „მოიგონა“. ამ თეორიის მიმდევარები იმის თქმასაც არ ერიდებოდნენ, რომ გეითსმა კორონას შექმნა, თითქოს საკუთარი პირით აღიარა. 

იმთავითვე ნათელი იყო და ყველა გონიერი ადამიანი ხვდებოდა, რომ 5G, მასკი და გეითსი კორონასთან კავშირში არ იყვნენ, მაგრამ ვითარების დრამატიზება, ყოველ შემთხვევაში, საქართველოში, ეკლესიამაც მოახდინა ანუ ცალკეულმა სასულიერო პირებმა ყველა ზემოთქმული კონსპიროლოგიის ქადაგება ამბიონიდან დაიწყეს და ზოგის ფანტაზია იქამდეც კი მივიდა, რომ მრევლი კინაღამ დაარწმუნა, მასობრივი თერმოსკრინინგი, ესე იგი, სიცხის გაზომვა იმას ემსახურება, ამ გზით ფარული ჩიპები ჩაგვიყენონო. 

ამას გარდა, ეკლესიის ზოგიერთი მსახური კორონას საწინააღმდეგო ვაქცინის წინააღმდეგაც ილაშქრებს და ხალხს მოუწოდებს, ვაქცინაციაზე უარი თქვას. არადა, კარგად თუ დავაკვირდებით, ეს ვითარება ძალიან დრამატულია. რატომ? _ ამ კითხვაზე პასუხი მარტივია: კორონას საწინააღმდეგო ვაქცინა ჯერ არ შექმნილა! მიუხედავად ამისა, ზუგდიდისა და ცაიშის მიტროპოლიტი მეუფე გერასიმე ამბობს, რომ ვაქცინაციაზე წმინდა სინოდმა უნდა იმსჯელოს. 

„საპატრიარქოში კომისია შეიკრიბება, რომელიც მედიკოსების რეკომენდაციებს გაეცნობა და ეკლესიის პოზიციაც ამის შემდეგ გახდება ცნობილი“, _ ამბობს ზუგდიდისა და ცაიშის მიტროპოლიტი და დასძენს, რომ კორონავირუსის საწინააღმდეგო აცრა ნებაყოფლობითი უნდა იყოს. 

ასე და ამგვარად, ყველაფერ ზემოთქმულიდან ჩანს, რომ კორონავირუსზე იმაზე მეტი შეთქმულების თეორია არსებობს, ვიდრე ვინმე წარმოიდგენდა, მაგრამ რატომ დაუკავშირდა ეს პანდემია გლობალისტებს, ულტრალიბერალებს და, ბოლოს და ბოლოს, 5G-ს? 

მოდით, დავიწყოთ გლობალისტებითა და ულტრალიბერალებით ანუ გავარკვიოთ, თუ რა „კლასტერზეა“ საუბარი. 

სამოქალაქო ლექსიკონის თანახმად, გლობალიზმი მსოფლიო პოლიტიკის სამეცნიერო კვლევის ერთ-ერთი პარადიგმული მიდგომაა, რომელიც განსაკუთრებულ მნიშვნელობას საერთაშორისო ურთიერთობებს ანიჭებს. 

„გლობალისტები მიიჩნევენ, რომ საერთაშორისო პოლიტიკის უკეთ გაგებისთვის, აუცილებელია მთელი მსოფლიოს მასშტაბით მიმდინარე პროცესების ერთიანი სურათის წარმოდგენა. საერთაშორისო სისტემის განმსაზღვრელ თვისებად გლობალისტები კაპიტალისტურ ურთიერთობებს ასახელებენ. მათი აზრით, მსოფლიო კაპიტალისტური სისტემა სახელმწიფოთა ქმედებების მთავარი განმსაზღვრელი ფაქტორია, ანუ სახელმწიფოების საერთაშორისო პოლიტიკაში არა დამოუკიდებელ, არამედ, დამოკიდებულ ცვლადებს წარმოადგენენ. 

ამასთან, გლობალიზმი ყურადღებას აქცევს დომინირების მექანიზმების შესწავლას და განვითარებულ „ჩრდილოეთსა“ და განვითარებად „სამხრეთს“ შორის დაქვემდებარება-დომინირების ურთიერთობების კვლევითაა დაკავებული. 

გლობალიზმი საერთაშორისო ურთიერთობებში წამყვან ადგილს ეკონომიკურ ფაქტორებს ანიჭებს. გლობალისტები სოციალური და ეკონომიკური ურთიერთობების მარქსისტულ ხედვას ანიჭებენ უპირატესობას. შეაბამისად, გლობალიზმი რეალისტური და პლურალისტური (რაციონალისტური) მიდგომებისაგან განსხვავდება“, _ ვკითხულობთ სამოქალაქო განათლების ლექსიკონში. 

რაც შეეხება ლიბერალიზმს, ამავე წყაროს მიხედვით, ლიბერალიზმი პოლიტიკური ფილოსოფიაა, რომელიც პრიორიტეტს ინდივიდთა პირადი უფლებებისა და თავისუფლებების უზრუნველყოფას, მმართველობის დემოკრატიულ ფორმებსა და პოლიტიკური, ეკონომიკური და სოციალური ინსტიტუტების თანმიმდევრულ რეფორმებს ანიჭებს. 

„ლიბერალიზმი XX საუკუნის იდეოლოგიაა,რომელიც ქადაგებს პოლიტიკური ინსტიტუტების თავისუფლებას, ადამიანის ისეთ ინდივიდუალურ უფლებებს, როგორებიცაა აზრის გამოხატვის უფლება და რელიგიური შემწყნარებლობა. იგი მხარს უჭერს იდეას, რომ მთავრობამ აქტიურად უნდა იღვაწოს კაპიტალიზმის რეგულირებაში, საერთო სიკეთისა და კეთილდღეობის სახელმწიფოს შექმნისთვის, რომელშიც ღარიბთა მოთხოვნილებები მაქსიმალურად დაკმაყოფილებული იქნება. 

ლიბერალიზმი ერთ-ერთი ყველაზე უფრო გავრცელებული იდეური და სოციალ–პოლიტიკური მოძრაობაა, რომლის ძირითად მიზანს წარმოადგენს პიროვნების თავისუფლების დაცვა, ჰუმანიზმი და დემოკრატიზმი, საბაზრო მეურნეობა, მეწარმეობის თავისუფლება, კონკურენცია სახელმწიფოს მინიმალური ჩარევით, ზომიერი რეფორმატორობა, რაციონალიზმი, შემწყნარებლობა, პარლამენტარიზმი, ინდივიდუალიზმი, კოსმოპოლიტიზმი, ტრადიციებისაგან დამოუკიდებლობა და სხვ. ლიბერალიზმის იდეები აქტიურად მუშავდებოდა ჯერ კიდევ XVII-XVIII სს–ში, მაგრამ, როგორც დამოუკიდებელი, განსაკუთრებული მიმართულება, რომელმაც ფართო გაქანება მიიღო, XIX საუკუნის 30-40-იან წლებში ჩამოყალიბდა, განსაკუთრებით კი, ლიბერალური პარტიის გაჩენასთან დაკავშირებით. დღეს ბევრი ასეთი პარტია მმართველია ან კოალიციური მთავრობის შემადგენლობაშია. 1947 წელს, ამ პარტიათა უმრავლესობა გაერთიანდა და ჩამოაყალიბა ლიბერალური ინტერნაციონალი, რომელმაც მიიღო „ლიბერალების მანიფესტი“. მათ შესამჩნევი წარმომადგენლობა აქვთ ევროპარლამენტში. ლიბერალიზმისთვის დამახასიათებელია პიროვნების თვითფასეულობების აღიარება და ყველა ადამიანის საწყისი თანასწორობა, მოქალაქეთა თავისუფლების, უფლებებისა და პასუხისმგებლობის უზრუნველყოფისთვის ბრძოლა, ხალხის მმართველობა, კონსტიტუციონალიზმი, კანონიერება და სამართლის დაცვა, ხელისუფლების დანაწილება, სახელმწიფოს აღქმა, როგორც ორგანოსი, რომელიც დაფუძნებულია საზოგადოების წევრებთან საერთო კონსენსუსზე, პიროვნების თავდაპირველი უფლებების დაცვასა და მის პირად ცხოვრებაში ჩაურევლობაზე. ლიბერალიზმი ცალსახოვანი არ არის. მან სერიოზული ევოლუცია განიცადა კლასიკური ლიბერალიზმიდან XIX-XX საუკუნეების ნეოლიბერალიზმამდე“, _ ნათქვამია სამოქალაქო განათლების ლექსიკონში. 

ნამდვილად ვერ გეტყვით, რატომ, მაგრამ ფაქტია: ლიბერალიზმი განსაკუთრებით საქართველოს მოსახლეობის გარკვეული ნაწილისთვისაა მიუღებელი. ამის ახსნა, ალბათ, კომუნისტური და, ზოგადად, რუსული ოკუპანტური წარსულით შეგვიძლია ანუ ადამიანთა მცირე ჯგუფი თვლის, რომ ლიბერალები და გლობალისტები ქართველობას გვართმევენ, ენას, მამულსა და სარწმუნოებას გვირყვნიან და ეს მაშინ, როცა იგივე რუსულ ოკუპაციაზე სიტყავსაც არ „ასველებენ“. არადა, თუ კარგად ჩავუღრმავდებით, მივხვდებით, რომ გლობალისტებსა და ლიბერალებს „ქართველობის წართმევა“ არაფერში აინტერესებთ, რადგან ისინი გაცილებით „რთული“ თემებით არიან დაკავებულნი. 

რაც შეეხება 5G-ს, ამაზე სამხედრო ანალიტიკოსი ამირან სალუქვაძე, თავის ვრცელ პოსტში, რომელიც „ფეისბუქზე“ გამოაქვეყნა და რომლიდანაც ამონარიდები ზემოთ უკვე შემოგთავაზეთ, წერს: 

„5G-ს მილიმეტრული მაღალი სიხშირის გამოსხივება აღწევს ორგანიზმში, ზემოქმედებს ატომებზე, რის გამოც ისინი ვეღარ უკავშირდებიან ჰემოგლობინს და სისხლში ჟანგბადს ვეღარ აწვდიან“, _ ასეთი „თეორიებითაა“ „გამყარებული“ 5G ტექნოლოგიების ირგვლივ ატეხილი ისტერია, რომ „სახლში გამოგვკეტეს, რათა ანტენების დამონტაჟებას ხელი არ შევუშალოთ“. 

ამას ემატება ჯანმო-ს ირგვლივ ატეხილი ფსიქოზი, მისი კავშირები ბილ გეიტსთან და ა.შ. ასეთ „თეორიას“ როცა წაიკითხავს ადამიანი, განსაკუთრებით ის, ვისთვისაც სკოლის ფიზიკა უღრანი ტყეა, როგორ უნდა აუხსნა, რომ მთავარი სიხშირე კი არა, სიმძლავრეა. ან აუხსნი, რა არის იონიზირებადი და არაიონიზირებადი გამოსხივება? 

ისეთი აქტიური კონსპოროლოგ-პროპაგანდისტიც ვნახე, რომელსაც სიხშირე და სიმძლავრე ერთმანეთში ერევა. შეხვდებოდით, ალბათ, სინქროფაზატრონით დარეტიანებული ნიუტონის შთამომავლის ამაღელვებელ „მიმართვას“, „მე ვარ ყოფილი სამხედრო მეკავშირე და ვიცი, რა ზიანს აყენებს ადამიანს 5G 60 GGH სიმძლავრის გამოსხივება. თქვენი შვილები მაინც შეიცოდეთ (აქ საქართველოს დროშა აქვს ჩაწებებული, მეტი დამაჯერებლობისთვის). 

როცა კითხულობთ „სამხედრო მეკავშირე“-ს, ინფორმაციის სანდოობა მატულობს. თქვენ ხომ არ აქცევთ ყურადღებას, რომ გიგაჰერცებში (GGH) სიმძლავრეს არ ზომავენ? ასეთ „მეკავშირეს“ დიპლომი უნდა გაუუქმო, დიპლომის გამცემს კი _ ლიცენზია. 

შემდეგ წერს, რომ 5G, წინამორბედებთან შედარებით, 20-ჯერ მძლავრია, „რაც ადამიანების შეცდომაში შეყვანას ისახავს მიზნად“-ო. ჯერ ერთი, 20-ჯერ მეტი სიხშირეა და არა _ სიმძლავრე, სიმძლავრე კი, პირიქით, 4G-ს გაცილებით მეტი აქვს. 

რაც შეეხება „ხალხის შეცდომაში შეყვანას“, ამის დამწერს, უბრალოდ, ლოგიკასთან და ელემენტარულ უნარებთან აქვს პრობლემა. „მოსახლეობის შეცდომაში შეყვანა“, ამ კონტექსტში, არაკორექტულადაა გამოყენებული. ის უფრო მიკვირს, ასეთ აბრაკადაბრას უამრავი ადამიანი რომ იჯერებს და აზიარებს. 

და ბოლოს, ვრცელდება ასეთი თეორიებიც, რომ თითქოს პანდემია სპეციალურად მოაწყვეს და მიზნად ისახავს, როგორც გეოპოლიტიკური მიზნების მიღწევას, ასევე, მსხვილი კორპორაციების გამდიდრებას. არგუმენტებად მოჰყავთ ვარაუდები, რომ ბევრი კომპანია გაკოტრდება და მათ იაფად შეისყიდიან. მსგავსი პროცესები, ვიღაცის გაკოტრება, სხვისი გამდიდრება, ყოველთვის ახლავს კრიზისებს. რატომ არ ვუშვებთ ვერსიას, რომ, როგორც სახელმწიფოები, ასევე, კომპანიები, ვითარების შესაბამისად მოქმედებენ და ცდილობენ, ნაკლები დანაკარგებით გამოვიდნენ სიტუაციიდან და, შეძლებისდაგვარად, მეტი სარგებელი ნახონ?! 

ქვეყნის მთავარი ასტროლოგი იზიარებს საერთაშორისო ფსიქოზს და ტელეეთერით ქადაგებს, რომ მსოფლიოს მმართველები (მასონები და ა.შ. მასონების ხსენება ყველაზე დამაჯერებელია) გეგმავენ 7.5 მილიარდი ადამიანიდან 6.5 მილიარდის დახოცვას და მილიარდის დატოვებას. 

ჯერ ერთი, თუ ამდენი ადამიანის დახოცვას აპირებენ, ასეთი ნელი ტემპებით რატომ „მუშაობენ“? _ 4 თვეში, 250 000 ადამიანი დაიღუპა. მეორე, დანარჩენებს რატომ მკურნალობენ ასეთი თავგამოდებით? _ 1 მილიონზე მეტია გამოჯანმრთელებული?! 

მესამე, წელიწადში მილიონიც რომ დაიღუპოს „კოვიდ-19“-ით, 6.5 მილიარდის კი არა, მილიარდის დახოცვას, ამ ტემპებით, 1000 წელი მოუნდებიან. სანამ ასეთ „ვერსიებს“ გაიმეორებთ, იქნებ, ლოგიკა ჩართოთ?! 

ამ დღეებში, კიდევ ერთი მავნე ვიდეო ვრცელდება გერმანიიდან. პირი მანქანაში ზის, „ლაივში“ გვიყვება, აი, ახლა, ამ წამს გადმოსცა რადიომ, რომ უნობელესლაურეატეს მეცნიერებმა დაადგინეს „COVID-19“ კლავს მხოლოდ 0.37% (ორჯერ გაიმეორა 0.37%) შემთხვევაშიო. სხვა არანაირი ინფორმაცია. კითხვა: ეს 0.37% გერმანული მიდგომების შემთხვევაშია, როცა დროულად გამოავლენ, სწორად უმკურნალებ და გადაარჩენ, თუ შვედურ ვარიანტში, როცა სიცოცხლეზე წინ ეკონომიკას აყენებ და მიუშვებ თვითდინებით? 

ამ ვიდეოს შემდეგ, ქართული მედია ავრცელებს ჰამბურგელი მეცნიერების კვლევის მონაცემებს და სათაურში გამოაქვს, რომ მათი კვლევების თანახმად, გარდაცვლილებში „კოვიდ-19“-ის კვალი არის 0%, ხოლო სტატიის გერმანულ წყაროში 0% ვერ ვიპოვე. მსგავსი ინფორმაციების გავრცელება, რომლებიც უპირისპირდებიან მსოფლიოს ქვეყნების, მათ შორის, ჩვენი მთავრობის ოფიციალურ ვერსიებს, რაც დაბალი პროფილაქტიკური საქმიანობისა და ინფორმირების ფონზე, იწვევს მოსახლეობაში წინააღმდეგობის გაღვივებას. 

დასასრულ, ეპიდემიის საწყისი ეტაპის ერთ-ერთ შიშს გაგახსენებთ, შიშს სურსათის შესაძლო დეფიციტთან დაკავშირებით. გაიხსენეთ, რა დღეში იყო მოსახლეობა, როგორ იმარაგებდა სურსათს და როგორი პანიკური ინფორმაციები, გაფრთხილებები ახლდა თან ამ პროცესს. „ახლობელმა მითხრა, სურსათი გაგქრება“, „ერთმა სანდო ადამიანმა გამაფრთხილა სურსათის პრობლემები შეიქმნება“ და ა.შ. ვის ახსოვს ახლა ეს აუდიო თუ ტექსტური შეტყობინებები?! შიში დეზინფორმაციის მთავარი მამოძრავებელი ძალაა“. 

მოკლედ, კორონაჟამიანობას, სხვა ეპიდემიებისა თუ უბედურებების მსგავსად, კონსოპირაციული თეორიების გარეშე არ ჩაუვლია. ამ თეორიებიდან უმეტესობა, რასაკვირველია, აბსურდულია, თუმცა სამართლიანობისთვის, ისიც უნდა ვიკითხოთ, რატომ ვერ ახერხებს 21-ე საუკუნეში, კაცობრიობა კოვიდინფექციის ეფექტური სამკურნალო წამლის ან ვაქცინის შექმნას? ამასთან, ისიც საკითხავია, რას ემსახურება, მაგალითად, საღამოს 9-დან დილის 6 საათამდე კომენდანტის საათი? მართალია, ეპიდემიოლოგებმა განმარტეს, კომენდანტის საათი იმიტომაა საჭირო, რომ ადამიანები ერთმანეთთან სტუმრად არ მივიდნენო, მაგრამ ვისაც სტუმრობა უნდა, ახლობელს თუ მეგობარს საღამოს 9-მდე ესტუმრება და თუ ქეიფი გაუტკბა, დილის ექვს საათამდეც გააგრძელებს. 

ასე რომ, ბევრი რამ გასაგებია და სოციალური დისტანციის დაცვა, თუ ხელების დაბანა აუცილებელია, მაგრამ ზოგიერთი აკრძალვა, როგორც ვთქვით, კითხვებს აჩენს და ალბათ, ესეც უწყობს ხელს კონსპირაციული თეორიების გაჩენას!

ნინო დოლიძე

 

]]>
versiaprinti@yahoo.com (super admin) საზოგადოება Wed, 13 May 2020 11:49:54 +0400
53 წლის ტაისონი რინგზე ბრუნდება _ „მზად ვარ, მოვკვდე!“ http://www.versia.ge/2013-07-31-11-23-15/item/6757-53-წლის-ტაისონი-რინგზე-ბრუნდება-_-„მზად-ვარ,-მოვკვდე-“.html http://www.versia.ge/2013-07-31-11-23-15/item/6757-53-წლის-ტაისონი-რინგზე-ბრუნდება-_-„მზად-ვარ,-მოვკვდე-“.html

კორონაკარანტინში გამოკეტილმა მსოფლიო სპორტის ვარსკვლავებმა საიდუმლოებებს ფარდა ახადეს

არსებული შეზღუდვების გამო, სპორტული სამყარო, პრაქტიკულად, გაჩერებულია და სპორტსმენთა უმრავლესობა ინდივიდუალურად ვარჯიშობს. ყველაზე ცნობილი ექსპერტებიც კი ამბობენ, რომ იმ შემთხვევაში, თუ სეზონი განახლდება, პროგნოზის გაკეთება შეუძლებელი იქნება, ვინ როგორ ითამაშებს, მაგალითად, საფეხბურთო ჩემპიონატებს, რადგან ფეხბურთელები მინიმალურ ფორმაში არიან და 90 წუთი სირბილი გაუჭირდებათ. ამიტომაც, ფიფა და უეფა სერიოზულად განიხილავენ კვიპროსის „ანორთოსისის“ ქართველი მწვრთნელის, თემურ ქეცბაიას ინიციატივას, სეზონი თუ განახლდება, მწვრთნელებს ხუთი შეცვლის უფლება უნდა გვქონდეს, ორის პირველ ნახევარში და სამიც _ მეორეში, მოთამაშეებს ამოსუნთქვის საშუალება რომ მივცეთო. ამასთან, განიხილება ტაიმების ხუთი წუთით შემცირება და მთლიანი მატჩის 80 წუთამდე დაყვანა. გარდა იმისა, რომ ფეხბურთელები ფორმაში არ არიან, სეზონი მალე რომ დასრულდეს, ათ დღეში, სამი შეხვედრა უნდა ჩაატარონ, რაც არანაკლებ ენერგიას მოითხოვს. აგერ, გერმანიის კანცლერმა ბუნდესლიგის განახლების უფლებაზე თანხმობა განაცხადა და წესით, ჩემპიონატი 5 მაისს უნდა განახლებულიყო, მაგრამ ის ჯერაც არ დაწყებულა და ძალიან დიდია იმის ალბათობა, რომ ვერც განახლდეს. საუბარი იმაზე არ არის, რომ მაყურებელი არ მივა სტადიონზე _ ამას ყველა შეეგუა და ყველა შეხვედრა ცარიელი ტრიბუნების თანხლებით ჩაივლის. ფეხბურთელებს ერთმანეთთან შეხების ეშინიათ, რაც იმას ნიშნავს, რომ ორთაბრძოლებში ვერ შევლენ, ასე თამაში კი წარმოუდგენელია. რამდენიმე ფეხბურთელი იმასაც აცხადებს, მოედანზე პირბადის გარეშე არ გავალო და პირბადეში სუნთქვა მაშინ, როცა კილომეტრებს დარბიხარ, წარმოუდგენელია. მოკლედ, ბევრი რამაა დასალაგებელ-გასარკვევი, დრო კი მიდის და წესით, ივნისში, ჩემპიონთა ლიგის მომავალი სეზონის საკვალიფიკაციო ეტაპის მატჩები უნდა დაიწყოს, მაგრამ ვინ მიიღებს მასში მონაწილეობას, ჯერ უცნობია.

როგორც იცით, ევროპაში ყველა საფეხბურთო ჩემპიონატი შეჩერდა, გარდა ბელორუსიის ლიგისა. „ბაწკამ“ ბრძანა, კორონავირუსი ბლეფია, ჩვენ არ გვეშინიაო და ბელორუსში საფეხბურთო სეზონი მთელი ძალით მიმდინარეობს, თუმცა... 

„10 მაისს, ბელორუსის ჩემპიონატის მეორე ლიგაში მატჩი იმ მიზეზით გადაიდო, რომ ერთ-ერთ ფეხბურთელს კორონავირუსის დამახასიათებელი ნიშნები გამოუვლინდა. შესაბამისად, კვლევა მიმდინარეობს და იმ შემთხვევაში, თუ ფეხბურთელს ვირუსი დაუდგინდება, საფეხბურთო ლიგა ჩემპიონატის შეჩერებაზე იმსჯელებს“, _ ასეთია ბელორუსული ფეხბურთის ოფიციოზის განცხადება და თუ ფეხბურთელს ვირუსი მართლა დაუდგინდება, ბელორუსელებს ფიფა და უეფა აღარ მისცემენ პირველობის განახლების უფლებას, ხოლო თუ მაინც განაახლებენ, ისინი შესაძლოა, ორივე ორგანიზაციამ მოკვეთოს. 

სიმართლე გითხრათ, მოვლენების ასე განვითარება ჩვენ ყველაზე მეტად გვაწყობს, რადგან ერთა ლიგის ნახევარფინალში, სწორედ ბელორუსს ვხვდებით და თუ მათ მოკვეთენ (დროებით მაინც), მაშინ პირდაპირ ფინალში გადავალთ. იქ ჩრდილოეთ მაკედონია-კოსოვოს შორის უძლიერესს შევხვდებით და გამარჯვების შემთხვევაში, იმ ევროპის ჩემპიონატზე ვითამაშებთ, წელს რომ უნდა გამართულიყო და პანდემიის გამო, 2021 წელს ჩატარდება. 

* * * 

ყველაფერ ამის ფონზე, ცოტა უცნაური კი იყო, მაგრამ გასულ კვირას, წესების გარეშე ბრძოლა გაიმართა. დროებითი ჩემპიონის ტიტულისთვის ერთმანეთს ჯასტინ გეიჯი და ტონი ფერგიუსონი დაუპირისპირდნენ. წესითა და რიგით, ეს უკანასკნელი მოქმედ ჩემპიონს, ხაბიბ ნურმაგომედოვს უნდა შეხვედროდა, მაგრამ დაკეტილი საზღვრების გამო, ხაბიბი აშშ-ში ვერ ჩაფრინდა. 

მოკლედ, მთავარი ფავორიტი, სწორედ ფერგიუსონი იყო, მაგრამ გეიჯმა საოცარი შეხვედრა ჩაატარა და დამსახურებულად მოიგო. თუ ხაბიბს ტიტულის შენარჩუნება სურს, ვალდებულია, ექვსი თვის განმავლობაში გეიჯს შეხვდეს, თუ არადა, დროებითი ჩემპიონი ჩვეულებრივ ჩემპიონად იქცევა. 

* * * 

როგორც ჩანს, სახლში ჩაკეტვამ ბევრი გულახდილობის ხასიათზე დააყენა. მაგალითად, საფრანგეთის ნაკრების ვეტერანმა ფეხბურთელმა, ვილი სანიოლმა, რომელიც ზინედინ ზიდანის უახლოეს მეგობრად ითვლება, სახლიდან პირდაპირი ჩართვისას განაცხადა, რომ მსოფლიოს 2006 წლის ჩემპიონატის ფინალი მთელი გუნდისთვის დიდი დარტყმა იყო. შეგახსენებთ, რომ ფინალში ზიდანმა მარკო მატერაცის მკერდში თავი მას შემდეგ დაარტყა, რაც იტალიელმა ფრანგის და უხეშად მოიხსენია. მსაჯმა ზიდანი გააძევა, საფრანგეთმა კი ფინალი წააგო. 

„ფეხბურთი გუნდური თამაშია, ამიტომ პირადი გვერდზე უნდა გადადო. მახსოვს, მაშინ ზიდანს მთელი გუნდი გაუნაწყენდა, ჩვენ მას, უბრალოდ, აღარ ველაპარაკებოდით, არ ვკონტაქტობდით. იმ შოკიდან გამოსასვლელად, მთელი ორი წელი დამჭირდა. 2008 წელს, ცოლი მოვიყვანე, ქორწილი მქონდა და ზიზუც დავპტიჟე. სიმართლე გითხრათ, წარმოდგენა არ მქონდა, მოვიდოდა თუ არა, მაგრამ ის მოვიდა და ძალიან გამახარა. ახლა ისევ ჩვეულებრივი, მეგობრული ურთიერთობა გვაქვს“, _ ამბობს სანიოლი. 

სხვათა შორის, მის დარად, საფრანგეთის იმდროინდელი ნაკრების ბევრმა ფეხბურთელმა აღიარა, რომ ზიდანის საქციელს გამართლება დღემდე ვერ უპოვა და მოფლიოს ჩემპიონის ტიტულის დაკარგვას, სწორედ მას აბრალებს. 

* * * 

შესაძლოა, ვინმეს სასაცილოდ მოეჩვენოს, მაგრამ სამხრეთ კორეაში არ აქცევენ ყურადღებას, ვინ რა პოზიციაზეა და რა დონის ვარსკვლავია, სამხედრო სავალდებულო სამსახური ყველამ უნდა გაიაროს, რათა საჭიროების შემთხვევაში, ქვეყნის ნებისმიერმა მოქალაქემ იარაღის ელემენტარულად ხელში დაჭერა და სროლა იცოდეს. ყველაფერ ამას ვერ ასცდა ლონდონის „ტოტენჰემისა“ და სამხრეთ კორეის ნაკრების მთავარი ვარსკვლავი ჰეუ მინ სონი. 27 წლის ფეხბურთელი, რომლის ღირებულებაც 80 მილიონი ევროა, სამი კვირით ჯარში წავიდა და ძალიან გახარებულია, რომ ეს პანდემიას დაამთხვია ანუ მას კლუბის შეხვედრების გამოტოვება არ მოუხდა. ისე არ გაიგოთ, თითქოს სონი ჯარში მხარ-თეძოზე წამოწოლილი იყო, ის სხვა ჯარისკაცებთან ერთად, უმძიმეს წვრთნებს გადიოდა და რა გასაკვირია, რომ ფიზიკურ მონაცემებში საუკეთესო შედეგი აჩვენა. 

* * * 

მსოფლიოს მოქმედ ჩემპიონ მძიმეწონოსან მოკრივეს, ირლანდიელ ტაისონ ფიურის სახელი მამამისმა, ლეგენდარული მაიკ ტაისონის საპატივსაცემოდ დაარქვა. როგორც გამოჩნდა, შვილმაც და სახელმაც გაამართლა _ მოქმედ ჩემპიონს, გამართული 31 ბრძოლიდან, 30 მოგებული აქვს და ჯერჯერობით ბადალი არ ჰყავს. აი, რაც შეეხება თავად მაიკ ტაისონს, 53 წლის ასაკში, მან რინგზე დაბრუნება განიზრახა და განაცხადა, მზად ვარ, საქველმოქმედო ბრძოლა გავმართოო. მისი მეტოქის შერჩევაზე ბევრს მუშაობენ, რადგან სურთ, რომ ბრძოლა სანახაობრივი გამოვიდეს, ბევრი ფული მოიტანოს და რაც მთავარია, მეტოქემ „რკინის მაიკს“ წინააღმდეგობა გაუწიოს. ჰოდა... 

„მე შვილს მის გამო დავარქვი ტაისონი. ის მე გავზარდე და გავზარდე ჩემპიონად. ახლა კი მზად ვარ, „რკინის მაიკს“ თავად შევხვდე და ვაჩვენო, როგორ შემიძლია ჩხუბი. მართალია, ის ძალიან ძლიერია და 53 წლის ასაკშიც კი საშიშია, მაგრამ ამ ბრძოლისთვის მზად ვარ, რინგზე მოვკვდე“, _ ეს განცხადება ფიურის მამამ, ჯონ ფიურიმ გააკეთა. 

ჯერჯერობით უცნობია, რას გადაწყვეტენ შეხვედრის ორგანიზატორები, მაგრამ სანამ ფიური გამოჩნდებოდა, ისინი ტაისონის მეტოქედ ვეტერან მორაგბეს, სონი ბილ უილიამსს განიხილავდნენ. 

* * * 

გამოსავალი მონახეს მოჭადრაკეებმაც. მათ ონლაინ სივრცეში „ერთა თასი“ გაითამაშეს, რომლის საპრიზო ფონდიც 180 ათასი დოლარი იყო. ევროპის ნაკრების ღირსებას ჩვენი ნანა ძაგნიძე იცავდა და შეიძლება ითქვას, თანაგუნდელთა შორის საუკეთესო შედეგი აჩვენა _ ხუთი შესაძლებლობიდან 3.5 ქულა დააგროვა და მხოლოდ მსოფლიოს მოქმედ ჩემპიონთან, ჩინელ ცზიუ ვენცზიუნთან წააგო. ევროპის ნაკრებს ნაჩვენები შედეგი მესამე ადგილისთვის ეყო, ფინალში კი აშშ და ჩინეთი გავიდნენ. დაძაბულ ბრძოლაში საბოლოო გამარჯვება აზიელებს დარჩათ. ევროპის ნაკრების, ჩინეთისა და აშშ-ის გარდა, ონლაინ ტურნირში მონაწილეობა ინდოეთის, რუსეთის და დანარჩენი მსოფლიოს ნაკრებებმა მიიღეს. აღსანიშნავია, რომ ევროპის ნაკრების კაპიტანი ლეგენდარული გარი კასპაროვი გახლდათ. 

* * * 

დასასრულ, საინტერესო იდეა მოუვიდათ ესპანეთის ფეხბურთის მესვეურებს. პირენეის ნახევარკუნძულზე უკვე გადაწყვეტილია, რომ საფეხბურთო სტადიონებზე გულშემატკივარი, მინიმუმ, 2021 წლის იანვრამდე არ დაიშვება, ცარიელი ტრიბუნების წინაშე თამაში კი ვარსკვლავებისთვის ძალიან მოსაწყენი იქნება. ამიტომ, ესპანეთში სერიოზულად განიხილავენ პროექტს, რომლითაც ტრიბუნებზე სპეციალური მოწყობილობა დამონტაჟდება, რომელიც ხელოვნურად შექმნის ხმაურს და ტრიბუნებიდან ჟრიამული ისევ გაისმება. საინტერესო მხოლოდ ის არის, მასპინძელი გუნდის მხარდასაჭერი ყიჟინა იქნება ცარიელ ტრიბუნებზე, თუ სტუმართა ქომაგებსაც „ამოაღებინებენ ხმას“.

ბათო ჯაფარიძე

 

]]>
versiaprinti@yahoo.com (super admin) საზოგადოება Wed, 13 May 2020 11:49:21 +0400