ეკონომიკა - ვერსია - ვერსია http://www.versia.ge Wed, 01 Apr 2020 14:07:09 +0400 Joomla! - Open Source Content Management en-gb სწრაფი ტესტები გიორგი ვაშაძის ოჯახის ბიზნესია? http://www.versia.ge/2013-07-31-11-22-56/item/6636-სწრაფი-ტესტები-გიორგი-ვაშაძის-ოჯახის-ბიზნესია.html http://www.versia.ge/2013-07-31-11-22-56/item/6636-სწრაფი-ტესტები-გიორგი-ვაშაძის-ოჯახის-ბიზნესია.html

რა დოკუმენტებს მიაკვლია „ვერსიამ“ და რას აცხადებს ახალი საქართველოს ლიდერი

„დიახ, ასეა... მაგრამ მამაჩემის კომპანიას ლაბორატორიასთან კავშირი არ აქვს!“

კორონავირუსის გავრცელება სულ უფრო მწვავე და სახიფათო ფაზაში შედის. 31 მარტიდან, საქართველოს მთელ ტერიტორიაზე საგანგებო მდგომარეობა გამოცხადდა, 21.00-დან დილის 06.00 საათამდე კი კომენდანტის საათი ამოქმედდა. აიკრძალა საზოგადოებრივი ტრანსპორტი, გაჩერდა მეტრო, ქალაქში გადაადგილება მხოლოდ ტაქსებითა და კერძო ავტომობილებით შეიძლება, თუმცა სკანდალი, რომელიც სწრაფი ტესტებით კორონავირუსის დიაგნოსტირებას უკავშირდება, იქამდე აგორდა, ვიდრე ქვეყანაში საგანგებო მდგომარეობა გამოცხადდებოდა. ამ სკანდალს რამდენიმე ფიგურანტი ჰყავს, მაგრამ ყველაზე აქტიური და გამოკვეთილი ახალი საქართველოს ლიდერი, გიორგი ვაშაძეა. ის სწრაფი ტესტების აუცილებლობას უსვამს ხაზს და ამასთან დაკავშირებით სპეციალური გეგმა-სტრატეგიაც შეიმუშავა, რომელიც ვირუსის გამოვლენის ,,აგრესიულ შეტევას’‘ გულისხმობს. ,,ვერსია’‘ დაინტერესდა, რატომ ატყდა სწრაფი ტესტების სკანდალი და ვისი არაჯანსაღი კომერციული ინტერესი იკვეთება ამ პროცესში, თუმცა მანამდე, ამ სკანდალის ერთგვარი ქრონოლოგიური ექსკურსი გავიაროთ.

როგორ აგორდა სკანდალი 

მედიკოსების, პროფესიონალი ექიმების, ინფექციონისტებისა და ეპიდემიოლოგების შეფასებით, სწრაფი ტესტი დიაგნოსტირების ერთადერთი უალტერნატივო და უზუსტესი საშუალება ნამდვილად არ არის, თუმცა ჯანდაცვის მსოფლიო ორგანიზაციის გაიდლაინის მიხედვით, სწრაფი ტესტიც ისევე საჭიროა, როგორც Pჩღ (ლაბორატორიული) ტესტები. 

ახლა ვნახოთ, როგორ მომწიფდა და რის გამო აგორდა სწრაფი ტესტების სკანდალი საქართველოში. დავიწყოთ იმით, რომ 215 000 ერთეული სწრაფი ტესტი, რომელიც საქართველოში უნდა შემოსულიყო, მომწოდებელმა ჩინურმა კომპანია შჰენზჰენ Bიოეასყ თეცჰნოლოგყ-მ უკან გაიწვია. ინფორმაცია 27 მარტს გავრცელდა. კონტრაქტის გაუქმების მიზეზად ტესტების დაბალი ხარისხი დასახელდა, თუმცა ჩინურ კომპანიას ეს ტესტები თავდაპირველად, ესპანეთმა დაუბრუნა. საბედნიეროდ, კომპანია საკმაოდ პახუხისმგებლიანი აღმოჩნდა და სხვა ქვეყნებთან, მათ შორის, საქართველოსთანაც კონტრაქტი თავადვე გაწყვიტა. 

 

,,ტაბულამ’‘ ამ სკანდალის ქრონოლოგია გამოაქვეყნა. გამოცემის ინფორმაციით, თავდაპირველად, სწრაფ ტესტებზე 10 მარტს, დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ ისაუბრა. მისი თქმით, ჩინეთის ხელისუფლებას საქართველოსთვის 1 000 ერთეული ტესტი უნდა გადაეცა. 

18 მარტს, შრომის, ჯანმრთელობისა და სოციალური დაცვის მინისტრმა, ეკატერინე ტიკარაძემ ახსენა ტერმინი _ ,,აგრესიული ტესტირება’‘. მინისტრმა განმარტა, რომ ამ საშუალებით კორონავირუსით ინფიცირების ბევრი შემთხვევის ადრეულ ეტაპზე გამოვლენაა შესაძლებელი და ამის მაგალითად ტიკარაძემ სამხრეთ კორეა დაასახელა. 

18 მარტსვე, დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ განაცხადა: 

„როცა სიტუაცია მოითხოვს, მაშინ დაიწყება აგრესიული ტესტირება და განხორციელდება მაქსიმალურად ბევრ ადგილას. ეს იქნება მეოთხეულის მერე, უფრო ფართო გავრცელების დროს“

ორი დღის შემდეგ, ანუ 20 მარტს კი პაატა იმნაძემ თქვა: „შესაძლოა, ბაზარზე გაჩნდეს ბევრი უხარისხო ფეიქტესტი, არის მსოფლიოში ამის გამოცდილება. რა თქმა უნდა, ძალიან დიდი მადლობელი ვიქნებით კერძო სექტორში ყველასი, ვინც შეძლებს და შემოიტანს ტესტებს, რომელიც, პირველ რიგში, ვალიდური იქნება’‘. 

21 მარტს ეკა ტიკარაძემ თქვა: „სწრაფი ტესტი უფრო სწრაფად ადგენს პაციენტი დაინფიცირებულია თუ არა _ თუ ლუგარის ლაბორატორიაში საჭირო იყო 5-დან 6 საათამდე, აქ ჩვენ პასუხები გვექნება ერთ საათში’‘. 

23 მარტს, ჯანდაცვის სამინისტროში განაცხადეს, რომ აპრილის ბოლომდე, საქართველოში 215 000 ერთეული ტესტი შემოვიდოდა, საიდანაც 1 000 ჩინეთის მთავრობის საჩუქარი იქნებოდა. 

24 მარტს, პაატა იმნაძემ განაცხადა, რომ სწრაფი ტესტები, რომლებიც პასუხებს 10-დან 30 წუთამდე დროში იძლევა, ძალიან კარგია მასობრივი კვლევების დროს: 

,,აი, ისეთი, როგორიც შეიძლება დაგვჭირდეს საქართველოს იმ რაიონში, სადაც მოგეხსენებათ, რომ გაცილებით აქტიურად ვეძებთ შემთხვევებს. ასეთი კვლევები შეიძლება საჭირო გახდეს მარნეულისა და ბოლნისის მუნიციპალიტეტებში. ამიტომ, ასეთ შემთხვევებში, ამ ეტაპზე, სწრაფი ტესტები ჩვენთვის ძალიან მნიშვნელოვანი იქნება’‘. 

იმნაძემ მარნეულისა და ბოლნისის მუნიციპალიტეტები იმიტომ იგულისხმა, რომ 23 მარტიდან, ორივე რაიონი მკაცრ საკარანტინო ზონად გამოცხადდა. 

24 მარტს, ჯანდაცვის მინისტრმა განაცხადა, რომ ელოდებოდა სპეცრეისს, რომელიც საქართველოში სწრაფ ტესტებს ჩამოიტანდა, რომლებსაც მარნეულში გამოიყენებდნენ. 

24 მარტს, ჯანდაცვის მინისტრის მოადგილემ, თამარ გაბუნიამ განმარტა, ვინ ისარგებლებდა სწრაფი ტესტებით: 

„მაღალი რისკის ჯგუფები, კონტაქტები, სამედიცინო პერსონალი, მათი ხშირი კონტაქტებიდან გამომდინარე არიან რისკის მატარებლები. ასევე ქრონიკული დაავადების მქონე პირები. ის პირები, რომლებსაც აქვთ მაღალი რისკი, იმოგზაურეს, აქვთ გამოხატული სიმპტომები, ჯერჯერობით, ეს იქნება მთავარი სამიზნე ჯგუფები. ამ ეტაპზე, დრამატული ცვლილება ტესტირების მოდელსა და ალგორითმში მოსალოდნელი არ არის’‘. 

25 მარტს, საქართველოში სწრაფი ტესტების პირველი პარტია ჩამოვიდა. ეკა ტიკარაძემ ამ დღესაც თქვა, რომ ამ ტესტებს მარნეულში გამოიყენებდნენ. 

28 მარტს, ეპიდემიოლოგებმა სწრაფი ტესტების შესახებ კითხვის ნიშნები დასვეს. პაატა იმნაძემ ტელეკომპანია ,,პირველის’‘ ეთერში ოპოზიციის მისამართით თქვა: 

„ამ ქვეყანაში ყველა ეპიდემიოლოგი გახდა. რაღაც ჩვენც ვიცით. წავიდნენ, სხვა ქვეყნებს დაეხმარონ, უფრო უჭირთ... რჩევას ყველასგან მივიღებ. მარტო კი არ ვმუშაობ, აქ ისეთი ადამიანების გუნდია შეკრებული. მთელი გუნდი მუშაობს, ყველაფერს ვსწავლობთ, ყველა რჩევას მივიღებთ, მაგრამ თავი დაანებონ ტელევიზიებში კეკლუცობას. ტესტებს თავისი აზრი, თავისი გამოყენების დრო აქვს _ რომელი ტესტი, როდის უნდა გამოიყენო. ღია გაკვეთილების დრო კი დადგა საქართველოში, როცა ბავშვებს ტელევიზიით ასწავლიან, მაგრამ მე, სამწუხაროდ, ახლა არ მაქვს იმის დრო, რომ ეპიდემიოლოგიის ლექციები ყველა მსურველისთვის ვატარო. სხვა დროს დიდი სიამოვნებით გავაკეთებ ამას“. 

ამ შემთხვევაში, პაატა იმნაძემ ირიბად გიორგი ვაშაძე იგულისხმა, რომელმაც წინა დღეს, პარტიის ოფისში გაიკეთა სწრაფი ტესტი და ვიდეო სოციალურ ქსელში ატვირთა. 

,,ტაბულას’‘ ქრონოლოგია 28 მარტს, ამირან გამყრელიძის იმ ინფორმაციით სრულდება, როდესაც მან უკმაყოფილება გამოთქვა იმის გამო, რომ ჟურნალისტები და საზოგადოება ამ ტესტებს „სწრაფ ტესტებად“ მოიხსენებდა. მისი განმარტებით, ეს არასწორია, რადგან რეალურად, ესაა „დაჩქარებული ტესტები’‘. 

ვისი ინტერესები იკვეთება სკანდალში 

სააგენტო ,,ნიუპოსტმა’‘ პოლიტიკური მოძრაობა ახალი საქართველოს თავმჯდომარის, გიორგი ვაშაძის განცხადება გაავრცელა. ვაშაძის თქმით, ჯანდაცვის მინისტრს, ეკატერინე ტიკარაძეს საქართველოში სწრაფი ტესტების შემოტანა სურდა, თუმცა ამ საკითხის გატანა ვერ შეძლო. გარდა ამისა, ვაშაძე სწრაფი ტესტების ,,ფეიკობაზეც’‘ საუბრობს და ამბობს, რომ სწრაფი ტესტი ,,ფეიკი’‘ ვერ იქნება, ეს სპეკულაციაა, რადგან კომპანიებისთვის ეს ციხეს ნიშნავს. 

,,ვერსიის’‘ კონფიდენციალური წყაროს ინფორმაციით, სწრაფი ტესტის სკანდალი თავად გიორგი ვაშაძემ ააგორა. 

,,სწრაფი ტესტი ვაშაძის ოჯახის ბიზნესია. უფრო ზუსტად, მამამისის, გუტა ვაშაძისა და მისი ძმის, დავით ვაშაძის შპს ,,ორთოჯორჯიას’‘ სურდა ამ ტესტების საქართველოში შემოტანა. რაც მთავარია, წლების მანძილზე, ვაშაძეების ეს კომპანია სახელმწიფო ტენდერებს იგებს. ამ ტენდერების შემსყიდველი კი ჯანდაცვის სამინისტროს სსიპ _ სოციალური მომსახურების სააგენტოა. აშკარაა, რომ სწრაფი ტესტების შემოტანა ამ კომპანიას ხელიდან გააგდებინეს და ვაშაძემ სკანდალი ამიტომაც ატეხა’‘, _ განუცხადა ,,ვერსიას’‘ კონფიდენტმა წყარომ. 

წყაროს ინფორმაცია ,,ვერსიამ’‘ ოფიციალურად, საჯარო რეესტრში გადაამოწმა. გავარკვიეთ, რომ შპს ,,ორთოჯორჯია’‘, რომელიც ოფიციალურად 2001 წელსაა რეგისტრირებული, მართლაც, გუტა ვაშაძის საკუთრებაშია. ის ამ კომპანიის დირექტორი და 16%-იანი წილის მფლობელია, დარჩენილ 84%-ს კი დავით ვაშაძე ფლობს. 

საჯარო რეესტრის მონაცემებზე დაყრდნობით, ,,ვერსიამ’‘ ისიც გაარკვია, რომ ,,ორთოჯორჯიას’‘ გარდა, გუტა ვაშაძის საკუთრებაშია სამედიცინო პროფილის კიდევ სამი კომპანია: ,,საქართველოს პროტეზისტთა და ორთეზისტთა საერთაშორისო ასოციაცია’‘, რომლის პრეზიდენტია გუტა ვაშაძე, ასევე შპს ,,გადაუდებელი მედიცინის ცენტრი’‘, სადაც გუტა ვაშაძე აღმასრულებელი დირექტორია და შპს ,,კავკასიონი’‘, რომლის პარტნიორია გუტა ვაშაძე.

,,საერთაშორისო გამჭვირვალობა _ საქართველოს’‘ ტენდერების მონიტორის საშუალებით, ,,ვერსიამ’‘ კონფიდენტი წყაროს მიერ მოწოდებული ინფორმაციის კიდევ ერთი, მნიშვნელოვანი დეტალი დააზუსტა. კერძოდ, ოფიციალურად ირკვევა, რომ 2012-2014 წლებში, შპს ,,ორთოჯორჯია’‘ სახელმწიფო ტენდერებში მართლაც მონაწილეობდა. ამ პერიოდში, გუტა და დავით ვაშაძეების კომპანიას 16 გამარტივებული შესყიდვა აქვს მოგებული, ხელშეკრულებების საერთო ღირებულება 11 900 ლარია, ხოლო შემსყიდველი _ სოციალური მომსახურების სააგენტო. 

რა თქმა უნდა, ,,ვერსიამ’‘ ყველაფერი ეს, საბოლოოდ, თავად გიორგი ვაშაძესთან გადაამოწმა, თუმცა ვიდრე ახალი საქართველოს ლიდერთან ინტერვიუს შემოგთავაზებთ, სწრაფი ტესტების სკანდალთან დაკავშირებით, პრემიერ-მინისტრის, გიორგი გახარიას კომენტარს გთავაზობთ. გახარია ამბობს, რომ ქვეყანა კონკრეტული გეგმის მიხედვით მიდის და თუ ხვალ სწრაფი ტესტების აუცილებლობა იქნება, ტესტები ხვალვე იქნება. მისივე თქმით, ქვეყანაში სწრაფი ტესტები არსებობს, თუმცა მის გამოყენებას თავისი დრო და ადგილი აქვს: 

 

„კრიზისის პერიოდში, როდესაც აბსოლუტურად რთულად პროგნოზირებადი კრიზისია, პოპულიზმი ყველაზე დიდი რისკია და პოპულიზმის ფასი არა პოლიტიკური დივიდენდებია, როგორც ჩვენს ზოგიერთ პოლიტიკოსს ჰგონია, არამედ, ადამიანების ჯანმრთელობა და სიცოცხლე. როცა მეკითხებით, სწრაფი ტესტების შესახებ მე, მთავრობის ხელმძღვანელს, როცა მილიონჯერ გქონდათ შესაძლებლობა შესაბამისი ექსპერტებისა და სპეციალისტებისთვის გეკითხათ და ვიცი, რომ ჰკითხეთ, მათი პასუხებიც ვიცი და ამ კითხვას რამდენჯერმე იმეორებთ, ჩემთვის ესეც გარკვეული სახის პოპულიზმია! ჩვენ კონკრეტული გეგმის მიხედვით მივდივართ, სადაც სწრაფ ტესტებს თავისი დრო და ადგილი აქვს. სწრაფი ტესტების დროც მოვა, მაგრამ ამ სწრაფ ტესტებს აქვს თავისი ფუნქცია და როცა ზოგიერთი პოლიტიკოსი თქვენთან ერთად აჩენს მოლოდინს _ სწრაფი ტესტი ნიშნავს იმას, რომ მედიკოსები გამოვლენ ქუჩაში და დაიწყებენ მასობრივ ტესტირებას, ეს არის სიცრუე! სწრაფი ტესტირების არანაირი აზრი არ არსებობს, თუ მას არ მოჰყვება კონტროლის შემდგომი მექანიზმები. შესაბამისად, ჩვენს შემთხვევაში, სწრაფი ტესტები ყველაზე ეფექტური და ყველაზე საჭირო იცით, სად არის? პირველ რიგში, იმ სპეციალური სოციალური ჯგუფების კონტროლისთვის, რომლებიც წინა ხაზზე არიან. იქნება მაშინ, როცა ამის აუცილებლობა იქნება, თუ ხვალ იქნება ამის აუცილებლობა, სწრაფი ტესტები იქნება ხვალ და თქვენ თუ ფიქრობთ, რომ ეს სწრაფი ტესტები დღეს ქვეყანაში არ არსებობს, ძალიან ცდებით და თუ თქვენ გგონიათ, საგანგებო მდგომარეობის პირობებში, მე ვალდებული ვარ, აქ ვიდგე და თქვენს მსგავს პოპულისტურ შეკითხვებს ვუპასუხო ისე, როგორც თქვენ გგონიათ, რომ აუცილებელია, ძალიან ცდებით! იმიტომ, რომ არის საგანგებო მდგომარეობა და ჩემი, როგორც მთავრობის ხელმძღვანელის ძირითადი ვალდებულებაა, მოქალაქეების ჯანმრთელობის მდგომარეობასა და სიცოცხლეზე ზრუნვა!“ 

ინტერვიუ გიორგი ვაშაძესთან 

ახლა კი დაპირებული ინტერვიუ ახალი საქართველოს თავმჯდომარე გიორგი ვაშაძესთან, რომელმაც ,,ვერსიას’‘ წყაროს ინფორმაცია დაუდასტურა, თუმცა მნიშვნელოვანი შესწორებით. ინტერვიუ სწრაფი ტესტების სკანდალით დავიწყეთ: 

_ ჩვენ ახლა, ფაქტობრივად, ომში ვართ და ვებრძვით ვირუსს, რომელსაც ვერ ვპოულობთ. სწრაფი ტესტი და არა მარტო სწრაფი ტესტი, არამედ, მასობრივად ლაბორატორიული ტესტები აუცილებელია დიაგნოსტირებისთვის. ორჯერ ორი ხომ ოთხია? _ შესაბამისად, თუ დიაგნოზს ვერ სვამ, ცხადია, ვერც დაავადებას უმკურნალებ. შესაძლოა, დღეს ქუჩაში დადის ხალხი, რომელსაც აქვს კორონავირუსი და სამწუხაროდ, ასე შემთხვევით აღმოჩენილი ბევრი ადამიანია. შესაძლოა, ამ ადამიანებს ვხვდებით, ან მაღაზიაში ჩვენთან ერთად შემოდიან, მაგრამ განა, იმიტომ, რომ იციან დაავადების შესახებ და დადიან, არამედ იმიტომ, რომ არ იციან და დიაგნოზსაც ვერ ისვამენ. სწრაფი ტესტის მიზანია, აღმოაჩინოს, გამოავლინოს პოზიტიური პასუხები და არა _ დაგიფიქსიროს, რომ არ გჭირს დაავადება, მიხვდით? მარტივად, პროექცია რომ გავაკეთოთ, 13-14 მარტს, როდესაც ამ საკითხზე ამბავი ავტეხე, ჩვენ რომ ამის მერე მაინც შემოგვეტანა და სწრაფი დიაგნოსტირება დაგვენერგა ქვეყანაში, როგორც მასობრივად, Pჩღ ტესტები და ხაზს ვუსვამ, მარტო სწრაფი ტესტები არ არის, თუნდაც მხოლოდ ლუგარზე რომ არ ვიყოთ ჩამოკიდებულები, ჩვენ არც საგანგებო მდგომარეობა დაგვჭირდებოდა, არც _ კომენდანტის საათი! 

ვინც აგრესიული შეტევის გზით წავიდა, ყველა რეალურ შედეგზე გავიდა. სამწუხაროდ, როდესაც პრემიერ-მინისტრი საუბრობს, რა თქმა უნდა, გაღიზიანებულია, რადგან იცის, რომ ფატალური შეცდომა დაუშვა. ამ შეცდომის არა თუ აღიარება, გამოსწორებაც კი არ უნდა! რამდენი დღითაც დავაგვიანებთ სწრაფ დიაგნოსტიკას, სწრაფ ტესტირებას, იმდენად გვიან გამოვალთ ამ კრიზისული ფაზიდან. 

_ ბატონო გიორგი, ახლა იმ საკითხზე ვისაუბროთ, რაზეც არავინ საუბრობს. შესაძლოა, სწრაფი ტესტების სკანდალში ვიღაცის არაჯანსაღი კომერციული ინტერესია და დავიწყოთ იმით, რომ ჩინურმა კომპანიამ, რომელსაც სწრაფი ტესტები უნდა შემოეტანა, თვითონვე გააუქმა კონტრაქტი ყველა ქვეყანასთან, მათ შორის საქართველოსთანაც...… 

_ თუმცა, ამ კომპანიასთანაც კონტრაქტი მას შემდეგ დაიდო, რაც ჩვენ ამბავი ავტეხეთ. 

_ გასაგებია, კითხვას განვაგრძობ: გაქვთ თუ არა ინფორმაცია, კონკრეტულად რომელ კომპანიებს შემოაქვთ, ან აპირებენ, რომ შემოიტანონ სწრაფი ტესტები საქართველოში? 

_ ნამდვილად არ მაქვს ინფორმაცია. უფრო მეტიც, შეცდომა, სწორედ გადაწყვეტილების კუთხით დაუშვეს, როდესაც გვითხრეს, რომ კონტრაქტი მხოლოდ ერთ კომპანიასთან იყო გაფორმებული. ასეთი რამ შეიძლება მოხდეს და შეიძლება დავუშვათ, მაგრამ ყველა ტესტს მოჰყვება თავისი ახსნა. მაგალითად, ამ ჩინური კომპანიის ახსნაში რომ შეხვიდეთ, ჩვენმა სპეციალისტებმა უკვე ნახეს, 50-60 ადამიანზე იყო გამოცდილი და შესაბამისად, ნდობაც ნაკლებია. 7-8 კომპანიასთან უნდა გაფორმებულიყო კონტრაქტი, ყველას სხვადასხვა, უკვე გამოცდილი სწრაფი ტესტები უნდა ჩამოეტანა და მასობრივ მოხმარებაში გაეშვათ. 

_ ერთ-ერთ სატელევიზიო ინტერვიუში ბრძანეთ, რომ კითხვები ამ ომის მთავარსარდალთან ანუ ქვეყნის პრემიერ-მინისტრთან გაქვთ, რომელიც პოლიტიკურ გადაწყვეტილებებს იღებს და არა _ ინფექციონისტებთან. კიდევ ერთხელ გკითხავთ და თან დავაზუსტებ, არ გაქვთ ინფორმაცია, კონკრეტულად რომელ კომპანიასთან აწარმოებს პრემიერი და ჯანდაცვის მინისტრი მოლაპარაკებას სწრაფი ტესტების შემოტანასთან დაკავშირებით? 

_ არა, ნამდვილად არ მაქვს. ის მაინც რომ ვიცოდე, როდის ჩამოვა ეს ტესტები, რა გეგმაც გამოვაქვეყნე, იმ თარიღიდან ავაწყობდი, მაგრამ მე გეგმა გამოვაქვეყნე, რომელიც დაფუძნებულია იმაზე, რომ სწრაფი დიაგნოსტიკა გვაქვს ქვეყანაში და ამ გეგმით შეგიძლია, 14 დღეში მოხსნა ყველაფერი ანუ მთელი კარანტინი. საინკუბაციო ფაზა ავიღეთ სისტემურად, მაგრამ სანამ სწრაფი დიაგნოსტიკა არ გვაქვს, სტარტს ვერ მისცემ მასირებულ შეტევას. ჩვენი სტრატეგია ამით განსხვავდება და მართალია, ხელისუფლებას სტრატეგია არ გამოუქვეყნებია, მაგრამ ეს მათი ქმედებებიდანაც ჩანს. მათ აქვთ შეკავება-თავდაცვის სტრატეგია, ჩვენ შეტევის სტრატეგიას ვთავაზობთ. 

_ ბატონო გიორგი, სწრაფ ტესტებთან დაკავშირებით, ჩემი წყაროს ინფორმაციით, თქვენი კომერციული ინტერესი იკვეთება, მაგრამ შპს ,,ორთოჯორჯია’‘ თქვენი კი არა, მამათქვენის კომპანიაა. 

 

_ დიახ, ასეა, მაგრამ ,,ორთოჯორჯიას’‘ ლაბორატორიასთან კავშირი არ აქვს. მამაჩემიც და დედაჩემიც, ორივე ექიმები არიან, ექიმების ოჯახში გავიზარდე. მამაჩემის კომპანიას ლაბორატორია არ გააჩნია, ლაბორატორიული მომსახურება საერთოდ არ აქვს! 

_ კიდევ სამი კომპანია უკავშირდება მამათქვენის სახელს და პირდაპირ გკითხავთ, ამ კომპანიებს შემოაქვთ ან აპირებენ, რომ შემოიტანონ სწრაფი ტესტები საქართველოში? 

_ ვერ შემოიტანენ, რადგან ამ კომპანიებს საერთოდ არ აქვთ ამ საქმიანობის ლიცენზია. გარდა ამისა, პროტეზი და ორთეზი რა არის? _ როდესაც ადამიანს ხელისა და ფეხის პროტეზი სჭირდება და ყველაფერი ეს, რა შუაშია სწრაფ ტესტებთან? ხომ გესმით, გადაუდებელი სამედიცინო დახმარება რას ნიშნავს? შეგიძლიათ, რკინიგზის საავადმყოფოს ეზოში მიხვიდეთ, იქაა განთავსებული გადაუდებელი მედიცინის ცენტრი და ნახავთ, რომ აბსოლუტურად არანაირი კავშირი არ აქვს სწრაფ ტესტებთან! სპეციფიური ცენტრია, რომელიც მუშაობდა პროტეზირებაზე, ასეთი ერთი თუ ორია საქართველოში, მაგრამ ახლა, ამ პროფილით აღარც მუშაობს. 

საერთოდ, აბსურდია ყველაფერი ეს, მეტიც, ამ თემებს ხელისუფლების შავი პიარ-მანქანები აგორებენ, რადგან მათ გასასამართლებელი საბუთი არ აქვთ. ტყუილი რომ არის, ამიტომაც ვერ იკიდებს ხალხში ფეხს. ის, რომ ცხოვრებაში, სამედიცინო ბიზნესში არაფერი მქონია, ყველამ კარგად ვიცით, მაგრამ ვის აქვს სამედიცინო ბიზნესი, ესეც კარგად ვიცით ყველამ! 

_ კიდევ ერთხელ დავაზუსტოთ, მამათქვენის საკუთრებაში არსებული ამ ოთხი კომპანიიდან სწრაფი ტესტი არცერთს არ შემოაქვს? 

_ არ შემოაქვს კი არა, ვერ შემოიტანს! საერთოდ, ვერ ექნება შემხებლობა სწრაფ ტესტებთან, რადგან ეს მათი საქმიანობის სფერო არ არის!

მაია მიშელაძე

 

]]>
versiaprinti@yahoo.com (super admin) ეკონომიკა Wed, 01 Apr 2020 01:09:23 +0400
რას მოხმარდება #STOPCOV-ის ფონდში მობილიზებული თანხა http://www.versia.ge/2013-07-31-11-22-56/item/6631-რას-მოხმარდება-stopcov-ის-ფონდში-მობილიზებული-თანხა.html http://www.versia.ge/2013-07-31-11-22-56/item/6631-რას-მოხმარდება-stopcov-ის-ფონდში-მობილიზებული-თანხა.html

კომპანიები, რომლებიც სახელმწიფოს ფინანსურად და არაფინანსურად დაეხმარნენ

კორონავირუსის გავრცელების პრევენციულ ღონისძიებებში ბიზნესიც ჩაერთო. ამ მიზნით, საქართველოში მოქმედმა კომპანიების ნაწილმა სახელმწიფოსთან სოლიდარული თანამშრომლობისა და ფინანსური რესურსის გამოყოფის სურვილი გამოთქვა. კერძო სექტორის ამ ინიციატივის განხორციელების მიზნით, პრემიერ-მინისტრ გიორგი გახარიას დავალებით, შესაბამისი პლატფორმა შეიქმნა. ამ პლატფორმის ფარგლებში, #STOPCOV-ის ფონდი დაარსდა, სადაც ყველა კომპანიას, ასევე, ნებისმიერ მოქალაქეს შეუძლია, რომ ვირუსთან ბრძოლაში საკუთარი წვლილი შეიტანოს. პრემიერ-მინისტრის დავალებით, ფონდის რესურსების გადანაწილება საქართველოს ბიზნესომბუდსმენის აპარატს დაევალა, ოღონდ კერძო სექტორთან მჭიდრო კოორდინაციის ფორმატში. მართალია, ფონდი ერთი კვირაა, რაც შეიქმნა, მაგრამ 31 მარტის მონაცემებით, უკვე 19 616 439 ლარია მობილიზებული. ფონდში თანხის ჩარიცხვა შესაძლებელია www.stopcov.ge-ს პლატფორმიდან. ,,ვერსია’‘ დაინტერესდა, რომელმა კომპანიებმა გამოიჩინეს მაღალი სოციალური პასუხისმგებლობა და რეალურად, რას მოხმარდება ფონდში მობილიზებული ფინანსური რესურსი.

რა მიზნით შეიქმნა #STOPCOV ფონდი 

საქართველოს ბიზნესომბუდსმენის აპარატში ,,ვერსიას’‘ განუცხადეს, რომ საჭიროების შემთხვევაში, კორონავირუსთან ბრძოლის ფონდი დაეხმარება მთავრობას. ამ ფონდიდან თანხებს სოციალურად მოწყვლადი ჯგუფების დასახმარებლად და სამედიცინო მიზნებისთვის გამოყოფენ. 

„როდესაც კორონავირუსთან დაკავშირებული ვითარება გამწვავდა, ძალიან ბევრმა ბიზნესმენმა და უბრალო მოქალაქემ მოგვმართა. მათ გამოთქვეს მზადყოფნა, რათა დაეხმარონ სახელმწიფოს სხვადასხვა მიმართულებით, მათ შორის, სამედიცინო სფეროსა და სოციალური ჯგუფების მხარდაჭერაში. გადავწყვიტეთ, რომ ეს კონტრიბუციები არ გაფანტულიყო და მიზანმიმართულად გაგვეყენებინა, შესაბამისად, თანხებს ერთად მოვუყარეთ თავი და შევქმენით შტოპჩოვ-ფონდი“, _ განუმარტეს ,,ვერსიას’‘ ბიზნესომბუდსმენის აპარატში. 

31 მარტის მონაცემებით, ფონდში უკვე 19 616 439 ლარია თავმოყრილი. თანხას რიცხავენ, როგორც ბიზნესკომპანიები, ასევე, რიგითი მოქალაქეებიც. ამავე ფონდში მნიშვნელოვან თანხებს რიცხავენ ქართული დიასპორის წარმომადგენლები სხვადასხვა ქვეყნიდან: 

„ფონდის მიზანია, მასში ჩარიცხული თანხის მობილიზება, რათა მომავალში, მიზანმიმართულად გადანაწილდეს. რაც შეეხება მიზანმიმართულებას, ამ საკითხზე სახელმწიფო უწყებებთან ერთად ვმუშაობთ და სადაც ამის აუცილებლობა იქნება, თანხაც იმ სფეროს მოხმარდება“. 

როგორც უწყებაში ,,ვერსიას’‘ აუხსნეს, ამ ეტაპზე, სიაში პირველ ადგილზეა სოციალურად მოწყვლადი ჯგუფები და სამედიცინო სფერო, თუმცა ისიც ფაქტია, რომ მთავრობა ნებისმიერ სფეროში წარმოქმნილ მოთხოვნილებებს თავადვე აკმაყოფილებს. იმ შემთხვევაში, თუ სახელმწიფოს დამატებითი ფინანსური დახმარება დასჭირდება, ფონდის ფულსაც გამოიყენებენ. 

მეტიც, ბიზნესომბუდსმენის აპარატში ხაზგასმით აღნიშნეს, რომ ფონდიდან თანხის გადანაწილების პროცესი აბსოლუტურად გამჭვირვალე იქნება, რაც იმას ნიშნავს, რომ ფონდის ანგარიშზე ჩარიცხული თითოეული თეთრი კანონის შესაბამისად დაიხარჯება. 

ფინანსური და არაფინანსური მხარდაჭერა 

ერთი კვირაა, მედია აქტიურად აშუქებს იმ კომპანიების წვლილს, რომლებმაც ქვეყანაში შექმნილ საგანგებო მდგომარეობას ადეკვატურად, მაღალი სოციალური პასუხისმგებლობით უპასუხეს. #STOPCOV ფონდში ამ კომპანიებმა საკმაოდ სოლიდური თანხა ჩარიცხეს, თუმცა სახელმწიფოს არაფინანსური დახმარებაც გაუწიეს. 

ფინანსური მხარდაჭერა: თიბისი – 5 მილიონ ლარზე მეტი; „მაგთიკომი“ – 3 მილიონი ლარი; „სილქნეტი“ – 1 მილიონი ლარი; „არ ემ ჯი“ – 1 მილიონი ლარი; ორბი – 1 მილიონი ლარი; სამედიცინო უნივერსიტეტი – 1 მილიონი ლარი; სათამაშო ბიზნესი (6) – 1 მილიონი ლარი; „მეტრო ჰოლდინგი“ – 500 000 ლარი; ,,ბორჯომი’‘ – 500 000 ლარი; „საქართველოს ბიზნეს ასოციაცია“ – 300 000 ლარი; „საქართველოს ინდუსტრიული ჯგუფი“ – 300 000 ლარი; „ანაგი“ – 300 000 ლარი; პე ეს პე ჯგუფი – 300 000 ლარი; „თელავის ღვინის მარანი“ – 300 000 ლარი; „რიკო ექსპრესი“ – 300 000 ლარი; „დაფნა“ – 300 000 ლარი; თიბისი დაზღვევა – 300 000 ლარი; VთB ბანკი – 200 000 ლარი; „სოკარი“ – 200 000 ლარი; „თეგეტა მოტორსი“ – 200 000 ლარი; „ფრიდონ თოდუას სამედიცინო ცენტრი“ – 200 000 ლარი; ბათუმის საერთაშორისო საკონტეინერო ტერმინალი – 150 000 ლარი; კავკასიის ავტო იმპორტი – 150 000 ლარი; „ასკანელი ძმები“ – 101 000 ლარი; „მ² – უძრავი ქონება“ – 100 000 ლარი; „დირსი“ – 100 000 ლარი; „ფილიპ მორის საქართველო“ – 100 000 ლარი; ბაზის ბანკი – 100 000 ლარი; რუსთავის აზოტი – 100 000 ლარი; საქართველოს ფეხბურთის ფედერაცია – 100 000 ლარი; ყვარლის სარდაფი – 100 000 ლარი; ფოთის საზღვაო ნავსადგური – 100 000 ლარი; საქართველოს პარლამენტის მაჟორიტარი დეპუტატი, გოჩა ენუქიძე – 100 000 ლარი; „ჰუალინგი“ – 100 000 ლარი; „თბილი სახლი“ – 100 000 ლარი; „ბილდი“ – 100 000 ლარი; კომპანია „დათო“ – 100 000 ლარი; გრინ ჰილ რეზიდენსი – 100 000 ლარი; „მაქრო ქონსთრაქშენ“ – 100 000 ლარი; Mყ Hომე – 100 000 ლარი; „მთამ მენეჯმენტი“ – 75 000 ლარი; გალფ ჯორჯია – 53 055 ლარი (ზრდადი, სპეციალური ფონდი „ექიმებისთვის“); „სარაჯიშვილი“ – 50 000 ლარი; სუპერმარკეტების ქსელი „მაგნიტი“ – 50 000 ლარი; მაუდის ქარხანა – 50 000 ლარი; „ევრო გეიმს ტექნოლოჯი ჯორჯია“ – 50 000 ლარი; ტოიოტა კავკასია – 50 000 ლარი; დეილი – 50 000 ლარი; „ელიზი ჯგუფი“ – 50 000 ლარი; „დუგლაძეების ღვინის კომპანია“ – 50 000 ლარი; „ლისი ლეიქ დეველოპმენტი“ – 50 000 ლარი; Eურო Gამეს თეცჰნოლოგიეს – საქართველო 50 000 ლარი; ტერმინალი – 30 000 ლარი; ინვეტი ჯგუფი – 30 000 ლარი; სუპერმარკეტების ქესლი „ზღაპარი“ – 30 000 ლარი; „სუფთა სახლი“ – 30 000 ლარი; „რუსთავი სთილ კორპორეიშენ კომპანი“ – 30 000 ლარი; დაგი – 30 000 ლარი; „წისქვილი ჯგუფი“ – 30 000 ლარი; არკონ ინვესტი – 25 000 ლარი; შპს „ვია ვიტა“ – 20 000 ლარი; კრისტალი – 20 000 ლარი; „ჯორჯიან გაზ იმპორტი“ – 20 000 ლარი; „სანდომი“ – 20 000 ლარი; „ლილო მოლი“ – 20 000 ლარი; „ელიტ ელექტრონიქსი“ – 20 000 ლარი; Aირლინე GEO შKY LLჩ – 20 000 ლარი; „ზოდი“ – 20 000 ლარი; „ბელუქსი“ – 20 000 ლარი; საქართველო-ისრაელის ბიზნეს საბჭო, იციკ მოშე – 18 000 ლარი; „ბორან მაინინგი“ – 10 000 ლარი; „მაგისტილი“ – 10 000 ლარი; „ლუტეცია“ – 10 000 ლარი; „მომავლის მეღვინეობა“ – 10 000 ლარი; „ოლ-პი ჯგუფი“ – 10 000 ლარი; „ზარქუა კომფანი“ – 10 000 ლარი; „ბენე ჯგუფი“ – 10 000 ლარი; „სპექტრუმი“ – 10 000 ლარი; თი-სი-ეი (თჩA) – 10 000 ლარი; შპს „ვი-აი-პი+“ – 5000 ლარი; „დინ გრუპი“ – 5 000 ლარი; „ენერჯი სერვისი“ – 5 000 ლარი; „ქინძმარაულის ვენახები“ – 2 500 ლარი; „ჩაის სახლი ქიაჩელზე“ – 2 000 ლარი; Uნივერსალ Iნტრალოგისტიცს LLჩ – 1 000 ლარი; „სოთკო“ – 1 000 ლარი. 

არაფინანსური მხარდაჭერა: სასტუმრო „შერატონ გრანდ თბილისი მეტეხი პალასი“ – საკარანტინო ზონისთვის ტურიზმის ეროვნულ ადმინისტრაციას 200-ნომრიანი სასტუმრო დაუთმო; ჯი-ემ-თი ჯგუფი – საკარანტინო ზონისთვის ტურიზმის ეროვნულ ადმინისტრაციას 130-ნომრიანი სასტუმრო „მოქსი თბილისი“ უსასყიდლოდ დაუთმო; „აჭარა ჯგუფი“ – თბილისის ცენტრში მოქმედი სასტუმრო Hოლიდაყ Iნნ თბილისი, სახელმწიფოს საკარანტინე სივრცისთვის დაუთმო; საბავშვო გასართობი ცენტრი „მინიონები“ – შპს ,,მინიონების’‘ ფლობაში არსებული 1 500 კვ.მ. ფართი, დროებით სარგებლობაში გადაეცეს სახელმწიფოს, რათა გამოყენებულ იქნას საჭიროებისამებრ, საკარანტინო ღონისძიებების ჩასატარებლად დაუთმო; საქართველოს ბანკი – ჯანდაცვის სამინისტროს 20 000 ლაბორატორიულ ტესტს, 10 სასუნთქ აპარატს, 50 000 პირბადესა და 60 000 ხელთათმანს გადასცემს; 

საკონსულტაციო და აუდიტორული კომპანია ‘‘ლოიალტე’‘ – კომპანიებს იურიდიულ, საგადასახადო და ხარჯების ოპტიმიზაციასთან დაკავშირებულ საკონსულტაციო მომსახურებას, 2 თვის განმავლობაში, უფასოდ გაუწევს; LF&თ – უფასო ვიდეოწარმოება (სახელმწიფო უწყებებს, კლინიკებსა და კომპანიებს, კორონავირუსის წინააღმდეგ, ნებისმიერი ტიპის საინფორმაციო-სოციალური რგოლი რგოლის შესაქმნელად, უფასოდ მოემსახურებიან); Vენდოო – მომხმარებელს, 24/7-ზე, ადგილზე უფასო მიტანის სერვისს სთავაზობს; 8000 მოსავალი – თბილისის მასშტაბით, ღვინის სახლში მიტანის სერვისი სრულიად უფასოა; ,,ირაო“ – მომხმარებლებს 2 თვიან საშეღავათო პერიოდს სთავაზობს; Oპპა – უკონტაქტო მომსახურების გადახდებზე საკომისიო გააუქმა; „ევექსი კლინიკები“ – თანამშრომლების მხარდაჭერის ფონდში 100 000 ლარი გადარიცხა; შპაცე – Gლოვო-დან რაიმეს გამოძახების შემთხვევაში, მომხმარებელს გადახდილი თანხის 20%-ს უკან უბრუნებს; „ავტობასი“ – იმ კომპანიების თანამშრომლებს ემსახურება, რომლებიც სრულად დისტანციურ სამუშაო რეჟიმზე ვერ გადადიან; 

„ნუგბარი“ – საქართველოს შეიარაღებულ ძალებს, ინფექციური და რესპუბლიკური საავადმყოფოების მედპერსონალს, მოხუცებულებს 10 000 ჩურჩხელა გაუგზავნა; „თეგეტა მოტორსი“ – „რიჩარდ ლუგარის სახელობის საზოგადოებრივი ჯანდაცვის კვლევითი ცენტრის“, „თბილისის ინფექციური საავადმყოფოსა“ და „აკადემიკოს ნიკოლოზ ყიფშიძის სახელობის ცენტრალური საუნივერსეტო კლინიკის“ იმუნოლოგების, ექიმების, ექთნების, სანიტრების ტრანსპორტირებას უზრუნველყოფს, სამსახურამდე და შემდეგ სახლებში; „ბილაინი“ – ყველა ინიციატივა ბმულზე, მათ შორის, უფასო ზარები ჯანდაცვის სამინისტროსა და დაავადებათა კონტროლის ცენტრის ცხელ ხაზებზე; მობილური ინტერნეტი საჩუქრად, ვინც საქართველოში დაბრუნებას ვერ ახერხებს, სმარტფონებისა და აქსესუარების განვადების სამთვიანი გადავადების შესაძლებლობა; სამჯერ მეტი ინტერნეტი; თანამშრომლებისთვის შენარჩუნებული ხელფასები და სხვა; საქართველოს ფოსტა – 70 წელს გადაცილებულ მოქალაქეებს მედიკამენტებს ადგილზე მიუტანს; თიბისი დაზღვევა – ჩOVID-19-ის რისკის ქვეშ მყოფი ექიმებისა და ექთნებისთვის 300 000 ლარი გამოყო; „სინერჯი კაპიტალი“ – კომპანიებს საკუთარ საშტაბო მართვის მოდელი გაუზიარა; ღედმედ – 13 ქართველი ექიმის უფასო ვიდეოკონსულტაცია; VIშA – Gლოვო-ს გამოძახებისას, Vისა ბარათით გადახდის შემთხვევაში, თქვენს მიერ გადახდილი საკურიერო მომსახურების თანხას Vისა გააორმაგებს და Gლოვო-ს პარნტიორი კურიერები ამ თანხით, ,,კათარზისისა’‘ და სხვა ხანდაზმულთა პანსიონატების ბენეფიციარებისთვის საკვების მიტანის სერვისს უზრუნველყოფენ; „არდი“ – ყველა ინიციატივა ბმულზე, მათ შორის, 10-დღიანი დამატებითი უფასო დაზღვევა მას, ვინც კომპანიის დაზღვევით სარგებლობს და საქართველოში დროულად ვერ დაბრუნდა; „სპეციალური ზონა“ – გავრცელებული რესპირატორული ვირუსების მქონე დაზღვეულების სრული მართვისა და სწრაფი პრევენციისთვის; ოჯახის ექიმის სატელეფონო მომსახურება, ფსიქოლოგის სატელეფონო ან ონლაინ კონსულტაცია; „აქვა გეო“ – მთელი თვის განმავლობაში, უსასყიდლოდ უზრუნველყოფს ინფექციური და რესპუბლიკური საავადმყოფოების, ასევე გორის სამხედრო ჰოსპიტალის „სნოსა“ და „კობის“ წყლებით მომარაგებას; MცDონალდ’ს Gეორგია – ლუგარის ლაბორატორიის პერსონალის კვებაზე ზრუნავს; Eნგლისჰ Bოოკ Eდუცატიონ – ინგლისური განათლება მასწავლებლებს, მშობლებსა და მოსწავლეებს, მთელი საქართველოს მასშტაბით; მასწავლებელთა კავშირის უფასო წევრობა; 

რესტორანი „ძინ ჩაო“ – 1 000 პირბადე და 50 პერსონაზე კომბინირებული ცხელი საკვები მიიტანა ყაზბეგზე, ინფექციური პათოლოგიისა და შიდსის ცენტრში; საქართველოს კულტურული მემკვიდრეობის დაცვის ეროვნული სააგენტო – მზადაა, რომ ვარძიაში, 3 კეთილმოწყობილი კოტეჯი დაუთმოს სახელმწიფოს მოქალაქეთა თვითიზოლაციისთვის, ასევე, უწყების კუთვნილი 5 ავტომანქანა და მათი მძღოლები თბილისის მერიისა და საქართველოს წითელი ჯვრის საზოგადოების კოორდინირების ქვეშ მოექცევა. სააგენტოს მძღოლები, სხვა მოხალისეებთან ერთად, საცხოვრებელ სახლებში მყოფ ასაკოვან მოქალაქეებს პროდუქტსა და მედიკამენტებს მიაწვდიან; Aჩთ – მცირე და საშუალო ბიზნესის მხარდაჭერის მიზნით, საკონსულტაციო პლატფორმა შეიქმნა, რომლის ფარგლებშიც „ეი სი თის“, მისი შვილობილი და პარტნიორი კომპანიების გამოცდილი კონსულტანტები, თითოეულ კომპანიას, მათი პროფილის შესაბამისად, უფასო ორსაათიან კონსულტაციას გაუწევენ.

მაია მიშელაძე

 

]]>
versiaprinti@yahoo.com (super admin) ეკონომიკა Wed, 01 Apr 2020 01:09:00 +0400
„კრიზისული სიტუაცია კატასტროფა არაა, რადგან კრიზისი ახალ შესაძლებლობებს ქმნის!“ http://www.versia.ge/2013-07-31-11-22-56/item/6623-„კრიზისული-სიტუაცია-კატასტროფა-არაა,-რადგან-კრიზისი-ახალ-შესაძლებლობებს-ქმნის-“.html http://www.versia.ge/2013-07-31-11-22-56/item/6623-„კრიზისული-სიტუაცია-კატასტროფა-არაა,-რადგან-კრიზისი-ახალ-შესაძლებლობებს-ქმნის-“.html

როგორ აფასებს ტრამპისა და გახარიას ეკონომიკური სტიმულირების პროგრამებს, რა ისტორიული შანსის წინაშე დგას საქართველო და რას ურჩევს მთავრობასა და ბიზნესს თემურ ბასილია

აშშ-ს მთავრობამ კორონავირუსის საფრთხის გამო მიყენებული ზიანის შესამცირებლად, კონგრესს დასამტკიცებლად ეკონომიკის სტიმულირების გეგმა წარუდგინა. ამ გეგმის მიხედვით, 1 ტრილიონი აშშ დოლარი გამოიყოფა, როგორც მოქალაქეების, ასევე, მცირე და საშუალო ბიზნესის მხარდასაჭერად. თუ ტრამპის ამ გეგმას კონგრესი დაამტკიცებს, თითოეული ამერიკელი, დახმარების სახით, 1000 აშშ დოლარის კომპენსაციას მიიღებს. ეკონომიკის სტიმულირების გეგმა საქართველოს პრემიერ-მინისტრის, გიორგი გახარიას ინიციატივით შექმნილმა ანტიკრიზისულმა საბჭომაც შეიმუშავა, რაც კრიზისის პერიოდში, ბიზნესის მხარდაჭერას გულისხმობს. 

ფაქტია, რომ კორონავირუსმა მთელი მსოფლიოს დღის წესრიგი შეცვალა. აზიის განვითარების ბანკის პროგნოზით, შესაძლოა, გლობალურმა ზარალმა 347 მილიარდ აშშ დოლარს მიაღწიოს. საქართველოს ეკონომიკისა და მდგრადი განვითარების მინისტრის, ნათია თურნავას განცხადებით, მხოლოდ ტურიზმის სფერო, შეჩერებული ფრენების გამო, თვეში 30 მილიონ დოლარს დაკარგავს. ამას დაუმატეთ ქვეყნის მასშტაბით გამოცხადებული საგანგებო მდგომარეობა და ამის გამო დაპაუზებული ბიზნესი _ სასტუმროები, კაფე-ბარები, რესტორნები... 

მოკლედ, საფრთხე რეალურია, კრიზისი _ გარდაუვალი, თუმცა გამოუვალი მდგომარეობა არ არსებობს, რადგან კრიზისი განაჩენი არაა, პირიქით, კრიზისმენეჯერებმა კარგად იციან, რომ სწორედ მძიმე მდგომარეობაში ჩნდება სრულიად ახალი შესაძლებლობები. სწორედ ამ თემაზე ესაუბრა ,,ვერსიას’‘ ეკონომიკის ექსპერტი, თემურ ბასილია, რომელიც წლებია, აშშ-ში ცხოვრობს.

_ ბატონო თემურ, ტრამპის ადმინისტრაციამ ეკონომიკის სტიმულირების რა კონკრეტული გეგმა შეიმუშავა? 

_ ეს წინმსწრები გეგმაა და იმას ითვალისწინებს, რომ ჯერ კრიზისული სიტუაციის პიკი არ დამდგარა. პიკი, დაახლოებით, 4-6 კვირაში დადგება. 

წინმსწრები ღონისძიებები კი იმიტომ შეიმუშავეს, რომ პიკის დროს, როდესაც ადამიანებს ნაკლებად შეეძლებათ გარეთ გასვლა და, მათ შორის, დასაქმებულებსაც, რომლებსაც სახლებში, დისტანციურად უწევთ მუშაობა, სახელმწიფო მზად იყოს მათ დასახმარებლად. 

ზოგადად, კორონავირუსის გამო, მცირე ბიზნესში გარკვეული სამუშაო ადგილები შემცირდება, ვგულისხმობ იგივე კაფეებს, რესტორნებსა და სასტუმროებს. ზოგმა უკვე შეწყვიტა მუშაობა, ზოგიც მალე შეწყვეტს. ქალაქ ვაშინგტონში და არა შტატში, უკვე 11 000-მა ადამიანმა დაკარგა სამსახური და ოფიციალურად, აღრიცხვაზე დადგა. 

ამერიკის შეერთებული შტატების ხელისუფლებამ წინასწარ იცოდა, რომ ადრე თუ გვიან, ეს ასე მოხდებოდა, სწორედ ამიტომაა აუცილებელი საგანგებო ზომების მიღება, რათა მოქალაქეებს დაეხმარონ და კრიზისული პერიოდი გადაატანინონ. 

რაც შეეხება ტრამპის გეგმას, ეს, დაახლოებით, 1 ტრილიონი აშშ დოლარის ფინანსური პროგრამაა, საიდანაც 500 მილიარდი ამერიკელების ფინანსურ დახმარებას მოხმარდება, ან შესაძლოა, სხვადასხვა საგადასახადო შეღავათის სახით, გარკვეული კომპენსაციები მიიღონ _ თითოეულმა 1 000 აშშ დოლარის ოდენობით. 

ეს საკითხი ჯერ კიდევ განხილვის პროცესშია და ვფიქრობ, კვირის დასაწყისში, საბოლოო გადაწყვეტილებას მიიღებენ. მაგალითად, რესპუბლიკელების გარკვეული ნაწილი წინააღმდეგია, რომ ამერიკელებმა პირდაპირი ფინანსური დახმარება მიიღონ. ისინი ამბობენ, რომ ეს თანხა ეკონომიკის სტიმულირებას უნდა მოხმარდეს, ამიტომ მცირე და საშუალო ბიზნესის დახმარების ზრდას უჭერენ მხარს. 

სხვათა შორის, ამ 1 ტრილიონი აშშ დოლარის პაკეტიდან 300 მილიონი აშშ დოლარია გათვალისწინებული მცირე და საშუალო ბიზნესის დასახმარებლად. 

ხელისუფლებამ კარგად იცოდა, რომ თუ ვინმე დაზარალდებოდა ამ პერიოდში, სწორედ მცირე და საშუალო ბიზნესი, ასევე, ამ სექტორებში დასაქმებული ადამიანები იქნებოდნენ. შესაბამისად, ორი მიზნობრივი ჯგუფი გამოყვეს და ცდილობენ, მათ დაეხმარონ. 

_ აშშ-ის მოქალაქეებისთვის სხვადასხვა საბანკო სესხისა და კრედიტის გადავადებაც შედის ტრამპის პროგრამაში? 

_ დიახ, შედის. ნიუ იორკის შტატის გუბერნატორმა სპეციალური ბრძანება გამოსცა და სამი თვით გადაავადა იპოთეკურ სესხებზე გადასახადების ვალდებულებები. 

საკმაოდ მძიმე და სერიოზული სიტუაციაა, ამიტომ დახმარების სხვადასხვა პაკეტით ცდილობენ, მოსახლეობას ხელი მაქსიმალურად შეუწყონ, რათა მოსალოდნელი პიკი ნაკლები დანაკარგებით გადაგორდეს. 

_ მართალია, აშშ-სა და საქართველოს მასშტაბები მკვეთრად განსხვავდება, მაგრამ ეკონომიკის სტიმულირების პროგრამა საქართველოს მთავრობამაც შეიმუშავა. როგორ აფასებთ გახარიას გეგმას? 

_ პირველ რიგში, უნდა აღვნიშნოთ, რომ საქართველოს ხელისუფლება ადეკვატურად რეაგირებს გამოწვევებზე. 

ჯანდაცვის სფეროში დასაქმებული ადამიანების თავდადებული საქმიანობა, მართლაც, განსაკუთრებული აღნიშვნისა და პატივისცემის ღირსია. მეტსაც გეტყვით, მათი საქმიანობა არაფრით ჩამოუვარდება და ხშირ შემთხვევაში, სჯობს კიდეც ბევრი წამყვანი და კარგი ქვეყნის ჯანდაცვის სისტემას. სწორედ ეს გამოჩნდა ამ დღეებში და არ შეიძლება, ეს არ დაინახო, რა განწყობაც უნდა გქონდეს ხელისუფლების მიმართ. 

ამირან გამყრელიძემ, პაატა იმნაძემ და თენგიზ ცერცვაძემ კრიტიკულ სიტუაციაში სწორად რეაგირების განსაკუთრებული უნარ-ჩვევები გამოამჟღავნეს! 

ამ ადამიანებმა დაადასტურეს, რომ მნიშვნელობა არ აქვს ასაკს ანუ თუ პროფესიონალი ხარ, გნებავთ, 30 წლის იყავი, გნებავთ, 60-ისა და 70-ის. 

ხაზგასმით მინდა აღვნიშნო _ სააკაშვილმა მთელი თაობა ,,ჩამოწერა’‘ და ხაზი გადაუსვა, მაგრამ ამ კრიტიკულ სიტუაციაში აღმოჩნდა, რომ სწორედ ამ ე.წ. ჩამოწერილების პროფესიონალიზმმა და გამოცდილებამ მოგვიტანა რეალური შედეგი. ამ ხალხმა აჩვენა მნიშვნელოვანი რამ _ ასაკს არ აქვს მნიშვნელობა, თამამად გამოიყენეთ პროფესიონალები, რომლებიც საქმეს მაღალ დონეზე გააკეთებენ! 

რაც შეეხება გახარიას ეკონომიკურ გეგმას, თავიდანვე აღვნიშნოთ, რომ იდეალური გეგმა არ არსებობს. ვისაც ნაკლის დანახვა უნდა, ნებისმიერ გეგმაში აღმოაჩენს ხარვეზს, ამიტომ მთლიანობაში შევაფასოთ. 

პირდაპირ გეტყვით, ეს გეგმა ქვეყანაში შექმნილი სიტუაციის ადეკვატურია, მაგრამ ასევე, გულწრფელად გაგიმხელთ, რომ მე უფრო მკაცრი ვიქნებოდი ბანკების მიმართ! სამთვიანი ვითომ გადავადება არაფერს ნიშნავს, რადგან რეალურად, ბანკებს ამით არაფერი დაუკარგავთ. სამწუხაროდ, ისე გამოვიდა, რომ ამ მძიმე მდგომარეობაში ბანკებს სოციალური პასუხისმგებლობა არ აუღიათ, მცირე და საშუალო ბიზნესისგან განსხვავებით, რადგან სასტუმროები, კაფე-ბარები, რესტორნები დაიხურა, მათი ზიანი აშკარაა. ამ დროს, ბანკები დამატებით მოგებას იღებენ! 

_ ბატონო თემურ, აშშ-ში რა პირობით, რა დათქმით გადაუვადეს მოქალაქეებს სესხები? 

_ ნიუ იორკის მაგალითზე გეტყვით, რომ შტატის გუბერნატორის განკარგულებით, გადაავადეს სესხები სამი თვით და არავითარი პროცენტი ამ სესხებს არ დაერიცხება! 

თუკი კაპიტალისტურ აშშ-ში შეიძლებოდა სესხების ასე გადავადება, სხვაგან რატომ არ შეიძლება?! 

_ გამოდის, ტრამპის ადმინისტრაციამ აშშ-ის ბანკებს სუბსიდიის სახით გარკვეული თანხა გამოუყო, რადგან მოსახლეობას სესხები ისე გადაუვადეს, რომ პროცენტის გადასახადი არ დაარიცხეს. ასეა? 

_ ტრამპის ეკონომიკური სტიმულირების გეგმაში ამაზეც არის საუბარი. ვნახოთ, რა გადაწყვეტილებას მიიღებენ. ისევ, ნიუ იორკის მაგალითი რომ მოგიყვანეთ, ეს შტატის გუბერნატორის გადაწყვეტილება იყო, რომელსაც ამგვარი უფლებამოსილება აქვს, თუმცა ამ ეტაპზე უცნობია, რა გადაწყვეტილებას მიიღებს აშშ-ს მთავრობა ქვეყნის მასშტაბით. 

როგორც გითხარით, პაკეტი მომზადებულია, განხილვაც დაწყებულია და იმედია, კვირის დასაწყისში კონგრესიც დაამტკიცებს. 

ისევ საქართველოს დავუბრუნდეთ, სიტუაცია კრიზისულია და საზოგადოების ყველა ჯგუფმა საკუთარ თავზე უნდა აიღოს სოციალური პასუხისმგებლობა. არ შეიძლება, რომ ასეთ დროს, ერთი ჯგუფი, ამ შემთხვევაში, ბანკები, განსაკუთრებულ მდგომარეობაში იყვნენ. ისინი სოციალურ პასუხისმგებლობასაც გაურბიან და ამ კრიზისულ სიტუაციაში მეტი სარგებლის მიღებასაც ცდილობენ, რაც დაუშვებელია. 

_ ახლა სურსათსა და ჰიგიენის საშუალებებზეც ვისაუბროთ, რაც კორონავირუსის საფრთხის გამო, დიდი ოდენობით მოიმარაგეს, როგორც თბილისში, ასევე, ნიუ იორკში, რომსა და პარიზში. ვფიქრობ, ადამიანები ასე შიშის გამო იქცევიან, მაგრამ სურსათის მოსალოდნელ, ან სავარაუდო დეფიციტთან დაკავშირებით ხალხის პანიკური შიში საფუძვლიანია? 

_ თუ კვების პროდუქტებზე მეკითხებით, პანიკური შიშის საფუძველი ნამდვილად არ არსებობს. 

ზოგადად, მთელ დედამიწაზე სრულიად საკმარისი კვების პროდუქტების მარაგია, თუმცა ისიც გასათვალისწინებელია, რომ კრიზისულ სიტუაციაში გიწევთ მაღაზიაში გასვლა, თან კორონავირუსის გავრცელება ისეთ სტადიაშია, ადამიანებთან ურთიერთობას უნდა მოერიდოთ. მარტივად გკითხავთ, რამდენჯერ გირჩევნიათ მაღაზიაში გასვლა _ დღეში რამდენჯერმე თუ კვირაში ერთხელ? თუ კვირაში ერთხელ გახვალთ, იმის ალბათობა, რომ კონტაქტი გექნებათ სხვა ადამიანებთან, ბევრად ნაკლებია იმასთან შედარებით, თუ ყოველდღე და მით უმეტეს, დღეში რამდენჯერმე წახვალთ! შესაბამისად, ჩემთვის გასაგებია, რომ ადამიანი ერთი და ორი კვირის მარაგს იძენს. 

სხვათა შორის, კორონავირუსის გავრცელების თავიდან ასაცილებლად ამგვარი ქცევა სწორი გადაწყვეტილებაა, თუმცა არის პროდუქტები, მაგალითად, სანიტარულ-ჰიგიენური საშუალებები, რომლებზეც დეფიციტი შეიქმნა და არა _ მარტო საქართველოში. სიმართლე გითხრათ, აშშ კაპიტალისტური, საბაზრო ეკონომიკის ქვეყანაა, მაგრამ ეს პროდუქტები აქაც დეფიციტშია. 

_ ყველანი ვთანხმდებით, რომ პანდემიის შემდეგ მსოფლიო პოლიტიკა და განსაკუთრებით ეკონომიკა შეიცვლება. საერთაშორისო სარეიტინგო კომპანიებმა ეს სიტუაცია უკვე შეადარეს 2009 წლის მსოფლიო ეკონომიკური კრიზისის შედეგებს...

_ არა, მე ვიტყოდი, რომ ახლა გაცილებით უარესი სიტუაციაა, რადგან ფასიანი ქაღალდების ინდექსები 30%-ით დაეცა. ჩათვალეთ, რომ ადამიანებს, რომლებსაც სხვადასხვა ფონდში დანაზოგები ჰქონდათ, 30% დაკარგეს ანუ ყოველ 100 დოლარ დანაზოგზე 30 დოლარით იზარალეს! 

როდესაც პიკი გადაივლის, რა თქმა უნდა, დანაკარგი შემცირდება, მაგრამ რთული სათქმელია, დღევანდელი 30-დოლარიანი დანაკარგი პლუსში როდის გადავა. ამიტომ, ეკონომიკური თვალსაზრისით, ახლა გაცილებით მძიმე მდგომარეობაა, ვიდრე 2008-2009 წლებში იყო. 

კორონავირუსმა ყველაზე მეტი ზიანი მიაყენა გლობალიზაციასა და ღია ეკონომიკის ქვეყნებს და ეს ფაქტია. ამ კრიზისული სიტუაციის დაძლევას შეძლებენ ის ქვეყნები, რომლებიც ადეკვატურად იმოქმედებენ. 

საქართველოს მაგალითზე ავხსნათ, სადაც ე.წ. ლიბერტარიანული ეკონომიკა დაინერგა. სინამდვილეში, მთელი ეს პროცესი რუსეთისთვის ქვეყნის სტრატეგიული აქტივების მიყიდვას ემსახურებოდა. ყველაფერი ის, რასაც თავის დროზე კახა ბენდუქიძე და მიხეილ სააკაშვილი აკეთებდნენ, ქვეყანას სამწუხარო შედეგებით დღეს უბრუნდება! მათ აქცენტი ერთადერთ სფეროზე _ ტურიზმის განვითარებაზე გააკეთეს. რა თქმა უნდა, ტურიზმი უნდა განვითარებულიყო, ხელი უნდა შეეწყოთ და ამაზე ორი აზრი არ არსებობს, მაგრამ როდესაც მხოლოდ ერთი მიმართულებით ვითარდები და ეკონომიკა დივერსიფიცირებული არ გაქვს, რთულ მდგომარეობაში იგდებ თავს. 

საკმარისია, რაღაც მოხდეს იმ სფეროში და მაშინვე მთელი ეკონომიკა კრიზისულ სიტუაციაში ვარდება, რაც ახლა მოხდა კიდეც. 

მთავარი პრიორიტეტი უნდა ყოფილიყო მცირე და საშუალო ბიზნესის განვითარება. ტრამპის ადმინისტრაციამ რა გააკეთა? _ მოქალაქეებსაც ეხმარება, მაგრამ ტრილიონიანი ფინანსური პროექტის ყველაზე დიდი ნაწილი სწორედ მცირე და საშუალო ბიზნესის დასახმარებლადაა გამოყოფილი. 

როგორ, აშშ-ის მთავრობამ არ იცის, რა მიმართულებას უნდა შეუწყოს ხელი? ძალიან კარგად იცის, რომ ყველაზე მეტ სამუშაო ადგილს მცირე და საშუალო ბიზნესი ქმნის! 

იქნებ, სწორედ ახლა დგება ისტორიული შანსი საქართველოსთვის, რომ ის შეცდომები, რაც წლების წინ დაუშვეს, გამოვასწოროთ! 

კი, ბატონო, ტურიზმის განვითარებასაც შევუწყოთ ხელი, მაგრამ ადგილობრივი წარმოებაც წავახალისოთ. ყველა ხომ ხვდება, რომ სამწუხაროდ, სოფლის მეურნეობის წარმოება ჩამოწერილი იყო საქართველოში. არადა, სწორედ ეს დარგია პრიორიტეტული, განსაკუთრებით, ასეთ კრიზისულ სიტუაციაში, როდესაც სოფლის მეურნეობა და კვების პროდუქტები მნიშვნელოვანია! 

საქართველოში ბუნებრივად შეიძლება განვითარდეს სოფლის მეურნეობა, რასაც მცირე ხელშეწყობა და ფინანსური დახმარება სჭირდება, ამიტომ აქცენტი ამაზე უნდა გაკეთდეს. 

იმას არ ვამბობ, ,,ჩაკეტილი’‘ ეკონომიკა გვქონდეს-მეთქი, მაგრამ რაღაც დონეზე ქვეყანა თვითკმარი უნდა იყოს და სტრატეგიული მარაგებიც ჰქონდეს. 

_ ამბობთ, ისტორიული შანსი დგება საქართველოსთვისო და ფოთში, ფაბრიკა ,,აჭარა ტექსტილმა’‘ უკვე დაიწყო პირბადეების წარმოება, რაც ახლა დეფიციტშია არა მარტო საქართველოში, არამედ, ბევრ განვითარებულ ქვეყანაშიც. ადგილზე პირბადეების წარმოება არის თუ არა კრიზისის დაძლევის ერთგვარი პოზიტიური მაგალითი? 

_ რა თქმა უნდა! ეს ერთ-ერთი მაგალითია, თუ როგორ სწორად რეაგირებს ბიზნესი შექმნილ ვითარებაში. ზოგადად, კრიზისული სიტუაცია კატასტროფა არაა! კრიზისი ახალ შესაძლებლობებს ქმნის და შესაბამისად, ამ ახალ შესაძლებლობებზე უნდა გადავეწყოთ.

ასე იყო 1994-1995 წლებში, როდესაც ჩვენ მოვედით ხელისუფლებაში და ვიცე-პრემიერად დავინიშნე. კარგად მახსოვს, 100 000 აშშ დოლარის რეზერვი ჰქონდა ეროვნულ ბანკს, რაც სასაცილო თანხაა დღევანდელი გადმოსახედიდან, ქვეყანაში კი 12 000%-იანი ინფლაცია იყო. ამაზე უარესი რა უნდა ყოფილიყო? თუმცა, სწორედ ეს კატასტროფული მდგომარეობა აღვიქვით ახალ შესაძლებლობად და კრიზისის დაძლევაც შევძელით... 

რაც შეეხება პირბადეების წარმოებას, ძალიან კარგი წამოწყებაა, თანაც სწორედ ახლა. ბიზნესიც სარგებლიანი იქნება ამ პერიოდში და საზოგადოების მოთხოვნაც დაკმაყოფილდება. 

ეს ერთი მაგალითია, თუმცა უამრავი ასეთი მაგალითი უნდა იყოს და დარწმუნებული ვარ, იქნება კიდეც! მთელ დედამიწას ვუსურვებ, ღირსეულად გადავიტანოთ ეს კრიზისი. 

მართალია, ძველებურად აღარაფერი იქნება, მაგრამ სამაგიეროდ, ახალი გამოწვევების წინაშე ვდგებით. ამიტომ ადეკვატურები უნდა ვიყოთ და ნორმალურად ცხოვრება განვაგრძოთ!

მაია მიშელაძე

]]>
versiaprinti@yahoo.com (super admin) ეკონომიკა Wed, 25 Mar 2020 13:07:20 +0400
რა უჯდება სახელმწიფოს ერთი მოქალაქის 14-დღიანი კარანტინი http://www.versia.ge/2013-07-31-11-22-56/item/6621-რა-უჯდება-სახელმწიფოს-ერთი-მოქალაქის.html http://www.versia.ge/2013-07-31-11-22-56/item/6621-რა-უჯდება-სახელმწიფოს-ერთი-მოქალაქის.html

რა თანხას იღებენ ბიუჯეტიდან საკარანტინო სივრცეებად გადაკეთებული სასტუმროები და როგორი პირობებია კარანტინში

საქართველოს მთელ ტერიტორიაზე საგანგებო მდგომარეობა გამოცხადდა. სასტუმროები, რესტორნები, კაფეები, ბარები და სხვა ობიექტები ქვეყნის მასშტაბით დაიხურა... 24 მარტის მონაცემებით, რაც ყოველდღიურად იცვლება, საქართველოში კორონავირუსის დადასტურებული 70 შემთხვევა გამოვლინდა, მათ შორის გამოჯანმრთელებულია _ 9, კარანტინის რეჟიმში იმყოფება 4 055 პირი, სტაციონარში, მეთვალყურეობის ქვეშ კი _ 252. საქართველოს მთავრობის გადაწყვეტილებით, ტურიზმის ეროვნულ ადმინისტრაციას ქვეყნის მასშტაბით, საკარანტინო ზონების მოწყობა დაევალა, რისთვისაც სხვადასხვა სასტუმროს იყენებენ. ,,ვერსია’‘ დაინტერესდა, რა პირობებში არიან საქართველოს მოქალაქეები კარანტინში და რა უჯდება სახელმწიფოს ერთი პირის შენახვა 14 დღის განმავლობაში?

საქართველოს ეკონომიკისა და მდგრადი განვითარების მინისტრის, ნათია თურნავას განცხადებით, საკარანტინო სივრცეებისთვის სახელმწიფომ ათეულობით განთავსების ოებიექტები (სხვადასხვა სასტუმრო) დააკონტრაქტა. ცხადია, საინტერესოა, რა უჯდება სახელმწიფოს ერთი მოქალაქის განთავსება საკარანტინო სივრცეში. მართალია, თურნავამ არ დააკონკრეტა, მაგრამ განმარტა, რომ ამ მიზნით, სახელმწიფო ბიუჯეტიდან საკმარისი თანხაა გამოყოფილი: 

,,სხვადასხვა სასტუმრო სხვადასხვა თანხა ჯდება, გააჩნია თვითღირებულებას, მაგრამ ყველა სასტუმრო მაქსიმალურად იჩენს სოციალურ პასუხისმგებლობას. განსაკუთრებით გაზრდილ თანხებთან საქმე არ გვაქვს, მაგრამ მინდა ვთქვა, რომ ბიუჯეტი მთლიანად ამ ახალ პრიორიტეტებზეა გადაწყობილი. ჩვენი მთავარი პრიორიტეტი მოსახლეობის დაცვაა კორონავირუსის ინფექციის შემდგომი გავრცელებისგან, მთავარ აქცენტს ვაკეთებთ პრევენციაზე. აქედან გამომდინარე, რაც საჭირო იქნება ამ მიმართულებით, ყოველთვის გავიღებთ თანხებს ბიუჯეტიდან“. 

საქართველოს პრემიერ-მინისტრის, გიორგი გახარიას დავალებით და მთავრობის შესაბამისი განკარგულებით, ტურიზმის ეროვნულ ადმინისტრაციას, საქართველოს მასშტაბით, საკარანტინო ზონების შექმნა, მოწყობა და შემდგომი მართვა დაევალა. ასევე, ყველა იმ ადამიანის კვების, ტრანსპორტირებისა და სხვა ლოგისტიკური საქმიანობების ორგანიზება, რომლებსაც სავალდებულო, 14-დღიანი კარანტინი ეხებათ. ტურიზმის ეროვნული ადმინისტრაციის ხელმძრვანელმა, მარიამ ქვრივიშვილმა ჩატარებული სამუშაოები და მიმდინარე პროცესები მისსავე სოციალურ ქსელში ასე შეაფასა: 

„სიტყვა კარანტინი, ალბათ, საკმაოდ დამთრგუნველად ჟღერს, თუმცა ჩვენ ამ სტერეოტიპის დამსხვრევას ვცდილობთ თქვენთვის. მეტიც, გეტყვით, რომ სამჯერადი კვება, კარგი სასტუმრო, ხშირ შემთხვევაში, კარგი ხედიც კი, სრული სტანდარტების შესაბამისი სატრანსპორტო საშუალება (ჭადრაკისებრი განლაგებითა და ე.წ. Lუნცჰ Bოხ-ებით სავარძლებზე), 24/7 სამედიცინო და უსაფრთხოების მონიტორინგი ადგილზეა! 

ასევე, ულევი პოზიტივი კარანტინში მყოფი სხვა ადამიანებისა და სასტუმროების გმირი თანამშრომლებისგან, რომლებიც მუდმივად ზრუნავენ თქვენს კომფორტზე. კარანტინთან დაკავშირებული ყველა ხარჯი საქართველოს სახელმწიფო ბიუჯეტიდან იფარება. ეს არის მთავრობის გამოხატული ზრუნვა საქართველოს უკლებლივ ყველა მოქალაქის მიმართ, რათა მაქსიმალურად მოხდეს COVID-19 გავრცელების პრევენცია. 

ვამაყობ, რომ ასეთ მნიშვნელოვან, ურთულეს და ღირებულ საქმეს ვაკეთებთ საქართველოში, კორონავირუსის გავრცელების პრევენციისთვის. ვამაყობ, როცა კარანტინში მყოფი ადამიანების მადლიერ და სასიამოვნოდ გაოცებულ პოსტებს ვკითხულობ. ამ პროცესში, განსაკუთრებული მადლობა ეკუთვნის ტურიზმის ეროვნული ადმინისტრაციის უკლებლივ ყველა თანამშრომელს, რომლებსაც 24 საათში, საშუალოდ, 2 საათიც კი არ სძინავთ პროცესის სამართავად, ყველა იმ სასტუმროს თანამშრომელს (მზარეულს, სერვისსა, თუ მიმღებში მყოფს), მფლობელსა და მმართველ გუნდს, რომლებიც ჩვენთან ერთად უზრუნველყოფენ ჩვენი ქვეყნის მოქალაქეების კომფორტს, სამედიცინო და უსაფთხოების სამსახურის ყველა წარმომადგენელს, რომლებიც 24/7 უზრუნველყოფენ ჩვენი ხალხის ჯანმრთელობასა და უსაფრთხოებას, გუბერნატორებს, ადგილობრივ თვითმართველობებს, აჭარის მთავრობას, ფინანსთა სამინისტროსა და ტურიზმის დეპარტამენტის სრულშემადგენლობას! 

ახლა უკვე იცით, თუ რამდენი ადამიანი ზრუნავს თქვენს ჯანმრთელობასა და კეთილდღეობაზე. გთხოვთ, ნუ დაარღვევთ თვითიზოლაციის წესებს, ნუ დალევთ სიცხის დამწევს ჩამოფრენამდე და ნუ ვიქნებით უნებლიე ვირუსის გამავრცელებლები ჩვენსავე ოჯახებში, საყვარელ ადამიანებსა და ჩვენივე ქვეყანაში _ კარანტინში კარგია! 

ძალა ერთობაშია და მალე ერთად დავამარცხებთ COVID-19-ს!“ 

 

ქვეყნის მასშტაბით, დაახლოებით 22 სასტუმროში მოეწყო საკარანტინო სივრცე. რა თქმა უნდა, ყველას აინტერესებს, კონკრეტულად რომელმა სასტუმროებმა გამოიჩინეს სოციალური პასუხისმგებლობა ამ მძიმე ვითარებაში, მაგრამ ,,ვერსიას’‘ განუმარტეს, რომ ეს ინფორმაცია კონფიდენციალურია, რაც ნიშნავს, რომ თუ სასტუმროს მფლობელმა ან წარმომადგენელმა ოფიციალურად არ განაცხადა, ტურიზმის ეროვნულ ადმინისტრაციას უფლება არ აქვს, ინფორმაცია გასცეს. აქედან გამომდინარე, ,,ვერსია’‘ მხოლოდ იმ სასტუმროებს ჩამოგითვლით, რომელთა მფლობელებმაც ოფიციალურად განაცხადეს, რომ საკუთარი ობიექტები საკარანტინო სივრცეს დაბალ ფასად დაუთმეს: სასტუმრო ,,საირმე’‘, წყალტუბოს ,,სპა რესორტი’‘, იყალთოს ,,სავანეთი’‘, ბათუმის ,,სპუტნიკი’‘, ბათუმის ,,კოლიზეუმ მარინა’‘, სასტუმროები ანაკლიაში _ ,,ანაკლია’‘ და ,,პალმ-ბიჩი’‘, ასევე განმუხურის სასტუმრო ,,პრატაფსი’‘. 

ამ სასტუმროებში, სტანდარტული (ორადგილიანი) ნომრის ფასი თებერვალ-მარტში, საშუალოდ, 40-70 აშშ დოლარის ფარგლებში მერყეობს. ამ ფასში შედის სამჯერადი კვება და სხვა სიკეთეებიც, რაც 14-დღიან კარანტინში, ჩვენი ქვეყნის მოქალაქეებს არ დასჭირდებათ. მაგალითად, აუზზე ნამდვილად ვერ და არ ინებივრებენ, გულითაც რომც მოინდომონ _ ექიმები ამის ნებას ნამდვილად არ დართავენ. უხეში გათვლებით, თუ სასტუმროს დღიურ ფასად, საშუალოდ, 50 აშშ დოლარს ავიღებთ, გამოდის, რომ ერთი პირის 14-დღიანი კარანტინი 700 აშშ დოლარი ჯდება. 

ამ სასტუმროების ვებ-გვერდებზე დეტალური ინფორმაციია მითითებული, როგორც სასტუმროებში არსებული პირობების, ასევე, ოთახებისა და იმ სერვისების შესახებ, რასაც კონკრეტული სასტუმრო გთავაზობთ. 

რაც შეეხება ფასებს, ის მხოლოდ წყალტუბოს სასტუმრო ,,სპა რესორტს’‘ ჰქონდა მითითებული: 

,,ყოფილი საბჭოთა კავშირის თავდაცვის სამინისტროს სანატორიუმი „წყალტუბო“, დღევანდელი „წყალტუბო სპა რესორტი“, თავისი ისტორიული შენობებით, მდებარეობს 16 ჰექტარზე გაშლილ, ულამაზესი ტყე-პარკის ტერიტორიაზე. 2011 წლის ივლისში, ამ ტერიტორიაზე გაიხსნა სასტუმრო კომპლექსი „წყალტუბო სპა რესორტი’‘, რომელიც გათვლილია 137 ნომერზე. ერთადგილიანი სტანდარტული ოთახის ფასია _ 68 აშშ დოლარი, ორადგილიანი სტანდარტული ოთახი _ 99 აშშ დოლარი, სამადგილიანი სტანდარტული ოთახი _ 138 აშშ დოლარი, ოთხადგილიანი (ოროთახიანი) _ 179 აშშ დოლარი, ორადგილიანი აივნით _ 107 აშშ დოლარი, ორადგილიანი დელუქს ოთახი _ 120 აშშ დოლარი, ორადგილიანი დელუქს ოთახი აივნით _ 126 აშშ დოლარი, ორადგილიანი ოროთახიანი ლუქსი აივნით _ 140 აშშ დოლარი, ორადგილიანი საპრეზიდენტო ლუქსი _ 213 აშშ დოლარი, ოთხადგილიანი (ოროთახიანი) 2 დიდი + 2 ბავშვი (16 წლამდე) _ 133 აშშ დოლარი. 

*** 

ჟურნალისტი ნინო ცხოიძე, რომელიც ახლა კომპანია ,,ჰერბალაიფის’‘ დამოუკიდებელი პარტნიორია, 14 მარტს, პარიზიდან საქართველოში, კერძოდ, ქუთაისში ჩამოფრინდა. ის ახლა საკარანტინო ზონაში, ბათუმის სასტუმრო ,,სპუტნიკში’‘ იმყოფება და საკუთარ ისტორიას ,,ვერსიას’‘ უამბობს: 

,,3-დან 14 მარტამდე ვიმყოფებოდი პარიზსა და მის შემოგარენშიც. მიუხედავად იმისა, რომ ბილეთი ბევრად უფრო ადრე მქონდა შეძენილი, ვიდრე საქართველოში კორონავირუსით დაინფიცირების პირველი ფაქტი დაფიქსირდა, მაინც ვიკითხე სააგენტოში, შემეძლო თუ არა ბილეთის დაბრუნება, ან გადაცვლა. პასუხად მივიღე, რომ ვინაიდან საფრანგეთს ფრენები არ შეუჩერებია, ბილეთის ფასი არ დამიბრუნდებოდა და არც გადაცვლა იყო შესაძლებელი... საშინელი ამინდი დაგვხვდა. ტრაპიდან ფეხით მოგვიწია შენობამდე მისვლა. გზად ვინც კი შეგვხდა, თვითმფრინავის დაშვებიდან _ პასპორტის კონტროლამდე, ადგილობრივი მოსახლეობა, პირბადე არცერთს ეკეთა. მე მაინც ამაყად გავემგზავრე ავტობუსისკენ. არც ბილეთის გასაყიდ ჯიხურში, არც ავტობუსში, არავის ეკეთა პირბადე და ყველა ისე მიყურებდა, თავი უხერხულად ვიგრძენი. მაშინვე მოვიხსენი პირბადე და ქალაქში, მეტროში, ავტობუსსა თუ მატარებელში ყოფნისას, ჯიბით დამქონდა. 

7 მარტს, პარიზის სტადიონზე, საქართველო-პორტუგალიის მატჩზეც არავის მოუთხოვია პირბადე, ან ნიღაბი. ჩხრეკა მხოლოდ სხეულზე ჩაგვიტარეს. გამიკვირდა, რომ ჩანთაში არავის ჩაუხედავს. მე უფრო ტერაქტების შიში მქონდა, ვიდრე _ კორონავირუსის, რადგან საფრანგეთს არ ეტყობოდა ის პანიკა და ეიფორია, რაც საქართველოში დავტოვე. მხოლოდ 13 მარტს, საღამოს ვიგრძენი, რომ გარკვეული შეზღუდვები დაიწყო, რადგან მონმარტზე ,,წმინდა გულის’‘ ტაძარში, მცირერიცხოვან მესას დავესწარი, სადაც იტალიაში დაღუპულთა სულებისთვის ლოცვა აღევლინა და ტაძარი გაურკვეველი ვადით დაიხურა. 

14 მარტს დავბრუნდი საქართველოში და მომზადებულიც ვიყავი, რომ თვითიზოლაციაში, ან კარანტინში მომიწევდა ყოფნა. ამასაც საქართველოდან მოსული შეტყობინებებით ვიგებდი. აეროპორტში პასპორტები ჩაგვაბარებინეს და გვარების გამოცხადებით, აეროპორტის ავტობუსიდან, თითო-თითოდ შევდიოდით თერმოსკრინინგის გასავლელად. მითხრეს, რომ პრობლემა არ მქონდა, მაგრამ კარანტინში გადაგვიყვანდნენ. ვიკითხე, სად მივყავართ-მეთქი და გავიგე, რომ ბათუმში განგვათავსებდნენ პარიზის რეისის ყველა მგზავრს. 

მოვედით თუ არა სასტუმრო ,,სპუტნიკში’‘, დაგვირიგეს თერმომეტრები, პირბადეები და ხელთათმანები. მალევე დაგვაბინავეს და ვინაიდან აეროპორტშივე, ავტობუსში დაგვახვედრეს საკვები პარკებით, აქაც მოგვიანებით მოგვიტანეს ვახშამი. მას შემდეგ დღეში ორჯერ, დაავადებათა ცენტრის აჭარის ფილიალის მედპერსონალი და წითელი ჯვრის მოხალისეები, სიცხის კონტროლს ახორციელებენ. სამჯერადი კვება კართან გვხვდება და კაკუნით გვაგებინებენ, რომ ავიღოთ. ასევე, გვაძლევენ 1.5 ლიტრ წყალს, ყავას, ჩაისა და შაქარს. ორ დღეში ერთხელ, ჰიგიენური საშუალებები და ნაგვის პარკები მოაქვთ. 

ამას გარდა, სასიამოვნო წუთებსაც გვჩუქნიან: აჭარის მთავრობის თავმჯდომარის მიერ გამოგზავნილმა ქოთნის ყვავილებმა და გამამხნევებელმა წერილმა ყველა გაგვახარა. ასევე, სასტუმროს დირექციის წერილიც მივიღეთ და საღამოობით, რამდენჯერმე, მოულოდნელად მოგვიტანეს ტკბილეული. 

აქ არავინ ახსენებს, ვისი დამსაურებაა ჩვენი ასეთი კეთილდღეობა, მაგრამ ტელევიზიის საშუალებითაც ვაკვირდები, როგორ მობილიზებულად და შეთანხმებულად მუშაობს მთავრობა, ტურიზმის დეპარტამენტი, პოლიცია და ბიზნესი. ამდენად, მინდა დიდი მადლობა გადავუხადო ყველა უწყებას, ვინც 24-საათიან რეჟიმში ზრუნავს იმაზე, რომ ქვეყანას ეს მოულოდნელად თავსდატეხილი საშიშროება აარიდოს. 

მეამაყება, რომ ჩვენი ქვეყანა ასე მზად დახვდა ამ ვითარებას და მიმაჩნია, რომ როგორც ევროპამ, ისე მსოფლიომ უნდა მიბაძოს საქართველოს! ასე რომ შებრძოლებოდნენ კორონავირუსს იმთავითვე, დღეს ასეთი სავალალო მდგომარეობა და გავრცელების მასშტაბები არ იქნებოდა’‘. 

*** 

როგორც სტატიის დასაწყისში აღვნიშნე, საქართველოს მასშტაბით, ყველა სასტუმრო, რესტორანი, კაფე-ბარი, ღამის კლუბი დახურულია. ეკონომიკისა და მდგრადი განვითარების მინისტრის, ნათია თურნავას განცხადებით, კორონავირუსის გამო, ტურიზმის სექტორი საქართველოში, ყოველთვიურად, 30 მილიონ აშშ დოლარს დაკარგავს. ამიტომ, პრემიერ-მინისტრმა, გიორგი გახარიამ ანტიკრიზისულ საბჭოსთან ერთად, ეკონომიკის სტიმულირების გეგმა შეიმუშავა, რომელზეც ,,ვერსიის’‘ წინა ნომერში დეტალურად ვწერდით. 

შეგახსენებთ, რომ მთავრობის გადაწყვეტილებით, ტურიზმის ინდუსტრიასთან დაკავშირებულ ბიზნესსუბიექტებს, მომდევნო 4 თვის მანძილზე ანუ 2020 წლის 1 ნოემბრამდე, ქონებისა და საშემოსავლო გადასახადები გადაუვადდებათ. საუბარია სასტუმროებზე, რესტორნებზე, ტურისტულ სააგენტოებზე, სატრანსპორტო კომპანიებსა და საექსკურსიო საქმიანობაში ჩართულ კომპანიებზე. გახარიას განმარტებით, ეს შეღავათი ტურიზმის სექტორში ჩართულ 18 000 კომპანიას და ამავე ინდუსტრიაში დასაქმებულ 50 000-ზე მეტ ადამიანს ეხება. 

ოთხი თვის განმავლობაში ანუ მარტში, აპრილში, მაისსა და ივნისში ამ შეღავათით, სექტორში 100 მილიონ ლარზე მეტი ფინანსური რესურსი დარჩება. რაც მთავარია, სახელმწიფოს გადაწყვეტილებით, დამატებითი ღირებულების გადასახადის (დღგ) დასაბრუნებელი თანხა გაორმაგდება. ეს ნიშნავს, რომ დაგეგმილი 600 მილიონი ლარის ნაცვლად, ეკონომიკასა და კომპანიებს, დღგ-ს სახით, 1 მილიარდ 200 მილიონი ლარი დაუბრუნდება. 

გარდა ამისა, საქართველოს მთავრობის ეკონომიკის სტიმულირების პროგრამის მიხედვით, ბიზნესს, რომელსაც შეექმნება სესხის გადახდის პრობლემა, ბანკები ინდივიდუალურად გაუკეთებენ სესხის რესტრუქტურიზაციას. აღნიშნული პროცესის შედეგად, მხოლოდ სასტუმრო ინდუსტრიაში, დაახლოებით, 100 მილიონი ლარის ფინანსური რესურსი გამოთავისუფლდება; გაკეთდება სპეციალური სახელმწიფო პროგრამა, რომლის საშუალებითაც 4-დან 50 ნომრამდე სიდიდის სასტუმროები, მთელი საქართველოს მასშტაბით, მიიღებენ საბანკო სესხის 6 თვის პროცენტის თანადაფინანსებას. ეს პროექტი, ქვეყნის მასშტაბით, დაახლოებით, 2 000 სასტუმროს შეეხება. 

კიდევ ერთი მნიშვნელოვანი დეტალი, რაც ბიზნესის მაღალ სოციალურ პასუხისმგებლობას უკავშირდება: იმ სამი თვის განმავლობაში, ვიდრე სასტუმროები, რესტორნები, კაფე-ბარები დახურულია, თანამშრომლები კი უხელფასოდ დარჩნენ, მომსახურე პერსონალი დროებით სხვადასხვა სავაჭრო ცენტრმა, მათ შორის, ,,კარფურმა’‘, ,,ნიკორამ’‘, ,,სპარმა’‘, ,,მაგნიტმა’‘ შეიფარა და დაასაქმა.

მაია მიშელაძე

 

]]>
versiaprinti@yahoo.com (super admin) ეკონომიკა Wed, 25 Mar 2020 13:07:05 +0400
COVID 19-ის 6-პუნქტიანი ანტიკრიზისული გეგმა და შეღავათები, რომლებსაც ბიზნესი მიიღებს http://www.versia.ge/2013-07-31-11-22-56/item/6611-covid-19-ის-6-პუნქტიანი-ანტიკრიზისული-გეგმა-და-შეღავათები,-რომლებსაც-ბიზნესი-მიიღებს.html http://www.versia.ge/2013-07-31-11-22-56/item/6611-covid-19-ის-6-პუნქტიანი-ანტიკრიზისული-გეგმა-და-შეღავათები,-რომლებსაც-ბიზნესი-მიიღებს.html

როგორ გაჩნდება საქართველოს ეკონომიკაში მილიარდზე მეტი ფინანსური რესურსი

კორონავირუსის გლობალურმა საფრთხემ მსოფლიოს დღის წესრიგი უკვე შეცვალა. გავლენიანი საერთაშორისო სარეიტინგო კომპანიების შეფასებით, COVID 19-გან (ასე უწოდეს ახალ ვირუსს მეცნიერებმა) გამოწვეული ეკონომიკური ზიანი 2009 წლის მსოფლიო ეკონომიკურ კრიზისს უტოლდება. ,,აზიის განვითარების ბანკის’‘ პროგნოზით, კორონავირუსისგან მიღებული გლობალური ზარალი 77 მილიონიდან 347 მილიონ აშშ დოლარამდე მიაღწევს. აქედან გამომდინარე, მსოფლიოს მასშტაბით, სხვადასხვა მთავრობები ორ გამოწვევას უნდა გაუმკლავდნენ _ კორონავირუსის პრევენციის მიზნით, ჯანმრთელობისა და უსაფრთხოების დაცვის ღონისძიებებთან ერთად, აუცილებელია ვირუსის გამო დაზარალებული ეკონომიკისა და ბიზნესის მასტიმულირებელი გეგმის შემუშავება. ასეთი გეგმა საქართველოს მთავრობამაც შეიმუშავა და მასში ეროვნული ბანკი, ასევე, კომერციული ბანკებიც მონაწილეობდნენ. ვნახოთ, რა ეკონომიკურ შეღავათებს სთავაზობს პრემიერ-მინისტრ გიორგი გახარიას მთავრობა ბიზნესს.

ვიდრე საქართველოს მთავრობის მიერ შემუშავებულ ანტიკრიზისულ გეგმას განვიხილავთ, უნდა აღვნიშნოთ, რომ კორონავირუსის მკვეთრად ნეგატიური გავლენა ტურიზმის ინდუსტრიაზე თავიდანვე აისახა. ,,ვერსიის’‘ წინა ნომერში ვწერდით, რომ ტურისტული ინდუსტრიის _ სასტუმროებისა და რესტორნების წარმომადგენლებმა ეკონომიკისა და მდგრადი განვითარების მინისტრს ოფიციალური წერილით მიმართეს და საგადასახადო შეღავათები მოითხოვეს. ამ მოთხოვნას უკვალოდ არ ჩაუვლია ანუ მთავრობის, ეროვნული ბანკისა და კომერციული ბანკების წარმომადგენლები შეიკრიბნენ, სადაც ტურისტული ინდუსტრიის (და არა მარტო ტურისტულის) დასახმარებლად, კონკრეტული გეგმის შემუშავება გადაწყვიტეს. 

ეკონომიკური შეღავათები, რომლებიც მთავრობის გადაწყვეტილებით, უკვე ამოქმედდა, კომერციული ბანკების პირდაპირ ჩართულობას გულისხმობს, ამიტომ მათი მზაობა და მხარდაჭერა ამ პროცესში განსაკუთრებით მნიშვნელოვანი იყო. შეხვედრაზე, რომელიც მთავრობას, ეროვნულ ბანკსა და კომერციულ ბანკებს შორის შედგა, ბანკირებმა ხაზგასმით აღნიშნეს, რომ ეკონომიკის სტიმულირებისთვის მზად იყვნენ. ამის შემდეგ, პრემიერ-მინისტრმა, მთავრობის ეკონომიკური გუნდის წევრებთან ერთად, ეკონომიკის სტიმულირების ღონისძიებების კონკრეტული გეგმა წარადგინა. 

„ჩვენთვის, საქართველოს მთავრობისთვის, პირველივე დღიდან უაღრესად მნიშვნელოვანი იყო ჩვენი მოქალაქეების ჯანმრთელობა და შესაბამისი ნაბიჯები, პირველ რიგში, ჩვენი მოქალაქეების ჯანმრთელობის დასაცავად გადავდგით. მეორე, ასევე კრიტიკულად მნიშვნელოვანი საკითხია ჩვენი ეკონომიკა და ის მასტიმულირებელი ნაბიჯები, რომელიც უნდა გადავდგათ, რათა ნაკლებად აისახოს ეკონომიკაზე ის ზეგავლენა, რაც აუცილებლად იქნება. ამ მიზნით, შეიქმნა საკოორდინაციო საბჭო, რომლის ფარგლებში, საქართველოს მთავრობამ მიიღო გადაწყვეტილებები, რაც ყველასთვის კარგად ცნობილია: გამკაცრდა კონტროლი სახელმწიფო საზღვარზე და ასევე, თვითიზოლაციის რეჟიმში მყოფ ჩვენს მოქალაქეებზე; ამასთან, დროებით შეჩერდა სწავლა საგანმანათლებლო და სააღმზრდელო დაწესებულებებში; გაიცა რეკომენდაცია შესაძლო ხალხმრავალი ღონისძიებების გაუქმების თაობაზე; გადავადდა საყოველთაო საგაზაფხულო გაწვევა; პრობაციონერებს დროებით მოეხსნათ პრობაციის ბიუროებში გამოცხადების ვალდებულება; პენიტენციურ სისტემაში, ორი კვირით, სპეციალური ღონისძიებები იქნა შემოღებული. ყველაფერი ეს გავაკეთეთ, რათა შევაჩეროთ იმპორტირებული ვირუსის გავრცელება ქვეყანაში და ჩვენთვის ყველაზე მნიშვნელოვანია ამ ღონისძიებების ეფექტურობა’‘, _ განაცხადა პრემიერმა. 

მთავრობისა და საბანკო სექტორის წარმომადგენლების შეხვედრაზე გადაწყდა, რომ ობიექტური საჭიროების შემთხვევაში, ყველა კომპანიისთვის საბანკო სექტორი გარანტირებულად უზრუნველყოფს სესხების რესტრუქტურიზაციას უახლოესი 3-4 თვის განმავლობაში. 

„მხოლოდ ამ საშუალებით, ტურიზმის სექტორში, დაახლოებით, 100 მილიონი ლარის ფინანსურ რესურსს დავტოვებთ. გარდა ამისა, საბანკო სექტორთან _ ყველაზე მსხვილ ბანკებთან შეხვედრისას, ერთობლივად მივიღეთ გადაწყვეტილება, რომ ჩვენი ქვეყნის მოქალაქეები, ფიზიკური პირები, აუცილებლობის შემთხვევაში, სამი თვის განმავლობაში, სასესხო მომსახურების ვალდებულებისგან გათავისუფლდებიან. ეს ძალიან მნიშვნელოვანი ღონისძიებაა, როგორც ფინანსური კუთხით, ასევე სოციალური დისტანციის დაცვის თვალსაზრისითაც’‘, _ აღნიშნა გახარიამ. 

მთავრობის გადაწყვეტილებით, ტურიზმის ინდუსტრიასთან დაკავშირებულ ბიზნესსუბიექტებს, მომდევნო 4 თვის მანძილზე ანუ 2020 წლის 1 ნოემბრამდე, ქონებისა და საშემოსავლო გადასახადები გადაუვადდებათ. საუბარია სასტუმროების, რესტორნების, ტურისტული სააგენტოების, სატრანსპორტო კომპანიებისა და საექსკურსიო საქმიანობაში ჩართულ კომპანიებზე. როგორც გახარიამ განმარტა, ეს შეღავათი ტურიზმის სექტორში ჩართულ 18 000 კომპანიას და ამავე ინდუსტრიაში დასაქმებულ 50 000-ზე მეტ ადამიანს ეხება. ოთხი თვის მანძილზე ანუ მარტში, აპრილში, მაისსა და ივნისში, ამ შეღავათით, სექტორში 100 მილიონ ლარზე მეტი ფინანსური რესურსი დარჩება. რაც მთავარია, სახელმწიფოს გადაწყვეტილებით, დამატებითი ღირებულების გადასახადის (დღგ) დასაბრუნებელი თანხა გაორმაგდება. ეს ნიშნავს, რომ დაგეგმილი 600 მილიონი ლარის ნაცვლად, ეკონომიკასა და კომპანიებს, დღგ-ს სახით, 1 მილიარდ 200 მილიონი ლარი დაუბრუნდება. 

„ამასთან ერთად, ამოქმედდება სასესხო მომსახურების კომპონენტის საპროცენტო განაკვეთის დაფინანსების კარგად აპრობირებული მექანიზმი. ეს ნიშნავს, რომ შეიქმნება სპეციალური სახელმწიფო პროგრამა, რომლის საშუალებითაც 4-დან 50 ნომრამდე სასტუმროებისთვის, 6 თვის განმავლობაში, საპროცენტო განაკვეთს მოემსახურება სახელმწიფო, ცხადია, სახელმწიფო რესურსიდან. ეს შეეხება დაახლოებით 2 000 სასტუმროს. გარდა ამისა, ჩვენ კარგად გვესმის, რომ გლობალურად, ეკონომიკას სხვა ინსტრუმენტებითაც სჭირდება დახმარება. შესაბამისად, მთავრობის გადაწყვეტილებით, კაპიტალურ ხარჯებსა და ინფრასტრუქტურულ პროექტებში, წლის ბოლომდე, დამატებით ინვესტირებული იქნება 300 მილიონი ლარი. ყველაფერი რომ შევაჯამოთ, ესაა დაახლოებით, 1 მილიარდი ლარის ოდენობის რესურსის ეკონომიკაში მიმართვა, ან დატოვება კომპანიებისთვის, რამაც ამ ეტაპზე, ჩვენს კერძო სექტორს უნდა დაუჭიროს მხარი. თუმცა იმ შემთხვევაში, თუ ეს საკმარისი არ იქნება და ვნახავთ, რომ გლობალური გამოწვევები და ნეგატიური ზეგავლენა ეკონომიკაზე კიდევ უფრო მძიმე იქნება, ყოველთვის მზად ვართ, შესაბამისი გადაწყვეტილებები მივიღოთ’‘, _ დააზუსტა გახარიამ. 

პრემიერ-მინისტრმა ხაზგასმით აღნიშნა, რომ ეკონომიკის სტიმულირების ამ კონკრეტული ღონისძიებების 6-პუნქტიანი გეგმის შედეგად, ქვეყნის ეკონომიკაში 1 მილიარდ ლარზე მეტი ფინანსური რესურსი გაჩნდება: 

1. ბიზნესს, რომელსაც შეექმნება სესხის გადახდის პრობლემა, ბანკები ინდივიდუალურად გაუკეთებენ სესხის რესტრუქტურიზაციას. აღნიშნული პროცესის შედეგად, მხოლოდ სასტუმრო ინდუსტრიაში, დაახლოებით, 100 მილიონი ლარის ფინანსური რესურსი გამოთავისუფლდება; 

2. მოქალაქეებს, რომლებსაც სურვილი აქვთ, გადაავადონ სესხის გადახდა, მომდევნო სამი თვის განმავლობაში, ბანკი მათ შენატანის გადავადების საშუალებას მისცემს; 

3. იმ კომპანიებს, რომლებიც ახორციელებენ ტურიზმთან დაკავშირებულ საქმიანობებს _ სასტუმროები და რესტორნები, ტურისტული სააგენტოები, სატრანსპორტო კომპანიები, საექსკურსიო საქმიანობა, კულტურული და სპორტული ღონისძიებების ორგანიზატორები _ საქართველოს მთავრობა, მომდევნო ოთხი თვის განმავლობაში, 1 ნოემბრამდე, ქონებისა და საშემოსავლო გადასახადებს გადაუვადებს. შედეგად, შეღავათი შეეხება 18 000 გადასახადის გადამხდელსა და 50 000-ზე მეტ დასაქმებულ პირს, რაც ნიშნავს, რომ 100 მილიონ ლარზე მეტი, ეკონომიკის ამ სექტორში დარჩება; 

4. კომპანიებისთვის ფინანსური რესურსის მიწოდების მიზნით, მთავრობა გააორმაგებს დღგ-ს დაბრუნებებს და წლის ბოლომდე დაგეგმილი 600 მილიონი ლარის ნაცვლად, ფინანსთა სამინისტრო, კომპანიებს 1 მილიარდ 200 მილიონ ლარს დაუბრუნებს; 

5. გაკეთდება სპეციალური სახელმწიფო პროგრამა, რომლის საშუალებითაც 4-დან 50 ნომრამდე სიდიდის სასტუმროები, მთელი საქართველოს მასშტაბით, მიიღებენ საბანკო სესხის 6 თვის პროცენტის თანადაფინანსებას. ეს პროექტი, ქვეყნის მასშტაბით, დაახლოებით, 2 000 სასტუმროს შეეხება. 

6. ყოველივე ზემოაღნიშნულის გარდა, სახელმწიფოს მხრიდან ეკონომიკის დამატებით სტიმულირებისთვის, 2020 წლის ბიუჯეტით გათვალისწინებული კაპიტალური ხარჯები დამატებით, 300 მილიონი ლარით გაიზრდება. 

საქართველოში, კორონავირუსის გავრცელების საპრევენციო ღონისძიებების ფარგლებში, 14 მარტს გამართულ უწყებათაშორისი საკოორდინაციო საბჭოს მორიგ სხდომაზე, დამატებითი გადაწყეტილებები მიიღეს: 

,,უწყებათაშორისი საკოორდინაციო საბჭო რეკომენდაციას აძლევს მთელი ქვეყნის მასშტაბით არსებულ კაზინოებს, სლოტკლუბებს და ტოტალიზატორებს, კორონავირუსის გავრცელების მაქსიმალური პრევენციისთვის, დროებით შეაჩერონ მუშაობა, რათა დახურულ სივრცეებში, მოქალაქეთა ინტენსიურ კონცენტრაციას მაქსიმალურად მოერიდონ. ამასთან, საბჭო მოუწოდებს სექტორში მოქმედ კერძო ბიზნესს, რომ შექმნილი ვითარების ფონზე, მაღალი სოციალური პასუხისმგებლობა გამოავლინონ და ამ რეკომენდაციის გათვალისწინება, თანამშრომელთა შრომით ანაზღაურებაზე არ ასახონ’‘. 

ფაქტია, რომ გლობალურ საფრთხეს პანიკაც ახლავს, რისი ობიექტური საფუძველი არ არსებობს, თუმცა სხვადასხვა სუპერმარკეტებსა და სავაჭრო ცენტრებში მოქალაქეების სრული ისტერიის მოწმენი გავხდით. პრინციპში, ეს არ არის მხოლოდ ქართული მოვლენა, სამწუხაროდ, მსოფლიოს ყველა ქვეყანაში, ამგვარი საფრთხის დროს, ადამიანები და ბიზნესმენები თითქმის იდენტურად იქცევიან თბილისშიც, პარიზშიც, რომშიც, ნიუ იორკსა და პეკინში... ეს, რაც შეეხება მოქალაქეების პანიკურ შიშს, რაც სუპერმარკეტების დალაშქვრასა და ძალიან დიდი ოდენობით პროდუქტების მომარაგებაში გამოიხატება. როგორ იქცევა ბიზნესი ამ დროს? _ საბაზრო ეკონომიკის პრინციპების დაცვით, რაც ნიშნავს, რომ მოთხოვნის ზრდასთან ერთად, ფასებიც იზრდება. მა  

გალითად, თუ თქვენ დიდი ოდენობით (იმაზე მეტს, ვიდრე ჩვეულებრივ გჭირდებათ) პროდუქციას იძენთ, ამგვარი ქცევით, პროდუქტზე მოთხოვნას ზრდით. ეს კი კონკრეტული პროდუქტის გაძვირებას იწვევს. ესაა საბაზრო ეკონომიკის ძირითადი პრინციპი, როდესაც ფასს ბაზარი განსაზღვრავს, ოღონდ ერთი მნიშვნელოვანი დეტალის გათვალისწინებით _ მოთხოვნა-მიწოდებას შორის ბალანსის დარღვევის გარეშე და ზომიერების ფარგლებში! 

სხვათა შორის, ამ დღეებში უამრავი ბრიყვული შენიშვნა მოვისმინე, მათ შორის, გეგმიურ ეკონომიკასთან დაკავშირებით, იმაზე აღარაფერს ვამბობ, რომ პროდუქტების ფასები, თურმე, მთავრობამ უნდა გააკონტროლოს. სინამდვილეში, ასეთი რამ საბჭოთა პერიოდში ხდებოდა. მთავრობამ ფასები კი არ უნდა გააკონტროლოს, ბიზნესის სტიმულირების კონკრეტული ღონისძიებები უნდა შეიმუშაოს, თავის მხრივ, ბიზნესმა მაღალი სოციალური პასუხისმგებლობა უნდა გამოიჩინოს და თუ პირობითად, 3-ლარიანი ანტიბაქტერიული გელი, მასზე გაზრდილი მოთხოვნის გამო, ასევე პირობითად, 7-8 ლარამდე გაძვირდება, ქვეყანა არ დაიქცევა, მაგრამ 3-ლარიანი ანტიბაქტერიული გელის 30 ლარად გაყიდვა, თანაც იმ პირობებში, როდესაც ეს პროდუქტი აუცილებელია, ჩვეულებრივი ბიზნეს-დივერსიაა საკუთარი მოქალაქეების წინააღმდეგ! 

სხვათა შორის, სასურსათო მაღაზიათა ქსელების ხელმძღვანელებს, კვირის ბოლოს გამართულ შეხვედრაზე, გიორგი გახარიამ განუცხადა, რომ მთავრობის ინფრასტრუქტურა მზადაა დასახმარებლად, ოღონდ პროდუქტი უნდა იყოს თაროზე, თავის დროზე, საკმარისი რაოდენობითა და შესაბამისი ფასით: 

,,ჩვენი ძირითადი ამოცანა მდგომარეობს იმაში, რომ ამ ქვეყნის მოქალაქემ ძირითადი მოხმარების პროდუქტებზე დეფიციტი არ უნდა იგრძნოს, რადგან ქვეყანაში დეფიციტური მოთხოვნის საფუძველი არ არსებობს. ეს აჟიოტაჟური მოთხოვნა შემიძლია, ორ რამეს დავუკავშირო: პირველი _ შაბათ-კვირაა და მეორე _ საგანგებო მდგომარეობის გამოცხადების მოლოდინია, რისი არანაირი საფუძველი, დღეის მდგომარეობით, ჩვენ არ გვაქვს. ჩვენი ამოცანა მდგომარეობს იმაში, რომ თქვენ მაქსიმალურად დაგეხმაროთ, როგორც ლოგისტიკური პრობლემების გადაწყვეტაში, ასევე, შემოსავლების სამსახურთან და ქსელებთან ურთიერთობებში. ჩვენზე რაც არის დამოკიდებული, ყველაფერს გავაკეთებთ, რომ ეს მოდერაციის ფუნქცია მაქსიმალურად ეფექტურად შევასრულოთ. თქვენგან რაც გვინდა, ისაა, რომ სასაწყობე ნაშთები შესაბამის დონეზე იყოს და სადისტრიბუციო ქსელში პრობლემები არ შეიქ მნას. ობიექტურად, ციფრებით ვიცით, რომ ქვეყანაში, დეფიციტური მოთხოვნის საფუძველი არ არსებობს, ამიტომ ეს პრობლემები ისე გადავწყვიტოთ, რომ თქვენგან უნდა მივიღო სოციალურ პასუხისმგებლობაზე დაფუძნებული კონკრეტული წინადადებები და დაპირებები’‘, _ განაცხადა გახარიამ.

მაია მიშელაძე

]]>
versiaprinti@yahoo.com (super admin) ეკონომიკა Wed, 18 Mar 2020 12:05:42 +0400
არსებობს თუ არა საქართველოში ჰიგიენური საშუალებების მარაგი და გამოაცხადებს თუ არა მთავრობა საგანგებო მდგომარეობას http://www.versia.ge/2013-07-31-11-22-56/item/6599-არსებობს-თუ-არა-საქართველოში-ჰიგიენური-საშუალებების-მარაგი-და-გამოაცხადებს-თუ-არა-მთავრობა-საგანგებო-მდგომარეობას.html http://www.versia.ge/2013-07-31-11-22-56/item/6599-არსებობს-თუ-არა-საქართველოში-ჰიგიენური-საშუალებების-მარაგი-და-გამოაცხადებს-თუ-არა-მთავრობა-საგანგებო-მდგომარეობას.html

რა საფრთხეს უქმნის "მკველი ვირუსის" პანდემია საქართველოს და მსოფლიო ეკონომიკას

კორონავირუსმა მსოფლიოს პოლიტიკური და ეკონომიკური დღის წესრიგი შეცვალა. გლობალური საფრთხის გამო, საერთაშორისო საფონდო ბირჟებზე აქციების ფასი რეკორდულად ეცემა. მეტიც, BBC-ის ინფორმაციით, მსგავსი სიტუაცია მხოლოდ 2008 წელს, მსოფლიო ეკონომიკური კრიზისის დროს დაფიქსირდა. უფრო კონკრეტულად, ჭალლ შტრეეტ-ზე, Dოწ ჟონეს-ის ინდექსი 1 200 პუნქტით დაეცა, რაც გამოცემის ცნობით, ბირჟის ისტორიაში ყველაზე დიდი ვარდნაა. აქციების ფასი აზიის საფონდო ბირჟებზეც რეკორდულად შემცირდა. ცხადია, კორონავირუსის თანმდევი, უარყოფითი ეკონომიკური ეფექტი საქართველოშიც დაფიქსირდა. ეკონომიკისა და მდგრადი განვითარების მინისტრის, ნათია თურნავას განცხადებით, ამ საფრთხის გამო, ქვეყანა თვეში 30 მილიონ ლარს დაკარგავს, რადგან საქართველომ ვირუსის საფრთხის შემცველ, მაღალი რისკის ქვეყნებთან _ ჩინეთსა და იტალიასთან ფრენები შეაჩერა. თურნავამ მოქალაქეებს იმისკენაც მოუწოდა, რომ საფრთხის შემცველ სხვა ქვეყნებშიც _ ირანში, სამხრეთ კორეასა და სინგაპურში მოგზაურობა შეზღუდონ. 

ზოგადად, აპრილის შუა რიცხვებამდე, მსოფლიოს მასშტაბით, არა მარტო საზღვრებზე გადაადგილება შეიზღუდა, არამედ, კულტურული, პოლიტ-ეკონომიკური და სპორტული ღონისძიებებიც გადაიდო. საქართველოს პრემიერ-მინისტრის, გიორგი გახარიას ინიციატივით, კორონავირუსთან დაკავშირებით, უწყებათაშორისი საკოორდინაციო საბჭო შეიქმნა, რომლის რეკომენდაციითაც, საზღვარგარეთ სამუშაო მივლინებები და სასწავლო ვიზიტები დროებით შეიზღუდა. 

ამ ეტაპზე, საქართველოში კორონავირუსის 15 დადასტურებული შემთხვევა დაფიქსირდა, კარანტინში 178 ადამიანი იმყოფება, სტაციონარში, სპეციალური მეთვალყურეობის ქვეშ კი _ 56 პაციენტი (ეს რიცხვები პერიოდულად იცვლება). ამასთან, ნიშანდობლივია, რომ კარანტინში იმყოფება გარემოსა და სოფლის მეურნეობის მინისტრის ერთ-ერთი მოადგილე, რომლის შვილსაც კორონავირუსი დაუდგინდა. პარლამენტის აგრარულ საკითხთა კომიტეტის თავმჯდომარე ოთარ დანელიას კი, რომელიც თვითიზოლაციაში იმყოფებოდა, ახალი კორონავირუსი არ დაუდასტურდა.

 

რას ითხოვს ტურისტული ინდუსტრია მთავრობისგან 

საქართველოს პრემიერ-მინისტრის, გიორგი გახარიას განცხადებით, ხელისუფლება ყველაფერს გააკეთებს, რომ კორონავირუსის გავრცელებით გამოწვეული ეკონომიკური ზიანი შემცირდეს. მისივე თქმით, კორონავირუსს მცირედი ზეგავლენა უკვე ჰქონდა ქართულ ეკონომიკაზე, რაც პირდაპირ უკავშირდება ტურიზმს: 

„კარგად გვესმის, რომ ეს პრობლემა მთავრობის მოსაგვარებელია. ჩვენ გამოვიყენებთ ყველა იმ ინსტრუმენტს, რაც მთავრობის ხელშია, როგორც მონეტარული, ისე ფისკალური თვალსაზრისით. მართალია, ქართულმა ეკონომიკამ გლობალური გამოწვევების წინაშე, სერიოზული მაკროეკონომიკური მდგრადობა შეიძინა, მაგრამ გვესმის, რომ ფრთხილად უნდა ვიყოთ და ყველაფერი გავაკეთოთ, რათა ჩვენს ეკონომიკურ ზრდაზე, ამ ვირუსს მინიმალური გავლენა ჰქონდეს“. 

გახარიას თქმითვე, ეკონომიკის სამინისტრო და ეროვნული ბანკი ერთობლივად იმუშავებენ, რომ ზიანი მინიმუმამდე შემცირეს. 

პარალელურად, კორონავირუსის გავრცელების გამო დაწესებული შეზღუდვით გამოწვეულ ზიანზე, ტურიზმის სფეროს წარმომადგენლებიც ალაპარაკდნენ. მათი თქმით, ამ ინდუსტრიაში მომუშავე კომპანიებისა და სასტუმროების ნაწილი დახურვის საფრთხის წინაშე დგას, ამიტომ ისინი ხელისუფლებას დახმარებას სთხოვენ. 

მეტიც, ტურისტული ინდუსტრიის წარმომადგენლები მთავრობას სთხოვენ, რომ ქვეყანაში შექმნილი მდგომარეობა, ოფიციალურად ფორსმაჟორად შეფასდეს. მათ ოფიციალური წერილით მიმართეს ეკონომიკისა და მდგრადი განვითარების მინისტრს და აღნიშნეს, რომ ტურიზმის სექტორში, საქართველოში, 100 000-ზე მეტი ადამიანია დასაქმებული, ტურიზმის სფეროდან მიღებული შემოსავალი კი ქვეყნის ეკონომიკის 20%-ზე მეტია. 

ტურიზმის სექტორის წარმომადგენლები ამ წერილით ითხოვენ, რომ მთავრობამ სექტორში დასაქმებული ორგანიზაციების, კომპანიებისა და სასტუმროების მხარდაჭერის მიზნით, შესაბამისი სამართლებრივი აქტი მიიღოს. ისინი ითხოვენ მხარდაჭერას, რათა სახელმწიფომ სხვადასხვა სახის, მათ შორის, კომუნალური გადასახადები გარკვეული ვადით გადაავადოს, ხოლო დავალიანება შემდგომ თვეებზე გადაანაწილოს. 

გარდა ამისა, ტურიზმის სექტორის წარმომადგენლები, მთავრობას მხარდაჭერასა და შუამდგომლობას საბანკო სექტორთანაც სთხოვენ, რათა მათი საბანკო ვალდებულებები გადაავადონ. 

რატომ არ ცხადდება საგანგებო მდგომარეობა 

 

არა მარტო ტურიზმის ინდუსტრია, კორონავირუსი საფრთხეს სრულიად ბიზნესს უქმნის, განსაკუთრებით, იმპორტიორებს და თუ უფრო მეტად დავკონკრეტდებით, სწორედ მათ, რომლებსაც სხვადასხვა სახის პროდუქცია ჩინეთიდან, ირანიდან, იტალიიდან, სამხრეთ კორეადან, ან სხვა ქვეყნებიდან შემოაქვთ. ვირუსის გავრცელების საფრთხის პრევენციის მიზნით, ქვეყნის მასშტაბით, საზღვრებზე ლამის საგანგებო რეჟიმია შემოღებული. ლამის იმიტომ, რომ მთავრობას საგანგებო მდგომარეობა ოფიციალურად არ გამოუცხადებია. არადა, წინააღმდეგ შემთხვევაში, ნებისმიერი გადასახადის, თუნდაც ბანკში აღებული კრედიტის გადავადება წარმოუდგენელია. 

დიახ, ყველას, მათ შორის, საბანკო ბიზნესსაც კარგად ესმის ქვეყანაში დღეს არსებული მდგომარეობა, მაგრამ ამის მიუხედავად, იმპორტიორს საბანკო კრედიტს ვერ გადაუვადებს, თუ ქვეყნის ხელისუფლება გარკვეული ვადით საგანგებო მდგომარეობას, იგივე ფორსმაჟორს არ გამოაცხადებს. 

ბიზნესისთვის წყალივით და ჰაერივით აუცილებელ, ამ მართლაც სერიოზულ პრობლემაზე,„ვერსიას“ ექსპერტი ლევან ალაფიშვილი ესაუბრა: 

_ ბატონო ლევან, კორონავირუსის გამო, მსოფლიო საფონდო ბირჟებზე აქციების ფასი დაეცა, ნათია თურნავას განცხადებით კი საქართველოს ეკონომიკა თვეში 30 მილიონ ლარს დაკარგავს. ფაქტია, რომ ვირუსის გვერდითი ეფექტები ქვეყნის ეკონომიკას ძვირი უჯდება, არ მეთანხმებით? 

_ განსახილველი შემთხვევა იმ კატეგორიას მიეკუთვნება, რომელიც არა მხოლოდ კონკრეტულ ქვეყანას, არამედ, გლობალურად ყოველდღიურ ცხოვრებას, ადამიანთა აქტივობას, მათ ქცევას, განწყობებსა და მოთხოვნილებებსაც კი ცვლის. მარტივი, ადამიანური ინსტიქტია, რომ რაიმე საშუალება ნახოს, რათა დაიცვას თავი, თუნდაც საკუთარი მოქმედების შეზღუდვით. ამ საფრთხეს ყველა სფეროზე აქვს გავლენა

და არა მხოლოდ კონკრეტულ ქვეყანაში _ საქართველოში, არამედ, გლობალურად. როგორი იქნება ეს გავლენა, ყოველი კონკრეტული ქვეყნის საზოგადოებასა და მთავრობაზე, მათ ქცევასა და გადაწყვეტილებებზეა დამოკიდებული ანუ რამდენად დიდია ნდობა საზოგადოებასა და მთავრობას შორის, რამდენად დამაჯერებელია მთავრობა საზოგადოების თვალში, რათა პანიკა არ დაიწყოს. 

_ ბოლო მონაცემებით, საქართველოში კორონავირუსის 15 შემთხვევა დაფიქსირდა, თუმცა როდესაც პირველი შემთხვევა დადასტურდა, კარგად ვნახეთ, რა აჟიოტაჟი ატყდა თბილისის ცენტრში, ერთ-ერთ სუპერმარკეტში. საბედნიეროდ, ამგვარი პანიკა აღარ შეინიშნება, მაგრამ საზოგადოებრივ ტრანსპორტში, ადამიანები მხოლოდ იმაზე საუბრობენ, მოიმარაგეს თუ არა ბრინჯი, შაქარი, ზეთი, მაკარონი, ფქვილი... როგორ იქცევიან მთავრობები ასეთ დროს? 

_ იქ, სადაც მთავრობისადმი ნდობა საკმარისად მაღალი არაა, სადაც მთავრობა დამაჯერებლად არ იქცევა, მით უმეტეს, ინფორმაცია საჯარო და გამჭვირვალე არაა, ადამიანს ბუნებრივად უჩნდება გადაჭარბებული წუხილი, თვითგადარჩენის ინსტიქტი და ამგვარი პანიკური ქმედების საფუძველიც ესაა. 

ყველაზე მნიშვნელოვანი ისაა, რომ კანონის ფარგლებში, მთავრობამ ოპერატიულად უზრუნველყოს მაქსიმალური გამჭვირვალობა იმ ინფორმაციისა, რაც ვირუსს უკავშირდება. მნიშვნელოვანია ისიც, რომ საზოგადოებას მიაწოდონ ინფორმაცია მარაგების შესახებ. მაგალითად, პირბადეების დეფიციტი ხომ შეიქმნა? შესაძლოა, პირველ დღეებში ამაზე სამსჯელოდ არ გვეცალა, მაგრამ კითხვა უნდა დავსვათ _ რატომ გაჩნდა ეს დეფიციტი? იმ პირობებში, როდესაც გვაქვს ორი სამსახური საგანგებო სიტუაციების მართვის სისტემაში _ თვითონ ეს სამსახური და საჯარო სამართლის იურიდიული პირი სამოქალაქო უსაფრთხოებისა, რატომ არ გვაქვს, მაგალითად, საგანგებო სიტუაციების დებულება, რომელიც მატერიალურ რეზერვებს ეხება? რატომ არ აქვს მთავრობას დამტკიცებული მატერიალური რეზერვების ნომენკლატურა და ოდენობები? ეს კანონით გათვალისწინებული საკითხებია, რაც მთავრობას უნდა ჰქონდეს დამტკიცებული. არ ვგულისხმობ მატერიალური რეზერვების კონკრეტულ საკითხებს, რომლებიც შესაძლოა, სახელმწიფო საიდუმლოება იყოს, მხოლოდ იმ საკითხზე ვამახვილებ ყურადღებას, რაც კანონშია გაწერილია _ დებულებასა და ნომენკლატურას, ორივე მათგანი მთავრობას უნდა დაემტკიცებინა, მაგრამ სამწუხაროდ, ამის შესახებ ჯერ კიდევ არაფერი ვიცით! 

მნიშვნელოვანია, სწორედ ამ საკითხებზე მიაწოდონ დამაჯერებელი ინფორმაცია საზოგადოებას, რადგან ამ მოცემულობაში, როდესაც საფრთხე გლობალურია და რომლის მასშტაბი ძალიან დიდია, ადამიანი საკმარის ინფორმაციას ვერ იღებს, ამიტომ მისი ქცევა ემოციურ ფონს ეფუძნება, რაც სრულიად ლოგიკურია. 

როდესაც ადამიანი ხედავს, რომ გარკვეული პროდუქტის მარაგი აღარაა, მაგალითად აფთიაქებში პირბადეებისა და სხვა საშუალებების დეფიციტია, ცხადია, მისი ქცევა პანიკაში გადაიზრდება. ახლა ყველაზე მეტად აქტუალური ისაა, მთავრობამ თქვას, აქვს თუ არა შენახული ეს პირბადეები, როგორც მატერიალური რეზერვი. საქართველოში მატერიალური რეზერვები ორი სახისაა _ სახელმწიფო მარაგი, რაც შეიძლება, საგანგებო სიტუაციებისთვის არსებობდეს და სამობილიზაციო მარაგი, რაც საგანგებო და საომარ მდგომარეობებს ეხება. პირბადე და პირადი ჰიგიენისთვის აუცილებელი საშუალებები კი ორივე სახის მარაგში უნდა იყოს დარეზერვებული. მთავრობამ დამაჯერებელი პასუხები უნდა გაგვცეს, გვაქვს თუ არა საქართველოში მატერიალური რეზერვები? 

ამ მატერიალურ რეზერვებში, სისტემურად მოწესრიგებულია თუ არა ყველაფერი? რატომ არ არსებობს მთავრობის მიერ დამტკიცებული დებულება, ნომენკლატურა და მოცულობები? თუ არსებობს, რატომ არაა საჯაროდ ხელმისაწვდომი? რატომ არ არის დამტკიცებული დებულება სახელმწიფო მატერიალური რეზერვების შესახებ? პირბადე იქნება თუ სხვა სადეზინფექციო სითხეები ან გელები, გვაქვს თუ არა მატერიალურ რეზერვებში? 

_ რა კითხვებიც ახლა დასვით, ცხადია, ერთმნიშვნელოვნად საინტერესოა, მაგრამ არანაკლებ სერიოზულ პრობლემებთან უწევს გამკლავება ბიზნესს, კერძოდ, იმპორტიორებს. ვანო პავლიაშვილის გადაცემა `პოლიტიკურ ბარში~, რომელიც ყოველ კვირას, ტელეკომპანია `კავკასიაზე~ გადის, `ტრიბუნას~ ლიდერმა, დავით ჭიჭინაძემ განაცხადა, რომ ორი-სამი კვირის მანძილზე, სატრანსპორტო საშუალებები გადაჰყავთ კარანტინში ანუ ამ ხნის მანძილზე, იმპორტიორს ხელ-ფეხი შეკრული აქვს, არადა, ამ ხალხს საბანკო კრედიტები აქვს აღებული. როგორ იქცევა სახელმწიფო ასეთ პირობებში, საგანგებო მდგომარეობას აცხადებს? 

_ ლოკალური მასშტაბით, მაგრამ რეალური საგანგებო მდგომარეობა ყველამ ერთად, 2015 წლის 13 ივნისს, თბილისის წყალდიდობის დროს გავიარეთ. მაშინ ბევრი რამ საგანგებო რეჟიმში მიდიოდა, თუმცა მთავრობამ საგანგებო მდგომარეობა არ გამოაცხადა, რაც დღემდე ამოუხსნელია ჩემთვის. არადა, ზუსტად ესაა საფუძველი, რომ თბილისის წყალდიდობას შეეწირა ის ადამიანი, რომელიც ვეფხვმა იმსხვერპლა. საგანგებო მდგომარეობა რომ გამოცხადებულიყო და იმ ტერიტორიაზე გადაადგილება შეეზღუდათ, ის ადამიანი იქ ვერ მოხვდებოდა და ცხადია, არც დაიღუპებოდა. ჩვენი მოქალაქეების, პირველ რიგში, ახალი თაობის შეგნების დამსახურება იყო, რომ უფრო მძიმე შედეგები არ მივიღეთ. გახსოვთ, ალბათ, მთავრობა სთხოვდა მოქალაქეებს, არ იმოძრაოთ წყალდიდობის ეპიცენტრის _ გმირთა მოედნის მიმართულებითო, არადა, ასეთ სიტუაციაში, ნებისმიერ ქვეყანაში, მთავრობა კი არ სთხოვს, კრძალავს მოძრაობას! 

თუ ყველაფერ ამას გავითვალისწინებთ და მაშინდელ ვითარებას დღეს არსებულ მდგომარეობას შევადარებთ, ვნახავთ, რომ იგივე, კარანტინიდანაც დაფიქსირდა გაქცევის შემთხვევა. ხაზგასმით გეუბნებით, ადამიანთა კარანტინში მოთავსება გარკვეული დროის განმავლობაში, მათი ნების საწინააღმდეგოდ, კონსტიტუციური უფლების შეზღუდვაა! კონსტიტუციური უფლების შეზღუდვა კი მხოლოდ საგანგებო და საომარი მდგომარეობის დროს, შესაბამისი კანონით გათვალისწინებულ პირობებშია შესაძლებელი! ეს ეხება საზღვარზე გადაადგილების შეზღუდვასაც. 

საგადასახადო შეღავათები ახსენეთ, მაგრამ თუ შესაბამისი პირობები არ არსებობს, რაც საგანგებო რეჟიმის შემოღებას გულისხმობს, ბიზნესისთვის ეს გარემოება ფორსმაჟორად არ და ვერ ჩაითვლება! გახსოვთ, ალბათ, თბილისის წყალდიდობის დროს, მოლაპარაკებებისა და კომპენსაციების გაცემისას, ყველაზე დიდი პრობლემა იმიტომ შეიქმნა, რომ ბანკები აცხადებდნენ, ფორსმაჟორი არ იყო გამოცხადებულიო, ფორსმაჟორი კი საგანგებო ან საომარი მდგომარეობის თანმდევი რეჟიმია. 

ამდენად, ეს არაკოორდინირებული მოქმედების ბრალია და სამწუხაროდ, ჩვენი ადმინისტრაცია არც 2015 წელს და არც ახლა არაა მზად, როგორც საგანგებო სიტუაციების მართვისთვის, ასევე ზიანის შესამცირებლად. 

_ ბატონო ლევან, ვინ აცხადებს საგანგებო მდგომარეობას _ მთავრობა თუ პრეზიდენტი? 

_ თანახელმოწერაა საჭირო, მაგრამ ამ პროცესს დეტალურად აგიხსნით. საგანგებო მდგომარეობა, საფუძვლების გარდა, საომარი მდგომარეობისგან იმით განსხვავდება, რომ საომარი მდგომარეობა ქვეყნის მთელ ტერიტორიაზე ცხადდება, საგანგებო მდგომარეობა კი _ ქვეყნის ნაწილზე, ნაწილებზე ან მთელი ქვეყნის ტერიტორიაზე შეიძლება გამოცხადდეს. 

გამოცხადების პროცედურა ასეთია _ მთავრობისა და პრეზიდენტის ინტერეაქციით ანუ თანახელმოწერა მაქვს მხედველობაში, ცხადდება მთლიან ტერიტორიაზე, მის ნაწილზე, ან ნაწილებზე გარკვეული, საგანგებო დროით და ეს გადაწყვეტილება დასამტკიცებლად შედის პარლამენტში. საგანგებო და მხოლოდ საგანგებო მდგომარეობის გამოცხადების შემდეგ, პრეზიდენტის დეკრეტით, ოღონდ ამ შემთხვევაშიც მთავრობასთან კოორდინაციით, შეიზღუდება კონკრეტული უფლება, იქნება ეს გადაადგილების უფლება, მაგალითად, საზღვრების გადაკვეთა-გადმოკვეთა, გარკვეული რეჟიმები, კარანტინის საკითხები და ყველა ის საკითხი, რაც შესაძლოა, კონსტიტუციური უფლების შეზღუდვას უკავშირდებოდეს. 

_ გამოდის, ბიზნესისთვის გარკვეული შეღავათებიც, სწორედ ამ დეკრეტით უნდა გაიწეროს? 

_ თავისთავად! 

როდესაც საგანგებო, ან საომარი მდგომარეობა ცხადდება, ეს უკვე ფორსმაჟორული მდგომარეობაა და თვითონ ფორსმაჟორული მდგომარეობა ბიზნესისთვის, რა თქმა უნდა, ერთგვარი „შეღავათია“. იმ შემთხვევაში, თუ დადასტურებელი ფორსმაჟორია, ერთი მხარე აცნობებს მეორეს, რომ აქ, ამა და ამ ტერიტორიაზე ფორსმაჟორია და შესაბამისად, პასუხისმგებელი არ არის ვალდებულებების შეუსრულებლობაზე. თუ მთავრობა საგანგებო მდგომარეობას არ გამოცხადებს, სამწუხაროდ, ბიზნესი დაზარალდება. ის მაგალითი, რაც კითხვაში მოიყვანეთ, რომ გარკვეული დროის მანძილზე, იმპორტიორის ტვირთი კარანტინშია გაჩერებული, ხოლო მეწარმეს კრედიტი აქვს აღებული, რომელიც აუცილებლად უნდა გაისტუმროს, ამ კონკრეტული მეწარმის ფინანსური პრობლემებით დასრულდება, ვინაიდან ქვეყანაში შექმნილი ფორსმაჟორი არ დადასტურდება. 

_ თქვენი აზრით, მთავრობას უნდა მოვუწოდოთ, რომ საგანგებო მდგომარეობა გამოაცხადოს? 

_ მე რომ მთავრობის მრჩეველი ვიყო, საგანგებო მდგომარეობის ნაწილობრივ გამოცხადების რეკომენდაციას გავცემდი იმის გათვალისწინებით, რომ შესაძლოა, დღეს, ქვეყანაში საგანგაშო მონაცემები არ არის, მაგრამ ამ ვირუსის გლობალური განვითარება, ამასთან, საქართველოს ინტერაქცია და მოსახლეობის კავშირები გარე სამყაროსთან _ მათი ინტენსივობა, საფუძვლიანს ხდის ვარაუდს, რომ ეს საფრთხე, რომელიც ზრდადია, შესაძლოა, საქართველოშიც გაიზარდოს. 

სწორედ ამ გლობალური საფრთხის პრევენციისთვის, საგანგებო მდგომარეობას ნაწილობრივ, ან გარკვეულ ტერიტორიებზეც კი, აუცილებლად გამოვაცხადებდი!

მაია მიშელაძე

 

]]>
versiaprinti@yahoo.com (super admin) ეკონომიკა Wed, 11 Mar 2020 05:16:27 +0400
რატომ და როგორ აღმოჩნდა ინფექციური საავადმყოფო პოლიტიკური დაპირისპირების ეპიცენტრში _ ექსკლუზიური ინტერვიუ „ავერსის“ გენდირექტორთან http://www.versia.ge/2013-07-31-11-22-56/item/6587-რატომ-და-როგორ-აღმოჩნდა-ინფექციური-საავადმყოფო-პოლიტიკური-დაპირისპირების-ეპიცენტრში-_-ექსკლუზიური-ინტერვიუ-„ავერსის“-გენდირექტორთან.html http://www.versia.ge/2013-07-31-11-22-56/item/6587-რატომ-და-როგორ-აღმოჩნდა-ინფექციური-საავადმყოფო-პოლიტიკური-დაპირისპირების-ეპიცენტრში-_-ექსკლუზიური-ინტერვიუ-„ავერსის“-გენდირექტორთან.html

რა პირობით იყიდა ინფექციურის ტერიტორია და შეასრულა თუ არა „ავერსი ფარმამ“ ხელშეკრულებით ნაკისრი ვალდებულებები _ გამოცხადებული და ჩაშლილი ტენდერების ქრონიკა

გასული კვირის ბოლოს, ინფექციური საავადმყოფოს ხელმძღვანელებმა ,,მთავარ არხს'' ბოიკოტი გამოუცხადეს. თენგიზ ცერცვაძემ და მისმა მოადგილემ, მარინა ეზუგბაიამ ამ არხზე გასულ სიუჟეტს, რომელიც ინფექციურ საავადმყოფოში არსებულ მდგომარეობას ასახავდა, ცილისმწამებლური და შეკვეთილი უწოდეს. ჩვენ მტყუან-მართლის გარჩევას არ შევუდგებით, მაგრამ საავადმყოფოს ხელმძღვანელობას ერთ საკითხში უდავოდ ვეთანხმებით _ ინფექციური საავადმყოფო ოთხვარსკვლავიანი სასტუმრო არ არის, აქ მთავარი ექიმებისა და მედპერსონალის პროფესიონალიზმია: „ეს კოლექტივი, მთელი თვეა, საკუთარი სიცოცხლის რისკის ფასად, 24-საათიან რეჟიმში ემსახურება პაციენტებს. ეს კოლექტივი განსაკუთრებული გულისხმიერებითა და მაღალი პროფესიონალიზმით აწოდებს პაციენტებს უმაღლესი კვალიფიკაციის სამედიცინო სერვისებს. ამ კოლექტივზე იმის თქმა, თითქოს ერთი თერმომეტრით უზომავენ სიცხეს პაციენტებს, არის მტკნარი სიცრუე! მათ არამარტო შეურაცხყოფა მიაყენეს ცენტრის კოლექტივს, არამედ, საფრთხე შეუქმნეს საქართველოს მოსახლეობას და განსაკუთრებით მოსახლეობის იმ ნაწილს, ვისაც დღეს აღენიშნება, ან შეიძლება ჰქონდეს რესპირატორული ინფექციის სიმპტომები“, – განაცხადა თენგიზ ცერცვაძემ. 

ზოგადად, კორონავირუსის საფრთხემ და მასთან დაკავშირებულმა პრევენციის ზომებმა, მსოფლიო დღის წესრიგი შეცვალა. ამ გლობალურ საფრთხეს საქართველოც ებრძვის და არცთუ უხეიროდ. მოვლენების ეპიცენტრი კი, საჰაერო და სახმელეთო სასაზღვრო-გამშვებ პუნქტებთან ერთად, ინფექციური საავადმყოფოცაა, სადაც პაციენტების კარანტინისთვის სპეციალური ბოქსებია შექმნილი. თენგიზ ცერცვაძემ ჟურნალისტებს ისიც აუხსნა, რომ ინფექციური საავადმყოფოს შენობა მათი საკუთრება არაა და დასძინა, რომ პრემიერ-მინისტრის უშუალო ჩართულობით, სახელმწიფო უმოკლეს ვადებში შეიძენს შენობას, სადაც ინფექციური საავადმყოფო განთავსდება. ვნახოთ, შეძლებს თუ არა გიორგი გახარია ამ დაპირების შესრულებას, რადგან 2009 წლიდან მოყოლებული, როდესაც ყაზბეგის #16-ში არსებული მიწის ნაკვეთი და მასზე დამაგრებული შენობა-ნაგებობები ,,ავერსი ფარმამ'' შეიძინა, ინფექციური საავადმყოფო ყოველ წელს ,,გადააქვთ'' სხვა შენობაში, ოღონდ პრობლემა ისაა, რომ ამ 11 წლის განმავლობაში, არც ,,სხვა ტერიტორია'' აღმოჩნდა თბილისში და თქვენ წარმოიდგინეთ, არც _ ,,სხვა შენობა'', სადაც ინფექციური კლინიკა განთავსდება. აღარაფერს ვამბობ ბოლო რვა წლის მანძილზე, ლამის ყოველ წელს გამოცხადებულ და მერე ჩაშლილ ტენდერებზე, თუმცა გამოცხადებულ და ჩაშლილ ტენდერებამდე ჯერ ამ პრობლემის პოლიტიკური სარჩული განვიხილოთ.

ინფექციური კლინიკა პოლიტიკურ ბატალიებში 

ეს სტატია ინფექციური საავადმყოფოს დირექტორის მოადგილის, მარინა ეზუგბაიას ბოიკოტით დავიწყე, რომელიც ,,მთავარ არხს'' გამოუცხადა და ისიც აღვნიშნე, რომ ქალბატონი მარინა ამ არხზე გასული სიუჟეტის გამო აღშფოთდა. წარმოიდგინეთ, მედია ელოდება ბრიფინგს, სადაც კორონავირუსთან დაკავშირებით ბოლო ინფორმაცია უნდა მოისმინოს, მაგრამ ამ დროს გამოდის კლინიკის ხელმძღვანელი და აცხადებს, ბოიკოტს ვუცხადებ ,,მთავარ არხს'' და ვიდრე მისი ჟურნალისტები ტერიტორიას არ დატოვებენ, ინფორმაციას არ მოგცემთო. 

სხვა საკითხია, რამდენად ობიექტური ინფორმაცია გავიდა იმ ტელეარხზე, ან შეეფერებოდა სიმართლეს თუ არა კონკრეტულ სიუჟეტში ასახული ფაქტები, მაგრამ ყველაზე მნიშვნელოვან მომენტში ანუ იმ დროს, როდესაც გლობალურ საფრთხესთან დაკავშირებით ინფორმაციის ერთ-ერთი მთავარი წყარო ხარ და მედიას ულტიმატუმს უყენებ, რბილად რომ ვთქვა, არაეთიკურია. მაპატიეთ, მაგრამ 24-საათიან რეჟიმში შეუსვენებლად მუშაობაც კი არ ამართლებს ასეთ ბოიკოტს, ან გნებავთ, ულტიმატუმს. ამის მიუხედავად, კიდევ ერთხელ გავიმეორებ, რომ სრულიად ვიზიარებ თენგიზ ცერცვაძის მოსაზრებას, როდესაც ბრძანა, ინფექციური საავადმყოფო ოთხვარსკვლავიანი სასტუმრო არ არისო... 

ეს დაპირისპირება კვირას, 1 მარტს, ნიკა გვარამიამ ,,მთავარ აქცენტებში'' გააგრძელა, სადაც განაცხადა, რომ გადაცემის სტუმარი დაავადებათა კონტროლის ეროვნული ცენტრის დირექტორი, ამირან გამყრელიძე უნდა ყოფილიყო, მაგრამ გადაცემაში მონაწილეობაზე უარი თქვა: 

„მიზეზი ის არის, რომ მას აუკრძალეს აქ მოსვლა და ამაში დარწმუნებული ვარ, მისდამი პატივიცსცემის მიუხედავად, რომელიც აღარ შემრჩა. ადამიანებს უნდა ესაუბრო ყველა მედიით და ყველა საშუალებით იმ საშიშროებაზე, რომელიც მოდის. მან ყველაზე პოპულარული თოქშოუს ეთერი არ გამოიყენა. ერთი საათი უნდა დაგვეთმო მისთვის, რომ მოსახლეობასთან ელაპარაკა... ესეც თქვენი ექიმი და საჯარო მოხელე. თუ შეგრჩათ იოტი პატივისცემა, ძალიან ოპტიმისტი ხართ, მაგრამ მე მათ რიგებს არ მივეკუთვნები, რადგან პატივისცემა არ შემრჩა''. 

მეორე დღეს, 2 მარტს, ამირან გამყრელიძემ ნიკა გვარამიას უპასუხა და აღნიშნა, რომ ორი დღით ადრე, გადაცემაში სტუმრობაზე მართლაც დათანხმდა: 

,,მე მას დავთანხმდი, როცა ნიკა მელაპარკა, რომ მის ეთერში მივიდოდი და ვისაუბრებდი, როგორც ბევრგან. ვისაუბრებდი იმაზე, რაც დღეს მიმდინარეობს, ოღონდ იმ პირობით, რომ ამ შოუს პოლიტიკური სარჩული არ ექნებოდა. არ მინდა პოლიტიკური კომენტარი. 2004 წლის შემდეგ, პოლიტიკურ კომენტარებს აღარ ვაკეთებ. მოკლედ გეტყვით, არ მინდოდა ამაზე საუბარი, მაგრამ ის, რაც გუშინ, ბატონმა გვარამიამ იკადრა პირადად ჩემს მიმართ _ მე მიჩვეული ვარ ტალახის სროლას. დიდი გზა მაქვს გავლილი, ტალახიც უსროლიათ და ვიღაცას შევუქივარ. ვიცი, რომ ვემსახურები ჩემს ქვეყანას და ამ დროს, შეიძლება ტალახიც გესროლონ, მაგრამ ცუდია, როცა დაუმსახურებლად გიკეთებენ ამას. ბევრი ტალახი ისროლა გუშინ, პირადად მან. მადლობა მინდა ვუთხრა, იმ ექიმებს, ვინც იმ გადაცემაში ისხდნენ არც ერთი არ აჰყვა. ისინი პროფესიონალები არიან''. 

შემთხვევით არ მითქვამს, რომ მარინა ეზუგბაიას ბოიკოტი, როგორი მართალიც უნდა ყოფილიყო, მთლად გამართლებული არ არის, თუმცა ზუსტად იგივეს თქმა შემიძლია ნიკა გვარამიას ეპატაჟურ მონოლოგზე. თავადვე ბრძანა, ამ გადაცემაში ეპატაჟური უნდა ვიყოო, ამისთვის სიგარეტიც მოსწია, რათა საზოგადოებისთვის ეთქვა, რომ მოწევა მავნებელია ჩვენი ჯანმრთელობისთვის _ სასუნთქ გზებს უქმნის საფრთხეს და კორონავირუსი, პირველ რიგში, სწორედ სასუნთქ გზებს აზიანებს, მაგრამ ყველაფერი ეს ნაკლებად ეპატაჟური იყო. განსაკუთრებით, ,,მთავარი არხისა'' და ინფექციურის დაპირისპირების ფონზე და ახლავე აგიხსნით, რატომ: 

დავიწყოთ იმით, რომ ყაზბეგის #16-ში არსებულ მიწის ნაკვეთსა და შენობა-ნაგებობებზე ღია აუქციონი 2009 წლის დეკემბერში გამოცხადდა ანუ იმ დროს, როდესაც ბატონი გვარამია ჯერ კიდევ ხელისუფლებაში იყო და განათლებისა და მეცნიერების მინისტრის პოსტს იკავებდა. მოკლედ, ღია აუქციონის წესით, ეს ტერიტორია შპს ,,ავერსი ფარმამ'' შეიძინა, რომელსაც ხელშეკრულების მთავარ პირობად განუსაზღვრეს, რომ ორი წლის განმავლობაში ანუ 2011 წლის დეკემბრამდე ამ ტერიტორიაზე არსებული კლინიკის პროფილი არ შეიცვლებოდა და რაც მთავარია, იჯარის გადასახადსაც არ აიღებდა. ასეც მოხდა, ,,ავერსი ფარმამ'' პირობა პირნათლად შეასრულა, მაგრამ 2011 წელს სახელმწიფომ ინფექციური ,,სხვაგან'' ვერ გადაიტანა. 

მართალია, ამ დროს ნიკა გვარამია ხელისუფლებაში აღარ იყო (განათლებისა და მეცნიერების მინისტრის სავარძელი 2009 წლის დეკემბერშივე დატოვა), მაგრამ ვისი ბრალია, რომ ინფექციური საავადმყოფო ისევ იმ შენობაშია განთავსებული, სადაც წესითა და რიგით, 2011 წლის შემდეგ აღარ უნდა იყოს? 2012 წლიდან ვიცი, ვისი ბრალიცაა და ამაზე ქვემოთ, მაგრამ 2011 წელს რომ პირობა ვერ და არ შეასრულეთ, ინფექციურისთვის სხვა შენობა ვერ და არ გამონახეთ, ,,ავერსი ფარმა'' კი ,,აიძულეთ'', ინფექციურისთვის ხელშეკრულება გაეგრძელებინა, ყველაფერი ეს, ვისი ბრალია? 

ძალიან ადვილია სიუჟეტის მომზადება თემაზე, რომელიც ორჯერ ორი ოთხივით იცით, უფრო ზუსტად, თემაზე, რომელიც ხელისუფლებაში ყოფნის დროს, გააფუჭეთ (თქვენ თუ არა, თქვენმა კოლეგამ და კოლეგებმა აშკარად გააფუჭეს), მაგრამ ახლა სულ სხვა პოზიციიდან, თანაც ხელისუფლების მთავარი ოპონენტის როლში, საზოგადოებისთვის თვალებში ნაცრის შეყრაზე მარტივი არაფერია. ოღონდ, იმ შემთხვევაში, თუ გამოგივიდოდათ, მაგრამ აკი, გითხარით, ვერ და არ შედგა თქვენი ეპატაჟი-თქო, ყოველ შემთხვევაში, 1 მარტს, კვირის ,,მთავარ აქცენტებში'' ნამდვილად არ შემდგარა, იმის მიუხედავად, რომ მზესუმზირებიანი პერანგი გეცვათ, რომელიც ძალიან გიხდებოდათ და გადაცემის ბოლოს, არყითაც დალოცეთ ქართველი ექიმები. 

ცოტა რამ ,,ავერსი ფარმაზე'' 

1999 წლის 14 მაისს, სამეწარმეო რეესტრში ოფიციალურად დარეგისტრირდა შპს ,,ავერს-ფარმი''. კომპანია ძმებმა _ პაატა და ნიკოლოზ კურტანიძეებმა 2 000-ლარიანი საწესდებო კაპიტალით დააფუძნეს. ,,ავერს-ფარმის'' 67%-იან წილს თავიდანვე პაატა კურტანიძე, 33%-იან წილს კი ნიკოლოზ კურტანიძე ფლობდა. კომპანიის წარმომადგენლობაზე უფლებამოსილი პირი და გენერალური დირექტორი თავიდანვე პაატა კურტანიძე იყო. 2001 წელს, კომპანიამ სახელწოდება და იურიდიული მისამართი შეიცვალა. შპს ,,ავერს-ფარმი'', უკვე შპს ,,ავერსი ფარმად'' გადაკეთდა, ბუდაპეშტის ქუჩის ნაცვლად კი, კომპანიამ ბინა აღმაშენებლის #148-ში დაიდო. 

ამ კონკრეტულ შემთხვევაში ანუ 2001 წელს განხორციელებულ ცვლილებებში, კომპანიის დამფუძნებლების ვინაობა და მათი წილობრივი მონაწილეობა არ შეცვლილა. მეტიც, სამეწარმეო რეესტრში გენერალურ დირექტორად ისევ პაატა კურტანიძე იყო მითითებული. უკვე ,,ავერსი ფარმას'' 67%-იან წილს ისევ პაატა კურტანიძე, 33%-იანს კი მისი ძმა _ ნიკოლოზ კურტანიძე ფლობდა. გენერალური დირექტორი ამ შემთხვევაშიც პაატა კურტანიძე იყო. 2012 წლიდან, შპს ,,ავერსი ფარმაში'' მხოლოდ გენერალური დირექტორი შეიცვალა ანუ ძმები _ პაატა და ნიკოლოზ კურტანიძეები, იგივე წილობრივი მონაწილეობით, ისევ კომპანიის მფლობელებად დარჩნენ, ხოლო შპს-ს დირექტორად, რეესტრის ჩანაწერებში, ირაკლი ფურცელაძე გამოჩნდა. 

ერთი შეხედვით, საჯარო რეესტრის ამ ჩვეულებრივი, ბიუროკრატიული ჩანაწერებიდან ბევრი არაფერი ირკვევა და სკანდალურიც არაფერია, თუმცა ის, რაც წლბისწინ, ,,ვერსიას'' კარგად ინფორმირებულმა წყარომ უამბო, ცხადია, სამეწარმეო რეესტრის ოფიციალურ ნაწილში ვერ და არ მოხვდებოდა. ,,ვერსიის'' კარგად ინფორმირებული წყაროს ინფორმაციით, რომელიც კულუარებში დაგვიდასტურეს, 1999-2003 წლებში, შპს ,,ავერსი ფარმას'' 33%-იანი წილის მფლობელი, საქართველოს ჯანდაცვის მაშინდელი მინისტრი ავთო ჯორბენაძე იყო, მაგრამ ჩინოვნიკი ოფიციალურად ხომ ვერ გამოჩნდებოდა? ამიტომ, ჯორბენაძის კუთვნილი წილი, პაატა კურტანიძემ მისი ძმის, ნიკოლოზ კურტანიძის სახელზე გააფორმა, რომელიც პროფესიით ინჟინერია. სულ მალე, ,,ავერსი'' ძალიან წარმატებულ კომპანიად და ფარმაცევტული ბაზრის ლიდერად იქცა. 2003 წლის 23 ნოემბრის შემდეგ, ვითარება რადიკალურად შეიცვალა, ,,ვარდების რევოლუციიდან'' რამდენიმე დღის შემდეგ, როდესაც დარწმუნდა, რომ მიხეილ სააკაშვილისა და ნაციონალური მოძრაობის გამარჯვებას წინ აღარაფერი დაუდგებოდა, პაატა კურტანიძემ ავთო ჯორბენაძეს განუცხადა, რომ ,,ავერსი ფარმაში'' წილს აღარ ფლობდა და იგი ვანო მერაბიშვილის მოადგილემ და მისმა მეგობარმა -ამირან მესხელმა ჩაანაცვლა... 

რას აპირებს ,,ავერსი ფარმა'' 

2015 წელს, ჯანდაცვის სამინისტრომ, ,,საპარტნიორო ფონდის'' დახმარებით, ინფექციური საავადმყოფოს, ონკოლოგიის ცენტრისა და რესპუბლიკური საავადმყოფოს ანუ სამი კლინიკის ოპერირებასთან დაკავშირებით, ტენდერი გამოაცხადა. ამ ტენდერში სამი პრეტენდენტი მონაწილეობდა, მაგრამ მეორე ტურში ავსტრიული კონსორციუმი ,,ალფამედიკი'' გადავიდა, რომელიც სამივე კლინიკის რეაბილიტაციაში ნახევარი მილიარდი დოლარის დახარჯვას გეგმავდა. მოგვიანებით, ტენდერი ჩაიშალა. 

2019 წლის თებერვალში, ,,საპარტნიორო ფონდის'' დახმარებით, ინფრასტრუქტურის სამინისტროს მუნიციპალური განვითარების ფონდმა გამოაცხადა ტენდერი, რომელშიც ქართულმა კომპანია ,,აპექს სტუდიო 1''-მა გაიმარჯვა. გადაწყდა კიდეც, რომ კომპანიას დიღომში, ლუბლიანას #12-ში, 10 000 კვ.მ მიწის ფართობზე, თანამედროვე სტანდარტების შესაბამისი კლინიკა უნდა აეშენებინა. 2019 წლის ივლისში ეს ტენდერიც ჩაიშალა... 

როგორც ხედავთ, 2009 წლიდან დღემდე ანუ 11 წლის განმავლობაში, ვერც ნაციონალურმა მოძრაობამ და ვერც ,,ქართულმა ოცნებამ'' ვერ გამოძებნა ადგილი და შენობა თბილისში, სადაც შესაძლოა, ინფექციური საავადმყოფო განთავსდეს. არადა,

ყაზბეგის #16-ში, დიდი მიწის ნაკვეთზე, დაახლოებით, 10 შენობა-ნაგებობაა, რომელიც 11 წელია, შპს ,,ავერსი ფარმას'' კერძო საკუთრებაშია. საინტერესოა, რა პირობით იყიდა კომპანიამ აღნიშნული ქონება, შეასრულა თუ არა ხელშეკრულებით ნაკისრი ვალდებულებები და რას აპირებს სამომავლოდ? _ ამ და სხვა საინტერესო თემებზე ,,ვერსიას'' ექსკლუზიურ ინტერვიუში შპს ,,ავერსი ფარმას'' გენერალური დირექტორი, ირაკლი ფურცელაძე ესაუბრა: 

_ ბატონო ირაკლი, რა მდგომარეობაა დღეს ინფექციური საავადმყოფოს იმ ნაწილში, რომელსაც ,,ავერსი ფარმა'' ფლობს? 

_ 2009 წლის 25 დეკემბერს, ეკონომიკის სამინისტრომ ღია აუქციონი გამოაცხადა და ,,ავერსმა'' ამ აუქციონში მიიღო მონაწილეობა. შედეგად, შევიძინეთ ყაზბეგის #16-ში არსებული 58 000 კვ.მ. მიწის ნაკვეთი და მასზე დამაგრებული შენობა-ნაგებობები, რაშიც 12 250 000 აშშ დოლარი გადავიხადეთ. ჩვენი ვალდებულება იყო, რომ ეს თანხა ხელშეკრულებაში მითითებულ ვადაში გადაგვეხადა, რაც შევასრულეთ. ასევე, ვალდებული ვიყავით, რომ ამ ტერიტორიაზე არსებულ სამედიცინო დაწესებულებებს, რომელთაგან ყველაზე მსხვილი და დიდი ინფექციური საავადმყოფო გახლდათ, ორი წლის განმავლობაში, უსასყიდლოდ ემუშავათ. 2011 წლის 25 დეკემბერს, ეს ვალდებულება ,,ავერსმა'' დაასრულა. ამის შემდეგ, მივმართეთ ეკონომიკის სამინისტროს, წარვადგინეთ აუდიტის დასკვნა, რომ ორი წლის მანძილზე, კლინიკების ფუნქციონირებას ხელი არ შეშლია, მოგვცეს საკუთრების მოწმობა, დავარეგისტრირეთ საჯარო რეესტრში და 2012 წლის 8 თებერვლიდან, შპს ,,ავერსი ფარმა'' ამ ქონების კანონიერი მესაკუთრეა. ესაა ყაზბეგის #16-ში არსებული მიწის ნაკვეთი და შენობა-ნაგებობები. კიდევ ერთხელ მინდა განვმარტო, რომ სამედიცინო დაწესებულებები, რომლებიც ფუნქციონირებდნენ იქ, ,,ავერსს'' არ შეუძენია და მათ ფუნქციონირებასთან დაკავშირებით არც რაიმე ვალდებულება გვქონია, თუ არ ჩავთვლით იმ ორ წელს, რაც ხელშეკრულებით გვევალებოდა და რაც, როგორც გითხარით, პირნათლად შევასრულეთ. 2011 წლიდან მოყოლებული, ამ ტერიტორიაზე, ინფექციური საავადმყოფო ჩვენი ნების საწინააღმდეგოდ, ფაქტობრივად უკანონოდ ფუნქციონირებდა, თუმცა ,,ავერსი'', როგორც მაღალი სოციალური პასუხისმგებლობის მქონე კომპანია, ითვალისწინებდა, რომ ასე უცბად ვერ მოხერხდებოდა ახალი შენობის აშენება, რათა სხვაგან გადასულიყო ინფექციური საავადმყოფო და 2012 წელს, ერთი წლით გავაფორმეთ იჯარის ხელშეკრულება, კერძოდ, 1 კვ.მ. 5 ლარად გადავეცით. ერთი წლის შემდეგ, წერილებით მივმართეთ ჯანდაცვის სამინისტროს და ვკითხეთ, როდის დაცლიდნენ ინფექციურ საავადმყოფოს, მაგრამ პასუხი არ მიგვიღია. იძულებული გავხდით, 2013 წელს, ისევ ერთი წლით გაგვეფორმებინა ხელშეკრულება. 

ინფექციურ საავადმყოფოს 7 000 კვ.მ. აქვს დაკავებული ანუ ამ ტერიტორიაზე, 11 შენობა-ნაგებობაა და აქედან 8 შენობა ინფექციურ საავადმყოფოს უკავია. ხომ წარმოგიდგენიათ, ჩვენ, როგორც მესაკუთრე, რა ცუდ მდგომარეობაში ვართ? ამხელა თანხა გადავიხადეთ და ვერ ვიყენებთ ტერიტორიას ჩვენი პირადი საჭიროებისთვის. არ გვინდა აქ საცხოვრებელი კორპუსების აშენება და არც სხვა მიზნით მისი გამოყენება, ჩვენი მიზანია, სამედიცინო სერვისების განვითარება, რათა ახალი ტექნოლოგიების გამოყენებითა და ახალი აპარატურის ჩამოტანათ, მოსახლეობას თანამედროვე სამედიცინო სერვისები შევთავაზოთ. 

ერთი წლის შემდეგ, მივიღეთ Yდაპირება, რომ მომდევნო ერთ წელიწადში, ინფექციურ საავადმყოფოს სხვა შენობაში განათავსებდნენ, ამიტომ ისევ გავაფორმეთ კონტრაქტი. ასე გავიდა 2014, 2015 და 2016 წლები, ყოველ წელს, ახალ დაპირებას ვიღებდით, რასაც ბოლო არ უჩანდა. ამას დაუმატეთ შეურაცხმყოფელი საუბრები ინფექციური საავადმყოფოს ხელმძღვანელების მიერ, მაგრამ ,,ავერსი'' მოსახლეობის ინტერესს, ამ კლინიკის სახელმწიფოებრივ მნიშვნელობასა და სახელმწიფოს ინტერესებს ითვალისწინებდა, ამიტომაც ვუხანგრძლივებდით ხელშეკრულებას და ასე მოვედით 2016 წლამდე. ამ დროს დაგვპირდნენ, რომ ორ წელიწადში ანუ 2018 წელს, ინფექციური საავადმყოფო დაცლიდა ტერიტორიას და ფართს გადმოგვცემდნენ, ამიტომ კიდევ ერთხელ გავაფორმეთ ხელშეკრულება. 

სხვათა შორის, ბატონი თენგიზ ცერცვაძის ნათქვამი, ,,ავერსი'' საავადმყოფოს გარემონტების უფლებას არ მაძლევსო, ტყუილია! ორი წლის წინ, იჯარის ხელშეკრულების ფარგლებში, მოგვმართეს წერილით და ჩვენ მივეცით თანხმობა. რემონტი ყველა იმ შენობაში გააკეთეს, რომელიც დაკავებული აქვთ და ამაში ხელი არ შეგვიშლია. იჯარის ხელშეკრულების ვადა 2019 წლის 1 იანვარს ამოიწურა, მაგრამ ამ ფართში, ისევ ფუნქციონირებს ინფექციური საავადმყოფო, ოღონდ იმის შემდეგ, ახალი ხელშეკრულება არ გაფორმებულა. შესაბამისად, უკვე წელიწადი და ორი თვეა, იჯარის სახით, ,,ავერსს'' ერთი ლარი არ მიუღია. ალბათ, დამეთანხმებით, რომ 1 კვ.მ. 5 ლარად, თანაც საბურთალოზე, ასეთ ცენტრალურ ადგილზე, კომერციული ფასი არაა. ამის მიუხედავად, ჩვენ ეს თანხაც კი არ მიგვიღია წელიწადი და ორი თვის მანძილზე. ამ პერიოდში, შარშანაც და წელსაც, არაერთი წერილით მივმართეთ ჯანდაცვის სამინისტროს, ამ წერილებში ორ კითხვას ვსვამთ: პირველი _ გვაინტერესებს, როდის დაცლის ინფექციური კლინიკა ფართს, გონივრული ვადა გვითხრან, რომ კონსტრუქციულად გავაგრძელოთ დიალოგი და მეორე _ გვითხრან, როდის გადაგვიხდიან იჯარის 12-თვიან დავალიანებას. გარდა ამისა, ერთი თხოვნაც გვაქვს და მინდა, ამ ინტერვიუს საშუალებით, გაგიმხილოთ: დაკავებული 8 შენობიდან, რომლებშიც ინფექციური კლინიკაა განთავსებული, ერთი შენობა მაინც დაგვიბრუნონ, რადგან ჩვენი ლაბორატორიის გაფართოებას ვაპირებთ. ახალი, თანამედროვე აპარატურის ჩამოტანას ვგეგმავთ და ამ მიზნით, ერთი შენობა გვჭირდება. ესაა ჩვენი მოთხოვნა და წარმოიდგინეთ, ამაზე პასუხიც კი არ გვაქვს! 

_ სახელმწიფოს მიერ გამოცხადებულ და მერე ჩაშლილ ტენდერებზე ვისაუბროთ, შორს რომ არ წავიდეთ, ბოლო ტენდერი განვიხილოთ, რომელიც 2019 წლის თებერვალში გამოცხადდა. ბატონო ირაკლი, ხომ გადაწყდა, რომ ინფექციური საავადმყოფო ქალაქგარეთ, დიღომში, ლუბლიანას ქუჩაზე უნდა განთავსებულიყო, თითქოს ადგილიც მოიძებნა, კომპანიამაც გაიმარჯვა ტენდერში და კლინიკის მშენებლობა რომ უნდა დაწყებულიყო, ტენდერი ჩაიშალა. რა იცით ამის შესახებ? 

_ კარგია, რომ ეს ინფორმაცია თქვენც გაქვთ, მაგრამ მეც გეტყვით, რა ინფორმაციასაც ვფლობ, თუმცა იმით დავიწყებ, რაც თქვენც აღნიშნეთ _ დიახ, ინფექციური საავადმყოფო ქალაქის განაპირას უნდა აშენდეს. მოსახლეობის დიდ შეშფოთებას იწვევს ის ფაქტი, რომ ქალაქის ცენტრში, ასეთი მაღალი რისკის მატარებელი დაწესებულებაა განთავსებული. შეშფოთებას გარკვეული საფუძველი გააჩნია და, ვფიქრობ, ჯანდაცვის სამინისტრომ ამ კუთხითაც სწორი და მნიშვნელოვანი ნაბიჯები უნდა გადადგას -ქალაქის ცენტრში, ასეთი მაღალი რისკის მქონე დაწესებულება, თუნდაც დღეს შექმნილი მდგომარეობიდან გამომდინარე, ვგულისხმობ კორონავირუსს, სარისკოა. 

ახლა დავუბრუნდეთ თქვენს ძირითად შეკითხვას, რვა წლის განმავლობაში, 2012 წლიდან დღემდე, არაერთი ვარიანტი მოიფიქრა ჯანდაცვის სამინისტრომ და ტენდერის არაერთი მცდელობა იყო, თუმცა რატომღაც, რაოდენ გასაკვირიც უნდა იყოს, ამ ტენდერების შედეგი აბსოლუტური ნულია. ჯერ იყო და, გუდამაყრის ქუჩაზე, გარკვეული შენობა გამოყვეს, მაგრამ გაირკვა, რომ იქ დევნილები ცხოვრობდნენ და ეს პრობლემა ვერ გადაიჭრა, შემდეგ უნივერსიტეტის ქუჩაზე გამოყვეს ფართი, ტენდერიც გამოცხადდა, მაგრამ იმის გამო, რომ სარეკრეაციო ზონა იყო, ჩაიშალა. ამის მერე, სხვა ტენდერი გამოცხადდა, მაგრამ მონაწილემ გაასაჩივრა და ჩაიშალა, ბოლოს გამოცხადდა ტენდერი, რომელზეც მკითხეთ, ლუბლიანას ქუჩაზე ფართიც გამოინახა, მაგრამ რომელ მშენებლობაზეა საუბარი, როდესაც პროექტი და მერიის მიერ გაცემული ნებართვაც კი არ არსებობს! დღეს რომ გადაწყდეს ინფექციური საავადმყოფოს მშენებლობა, თქვენი აზრით, რა დრო დასჭირდება პროექტის მომზადებას, მერიასთან შეთანხმებას, ამის შემდეგ 10 000 კვ.მ-ის მშენებლობას, რომელიც უნდა გაარემონტოთ და შესაბამისი აპარატურით აღჭურვოთ, რათა სამედიცინო დაწესებულება განათავსოთ? გულწრფელად მიპასუხეთ. 

_ ალბათ, მინიმუმ, ორი-სამი წელი, ისიც იმ შემთხვევაში, თუ მშენებლობა დაჩქარებული ტემპებით წარიმართება... 

_ რას ამბობთ? სამ წელიწადში თუ მოესწრება, ჩავთვლი, რომ ეს ძალიან მაღალი შედეგი იქნება! ამას ძალიან დიდი დრო დასჭირდება, რადგან სულ მცირე, 6 თვე უნდა კომპანიას, რომ შესაბამისი რეგულირების გეგმა აიღოს. ამან უნდა გაიაროს, როგორც მერიის, ასევე საკრებულოს კომისიები. ამას იმიტომ გეუბნებით, რომ დიახ, ტენდერი იყო გამოცხადებული ერთი წლის წინ, რომელიც მასში მონაწილე კომპანიამ გასააჩივრა და ჩაიშალა. შემდეგ განსხვავებულ ვარიანტს იხილავდნენ, რადგან რამდენადაც ვიცი, საკმაოდ სპეციფიკური მოთხოვნები აქვს ბატონ თენგიზ ცერცვაძეს და ამ მოთხოვნების ჩამოყალიბებაში, რვა წელია, ,,ავერსს'' შესაძლებლობა არ ეძლევა, საკუთარი ქონებით ისარგებლოს! ეს პრობლემა ჯანდაცვის სამინისტროს მოსაგვარებელია, როგორ შეიძლება, რვა წლის მანძილზე, ერთი საკითხი ვერ გადაიჭრას?! 

ამის მიუხედავად, ჩვენ მაინც ვამბობთ, რომ ინფექციურის ხელმძღვანელობამ მიმართოს ჯანდაცვის სამინისტროს, მოითხოვოს, რომ სამინისტრომ მისი პირობები დააკმაყოფილოს, ხოლო ჩვენ ანუ კერძო კომპანიას, წელიწადისა და ორი თვის იჯარა გადაგვიხადოს. გარდა ამისა, გვითხრან, როდის დაგვიცლიან შენობებს და რაც მთავარია, დაკავებული 8 შენობიდან, ერთი დაგვითმონ. 

_ კიდევ ერთხელ დავაზუსტოთ, მას შემდეგ, რაც კუთვნილ ქონებას დაიბრუნებთ, მხოლოდ სამედიცინო სერვისების განსავითარებლად გამოიყენებთ და არა _ სხვა მიზნით? 

_ შეგიძლიათ ნახოთ 2009 წლის 25 დეკემბრის ღია აუქციონის შემდეგ განხორციელებული ინტერვიუების ჩანაწერები, სადაც ჩვენი დამფუძნებელი, ბატონი პაატა სწორედ ამასთან დაკავშირებით აფიქსირებს პოზიციას. 11 წლის შემდეგაც, იგივე პოზიცია გვაქვს, რომ აღნიშნულ ტერიტორიაზე, სამედიცინო მიმართულების განვითარების გარდა, ,,ავერსი'' სხვა ბიზნესსაქმიანობის განხორციელებას არ გეგმავს! შესაძლოა, ავაშენოთ ოფისი, მაგრამ ეს კომპანიის ადმინისტრაციული შენობ იქნება, აქ განთავსდება სამედიცინო ცენტრები, თანამედროვე და ახალი ლაბორატორიები, სარეაბილიტაციო ცენტრი, რათა უფრო კარგი და მაღალი ხარისხის აპარატურა ჩამოვიტანოთ და მოსახლეობას საუკეთესო სერვისები შევთავაზოთ. 

ვინაიდან საშუალება მომეცა, ამ ინტერვიუს საშუალებით, მინდა აღვნიშნო, რომ რამდენიმე თვის წინ, როდესაც ამ ტერიტორიაზე გამხმარი ხეები მოიჭრა, დიდი ეჭვი გაჩნდა _ ,,ავერსმა'' ხეები იმიტომ მოჭრა, საცხოვრებელი კორპუსები უნდა ააშენოსო. სინამდვილეში, ეს ხეები მერიასთან შეთანხმებით მოიჭრა, რადგან დაავადებული იყო, მაგრამ შეგიძლიათ მიბრძანდეთ და ნახოთ, რომ 600 მოჭრილი ხის ნაცვლად, 600 ახალი ნერგი დავრგეთ და ყველა ნერგი გახარებულია. ჩვენ მებაღეების ჯგუფი გვყავს, რომელიც ყოველდღიურად უვლის ამ ნარგავებს, უკვე გასხვლითი სამუშაოებიც ჩავატარეთ. გთხოვთ, ამ თემაზე, ყოველგვარი ინსინუაცია დავხუროთ, ვინაიდან ,,ავერსს'' სხვა ბიზნესსაქმიანობის ინტერესი არ აქვს! ჩვენ ვართ ფარმაცევტული კომპანია, გვაქვს სამედიცინო სერვისები, კლინიკები, სამედიცინო დაწესებულებები და ვგეგმავთ, რომ ეს ტერიტორია სწორედ ამ მიმართულებით განვავითაროთ. 

_ ბატონო ირაკლი, მეც ვისარგებლებ შემთხვევით და ერთ ძველ ჭორს გადავამოწმებ, რაც ნაციონალური მოძრაობის ხელისუფლებაში ყოფნას უკავშირდება. ეს ინფორმაცია, რომელიც ,,ვერსიის'' წყარომ მოგვაწოდა, ჩემს ერთ-ერთ სტატიაში გამოვიყენე, მოკლედ, მაინტერესებს, ფლობს თუ არა ყოფილი მაღალჩინოსანი, ამირან მესხელი ,,ავერსში'' არაოფიციალურ წილს? 

_ უკაცრავად, ვინ არის ამირან მესხელი? 

_ შინაგან საქმეთა ექსმინისტრის, ვანო მერაბიშვილის ყოფილი მოადგილე. 

_ არ ვიცნობ. შარშან, ,,ავერსი'' 25 წლის გახდა, დამოუკიდებელი საქართველოს ისტორიაში, ერთეულია კომპანიები, რომლებიც რთულ პერიოდში ჩამოყალიბდნენ, დაფუძნდნენ და დღემდე დიდი წარმატებით მოვიდნენ. პირადად მე, 18 წელია, ,,ავერსში'' ვმუშაობ და სრული პასუხისმგებლობით მინდა გითხრათ, რომ საერთოდ არ ვიცი, ვისზე ვსაუბრობთ. ახლა, თქვენგან შევიტყვე, რომ თურმე, მინისტრის მოადგილე ყოფილა, თუმცა ვალდებული არ ვარ, მინისტრის მოადგილეები გვარებითა და სახელებით ვიცოდე. ამ ადამიანის არც გვარი მსმენია, არც _ სახელი და მით უმეტეს, არც კი ვიცნობ. 26 წლის წინ, ეს ბიზნესი ბატონმა პაატამ დაიწყო და კომპანიაც მანვე დააფუძნა. მერწმუნეთ, არავითარი ფარული მეწილეები ,,ავერსს'' არც ჰყოლია და არც ჰყავს, კომპანიის დამფუძნებლების შესახებ ინფორმაცია საჯარო რეესტრში ხელმისაწვდომია და თავისუფლად შეგიძლიათ, გადაამოწმოთ. 25 წლის წინაც ბატონი პაატა იყო დამფუძნებელი და ახლაც ისაა. ამ ხნის მანძილზე, კომპანიის მთელ ისტორიას თუ გადახედავთ, წილების გადაფორმება-გადმოფორმების მანიპულაციები ,,ავერსში'' არ ყოფილა! 

P.S. ინფექციური საავადმყოფოს დირექტორის, თენგიზ ცერცვაძის განცხადებით, საავადმყოფოს შენობა კარგ მდგომარებაში არ არის. მისივე თქმით, ინფექციური საავადმყოფოსთვის სახელმწიფო ახალ შენობას უმოკლეს ვადებში შეიძენს და მაღალი ხარისხის სერვისთან ერთად, პაციენტებს კარგი ინფრასტრუქტურული პირობებიც დახვდებათ: ,,უკვე კატეგორიული გარანტია გვაქვს მიღებული პრემიერ-მინისტრ გიორგი გახარიასგან. ის შეგვპირდა, რომ სახელმწიფო, უმოკლეს ვადებში _ ერთ-ორ თვეში შეიძენს ტერიტორიას დიღომში, ე.წ. სამედიცინო ინოვაციების ცენტრში, 11-სართულიან შენობას, რომელიც ერთ-ერთმა კერძო კომპანიამ ააშენა. ამას იყიდის სახელმწიფო და გადმოგვცემს''. 

ეს ორი თვეც მალე გავა ანუ თუ ბატონ თენგიზს დავუჯერებთ და პრინციპში, რატომ არ უნდა დავუჯეროთ, მაისის შუა რიცხვებში, ინფექციური საავადმყოფო ლუბლიანას ქუჩაზე, ახალ შენობაში გადავა. იმედია, გიორგი გახარია მოახერხებს და 11-წლიან თუ არა, ბოლო 8-წლიან გაუგებრობას მაინც წერტილს დაუსვამს!

მაია მიშელაძე

]]>
versiaprinti@yahoo.com (super admin) ეკონომიკა Wed, 04 Mar 2020 12:19:02 +0400
მესტიის ბიუჯეტიდან ასეულობით ათასი ლარი გაიფლანგა! http://www.versia.ge/2013-07-31-11-22-56/item/6581-მესტიის-ბიუჯეტიდან-ასეულობით-ათასი-ლარი-გაიფლანგა.html http://www.versia.ge/2013-07-31-11-22-56/item/6581-მესტიის-ბიუჯეტიდან-ასეულობით-ათასი-ლარი-გაიფლანგა.html

რა დარღვევები გამოავლინეს სახელმწიფო აუდიტორებმა

სახელმწიფო აუდიტის სამსახურმა მესტიის მუნიციპალიტეტი შეამოწმა. ესაა 2017-2018 წლების ბიუჯეტებით გათვალისწინებული პროგრამების შესაბამისობის აუდიტი. სახელმწიფო აუდიტორებმა მესტიის მუნიციპალიტეტის ბიუჯეტების გადასახდელები, მთლიანობაში 24 307 800 ლარი, შეისწავლეს და საკმაოდ სერიოზული დარღვევები გამოავლინეს. მაგალითად, სხვადასხვა ინფრასტრუქტურული პროექტების მშენებლობა-რეკონსტრუქციის დროს, მესტიის მუნიციპალიტეტის შესაბამისი სამსახურის წარმომადგენლები არ აკონტროლებდნენ სამშენებლო პროცესს, რაც თურმე, დარღვევებით მიმდინარეობდა. თუმცა ყველაზე მნიშვნელოვანი ისაა, რომ დარღვევების შემთხვევაშიც კი, მუნიციპალიტეტი კომპანიებს არ აჯარიმებდა!

დარღვევები ინფრასტრუქტურულ პროექტებში 

სახელმწიფო აუდიტის შედეგად გამოვლინდა, რომ მესტიის მუნიციპალიტეტმა, 2017-2018 წლებში, ინფრასტრუქტურული პროექტების განსახორციელებლად გაფორმებული 74 ხელშეკრულებიდან, ობიექტების მიწოდების ვადები 30 ხელშეკრულებისთვის გაზარდა, რომელთა ჯამური ღირებულება 7 341 700 ლარი ანუ ხელშეკრულებების ჯამური ღირებულების 65%-ია. სახელმწიფო აუდიტორებმა გაარკვიეს, რომ მიწოდების დროის მინიმალური ზრდა – 24, ხოლო მაქსიმალური _ 649 დღეა, მათ შორის, 5 ხელშეკრულებისთვის, ვადა ერთ წელზე მეტი პერიოდით გაზარდეს. აღსანიშნავია, რომ 30 შემთხვევიდან, 16 ხელშეკრულების ფარგლებში, მიმწოდებლებმა ვერც გაზრდილ ვადებში შეძლეს სამუშაოების დასრულება. 

,,ვადების ცვლილებების მიზეზებად, ძირითადად, დასახელებულია სახარჯთაღრიცხვო ხარვეზები, არახელსაყრელი კლიმატური პირობები და მდინარეების ადიდება. არადა, მოსალოდნელი რთული კლიმატური პირობებისა და საშუალო სტატისტიკური ნალექიანი ამინდების შესახებ, ხელშეკრულების გაფორმების მომენტისთვის ცნობილი იყო, როგორც შემსყიდველის, ასევე მიმწოდებლისთვისაც. ამდენად, ეს ფაქტი ცვლილების საფუძველი არ უნდა გამხდარიყო. ამასთან, რიგ შემთხვევებში, შესასრულებელი სამუშაოების არაარსებითი ცვლილება, ვადების გასაზრდელად გამოიყენეს. შესაბამისად, სამუშაოების დასრულების ვადები, მიმწოდებელ კომპანიებს, ძირითადად, დაუსაბუთებლად, სავარაუდოდ, იმ მიზნით გაუზარდეს, რომ მოგვიანებით, არ დაეჯარიმებინათ'', _ ვკითხულობთ აუდიტის დასკვნაში. 

მაგალითად, ცხუმარის ტერიტორიულ ერთეულში, საბავშო ბაღის მშენებლობის სამუშაოების შესყიდვის მიზნით, 2018 წლის 22 ოქტომბერს, მესტიის მუნიციპალიტეტმა ხელშეკრულება გააფორმა შპს „ნევ სტაილ ბილდინგთან“. ამ ხელშეკრულების ღირებულება 377 800 ლარი იყო. სამუშაოები 2019 წლის 2 თებერვალს უნდა დასრულებულიყო, მაგრამ ეს სამუშაოები, კომპანიამ ხელშეკრულებით დადგენილ ვადაში ვერ დაასრულა. როგორც აუდიტორებმა გაარკვიეს, 2019 წლის 15 სექტემბრამდე, შპს ,,ნევ სტაილ ბილდინგს'', მუნიციპალიტეტმა მიწოდების ვადა ორჯერ გაუხანგრძლივა, ვადის ცვლილების მოტივად კი დამატებითი სამუშაოები და ზამთრის პერიოდში შეფერხება მიუთითა. ამასთან, ხელშეკრულების ცვლილების დოკუმენტებით, არც დამატებით შესასრულებელი სამუშაოები განუსაზღვრავთ და არც ხელშეკრულების ღირებულება გაუზრდიათ. 

,,2019 წლის ივლისში, აუდიტის ჯგუფმა რამდენჯერმე დაათვალიერა საბავშვო ბაღის მშენებლობის პროცესი. მონიტორინგის შედეგად დადგინდა, რომ დათვალიერების მომენტისთვის, კომპანია ამ ობიექტზე სამშენებლო სამუშაოებს არ აწარმოებდა! ამდენად, სამუშაოები, ფაქტობრივად, მიმწოდებლის მიზეზით შეფერხდა, მაგრამ მესტიის მუნიციპალიტეტმა, მიწოდების ვადის გასაზრდელად, სუბიექტური და დაუსაბუთებელი გარემოებები გამოიყენა, რის გამოც მიმწოდებელი, ხელშეკრულებით განსაზღვრული საწყისი ვადის დარღვევისთვის არ დააჯარიმა!'' 

გარდა ამისა, 2018 წელს, ტენდერის საშუალებით შესყიდული ლატალის ტერიტორიულ ერთეულში, საბავშვო ბაღის სამშენებლო სამუშაოებსაც შპს ,,ნევ სტაილ ბილდინგი'' ასრულებდა. ამ ტენდერის ღირებულება 360 000 ლარი იყო. ხელშეკრულება 2019 წლის 22 იანვარს გაფორმდა, რომლის მიხედვით, სამუშაოები 2019 წლის 22 ივლისს უნდა დასრულებულიყო. აუდიტის მიმდინარეობისას, კომპანიას მხოლოდ 177 600 ლარის სამუშაოები ჰქონდა შესრულებული. სახელმწიფო აუდიტორების მტკიცებით, ახალი ხელშეკრულების გაფორმების მომენტისთვის, მესტიის მუნიციპალიტეტში უკვე იცოდნენ, რომ ეს კომპანია წინა ხელშეკრულებით განსაზღვრულ, ცხუმარის ბაღის აშენების ვალდებულებას ვერ ასრულებდა. ამის მიუხედავად, მუნიციპალიტეტმა ლატალის ბაღის მშენებლობის პროცესზე სათანადო კონტროლი არ დააწესა და მიმწოდებლის დაჯარიმების ან/და ხელშეკრულების შეწყვეტის შესახებ გადაწყვეტილება არ მიიღო! 

აუდიტის შედეგად ისიც გაირკვა, რომ სოფელ ვიჩნაშისა და სოფელ დავბერის, ასევე, სოფელ ადიშისა და სოფელ ბოგრეშის ხიდების რეკონსტრუქციის სამუშაოების შესყიდვის მიზნით, 2017 წლის 20 სექტემბერს, მესტიის მუნიციპალიტეტმა ხელშეკრულებები გააფორმა შპს „კოშკთან“, ჯამური ღირებულებით _ 237 600 ლარი. ეს სამუშაოები 20 ნოემბერს უნდა დასრულებულიყო. 2017 წლის 29 სექტემბერს, ხელშეკრულების გაფორმებიდან 9 დღის შემდეგ, შპს „კოშკმა“ ქვეკონტრაქტორად, შპს „სუბარ კომპანი“ აიყვანა. შეთანხმების შესაბამისად, სამუშაოების დასრულების ვადად 2018 წლის 30 ივლისი განისაზღვრა. არადა, შპს „კოშკისთვის“ ხელშეკრულებით დადგენილ ვადას, ეს პერიოდი 313 დღით აღემატება. სავარაუდოდ, შპს „კოშკს“, მუნიციპალიტეტისგან მიწოდების ვადის გაზრდის გარანტია ჰქონდა, რაც აუდიტის პროცესში, დადასტურდა კიდეც: 

,,2017 წლის 30 ოქტომბერს, არახელსაყრელი კლიმატური პირობებისა და სახარჯთაღრიცხვო დოკუმენტაციის ცვლილების მოტივით, მუნიციპალიტეტმა აღნიშნული მომსახურების მიწოდების ვადა 2018 წლის 15 ივლისამდე გაზარდა. საბოლოოდ, ხელშეკრულებების ცვლილებების საფუძველზე, სოფელ ადიშისა და სოფელ ბოგრეშის ხიდების რეკონსტრუქციის ვადა 2018 წლის 30 ნოემბრამდე _ 375 დღით გადასწიეს, ხოლო სოფელ ვიჩნაშისა და სოფელ დავბერის ხიდების სარეკონსტრუქციო ვადა 2019 წლის 30 აგვისტომდე _ 648 დღით. 2019 წლის ივლისში, აუდიტის ჯგუფმა ადგილზე დაათვალიერა ობიექტები. სოფელ ვიჩნაშში, სამუშაოების მხოლოდ მცირე ნაწილი იყო შესრულებული, თუმცა ამ ობიექტზე მშენებლობა არ მიმდინარეობდა''. 

აქედან გამომდინარე, სახელმწიფო აუდიტორებმა დაასკვნეს, რომ მესტიის მუნიციპალიტეტი სათანადოდ არ აკონტროლებდა ხელშეკრულებით განსაზღვრული პირობების დაცულობას და სამუშაოების დროულად დასასრულებლად, საკმარის ღონისძიებებს არ ატარებდა. ძირითად შემთხვევებში, მიწოდების ვადები გაზრდილია დაუსაბუთებლად, სათანადო არგუმენტაციის გარეშე. 

დაურიცხავი ჯარიმები 

სახელმწიფო აუდიტორებმა გაარკვიეს, რომ 2017-2018 წლებში, მუნიციპალიტეტის მიერ განხორციელებული 74 სამშენებლო სამუშაოდან, 31 ხელშეკრულებისთვის, მიმწოდებლებმა სამუშაოები განსაზღვრულ ვადებში ვერ დაასრულეს. ხელშეკრულების პირობების შესაბამისად, მესტიის მუნიციპალიტეტი ვალდებული იყო, რომ სამუშაოების დაგვიანებისთვის, საჯარიმო სანქციები გამოეყენებინა. აუდიტის ჯგუფმა პირგასამტეხლოს დარიცხვის მდგომარეობა შეისწავლა და გამოავლინა, რომ 31-დან 15 ხელშეკრულებისთვის, ვადების დარღვევის მიუხედავად, მუნიციპალიტეტს საჯარიმო სანქცია არ გამოუყენებია. სამუშაოების ვადაგადაცილება 59 დღემდე მერყეობს, ხოლო მიმწოდებლებზე დაურიცხავი პირგასამტეხლოს ჯამური თანხა 23 000 ლარია. 

ახლა ვნახოთ, კონკრეტულად, რა შემთხვევებში არ გამოიყენა მესტიის მუნიციპალიტეტმა საჯარიმო სანქციები. მუნიციპალიტეტმა, შპს „თი ემ“-ისგან, სოფელ ლენჯერსა და სოფელ ფარში, ახალი საბავშვო ბაღების მშენებლობა შეისყიდა. ხელშეკრულება 2016 წლის 15 სექტემბერს გაფორმდა, რომლის ღირებულება 600 600 ლარი იყო. ხელშეკრულების პირობების შესაბამისად, სამუშაოები 2017 წლის 1 ნოემბერს უნდა დასრულებულიყო. მიმწოდებელმა შესრულებული სამუშაოების აქტი 19 დეკემბერს ანუ 48 დღის დაგვიანებით წარადგინა. მუნიციპალიტეტმა ხელშეკრულებით განსაზღვრული სანქციები არ გამოიყენა და მიმწოდებელს არ დაარიცხა პირგასამტეხლო _ 5 800 ლარის ოდენობით. 

,,ვადების დარღვევით შესრულებულ სამუშაოებზე, მესტიის მუნიციპალიტეტის შესაბამის სამსახურებს, საჯარიმო სანქცია გაანგარიშებული ჰქონდათ მხოლოდ 16 ხელშეკრულებისთვის _ 29 300 ლარის ოდენობით. მათ შორის, ორი ხელშეკრულების ფარგლებში, საჯარიმო თანხები 12 200 ლარით ნაკლები ოდენობით დაარიცხეს. გარდა ამისა, მიმწოდებლების მიერ ხელშეკრულების არაჯეროვანი შესრულების შემთხვევაში, მუნიციპალიტეტი არ ატარებდა საკმარის ღონისძიებებს კუთვნილი თანხების ამოსაღებად. კერძოდ, 2017-2018 წლებში დარიცხული 29 300 ლარის საჯარიმო სანქციებიდან, მხოლოდ 9 500 ლარის ჯარიმა გადაიხადეს 4 ხელშეკრულებისთვის''. 

ჯარიმის გადაუხდელობის ანუ ხელშეკრულების პირობის შეუსრულებლობის გამო, მესტიის მუნიციპალიტეტი ვალდებული იყო, სახელმწიფო შესყიდვების სააგენტოსათვის მიემართა, რათა ამ უკანასკნელს, მიმწოდებლები ე.წ. შავ სიაში შეეყვანა, თუმცა მუნიციპალიტეტს სააგენტოსთვის არ მიუმართავს. მეტიც, სახელმწიფო აუდიტორებმა ისეთი შემთხვევებიც გამოავლინეს, როცა მუნიციპალიტეტმა ხელშეკრულება გააფორმა მიმწოდებელთან, რომელსაც წინა ხელშეკრულებების ფარგლებში დარიცხული საჯარიმო სანქციებიც კი გადაუხდელი ჰქონდა! 

შედეგად, სახელმწიფო აუდიტორებმა დაასკვნეს, რომ ხელშეკრულებების შესრულების პროცესში, მესტიის მუნიციპალიტეტში კონტროლის მექანიზმები დანერგილი არ ყოფილა. ამის გამო, მუნიციპალიტეტმა სამუშაოების მიწოდების ვადების დარღვევები სრულად ვერ გამოავლინა და შესაბამისად, საჯარიმო სანქციებიც სწორად ვერ გაიანგარიშა. არადა, ხელშეკრულებით განსაზღვრული პირობების დაცვის შემთხვევაში, მუნიციპალიტეტის ბიუჯეტი, დამატებით, 35 000 ლარის შემოსავალს მიიღებდა. 

დარღვევები სამუშაოების გეგმა-გრაფიკში 

2017-2018 წლებში განხორციელებული 74 ინფრასტრუქტურული პროექტიდან, გეგმა-გრაფიკის წარდგენა, მხოლოდ 27 შესყიდვის სატენდერო დოკუმენტაციით იყო გათვალისწინებული. მუნიციპალიტეტის მერიის წარმომადგენლებმა, სახელმწიფო აუდიტორებს ვერ განუმარტეს,Yთუ რატომ მოითხოვეს გეგმა-გრაფიკი სხვა ტენდერებისთვის. აღსანიშნავია, რომ სატენდერო კომისია, რიგ შემთხვევებში, თავისსავე პირობას არღვევდა. კერძოდ, სატენდერო დოკუმენტაციის შესაბამისად, პრეტენდენტის მიერ გეგმა-გრაფიკის წარმოუდგენლობა, შემსყიდველი ორგანიზაციის მიერ განიხილებოდა, როგორც ხელშეკრულების გაფორმებაზე უარის თქმა და გამოიწვევდა დისკვალიფიკაციას. მიუხედავად ამისა, 8 ტენდერის შემთხვევაში, კომისიამ პრეტენდენტები არ დააჯარიმა და ხელშეკრულებები გეგმა-გრაფიკის წარდგენის გარეშე გააფორმა. 

სახელმწიფო აუდიტორებმა გაარკვიეს, რომ გეგმა-გრაფიკების მიხედვით, სამუშაოების მიმდინარეობის კონტროლის მექანიზმის არარსებობას, რიგ შემთხვევებში, ხელშეკრულების პირობების შესრულების შემოწმების სირთულე და პროექტის ჩაბარების ვადის მრავალჯერადად გადაწევა მოჰყვა. კერძოდ, რვა ხელშეკრულებიდან, დადგენილ ვადაში, მხოლოდ ორი სამუშაო დასრულდა, ერთი სამუშაოს შესრულება დაგვიანდა, ხუთი ხელშეკრულების მიწოდების ვადა გაიზარდა, მათ შორის, ერთი _ შეწყდა. 

,,დანარჩენი 19 ხელშეკრულება, სამუშაოების შესრულებას ითვალისწინებდა მიმწოდებლების მიერ შედგენილი თანხობრივი და კალენდარული გეგმა-გრაფიკის შესაბამისად. დოკუმენტაციის მიხედვით, მესტიის მუნიციპალიტეტმა, 9 ხელშეკრულებისთვის მიწოდების ვადები გაზარდა ისე, რომ გეგმა-გრაფიკების პარამეტრები არ შეუცვლია. ამის გამო, დასარიცხი საჯარიმო თანხების მოცულობის დადგენა შეუძლებელია, რადგან სამუშაოების დაგეგმილი და ფაქტობრივი შესრულების ყველა პერიოდი ვერ შედარდა. ინფრასტრუქტურული პროექტების დანარჩენი 10 ხელშეკრულებისათვის, რომელთა საერთო ღირებულება 1 654 300 ლარია, გეგმა-გრაფიკი ყველა შემთხვევაში დაირღვა, თუმცა მუნიციპალიტეტს, არცერთ შემთხვევაში, საჯარიმო სანქცია არ გამოუყენებია, რაც 360 000 ლარზე მეტია!'' 

ისევ მესტიის მუნიციპალიტეტსა და შპს ,,ნევ სტაილ ბილდინგს'' შორის გაფორმებული ხელშეკრულება განვიხილოთ, რომლითაც ლატალის ტერიტორიულ ერთეულში, საბავშვო ბაღი უნდა აშენებულიყო. ხელშეკრულება 2019 წლის 22 იანვარს გაფორმდა, სამუშაოები კი იმავე წლის 22 ივლისს უნდა დასრულებულიყო. სახელმწიფო აუდიტორების მტკიცებით, გეგმა-გრაფიკის თანახმად, 2019 წლის მაისის ბოლოსთვის, შპს ,,ნევ სტაილ ბილდინგს'' 238 200 ლარის ღირებულების სამუშაოები უნდა შეესრულებინა, თუმცა ფაქტობრივად, მხოლოდ 58 200 ლარის სამუშაო შეასრულა. მესტიის მუნიციპალიტეტს სათანადოდ არ გაუკონტროლებია გეგმა-გრაფიკის პერიოდების დაცულობა. შედეგად, აუდიტის მიმდინარეობის პერიოდში, მიმწოდებელს 144 000 ლარზე მეტი საჯარიმო სანქცია არ დააკისრა. 

 

აქედან გამომდინარე, სახელმწიფო აუდიტორებმა დაასკვნეს, რომ სამუშაოების მიწოდების გეგმა-გრაფიკის დაცულობა მესტიის მუნიციპალიტეტში ფორმალურ ხასიათს ატარებს, რადგან გეგმა-გრაფიკის დარღვევისთვის, არცერთი მიმწოდებული არ დაუჯარიმებიათ. არადა, ხელშეკრულებით განსაზღვრული უფლებამოსილების გამოყენების შემთხვევაში, მესტიის მუნიციპალიტეტის ბიუჯეტი, დამატებით, 360 000 ლარზე მეტ შემოსავალს მიიღებდა! 

შრომითი ანაზღაურება და ავტომობილები 

2018 წელს, მესტიის მუნიციპალიტეტის საკრებულომ, შრომითი ხელშეკრულებებით დასაქმებულების რაოდენობა 41 ერთეულით განსაზღვრა. მას შემდეგ, რაც დაქირავებულთა რაოდენობა შეისწავლეს, სახელმწიფო აუდიტორებმა გაარკვიეს, რომ მესტიის მუნიციპალიტეტის მერია, საკრებულოს მიერ დადგენილ ზღვარს არ იცავდა და შრომითი ხელშეკრულებით, ერთდროულად, 41-ზე მეტი მოსამსახურე ჰყავდა დაქირავებული. მაგალითად, იანვარში, შრომის ანაზღაურება 61 დაქირავებულს გადაუხადეს, ხოლო თებერვალში – 63-ს. 

2017-2018 წლებში, საკრებულოს არათანამდებობის პირებზე, ხარჯების ასანაზღაურებლად, მესტიის მუნიციპალიტეტმა 119 900 ლარი ხარჯების დადასტურების გარეშე გასცა, აქედან 2017 წელს _ 75 600 ლარი, ხოლო 2018 წელს _ 44 300 ლარი. მუნიციპალიტეტის წარმომადგენლებმა, სახელმწიფო აუდიტორებს, საკრებულოს წევრების ხარჯების დასადასტურებელი დოკუმენტები ვერ წარუდგინეს. გარდა ამისა, უმრავლეს შემთხვევაში, საკრებულოს წევრებზე, ყოველთვიურად გაცემულია ფიქსირებული თანხა, ლიმიტის მაქსიმალური ოდენობა _ 390 ლარი. არადა, სახელმწიფო აუდიტორების მტკიცებით, ნაკლებად სარწმუნოა, რომ საკრებულოს წევრებს, რომლებიც მუნიციპალიტეტის სხვადასხვა ადმინისტრაციულ ერთეულებს წარმოადგენენ, ზუსტად იდენტური დანახარჯები ჰქონოდათ და ყოველთვიური დანახარჯებიც, ძირითადად, უცვლელი ყოფილიყო. 

აუდიტის შედეგად, დარღვევები გამოვლინდა მუნიციპალიტეტის საკუთრებაში არსებული ავტომობილების ტექნიკური მომსახურების ნაწილშიც. კერძოდ, 2017 წელს, მესტიის მუნიციპალიტეტმა ეს მომსახურება ტენდერის საშუალებით შეისყიდა. შესაბამისი ხელშეკრულება შპს ,,თეგეტა მოტორსთან'' გაფორმდა, რომლის ღირებულება 67 900 ლარია. სატენდერო პროცესისა და ხელშეკრულების შესრულების შესწავლის შედეგად, სახელმწიფო აუდიტორებმა შემდეგი ხარვეზები გამოავლინეს: 

,,სატენდერო პირობები ითვალისწინებდა მუნიციპალიტეტის საკუთრებაში არსებული 6 ავტომანქანის ტექნიკურ მომსახურებას. პრეისკურანტის მონაცემების შესაბამისად, სატენდერო კომისიამ, თითოეული დაზიანების შესაკეთებლად, სამი ავტომობილისთვის საგარანტიო ვადის, ან გარბენის მითითება მოითხოვა. შპს „თეგეტა მოტორსმა“, ტექნიკური დოკუმენტაცია საგარანტიო მონაცემების გარეშე წარადგინა, რაც სატენდერო პირობებს არ შეესაბამებოდა. კერძოდ, შეთავაზება არსებითად ცვლიდა მომსახურების მიწოდების ხარისხობრივ მხარეს და აუარესებდა შემსყიდველის პირობებს. მიუხედავად ამისა, კომისიას არსებული ხარვეზის შესახებ არ უმსჯელია და ამ ნაწილში, პრეტენდენტის ტექნიკური დოკუმენტაციის დაზუსტება არ მოუთხოვია''. 

ხელშეკრულების შესრულების პროცესში გამოიკვეთა, რომ სატენდერო კომისიის არასწორ გადაწყვეტილებას, თანხების არაეკონომიური ხარჯვა მოჰყვა. მგალითად, ავტომანქანაზე TOYOTA LC PRADO, 2017 წლის 24 თებერვლის მდგომარეობით, შეკეთებულია გადაცემათა კოლოფი, რაშიც მუნიციპალიტეტმა 8 000 ლარი გადაიხადა. ამ პერიოდში, ავტომანქანის გარბენი 281 390 კმ იყო; 2017 წლის 24 ივლისს (გარბენი _ 300 583 კმ, სხვაობა _ 19 193 კმ), დეტალი ისევ შეკეთდა და 6 200 ლარი დაიხარჯა; 2018 წლის 12 აპრილს (გარბენი _ 335 186 კმ, სხვაობა _ 34 603 კმ), გადაცემათა კოლოფის დამატებითი შეკეთება 8 700 ლარით აანაზღაურეს. მთლიანობაში, ამ ავტომანქანის კონკრეტული მექანიზმის შეკეთების ფასი 22 900 ლარია, მუნიციპალიტეტმა კი დაზიანების საგარანტიო შეკეთების უფლება არ გამოიყენა; იმავე ავტომობილის გამანაწილებელი კოლოფის შეკეთებაზე, 2017 წლის 27 აპრილს, 2 100 ლარი გადაიხადეს. 36 450 კმ-ის გარბენის შემდეგ, ნოემბერში, ამ დეტალის განმეორებითი შეკეთების ღირებულება 2 300 ლარი დაჯდა. 

წარმომადგენლობითი ხარჯები 

2017-2018 წლებში, მესტიის მუნიციპალიტეტმა, წარმომადგენლობითი ხარჯების სახით, 128 000 ლარი დახარჯა, აქედან, 2017 წელს – 91 000 ლარი, ხოლო 2018 წელს – 37 000 ლარი. როგორც სახელმწიფო აუდიტორებმა გაარკვიეს, ამ მუხლით დაფინანსდა „სვანეთობის“, სხვადასხვა ქვეყნის დელეგაციების, სპორტული ღონისძიებების მონაწილეების, სხვა სტუმრების სასტუმროსა და კვების ხარჯები, გარდა ამისა, სტუმრებისთვის შეიძინეს საჩუქრები და სუვენირები. 

მესტიის მუნიციპალიტეტის წარმომადგენლებმა, სახელმწიფო აუდიტორებს ვერ წარუდგინეს შესაბამისი დოკუმენტები მიღებული სტუმრების რაოდენობისა და ეტიკეტის შესაბამისად დამხვედრი მხარის შემადგენლობის შესახებ. ძირითადად, თანხა ანაზღაურებულია მხოლოდ მიღება-ჩაბარების აქტებისა და სასაქონლო ზედნადებების საფუძველზე. ზოგ შემთხვევაში, ხელშეკრულებებით განსაზღვრული არ არის შესყიდვის ობიექტის დასახელება და რაოდენობა, ერთეულის ფასი, მომსახურების ღირებულების გაანგარიშების წესი და სხვა. 

,,გარდა ამისა, მესტიის მუნიციპალიტეტმა ვერ დაადასტურა 5 500 ლარის ხარჯვის მიზნობრიობა. კერძოდ, 7 ხელშეკრულების შემთხვევაში, უცნობია, ვის გაუწიეს სასტუმროსა და კვების ობიექტის მომსახურება და ვის გადასცეს წარმომადგენლობითი ხარჯების მუხლით შესყიდული საჩუქრები. მაგალითად, 2018 წლის 14 სექტემბერს, მესტიის მუნიციპალიტეტმა გამარტივებული შესყიდვის ხელშეკრულება გააფორმა, რომლის ღირებულება 2 900 ლარი იყო. ხელშეკრულების საგანია საჩუქრებისა და ჯილდოების მიწოდება, თუმცა არ არის განსაზღვრული, კონკრეტულად რა რაოდენობისა და რა სახის ნივთებია გათვალისწინებული. 24 სექტემბერს, მიმწოდებელს სრულად აუნაზღაურეს სახელშეკრულებო ღირებულება, მაგრამ მუნიციპალიტეტმა ვერ წარმოადგინა ინფორმაცია, რა ჩაიბარა მიმწოდებლისგან, ან როგორ გამოიყენა მიღებული პროდუქტი''. 

შესაბამისად, სახელმწიფო აუდიტორებმა დაასკვნეს, რომ წარმომადგენლობითი ხარჯები, რიგ შემთხვევაში, მესტიის მუნიციპალიტეტმა შესაბამისი დოკუმენტური დასაბუთების გარეშე გასწია. მათივე მტკიცებით, ყველაფერი ეს, საბიუჯეტო რესურსების არაეკონომიური ხარჯვის რისკებს შეიცავს. რაც მთავარია, მუნიციპალიტეტში, შესყიდვის პროცესის საჯაროობა და გამჭვირვალობა უზრუნველყოფილი არაა!

მაია მიშელაძე

]]>
versiaprinti@yahoo.com (super admin) ეკონომიკა Wed, 26 Feb 2020 13:03:19 +0400
გაძვირდება თუ არა პური http://www.versia.ge/2013-07-31-11-22-56/item/6567-გაძვირდება-თუ-არა-პური.html http://www.versia.ge/2013-07-31-11-22-56/item/6567-გაძვირდება-თუ-არა-პური.html

მალხაზ დოლიძე: „წისქვილკომბინატებში ფქვილი გაიაფდა, საერთაშორისო ბაზარზე ხორბლის ფასი არ შეცვლილა, დენი, გაზი და წყალი არ გაძვირებულა და მე გეკითხებით, პური რატომ უნდა გაძვირდეს?!“

რამდენიმე დღეა, სოციალურ ქსელში დიდი აჟიოტაჟია ატეხილი, რომ პური, შესაძლოა, 15-20 თეთრით გაძვირდეს. ეს ინფორმაცია მედისაშუალებებმაც აიტაცეს და მოსახლეობაც აქოთქოთდა. ,,ვერსიამ'' ინფორმაცია ჯერ ხორბლისა და ფქვილის მწარმოებელთა ასოციაციაში, შემდეგ კი პურის მრეწველთა კავშირში გადაამოწმა.

თავდაპირველად, საქართველოს ხორბლისა და ფქვილის მწარმოებელთა ასოციაციას დავუკავშირდით. ეს იმიტომ, რომ პურის მთავარი ნედლეული ხორბალი და ფქვილია. თუ ამ ორი პროდუქტის ფასი გაიზრდება, მხოლოდ მაშინ შეიძლება ვივარაუდოთ, რომ შესაძლოა, პური გაძვირდეს. დაუკვირდით, შესაძლოა და არა აუცილებელი, რადგან ასეც რომ იყოს, პურის ცხობას ფქვილისა და ხორბლის გარდა, დენი, წყალი და გაზი, სხვაგვარად, ენერგომატარებლები სჭირდება. ეს იმას ნიშნავს, რომ ხორბალი და ფქვილი უმნიშვნელოდაც რომ გაძვირდეს, პურის კეთილსინდისიერი მწარმოებელი მაშინვე კი არ გააძვირებს პროდუქტს, ენერგომატარებლების კალკულაციასაც გადახედავს და თუ ამ ნაწილში არაფერი იცვლება, გაძვირებულ ხორბალსა და ფქვილს, ენერგომატარებლების ფასით დააბალანსებს, მომხმარებლებს კი უმთავრეს პროდუქტს არ გაუძვირებს! ალბათ, მიხვდით, სადაა ძაღლის თავი დამარხული?! 

საქართველოს ხორბლისა და ფქვილის მწარმოებელთა ასოციაციის აღმასრულებელმა დირექტორმა, ლევან სილაგავამ ,,ვერსიას'' განუმარტა, რომ ხორბლისა და ფქვილის ფასი არ გაძვირებულა. პირიქით, გაგიკვირდებათ და, ბოლო 10 დღეში, 1 ტომარა ფქვილი 2-3 ლარით გაიაფებულა კიდეც: 

,,რამდენიმე წისქვილკომბინტში, 1 ტომარა ფქვილი (50 კგ), ბოლო 10 დღესთან შედარებით, 2 ლარით გაიაფდა. ფასის კლების მიზეზი, საერთაშორისო ბაზარზე, ხორბლის სტაბილური ფასი და ქვეყნის შიგნით, ეროვნული ვალუტის _ ლარის კურსის სტაბილურობა გახლდათ. ხორბლისა და ფქვილის ფასიდან გამომდინარე, ის ინფორმაცია, რაც მითხარით, ჩემთვის მოულოდნელია, თუმცა პურის ფასთან დაკავშირებით, უმჯობესია, ინფორმაცია პურის მწარმოებლებთან გადაამოწმოთ''. 

ლევან სილაგავამ ,,ვერსიას'' ისიც დაუზუსტა, რომ წისქვილკომბინატებში, პირველი ხარისხის 1 ტომარა (50 კგ) ფქვილის ფასი, 10 დღის წინ, 50 ლარი იყო, ახლა კი 48 ლარია. რაც შეეხება ხორბალს, ფოთში 1 ტონა ხორბლის შემოტანა, დაახლოებით 232 აშშ დოლარის ეკვივალენტია ლარში. 

Facebook-ზე აგორებული ჭორი, ,,ვერსიამ'' პურის მრეწველთა კავშირში გადაამოწმა. ამ კავშირის თავმჯდომარე, იმავდროულად, თბილისის ერთ-ერთი უმსხვილესი, მე-4 ქარხნის დირექტორი მალხაზ დოლიძეა, რომელმაც დაგვარწმუნა, რომ პური 10 ან 15 თეთრით კი არა, უახლოეს მომავალში, საერთოდ არ გაძვირდება: 

,,ამ დღეებში, ზუგდიდში, ერთ-ერთი თონის მფლობელმა პური 10 თეთრით გააძვირა და ამაზე ერთი ამბავი ატყდა. დამიჯერეთ, ხალხო, საგანგაშო სიტუაცია არ არის, რადგან საქართველოში პური არ გაძვირდება! თბილისში, დაახლოებით, 400 ტონა პური ცხვება, რუსთავში _ 100 ტონა, ქუთაისში _ 200 ტონა, ბათუმში _ 200 ტონა, დანარჩენ რეგიონებში _ 200 ტონა... საქართველოში, ყოველდღიურად, დაახლოებით, 1 200 ტონა პური ცხვება, რაც შეეხება მწარმოებლებს, თბილისში პურის 800 მწარმოებელია, რეგიონებში _ 200, ხოლო საქართველოში _ 1 000. ახლა თავად განსაჯეთ, რა გავლენას მოახდენდა ზუგდიდის ერთი თონის მფლობელის გადაწყვეტილება, რომელმაც წინა კვირას, პურის ფასი 10 თეთრით გაზარდა? როგორც იცით, პურის ქარხნები და მსხვილი მეწარმეები ფქვილს წისქვილკომბინატებიდან ყიდულობენ, სადაც 1 ტომარა (50 კგ) ფქვილი არ გაძვირებულა, არც საერთაშორისო ბაზარზე შეცვლილა ხორბლის ფასი. რაც მთავარია, დენი, გაზი და წყალი არ გაძვირებულა, ახლა მე გეკითხებით, პური რატომ უნდა გაძვირდეს?!'' 

კეთილი და პატიოსანი, მაგრამ ,,ვერსია'' დაინტერესდა, რაღა მაინცდამაინც ზუგდიდის ერთ-ერთი თონის მფლობელმა გააძვირა პური, თანაც 10 თეთრით და თან ისე, რომ ამ ფაქტს რამდენიმე ტელევიზიაც კი გამოეხმაურა სპეციალური სიუჟეტით, რაც მალხაზ დოლიძემ ასე აგვიხსნა: 

,,იცით, რაშია საქმე? პატარ-პატარა საცხობებს ფქვილის საკუთარი მიმწოდებლები ჰყავთ.Pპურის ქარხნებისა და მსხვილი მწარმოებლებისგან განხვავებით, ისინი ფქვილს ბაზარში ყიდულობენ და ამ საცხობებს, მათ შორის, თონეებსაც ამარაგებენ. ბაზარში კი, ხომ იცით, რა სიტუაციაა? ზოგი ვაჭარი ფქვილს 1-2 ლარით, ზოგი _ 5 ლარით აძვირებს. გიმეორებთ, პურის, როგორც სახალხო პროდუქციის ფასი არ გაიზრდება! 

ყველაზე მნიშვნელოვანი ის არის, რომ ახალი წლის წინ, ამერიკის შეერთებულმა შტატებმა საქართველოს 27 000 ტონა ხორბალი გადასცა მსხოლოდ იმის გამო, რომ რუსეთმა ხორბალზე დამატებითი გადასახადი დაგვიწესა. ამერიკა ჩვენი მეგობარი და სტრატეგიული პარტნიორია და ასეთი საჩუქარი გაგვიკეთა, ახლა კიდევ ველოდებით 30 000 ტონა ხორბალს. ამას იმიტომ გეუბნებით, რომ წისქვილკომბინატებს ხორბლის საკმარისი მარაგი აქვთ''.

მაია მიშელაძე

]]>
versiaprinti@yahoo.com (super admin) ეკონომიკა Wed, 19 Feb 2020 13:27:06 +0400
უმძიმესი რეალობა _ საქართველოს მოსახლეობის უმეტესობა შიმშილის ზღვარზეა! http://www.versia.ge/2013-07-31-11-22-56/item/6563-უმძიმესი-რეალობა-_-საქართველოს-მოსახლეობის-უმეტესობა-შიმშილის-ზღვარზეა.html http://www.versia.ge/2013-07-31-11-22-56/item/6563-უმძიმესი-რეალობა-_-საქართველოს-მოსახლეობის-უმეტესობა-შიმშილის-ზღვარზეა.html

საგანგაშო კვლევა: 1 800 000 ადამიანს 19 მილიარდი ლარის სესხი აქვს აღებული!

საქართველოს სრულწლოვანი მოსახლეობის 66% სამომხმარებლო სესხით სარგებლობს. სხვაგვარად რომ ვთქვათ, ქვეყნის ორი მესამედი ვალით ცხოვრობს, რაც იმას ნიშნავს, რომ ქვეყანაში ეკონომიკური კრიზისია. მძიმე ეკონომიკური ფონის გამო, დასაქმებული მოსახლეობის აბსოლუტური უმრავლესობა პრობლემის გადაჭრას სწრაფი სამომხმარებლო სესხით ცდილობს. საბოლოოდ, კიდევ უფრო მძიმე მდგომარეობაში ვარდება, რადგან ბანკიდან, ან სხვა საფინანსო ინსტიტუტიდან ერთხელ უკვე აღებულ ვალს ახალ ვალს უმატებს, მერე ამ ვალს ვეღარ ისტუმრებს და პრობლემურ მსესხებელთა რაოდენობა გეომეტრიული პროგრესიით იზრდება.

არასამთავრობო ორგანიზაცია ,,თავისუფლებისა და დემოკრატიის ფონდმა'' ახალი კვლევა გამოაქვეყნა. საქართველოს ეროვნული ბანკიდან გამოთხოვილი ინფორმაციით ირკვევა, რომ საქართველოში 1 800 000 სრულწლოვან ადამიანს, დაახლოებით, 19 მილიარდი ლარის ოდენობის სესხი აქვს აღებული, რაც ცალსახად იმას ნიშნავს, რომ ქვეყნის მოსახლეობის 66% საბანკო ვალით ცხოვრობს, ხოლო ერთი ადამიანის სესხის საშუალო მოცულობა, დაახლოებით, 10 000 ლარია. 

,,თავისუფლებისა და დემოკრატიის ფონდში'' განმარტავენ, რომ სამომხმარებლო სესხის ასეთი მაღალი მაჩვენებელი არაფერზე მიუთითებს, მაგრამ მთავარი პრობლემა სესხის მიზნობრიობაა. ქვეყნის სრულწლოვანი მოსახლეობის 66% სამომხმარებლო სესხით სარგებლობს, რაც ძირითადად, მოხმარებას ხმარდება და არა _ წარმოებას. 

„ამ შემთხვევაში, მთავარი პრობლემა სესხის მიზნობრიობაა. საქართველოში 2 700 000 სრულწლოვანი ადამიანია, რომელთა 66%-ს სამომხმარებლო სესხი აქვს აღებული. ხშირად გვედავებიან და გვიმტკიცებენ, რომ სესხი კარგია, მაგრამ ავიწყდებათ, რომ მხოლოდ იმ შემთხვევაში, თუ ეს სესხი ეკონომიკური დოვლათის შექმნას უნდა მოხმარდეს. საქართველოში 760 000 პენსიონერია და მათგან ყოველი მეორე თუ არა, ყოველი მესამე სარგებლობს საპენსიო სესხით, რასაც ძირითადად, წამლებისა და საკვებისთვის იყენებს. მეტიც, ყოველ მეოთხე მსესხებელს, ვადაგადაცილება უფიქსირდება, რაც ნიშნავს, რომ სესხის დაფარვას ვერ ახერხებს. გარდა ამისა, პრობლემაა ისიც, თუ როგორ იზრდება ბანკებისთვის ვადაგადაცილებულ სესხებზე ჯარიმებიდან და საურავებიდან მიღებული შემოსავლები. 2017 წელს, ეს მაჩვენებელი 77 მილიონი იყო, 2019 წელს _ 85 მილიონი. ეს ნიშნავს, რომ ადამიანებს სესხის გადახდა უფრო და უფრო უჭირთ. 2018 წელს, უფრო მეტ ადამიანს ჰქონდა ვადაგადაცილება სესხებზე, ვიდრე 2019 წელს, მაგრამ მათი რაოდენობა იმიტომ კი არ შემცირდა, რომ ეკონომიკური მდგომარეობა გაუმჯობესდა, არამედ, 2018 წლის ბოლოს, სესხების განულების პროგრამის საშუალებით, ვადაგადაცილებული სესხები ჩამოაწერეს“, _ განმარტავენ კვლევის ავტორები. 

ერთი წლის წინ, საქართველოს ეროვნულის ბანკის რეგულაციების შედეგად, სამომხმარებლო სესხების აღება გამკაცრდა. იმდენადაც კი, რომ საზოგადოების ცნობადი სახეები სოციალურ ქსელში სარკასტულად ხუმრობდნენ _ ტექნიკის მაღაზიებში, სხვადასხვა საყოფაცხოვრებო ნივთს განვადებითაც კი ვეღარ ვყიდულობთო. რეალურად, საბანკო რეგულაციების შემოღების ერთადერთი მიზანი ის იყო, რომ ბანკებს თუ სხვა საფინანსო ინსტიტუტებს, პოტენციური მსესხებლის საკრედიტო ისტორია გულდასმით შეესწავლათ და მხოლოდ დადასტურებული შემოსავლების შემთხვევაში გაეცათ სამომხმარებლო სესხი. 

ასეა თუ ისე, ცოტა უცნაურია, რომ მკაცრი საბანკო რეგულაციების ფონზე, საქართველოს მოსახლეობის 66%-ს, დაახლოებით, 19 მილიარდი ლარის სესხი აქვს. ,,თავისუფლებისა და დემოკრატიის ფონდის'' ამ კვლევაზე, ,,ვერსიას'' ,,საზოგადოება და ბანკების'' ერთ-ერთი დამფუძნებელი, გიორგი კეპულაძე ესაუბრა. 

_ გიორგი, საბანკო რეგულაციების გამკაცრების ფონზე, საქართველოში მცხოვრებ 1 800 000 ადამიანს, 19 მილიარდი ლარის სესხი ჰქონია, როგორ ხსნით ამ უცნაურ ტენდენციას? 

_ აუცილებლად უნდა გავითვალისწინოთ, რომ ეს არის მთლიანი საფინანსო სექტორის ვალდებულებები ანუ აქ მხოლოდ საბანკო სესხები არ იგულისხმება. ზოგადად, სამომხმარებლო სესხების რაოდენობრივი ზრდა, ონლაინსესხების მასობრიობამ გამოიწვია _ ბევრ ადამიანს მცირე ზომის პატარა სესხი აქვს. მიუხედავად იმისა, რომ 2018 წლის ბოლოს, 600 000-ზე მეტ ადამიანს, რომლებსაც პრობლემური ანუ ვადაგადაცილებული სესხები ჰქონდა, ეს ვალდებულება ჩამოაწერეს, 2019 წლის მონაცემებით, 111 000-ზე მეტ ახალ მსესხებელს ახალი ვადაგადაცილება გააჩნდა, დღეს კი მათი რაოდენობა 472 000-ია ანუ ყოველ მეოთხე მსესხებელს პრობლემა აქვს. 

რა თქმა უნდა, მთავარი მიზეზი სიღარიბე და ქვეყნის დაბალი ეკონომიკური განვითარებაა, სწორედ ამის გამოა, რომ მოქალაქეების ნაწილს, თვიდან თვემდე თავის გასატანად გარკვეული ოდენობის სესხი სჭირდება, რაც თავისთავად, მსესხებელთა რაოდენობას ზრდის. ვფიქრობ, მთავრობამ ამ პრობლემის წინააღმდეგ სერიოზულად უნდა იბრძოლოს, სულ მცირე, ამ ადამიანებს იმის საშუალება მაინც უნდა ჰქონდეთ, რომ ცხოვრების ელემენტარული პირობები დაიკმაყოფილონ. 

აქვე, ისიც უნდა აღვნიშნოთ, რომ შარშან ძალიან მაღალი ინფლაცია იყო _Pსაშუალოდ 7%, მაგრამ მთავარი პროდუქცია, რასაც მოვიხმართ და ეს სურსათია, დაახლოებით, 15%-20%-ით გაძვირდა. ამან გაზარდა ხარჯები და შესაბამისად, ადამიანებს, რომლებსაც სესხები ჰქონდათ აღებული, სურსათის გაძვირების გამო, სესხების მომსახურების ფული აღარ დარჩათ! 

_ რეალობა ასეთია: მძიმე ფინანსური მდგომარეობიდან გამომდინარე, პრობლემის მოგვარებას ხალხი ახალი სესხის აღებით ცდილობს, ალბათ, ამიტომაცაა ბევრი ვადაგადაცილებული სესხი, არ მეთანხმებით? 

_ სამწუხაროდ, ჩვენთან დანაზოგების სისტემა და ზოგადად, თანხის დაზოგვის კულტურა კარგად განვითარებული არაა. ,,შავი დღისთვის'' გადადებული ფული ბევრ ოჯახს, სამწუხაროდ, აღარ აქვს. შესაბამისად, ისინი ყოველთვიურად არიან მობილიზებულნი, რათა როგორმე თავი გაიტანონ და ხშირ შემთხვევაში, ვალზე ვალს ამატებენ, რაც კარგი ცხოვრებიდან არ არის გამოწვეული. მიზეზი ისაა, რომ ამ ადამიანებს სხვა საშუალება, უბრალოდ, აღარ დარჩათ, რაც გასაყიდი ჰქონდათ _ გაყიდეს, ვალის აღების რა შესაძლებლობაც ჰქონდათ _ უკვე აიღეს და ერთი შანსიღა დარჩათ _ როგორღაც შემორჩენილი ძვირფასი ნივთის დალომბარდების, ან ონლაინსესხის აღების. შესაბამისად, ქვეყანაში ვალის ტვირთი და ჭარბვალიანობა გაიზარდა და მიუხედავად იმისა, რომ 2018 წლის ბოლოს, ამდენ ადამიანს ვადაგადაცილებული სესხები ჩამოაწერეს, მაინც დარჩნენ ისინი, რომლებსაც უკვე მიმდინარე სესხებზე უფიქსირდებათ ვადაგადაცილება. 

მას, ვისაც 2018 წლის ბოლოს ვალი ჩამოაწერეს, პარალელურად, გარკვეული საბანკო სესხი მაინც ჰქონდა დარჩენილი, რომელსაც ვერ იხდიდა, მაგრამ სავარაუდოდ, არც ჩამოწერას ექვემდებარებოდა. ამიტომაც ვამბობ, რომ ვალების ჩამოწერით, ამ ადამიანების რაოდენობა მნიშვნელოვნად მაინც არ შემცირებულა. ყოფილი პრემიერი, მამუკა ბახტაძე, პირდაპირ ატყუებდა მოსახლეობას, როდესაც ჰპირდებოდა, რომ 2019 წლის 1 იანვრიდან, ისინი ახალ ცხოვრებას დაიწყებდნენ და თუ დასჭირდებოდათ, ბანკიდან სესხს უპრობლემოდ აიღებდნენ. როგორც გითხარით, ამ ადამიანებს სხვა ვალდებულებებიც ჰქონდათ და ამის გამო, დღესაც პრობლემა აქვთ. შესაბამისად, ვადაგადაცილებული სესხების ჩამოწერა პოპულისტური ნაბიჯი იყო, რაც ბევრი საერთაშორისო ორგანიზაციის შეფასებით, ამომრჩევლების ირიბ მოსყიდვად შეფასდა. რეალურად, ამან ეკონომიკური შეღავათი არ მოგვიტანა, რადგან მართალია, ადამიანებს სესხები ჩამოაწერეს, რაც მცირეოდენი შეღავათია, მაგრამ აქტიურ ეკონომიკურ პროცესში მაინც ვერ ჩაერთნენ _ სესხის აღებას ვერ ახერხებენ! 

სხვათა შორის, იმ ადამიანების უმრავლესობა, რომლებსაც 2018 წლის დეკემბერში, ვადაგადაცილებული სესხები ჩამოაწერეს, კომერციული ბანკებისა და სხვა საფინანსო ინსტიტუტებისთვის ძალიან დიდხანს, ისევ ცუდი მსესხებლები იქნებიან. ყველამ იცის, რომ მათ საკუთარი სურვილით კი არ გადაიხადეს დავალიანება, არამედ, ვიღაცამ გადაუხადა და ეს ინფორმაცია დამალული არ ყოფილა _ საჯარო ფაქტი იყო. ამიტომაც, ეს ადამიანები ბანკებისთვის სარისკო მსესხებლები არიან და კიდევ კარგა ხნის განმავლობაში, მათ სესხების აღება ძალიან გაუჭირდებათ. 

_ ისევ ,,თავისუფლებისა და დემოკრატიის ფონდის'' კვლევას დავუბრუნდეთ. მესმის, ძალიან ძნელია, ადამიანთა იმ კატეგორიას ვურჩიოთ, ვალზე ვალი არ დაიმატონ, რომლებსაც კონკრეტულ მომენტში ფინანსური პრობლემა შეექმნათ და მართალია, სესხი უკვე აქვთ, მაგრამ ისევ ბანკს, ან ონლაინ-საკრედიტო ორგანიზაციას მიმართავენ, რათა 300-500 ლარის სესხი აიღონ. ამის მიუხედავად, მაინც უნდა გკითხოთ, რა არის გამოსავალი? 

_ საბოლოო ჯამში, გრძელვადიან პერსპექტივაში, გამოსავალი ისაა, რომ ცხოვრების დონე ამაღლდეს, სიღარიბე ნელ-ნელა მაინც დავძლიოთ, რათა ადამიანთა უმრავლესობისთვის, ფულის სესხება გადარჩენის ერთადერთი გამოსავალი არ იყოს! ძალიან მნიშვნელოვანია ფინანსური განათლების დონის ამაღლება, რაზეც ერთდროულად უნდა იზრუნოს, როგორც სახელმწიფომ და კომერციულმა ბანკებმა, ასევე ჩვენ _ არასამთავრობო ორგანიზაციებმაც. 

როდესაც ადამიანები, საკუთარი გადაწყვეტილებით, ვალზე ვალს ამატებენ, ან ამ დროს, ვიღაცა ლომბარდში მიდის, რათა თავისი ოჯახიდან ბოლო ოქროს ნივთი ჩააბაროს, მან ყველაზე უკეთ იცის, რომ კარგა ხანს, ვერც ამ ნივთს დაიბრუნებს უკან და ვერც სესხს გაისტუმრებს. თუმცა, ამის მიუხედავად, იმდენად უჭირს, რომ სხვა არჩევანი და გამოსავალი, უბრალოდ, არ დარჩა. სამწუხაროდ, შესაძლოა, საკმარისი ფინანსური განათლებაც არ აქვს, რათა დათვალოს, რამდენად ძვირი უჯდება ეს ნაბიჯი საბოლოოდ, რამდენად დამაზიანებელია მისი ოჯახისა და ფინანსებისთვის ვალზე ვალის დამატება. 

ფინანსური განათლების დონის ამაღლების გარდა, მოსაფიქრებელია სქემა, რათა კომერციულ ბანკებსა და საფინანსო ინსტიტუტებში, რისკების მენეჯმენტი და რისკების შეფასების სტრუქტურა კიდევ უფრო მეტად დაიხვეწოს. იმედი მაქვს, იმ რეგულაციებს, რაც საბანკო და საფინანსო სექტორში შარშან შემოვიდა, საშუალოვადიან პერსპექტივაში ისეთი შედეგი ექნება, რომ ქვეყანაში ჭარბვალიანობა აღარ გაიზრდება.

მაია მიშელაძე

]]>
versiaprinti@yahoo.com (super admin) ეკონომიკა Wed, 19 Feb 2020 13:26:53 +0400