პოლიტიკა - ვერსია - ვერსია http://www.versia.ge Mon, 01 Jun 2020 20:32:29 +0400 Joomla! - Open Source Content Management en-gb სანდრა, მელია თუ პატარა ვაშაძე _ ვინ იქნება ოპოზიციის პრემიერობის კანდიდატი http://www.versia.ge/2013-07-31-11-22-32/item/6787-სანდრა,-მელია-თუ-პატარა-ვაშაძე-_-ვინ-იქნება-ოპოზიციის-პრემიერობის-კანდიდატი.html http://www.versia.ge/2013-07-31-11-22-32/item/6787-სანდრა,-მელია-თუ-პატარა-ვაშაძე-_-ვინ-იქნება-ოპოზიციის-პრემიერობის-კანდიდატი.html

ყბადაღებული "ორი-სამი კვირა" და ქართული პოლიტიკის სხვა კორონაკურიოზები

ვერ ვიტყვით, რომ საქართველო მსოფლიო დინების საწინააღმდეგოდ მიდის, მაგრამ პანდემიის კონტექსტში, ჩვენი ქვეყანა განსხვავებული ალგორითმით მოქმედებს. ყოველ შემთხვევაში, იმ ქვეყნებშიც კი, სადაც „უხილავი მტრით“ გარდაცვლილთა და დაინფიცირებულთა რიცხვი კოშმარულად მაღალი იყო, მკაცრი შეზღუდვების მოხსნა, ლამის ბოლოში გადის. აქ კი... კი, ბატონო, საგანგებო მდგომარეობა და კომენდანტის საათი ჩვენთანაც გაუქმდა და იგივე ავტომანქანით სამ ადამიანზე მეტის გადაადგილებაც უკვე შესაძლებელია, მაგრამ ქართველი ექიმები და, მათი რეკომენდაციით, ხელისუფლებაც სიფრთხილეს იჩენს და აი, მაგალითად, საზოგადოებრივ ტრანსპორტზე შეზღუდვას არ ხსნის.

მათი არგუმენტი, რომლებიც კორონას დამარცხებულად არ თვლიან, ამ კონკრეტულ შემთხვევაში ისაა, რომ თუ საზოგადოებრივი ტრანსპორტი ამუშავდება, მაშინ ხალხის მობილობა გაიზრდება და შესაბამისად, კორონაც ხელმეორედ იფეთქებს. ამ მსჯელობაში ლოგიკა, შესაძლოა, არის, მაგრამ ადამიანების უმეტესობას თანდათან უმყარდება ეჭვი, რომ პანდემიას ქართული პოლიტელიტის ორივე ფრთა ანუ ხელისუფლებაცა და ოპოზიციაც საკუთარი მიზნების გამოყენებისთვის ცდილობს. 

იქიდან გამომდინარე, რომ არსებობის უფლება ნებისმიერ ვერსიას აქვს, ცხადია, ვერც ამ ეჭვს უგულებელვყოფთ, მით უმეტეს, რომ ეპიდემიოლოგებისა და „ოცნების“, ასე ვთქვათ, კავშირებზე უკვე თავად ოპოზიციონერი ლიდერებიც მიანიშნებენ. აი, მაგალითად, ნაცმოძრაობის პოლიტსაბჭოს ლიდერმა, ნიკა მელიამ თენგიზ ცერცვაძეს პირდაპირ მოუწოდა, რომ ხელისუფლების მხარე არ გახდეს და პარტიულ აგიტაციას მოეშვას. 

„... არ დავმალავ, გაოგნებული დავრჩი. სრულიად გაუგებარია, რა აღმშენებლობაზე გვესაუბრება ბატონი თენგიზ ცერცვაძე, რა შენდება და მშვენდება ზუგდიდში, ამ ბოლო წლებში? ან რომელ მერს და რეგიონალურ ხელისუფლებას აქებს და ადიდებს, რომელიც ქუჩების რეცხვით და კლიპების გადაღებით ირთობდა თავს ეპიდემიის მძვინვარებისას, როცა ჩვენ, მთელი საზოგადოება სახლებში ვიყავით გამომწყვდეულები?! 

უკაცრავად, ვირუსს ებრძვით თუ ვირუსი უკვე მოინელეთ, საარჩევნო ბრძოლაში გადმოერთეთ და პარტიულ აგიტაციას მიჰყავით ხელი? 

ნუთუ, ახლა, როცა (როგორც თქვენ საუბრობთ) ჯერაც არ დაგვიმარცხებია ვირუსი და მეტიც, მეორე ტალღას ველოდებით, აი, ამ გაგანია შუა ბრძოლაში, ხელისუფლებისგან დამოუკიდებელად მოგინდათ ხელისუფლების ქება? თანაც იმ ასპექტში, რომელიც არაფერ შუაშია ეპიდემიასთან? 

ბავშვიც არ დაიჯერებს იმას, რომ ეს ყველაფერი ხელისუფლებისგან დამოუკიდებლად ხდება. 

ბოლომდე ნუ გაფლანგავთ და ნუ დაახურდავებთ ვირუსთან ბრძოლისას მოპოვებულ ხალხის სიყვარულს პარტიულ აგიტაციაზე. დარჩით ყველას ექიმად. ნუ იქცევით „ქართული ოცნების“ სახედ. ნუ იქცვით იმის სახედ, რასაც სახე არა აქვს. 

ან, რა დროს ვინმეს ქება და მხარდაჭერაა, როდესაც მაგ: საზ. ტრანსპორტი ისევ გაჩერებულია, ხალხი კვლავ სამსახურების, დახმარებების გარეშეა, შიმშილობს და ა.შ.“, _ დაწერა რამდენიმე დღის წინ, სოციალურ ქსელში, ნიკა მელიამ. 

მელიას ეს განცხადება, შესაძლოა, ხისტია, მაგრამ როგორც აღვნიშნეთ, ადამიანების გარკვეული კატეგორია ჰიპოკრატეს თანამედროვე კოლეგებს უკვე ერთგვარი ეჭვით უყურებს და ეს მაშინ, როცა პანდემიის დაწყების დროს, სრულიად ერი, მათ ტაშს უკრავდა. ისე, ეჭვის საფუძველი, შესაძლოა, ისიც გახდა, რომ ექიმების ცნობილი „ტრიუმვირატი“, ლამის პანდემიის გამოცხადების დღიდან, მუდმივად ორი-სამი კვირით აპელირებდნენ და, მიუხედავად იმისა, რომ საგანგებო მდგომარეობა მოიხსნა და კოვიდინფიცირებულებსაც, გამოჯანმრთელებულები, მინიმუმ, სამჯერ აღემატებიან, იგივე ბატონი თენგიზ ცერცვაძე, უწინდებურად „ორ-სამ კვირაზე“ უბნობს. 

„ჯერჯერობით, მხოლოდ ფრთხილი ოპტიმიზმის საფუძველი გვაქვს, რადგან შეზღუდვების მოხსნა დაიწყო 18 მაისს, ჯერ ერთი კვირაა მხოლოდ გასული. დაველოდოთ, ვიდრე შეზღუდვების მოხსნიდან და, მით უმეტეს, საგანგებო მდგომარეობის გაუქმებიდან გავა 2-3 კვირა. თუ ამ პერიოდში ჩვენ შევინარჩუნეთ ეს ეპიდსიტუაცია, რომელიც დღეს გვაქვს, ან ცოტა ამაზე უარესი, დღეში ერთ და ორ შემთხვევაზე მხოლოდ ოცნება შეიძლება, მაგრამ რომ იყოს დღეში 10-მდე შემთხვევა, 20-მდე შემთხვევა, ესეც ძალიან დიდი წარმატება იქნება. მაინც ჩაითვლება, რომ საქართველო ძალიან კარგად გაუმკლავდა ეპიდემიის პირველ ეტაპს, რადგან იმდენად კარგად არის მომზადებული ჯანდაცვის სამინისტროს კლინიკური სექტორი, რომ ეს ვერანაირ გავლენას ვერ მოახდენს ჩვენი ცხოვრების რიტმზე, წესზე, ეკონომიკაზე და ეს იქნება ჩვეულებრივი რიგითი ინფექცია, რომელსაც საზოგადოება, ხალხი ვერც გაიგებს“, – ეს განცხადება საქართველოს „პირველ არხთან“, თენგიზ ცერცვაძემ 26 მაისს გააკეთა. 

ერთი სიტყვით, ყოველივე ზემოთქმული, პირდაპირ თუ ირიბად, იმაზე მიანიშნებს, რომ საქართველოში კორონა და პოლიტიკა ურთიერთგადაჯაჭვულია. ყოველ შემთხვევაში, მარკშეიდერიც კი ვერ გაიგებს, სად მთავრდება ინფექცია და სად იწყება პოლიტიკა. 

სხვათა შორის, ზოგი ვარაუდობდა, რომ პოსტპანდემიური პოლიტიკა აბსოლუტურად განსხვავებული იქნებოდა, მაგრამ როგორც სააკაშვილი იტყოდა, ნურას უკაცრავად ანუ პოლიტინტრიგებმა დაავიწყა ხალხს კორონა, რასაც სხვა თუ არაფერი, პრეზიდენტის მიერ, გიგი უგულავასა და ირაკლი ოქრუაშვილის შეწყალებაც მოწმობს. 

მოკლედ, საზოგადოება ჯერ კიდევ უგულავა-ოქრუაშვილის შეწყალების ეიფორიაში იყო, პოლიტიკაში ახალი სალაპარაკო რომ გაჩნდა. ყველაფერი კი პარტია „კანონი და სამართლის“ ლიდერის, თაკო ჩარკვიანის განცხადებით, უფრო ზუსტად, ინიციატივით დაიწყო, რომლის თანახმადაც, წლევანდელი არჩევნების შემდეგ, კარგი იქნება, თუ საქართველოს პრემიერი გიორგი ვაშაძე გახდება. 

„საქართველოს მომავალი პრემიერი უნდა ერკვეოდეს ეკონომიკაში _ აქ ორი აზრი არ არსებობს. „ძალა ერთობაშია“-ს გვაქვს ამის რესურსი. პირადად მე, ამ რესურსით გიორგი ვაშაძე დავინახე. არაფერს გამოვრიცხავ, არც _ მაჟორიტარს, არც _ სიას, თუმცა მაქვს ჩემი პრინციპები. თუ სიაში გაიელვებს სადმე დასავლური ვექტორის გარდა, პუტინის მომხრე, მე, თამარ ჩარკვიანს დეპუტატობა არ მიღირს“, _ განაცხადა თაკო ჩარკვიანმა ერთ-ერთი სატელევიზიო გამოსვლისას. 

„ვერსიის“ ინფორმაციით, თაკო ჩარკვიანის ინიციატივა მოულოდნელი, ვთქვათ, ხელისუფლებისთვის კი არა, თავად ოპოზიციისთვისაც აღმოჩნდა, თუმცა ვიდრე ამ კულუარებს გიამბობთ, მოდით, ვნახოთ, თუ როგორ შეაფასეს ზემოხსენებული ინიციატივა თავად გიორგი ვაშაძემ, მისმა კოლეგებმა და პოლიტიკურმა ანალიტიკოსებმა. 

„მოგატყუებთ, რომ ვთქვა, არ იყო ამ საკითხზე საუბარი-მეთქი, თუმცა ამაზე გადაწყვეტილება ნამდვილად არ ყოფილა. ჩვენ უნდა შევთანხმდეთ, რომ აუცილებლად უნდა დავასახელოთ პრემიერობის კანდიდატი, რეიტინგები უნდა იყოს განმსაზღვრელი, ვის რისი წარდგენა შეუძლია ამ თვალსაზრისით. დარწმუნებული ვარ, რომ ყველაფერზე ჩამოვყალიბდებით და შევთანხმდებით. უბრალოდ, რადგანაც მედიასაშუალებებში წამოიწია ეს თემა, რა თქმა უნდა, ვისაუბრეთ, დღის წესრიგში არ ყოფილა ეს საკითხი და კონკრეტიკაზე ნამდვილად ვერ ვისაუბრებ, – უთხრა ჟურნალისტებს ახალი საქართველოს ლიდერმა, გიორგი ვაშაძემ და იქვე განმარტა, რომ ზემოხსენებული შეთავაზება არც სააკაშვილისგან მიუღია, _ უახლოეს დროში ჩვენ არ გვისაუბრია, თუმცა მიხეილ სააკაშვილი იყო ის, ვინც ასახელებდა ჯერ კიდევ 2018 წელს და ჩემს კანდიდატურას მოიაზრებდა ამ კუთხით, მას დაუსვით ეს კითხვა, ნამდვილად არ მქონია საუბარი. არ მგონია, აზრი შეეცვალა, რატომ უნდა მოხდეს რაიმე განსაკუთრებული ამ შემთხვევაში. ჩემი თვითმიზანი კი არ არის ეს, რაც საერთო საქმისთვის კარგია და უკეთესია, ის გადაწყვეტილება უნდა მივიღოთ ყველამ. 

მე მაქვს კონკრეტული, ძალიან მკაფიო ხედვები, რა ფუნდამენტური რეფორმებია ქვეყანაში გასატარებელი და ეს მასობრივი შიმშილი და გაჭირვება როგორ უნდა დავამარცხოთ ერთხელ და სამუდამოდ. დანარჩენი საზოგადოებისა და ჩვენი გუნდის გადასაწყვეტია, გუნდურად უნდა მივიღოთ ყველა გადაწყვეტილება, მე რა მინდა, ან არ მინდა, არ არის განმსაზღვრელი, მთავარია, გუნდი როგორ ფიქრობს“. 

რაც შეეხებათ ექსპერტებს, აი, მაგალითად, გია ხუხაშვილი პატარა ვაშაძის შესაძლო გაპრემიერებას ასე აფასებს: 

„დიდ პოლიტიკურ ფიგურას არ წარმოადგენს, ამიტომ როგორც კომპრომისული ვარიანტი, ამის დაშვება შეიძლება, მაგრამ ეს წარდგენები არის პოლიტტექნოლოგიური საკითხი, თორემ არჩევნების მოგება ოპოზიციისთვის პრობლემატური იქნება. 

ზოგადად კი, ოპოზიციის ამ ფრთაში ვაშაძე, ნამდვილად შედარებით უკეთესად გამოიყურება, მაგრამ არ დაგვავიწყდეს, რომ სხვა ოპოზიციაც არსებობს, რომელიც ამ გაერთიანებაში არ არის“. 

„ოპოზიციის ეს აქტიურობა გამოწვეულია იმით, რომ თემების ნაკლებობას განიცდიან და ამით გააქტიურებას ცდილობენ. რეალურად კი, როდესაც არ ვიცით, რომელი ოლქები იქნება, ამ დროს მაჟორიტარ კანდიდატებზე მსჯელობა, სრულიად არარეალურია. როდესაც საარჩევნო სისტემა ჩამოყალიბდება, მხოლოდ ამის შემდეგ იქნება შესაძლებელი რეალურ კანდიდატებზე მსჯელობა და ასევე იმაზე, რამდენად შეინარჩუნებს ოპოზიცია ერთიანობას. 

ზოგადად კი, ნათელაშვილის შტაბში შეკრებილი პარტიები დღესვე აცხადებენ, რომ დამოუკიდებლად გავლენ არჩევნებზე. 

გიორგი ვაშაძემ თქვა, რომ 2 წლის წინ, სააკაშვილი მიჭერდა მხარსო, მაგრამ როგორც ახლა ვნახე, ნაციონალური მოძრაობა მის მხარდაჭერაზე თავს იკავებს. ვაშაძე კი მზადაა, ეს პასუხისმგებლობა აიღოს, მაგრამ ნაციონალური მოძრაობა მზად არ არის, ეს პასუხისმგებლობა ვაშაძეს გადააბაროს?! ვაშაძე არ არის უკონკურენტო ლიდერი ამ გაერთიანებაში. 

ნაციონალური მოძრაობა თუ ნახავს, რომ ეს წვრილი პარტიები არანაირ დადებით შედეგს არ აძლევს, მაშინ ეს პარტია მათთან თანამშრომლობას არ მოისურვებს. 

ადგილებზე, იგივე საარჩევნო კომისიებში, ნაციონალური მოძრაობის ხალხმა რატომ უნდა იმუშაოს წვრილ-წვრილ პარტიებზე?! _ ეს საკითხი თავად პარტიაში გამოიწვევს განხეთქილებას, ამიტომ ოპოზიციის გაერთიანების კონტურებსაც ვერ ვხედავ“, _ ეს კი ანალიტიკოს ვახტანგ ძაბირაძის განცხადებაა, რომელიც მან ერთ-ერთ ქართულ ინტერნეტგამოცემასთან გააკეთა

* * * 

ახლა კი, დაპირებული კულუარები ოპოზიციიდან. მოკლედ, როგორც ჩვენი წყარო გვიყვება, მას შემდეგ, რაც გაჟღერდა, რომ არჩევნების შემდეგ, ქვეყნის პრემიერი გიორგი ვაშაძე უნდა გახდეს, ამ იდეას, ასე ვთქვათ, მოწინააღმდეგეები _ არც მეტი, არც ნაკლები _ ნაციონალურ მოძრაობაში გამოსჩენიან. მართალია, საჯაროდ ამის შესახებ განცხადება არავის გაუკეთებია, მაგრამ კულუარებში ისეთ ლიდერებს, როგორიც მაგალითად, ნიკა მელიაა, უკითხავს, რატომ მაინცდამაინც ვაშაძეო? მელიასთვის, როგორც ხმა დადის, მხარი სხვებსაც აუბამთ და მოუთხოვიათ, რომ ვაშაძის კანდიდატურა „უკან ყოფილიყო გაწვეული“. 

ისე, ჩვენთვის რომ ვთქვათ, მთელი ეს ამბავი იმ ანდაზას ჰგავს, ბავშვი არ დაბადებულიყო და აბრაამს არქმევდნენო ანუ ჯერ არავინ იცის, არჩევნებზე რა მოხდება და რომელი პოლიტიკური ძალა შეძლებს ხელისუფლებაში თუნდაც იმდენი პროცენტით მოსვლას, რომ იგივე კოალიციურობის შემთხვევაში, მთავრობის დაკომპლექტებისას, გადამწყვეტი სიტყვა ეთქმოდეს. აქედან გამომდინარე, არჩევნებამდე, მინიმუმ, ხუთი თვით ადრე, პრემიერობაზე საუბარი რისი მომტანია, ნამდვილად ვერ გეტყვით, თუმცა მედალს, მოგეხსენებათ, მეორე მხარეც აქვს ანუ თუ გახსოვთ, 2012 წლის ოქტომბერში, „ოცნებისთვის“ გამარჯვება ისეთი მოულოდნელი აღმოჩნდა, რომ ამა თუ იმ თანამდებობაზე კანდიდატების ძებნა მხოლოდ არჩევნების დასრულების შემდეგ დაიწყო. შესაბამისად, წარსულში რომ არ დავბრუნდეთ, ალბათ, რაღაცნაირად უკეთესი იქნება, რომ მხოლოდ ოპოზიციამ კი არა, არამედ, მოქმედმა ხელისუფლებამაც ახლავე იცოდეს, შემოდგომაზე როგორ საკადრო გადაწყვეტილებებს მიიღებს, თორემ ყველაფერს თავი რომ დავანებოთ, ისეთი ადამიანების „გაჩინოვნიკებით“ დავიღალეთ, რომლებიც შრომის წიგნაკს, პირდაპირ მინისტრების, ან პარლამენტარების სავარძლებზე დასხდომით ხსნიან. 

 

სხვათა შორის, ამ კონტექტსში აუცილებლად უნდა გავიხენოთ ერთ-ერთი ბოლო, ცოტა არ იყოს, კურიოზული შემთხვევა ანუ სოფელ კასრისწყლის რწმუნებულად დანიშნეს ადამიანი, რომელსაც, თურმე, საშუალო სკოლის ატესტატი არ ჰქონდა. ჰოდა, გამოსავალი უცებ იპოვეს _ მედიის ცნობით, რწმუნებული მეათე კლასში ჩარიცხეს. 

რაკიღა კურიოზებზე მიდგა საქმე, ბარემ, ისიც ვთქვათ, რომ 15 ივლისამდე, ესე იგი, იმ დრომდე, სანამ მთავრობას აქვს უფლება, პარლამენტის ნებართვის გარეშე, ესა თუ ის ქალაქი, რაიონი, ან სოფელი ეპიდვითარების გართულების საბაბით ჩაკეტოს, ქორწილში დასაპატიჟებელი სტუმრების სია იუსტიციის მინისტრის ბრძანებითაა განსაზღვრული. 

საინფორმაციო სააგენტო „ჰოთნიუსის“ მიერ გავრცელებულ „ნიუსში“ ვკითხულობთ: 

„კორონავირუსის გავრცელების პრევენციის მიზნით, სახელმწიფო სერვისების განვითარების სააგენტოს მუშაობის დროებითი წესები განისაზღვრა, რომელიც იუსტიციის მინისტრის შესაბამის ბრძანებით დამტკიცდა. 

ბრძანების თანახმად, სააგენტოს სერვისები ხელმისაწვდომია იუსტიციის სახლის მეშვეობით, თუმცა მოქალაქემ ვიზიტი წინასწარ უნდა დაჯავშნოს პორტალის – მყ.გოვ. გე-ს მეშვეობით. 

დადგენლებაში განისაზღვრა ქორწინების წესიც, რომელიც თბილისის იუსტიციის სახლის შენობაში მდებარე ქორწინების სახლში, 29 მაისიდან, უზნაძის ქ. №2-ში მდებარე ქორწინების სახლში კი _ 31 მაისიდან ამოქმედდება. 

კერძოდ, სპეციალური სარიტუალო მომსახურებით და ადგილზე მომსახურებით (შენობის გარეთ მომსახურება), ქორწინების რეგისტრაციისას, საქორწინო სივრცეში დასაშვებია, დასაქორწინებელ პირებთან ერთად იმყოფებოდნენ მხოლოდ მათი მშობლები, ასევე მოწმეები და ერთი ფოტოოპერატორი. 

ამასთან, საქორწინო სივრცეში მყოფ პირთა შორის სავალდებულოა სოციალური დისტანციის დაცვა. 

იუსტიციის მინისტრის ბრძანების ამ მუხლის ამოქმედებამდე, სააგენტო ქორწინების რეგისტრაციას ახორციელებს სპეციალური სარიტუალო მომსახურებისა და ადგილზე მომსახურების (შენობის გარეთ მომსახურება) გარეშე. 

თეა წულუკიანის ბრძანება საკანონმდებლო მაცნეში უკვე გამოქვეყნდა“. 

აი, სწორედ ზემოთმოყვანილი მაგალითებით ძლიერდება ეჭვი, რომ საქართველოში კორონა უფრო პოლიტიკური ვირუსია, ვიდრე _ „უხილავი მტერი“. 

* * * 

ახლა კი, მოდით, ისევ ოპოზიციის კულუარებს დავუბრუნდეთ. მოკლედ, როგორც წყარო გვიყვება, ნიკა მელიას გარდა, ოპოზიციის ცალკეულ წარმომადგენლებს ის იდეაც აქვთ, რომ პრემიერი გიორგი ვაშაძე კი არა, არამედ, სანდრა რულოვსი უნდა გახდეს. სხვათა შორის, ამ თემაზე საჯარო განცხადებები არ გაკეთებულა, მაგრამ ვიღაცებმა ეს იდეა სოციალური ქსელით გააჟღერეს. 

ისე, ეს პირველი შემთხვევა არ არის, როცა სანდრასა და იგივე, მელიას გზები იკვეთება. კერძოდ, მხედველობაში შარშანდელი ამბები გვაქვს ანუ ზუსტად ერთი წლის წინ, 2019 წლის 19 მაისს, ზუგდიდში, მერის რიგგარეშე არჩევნები გაიმართა. თავდაპირველად ითქვა, რომ მერად ნაციონალები ნიკა მელიას დაასახელებდნენ, თუმცა საბოლოოდ, ისე გამოვიდა, რომ დადიანების ქალაქში კენჭი მიხეილ სააკაშვილის მეუღლემ იყარა. 

არჩევნების დასრულებისთანავე კი, მელიამ ნიკა გვარამიას ეთერში სკანდალური განცხადება გააკეთა, რომელიც იმდრონდელი მონაცემებით, ნაციონალებში ერთგვარი დაპირისპირების საბაბი გახდა. 

ვერ ვიტყვით, რომ ისტორია მეორდება, მაგრამ ფაქტია, რომ ოპოზიცია მონოლითური კი არა, ძალიან ეკლექტურია, რაც ძალაუნებურად „ოცნების“ წისქვილზე ასხამს წყალს.

ნინო დოლიძე

]]>
versiaprinti@yahoo.com (super admin) პოლიტიკა Wed, 27 May 2020 10:22:39 +0400
დიმიტრი ხუნდაძე: „გაუქმებული რეგულაციის შემოღება, შეიძლება, ისევ საჭირო გახდეს!“ http://www.versia.ge/2013-07-31-11-22-32/item/6783-დიმიტრი-ხუნდაძე-„გაუქმებული-რეგულაციის-შემოღება,-შეიძლება,-ისევ-საჭირო-გახდეს-“.html http://www.versia.ge/2013-07-31-11-22-32/item/6783-დიმიტრი-ხუნდაძე-„გაუქმებული-რეგულაციის-შემოღება,-შეიძლება,-ისევ-საჭირო-გახდეს-“.html

„კორონაინფექციის გავრცელების საფრთხე ისევ არსებობს!“

საქართველო კორონაპანდემიის პოსტკრიზისულ ვითარებაშია. საგანგებო მდგომარეობა დასრულდა, თუმცა გარკვეული შეზღუდვები მაინც რჩება ანუ მიუხედავად იმისა, რომ გამოჯანმრთელებულთა რაოდენობა ინფიცირებულებს მკვეთრად აღემატება, სპეციალისტების განცხადებით, პანდემია ჯერ არ დასრულებულა და მეორე ტალღის შემოტევის საშიშროება არსებობს. ამ ფონზე, საქართველოს ხელისუფლებამ ჯანდაცვის კანონში ცვლილებები შეიტანა, რომლის თანახმადაც, მთავრობას, ეპიდსიტუაციის შესაბამისად, გარკვეული შეზღუდვების დაწესება პარლამენტის თანხმობის გარეშე შეუძლია, თუმცა ასეთ ერთპიროვნულ გადაწყვეტილებას აღმასრულებელი შტო მხოლოდ მიმდინარე წლის 15 ივლისამდე მიიღებს. აღნიშნულ კანონპროექტს ოპოზიციისა და სამოქალაქო სექტორის პროტესტი მოჰყვა. საია-მ კი ზემოხსენებული ცვლილებები საკონსტიტუციო სასამართლოში გაასაჩივრა. „ვერსია“ აღნიშნული საკანონმდებლო წინადადების ერთ-ერთ ინიციატორს, პარლამენტის ჯანდაცვის კომიტეტის თავმჯდომარეს, დიმიტრი ხუნდაძეს ესაუბრა.

 

_ ბატონო დიმიტრი, რატომ გახდა საჭირო, რომ მთავრობას გარკვეული შეზღუდვების შემოღების უფლება პარლამენტის გარეშე მისცემოდა? 

_ საქართველო და მსოფლიო მნიშვნელოვანი გამოწვევის წინაშე დგას. გლობალურად მძიმე ეპიდემიოლოგიური ვითარების მიუხედავად, ამ ეტაპზე, საქართველო ყველასთვის სასურველ შედეგზე გავიდა ანუ ეპიდემიოლოგიურად ყველაზე უკეთ გამოიყურება, რაც სწორი სტრატეგიისა და დროული შეზღუდვების შედეგია, თუმცა პანდემია არ დასრულებულა და ინფექციის გავრცელების საფრთხე ისევ არსებობს. დარგის აღიარებული სპეციალისტები ვარაუდობენ, რომ შესაძლოა, იყოს მეორე და მესამე ტალღა. 

22 მაისს, საგანგებო მდგომარეობა დასრულდა, მაგრამ ეპიდვითარებიდან გამომდინარე, აუცილებელია მინიმალური შეზღუდვების გარკვეული დროით შენარჩუნება, რისთვისაც საგანგებო მდგომარეობა ან უნდა გაგრძელებულიყო, ან არსებული კანონმდებლობა დაზუსტებულიყო, რის მიხედვითაც მთავრობას ექნებოდა უფლებამოსილება, შეენარჩუნებინა გარკვეული შეზღუდვები. საგანგებო მდგომარეობის გაუქმება გვაძლევს შესაძლებლობას, ხელი არ შეეშალოს საკონსტიტუციო ცვლილებების პროცესს, რადგან საგანგებო მდგომარეობის დროს, აკრძალულია კონსტიტუციური კანონპროექტის განხილვა. სწორედ ამიტომ გახდა საჭირო, რომ საზოგადოების ჯანდაცვის შესახებ კანონში ცვლილება შეგვეტანა და საგანგებო მდგომარეობის რეჟიმში მთელი ქვეყნის მასშტაბით, ან თუნდაც, ცალკეულ რეგიონებში, უფრო მძიმე რეგულაციებით კი არ გვეცხოვრა, არამედ, შედარებით მსუბუქად შესაძლებელი ყოფილიყო პროცესის მართვა, ეპიდვითარებიდან გამომდინარე. 

_ კონკრეტულად, რომელი შეზღუდვების შემოღება შეუძლია მთავრობას პარლამენტის ნებართვის გარეშე? 

_ ეს არის საზღვრების ეპიდემიოლოგიური კონტროლი, რაც მნიშვნელოვანია განსაკუთრებით სამეზობლოში. ვგულისხმობ რუსეთის ფედერაციას, სომხეთსა და აზერბაიჯანს, სადაც არასახარბიელო ეპიდვითარებაა, რაც ჩვენთვის საფრთხეს წარმოადგენს, ასევეა საკარანტინო სივრცეების მართვა. 

არსებული პოზიტიური შედეგი ორმა მთავარმა პირობამ მოგვიტანა _ საზღვრების კონტროლმა და საკარანტინო სივრცეების ჩამოყალიბებამ. ამიტომ, ახლა საგანგებო მდგომარეობა რომ არ დაგვჭირდეს და საკარანტინო სივრცეების საჭიროების შემთხვევაში მისი მართვა იყოს შესაძლებელი, ეს უფლებამოსილება მთავრობას უნდა მიეცეს. 

ასევე, საჭირო შემთხვევაში, მთავრობას საკუთრების უფლების შეზღუდვის უფლებამოსილება ეძლევა, მაგრამ ეს ეხება საჭიროების შემთხვევაში კლინიკებისა და ლაბორატორიების მობილიზებას. ეპიდსიტუაციაში უმნიშვნელოვანესი როლი აქვს კლინიკებსა და ლაბორატორიებს. პრევენციულ ღონისძიებებზეც აუცილებელი ვალდებულებაა შემოსაღები. ფიზიკური დისტანცირება და პირბადეების სავალდებულო ტარებაც გარკვეულ საკანონმდებლო რეგულაციებს მოითხოვს. 

_ გასაგებია, თუმცა თქვენი ოპონენტები აცხადებენ, რომ ამ კანონით ხელისუფლებას განუსაზღვრელი ძალაუფლება ეძლევა და შეიძლება, ადამიანის უფლებები შელახოს. 

_ უფრო მძიმე რეგულაციები გვქონდა საგანგებო მდგომარეობის დროს და სად დაინახეს ხელისუფლების მიერ ბოროტად გამოყენება?! ახლა საუბარი უფრო მსუბუქ შეზღუდვებზეა. მაგალითად, თუ ინფექციის გავრცელების მაღალი ხარისხი ერთ სოფელში დაფიქსირდება, მისი ლოკალიზება რომ მოხდეს, ან ისევ საგანგებო მდგომარეობა უნდა შემოვიღოთ, ან არსებობდეს საფუძველი საკანონმდებლო დონეზე, რათა მთავრობამ ეს კრიზის მართოს. 

ოპოზიცია აქტიურად ახსენებს საგანგებო მდგომარეობის გაგრძელებას და, ჩემი აზრით, ამით სარგებელს ეძებს. საგანგებო მდგომარეობა საზოგადოებისთვის მძიმეა და ხელისუფლების მისამართით უკმაყოფილებას იწვევს. ასევე, საგანგებო მდგომარეობის დროს, ხელი ეშლება საკონსტიტუციო ცვლილებებს და ოპოზიციას არ უნდა, რომ არჩევნები ჩატარდეს, რადგან დესტრუქციული ქმედებისთვის ნოყიერი ნიადაგია, როცა არჩევნები ვერ ტარდება და ეს ხელისუფლებას ბრალდება. 

ჩვენ თუ ახლა შემოვიღებდით საგანგებო მდგომარეობას და ვერ ჩავატარებდით არჩევნებს, ოპოზიციის რიტორიკა შებრუნდებოდა და იტყოდა, ხელისუფლებას არ უნდა არჩევნების ჩატარებაო. 

_ გეთანხმებით, რომ საგანგებო მდგომარეობის პირობებში ცხოვრება მძიმეა. ხალხი მწვავედ აპროტესტებს საზოგადოებრივ ტრანსპორტზე შეზღუდვებსაც. ხომ არ გადაწყვეტილა, როდის აღდგება ტრანსპორტის მიმოსვლა? 

_ შეზღუდვების მოხსნა ეპიდვითარებიდან გამომდინარე უნდა ფასდებოდეს ანუ ეს უნდა მოხდეს ეტაპობრივად და არა _ ერთბაშად. ეპიდემიის გავრცელებას ხელს უწყობს მოქალაქეების მაღალი კონცენტრაცია, რაც ხდება საზოგადოებრივ ტრანსპორტში, დიდ ბაზრობებზე, თავშეყრის ადგილებში. ამ ვირუსს შეუძლია სწრაფად შეცვალოს ვითარება და უკეთესი სურათი, უარესით შეცვალოს. სადაც რეგულაციებს დროულად არ იღებენ, იქ ვირუსი უმძიმეს შედეგს აყენებს. 

გვქონდა მსჯელობა და ვვარაუდობდით, რომ ტრანსპორტის მიმოსვლა უნდა აღგვედგინა ივლისის დასაწყისში, ან შუა რიცხვებში, დღეს კი ეპიდვითარება იძლევა საშუალებას, რომ ეს ვადა გადმოვწიოთ. მსჯელობის საგანი გახდა, რომ ივნისის შუამდე, ეტაპობრივად გავხსნათ საზოგადოებრივი ტრანსპორტი, თუმცა თუ ეპიდვითარება გართულდა, გაუქმებული რეგულაციის შემოღება, შეიძლება, ისევ საჭირო გახდეს. 

_ ავტომობილში 3 ადამიანზე მეტის ყოფნაზე შეზღუდვა თქვენი რეკომენდაცია იყო და ისიც კი თქვით, ავტომობილში უმეტესად ერთი მძღოლი ზის ხოლმეო, თუმცა მთავრობამ ეს რეგულაცია გააუქმა... 

_ ეს ჩემი კი არა, ეპიდემოლოგების რეკომენდაცია იყო. ამ რეგულაციის მოხსნის მომხრე მეც ვიყავი, უბრალოდ, ავხსენი, რატომ იყო ეს აუცილებელი და თქვენც გეტყვით. 

ამ შეზღუდვის შემოღება ეპიდემიოლოგების შეთავაზება იყო, რასაც მხარი იმიტომ დავუჭირე, რომ ავტომანქანაში მცირე სივრცეა და ავტომობილებს, ძირითადად, ჰყავთ ერთი და იგივე მძღოლი, მგზავრები კი ხშირად იცვლებიან. ამიტომ მძღოლს შეიძლება მგზავრისგან გადაედოს ინფექცია და ის გახდეს ინფექციის მატარებელი. რა თქმა უნდა, ოჯახის წევრებს ეს კონტაქტი მხოლოდ მანქანაში არ აქვთ, მაგრამ საგუშაგოები იყო ბევრგან და უამრავი ავტომობილის შემოწმება უწევდათ სამართალდამცავებს, რაც მათთვის ძალიან რთული იყო და დამატებით რესურსს მოითხოვდა, რათა ქორწინების მოწმობები ემოწმებინათ. ამიტომ წავედით ამ გადაწყვეტილებაზე, რომ მართვა გაგვეიოლებინა. მძღოლი მეტად დაცული უნდა ყოფილიყო, რომ ის სხვებისთვის არ გამხდარიყო რისკ-ფაქტორი. 

შეზღუდვები ყოველთვის დისკომფორტს იწვევს, მაგრამ დამერწმუნეთ, უფრო დიდი დისკომფორტი აპარატზე შეერთებული ოჯახის წევრია... 

_ ბატონო დიმიტრი, როგორც მივხვდი, პოსტკრიზისულ პერიოდში გადავდივართ, რას ეტყვით ჩვენს მკითხველებს, არის მზად ხელისუფლება, რომ ხალხს ეპიდემიით გამოწვეული სოციალურ-ეკონომიკური პრობლემები შეუმსუბუქოს? 

_ არც ერთი ქვეყნის ხელისუფლება არ ყოფილა მზად ამ კრიზისისთვის, მაგრამ როგორც ხედავთ, ჩვენმა ხელისუფლებამ გამორჩეულად სწორად მართა ეს პროცესი, რაც შედეგით იგრძნობა. ერთია ჯანმრთელობის დაცვა, მაგრამ ეკონომიკური პრობლემები არ უნდა იქცეს შეუქცევად პროცესად, საწყის ეტაპს დროულად უნდა დავუბრუნდეთ და ოჯახებსაც სოციალურ-ეკონომიკური მხარდაჭერა გამოვუცხადოთ. ყველაფერი ეს კი დამოკიდებულია ფინანსებზე. ეკონომიკურმა ჯგუფმა აქტიურად იმუშავა და ეკონომიკური რეაბილიტაციისთვის, დაახლოებით, 3.5 მილიარდია მოზიდული. ეკონომიკური ზიანი მიიღეს ჩვენზე უფრო ძლიერმა ქვეყნებმა და ჩვენთვისაც ძალიან რთულია ამის დაძლევა, მით უმეტეს, როცა 450 ათასი სოციალურად დაუცველი გვყავს, ასევე, ასაკობრივი სტრუქტურა დეფორმირებულია _ დემოგრაფიულ საკითხს ვგულისხმობ, ხანდაზმულთა რაოდენობა კი 20%-ზე მეტია. ისინი ჯანდაცვის კუთხით, რისკ-ფაქტორს წარმოადგენენ ასაკის გამო. მათი უდიდესი ნაწილი, მოწყვლადი ჯგუფია და რა თქმა უნდა, ეს რთულია მათთვისაც და სახელმწიფოსთვისაც. სახელმწიფო მოქმედებს იმ რესურსის ფარგლებში, რაც გააჩნია. 

_ ბატონო დიმიტრი, საზოგადოება დაბნეულია, ვერ ვიგებთ, კორონავირუსს მსოფლიო დაამარცხებს ერთხელ და სამუდამოდ თუ პერიოდულად, ისევ ე.წ. ტალღების შემოტევას უნდა ველოდოთ? როდემდე უნდა ვიცხოვროთ ასეთ გაურკვეველ ვითარებაში? 

_ კორონავირუსის ეპიდემია ბოლომდე მაშინ დაიძლევა, როცა ვაქცინა, ან პირდაპირი მოქმედების პრეპარატი შეიქმნება. სამწუხაროდ, ჯერ არც ერთი გვაქვს და არც _ მეორე. მოკლევადიან პერსპექტივაში, მოგვიწევს კორონავირუსთან ერთად ცხოვრება. მთელმა მსოფლიომ შეცვალა ცხოვრების წესი და ამის გაკეთება ჩვენც მოგვიწევს. დიდხანს დაგვჭირდება მეტი სიფრთხილე, ფიზიკური დისტანცირება, ჰიგიენური წესების დაცვა და ალბათ, მოგვიწევს, ნიღაბი ატრიბუტად აღვიქვათ. სხვა შემთხვევაში, რისკები იზრდება. დაზუსტებულად, მეორე ტალღა, პირველზე მძიმე იქნება თუ არა, ამის პროგნოზირება რთულია, მაგრამ სპეციალისტები ვარაუდობენ, რომ შესაძლოა, მეორე ტალღა იყოს. ამიტომ სახელმწიფოცა და საზოგადოებაც მზად უნდა ვიყოთ და ცხოვრების წესიც შევცვალოთ. ჯანმო (ჯანმრთელობის დაცვის მსოფლიო ორგანიზაცია, _ ავტ.) გვახსენებს, რომ პანდემია არ დასრულებულა და რეგულაციები ერთბაშად არ უნდა მოიხსნას!

თათია გოჩაძე

]]>
versiaprinti@yahoo.com (super admin) პოლიტიკა Wed, 27 May 2020 10:22:11 +0400
კახა კუკავა: „უგულავა და მერაბიშვილი პოლიტპატიმრებად არ მიმაჩნდა!“ http://www.versia.ge/2013-07-31-11-22-32/item/6782-კახა-კუკავა-„უგულავა-და-მერაბიშვილი-პოლიტპატიმრებად-არ-მიმაჩნდა-“.html http://www.versia.ge/2013-07-31-11-22-32/item/6782-კახა-კუკავა-„უგულავა-და-მერაბიშვილი-პოლიტპატიმრებად-არ-მიმაჩნდა-“.html

აპირებს თუ არა მაჟორიტარობას და რა პრეტენზიები აქვს „ოცნებასა“ და ოპოზიციასთან თავისუფალი საქართველოს ლიდერს

 

მართალია, კორონავირუსი არსად წასულა, მაგრამ „უხილავი მტერი“ თანდათან უკან იხევს. შესაბამისად, მსოფლიოს ბევრი ქვეყნის მსგავსად, საგანგებო მდგომარეობა საქართველოშიც გაუქმდა, ასევე, მკაცრი შეზღუდვებიც და ნელ-ნელა, ქვეყანა ცხოვრების ჩვეულ რიტმს უბრუნდება, რაც იმას ნიშნავს, რომ მალე ახალ პლატოსა თუ პიკზე ვიქნებით, ოღონდ ეს პოლიტიკური პიკი იქნება. „დაპაუზებული“ პოლიტიკის გამოცოცხლება კი პრეზიდენტის მიერ, გიგი უგულავასა და ირაკლი ოქრუაშვილის შეწყალებით დაიწყო და უკვე ისიც ცნობილია, რომ ეს ორი პერსონა მაჟორიტარობისთვის იბრძოლებს. ამასთან, მოარული ინფორმაციით, ნაციონალურ მოძრაობაში დაბრუნდება საპყრობილიდან არცთუ დიდი ხნის წინ გამოსული ვანო მერაბიშვილიც და მშობლიურ მხარეში, ესე იგი, სამცხე-ჯავახეთში იყრის კენჭს. ამ ფონზე, საინტერესოა, რა პოლიტიკური გეგმა აქვს ოპოზიციის იმ ნაწილს, რომელიც ლეიბორისტების ოფისში გამართული მრგვალი მაგიდის მოლაპარაკებებში არ მონაწილეობს? „ვერსია“თავისუფალი საქართველოს ლიდერ კახა კუკავას ესაუბრა:

_ ბატონო კახა, როგორ აფასებთ ხელისუფლების მიერ კორონაპანდემიის მართვას და იმას, რომ 15 ივლისამდე, მთავრობას გარკვეული შეზღუდვების შემოღება პარლამენტის ნებართვის გარეშე შეეძლება? 

_ ბუნებრივია, მეც ვიზიარებ იმ კრიტიკულ პოზიციას, რომ ამის გაკეთება პარლამენტის გვერდის ავლით არასწორია, თუმცა ხელისუფლებამ განაცხადა, ეს რეგულაციები 15 ივლისამდე იქნებაო და ამით, ამ საკითხის აქტუალობა მოიხსნა. 

_ შეიძლება, მაგრამ ზოგი მიიჩნევს, რომ პანდემიისგან გამოწვეულ შეზღუდვებს ხელისუფლება პოლიტიკურ იარაღად იყენებს. თქვენც ასე ხომ არ ფიქრობთ და, საერთოდ, კორონაპანდემიამ წყალი ხელისუფლების წისქვილზე დაასხა თუ ოპოზიციის? 

_ პირველ ეტაპზე, ვიდრე მთავარი თემა სამედიცინო მხარე იყო, რა თქმა უნდა, მმართველმა პარტიამ ისარგებლა, მაგრამ ახლა, როდესაც სოციალურ-ეკონომიკური საკითხები უფრო წამოიწევს, ხელისუფლება მეტ ზარალს ნახავს. გარდა ამისა, ხელისუფლებასა და ოპოზიციის ნაწილს არ აქვს ერთი თვისება, რაც პოლიტიკაში წარმატებისთვის აუცილებელია _ ზომიერება. ვფიქრობ, ხელისუფლებამ პანდემიის თემის ექსპლუატაციით გადაამლაშა და თუ 1-2 თვის წინ ყველა კმაყოფილი იყო, ბოლო დღეებია, უამრავ კრიტიკას ვისმენთ. ამას დაერთო ოქრუაშვილი-უგულავას გათავისუფლებაც, რამაც ის აქტივები, რაც ხელისუფლებამ პანდემიის დროს დააგროვა, გაანიავა. ასე რომ, პანდემია ქულების დაგროვების საშუალებას ყველას აძლევს, ოღონდ მნიშვნელოვანი ზომიერებაა. ისე, ხელისუფლებას ის უნარიც აქვს, რაც ნაციონალებს არ ჰქონდათ _ საზოგადოების რისხვას დროულად გრძნობს ხოლმე. არ ვიცი, ეს პლუსია თუ მინუსი, მაგრამ „ქართულ ოცნებაში“ გრძნობენ, რომ საზოგადოება უკმაყოფილოა და უკან იხევენ. 

_ რაკი უგულავა-ოქრუაშვილის შეწყალება ახსენეთ, მითხარით, მათ პოლიტპატიმრებად მიიჩნევდით? 

_ არა! რაც შეეხება გათავისუფლებას, რთულია ვთქვათ, ეს სწორი ნაბიჯი იყო თუ არა, რადგან ხელისუფლება ამ კრიზისში თავად აღმოჩნდა! 

_ რას გულისხმობთ? 

_ რას და, იმ კოჰაბიტაციის კურსს, რომელსაც ხელისუფლება 8 წლის განმავლობაში ატარებდა _ მურუსიძეების დანიშვნა, საარჩევნო რეფორმის ჩაგდება და 8 მარტს, ამ შეთანხმებაზე ხელმოწერა. აი, ამის შემდეგ, ხელისუფლებას სწორი ნაბიჯი არ ჰქონდა. უგულავა-ოქრუაშვილის გათავისუფლება საზოგადოებისგან ისე შეფასდა, როგორც არასწორი ნაბიჯი, მაგრამ რომ არ გაეთავისუფლებინათ, ისიც არასწორი ნაბიჯი იქნებოდა. ხელისუფლება ნაციონალურ მოძრაობას ისე უყურებდა, როგორც პოლიტიკურ ოპონენტებს და ამოცანა არასოდეს ჰქონიათ, რომ დაესაჯათ, როგორც დამნაშავეები, თორემ „ოცნებას“ ეს ამოცანა რომ ჰქონოდა, შექმნიდა დამოუკიდებელ სასამართლოს, მიუკერძოებელ პროურატურას, გაასამართლებდა ნაციონალებს და ვერც ერთი კიზინგერი თუ კუბილიუსი ხმას ვერ ამოიღებდა, მაგრამ „ოცნებამ“ ჯიბის სასამართლო, პროკურატურა შექმნა და ადამიანებს ციხეში თითის გატკაცუნებით ყრიდა და უშვებდა! 

აი, მაგალითად, გიგი უგულავა სამჯერ დაიჭირეს და გამოუშვეს. ბუნებრივია, ამან მისცა სერიოზული არგუმენტი ნაციონალურ მოძრაობას, რომ მისთვის პოლიტიკური პატიმარი ეწოდებინა. მოკლედ, ამ ჩიხში ხელისუფლებას სწორი სვლა არ გააჩნდა. 

_ სხვათა შორის, უგულავა და ოქრუაშვილი აქტიურ საარჩევნო კამპანიაში უკვე ჩაერთნენ და თქვეს, რომ მაჟორიტარობას აპირებენ. ამ ფონზე, რას აპირებს არასაპარლამენტო ოპოზიცია? 

_ თავისუფალი საქართველო არჩევნებში მონაწილეობას დამოუკიდებლად მივიღებთ, მათ შორის, მაჟორიტარული სისტემითაც. გვინდა, გვქონდეს თანაბარი დისტანცია, როგორც „ქოცებისგან“, ისე _ „ნაცებისგან“, რადგან ეს ერთი მედლის ორი მხარეა და სრული უაზრობაა, „ქოცებს“ „ნაცებით“ ებრძოლო და პირიქით. ეს იგივეა, „მხედრიონს“ ქურდებით ებრძოლო, ან ქურდებს _ „მხედრიონით“. ეს „ვაის გავეყარე და ვუის შევეყარეა“. ჩვენ კი სხვა ტიპის პოლიტიკური პარტია ვართ. პარტიაშიც გვაქვს ხოლმე ამაზე ხშირად დისკუსია, რადგან ემოციურად ბევრი ამბობს, ოღონდ „ქოცებს“ ყელი გამოვჭრათო. მართლაც, ბევრს ჰყავს ეს მთავრობა ყელში ამოსული, მაგრამ ორჯერ _ 2003 და 2012 წლებში, უკვე ვნახეთ, რომ ერთი უბედურების მეორე უბედურებით შეცვლა, ქვეყნისთვის უარესია. აქედან გამომდინარე, 2020 წლის არჩევნებისთვის მთავარი ამოცანაა, გამოიკვეთოს ქვეყანაში მესამე პოლიტიკური ძალა. 

_ ბატონო კახა, ნაციონალური მოძრაობისადმი თქვენი დამოკიდებულება აქამდეც გასაგები იყო, მაგრამ გაერთიანების შექმნა თანამოაზრე პარტიებთან არ გიცდიათ? 

_ ეს იდეაც გვქონდა და კონსულტაციებიც, მაგრამ გულწრფელად გეტყვით, ამ საკითხზე პოლიტიკურ სპექტრში მზაობა არ არსებობს. სამწუხაროდ, ვერავინ ისწავლა ჭკუა და როცა შუაშისტური ოპოზიციური სპექტრიდან ჩემს კოლეგებს ვესაუბრები, მგონია, მეხუმრებიან, ისეთ ციფრებს ამბობენ _ 8%, 7%, 40%-ს ავიღებთო. 

_ ანუ უსაფუძვლო ამბიციები აქვთ? 

_ უფრო სასაცილო. უსაფუძვლოა, როცა გგონია, რომ ორჯერ და სამჯერ მეტს აიღებ, მაგრამ როცა გგონია, რომ 10-ჯერ მეტს აიღებ იმასთან შედარებით, რასაც რეალურად წარმოადგენ, ეს ცოტა სხვა რაღაცაზე მიუთითებს. როცა 1%-იან პარტიას ჰგონია, რომ რეიტინგი 15% აქვს, მასთან ერთად კოალიციის შექმნა რთულია. 

_ პირადად თქვენ, მაჟორიტარად კენჭის ყრას აპირებთ? 

_ საბოლოოდ გადაწყვეტილი არ მაქვს. იდეა-ფიქსი არაა, მაჟორიტარი ვიყო, მაგრამ მაჟორიტარობის 30 კანდიდატს დავაყენებთ და თუ ვნახეთ, 30-ვე ისეთი გვყავს, რომ ჩემი მონაწილეობა საჭირო არაა, მირჩევნია, შტაბს ვუხელმძღვანელო და საარჩევნო კამპანიაში უშუალოდ არ ვიყო ჩართული, მაგრამ თუ ვნახეთ, რომ რომელიღაც ოლქში კარგი იქნება ხმების მობილიზებისთვის მონაწილეობა, შესაბამისად მოვიქცევი. 

_ ისე, ვანო მერაბიშვილის, როგორც მაჟორიტარობის შესაძლო კანდიდატის შანსს როგორ აფასებთ? 

_ ძალიან კარგია, თუ არჩევნებში მონაწილეობას უგულავა, ოქრუაშვილი და მერაბიშვილიც მიიღებენ. ჩვენს უნიათო სახელმწიფოს იმის უნარი არ აღმოაჩნდა, რომ ესა თუ ის კონკრეტული ადამიანი სასამართლოსა და მართლმსაჯულებას შეეფასებინა, ამიტომ ეს თემა, ერთგვარი სახალხო რეფერენდუმი იქნება! თუ მერაბიშვილი მიიღებს ხალხის დიდი რაოდენობის მხარდაჭერას, გამოვა, რომ ქართველი ხალხი მას მართლაც პოლიტპატიმრად მიიჩნევს და ამ ხელისუფლების სამართლებრივი სისტემის მიერ, მერაბიშვილის წინააღმდეგ გატარებულ ქმედებებს არ ენდობა. საერთოდ, ნორმალურ ქვეყანაში, კაცი, რომელსაც 7 წელს მიუსჯიან, ხმებს ვერ მიიღებს. ამიტომაც, ვინაიდან ჩვენს სასამართლოს არ აქვს ნდობა, ხალხმა უნდა გადაწყვიტოს და ეს იქნება სახალხო პლებისციტი! თუ ხალხი იზიარებს პოზიციას, რომ ისინი კრიმინალები არიან, ძალიან ცოტა ხმები უნდა მიიღონ, მაგრამ თუ ბევრ ხმებს მიიღებენ, მაშინ გამოვა, რომ ამ ადამიანებს გარკვეული პოლიტიკური დატვირთვა აქვთ და მათ მიმართ გატარებული ქმედებები, მართლაც, პოლიტიკურად იყო მოტივირებული. ბოლოს და ბოლოს, ხომ უნდა გაირკვეს, ვის რა წონა და რეიტინგი აქვს, ამიტომ მათი არჩევნებში მონაწილეობა კარგი იქნება. 

_ ბატონო კახა, ლეიბორისტული პარტიის ოფისში არსებულ პოლიტიკურ გაერთიანებას ისევ ემიჯნებით? 

_ ამ კონსულტაციებში იშვიათად ანუ მხოლოდ მაშინ ვმონაწილეობთ, როცა საქმე საარჩევნო კოდექსს ეხება, რადგან ეს ის თამაშის წესებია, რომელიც ერთობასა და ერთიან გეგმებს არ გულისხმობს. რაც შეეხება სხვა ტიპის თანამშრომლობას, მათ შორის, არჩევნებში გაერთიანებას, ან აქციებში მონაწილეობას, ბუნებრივია, ამაში მონაწილეობას არ ვიღებთ, რადგან ჩვენი მთავარი საარჩევნო სლოგანი იქნება _ „არც ქოცები, არც ნაცები!“ 

_ არ გიფიქრიათ, რომ დიდ გაერთიანებაში შესვლით, პარლამენტში მოხვედრის შანსი უფრო გაგეზრდებათ? 

_ დიახ, რა თქმა უნდა, ამაზე მიფიქრია, ოღონდ „ნაცებსა და ქოცებთან“ ამას არ განვიხილავთ, დანარჩენ პოლიტიკურ სპექტრთან კი, როგორც გითხარით, ეს არ გამოვიდა. შარშანწინ დავუშვით ეს შეცდომა _ საპრეზიდენტო არჩევნების წინ, ლამის კარდაკარ შემოვიარეთ მთელი ოპოზიციური სპექტრი და ვთხოვდით, რომ ერთიანი კანდიდატი დაგვეყენებინა, რაზეც არავინ დაგვთანხმდა და ყველაზე გვიან ჩვენ მოგვიწია საარჩევნო კამპანიის დაწყება. არ გვინდა, წელსაც იგივე შეცდომა დავუშვათ, გვირჩევნია, დავიწყოთ დამოუკიდებლად საარჩევნო კომპანია და თუ ბლოკი იქნება შესაძლებელი, ამის გაკეთება სექტემბერშიც მოხერხდება. 

_ 2020 წლის საპარლამენტო არჩევნებში რა შედეგს აჩვენებთ? 

_ ჩვენი ამოცანაა, პარლამენტში გავიყვანოთ ფრაქცია ანუ 6 დეპუტატი. 1.5% ავიღეთ საპრეზიდენტო არჩევნებზე, თუმცა დეტალური სტატისტიკიდან ჩანს, რომ თბილისში 3% ავიღეთ და იმის გამო, რომ საარჩევნო კამპანია ვერ ვაწარმოეთ რეგიონებში, ეს შედეგიც ამიტომ დავდეთ. ახლა ვაპირებთ, რამენაირად მოვახერხოთ საქართველოს მთელ ტერიტორიაზე საარჩევნო კამპანიის წარმოება, რაც ნიშნავს, რომ მინიმუმ 3%-4%-ს ავიღებთ. ამასთან, მნიშვნელოვანია, რომ ჩვენ ვიყავით ერთადერთი პარტია საპრეზიდენტო არჩევნების დროს, რომელმაც რაღაც შედეგი აჩვენა სატელევიზიო ეთერის გარეშე. მთელი საარჩევნო კამპანია ისე ჩატარდა, რომ „რუსთავი2“-ისა და „იმედის“ მისამართიც არ გამიგია. თუ მედიაში ოდნავ მეტი მიუკერძოებლობა და მრავალფეროვნება იქნება, წელს უფრო უკეთეს შედეგს ვაჩვენებთ!

თათია გოჩაძე

]]>
versiaprinti@yahoo.com (super admin) პოლიტიკა Wed, 27 May 2020 10:22:00 +0400
ვინ ვისი კლასტერია ოპოზიციაში http://www.versia.ge/2013-07-31-11-22-32/item/6777-ვინ-ვისი-კლასტერია-ოპოზიციაში.html http://www.versia.ge/2013-07-31-11-22-32/item/6777-ვინ-ვისი-კლასტერია-ოპოზიციაში.html

რატომ ვერ იტანს ოქრუაშვილი მერაბიშვილს, რა პრეტენზიები აქვთ ოპოზიციონერებს ბოკერიასთან და დადგება თუ არა ზურაბიშვილის პასუხისმგებლობის საკითხი

 

სახლში დარჩენა ასეთი დამღლელი და მომაბეზრებელი არასოდეს ყოფილა, მით უმეტეს, ახლა, როცა კოვიდინფექცია თითქოს უკან იხევს. ყოველ შემთხვევაში, მთელი მსოფლიო შეზღუდვებს არბილებს და ზოგ ქვეყანაში ადამიანებს პლაჟზე გასვლის ნებაც მისცეს. მართალია, შეზღუდვების „გალაითება“ ჩვენთანაც დაწყებულია, მაგრამ ეპიდემიოლოგები და კლინიცისტები მაინც ძველ „ჩვენებას“ „აწვებიან“ და დაჟინებით იმეორებენ, რომ შინიდან მხოლოდ აუცილებლობის შემთხვევაში უნდა გავიდეთ. აი, მაგალითად, თბილისის ინფექციური საავადმყოფოს კლინიკური დირექტორი, მარინა ეზუგბაია, თავისი განუმეორებელი ღიმილით, სიფრთხილისკენ მოგვიწოდებს და გვირჩევს, რომ კოვიდშემთხვევების დაბალი რაოდენობის მიუხედავად, თავშეყრის ადგილებს მოვერიდოთ.

„ნუ გავთამამდებით. მოსახლეობას მინდა, მივმართო, მიუხედავად შეზღუდვებისა და აკრძალვების მოხსნისა, მაინც უნდა გავაგრძელოთ შეზღუდულად ცხოვრება. მუდმივად გთხოვთ და ახლაც გეუბნებით, თვითშეზღუდვები დავაწესოთ. რამდენიმე დღეა, შეინიშნება ხალხმრავალი ადგილები ქუჩებში, ეზოებში. გთხოვდით მოსახლეობას, რომ მაინც თავი შევიკავოთ, აუცილებელი საქმის გარეშე, ნუ გავალთ სახლიდან და შევიკავოთ თავი თავყრილობებისგან. ჩვენი მიღებული შედეგების გასამყარებლად, აუცილებელია, გარკვეულწილად, კვლავ მეტ-ნაკლებად ჩვენი თვითშეზღუდვები გავაგრძელოთ იმიტომ, რომ ქვეყანას, ეკონომიკას სჭირდება განვითარება და ამისთვის შეზღუდვები და აკრძალვები უნდა მოხსნილიყო, მაგრამ ვეცადოთ, რომ გაგებით შევხედოთ ამ სიტუაციას და რაც შეიძლება ნაკლები თავყრილობები გვქონდეს“, _ აცხადებს ეზუგბაია. 

მოკლედ, საზოგადოების ნაწილი დარწმუნებულია, რომ კორონა ერთგვარად პოლიტიკური ბრძოლის იარაღად იქცა ანუ ხელისუფლება, მოახლოებული საპარლამენტო არჩევნების ფონზე, ცდილობს, მოქალაქეები მეტ-ნაკლებად გააკონტროლოს და, შეზღუდვების შემსუბუქების მიუხედავად, „პანიკის პოლიტიკას“ არ ეშვება, რისთვისაც სამედიცინო სფეროს წარმომადგენლებს იყენებს. 

ეს შეხედულება, შესაძლოა, გადაჭარბებულია, მაგრამ ოპოზიცია დარწმუნებულია, რომ „ოცნებას“ შეზღუდვები „გაუტკბა“ და ამიტომ, ყველაფერს აკეთებს, რათა დემოკრატიული პროცესები „მგელი მოდის“ პრინციპით შეაფერხოს. ოპოზიციის ამ მოსაზრებას ერთი გარემოება ამყარებს. კერძოდ, 19 მაისს, პარლამენტის ბიუროს სხდომაზე, შეზღუდვების შემოღების წესის ცვლილებასთან დაკავშირებით, პრემიერ-მინისტრის ინიციატივა განიხილეს, რომლის თანახმადაც, მთავრობას გარკვეულ ლოკაციაზე შეზღუდვების შემოღება საგანგებო მდგომარეობის გამოცხადების გარეშეც შეეძლება. აი, სწორედ ამაში ხედავს საფრთხეს ოპოზიცია ანუ ანტიოცნებელები მიიჩნევენ, რომ შეიძლება, კორონა საერთოდ გადაშენდეს, მაგრამ ხელისუფლებამ ისეთი კანონები მიიღოს, რომლებიც კონსტიტუციასთან წინააღმდეგობაშია. 

„დიდი საფრთხეა, რომ აღმასრულებელმა ხელისუფლებამ ეს ნორმები არამართლზომიერად, არაკონსტიტუციურად და ადამიანების ფუნდამენტური უფლებების შესაზღუდად გამოიყენოს, ყოველგვარი კონტროლის გარეშე პარლამენტის მხრიდან“, _ აცხადებს ნაციონალური მოძრაობის ერთ-ერთი ლიდერი, თინა ბოკუჩავა. 

საფრთხე მხოლოდ ზემოხსენებულ ინიციატივაში კი არა, კიდევ ბევრ რამეშია, თუმცა ამჯერად, ამ თემას აღარ განვავრცობთ ანუ კორონას პოლიტიკურ ჭრილში აღარ განვიხილავთ და მეტ-ნაკლებად გაცოცხლებული ქართული პოლიტიკის მოკლე მიმოხილვას შემოგთავაზებთ. 

დავიწყოთ იმით, რომ პოსტპანდემიური ეპოქა საქართველოში ერთობ სკანდალურად „დადგა“ ანუ შესაძლოა, ვინმე ელოდა, მაგრამ პრეზიდენტ სალომე ზურაბიშვილის გადაწყვეტილება ვიღაცებისთვის მაინც „მოწმენდილ ცაზე მეხის გავარდნას“ ჰგავდა. არადა, თუ კორონამდელ პოლიტიკურ მოვლენებს გავიხსენებთ, ჯერ კიდევ მაშინ ითქვა, რომ იგივე გიგი უგულავას, რომელიც ბოლო 8 წელში, მესამდე დაიჭირეს, სწორედ პრეზიდენტი შეიწყალებდა. უფრო მეტიც, ჯერ კიდევ მაშინ მიიღო „ვერსიამ“ კულუარებიდან ინფორმაცია, რომ უგულავა-ოქრუაშვილის შეწყალება 8 მარტის ყბადაღებულ შეხვედრაზე გადაწყდა. ამის მიუხედავად, როგორც აღვნიშნეთ, ზურაბიშვილის გადაწყვეტილება ბევრს არ ესიამოვნა. არადა, თუ დავაკვირდებით, პრეზიდენტმა, ერთგვარად, პრაგმატული ნაბიჯი გადადგა და აკი, თავის განცხადებაში ამაზეც მიანიშნა: 

„არ ვიწყალებ პოლიტპატიმრებს, რამეთუ საქართველოში არ არსებობენ პოლიტპატიმრები. დღეს, საბედნიეროდ, ვცხოვრობთ დემოკრატიულ სახელმწიფოში. პოლიტიკოსს, რომელიც მძიმე და ყველასთვის ცნობილი სისხლის სამართლის დანაშაულის ჩადენისთვის ციხეში სასჯელს იხდის, პოლიტპატიმარი არ ეწოდება, იგი მხოლოდ და მხოლოდ დამნაშავე პოლიტიკოსია. ამ თემით სპეკულირება ქვეყნის დისკრედიტაციას ემსახურება, მიუღებელია და უნდა დასრულდეს. შეწყალება არ ნიშნავს სასამართლო განაჩენის გადასინჯვას, ან გადაფასებას, დამნაშავე დამნაშავედ რჩება, სასჯელისგან თავისუფლდება და არა _ დანაშაულისგან“. 

მოგვიანებით, „ოცნების“ მიმდევრებმა იმ აზრის კულტივირება დაიწყეს, რომ უგულავამ და ოქრუაშვილმა, პრეზიდენტს შეწყალებაზე თავად მიმართეს ანუ თითქოს დანაშაული აღიარეს, მაგრამ ახალი კონსტიტუციით, შეწყალებისთვის სავალდებულო არაა, რომ მსჯავრდებულმა დანაშაული აღიაროს და ქვეყნის მთავარსარდალს სთხოვოს, ციხიდან გამიშვიო. 

ისე, წესით, უგულავა და ოქრუაშვილი ოპოზიციის ლიდერები რომ არ იყვნენ, ზურაბიშვილის მიერ მათი შეწყალება არავის გაუკვირდებოდა, რადგან ე.წ. შეწყალების სკანდალში პრეზიდენტი ადრეც არაერთხელ გახვეულა. ზოგადად, სკანდალები ზურაბიშვილის ერთგვარი ბედისწერაა და შესაძლოა, ისეც მოხდეს, რომ ეს ბოლო სკანდალ-შეწყალება მისთვის საბედისწერო აღმოჩნდეს. ყოველ შემთხვევაში, ადვოკატი ალექსანდრე კობაიძე ამბობს, რომ ზურაბიშვილმა ბოლო შეწყალებით, სამოხელეო დანაშაული ჩაიდინა ანუ უგულავა-ოქრუაშვილს მისთვის შეწყალების თხოვნით არ მიუმართავთ და მათი საქმე არც შეწყალების კომისიას განუხილავს. 

„წმინდა წყლის სამოხელეო დანაშაულია ჩადენილი, რაც უფლებამოსილების ბოროტად გამოყენებას გულისხმობს. მსჯავრდებულებს არ მიუმართავთ პრეზიდენტისთვის, ეს ერთმნიშვნელოვანი გარემოებაა. 

ასევე, კომისიას არ განუხილავს და პიროვნულად მიიღო გადაწყვეტილება, რისი უფლებაც პრეზიდენტს არ ჰქონდა. როდესაც გირგვლიანის მკვლელები შეიწყალა, მიხეილ სააკაშვილი სწორედ მაგაზეა გასამართლებული ანუ ის პროცედურები არ დაიცვა, რა პროცედურებიც ახლავს შეწყალებას. ამიტომ, იმედს გამოვთქვამ, რომ სალომე ზურაბიშვილი ძალიან მალე მოგვევლინება ბრალდებულის სკამზე“, – მიიჩნევს ადვოკატი კობაიძე, რომელმაც ზურაბიშვილის წინააღმდეგ სარჩელი პროკურატურაში უკვე შეიტანა. 

ვერ გეტყვით, ვინმეს აქვს თუ არა ილუზია, რომ „პარიჟანკა“ „დაისჯება“, მაგრამ ამას მნიშვნელობა არც აქვს. მთავარი ისაა, რომ უგულავა-ოქრუაშვილი „სვაბოდაზე“ არიან და ხმაურიან განცხადებებსაც აკეთებენ ანუ ისინი პოლიტიკურ პროცესებში უკვე აქტიურად ჩაერთნენ და ორივე მათგანი გეგმავს, წლევანდელ საპარლამენტო არჩევნებზე, კენჭი მაჟორიტარობის კანდიდატებადაც იყარონ. 

ოპოზიციაში უგულავა-ოქრუაშვილის ამ ჩანაფიქრის საწინააღმდეგო, ჩვენს ხელთ არსებული ინფორმაციით, არავის არაფერი აქვს, მაგრამ ოპოზიცია სხვა დილემის წინაშე დგას ანუ ჯერ ერთი, ცალკეული ოპოზიციონერები, აი, მაგალითად, პარტია კანონი და სამართლის ლიდერი, თაკო ჩარკვიანი იმას აპროტესტებს, თუ რატომ მიდის ოპოზიციაში საერთო მაჟორიტარებზე შეთანხმება მაშინ, როცა თავის დროზე, ლეიბორისტების ოფისში, ე.წ. ოპოზიციის მაგიდა მხოლოდ და მხოლოდ საარჩევნო სისტემის შეცვლის მიზნით შეიქმნა. ამასთან, ქალბატონი ჩარკვიანი, ნინო ბურჯანაძის კუთხითაც სვამს კითხვებს და, პრაქტიკულად, იმაზე მიანიშნებს, რომ ცალკეული ოპოზიციონერები, შესაძლოა, „ოცნებასთან“ იყვნენ კავშირში. 

ზოგადად, „ოცნებისა“ და ოპოზიციის ამა თუ იმ წარმომადგენლის ფარული თანამშრომლობა ახალი „ხილი“ ნამდვილად არ არის. ჯერ კიდევ გასულ წელს, 20 ივნისის მოვლენების შემდეგ ითქვა, რომ იგივე ევროპულმა საქართველომ ყველაფერი გააკეთა, რათა გავრილოვის საბაბით ქუჩაში გამოსული ადამიანების პროტესტი სხვა კალაპოტში გადაეტანა. 

რაკი ბოკერია ვახსენეთ, აქვე, ბარემ ისიც ვთქვათ, რომ მისი და ხელისუფლების კავშირებზე ხმა, ჯერ კიდევ რამდენიმე წლის წინ ანუ მაშინ გავრცელდა, როცა მის წინააღმდეგ სისხლის სამართლის საქმე აღიძრა, მაგრამ ეს საქმე მალევე ყველას დაავიწყდა. უმრავლესობის ყოფილი წევრი, პოლიტიკური მოძრაობა ტრიბუნას ლიდერი, დავით ჭიჭინაძე კი პირდაპირ აცხადებს, რომ ბოკერია, სააკაშვილს, თავის დროზე, სწორედ მმართველ გუნდთან თანამშრომლობის გამო გაემიჯნა. 

„ოცნებასა“ და ბოკერიას შორის მოლაპარაკებები ყოველთვის მიდიოდა და სწორედ ამიტომ ჩამოშორდა სააკაშვილს“, _ აცხადებს ჭიჭინაძე და განმარტავს, რომ ამ ინფორმაციას აბსოლუტური სიზუსტით ფლობს, რადგან ივანიშვილის მეორედ მობრუნებამდე, „ოცნების“ მთავრობის პირველ პირებთან საკმაოდ დაახლოებული იყო. 

„სწორედ „ნაცმოძრაობიდან“ გამოყოფის შემდეგ დაუბრუნეს „ევროპული საქართველოს“ ფრთას ფული, ბიზნესი და, პრაქტიკულად, ყველაფერი. ამას გარდა, „ქართული ოცნება“ ხომ გვპირდებოდა ბიზნესის ხელშეწყობას და არის რამე განხორციელებული? ვინმეს ახალი ბიზნესმენი გაგიგიათ ამ ქვეყანაში? ახლაც ზუსტად ისინი არიან, ზუსტად ის ბიზნესებია, რომელიც ადრე, სააკაშვილის ხელისუფლების ფრთის ქვეშ იყო! ტენდერებსაც თბილისში, ზუსტად იგივე ადამიანები იგებენ, ვინც ადრე, ამ შემთხვევაში კი, ძირითადად, „ევროპული საქართველოს“ ფრთა და ეს ყველამ იცის სახელებითა და გვარებით. 

მოკლედ, ეს ის ორი ძალაა, რომელიც ერთმანეთის დაბალანსებით ცდილობს ხელისუფლებაში დაბინავებას, ხალხის სასიკეთოდ კი არც ერთი, არაფრის გამკეთებელი არაა“, _ განახადა ჭიჭინაძემ, ვანო პავლიაშვილის გადაცემა „პოლიტიკურ ბარში“. 

ერთი სიტყვით, ოპოზიციაში ერთმანეთის, უფრო სწორად, ბოკერიას მიმართ კითხვები აქვთ, თუმცა ევროპული საქართველო ამ კითხვებზე პასუხის გაცემას არ აპირებს. ყოველ შემთხვევაში, ზემოხსენებულ ბრალდებებს, რომლებიც უკვე კულუარებიდან სააშკარაოზეც გამოვიდა, „ევროქოცები“ არ იმჩნევენ და იმის შესახებაც ლაპარაკობენ, რომ ხელისუფლების შეცვლის შემდეგ, ყოფილი თანამდებობის პირების პასუხისმგებლობის საკითხი არ უნდა დადგეს. აი, სწორედ ეს კოვიდიამდელი ინიციატივა გახდა პირველი „ნაპერწკალი“, რომლის გამოც, „ძალა ერთობაშიას“ ზოგიერთმა წარმომადგენელმა ბოკერიას უნდობლობა გამოუცხადა. 

სხვათა შორის, სააკაშვილის მიმდევრებში ანუ ნაციონალური მოძრაობის რიგით წევრებში ბევრია ისეთი, რომელიც ბოკერიას, იგივე სოციალურ ქსელში „ცოცხლად ასამარებს“, თუმცა თავად ლიდერები, ესე იგი, ბოკერია და სააკაშვილი, ერთგვარ „ჯენტლმენობას“ იჩენენ და ერთმანეთის მიმართ არაფერს ამბობენ. 

ასე და ამგვარად, წლევანდელ არჩევნებზე, ოპოზიციამ ერთიანად გამოსვლა რომც შეძლოს, აქედანვე ნათელია, რომ ეს ეკლექტური ერთობა არჩევნების დასრულებისთანავე დაიშლება, თუმცა ის მოლოდონიც არსებობს, რომ ანტიოცნებელებმა, ხელიხელჩაკიდებულებმა, არჩევნებამდეც ვერ მიაღწიონ და ამის მიზეზი კი _ გინდ დაიჯერეთ, გინდ არა, _ შესაძლოა, შს ყოფილი მინისტრი, ვანო მერაბიშვილი გახდეს. 

ალბათ, ზოგი იკითხავს, მერაბიშვილი რა შუაშიაო? _ ეს კითხვა რიტორიკული ნამდვილად არ არის, მით უმეტეს, იმ ფონზე, თუ გავიხსენებთ, რომ ოპოზიციის ერთ-ერთი ლიდერი ირაკლი ოქრუაშვილია. ოქრუაშვილსა და მერაბიშვილს კი ერთმანეთის მიმართ ანტაგონიზმი, ჯერ კიდევ იმ „სისხლიანი 9 წლის“ დროს ჰქონდათ, თუმცა ძალიან შორს რომ არ წავიდეთ, ორი წლის წინაც აცხადებდა ოქრუაშვილი, რომ მერაბიშვილი მისი პირადი მტერია.

„გრიგოლ ვაშაძე ახალაიასა და მერაბიშვილის შეწყალებას არ აპირებს“, _ ეს განცხადება „პალიტრანიუსის“ გადაცემა „360 გრადუსში“, თავდაცვის ყოფილმა მინისტრმა, ირაკლი ოქრუაშვილმა გააკეთა. 

მისი თქმით, აღნიშნულ საკითხზე, პირადად ვაშაძესთან ისაუბრა, თუმცა იგივე არ ეხება მიხეილ სააკაშვილს. 

ოქრუაშვილის თქმით, სააკაშვილის საკითხზე განცხადება, თავად ვაშაძემაც გააკეთა. მერაბიშვილსა და ახალაიას კი, მისი თქმით, ისედაც უმთავრდებათ პატიმრობის ვადა. 

გადაცემაში საუბრისას, თავდაცვის ყოფილმა მინისტრმა აღნიშნა, რომ მას ყოფილ მაღალჩინოსნებთან პირადი საქმე აქვს გასარკვევი და ციხეში სეირის ყურებას, მათი გარეთ ნახვა ურჩევნია. 

„პირდაპირ ვუთხარი გრიგოლ ვაშაძეს, რომ თუ თქვენ გაქვთ პრეტენზია, იყოთ არა ნაციონალური მოძრაობის პრეზიდენტი, არამედ, სიმშვიდის შემომტანი და გამაერთიანებელი პრეზიდენტი, მაშინ დაივიწყეთ ერთხელ და სამუდამოდ იმ ადამიანების შეწყალების იდეა, რომელთა მიმართაც არსებობს საკმაოდ სერიოზული პრეტენზია და ბრალდებები საზოგადოების მხრიდან. 

გარანტია პირობითი ცნებაა, მე არ მინდა გარანტორად გამოვიდე. მას აქვს საკმაოდ პრაგმატული ხედვა, ის ამის გაკეთებას არ აპირებს. ეს არ ეხება სააკაშვილს, სააკაშვილთან მიმართებით, მას თავისი დამოკიდებულება აქვს და ამაზე არ ვისაუბრებ, რადგან მან გუშინ თქვა, რომ სააკაშვილი საქართველოში უნდა ცხოვრობდეს. 

ახალაიასა და მერაბიშვილს ისედაც გასდით პატიმრობის ვადა 5-6 თვეში და ჩემთვის, როგორც პირადი მტრებისთვის, მირჩევნია ახლოს ვნახო და ისე გავცე პასუხი, ვიდრე სადღაც ციხეში იჯდნენ და სეირის მაყურებელი ვიყო. 

 

თუ ვინმეს მათი ეშინია, მოვიდნენ ჩემთან და მივეხმარები. მე პირადი მაქვს მათთან და ამ პირადს გავარკვევ“, _ განაცხადა ირაკლი ოქრუაშვილმა“ (ცნობისთვის: ეს „ნიუსი“ 2018 წლის 27 დეკემბერს, ერთ-ერთმა ქართულმა საინფორმაციო სააგენტომ გაავრცელა. აქვე, იმასაც შეგახსენებთ, რომ 2018 წლის საპრეზიდენტო არჩევნების დროს, გრიგოლ ვაშაძე და ირაკლი ოქრუაშვილი ერთმანეთს შეხვდნენ). 

რატომ დაიწყო ოქრუაშვილ-მერაბიშვილის კონფლიქტი? _ ამ თემაზე სხვადასხვა ვერსია არსებობს. ზოგი იმთავითვე მიიჩნევდა, რომ კონფლიქტის საბაბი ბიზნესწილები გახდა. ამ ვერსიას „ჰუმანრაით.გე“-ზე გამოქვეყნებული ერთი სტატიაც მოწმობს, რომელიც 2006 წლის აგვისტოთი თარიღდება და რომელშიც ვკითხულობთ: 

„ოქრუაშვილი და მერაბიშვილი, შიდა ქართლში გავლენის მოსაპოვებლად რომ ერთმანეთის ებრძვიან, დიდი ხანია, ფაქტია. ოფიციალურად, ამ ორი გავლენიანი ძალოვანის დაპირისპირება პოლიციაში მიმდინარე საკადრო ცვლილებების გატარების დროს გამოიკვეთა. თუკი ოქრუაშვილი, მერაბიშვილისგან შერისხულ ალეკო სუხიტაშვილსა და მის ხალხს მფარველობს, რომელიც შს ამჟამინდელმა მინისტრმა კონტრაბანდის ბიზნესში ბოლოს და ბოლოს ამხილა, მერაბიშვილი იმ ხალხს იცავს, რომელიც ოქრუაშვილმა, ჯერ კიდევ რევოლუციამდე, სახელმწიფო ქონების განიავებაში, მიტაცებასა და კრიმინალში დაადანაშაულა. 

საქმე იმაშია, რომ როდესაც ირაკლი ოქრუაშვილი, 2003 წლის დასაწყისში, გორში გამოგზავნეს და ადგილობრივი ნაციონალური მოძრაობის ლიდერობა უბოძეს, პირველი, ვისაც იგი დაუპირისპირდა, იყვნენ იმდროინდელი ,,აღორძინების“ გორის ორგანიზაციის წევრები. გორის ,,აღორძინებას“ ბამბეულის ქსოვილების კომბინატის აწ უკვე ყოფილი დირექტორი, გელა ჩხეიძე ხელმძღვანელობდა. გელა ჩხეიძის ძმა, პაატა ჩხეიძე ქალაქის გამგებელი იყო. ოქრუაშვილი გორელებს ჰპირდებოდა, რომ როდესაც ის ხელისუფლებაში მოვიდოდა, ბამბეულის ქსოვილების კომბინატის დამანგრეველებს, მათ შორის ჩხეიძეებს, პასუხს აგებინებდა. მართლაც, ოქრუაშვილმა გენპროკურორობისა და შს მინისტრობის დროს, ჩხეიძეებს, როგორც ოქრუაშვილი ამბობდა, „ყოფა უტირა“. 

კერძოდ, 2004 წლის გაზაფხულზე, ბამბეულის ქსოვილების კომბინატის დანგრევის ფაქტზე, აღიძრა სისხლის სამართლის საქმე და ეჭვმიტანილის სტატუსით, გელა ჩხეიძე პროკურატურაში დაიბარეს. ჩხეიძე პროკურატურაში არ ცხადდებოდა და, შესაბამისად, სამართალდამცავებმა მასზე ძებნა გამოაცხადეს. ბამბეულის ქსოვილების კომბინატი, 1996 წლიდან, მთლიანად დაანგრიეს. ქარხანაში არსებული ინვენტარი, ძვირადღირებული დაზგები, ლითონები და სამშენებლო მასალები, აჭარის გავლით, თურქეთში გადიოდა. ოქრუაშვილს ყველაზე მეტად აინტერესებდა, თუ რატომ შეისყიდეს ჩხეიძეებმა და მისმა მეგობრებმა სს „ლაინი“ (ბამბეულის ქსოვილების კომბინატი) მიზერულ ფასად – სულ 201 000 ლარად მაშინ, როდესაც მხოლოდ ერთი დაზგის ღირებულება შეადგენდა ამდენ თანხას. 1996 წელს, სს „ლაინი“ ნულოვან აუქციონზე იქნა გაყიდული და ჩხეიძეების მიერ, ამ ფასად შესყიდული. 

ზუსტად იმ დროს, ვიდრე გელა ჩხეიძის მიმართ, ოქრუაშვილის უწყება ძებნას გამოაცხადებდა, გელა ჩხეიძემ ჩვენთან საუბარში განაცხადა, რომ იგი სულ ორი წლის განმავლობაში _ 1996-98 წლებში იყო „ლაინის“ დირექტორი. მისი თქმით, მისი დირექტორობის პერიოდში, „ლაინი“ არ დანგრეულა. უფრო მეტიც, პროდუქციას ვუშვებდით და ევროპაში ჯილდოც კი მივიღეთო. გელა ჩხეიძის შემდგომ, „ლაინის“ დირექტორი იყო ნუკრი გელაშვილი, რომელიც აღმოჩნდა ამჟამინდელი შს მინისტრის, ვანო მერაბიშვილის დეიდაშვილი. 

გელა ჩხეიძე, ასევე, იმასაც ამბობდა, რომ „ლაინის“ ნულოვან აუქციონზე გატანა, იმდროინდელ რწმუნებულის აპარატში და სახელმწიფო კანცელარიაში მოკალათებული პირების ინტერესებში შედიოდა. ამ უწყებებს მაშინ ბადრი ხატიძე და ირაკლი ბოჭორიძე ხელმძღვანელობდნენ. გელა ჩხეიძის თქმით, თურმე, იმ პროექტებს, რომლებსაც „ლაინის“ ხელმძღვანელობა ამუშავებდა, სახელმწიფო კანცელარიაში ხატიძე-ბოჭორიძე ბლოკავდა, რის გამოც, საწარმო იძულებული გახდა გაკოტრებულიყო და მასზე დარიცხული ჯარიმა, ქარხნის დაზგა-დანადგარებისა და სამშენებლო მასალების გაყიდვის შედეგად მიღებული თანხებით დაეფარა. 

მიუხედავად ამისა, ოქრუაშვილი ჩხეიძეს იმ დრომდე არ შეეშვა, ვიდრე ამ უკანასკნელმა საკმაოდ სოლიდური თანხა, 30 000 ლარი, ბიუჯეტის სასარგებლოდ არ გადაიხდა, რის შემდეგადაც ძებნა პოლიციის ზედამხედველობით შეიცვალა. გავრცელებული ცნობით, გელა ჩხეიძეს იმაზე მეტი თანხა გადაახდევინეს, ვიდრე ეს ოფიციალურად არის დაფიქსირებული. მაშინდელი შიდა ქართლის პროკურორი დავით წითური კი ცოტა ხანში მოხსნეს. 

სამაგიეროდ, ხელი არ, თუ ვერ დაადეს „ლაინის“ კიდევ ერთ დირექტორს, ნუკრი გელაშვილს. გორში ყველა ამბობს, რომ ნუკრი გელაშვილი, მერაბიშვილის წყალობით გადარჩა. უფრო მეტიც, ერთი თვის წინ, გორში მყოფ შინაგან საქმეთა ამჟამინდელ მინისტრს, ნუკრი გელაშვილი მასპინძლობდა, რაც ჩვენს მიერ გადაღებულ ფოტოზე კარგად ჩანს. როდესაც ვანო მერაბიშვილი შს მინისტრი გახდა, „ლაინის“ საქმე ჩაიფარცხა და დღემდე აღარც პოლიციელები და აღარც პროკურორები არ სწუხან იმაზე, თუ რატომ განიავდა გიგანტი საწარმო, სადაც მთელი გორის მოსახლეობა მუშაობდა. 

სამაგიეროდ, მხარის გუბერნატორმა მიხეილ ქარელმა, გელა ჩხეიძის ძმა, პაატა ჩხეიძე „დააჩოქა“. პაატა ჩხეიძეს ჯერ ქალაქის გამგებლის პოსტი დაატოვებინეს, შემდეგ კი მთელი ოჯახით იძულებული გახადეს, საერთოდ, გორიდან წასულიყო. ქალაქის ყოფილი გამგებელი, გორის უნივერსიტეტის უცხო ენების ფაკულტეტის დეკანი გახდა, თუმცა მიხეილ ქარელის დაჟინებული მოთხოვნით, პაატა ჩხეიძე გორის უნივერსიტეტიდანაც წავიდა. რაკიღა პოლიცია და პროკურატურა აშკარად ფარცხავდა „ლაინის“ საქმეს, გუბერნატორმა ქონების მართვის სამმართველოს მეშვეობით, ჩხეიძეებს ყველა ის პოლიკლინიკა და შენობა წაართვა, სადაც კი ჩხეიძეებს ხელი მიუწვდებოდათ. ჩხეიძეები გამოემშვიდობნენ გორის ბავშვთა პოლიკლინიკას „ჯანმრთელი მომავალი“, რომლის ხელმძღვანელიც იყო პაატა ჩხეიძის მეუღლე. ქონების მართვის სამმართველოს მიხეილ ქარელის კადრი ხელმძღვანელობს. შესაბამისად, იქ მერაბიშვილს ხელი არ მიუწვდებოდა, რითაც გაძნელდა ჩხეიძეების დაცვა. ერთი კვირის წინ, ბავშვთა პოლიკლინიკა „ჯანმრთელი მომავალი“ პაატა ჩხეიძის მეუღლემ გაყიდა. პაატა ჩხეიძემ გორში საცხოვრებელი სახლიც გაყიდა და გორი დატოვა. 

ერთი სიტყვით, ირაკლი ოქრუაშვილმა და მიხეილ ქარელმა ის საქმე ბოლომდე მიიყვანეს, რასაც ისინი რევოლუციამდე, გორის მოსახლეობას ჰპირდებოდნენ. სხვათა შორის, ოქრუაშვილმა გორელების გული, სწორედ „ლაინის“ დამანგრეველებზე გალაშქრებით მოიგო. როგორც ზემოთ აღვნიშნეთ, სს „ლაინში“ 5 000-ზე მეტი გორელი ადამიანი მუშაობდა. 5 000 ოჯახის გულის მოგება კი ადვილი საქმე როდია. საუბრობენ იმასაც, რომ ჩხეიძეებისა და გელაშვილის მოცილებით, ოქრუაშვილი და ქარელი „ლაინს“ ხელში ჩაიგდებდნენ, თუმცა ეს საქმე ძალოვან სტრუქტურაში ვანო მერაბიშვილის მოსვლის შემდეგ, მათ ბოლომდე ვერ მიიყვანეს“. 

მართალია, ყველა იმ ამბიდან, რომელიც ზემოთ მოვიყვანეთ, დიდი დროა გასული, მაგრამ მერაბიშვილი და ოქრუაშვილი ერთმანეთს დღესაც რომ ვერ იტანენ, ამას ოქრუაშვილის მიერ, ორი დღის წინ გაკეთებული განცხადებაც მოწმობს. 

„მერაბიშვილის ადგილს პოლიტიკაში საერთოდ ვერ ვხედავ. მან შეიძლება მოიგოს ერთი მაჟორიტარული ოლქი და ამით დამთავრდება მისი პოლიტიკურ მწვერვალზე ასვლა“, _ ეს სიტყვები გამარჯვებული საქართველოს ლიდერმა, ირაკლი ოქრუაშვილმა ტვ „ფორმულას“ ეთერში წარმოსთქვა და დასძინა, რომ იმ შემთხვევაში, თუ მერაბიშვილი საერთო ოპოზიციის ფორმატში, მაჟორიტარობის კანდიდატად დასახელდება, „ალბათ, ამის წინააღმდეგი იქნება“. 

ასე და ამგვარად, პოსტკორონასეულ ეპოქაში იმდენი საინტერესო ამბავი მოხდება, რომ „უხილავი მტერი“ აღარავის გაგვახსენდება. ამაზე, სხვა თუ არაფერი, ის კადრიც მიანიშნებს, რომელიც ინტერნეტსივრცის ფავორიტი გახდა ანუ მხედველობაში გვაქვს მომენტი, როცა ლეიბორისტების ოფისში გამართული ოპოზიციის შეხვედრის დროს, შალვა ნათელაშვილმა, უგულავა-ოქრუაშვილი ფეხზე წამოაყენა, ხელები ჩასჭიდა და ასე, „ერთ მუშტად“ შეკრულებმა, კიდურები ზეცისკენ აღაპყრეს! 

ისე, სხვადასხვა პოლიტიკური გემოვნების ადამიანების მსგავსი „ჩახუტებები“ სხვა დროსაც გვინახავს და ისიც გვახსოვს, ყველაფერი ეს, როგორ ფატალურადაც დასრულებულა. ამ გაგანია კორონაჟამიანობისას კი სოციალური დისტანციის დაუცველობამ ოპოზიციის კლასტერი, შესაძლოა, ააფეთქოს!

ნინო დოლიძე

]]>
versiaprinti@yahoo.com (super admin) პოლიტიკა Wed, 20 May 2020 01:45:01 +0400
ლადო კახაძე: „პალატიდან ახლა გამოვდივართ!“ http://www.versia.ge/2013-07-31-11-22-32/item/6774-ლადო-კახაძე-„პალატიდან-ახლა-გამოვდივართ-“.html http://www.versia.ge/2013-07-31-11-22-32/item/6774-ლადო-კახაძე-„პალატიდან-ახლა-გამოვდივართ-“.html

რატომ უხდის ბოდიშს დემოკრატიას მთაწმინდის მაჟორიტარი

საქართველოში კორონაპანდემია, ექიმებს თუ დავუჯერებთ, „პლატოზეა“, რაც იმას ნიშნავს, რომ პიკი გადავიარეთ და მალე კორონაისტერიაც წარსულს ჩაბარდება. ამასთან, საქართველოს მთავრობამ განმარტა, რომ საგანგებო მდგომარეობა საქართველოში 22 მაისს დასრულდება, თუმცა გარკვეული შეზღუდვები მაინც ძალაში დარჩება. გადავლახეთ თუ არა კორონაპანდემიის კრიზისი, როგორ გაართვა თავი ხელისუფლებამ ახალი ვირუსისგან გამოწვეულ პრობლემებს და როგორი იქნება პოსტპანდემიური პერიოდი? _ „ვერსია“ პარლამენტის ჯანდაცვის კომიტეტის თავმჯდომარის მოადგილეს, მთაწმინდის მაჟორიტარ ლადო კახაძეს ესაუბრა:

_ გამოწვევა მიღებულია _ გამკლავების გზა სწორადაა დასახული. კოორდინაცია აწყობილია და სამედიცინო კუთხით აზროვნება ანუ მსოფლიოს ქვეყნების გამოცდილების გაზიარება და მოსახლეობისთვის შეთავაზების ფორმაც ჩემთვის მისაღებია. ისე, მარტო ჩემთვის კი არა, არამედ, მსოფლიოს ქვეყნები, რომლებიც გვაკვირდებიან, დადებითად გვაფასებენ. თვალსა და ყურს ძალიან სიამოვნებს, როცა ისინი ჩვენს მიერ განვლილ გზას სამაგალითოს უწოდებენ. ამისთვის ყველას _ სამთავრობო კრიზისების მართვის რგოლს, სამედიცინო პოტენციალის წარმმართველ ძალას, საკანონმდებლო სივრცეს, საერთაშორისო მხარდამჭერებს მადლობას ვუხდი და ქედს ვუხრი ჩვენს მოსახლეობას, რომელიც ერთ მონოლითად გადაიქცა. უფლის ნებით, ეკლესიის გვერდში დგომით, ყველაფერი წარმატებით მიდის, თუმცა ჯერ გამოწვევები არ დამთავრებულა. 

ამ ეტაპზე, უცნობი ვირუსის ჯერ ისევ შესწავლა ხდება, თუმცა შემაკავებელი ღონისძიების გატარება, პრეკრიზისული მდგომარეობა, პიკისთვის მზადება, პლატოზე გასვლა და ასევე, ეკონომიკის გაცოცხლების ჩვენეული ხედვის განხორციელება, ჩემი აზრით, სამაგალითოა. 

_ ბატონო ლადო, თქვენ კი კმაყოფილი ხართ, მაგრამ სკეპტიკოსებს არ სჯერათ, რომ საქართველომ ისეთ ქვეყნებს, როგორიც აშშ, დიდი ბრიტანეთი, იტალია თუ გერმანიაა, კორონაკრიზისის მართვაში აჯობა და ამბობენ, ჩვენთან უკეთესი სცენარი მასშტაბმა განაპირობაო. თქვენ, როგორც ექიმი, რას ფიქრობთ, სინამდვილეში, რამ გადაგვარჩინა? 

_ პატარა ქვეყანა ვართ, ჯერჯერობით სუსტი ეკონომიკით, დიდი გამოწვევებით _ დიდი მტრის წინააღმდეგ, რომელიც ჩრდილოეთით გვყავს და რომელსაც საქართველოს წარმატება არ უხარია. მიუხედავად ამისა, ქართველი მსოფლიოში უძლიერესი ადამიანია. ლაშა ტალახაძემ მსოფლიო და ოლიმპიური ჩემპიონობა დაიმსახურა და ამით ყველას ამცნო, რომ ხარისხს რაოდენობა არ წყვეტს. სპორტი იქნება, მედიცინა თუ ხელოვნება, წარმატებაზეა ორიენტირებული და ამას ყველა აღიარებს _ ეს სკეპტიკოსების პასუხად. 

რაც შეეხება გამოწვევას, საერთოდ, პატარა კატარღის მართვა გაცილებით ადვილია, ვიდრე დიდი გემისა და ლაინერის. ჩვენი მომცრო ქვეყანა ინტელექტმა და გამოცდილებამ გადააარჩინა. ამასთან, სამთავრობო სტრუქტურამ _ კრიზისების მართვის საბჭომ, პრემიერ-მინისტრის ხელმძღვანელობით, სწორი აქცენტები დასვა და იმ ადამიანებს დაეკითხა, ვისი ჭკუა და გამოცდილებაც გასათვალისწინებელი იყო. მახსოვს, როგორ ჯიუტად დადგა ხელისუფალი და სწორად მოიქცა, როცა თქვა, ვითვალისწინებ მედიკო-ბიოლოგიური პოტენციალის აზრსო და დააწესა გარკვეული შეზღუდვები, რამაც გაამართლა. ეს კი დიდ ქვეყნებს გაუჭირდათ. აშშ, საფრანგეთი და გერმანია გენიალური ქვეყნებია, მაგრამ ბოდიში უნდა მოვიხადო დემოკრატიის წინაშე, რაც ნიშნავს ღიაობას, გამჭვირვალობას, სადაც ზოგჯერ ოპერატიულობა იკოჭლებს და ამ შემთხვევაში, ჩვენმა ქვეყანამ, რომელიც დემოკრატიულობის სწორ გზაზეა, ოპერატიულობა დაუმატა, რაც ასეთი გამოწვევების დროს აუცილებელია. 

_ ბატონო ლადო, პანდემიით გამოწვეული შეზღუდვების მოხსნას ეთანხმებით, თუ ფიქრობთ, რომ კიდევ უნდა გაგრძელდეს? ვირუსის შემობრუნების საფრთხეს თქვენც ხომ არ ხედავთ? 

_ კორონავირუსის ჯგუფი ჩვენთვის ცნობილია, მაგრამ ეს შემოტევა, ჯერჯერობით უცნობმა შტამმა გამოიწვია და მთელი მსოფლიო ჯერ კიდევ იკვლევს, აღნიშნული შტამი იწვევს თუ არა იმუნიტეტს ანუ არის თუ არა ანტისხეულები მყარი და შეუძლია თუ არა ბრძოლა ვირუსის სახეცვლილი ფორმით შემოტევის დროსაც. ცდილობენ, ვაქცინა გამოიყვანონ, რაც გამომწვევის წინააღმდეგ, ანტისხეულების დამრაზმავია ანუ კარგად უნდა იცნობდე გამომწვევის შინაარსს, რომ ვაქცინა შექმნა და მსოფლიო ჯერ ამ გზაზეა. 

ძალიან რთული მდგომარეობაა მკურნალობის თვალსაზრისითაც. ახალი მედიკამენტის გამოგონება ძალიან რთული და დროში გაწელილია, ამიტომ სხვა ვირუსების დროს დაგროვებული წამლების მოდერნიზება, შეჯვარება და კომბინაცია მიმდინარეობს. რადგან ექიმი ვარ, ძალიან მიადვილდება ადამიანებისთვის ახსნა: ნებისმიერ პაციენტს, თუნდაც სხვა მდგომარეობაში მყოფს, როცა საავადმყოფოდან წერ, ჯერ სრულად არაა ჯანმრთელი, მაგრამ გამოჯანმრთელების გზაზეა და მას ვეუბნები _ შენ ხარ გამოჯანმრთელების გზაზე და არის რისკი, ამიტომ გარკვეული დატვირთვა თავიდან უნდა აირიდო. ზუსტად ასეთ მდგომარეობაშია დედამიწა და, მათ შორის, ჩვენი ქვეყანაც _ ჯერ საავადმყოფოს პალატიდან ახლა გამოვდივართ, ამიტომ უნდა გვახსოვდეს, რომ მედიცინაში არსებობს ორი სიტყვა _ რეციდივი და რეინფექცია. დანაშაულის რეციდივი საშინელებაა, მაგრამ ჩვენი გონიერებით, გამოცდილებით არ უნდა მივცეთ ნიადაგი, რომ ეს განვითარდეს. 

რაც შეეხება რეინფიცირებას, შეიძლება, ადამიანი გამოჯანმრთელდა, მაგრამ იმუნიტეტი მოუმზადებელია და შესაძლოა, რეინფიცირება მოხდეს, ამიტომ ვსაუბრობთ სავარაუდო მეორეულ და მესამეულ ტალღაზე. ეს გამოცდილება აქვს დედამიწას და ყველას ვთხოვთ, ჩვენ ტრადიციულ, ძალიან ბევრ რამეზე ვთქვით უარი, გავთითოკაცდით, მაგრამ ამ ვირუსის ჩაქრობის სხვა გზა არ არსებობს და რადგან დიდი გაჭირვება გამოვიარეთ, ყველაფერი ეს, წყალში არ ჩავყაროთ. შევიძინეთ გამოცდილება, ხატოვანი გამოთქმა რომ არსებობს, რომელი უნდა იდგეს წინ _ ჯანმრთელობა თუ ეკონომიკაო _ ადამიანი თუ მოკვდა, მის გაცოცხლებას ვერავინ შეძლებს. ეკონომიკა რომც ჩაკვდეს, ან მინელდეს, მისი გაცოცხლება, ან სხვა ფორმით მობრუნება შეიძლება. ყველა გამოწვევა ნოვაციების გზაა! 

სფეროებზე, რომლებიც სასიცოცხლო მნიშვნელობისაა, მაგალითად, სოფლის მეურნების განვითარების კუთხით, საინტერესო წინადადებები წამოვიდა, ასევე, საგანმამათლებლო სისტემასთან დაკავშირებითაც. აკადემიური წლის გამოცხადება არ შეიძლებოდა, რადგანაც ეს დიდი გამოწვევა, რომელიც ჩვენმა მასწავლებლებმა, ლექტორებმა, ადმინისტრაციამ, მოსწავლეებმა მიიღეს, ძალიან კარგად განხორციელდა. საცალო და საბითუმო ვაჭრობის, სამშენებლო ბიზნესის, მომსახურების სფეროებში _ ყველაფერ ამასთან დაკავშირებით, თუ რამე „აგვიფეთქდა“, შეჩვეულნი ვართ ამ გაჭირვებას და ერთ დაძახილზე, ყოველგვარი ჩივილის გარეშე, გავუკეთებთ ლოკალიზებას ისე, როგორც ბოლნისში მოხდა _ 19 ახალი შემთხვევის გამო, ჩაიკეტა და პროტესტი არავის გამოუთქვამს, რადგან ყველა გონიერად მიუდგა. 

_ ბატონო ლადო, ზოგი ფიქრობს, რომ მთავრობა სოციალურად გაჭირვებულ ადამიანებს არასაკმარისად ეხმარება და 200-ლარიანი დახმარება დაცინვაა. 

_ ხელისუფალი მოიქცა ყოველგვარი პოპულიზმის გარეშე, რეალურად შეხედა თავის შესაძლებლობას, სადამდეც სწვდება საბანი, იქამდე გასწია ფეხი, მაგრამ ეს შეუთანხმა ყველა ადამიანს, დაინახა ყველა გამოწვევა. ზოგი ამბობს, 1 200-ლარიანი დახმარება ერთიანად მიეცათ და უფრო ამოისუნთქავდნენ ადამიანებიო. მე, როგორც ექიმმა, კარგად ვიცი, რომ წამალი დოზირებულად მისაცემია. ეს რომ უკმარია, ვიცით და არ იკვეხნის ხელისუფლება, გადაგარჩინეთო _ ამას არ აკადრებს თავის მოსახლეს. პირიქით, ეუბნება, რასაც გეხმარებით და გვერდით გიდგებით, ეს უკმარიაო, მაგრამ უცბად წამოვიდა თემები სოციალურად გაჭირვებული ფენის დახმარების, პენსიონერთა ინდექსაციისა, ასევე პენსიის მოცულობის ზრდა და სასოფლო-სამეურნეო მხარდაჭერის საკითხები. ასევე, ტურიზმის აღორძინებაა მნიშვნელოვანი, სადაც უამრავი ადამიანია ჩართული. ხელისუფლებას არ უკადრებია თავისი მოსახლისთვის, ჩვენ ამას გიკეთებთო, ჩვენ ვცდილობთ, ასე დაგანახოთ ჩვენი პოტენციალი და ბოდიშს გიხდით იქ, სადაც დავაკლებთო _ აი, ასეთი მიმართება იყო და არ იყო ტყუილი არც ერთი დაპირება. ღმერთმა დამიფაროს, ვინმე შეურაცხვყო და განვიკითხო, მაგრამ ეს არის მოწინააღმდეგე პოლიტიკური ძალების გზა. ჩვენ გვინდა, სწორად დავინახოთ ჩვენი პოტენციალი, ამაში ჩაერთოს მოსახლეობა, დახმარების ხელი ყველას გავუწოდოთ და როგორღაც, ყველამ ერთად გადავიტანოთ ყველაფერი ეს. 

_ ოპონენტები და პოლიტიკა ახსენეთ და, როცა პანდემია გადაივლის, დღის წესრიგში, საარჩევნო ცხელი პერიოდი დადგება. ამ ფონზე, საარჩევნო სისტემის შეცვლასთან დაკავშირებით, მნიშვნელოვანი საკითხი წამოიჭრა. აღნიშნულ კანონპროექტს მხარს დაუჭერთ? 

_ რასაკვირველია, ცალსახად, შეგნებულად მაქვს ეს გადაწყვეტილი. ჩემი და ჩემი კოლეგების აზრით, ეს საკონსტიტუციო ცვლილება აუცილებლად მხარდასაჭერია იმიტომ, რომ მომავალზეა ორინტირებული. ასეთი ანდაზა გვაქვს _ „მიზეზ, მიზეზ, დოს მარილი აკლიაო“, ამას იყენებს ყველა პოლიტიკური ოპონენტი, სხვა შემთხვევაში, საარსებო გარემო და სალაპარაკო არ აქვთ. გამოცდის არ უნდა ეშინოდეს იმ ადამიანს, ვინც მთელი წელი კარგად მეცადინეობს, ყველაფერი ეს, გუნდურობის პრინციპით დაცვით ხდება, ამიტომ, როდესაც ცხელ საარჩევნო პერიოდს ვახსენებთ, აქვე, მინდა განვმარტო _ ჩემს მოსახლეს, არასდროს, საარჩევნო ხმის მქონე ადამიანად, ამომრჩევლად არ განვიხილავ, მე მას ჩემი ოჯახის წევრად მივიჩნევ. მე რომ გამიჭირდა, გვერდზე დამიდგნენ, მათ რომ გაჭირვების ჩივილი აქვთ, მირეკავენ, სახლში მოდიან, ჩემს პროფესიაშიც ასე ვიყავი და პოლიტიკაშიც ზუსტად ასე ვარ. ესეც მათი ნდობაა, ამიტომ არჩევნებისთვის კი არ ცხოვრობს ადამიანი, არამედ, თავისი სინდისის, გამოცდილებისა და სამემკვიდრეოდ მიღებული ვალდებულებების სწორად განაწილებისთვის! 

_ მოკლედ, ფიქრობთ, რომ არჩევნებში „ქართულ ოცნება“ არ დამარცხდება, არა? 

_ „ქართული ოცნება“ ისე ჩამოყალიბდა, იმდენი დარტყმისა და სეტყვის ქვეშაა გამოვლილი, იმდენ ნგრევა-აშენებაშია გაწვრთნილი, ის პროპორციულობის გაზრდა ნიშნავს პარტიის მონოლითის სიმტკიცეს, სადაც ერთი კაცის გამარჯვება, პირდაპირ, მთელი პარტიის სახელად აღიქმება ისევე, როგორც პარტიის გამარჯვება, მისი შემადგენელი _ ყველას გამარჯვებად!

თათია გოჩაძე

]]>
versiaprinti@yahoo.com (super admin) პოლიტიკა Wed, 20 May 2020 01:44:33 +0400
მურმან დუმბაძე: „სიტყვა-სიტყვით ასე დაწერეთ!“ http://www.versia.ge/2013-07-31-11-22-32/item/6773-მურმან-დუმბაძე-„სიტყვა-სიტყვით-ასე-დაწერეთ-“.html http://www.versia.ge/2013-07-31-11-22-32/item/6773-მურმან-დუმბაძე-„სიტყვა-სიტყვით-ასე-დაწერეთ-“.html

„სააკაშვილს თანამდებობებს ჩვენზე ათჯერ დიდი სახელმწიფოები სთავაზობენ და ეს იმას ნიშნავს, რომ მუდმივად დღის წესრიგშია!“

 

ხელისუფლებამ 8 მარტის შეთანხმების პირობა ნაწილობრივ შეასრულა _ პრეზიდენტმა სალომე ზურაბიშვილმა, ირაკლი ოქრუაშვილი და გიგი უგულავა შიწყალა. გიორგი რურუა კი სასამართლომ, ჯერჯერობით, პატიმრობაში დატოვა, თუმცა ოპოზიცია იმედოვნებს, რომ რურუაც მალე გათავისუფლდება. რა მოხდება იმ შემთხვევაში, თუ მოვლენათა განვითარების სცენარი შეიცვლება? _ „ვერსია“ გაერთიანებული ოპოზიციის წევრს, პარტია ემსახურე საქართველოს ლიდერს, მურმან დუმბაძეს ესაუბრა.

_ ბატონო მურმან, უგულავა-ოქრუაშვილის შეწყალების ფონზე, გიორგი რურუას პატიმრობაში დატოვებას როგორ აფასებთ? 

_ არსებობს ხელშეკრულება, რომელიც 8 მარტს, საერთაშორისო პარტნიორების თანამონაწილეობით დაიდო და რომლის პირობებიც უნდა შესრულდეს _ კონსტიტუციაში ცვლილებები შევიდეს, ნორმალური საარჩევნო გარემო შეიქმნას და საოქტომბროდ, მოვემზადოთ არჩევნების ჩასატარებლად. ვფიქრობ, გიორგი რურუა ძალიან მალე გათავისუფლდება და პოლიტიკური პროცესები ნორმალურ კალაპოტში ჩადგება. კარგია, რომ ხელისუფლებამ პირობები ნაწილობრივ შეასრულა და ოპოზიციაც შესაბამისად იქცევა. 

_ თუ ხელისუფლებამ ყველა დადებული პირობა შეასრულა, გამოდის, რომ წინასაარჩევნო კამპანია არცთუ ცხელი იქნება, არა? 

_ არჩევნების პერიოდი ისედაც ცხელია, მაგრამ ჩვენ ვამბობთ, რომ საკონსტიტუციო ცვლილებებს მხარდაჭერა სჭირდება, რათა ეს პროცესი ბოლომდე მივიდეს. დეპუტატთა 2/3 საკმარისი არაა, საჭიროა 113 ხმა. ამას მოგროვება უნდა, მაგრამ ხელისუფლებას უჭირს და საპარლამენტო ოპოზიციის მხარდაჭერა აუცილებელია. პირობები თუ შესრულდება, ოპოზიცია საკონსტიტუციო ცვლილებებს მხარს დაუჭერს. ვფიქრობ, კონსტიტუციური ცვლილებებით ვუახლოვდებით იმ დანაპირებს, რომელიც ბიძინა ივანიშვილმა მხოლოდ 2019 წლის ივნისში კი არა, მანამდეც _ 2016 წლის საპარლამენტო არჩევნების წინ და 2012 წლის ოქტომბრამდეც გასცა! 

 

_ ისე, რამდენიმე დღის წინ აცხადებდით, მნიშვნელობა არ აქვს, ხელისუფლება არჩევნებით შეიცვლება, თუ რევოლუციითო... 

_ ასე არ ყოფილა, კონტექსტიდან ამოგლეჯილად გავიდა ეს ნათქვმი. მე იმის თქმა მინდოდა, რასაც ოპოზიცია აპირებს ანუ 90 წლიდან მოყოლებული, ხელისუფლებები ჩვენთან რევოლუციით, ან რევოლუციის ფონზე იცვლება. ერთადერთი შემთხვევა, როცა საარჩევნო ბიულეტენით ხელისუფლება შევცვალეთ, 2012 წლის პირველ ოქტომბერს იყო. დანარჩენ შემთხვევებში, რეგიონალური, ეროვნული მთავრობები რევოლუციით, ან რევოლუციის ფონზე შევცვალეთ. 2018 წელს, საპრეზიდენტო არჩევნების მეორე ტური ხელისუფლებამ ასეთ რეჟიმიში ჩაატარა _ საარჩევნო ყუთთან მისულ ამომრჩეველს ჯიბგირი, თუ გამგებელი ხვდებოდა და თუ ამომრჩეველი ცოტა ურჩი იქნებოდა, პანღურს არტყამდნენ და გარეთ აგდებდნენ. ასე აღარ უნდა მოხდეს და არჩევნები თავისუფალ გარემოში უნდა ჩატარდეს. ასეთ დროს, მზად ვართ, არჩევნებში მონაწილეობა მივიღოთ. ყველა სხვა შემთხვევა კი ხელისუფლებას იქამდე მიიყვანს, რაც ბოლო 30 წლის განმავლობაში, სამწუხაროდ, თითქმის ნორმადაა ქცეული. მახსოვს, 2004 წლის 5 მაისს, არავინ ფიქრობდა, რომ 6 მაისს, რევოლუცია მოხდებოდა, მაგრამ 6 მაისს, ასლან აბაშიძეს პანღური ამოჰკრეს და ქვეყნიდან გააგდეს. მე ეს არ მომწონს, არც ის ვიცოდი, რომ 2003 წლის 22 ნოემბერს, ედუარდ შევარდნაძე უნდა გაგვეგდო _ ეს არავის დაუგეგმავს, მაგრამ არჩევნები გააყალბა და აღორძინების კავშირი, რომელიც სეპარატისტული ორგანიზაცია იყო და ქვეყანას შუაზე გლეჯდა, მეორე ადგილზე გაუშვა, თავად კი პირველი ადგილი დაიკავა. ამიტომაც დადგა ის შედეგი, რაც დადგა. ასე რომ, რევოლუციის დაგეგმვა წინასწარ შეუძლებელია. რევოლუციაში, როგორც წესი, ყველაზე დიდი წვლილი ხელისუფლებას შეაქვს. თუ ბიძინა ივანიშვილს უნდა, რომ არჩევნები ნორმალურ გარემოში ჩაატაროს, ამისთვის საჭიროა, 8 მარტის დაპირება სრულად შეასრულოს და თავისუფალი, ან თავისუფალთან მიახლოებული საარჩევნო გარემო შექნას. სხვა შემთხვევაში, ტემპერატურის აწევას ვერ გავექცევით იმიტომ, რომ კავკასიელი ხალხი ვართ! 

_ თუ ხელისუფლებამ პირობა შეასრულა და საარჩევნო წესი შეიცვალა, საარჩევნოდ, ნაციონალურ მოძრაობასთან დაბლოკებას აპირებთ? 

_ არჩევნებში ბლოკის სახით, მხოლოდ ნაციონალურ მოძრაობასთან კი არ ვაპირებთ მონაწილეობას, არამედ, განსხვავებული წარსულისა და პერსპექტივების მქონე პარტიები იმაზეც ვსაუბრობთ, რომ მაჟორიტარულ ოლქებში, ერთმანეთს მაჟორიტარული კანდიდატები დავუთმოთ ანუ ერთიან კანდიდატზე შევთანხმდეთ. 

_ პირადად თქვენ ხომ არ განიხილებით მაჟორიტარობის ერთ-ერთ კანდიდატად? 

_ ასეთი დათქმა, პიროვნებების დასახელება, ჯერჯერობით, არ ხდება, მაგრამ ნებისმიერი ადამიანი, რომელსაც აქვს სურვილი, ამბიცია და გამოცდილება, გაერთიანებული ოპოზიციის მიერ, მაჟორიტარობის კანიდიდატად დასახელდება. ხელისუფლება ნაბიჯებს დგამს და ეს მნიშვნელოვანი სახელმწიფო გადაწყვეტილებაა. არ ვამბობ, რომ ოპოზიციამ დაამარცხა ხელისუფლება, ეს არ არის სწორი _ გაიმარჯვა სახელმწიფომ, საქართველოს მოქალაქემ უნდა გაიმარჯვოს. 

ამ შემთხვევაში, ოქრუაშვილისა და უგულავას გამოშვებით, სახელმწიფომ კიდევ ერთი ნაბიჯი გადადგა, დარწმუნებული ვარ, რომ გამოუშვებენ რურუასაც, ჩატარდება ნორმალური არჩევნები და საქართველო წინ წავა! 

_ ბატონო მურმან, შესაძლოა, უკვე ბევრჯერ გკითხეს, მაგრამ 2012 წელს, ყველას გვახსოვს, „ქართული ოცნების“ მხარდამჭერი იყავით... 

_ მხარდამჭერი კი არა, „ქართული ოცნების“ დამფუძნებელი ვარ! 

_ მით უმეტეს... მაშინ ნაციონალურ მოძრაობას რადიკალურად უპირისპირდებოდით და ახლაც გვახსოვს თქვენი ცნობილი გამონათქვამები ხელის გახმობასთან დაკავშირებით. თქვენი ასეთი, მკვეთრი შემობრუნება „ოცნების“ საპირისპიროდ, რამ განაპირობა? 

_ ძალიან მარტივი პასუხი მაქვს: „ქართული ოცნებიდან“ 2019 წელს არ წამოვსულვარ. პარტიიდან 2014 წელს, ოფიციალურად გამრიცხეს. 2013 წელს, ჩვენს შორის ურთიერთობები იმის გამო გაფუჭდა, რომ 2012 წლის 1 ოქტომბრამდე გაცემული დანაპირების შესრულება, ივანიშვილმა 2 ოქტომბრიდან არ დაიწყო. სიტყვა-სიტყვით დაწერეთ _ 2012 წლის 1 ოქტომბერს, ბიძინა ივანიშვილი ზუსტად ისეთივე კაცი იყო, როგორიც დღესაა. ეს იყო მიზეზი, რის გამოც წამოვედი. ზოგი ამას მიხვდა 2019 წელს, ზოგი _ 2020 წელს, მე კი ეს გავიგე 3 თვეში და წამოვედი. ეს არის ჩვეულებრივი პოლიტიკური პროცესი, არაფერი აქ სახიფათო არაა. ჩვენ ვართ ოპოზიციაში „ქართულ ოცნებასთან“, „ოცნება“ ხელისუფლებაშია და ვფიქრობ, რომ ის ქართული სახელმწიფოს განვითარების მუხრუჭია! ამიტომ ბიძინა ივანიშვილი და მისი ხელისუფლება აუცილებლად უნდა შიცვალოს. 

_ ბატონო მურმან, ალბათ, დამეთანხმებით, რომ ნაციონალურ მოძრაობაში, გადამწყვეტი მიხეილ სააკაშვილის ფაქტორია. მან უკრაინის პოლიტიკა აირჩია და თუ ის საქართველოს პოლიტიკას განერიდება, როგორ ფიქრობთ, ოპოზიცია ხელისუფლებაში მოსვლის შანსს ხომ არ დაკარგავს? 

_ მიხეილ სააკაშვილი ფაქტორია და უკრაინაში იქნება, აშშ-ში, თუ საქართველოში, ამას მნიშვნელობა არ აქვს! მას ჩვენზე ათჯერ დიდი სახელმწიფოები ეპატიჟებიან და თანამდებობებს სთავაზობენ, რაც იმას ნიშნავს, რომ სააკაშვილი მუდმივად დღის წესრიგშია, მოქმედებს და აზროვნებს. მისი პლუსები, მინუსები, შეცდომები, დანაშაულები _ ყველაფერი ფაქტორია და ბუნებრივია, მის სახელსა და გვარს გავლენა აქვს ქართულ პოლიტიკაშიც.

თათია გოჩაძე

]]>
versiaprinti@yahoo.com (super admin) პოლიტიკა Wed, 20 May 2020 01:44:28 +0400
გია ვოლსკი: „ოპოზიცია ცდილობს, არჩევნების ახალი სისტემით ჩატარებას ხელი ყველანაირად შეუშალოს!“ http://www.versia.ge/2013-07-31-11-22-32/item/6763-გია-ვოლსკი-„ოპოზიცია-ცდილობს,-არჩევნების-ახალი-სისტემით-ჩატარებას-ხელი-ყველანაირად-შეუშალოს-“.html http://www.versia.ge/2013-07-31-11-22-32/item/6763-გია-ვოლსკი-„ოპოზიცია-ცდილობს,-არჩევნების-ახალი-სისტემით-ჩატარებას-ხელი-ყველანაირად-შეუშალოს-“.html

„უკრაინისა და საქართველოს ურთიერთობას, რომელიც დიდი მასშტაბის ფორმატშია ჩამოყალიბებული, სახელმწიფო სტრუქტურაში სააკაშვილის დანიშვნით, ჩრდილი მიადგა!“

ივნისში, საქართველოს პარლამენტი განიხილავს კანონპროექტს, რომელიც საარჩევნო სისტემის შეცვლას გულისხმობს. ხელისუფლება საარჩევნო სისტემის შესაცვლელად მზადყოფნას გამოთქვამს, თუმცა ოპოზიცია აცხადებს, რომ თუ მმართველი ძალა დაკავებულ პოლიტიკოსებს არ გაათავისუფლებს, საარჩევნო სისტემის ცვლილებას მხარს არ დაუჭერს. ამ ფონზე, „ოცნება“ ევროპარლამენტარ კუბილიუსისგან წერილს იღებს, სადაც ევროპელი პოლიტიკოსი საქართველოს ხელისუფლებას იმ შეთანხმების შესრულებისკენ მიუთითებს, რომელიც 8 მარტს, ოპოზიციასა და ხელისუფლებას შორის დაიდო. ზემოხსენებულ წერილს პარლამენტის თავმჯდომარის კრიტიკული პასუხი მოჰყვა. 

მოკლედ, ითვალისიწინებს თუ არა 8 მარტის შეთანხმება ე.წ. პოლიტპატიმრების გათავისუფლებას? _ „ვერსია“ პარლამენტის პირველ ვიცე-სპიკერს, გია ვოლსკის ესაუბრა, რომელთან ინტერვიუც მიხელ სააკაშვილის უკრაინის რეფორმებირების საბჭოს თავმჯდომარედ დანიშვნის შეფასებით დავიწყეთ:

 

ვერ ვიტყოდი, რომ დღეს, ეს მთავარი თემაა. საქართველოში ძალიან ბევრი პრობლემა და კარგი პროცესია. ავიღოთ, მაგალითად, 700 ჰექტარის მწვანე განაშენიანების პროექტი, რომელსაც თბილისის მერია და ფონდი „ქართუ“ გააკეთებენ. აი, ეს გადაწონის უკრაინაში მეათეხარისხოვან თანამდებობაზე სააკაშვილის დანიშვნის ინფორმაციას, მაგრამ საქმე ორი ქვეყნის ურთიერთობას ეხება. უკრაინისა და საქართველოს ურთიერთობა დიდი მასშტაბის ფორმატშია ჩამოყალიბებული, რომელიც ეხება რეგიონალურ, საერთაშორისო უსაფრთხოებას, ასევე, პოლიტიკურ, ეკონომიკურ, სამხედრო კავშირებს. ამაში მხოლოდ საქართველო და უკრაინა არ მონაწილეობენ. აქაა ჩვენი დასავლელი პარტნიორების ინფრასტრუქტურაც და ჩვენი ურთიერთობაც, სწორედ ამ ფორმატშია მნიშვნელოვანი. ასე რომ, ეს საგანგებო მნიშვნელობის თემაა, რომელსაც სახელმწიფო სტრუქტურაში სააკაშვილის დანიშვნით, ჩრდილი მიადგა. 

_ ანუ ამის გამო, შესაძლოა, რომ საქართველოსა და უკრაინის ურთიერთობა გაფუჭდეს? 

_ ამ ფორმატზე ტყუილად არ ვისაუბრე. ჩვენი ქვეყნების, ასევე, რეგიონის წინაშე, გლობალური გამოწვევები დგას, რომელთა გათვალისწინებითაც, ჩვენი ურთიერთობები, რასაკვირველია, პრაგმატული სცენარით წარიმართება, მაგრამ ჩვენი ხალხებისა და სტრატეგიული ურთიერთობის ხარისხს არ ეკადრება. თუ როგორ წარიმართება შემდგომში ურთიერთობა, წინასწარ შემიძლია ვთქვა, რომ იმ პრაგმატიზმს, რასაც საერთაშორისო ურთიერთობები ითვალისწინებს, არაფერი უნდა მოაკლდეს. ეს არც ჩვენს ინტერესშია და არც ჩვენი პარტნიორების ანუ ევროკავშირის, ნატო-სა და აშშ-ს. ღრმა დიპლომატიურ ურთიერთობათა კრიზისში რომ შევიდეს, ამ ინტერესებს დაუპირისპირდება, მაგრამ ელჩი ჩამოვიდა, ეს დიპლომატიური დემარშია და ამ თემასთან დაკავშირებით, ელჩის მონაწილეობით კონსულტაციები საჭირო და აუცილებელია. 

_ სააკაშვილმა უკრაინის პოლიტიკა მაშინ აირჩია, როცა საქართველოში არჩევნები კარსაა მომდგარი. როგორ ფიქრობთ, ეს „ოცნებისთვის“ დადებით როლს ხომ არ ითამაშებს? 

_ ასე ნუ ვიტყვით... სად გადავიდა და გადმოვიდა, სააკაშვილის მოძრაობა და საქმიანობა ლოგიკას ნაკლებად ექვემდებარება, თანაც არც ეს პოზიციაა ისეთი, სადაც შეიძლება, თავისი პოლიტიკური ამბიცია დაიკმაყოფილოს. ძალიან შორსაა მისი წარმოდგენისგან, უსაფუძვლოდ, მაგრამ მეტი წარმოუდგენია, მეტი უნდა... არ ვიცი, როგორ იქნება, მაგრამ მთავარ თემას გამოვყოფ _ „ქართული ოცნებისთვის“, პოლიტიკური ასპექტით ამ თემის განხილვა აქტუალური არაა, ვინაიდან „ოცნების“ პოლიტიკა პარტიის წინსვლას განყენებულად კი არ გულისხმობს, არამედ, პარტიის ღვაწლის დაფასებას სახელმწიფოსთვის. ასე რომ, გინდ სააკაშვილთან და გინდ _ მის გარეშე, გვაქვს ამბიცია, საქმიანობით შევეჯიბროთ ნებისმიერს, ვისაც ამ ქვეყნისთვის სიკეთის გაკეთება უნდა. ასე რომ, სააკაშვილი იქნება თუ არა, ეს არ გააფერმკრთალებს იმას, რაც ამ ურთულეს ვითარებაში, უმძიმესი მემკვიდრეობით კეთდებოდა. 

მეორე ასპექტია, როგორ იხილავს ნაციონალური მოძრაობა სააკაშვილის პერსპექტივას მასთან მიმართებაში. ვერ გეტყვით, რას ელოდებიან... ადამიანი, რომელიც ადრეც იმყოფებოდა გარკვეულ პოსტზე, იქიდანაც საკმაოდ ინტენსიურად მოუწოდებდა დესტაბილიზაციისკენ. ასე რომ, მისგან რაიმე ფერისცვალებას არ ველით. 

_ ბატონო გია, კორონაპანდემია რომ გადაივლის, წინასაარჩევნო კამპანია დაიწყება. ნაციონალურ მოძრაობაში აცხადებენ, რომ აქტიურად ემზადებიან და ამომრჩევლის წინაშე, შესაძლოა, დიდი საარჩევნო ბლოკით წარსდგნენ. თქვენ, მმართველ გუნდს საარჩევნოდ რა გეგმა გაქვთ? 

_ საერთოდ, პოლიტიკური პარტიის ძალა იმით განისაზღვრება, თუ ვის რა დაუთესავს ამ ქვეყნისთვის და დღეს რას ვიმკით. ჩვენ ვიმკით (რასაკვირველია, გადატანითი მნიშვნელობით ვამბობ) დანაწევრებულ საქართველოს, ეს დიდი რაოდენობით _ 1 200 000 სიღარიბის ზღვარს ქვემოთ დატოვებული ადამიანია, ამ რაოდენობის განახევრებამ ნამდვილად ვერ მოხსნა პრობლემა, მაგრამ ფაქტია, რომ ეს მემკვიდრეობა მიღებულია. უამრავმა ადამიანმა დაკარგა ჯანმრთელობა, ქონება და იპოთეკით დაზარალებული ადამიანების მთელი არმიაა, რომელთაც ჯანმრთელობის, სიცოცხლის გადასარჩენად მოუხდათ ქონების დაკარგვა. ვხედავთ დესპოტური მმართველობის სისტემის დანატოვარს და ეს რეალობაა, რომელშიც ისინი შედიან წინასაარჩევნო პროცესში. ასე რომ, ვფიქრობ, რაც უნდა ძლიერი იყოს გაერთიანება, წარსულიც ძლიერი უნდა იყოს და მომავალზე უნდა ჰქონდეთ საკმაოდ ჩამოყალიბებული, გააზრებული სტრატეგია, გეგმა და არა _ პოპულისტური შეძახილები. 

_ რას იტყვით, ხელისუფლებისთვის ევროპარლამენტარ კუბილიუსის მიერ გამოგზავნილ კრიტიკულ წერილზე, სადაც ის 8 მარტის შეთანხმების შესრულებისკენ მოგიწოდებთ? 

_ განცხადებას, რომ საქართველოში პოლიტპატიმრები არსებობენ და უნდა განთავისუფლდნენ, უაპელაციო მხარდაჭერა აქვს მათი მოკავშირე პოლიტიკოსის, კუბილიუსისგან. ამასთან დაკავშირებით, ჩნდება აზრი, რომ ვერ ხედავს სააკაშვილი გამარჯვების პერსპექტივას! 

_ ივნისში პარლამენტი საარჩევნო სისტემასთან დაკავშირებული კანონპროექტის განხილვას იწყებს, რომელზეც ხელისუფლებასა და ოპოზიციას შორის შეთანხმება მარტში შედგა. ოპოზიციის თქმით, შეთანხმების მთავარი ნაწილი, სწორედ პოლიტპატიმრების გათავისუფლებაა. „ოცნებაში“ თუ გაქვთ ჩამოყალიბებული ერთმნიშვნელოვანი აზრი საარჩევნო სისტემის შეცვლასა და პატიმრების გათავისუფლებაზე? 

_ აშკარა ტყუილია და სწორედ ეს მაფიქრებინებს, ეს თემა იმისთვის მოიფიქრეს, რომ დესტრუქცია გაამართლონ! არის თემები, რომლებიც ამძიმებს შინაგან საქმეთა ყოფილი მინისტრის დანაშაულს. არც იარაღის უკანონო ტარებაა დაშვებული. საერთოდ, ამ თემებზე ის ადამიანები საუბრობენ, რომლებიც თვლიან, რომ ვანო მერაბიშვილი პოლიტიკური პატიმარი იყო. აქ კი შეგვიძლია, ფასეულობებსა და მსოფლმხედველობაზე ვისაუბროთ, მაგრამ ვიმეორებ, ეს შესაძლოა, იმის მიზეზი გახდეს, რომ დღის წესრიგში დესტრუქციული სცენარი დატოვონ და არჩევნების ახალი სისტემით ჩატარებას ხელი ყველანაირად შეუშალონ. 

_ გასაგებია, მაგრამ ოპოზიცია აცხადებს, რომ პატიმრების გათავისუფლების გარეშე, კანონპროექტს მხარს არ დაუჭერს ანუ გამოდის, რომ საარჩევნო სისტემის შეცვლა კითხვის ნიშნის ქვეშ დგას? 

_ დიახ, ასეა. ვირუსის გავრცელებამდეც ვამბობდი, რომ დესტრუქცია მათი მთავარი რესურსია, ამ რესურსით იმოქმედეს, როცა პარლამენტში უნდოდათ შემოჭრა და რევოლუციური სცენარის განვითარება. დღესაც ამ სცენარით მოქმედებენ, როცა პოლიტიკური წარმატების პერსპექტივას ვერ ხედავენ! 

_ ბატონო გია, სიღარიბის ზღვარს მიღმა დარჩენილი ადამიანები ახსენეთ და პანდემიის გამო, უამრავ ადამიანს სოციალურ-ეკონომიკური პრობლემა დაემატა. ზოგი მიიჩნევს, რომ მთავრობის მიერ წარმოდგენილი ანტიკრიზისული გეგმა უფრო მეტადაა მორგებული ბიზნეს-სექტორზე, ვიდრე გაჭირვებულ ადამიანებზე და ეს დახმარება საკმარისი არაა. 

_ საკმარისი იმიტომ არაა, რომ პანდემიას არ გაუჩენია ეკონომიკური პრობლემები და ადამიანების სიღარიბე საქართველოში. შემცირებულია რაოდენობა, მაგრამ ფაქტია, რომ მივიღეთ საკმაოდ რთული მემკვიდრეობა და ამაზე მუშაობა გრძელდება, უბრალოდ, პანდემიამ დაამძიმა ეს მდგომარეობა, თორემ რომ ვთქვათ, ყველაფერი ყვაოდა და ამ ვირუსმა დაგვაყენა პრობლემების წინაშეო, სწორი არ იქნება, მაგრამ პრობლემებიდან გამოსვლის ეს გეგმა ძალიან წონადი სოციალური და ბიზნესის დახმარების პაკეტითაა დახასიათებული. ვერ დაეხმარები ბიზნესს _ ვერც სოციალურ პრობლემას გადაჭრი. დაგეგმილი იყო პენსიების ზრდა და ეს დღის წესრიგში დგას. სოციალური პაკეტები, რომლებიც არ არსებობდა 2012 წლამდე, კვლავ დღის წესრიგშია. ასე რომ, ეს გეგმა არ არის კარგი ცხოვრებით გამოწვეული, ეს კრიზისიდან გამოწვეულია, ადამიანების სიცოცხლისა და ბიზნესის გადარჩენის გეგმაა. ბიზნესის გარეშე, არც სოციალური პროგრამა არსებობს და არც ქვეყნის განვითარების პერსპექტივა. 

_ ბატონო გია, მძიმე მემკვიდრეობაზე საუბრობთ, თუმცა გკითხავთ: რა გააკეთა ხელისუფლებაში ყოფნის დროს, თქვენმა პოლიტიკურმა ძალამ საქართველოს მოსახლეობის სოციალური პრობლემების მოსაგვარებლად? 

_ დაითვალეთ, ამ ხნის განმავლობაში რამდენი წარმოება, ფერმერული მეურნეობა, დასაქმებული გაჩნდა იმასთან შედარებით, ვიდრე იყო და რამდენით შემცირდა სიღარიბის ზღვარს მიღმა მყოფი ადამიანების რაოდენობა. ასევე, რა სოციალური პაკეტები დაიდო, რათა ადამიანი უფულობის გამო არ კვდებოდეს. გაიზარდა ხელფასები და პენსია; მთის კანონმა სიახლეები შემოიტანა სოციალურ პროექტებში. არ ვამბობ, რომ ეს საკმარისია, მაგრამ რამხელა უნივერსიტეტი აშენდა, თუნდაც ბიძინა ივანიშვილის პროექტები ავიღოთ, რამდენი და რამხელა მასშტაბებისაა და სახელმწიფომ რამდენი პროექტი განხორციელა. ქვეყანაში 570 საწარმო რომ სახელმწიფოს დაფინანსებით მუშაობს და დაახლოებით, 300 ფერმა, ეს მნიშვნელოვანია. მარტო ქვემო ქართლსა და საოკუპაციო ხაზის გასწვრივ, 2000 ჰექტარზე, ბაღებია გაშენებული მხოლოდ სახელმწიფოს დაფინანსებით. 

ამ თემას თუ სიღრმისეულად გავაანალიზებთ, დავინახავთ სხვაობას, რა გვაქვს დღეს იმასთან შედარებით, რაც იყო.

თათია გოჩაძე

]]>
versiaprinti@yahoo.com (super admin) პოლიტიკა Wed, 13 May 2020 11:49:45 +0400
„ეს ქართველი ხალხის დაცინვაა!“ http://www.versia.ge/2013-07-31-11-22-32/item/6761-„ეს-ქართველი-ხალხის-დაცინვაა-“.html http://www.versia.ge/2013-07-31-11-22-32/item/6761-„ეს-ქართველი-ხალხის-დაცინვაა-“.html

აპირებს თუ არა გუბაზ სანიკიძე საარჩევნოდ „ნაციონალებთან“ დაბლოკებას

 

საარჩევნო სისტემაზე ხელისუფლებისა და ოპოზიციის შეთანხმება ჩიხშია. ყოველ შემთხვევაში, ოპოზიცია აცხადებს, რომ ხელისუფლებამ შეთანხმების ერთ-ერთი მთავარი პირობა, რომელიც ე.წ. პოლიტპატიმრების გათავისუფლებას ეხებოდა, დაარღვია და ამიტომ, საკონსტიტუციო ცვლილებებს მხარს არ დაუჭერს. საარჩევნო სისტემის შესაძლო ჩავარდნაზე პასუხისმგებლობას კი „ოცნება“ მთლიანად ოპოზიციას აკისრებს და განმარტავს, რომ შეთანხმება პოლიტპატიმრების გათავისუფლებაზე არ ყოფილა. როგორ ჩატარდება არჩევნები და საერთოდ, როგორ განვითარდება მოვლენები, თუ საარჩევნო სისტემა არ შეიცვლება და ხომ არ გავა ოპოზიცია ქუჩაში? _ „ვერსია“ გუბაზ სანიკიძეს ესაუბრა.

_ ბატონო გუბაზ, ამას წინათ განაცხადეთ, საგანგებო მდგომარეობის შეზღუდვების გამო, ფინანსური პრობლემები შემექმნაო ანუ თვლით, რომ ხელისუფლება კორონაპანდემიას ცუდად მართავს? 

_ ხელისუფლების ქმედებები არალოგიკურია: ცოლ-ქმარს არ აქვს უფლება, მანქანაში გვერდი-გვერდ დასხდნენ და ხელისუფლების წარმომადგენლები კი ერთმანეთის გვერდით სხედან. რა, მათ არ ეკარებათ ეს ვირუსი? აღდგომამდე ერთი კვირით ადრე, 100 000 კაცი გაუშვეს რაიონებში, იქ ჩაკეტეს და შემდეგ, ორი დღის განმავლობაში, უკან ტოტალურად ჩამოდიოდნენ. არადა, რამდენადაც ვიცი, პანდემიის დროს, ადამიანების მასობრივი გადაადგილება არ შეიძლება. ასევე, ვერაფრით გავიგეთ, როდის იქნება პიკი, ვერ აგვიხსნეს ექიმებმა. რაღაც პროგნოზებს აკეთებენ და მერე გვეუბნებიან, გეხუმრეთო. საბავშვო ბაღში ხომ არ ვცხობრობთ, თუ შეუგნებელი ხალხი ვართ? არ გააჩნიათ პროგრამა, როგორ უნდა მოიხსნას აკრძალვები. ვფიქრობ, აკრძალვები გასაუქმებელია და რეგულაციებია შემოსაღები. 

_ სახელმწიფოს მიერ გამოყოფილ ფინანსურ დახმარებაზე რას იტყვით? 

_ არ ვეძახი ამას ფინანსურ დახმარებას. ეს ქართველი ხალხის მათხოვრობა და დაცინვაა! 

_ ისე, ბატონო გუბაზ, თუ ხელისუფლება ოპოზიციის მოთხოვნას არ დასთანხმდება და პოლიტპატიმრებს არ გაათავისუფლებს, ოპოზიცია რას იზამს და, საერთოდ, ასეთ დროს საარჩევნო სისტემა აღარ შეიცვლება? 

_ მთლიანად ოპოზიციის გამხმოვანებელი არ ვარ. 

_ რატომ? 

_ მარტივი მიზეზის გამო _ მთლიანად ოპოზიცია არ არის ერთ ჭკუაზე. ვიცი, რომ შეთანხმება, რომლის შუამავლები და გარანტორები დასავლეთის ქვეყნებისა და საერთაშორისო ორგანიზაციების წარმომადგენლები იყვნენ, ორი პუნქტისგან _ პოლიტპატიმრების გათავისუფლებისა და საარჩევნო სისტემის შეცვლისგან შედგებოდა, რაც ასევე, გულისხმობს მაჟორიტარ დეპუტატთა რაოდენობის შემცირებასა და პროპორციულის გაზრდას. პირველს არ აკეთებს ხელისუფლება, არ უშვებს პოლიტპატიმრებს და მეორეზეც დიდი ეჭვი მაქვს, რომ ყველას გადააგდებს! 

გამოსავალს გეტყვით _ სანამ ბიძინა ივანიშვილს არ დაასანქცირებენ, ამ საქმეს არაფერი ეშველება! 

_ ხელისუფლება აცხადებს, რომ ოპოზიციამ ეს ტყუილი საკუთარი დესტრუქციის გასამართლებლად მოიგონა. 

_ არ ვაკეთებ მაგათ განცხადებებზე კომენტარს, რადგან არც ლოგიკა აქვთ, არც სინდის-ნამუსი და არც _ ტვინი! 

_ გასაგებია, მაგრამ თუ არჩევნების წესი არ შეიცვალება, გამოდის, რომ ოპოზიციის ბრძოლა ანუ აქციები, რომლის მონაწილეც იყავით, წყალში ჩაიყრება? 

_ რა შედეგიც მოჰყვება იმ გაყალბებულ არჩევნებს, ექსკლუზიურ ინტერვიუს ამის შესახებ, მერე მოგცემთ. 

_ კარგი, შევთანხმდით... მიხეილ სააკაშვილის უკრაინის ხელისუფლების წევრად დანიშვნას როგორ აფასებთ? სხვათა შორის, რამდენიმე თვის წინ, მას კიევში შეხვდით. ელოდით, რომ უკრაინის პოლიტიკას აირჩევდა და არა _ ჩვენსას? 

_ 6 თვეა, ამას ვამბობ და ვერავის გავაგებინე, რომ სააკაშვილს ჰქონდა სერიოზული შეთავაზება უკრაინის ხელისუფლების მხრიდან. ჯერ კიდევ ნოემბერში, როცა შევხვდი, მაშინ მიდიოდა ინტენსიური მოლაპარაკებები სააკაშვილსა და ზელენსკის შორის. აბსოლუტურად დადებითად და სწორად ვაფასებ მის დანიშვნას უკრაინაში. მოდით, პერსონებს თავი დავანებოთ _ პოლიტიკა, 30 წელია, პერსონებს ვერ გასცდა და პროცესი დავინახოთ, როგორ მიდის მსოფლიოში. მოხდება ძალიან დიდი სიმძლავრეების გამოტანა ჩინეთიდან, რაც სადმე უნდა დაბინავდეს. საამისოდ აღმოსავლეთ ევროპა მაქსიმალურად ხელსაყრელია და ერთ-ერთი მთავარი, საკვანძო ქვეყანა უკრაინა იქნება, მაგრამ არის ერთი პირობა _ ეკონომიკური სიმძლავრეების გამოტანას ის სჭირდება, რომ ქვეყანას ოლიგარქები არ მართავდნენ. სხვათა შორის, ამ ტალღაში საქართველოც მოხვდება და დიდი პერსპექტივები გვაქვს, მაგრამ პირობა ასეთია: რადგან ოლიგარქია იპარავს, ამიტომ უკრაინაში რეფორმებია საჭირო! 

გარდა ამისა, მეორე სტრატეგიული მნიშვნელობა აქვს უკრაინაში რეფორმების დაწყებას, რაც რუსეთს ეხება _ დღეს, რუსეთში ძალიან მძიმე ვითარებაა. პუტინის რეიტინგი ძალიან დაცემულია იმიტომ, რომ პანდემიის პირობებში, კაცი დაიმალა, ივანე მრისხანედ აცხადებდა თავს და პრობლემა, ბოდიში ამ სიტყვისთვის, გუბერნატორებს შესტენა. ისინი კი ისე იქცევიან, როგორც მოსალოდნელი იყო _ ფაქტობრივად, დაიწყო სეპარატიზმი. ამიტომ, რუსეთში პუტინის მიმართ უკმაყოფილებაა და როცა რუსები ნახავენ, რომ უკრაინაში რეფორმები და განვითარება იწყება, იტყვიან, კარგი, ქართველები სხვა მოდგმა არიან და საქართველო სხვა ქვეყანაა, მაგრამ უკრაინა ჩვენნაირია, ერთი წარმომავლობა გვაქვს და იქ თუ გამოდის რეფორმები, ჩვენთან რატომ არ გამოდისო. ასე რომ, ორი გადამწყვეტი მნიშვნელობა აქვს სააკაშვილის დანიშვნას _ ეკონომიკური და პოლიტიკური. 

 

_ მახსოვს, თავის დროზე ამბობდით, სააკაშვილი ქართულ პოლიტიკაში მნიშვნელოვანი ფაქტორიაო და ამ დროს, სათავეში უკრაინულ რეფორმებს ჩაუდგა. 

_ და მერე, ამით რა შეიცვალა? პირიქით, მისი პოზიციები საქართველოშიც გაძლიერდა. 

_ როგორ? 

_ საქართველო სისხლხორცეულადაა უკრაინის პრობლემაზე მიბმული, საერთოდ, ჩვენ და უკრაინა ერთ ბედქვეშ ვართ. უკრაინაში როგორ განვითარდება მოვლენები, საქართველო ამაზე იქნება დამოკიდებული. თუ იქ რეფორმები წარმატებით წავა, აქ ხელისუფლება შეიცვლება. თუ ჩავარდება, მაშინ ჩვენც ჩავრჩებით იმ წუმპეში, სადაც ვართ! სააკაშვილის ფაქტორმა საქართველო და უკრაინა ერთმანეთს გადააბა. 

ისე, „ოცნება“ ვერ ჩამოყალიბდა, სააკაშვილზე რა უნდა თქვას. თან ამბობს, ყავის მომდუღებლად დაინიშნაო და ამავე დროს, ელჩის გამოწვევის საკითხს განიხილავს. ყავის მომდუღებლის გამო რატომ შეშფოთდნენ, რაშია საქმე? 

_ ბატონო გუბაზ, თუ ხელისუფლებამ პოლიტპატიმრები არ გაათავისუფლა და ივნისში კანონპროექტი ჩავარდა, ოპოზიცია ისევ აქციებს ხომ არ გამართავს? 

_ ამაზე მაშინ ვილაპარაკოთ, როცა ეს მოხდება, მაქვს გარკვეული მოსაზრებები ოპოზიციის მოქმედებასთან დაკავშირებით, მაგრამ ჯერჯერობით, თავს შევიკავებ. 

_ ის მაინც მითხარით, საარჩევნოდ ნაციონალურ მოძრაობასთან დაბლოკებას ხომ არ აპირებთ? 

_ ვნახოთ, როგორი გვექნება საარჩევნო კანონმდებლობა და ამაზე მერე ვისაუბროთ.

თათია გოჩაძე

 

]]>
versiaprinti@yahoo.com (super admin) პოლიტიკა Wed, 13 May 2020 11:49:38 +0400
როდის გაიქცევა კორონა ანუ ასლანის გაქცევიდან _ კორონაპანდემიამდე http://www.versia.ge/2013-07-31-11-22-32/item/6755-როდის-გაიქცევა-კორონა-ანუ-ასლანის-გაქცევიდან-_-კორონაპანდემიამდე.html http://www.versia.ge/2013-07-31-11-22-32/item/6755-როდის-გაიქცევა-კორონა-ანუ-ასლანის-გაქცევიდან-_-კორონაპანდემიამდე.html

რა მსგავსებაა და რითი განსხვავდება ერთმანეთისგან ახლანდელი და 16 წლის წინანდელი 6 მაისი _ დიდი პოლიტეპიდემიოლოგიური თამაშები

დღეს 6 მაისია, გიორგობა... 16 წლის წინ, ზუსტად ამ დღეს, საქართველოში სხვა ემოცია იყო ანუ სრულიად ერი თუ არა, საზოგადოების ის ნაწილი, რომელიც ნაციონალებს გულშემატკივრობდა, აჭარიდან ასლან აბაშიძის გაქცევას ზეიმობდა. ზეიმი კი მას შემდეგ დაიწყო, რაც მაშინდელმა პრეზიდენტმა, მიხეილ სააკაშვილმა ბათუმის ზღვის წყლით ხელ-პირი დაიბანა და ქვეყანას აუწყა: „ასლანი გაიქცა! აჭარა თავისუფალია!“ 

მას შემდეგ, როგორც იტყვიან, ათასმა წყალმა ჩაიარა _ ხელისუფლებაში აღარც ნაციონალები არიან და ხალხსაც იმდროინდელ მოვლენებზე მეტად, კორონაქრონიკები აინტერესებს, თუმცა გვინდა თუ არა, ე.წ. აჭარის რევოლუცია ჩვენი ისტორიის ნაწილია. სხვათა შორის, მერე, წლები რომ გავა, კორონაც ისტორიის ნაწილი გახდება და ამ თემაზეც ზუსტად ისევე ილაპარაკებენ, როგორც დღეს, მაგალითად, აჭარის აბაშიძისგან გათავისუფლებაზე უბნობენ.

ისე, კარგად თუ დავაკვირდებით, კორონაც ჩვეულებრივი პოლიტიკაა, ოღონდ იმ განსხვავებით, რომ ამ კორონათამაშებში მსოფლიოს პოლიტიკური ელიტები მონაწილეობენ და საქართველოსა თუ მის მსგავს ქვეყნებს კი, უბრალოდ, ეპიზოდური როლები აქვთ. აი, 16 წლის წინ კი, ჩვენს ქვეყანაში განვითარებული მოვლენები მსოფლიო ახალი ამბების ერთ-ერთი მთავარი „ნიუსი“ იყო. ყოველ შემთხვევაში, ევროპისა და აშშ-ს გარკვეულ წრეებში ერთმნიშვნელოვნად აცხადებდნენ, რომ პოსტსაბჭოურ საქართველოში, დემოკრატიის კუთხით კიდევ ერთი მნიშვნელოვანი ნაბიჯი გადაიდგა. დიახ, მაშინ გვიხაროდა, რომ მსოფლიოს დემოკრატიულ რუკაზე პატარა ადგილი მოვიპოვეთ, მაგრამ ახლანდელი გადასახედიდან, ზოგი თვლის, რომ აჭარის რევოლუცია დემოკრატიის ზეიმი კი არა, არამედ, სააკაშვილის მეტ-ნაკლებად ავტორიტარული მიდრეკილებების გამოვლენა იყო და მეტი არაფერი. 

სხვათა შორის, კორონაჟამიანობამ გამოაჩინა, რომ იმ ქვეყნებში, სადაც დემოკრატია მყიფეა, „უხილავ მტერთან“ ბრძოლა გაცილებით ადვილია, ვიდრე, ვთქვათ, მრავალწლიანი და მყარი დემოკრატიის ქვეყნებში. ახლა, ეს აზრი, შესაძლოა, საკამათოა, მაგრამ ფაქტია: კორონას გამო დაწესებულმა შეზღუდვებმა ისეთი დემოკრატიული ღირებულებები, როგორიც, მაგალითად, თავისუფლად გადაადგილება, ან სულაც, შინიდან ნებისმიერ დროს გამოსვლაა, შეზღუდა. ჰოდა, მაშინ ვინმეს რომ სცდოდნოდა, 16 წლის მერე, კორონა ხალხს სახლებში გამოკეტავდა და თავისუფლებას შეუზღუდავდა, შესაძლოა, არც ასლანის გაქცევას შეხვედროდა ყიჟინით, მაგრამ ეპიდემიის წინასწარმეტყველება, პოლიტიკური პროცესებისა არ იყოს, არავის შეუძლია. ყოველ შემთხვევაში, აჭარის რევოლუციისა არ იყოს, ერთგვარ ალგორითმს არც კორონა ემორჩილება. ამიტომ, იმაზე ფიქრით თავს ნუ ავიტკივებთ, ვინმეს კორონაპანდემიის აცილება შეეძლო თუ არა. ამასთან, არც იმაზე უნდა ვიმარჩიელოთ, თუ როგორი იქნება პოსტპანდემიური ცხოვრება, რადგან სპეციალისტების თქმით, კორონასთან კოჰაბიტაცია მოგვიწევს. 

2012 წლის საპარლამენტო არჩევნების შემდეგ, კოჰაბიტაციას ქართული საზოგადოება მიჩვეულია. ჰოდა, ზოგი ხუმრობს კიდეც, თუ ნაცებთან ვკოჰაბიტირებთ, თანაცხოვრება არც კორონასთან გაგვიჭირდებაო და თუ მართლაც ასეა, მაშინ კორონაჟამიანობა ცოტა ხნით დავივიწყოთ და გავიხსენოთ, რა ხდებოდა ზუსტად 16 წლის წინ, საქართველოში. 

ე.წ. აჭარის კრიზისის ქრონოლოგია კი თანამედროვე საისტორი წყაროებში ასეა შესული: 

2003 წლის 2 ნოემბერს, საქართველოში საპარლამენტო არჩევნები ტარდება და აჭარაში, ტრადიციულად, პირველ ადგილზე აბაშიძის აღორძინება გადის. ე.წ. ცენტრალური ოპოზიცია არჩევნების შედეგებს არ აღიარებს და მასობრივი აქციებით იმუქრება. შევარდნაძე ოპოზიციის ლიდერებს ხვდება, მაგრამ მოლაპარაკება უშედეგოდ მთავრდება და პრეზიდენტის ერთადერთ იმედად ასლან აბაშიძეღა რჩება. ამიტომ, 10 ნოემბერს, ამბროსის ძე აჭარაში მიემგზავრება _ აბაშიძე, შევარდნაძეს, მხარდამჭერთა მიტინგით ხვდება. 20 ნოემბერს კი თბილისში, პარლამენტის წინ, აღორძინება პრეზიდენტ შევარდნაძის მხარდამჭერ აქციას იწყებს, რომლის ერთ-ერთი იდეოლოგი, აბაშიძესთან ყველაზე დაახლოებული ჯემალ გოგიტიძეა. აღორძინების აქციები თბილისში 23 ნოემბრამდე ანუ „ვარდების რევოლუციამდე“ გრძელდება. 

24 ნოემბერს, ასლან აბაშიძე აჭარის ავტონომიური რესპუბლიკის ტერიტორიაზე 30-დღიან საგანგებო მდგომარეობას აცხადებს, რაც საზღვრებზე, მათ შორის, ადმინისტრაციულ საზღვარზეც, ესე იგი, ჩილოქზე კონტროლის გაძლიერებას გულისხმობს. პარალელურად, „ბაბუ“, რომელსაც პოლიტიკურ წრეებში „მოკლე ფაშასაც“ ეძახიან, „ვარდების რევოლუციას“ გმობს და ირწმუნება, რომ ამით კონსტიტუციური წყობა დაირღვა. 

2003 წლის 3 დეკემბერი _ აბაშიძე მოსკოვში მიფრინავს და იქიდან აცხადებს, რომ 2004 წლის 4 იანვრისთვის დაგეგმილ საპრეზიდენტო არჩევნებს ბოიკოტს უცხადებს. 8 დეკემბერს, რუსეთი აჭარასთან გამარტივებულ სავიზო რეჟიმს აწესებს, რაც საქართველოს ცენტრალური ხელისუფლების უკმაყოფილებას იწვევს. 10 დეკემბერს, აჭარაში, პრეზიდენტის მოვალეობის შემსრულებელი ნინო ბურჯანაძე ჩადის და ცდილობს, აბაშიძეს არჩევნების ბოიკოტზე უარი ათქმევინოს. პარალელურად, პრეზიდენტობის კანდიდატი მიხეილ სააკაშვილი, ასლან აბაშიძის მიმართ მწვავე განცხადებას აკეთებს: „მზად ვარ, წავიდე კომპრომისზე, მაგრამ არა სახელმწიფოს ხარჯზე. თუ ასლან აბაშიძეს წასვლა უნდა, შეუძლია წავიდეს, მაგრამ აჭარას თან ვერ წაიღებს. ვინც ბლოკადის თემას წამოსწევს, ყველამ უნდა იცოდეს, რომ მისთვის ოთხი კედელი გამზადებული იქნება!“ 

2003 წლის 20 დეკემბერი _ ბათუმს სახელმწიფო მინისტრი ზურაბ ჟვანია სტუმრობს; 26 დეკემბერი _ აბაშიძის რეჟიმის წინააღმდეგ განწყობილი მოქალაქეები სახალხო მოძრაობას _ „ჩვენი აჭარა“ აფუძნებენ. მოძრაობის ერთ-ერთი სულისჩამდგმელი კობა ხაბაზია. ამასთან, ვრცელდება ინფორმაცია, რომ „ჩვენ აჭარას“ ფინანსურად, ფოთის პორტის უფროსი, ჯემალ ინაიშვილი უზრუნველყოფს... 

2004 წლის 6 იანვარი _ განსხვავებული აზრის გამოხატვის ბრალდებით, აჭარაში ახალგაზრდული მოძრაობა „კმარას“ ორ წევრსა და მათი ოჯახის წევრებს აკავებენ და სამთვიან წინასწარ პატიმრობას უფარდებენ, თუმცა 18 იანვარს ათავისუფლებენ; 7 იანვარი _ აბაშიძე ავტონომიურ რესპუბლიკაში საგანგებო მდგომარეობას ხელახლა აცხადებს. 11 იანვარს, გონიოში, ათასკაციანი მიტინგი იმართება, რომლის მონაწილენიც საგანგებო მდგომარეობის გაუქმებას ითხოვენ. აქციას უცნობი პირები არბევენ. 

18 იანვარი _ ბათუმის ცენტრში, აჭარის შსს-ს საგანგებო სიტუაციების დეპარტამენტის უფროსს, თემურ ინაიშვილს კლავენ. აჭარაში მოქმედი ოპოზიციური ლიდერები ირწმუნებიან, რომ ინაიშვილი მხარს ოპოზიციას უჭერდა და სწორედ ამის გამო მოკლეს. 

20 იანვარი _ გონიოში, პოლიციასა და მოქალაქეებს შორის, რომლებიც აბაშიძის გადადგომას ითხოვენ, შეტაკება ხდება. 

25 იანვარი ანუ პრეზიდენტის ინაუგურაციის დღე _ სააკაშვილი აჭარაში ჩადის და სამხედრო აღლუმს იბარებს. 27 იანვარი _ მოძრაობა „ჩვენი აჭარა“ პირველ ყრილობას მართავს და აჭარაში ხელისუფლების მშვიდობიანი გზით შეცვლაზე საუბრობს. 

27 იანვარი _ ასლან აბაშიძე აცხადებს, რომ აჭარაში სისხლიანი დაპირისპირებაა მოსალოდნელი. ამასთან, აქცენტს აფხაზეთისა და ე.წ. სამხრეთ ოსეთის სცენარზე აკეთებს... 

20 თებერვალი _ ბათუმში, „ჩვენი აჭარას“ ოფისს არბევენ, რასაც წინ, აბაშიძის მომხრეებსა და მოწინააღმდეგეებს შორის შეტაკება უძღვის. სწორედ ამ დღეს, აჭარაში, ევროსაბჭოს გენერალური მდივანი, ვალტერ შვიმერი იმყოფება. 

22 თებერვალს, ქრისტიან-დემოკრატიული პარტიის ბათუმის ორგანიზაციის ერთ-ერთი ლიდერსა და ოპოზიციური მოძრაობა „ჩვენი აჭარის’‘ წევრს იტაცებენ და სასტიკად სცემენ. წინა დღეს ანუ 21 თებერვალს კი ჩოლოქთან, ასევე, სასტიკად სცემენ მოძრაობა „კმარას“ იმ ორ აქტივისტს, რომლებსაც ბათუმში, აბაშიძის საწინააღმდეგო პლაკატები მიაქვთ. 

27 თებერვალი _ აბაშიძე, ბათუმის სომხური დიასპორის წარმომადგენლებთან შეხვედრაზე აცხადებს, რომ ცენტრალური ხელისუფლება ავტონომიურ რესპუბლიკაში შეიარაღებულ შეჭრას გეგმავს. 

2 მარტს, საქართველოს პრეზიდენტი მიხეილ სააკაშვილი აცხადებს, რომ აჭარაში რეპრესიების ყველა გამტარებელი უნდა დაისაჯოს. ამასთან, სააკაშვილი აბაშიძეს ათდღიან ვადას აძლევს და მოუწოდებს, რომ კონკრეტულ დამნაშავეებზე სისხლის სამართლის საქმეები აღძრას. 

5 მარტი _ სამაუწყებლო კომპანია „რუსთავი 2“-ის ჟურნალისტს, ვახტანგ კომახიძეს, რომელიც ბათუმიდან თბილისში ბრუნდება, ხელვაჩაურის რაიონში სცემენ. თვითმხილველები ამბობენ, რომ კომახიძეს თავს სპეცრაზმელები დაესხნენ. 

7 მარტი _ ასლან აბაშიძე სააკაშვილს არ ემორჩილება და აჭარის ავტონომიურ რესპუბლიკაში, უშიშროების სამინისტროს გაუქმებაზე უარს ამბობს. 12 მარტი _ რუსეთის საგარეო საქმეთა სამინისტრო, საქართველოს ცენტრალურ ხელისუფლებას, აჭარის ავტონომიური რესპუბლიკის ხელმძღვანელობის ჩამოგდების მცდელობაში ადანაშაულებს. 

13 მარტს, აჭარის სამართალდამცავები საქართველოს ფინანსთა მინისტრ ზურაბ ნოღაიდელს აკავებენ, რომელიც ხელვაჩაურის რაიონში, აჭარის მოსახლეობასთან შესახვედრად, წინასაარჩევნო კამპანიის ფარგლებში ჩავიდა, თუმცა მალევე ათავისუფლებენ და ავტონომიური რესპუბლიკის ტერიტორიას ატოვებინებენ. აჭარის ოფიციალურ წარმომადგენელთა თქმით, ნოღაიდელი აჭარაში დესტაბილიზაციის გამოწვევის მიზნით იმყოფებოდა. 

14 მარტს, აჭარაში პრეზიდენტ სააკაშვილს არ უშვებენ _ მის კორტეჟს, ჩოლოქის ადმინისტრციულ საზღვარზე, შეიარაღებული პირები აჩერებენ. იმავე დღეს, ბათუმის უნივერსიტეტის შენობაში მოშიმშილე ლექტორებისა და სტუდენტების ნაწილს დაუდგენელი პირები არბევენ. თბილისში დაბრუნებული სააკაშვილი ტელევიზიით გამოდის და აჭარის ხელმძღვანელობას „სამხედრო გადატრიალების მცდელობაში“ ადანაშაულებს... ცენტრალური ხელისუფლება აჭარას ეკონომიკურ სანქციებს უწესებს. 

„14 მარტის სატელეფონო საუბრისას ვუთხარი ასლან აბაშიძეს, რომ აქვს დრო, იფიქროს ჩემს პირობებზე. ვთხოვე მას, შემიშვას მე და მთავრობის სხვა წევრები აჭარაში, ამომრჩევლებთან შესახვედრად; მისცეს საშუალება ადამიანებს თავისუფლად გამოხატონ თავიანთი პოზიცია; მისცეს საშუალება ოპოზიციას, აჭარაში წინასაარჩევნო კამპანია თავისუფლად აწარმოოს და თავისუფალი და სამართლიანი არჩევნები ჩაატაროს“, _ აცხადებს სააკაშვილი. 

24 მარტი _ საქართველოს პრეზიდენტი ამბობს, რომ აჭარის ავტონომიური რესპუბლიკის ტერიტორიაზე, შესაძლოა, შეყვანილ იქნას შეიარაღებული დაჯგუფებები. სააკაშვილის ამ გამოსვლას აბაშიძე უპასუხოდ არ ტოვებს და ირწუნება, რომ ოფიციალური თბილისი აჭარაში შეჭრას გეგმავს. აბაშიძე მოსახლეობას მოუწოდებს, რომ ამ გეგმას წინ აღუდგეს. 27 მარტი _ აჭარის ავტონომიური რესპუბლიკის ლიდერი უარყოფს ინფორმაციას, რომ აჭარის მოსახლეობაში იარაღი, ბოლო დროს, ცენტრსა და რეგიონს შორის დაძაბული ვითარების გამო დარიგდა. მისივე თქმით, იარაღი მოსახლეობას ქვეყანაში დაწყებული სამოქალაქო ომის დროს დაურიგდა, რადგანაც აჭარას არ ჰყავდა საკუთარი შეიარაღებული ფორმირებები. 

28 მარტს, როგორც მთელ საქართველოში, აჭარაშიც ვადამდელი საპარლამენტო არჩევნები ტარდება. ამ დღეს, ბათუმში პრემიერი ჟვანია ჩადის. რამდენიმე დღეში ნათელი ხდება, რომ აღორძინებამ საარჩევნო ბარიერი ვერ გადალახა და, შესაბამისად, პარლამენტში ვერ შევიდა. აბაშიძე ამბობს, რომ ცენტრალურმა ხელისუფლებამ 28 მარტის საპარლამენტო არჩევნები გააყალბა. 2 აპრილი _ თბილისი ბათუმს საქართველოს პრეზიდენტზე თავდასხმის მცდელობაში ადანაშაულებს. იმავე დღეს, თავდაცვის მინისტრი გელა ბეჟუაშვილი, დაუმორჩილებლობის მოტივით, თანამდებობიდან ათავისუფლებს ბათუმში დისლოცირებული 25-ე მოტომსროლელი ბრიგადის მეთაურ რომან დუმბაძეს. 

9 აპრილს, ევროსასამართლოს გადაწყვეტილებით, თერთმეტწლიანი პატიმრობის შემდეგ, საპყრობილეს ტოვებს თენგიზ ასანიძე, რომელიც თავს აბაშიძის პოლიტპატიმრად მიიჩნევს. ამასთან, პრეზიდენტი სააკაშვილი იმუქრება, რომ თუკი ასლან აბაშიძე აჭარაში მოქმედ უკანონო შეიარაღებულ დაჯგუფებებს არ განაიარაღებს, აჭარის უმაღლეს საბჭოს დაშლის და რიგგარეშე არჩევნებს დანიშნავს, მაგრამ აბაშიძე განიარაღებაზე უარს ამბობს. 

14 აპრილს, ჩოლოქზე არ ატარებენ ცესკო-ს თავმჯდომარე ზურაბ ჭიაბერაშვილს. 

16 აპრილს კი სააკაშვილი აცხადებს, რომ პრობლემა ცენტრსა და რეგიონს შორის კი არა, არამედ, კრიმინალების ერთ ჯგუფთანაა, რომელიც სახელმწიფოში მოქმედ კანონებს არ ემორჩილება. 

ამის შემდეგ, არენაზე გენერალი რომან დუმბაძე გამოდის ანუ 2004 წლის 19 აპრილს, 25-ე მოტომსროლელი ბრიგადის აწ უკვე ყოფილი ხელმძღვანელი აცხადებს: „მე ვემსახურები აჭარის ლიდერ ასლან აბაშიძეს და ჩემი დანიშვნა-გადაყენებაც მას ევალება. 25-ე ბრიგადაც არის ასლან აბაშიძის დაქვემდებარებაში. მთავარსარდლად ასლან აბაშიძეს ვაღიარებ!“ 20 აპრილს, გენერალურმა პროკურატურამ დუმბაძეზე, სამშობლოს ღალატის მუხლით, სისხლის სამართლის საქმე აღძრა. 

23 აპრილი _ ასლან აბაშიძე ცენტრსა და რეგიონს შორის არსებული ვითარების მოგვარებას რუსეთისა და აშშ-ს პრეზიდენტებს სთხოვს. იმავე დღეს, საქართველოს პარლამენტი საგანგებო დადგენილებას იღებს, რომელშიც აბაშიძის ქმედებები ქვეყნის ტერიტორიული მთლიანობის ხელყოფად ფასდება. ამასთან, დეპუტატები პრეზიდენტისგან, მთავრობისა და სამართალდამცავი სტრუქტურებისგან ითხოვენ, რომ აჭარაში უკანონო შეიარაღებული დაჯგუფებები განაიარაღონ. 24 აპრილს, აჭარაში საგანგებო მდგომარეობა და კომენდანტის საათი ცხადდება. 

„სისულელეა ასლან აბაშიძის მიერ გავრცელებული ხმები, თითქოს რეგიონში სამხედრო ტექნიკით შეჭრას ვგეგმავთ. ასლან აბაშიძეს თავად აჭარლები მიხედავენ და ამ პრობლემას თავად ისინი გადაწყვეტენ,“ _ აცხადებს 26 აპრილს სააკაშვილი. მეორე დღეს კი ჩოლოქის გადაკვეთის უფლებას არ აძლევენ საქართველოს სოფლის მეურნეობის მინისტრ დავით შერვაშიძეს. 28 აპრილს, აბაშიძის განკარგულებით, ავტონომიურ რესპუბლიკაში არმიის რეზერვისტების მობილიზება იწყება. 

2003 წლის 2 მაისი _ აჭარის ავტონომიური რესპუბლიკის ადმინისტრაციულ საზღვარზე მდებარე ორ _ ჩოლოქისა და ქაქუთის ხიდს აფეთქებენ. 4 მაისი _ ბათუმში გამართულ მშვიდობიან საპროტესტო აქციას არბევენ. მეორე დღეს, ბათუმის უნივერსიტეტთან, ასლან აბაშიძის გადადგომის მოთხოვნით, 15 ათასამდე ადამიანი იკრიბება... ეს იქნება ერთ-ერთი ყველაზე მასშტაბური აქცია, რომელიც აჭარაში ოდესმე ჩატარებულა. 

რუსული ნარატივი 

იმ ღამეს ბათუმში მოვლენები დრამატულად განვითარდება: ქუჩებში, რიგით ადამიანებთან ერთად, აბაშიძის შეიარაღებული მხარდამჭერებიც გამოვლენ... ცოტაც და, ალბათ, სისხლი დაიღვრება, მაგრამ... მოულოდნელად, ავტონომიის დედაქალაქში, რუსეთის იმდროინდელი საგარეო საქმეთა მინისტრის, იგორ ივანოვის თვითმფრინავი ეშვება, რომელსაც ასლან აბაშიძე მოსკოვში მიჰყავს. აბაშიძის გაქცევიდან მეორე-მესამე დღეს, ერთ-ერთი ქართული გაზეთი სტატიას _ „როგორ გაიქცა ასლან აბაშიძე“ გამოაქვყენებს, რომელშიც ვკითხულობთ: „ბათუმში ყველა იმაზე საუბრობს, თუ როგორ გაიქცა ასლან აბაშიძე, ვინ გაჰყვა მას და ვინ _ არა. ერთი ვერსიით, იგორ ივანოვის თვითმფრინავს ასლანი და მისი ვაჟი გაჰყვნენ, მეორე თვითმფრინავს კი _ უშიშროების მინისტრი, სოსო გოგიტიძე და ასლანის გარემოცვის კიდევ 50-მდე წევრი, თუმცა მათი ვინაობა არ დასახელებულა. მათ ვინაობას ვერც პრეზიდენტის მიერ დანიშნული საკოორდინაციო საბჭოს წევრები აზუსტებენ. ყოფილი ოპოზიციონერის, გურამ სალაძის ინფორმაციით, 6 მაისს, ღამით, მოსკოვში გაფრინდნენ ასლან აბაშიძე, მისი ვაჟი გიორგი, აბაშიძის ცოლის ძმა და აჭარის უშიშროების მინისტრი, სოსო გოგიტიძე _ მეუღლითა და ქალ-ვაჟით. ამ თვითმფრინავში იყო დავით ხალვაში, აბაშიძის დაცვის უფროსი, მეტსახელად „ქელფეთა“, ისიც მეუღლითა და ორი ქალიშვილით. ასევე, „ქელფეთას“ დაცვის წევრები _ ტყუპი ძმები მჟავანაძეები და გიორგი აბაშიძის რამდენიმე მეგობარი... როდესაც ასლან აბაშიძის თვითმფრინავი ასაფრენად გამზადებულა და ჩასხდომა დაწყებულა, აღმოჩენილა, რომ ასლანთან ერთად გაქცევის მსურველი ბევრი ყოფილა, თვითმფრინავში კი საკმარისი ადგილი არ იყო. ზუსტად ვერავინ ამბობს, რა ეწყო თვითმფრინავის სალონში, მაგრამ ფაქტია, გაქცევის ბევრი მსურველი იძულებით დარჩენილა ბათუმში. მათ შორის ყოფილან ასლანის დაცვის წევრები _ სულიკო ვასაძე და იური მჟავანაძე, ასევე, გიორგი აბაშიძის დაცვის წევრები _ თამაზ ლომიძე და მურთაზ კიკნაძე. ეს ის ხალხია, რომლებიც ასლან აბაშიძეს ბოლომდე გვერდში ედგნენ...“ 

ასე და ამგვარად: მიხეილის თქმისა არ იყოს, ასლანი „გაიქცა“ და... აჭარა არათუ გათავისუფლდა, არამედ, მომიტინგეებმა „ბაბუს“ ქონებაზე მოილხინეს ანუ გავეშებული ადამიანები აბაშიძის კაბინეტში შეიჭრნენ, იქაურობა მიანგრ-მოანგრიეს, განსაკუთრებული სისატიკე კი იმ სკამის მიმართ გამოჩინეს, რომელზეც მემედ აბაშიძის შვილიშვილი 13 წელი იჯდა _ ნაკუწებად აქციეს. დამტვრეული სავარძლის დეტალები ზოგმა, ნიშნად იმისა, რომ აჭარელი დიქტატორის დამხობაში მონაწილეობდა, შინ რელიქვიად წაიღო. უფრო ფასეული ქონება კი „ვარდოსნებმა“ გაიყვეს. ყოველ შემთხვევაში, მაშინვე ითქვა, რომ მაგალითად, „ჰამერები“ თბილისში წამოიღეს და ამ ავტოებით გიგი უგულავას, ვანო მერაბიშვილისა და სააკაშვილის მაშინდელი სხვა ძმადნაფიცების ოჯახის წევრები დანავარდობდნენ. 

2004 წლის 6 მაისის შემდეგ, ქართული მედია დაწერს: „გავრცელებული ინფორმაციით, აბაშიძის კუთვნილ საზღვაო ბანკში ერთი თეთრიც არ აღმოჩნდა. დაუზუსტებელია იმ თანხის რაოდენობა, რომელიც ასლან აბაშიძემ მოსკოვში წაიღო. გადამოწმებული ინფორმაციით, საზღვაო ბანკი ბოლო ერთი კვირის განმავლობაში არ მუშაობდა და ბოლო დღეებში, ბანკიდან არაფერი გაუტანიათ (ცოცხალ თანხას ვგულისხმობთ). თუ რამე გასატანი იყო, მას ერთი კვირის წინ ჰქონია გატანილი. უკვე ეჭვს აღარ იწვევს ის ფაქტი, რომ ორი კეისი, რომელიც აბაშიძემ მოსკოვში გაიყოლა, სავსე ყოფილა სხვადასხვა სახის ძვირფასეულობით, მაგრამ ყველაფრის წაღება აბაშიძემ და მისმა გარემოცვამ ვერ მოახერხა... სოსო გოგიტიძის ბინაში აღმოჩენილია აჭარის სხვადასხვა ეკლესიიდან წაღებული უძვირფასესი ხატები, რომლებიც იმავე ეკლესიებს გადაეცემათ, საიდანაც დაიტაცეს’‘. 

სხვათა შორის, აბაშიძის გაქცევისთანავე, ზოგიერთმა „ვარდოსანმა“, მაგალითად, კობა დავითაშვილმა სიტყვა აჭარის ავტონომიის გაუქმებაზე ჩამოაგდო, თუმცა მისი ინიციატივა, რომ ამ თემაზე პლებისციტი ჩატარებულიყო, ახალადარჩეულმა პარლამენტმა ჩააგდო. მახსოვს, მაშინ ერთმა კონფიდენტმა მითხრა, დავითაშვილის ეს ინიციატივა დიდი პოლიტიკა კი არა, უფრო სამთავრობო ინტრიგაა, რომლის მიზანიც პრემიერ ჟვანიას ,,ჩაძირვააო’‘. 

საინტერესო დეტალი: ასლან აბაშიძემ საქართველო ისე დატოვა, რომ გადადგომაზე არც წერილობით განცხადება გაუკეთებია და არც _ სიტყვიერი. მოსკოვში გაფრენამდე კი უზენაესი საბჭოს წინ მიმდინარე მიტინგზე გამოვიდა, მომხრეებს მადლობა გადაუხადა და, მოსალოდნელი დარბევის თავიდან აცილების მიზნით, შინ წასვლა ურჩია. მაშინდელ სახელისუფლო კულუარებში, აბაშიძის მოსკოვში წასვლას ასე ახსნიან: „ალბათ, ფიქრობს, რომ კრემლის დახმარებით, უკან ტრიუმფით დაბრუნდება, დაკარგულ თანამდებობა-პრივილეგიებს აღიდგენს და იტყვის, რომ მოსკოვში საქმიანი ვიზიტით წავიდა“, მაგრამ პოლიტიკური ღმერთები და დემონები „ბაბუს“ აღარ სწყალობენ ანუ მოვლენები ამ სცენარით არ ვითარდება, თან ცენტრალური ხელისუფლება თავს იზღვევს და ავტონომიის მეთაურის პოსტს აუქმებს. მაშასადამე, აბაშიძეს რევანშით დაბრუნების სამართლებრივ საფუძველს უკლავს... 

რატომ იზრუნა იგორ ივანოვმა აბაშიძის საქართველოდან წაყვანაზე? _ ამ კითხვაზე პასუხი თითქოს ნათელია. კერძოდ, ჯერ კიდევ მაშინ, როცა დიდების ოლიმპოზე იდგა, აბაშიძეს კრემლმა გენერალ-მაიორის ჩინი უბოძა. სწორედ იმხანად ითქვა, რომ ასლანი ზვიად გამსახურდიას კრემლმა „შეუგდო“, თუმცა ადამიანმა, რომელსაც გამსახურდიას მთავრობაში ერთ-ერთი გავლენიანი პოსტი ეჭირა, თავის დროზე, მახსოვს, მითხრა: ,,თემურ ქორიძემ, რომელსაც გამსახურდიას პარლამენტში დიდი გავლენა ჰქონდა, აბაშიძე საყოფაცხოვრებო სამინისტროში გაიცნო _ იმახანად, აბაშიძე საყოფაცხოვრებო მინისტრის მოადგილედ მუშაობდა... ამის შემდეგ, ასლანი ზვიადთან მიიყვანა და უთხრა, რომ მემედ აბაშიძის შვილიშვილი იყო. კონსტანტინე გამსახურდია და მემედი, თურმე, მეგობრობდნენ... ამასობაში, მრგვალმა მაგიდამ არჩევნებში გაიმარჯვა და ხელისუფლებაში მოვიდა. არავინ ელოდა, რომ აჭარის უზენაესი საბჭოს თავმჯდომარედ გამსახურდია აბაშიძის კანდიდატურას წარადგენდა. ამ თანამდებობის დაკავების ყველაზე მორალური უფლება ნოდარ იმნაძეს ჰქონდა. იგი ეროვნული მოძრაობის ლიდერი იყო, აბაშიძე კი _ კომუნისტური ხელისუფლების წარმომადგენელი. წესით, აჭარის უზენაესი საბჭოს თავმჯდომარე, უზენაესი საბჭოს წევრი უნდა გამხდარიყო. აბაშიძე უზენაესის წევრი არ იყო, მაგრამ მისი კანდიდატურა კენჭისყრაზე მაინც დავაყენეთ. ეს, რა თქმა უნდა, კანონის დარღვევა იყო. უზენაესი საბჭოს სხდომას, რომელსაც იუსტიციის მინისტრი ჯონი ხეცურიანი ატარებდა, გამსახურდიაც ესწრებოდა. დეპუტატები აბაშიძეს უნდობლობას უცხადებდნენ. ვიცოდით, რომ ფარულ კენჭისყრაში აბაშიძე ვერ გაიმარჯვებდა. ამიტომ ვცდილობდით, რომ ღია კენჭისყრა ჩატარებულიყო. თავიდან დეპუტატებმა ღია კენჭისყრის საკითხიც ჩააგდეს, შესვენება გამოცხადდა და დიდი აყალ-მაყალი ატყდა. აბაშიძის წინააღმდეგ ყველაზე მეტად დავით ბერძენიშვილი და თამაზ დიასამიძე აქტიურობდნენ... ერთ-ერთ დეპუტატს, თუ არ ვცდები, სპორტის კომიტეტის თავმჯდომარეს, ვთხოვე, რომ ხმა აბაშიძისთვის მიეცა... ასე გახდა ასლანი აჭარის უზენაესი საბჭოს თავმჯდომარე, რომელიც თავიდან, ზვიად გამსახურდიას მითითებებს ზედმიწევნით ასრულებდა. მერე კი სარფის საბაჟოს გაკონტროლება დაიწყო და... აჭარაში ,,ვლასტი’‘ ნელ-ნელა აიღო. მეტიც, ზვიად გამსახურდიამ ქვეყნის შეიარაღებული ძალების აღჭურვა დაავალა... ამ იარაღის ნაწილი აჭარის მოსახლეობის ხელში მოხვდა, ნაწილი _ „მხედრიონის“. 

ჯაბა იოსელიანი თავის წიგნში _ ,,მესამე განზომილება’‘, წერს: ,,ღამის გასათევად ბათუმში გადავდივარ. ბარემ ასლანს მოვინახულებ, მადლობასაც გადავუხდი. ამას წინათ, დიდად დამასაჩუქრა: 400 ახალთახალი რუმინული ავტომატი და 20 ყუმბარმტყორცნი თავისი ყუმბარებით _ დღეს, ეს, პირდაპირ ფანტასტიკაა. მხედრიონის მთავარი ბირთვი შეიარაღებული მყავს...’‘ 

რატომ უღალატა აბაშიძემ ზვიად გამსახურდიას? _ ამ საიდუმლოს ამოხსნა, ალბათ, მხოლოდ აბაშიძეს შეუძლია. ასევე, უცნობია, თბილისიდან გაქცეულმა პრეზიდენტმა თავი სომხეთს რატომ შეაფარა და არა, ვთქვათ, _ ბათუმს. საერთოდ, გამსახურდია-აბაშიძის ურთიერთობაში ბევრი რამაა გაურკვეველი. სხვა თუ არაფერი, საინტერესოა, აბაშიძემ ,,ზვიადისტთა’‘ ნაწილი, მაინცდამაინც გამსახურდიას მკვლელობის შემდეგ რატომ ,,შეიფარა’‘... 

ცნობისთვის: ასლან აბაშიძემ კარიერა ბათუმის მუსიკალური სასწავლებლიდან დაიწყო, სადაც ინგლისურს ასწავლიდა. 46 წლის ასაკში კი, სახალხო მეურნეობის დაგეგმარების ფაკულტეტი წარმატებით დაამთავრა, მაგრამ მას, როგორც დაკვირვება ცხადჰყოფს, ,,სახალხო მეურნეობის’‘ კი არა, ,,კლანური რეჟიმის’‘ დაგეგმარება უფრო ეხერხებოდა, თუმცა ისიც აღსანიშნავია, რომ თავისი 13-წლიანი კარიერის განმავლობაში, 131 ხიდი ააგო და მხოლოდ ორი დაანგრია, უფრო სწორად, ააფეთქა! 

საინტერესო დეტალი: აჭარის რევოლუციის დღეებში ხმა გავარდება, რომ „ვარდოსნები“ ასლანთან, თითქოს ფარულ მოლაპარაკებას მართავენ და სთავაზობენ, გადადგეს, ხოლო მემკვიდრედ ვაჟი, გიორგი აბაშიძე დატოვოს, თუმცა წლების მერე კობა ხაბაზი, რომელიც აჭარის რევოლუციის ერთ-ერთი ლოკომოტივი იყო, ამ ვერსიას კატეგორიულად უარყოფს და იტყვის: „აბსურდია! ხელისუფლებას ასეთი ოფიციალური პოზიცია არ ჰქონია. თუ ვინმე საკუთარი ინიციატივით ცდილობდა გიორგის გამოყენებას, არ ვიცი...“ 

* * * 

ისე, ყურადღება თუ მიაქციეთ, 16 წლის წინ, ასლან აბაშიძემ აჭარაში საგანგებო მდგომარეობა გამოაცხადა და რეგიონში შესვლა აკრძალა. აჭარა, უფრო ზუსტად, ბათუმი 16 წლის შემდეგაც ჩაიკეტა, თუმცა ამჯერად, ზღვისპირა ქალაქის ჩაკეტვის საბაბი პოლიტიკური კი არა, კორონაბატალიები გახდა. უფრო მეტიც, პანდემიის დროს, საქართველოში ერთ-ერთ ყველაზე დიდ კლასტერად ე.წ. ქობულეთის კლასტერი ითვლებოდა და ამ კლასტერის წარმომადგენელი, კორონათი დიანფიცირებული შუახნის ქალბატონი, სამწუხაროდ, გარდაიცვალა კიდეც, თუმცა ბოლო მონაცემებით, რამდენიმე დღეა, აჭარაში კორონაინფიცირების ახალი შემთხვევები არ გამოვლენილა. ამასთან, ბათუმიც გაიხსნა და ამ ქალაქში, გუშინდლიდან, ნებისმიერ მსურველს შესვლა-გასვლა უკვე თავისუფლად შეეძლება. 

ერთი სიტყვით, ასლანისა არ იყოს, გავა დრო და, კორონაც აღარავის ემახსოვრება, ან, უფრო სწორად, იშვიათად გაიხსენებენ ხოლმე, თუმცა უკეთესი იყო, მეთქვა, პანდემიის დასრულების შემდეგ, პოლიტიკური წელთაღრიცხვა 2020 წლის მაისიდან დაიწყება. აი, იმის თქმა, თუ როგორი იქნება ახალი პოლიტიკური წელთაღრიცხვა, ცხადია, დეტალურად არავის შეუძლია. 

P.S. მოკლედ, იმედი ვიქონიოთ, რომ კორონა მალე გაიქცევა და... საქართველო თავისუფალი იქნება!

ნინო დოლიძე

 

]]>
versiaprinti@yahoo.com (super admin) პოლიტიკა Wed, 06 May 2020 09:38:47 +0400
რაზე მართავს ნაცმოძრაობა ევროპულ საქართველოსთან მოლაპარაკებებს _ ოპოზიციის კულუარები http://www.versia.ge/2013-07-31-11-22-32/item/6751-რაზე-მართავს-ნაცმოძრაობა-ევროპულ-საქართველოსთან-მოლაპარაკებებს-_-ოპოზიციის-კულუარები.html http://www.versia.ge/2013-07-31-11-22-32/item/6751-რაზე-მართავს-ნაცმოძრაობა-ევროპულ-საქართველოსთან-მოლაპარაკებებს-_-ოპოზიციის-კულუარები.html

დავით კირკიტაძე: „სააკაშვილი აუცილებლად მოახერხებს ნაციონალური მოძრაობის დახმარებას!“

კორონაპანდემიამ მსოფლიო პოლიტიკური დღის წესრიგი მთლიანად შეცვალა და შესაბამისად, ქართულმა პოლიტიკამაც სცენიდან კულუარებში გადაინაცვლა. არადა, რამდენიმე თვეში საპარლამენტო არჩევნებია და პოლიტიკური პროცესები აქტიურად უნდა მიმდინარეობდეს. გასაგებია, რომ 22 მაისამდე, ქვეყანაში საგანგებო მდგომარეობაა და ეპიდემილოგები ყველას სახლში დარჩენისკენ მოგვიწოდებენ, მაგრამ საინტერესოა, კორონაქაოსის შემდეგ რას აპირებს და რა გეგმები აქვს ოპოზიციას? _ სწორედ ამით დავიწყე ინტერვიუ ნაციონალური მოძრაობის პოლიტსაბჭოს წევრ დავით კირკიტაძესთან, რომელიც ამბობს, რომ მიმდინარე წლის არჩევნებში, პარტიები ნაციონალური მოძრაობის „ქოლგის“ ქვეშ გაერთიანდებიან და დიდი საარჩევნო ბლოკით წარსდგებიან:

_ ჩვენი უმთავრესი მიზანი იყო, რომ ვირუსი არ გავრცელებულიყო. ამიტომ, მედიკოსების ყველა რეკომენდაციას ვითვალისწინებდით და მოსახლეობას მოვუწოდებდით, სახლში დარჩენილიყვნენ, თუმცა დღეს მიგვაჩნია, რომ ბევრი რამ გადაჭარბებულია. ამის გამო, ჩვენი ქვეყნის მოსახლეობას პრობლემები ექმნება და ამიტომ, მივმართავთ ხელისუფლებას კონსტრუქციული წინადადებით, რომ ნელ-ნელა, ქვეყანა ცხოვრების ჩვეულ რიტმს დაუბრუნდეს. ხალხი უკიდურეს გაჭირვებაში ჩავარდა _ მას რეალური დახმარება სჭირდება და უნდა არსებობდეს ანტიკრიზისული გეგმა, თუ როგორ უნდა შეიქმნას ახალი სამუშაო ადგილები. საამისოდ კი ბიზნეს-სექტორს მნიშვნელოვანი დახმარება სჭირდება. საერთოდ, ახალი შესაძლებლობები ყველა კრიზისის შემდეგ ჩნდება და უკეთესია, თუ ჩვენი ქვეყანა ამაზე ფიქრს, რაც შეიძლება, მალე დაიწყებს. 

_ ბატონო დავით, ხელისუფლებამ უკვე შექმნა ანტიკრიზისული გეგმა, რომელშიც ბიზნეს-სექტორის დახმარებაცაა გათვალისწინებული. 

_ ეს ანტიკრიზისული გეგმა არაა. ამ გეგმაში ვერ ვხედავთ, როგორ შეიქმნება სამუშაო ადგილები და როგორ გახდება ჩვენი ქვეყანა მიმზიდველი, რათა საქართველოში ბიზნესმა ახალი სიცოცხლე შეიძინოს. არადა, შეიძლება, ამ კრიზისის ფონზე, ქვეყანაში ახალი დარგები და სფეროები განვითარდეს, მაგრამ ამ მიმართულებით ხელისუფლების ხედვას ვერ ვამჩნევთ. 

რაც შეეხება ჩვენს გეგმებს, მიუხედავად იმისა, რომ ამ პანდემიამ და კრიზისმა პოლიტიკა თითქოს უკანა პლანზე გადასწია, ეს პროცესი მაინც მნიშვნელოვანია, რადგან ვხედავთ, რომ ჩვენი მოსახლეობა ისე არ ცხოვრობს, როგორც ეკადრება და ეს მთლიანად ხელისუფლების სინდისზეა. ამიტომ, მნიშვნელოვნად მიგვაჩნია ამ ხელისუფლების შეცვლა მშვიდობიანად, საარჩევნო გზით. სანამ პანდემია დაიწყებოდა, იცით, რამხელა ქარ-ცეცხლში გაატარეს საქართველოს ხელისუფლება ქვეყნის შიგნით და გარეთაც. მან გარკვეული ვალდებულებები აიღო საერთაშორისო მედიატორების წინაშე და ეს უნდა შესრულდეს. ვგულისხმობ საარჩევნო წესის შეცვლასა და იმ პირების გათავისუფლებას, რომლებიც პოლიტიკური ნიშნით არიან დაკავებულნი. 

_ პოლიტპატიმრები ახსენეთ და, რამდენიმე თვის წინ, საპყრობილე თქვენმა ყოფილმა თანაგუნდელმა, შს ექსმინისტრმა დატოვა. ვანო მერაბიშვილი არჩევნებში ნაციონალური მოძრაობის გვერდით იქნება, თუ ისევ შემოგიერთდებათ, რა როლს შეასრულებს ხმების მიღების თვალსაზრისით? 

_ უნდა გავაცნობიეროთ, რომ ახლა ჩვენ ხმებსა და საარჩევნო მანდატებს არ ვითვლით, ჩვენი უპირველესი ამოცანა ხელისუფლების ცვლილებაა. 

რაც შეეხება ვანო მერაბიშვილს, ძალიან მნიშვნელოვანია, რომ მან გადაწყვიტა პოლიტიკური ცხოვრება, ოპოზიციაში იქნება და თავის გამოცდილებას ხელისუფლების შესაცვლელად გამოიყენებს. დღეს პარტიული ხაზები ძალიან პირობითია, მაგალითად, ჩვენი ერთ-ერთი, ყველაზე დიდი მოწინააღმდეგე ირაკლი ოქრუაშვილი, ასევე, საპრეზიდენტო არჩევნებში ჩვენი მოწინააღმდეგე კანდიდატები _ შალვა ნათელაშვილი, დათო ბაქრაძე და სხვები, დღეს, ერთი მაგიდის გარშემო ვსხედვართ. პოლიტიკა ხომ „გათიშე და იბატონე“-ს პრინციპია და ჩვენ მოვახერხეთ, გადავლახეთ პირადი დაპირისპირება... 

ვანო მერაბიშვილის როლი წაადგება საერთო საქმეს. ყველა პერსონას, ვისაც პოლიტიკაში ყოფნის სურვილი აქვს, ამის ლეგიტიმაციას ქართველი ხალხი აძლევს. პოლიტიკური ველი გახსნილია, როგორც ბევრი ახალგაზრდისთვის, ასევე, გამოცდილი პოლიტიკოსებისთვისაც. 

_ მერაბიშვილს სააკაშვილის ხელისუფლების ხერხემლად მიიჩნევდნენ, თუმცა ეს მითი, როგორც ჩანს, დაიმსხვრა. ამასთან, სააკაშვილი უკრაინაში აგრძელებს პოლიტიკურ მოღვაწეობას ანუ გამოდის, რომ არჩევნებს ამ მნიშვნელოვანი პოლიტიკური ფიგურების გარეშე ხვდებით? 

_ სააკაშვილი ნაციონალური მოძრაობის ხერხემალი არასდროს იყო, ის ყოველთვის პარტიის დამფუძნებელი და ლიდერი იყო, რომელთან ერთადაც, ჩვენს ქვეყანას არაერთი წარმატებისთვის მიუღწევია. ის რამდენიმე დღეში, საკმაოდ მნიშვნელოვან თანამდებობას დაიკავებს უკრაინის ხელისუფლებაში. სააკაშვილი იმ ადამიანის თანამებრძოლი იქნება, ვისაც მართლა სურს, უკრინა შეცვალოს დემოკრატიული გზით, ესაა პრეზიდენტი ზელენსკი და ეს წაადგება ჩვენს ქვეყანასაც. რა თქმა უნდა, სააკაშვილს ბევრი საქმე ექნება უკრაინაში, თუმცა ის, როგორც აქამდე, გამოცდილებიდან გამომდინარე, რჩევებს გაუზიარებს ნაციონალურ მოძრაობას. 

_ უკაცრავად, მაგრამ რჩევის მიცემა და პოლიტიკის კეთება სხვადასხვა რამეა. სააკაშვილი აცხადებდა, ჩამოვალ საქართველოში და ხელისუფლებას შევცვლიო, მაგრამ მოულოდნელად, უკრაინის პოლიტიკაში დაბრუნდა... 

_ ძალიან სამწუხაროა, რომ მიხეილ სააკაშვილს, ჩვენს ქვეყანაში რეალური პოლიტიკის კეთების საშუალება, უკანასკნელი 7 წელია, არ ეძლევა. დისტანციურად გავლენის მოხდენა ძალიან რთულია, თუმცა ეს მაინც ხდებოდა, რადგან მიხეილ სააკაშვილს აქვს ავტორიტეტი ჩვენს ქვეყანაში. გეთანხმებით, რომ დღეს ვითარება იცვლება და მისი დროის დიდ ნაწილს უკრაინაში საქმიანობა წაიღებს, თუმცა პარტიის მართვაში სტრუქტურულად და ყოველდღიურად აქამდეც არ იყო ჩართული. 

ნაციონალური მოძრაობა სხვა პარტიაა, ვიდრე 2012 წლამდე იყო. ბევრი ახალი წევრი შემოუერთდა, პარტიის თავმჯდომარე, გრიგოლ ვაშაძე, 2012 წლამდე პარტიაში საერთოდ არ ყოფილა. პოლიტსაბჭოს თავმჯდომარე, ნიკა მელია კი 2008 წელს, ნაციონალური მოძრაობის მოწინააღმდეგე იყო. პარტიის პოლიტსაბჭოს 80% ის ადამიანები არიან, რომლებიც 2012 წელს, ნაციონალური მოძრაობის წევრები არ იყვნენ. ყველაფერი ეს, ჯანსაღი პროცესია და დღეს ეს ადამიანები ახალი ენერგიით ქმნიან პარტიის ძირითად ბირთვს. 

რაც შეეხება მიხეილ სააკაშვილს, მიუხედავად იმისა, რომ ძალიან მაღალი თანამდებობა ექნება უკრაინის ხელისუფლებაში, თავისი გამოცდილებითა და რჩევებით, კანონის ფარგლებში, აუცილებლად მოახერხებს ნაციონალური მოძრაობის დახმარებას, რაშიც ჩვენი უკანასკნელი საუბარი მარწმუნებს, რომელიც რამდენიმე საათის წინ მქონდა. 

_ ასეა თუ ისე, ფაქტია: მიხეილ სააკაშვილმა აირჩია უკრაინის პოლიტიკა და არა - საქართველოსი! 

_ მისი თავისუფალი არჩევანი რომ ყოფილიყო, დარწმუნებული ვარ, ქართულ პოლიტიკაში სრულფასოვან მონაწილეობას აირჩევდა, მაგრამ მოცემულ მომენტში, რეალობა განსხვავებულია. 

_ ბატონო დავით, ოპოზიცია პანდემიის გამო აღარ ჩანს. მაჟორიტარ კანდიდატებთან დაკავშირებით შეთანხმება ისევ ძალაში? 

_ ხელისუფლებისგან განსხვავებით, რომელიც ფარისევლურად იქცევა და პანდემიას პოლიტიკური მიზნებით იყენებს, ჩვენ ყველა წესს ვიცავთ! ისე, ყველა ოპოზიციურმა პარტიამ და უფრო მეტი იმან უნდა დათმოს, ვინც მეტად ძლიერია... 

_ მაგალითად, თქვენმა პარტიამ რა უნდა დათმოს ოპოზიციის ერთობაში? 

_ მიუხედავად იმისა, რომ რეიტინგი მეტი გვაქვს, მზად ვართ, ისე ვისხდეთ, როგორც ჩვეულებრივი წევრები ერთობის გარშემო და ჩვენი ელექტორალური და მატერიალური რესურსი დავახმაროთ პარტიებს ამა თუ იმ ოლქში, რომელთაც ექნებათ გამარჯვების რეალური შანსი. 

_ პარტიები საარჩევნოდ ნაციონალური მოძრაობასთან დაბლოკებას ხომ არ გეგმავენ? 

_ ბევრ არჩევნებში გასული ვართ ბლოკის სახით და ამ არჩევნებშიც ასე ვაპირებთ. სწორედ ამიტომ არ უნდა ხელისუფლებას ბლოკების დაშვება, რადგან იცის, რომ მოვახერხებთ დიდი საარჩევნო გაერთიანების შექმნას, რომელიც „ოცნებას“ დაამარცხებს! 

_ რომელი პარტიები აპირებენ თქვენთან დაბლოკებას? 

_ ფორმატში _ „ძალა ერთობაშია“ შემავალი პარტიები, ასევე, კონსულტაცია გვაქვს რამდენიმე პოლიტიკურ ძალასთან და კანონმდებლობის გათვალისწინებით, ვაპირებთ დიდი საარჩევნო ბლოკით წარვსდგეთ ამომრჩევლების წინაშე. 

_ შეიძლება, ევროპულ საქართველოსთანაც გაერთიანდეთ? 

_ ბლოკის გარდა, მეორე პროცესია კოორდინაცია ოლქების მიხედვით. ევროპულ საქართველოსა და ლეიბორისტულ პარტიასთან დაწყებული გვაქვს ურთიერთობა კანდიდატებთან დაკავშირებით. დანარჩენ პარტიებთან კი საარჩევნო ბლოკით გასვლას ვაპირებთ.

თათია გოჩაძე

]]>
versiaprinti@yahoo.com (super admin) პოლიტიკა Wed, 06 May 2020 09:38:26 +0400